خمس حاجات هتخليك تعيش حياة اطول

السلام عليكم ورحمه الله وبركاته. بسم الله الرحمن الرحيم. عشان ربنا يبارك لنا في الفيديو. وازيكم يا أصيع وأجمد وأحلى وأركز ناس في العالم.

الفيديو بتاع النهارده أنا هقول لك على خمس حاجات. عشان برضه نكمل السلسلة بتاعة الخمسة. خمس حاجات هنعتبرهم مهارة. اللي أنت لما بتمارسهم يبقى معناها إن هي ممكن حاجة تكتسبها، حاجة تتعلمها، تبقى حاجة في حياتك إن شاء الله هتخليك تعيش أطول وتخلي جسمك يعيش أطول وتخلي وظائف جسمك تعيش أطول بمشيئة الله.

طبعًا عشان نقدم المشيئة. عشان كده ممكن ربنا قالها صريحة. قالها للرسول عليه الصلاة والسلام: "إنك ميت وإنهم ميتون". اللي هو أنت فاهم مش عايزين حوارات كتيرة في إن أنت مش هـ. إحنا عايشين للأبد. أنا برضه بقول لك الحتة دي عشان الحاجات اللي إحنا هنتكلم عليها النهارده حاجات ممتازة وهتخليك إن شاء الله لما تعملها تحس بفرق رهيب في حياتك. بس لما تتوكل على ربنا 100%. ترمي توكلك عليه كله. اللي هو خد يا رب أهو. أنا ماشي. بس خد اللي هو إيه؟ قلقي، توتري، خوفي من المستقبل.

أول ما بتبتدي تفتكر إن أنت اللي هتبقى تبقى باللي أنت بتعمله هتوصل لحاجة. لا هو مش باللي أنت بتعمله. أنت ممكن مش بيجي لك أوك. تفضل تطحن نفسك في حاجة وما تجيبش مجموعة في ثانوية عامة. إزاي وتقعد تنهار؟ هل ده يعني ما كانش مكتوب عليك إن أنت هيحصل؟ لا هيحصل. بس أنت امتحنت نفسك وعرفت نفسك في الطريق. لكن ربنا قال لك: "توكل عليا". مالكش دعوة قدام. كده اللي مكتوب لك مكتوب لك أحسن حاجة. ما تشغلش بالك بالكلام الفاضي. وإن أنا مجهودي هو اللي عمل والكلام ده كله. إنه الموضوع مش في إيدك. كل ما تسلم هترتاح. كل ما تفتكر إن أنت لا الدنيا أكبر منك بكتير فتخلي بقى الكبير بقى اللي أكبر منك يشيل عنك. يشيل عنك كل حاجة.

نبدأ بأول مهارة. أول حاجة قلتها في فيديوهات قبل كده كتير. أول حاجة في مهارة كده اسمها إن أنت تعرف تفصل. بقى عندك هنا زحمة ذهنية. كلتر. كأنك جبت عارف لما تخش الأوضة عندك وتلاقي الهدوم اللي هي على الأرض والـ والشراب في حتة. وتلاقي الشراب مقلوع ومش نضيف ومش مغسول ومحطوط مش محطوط في سبت الغسيل. والسرير بتاعك مش متروق والكلام ده كله. دي زحمة ذهنية. ما تدوش ومش عارف يفكر ومش شايف اللي هي بيقول عليها كلاريتي وضوح. إن في زحمة في دماغهم. لو في دوشة هنا كل اللي تحت ده. كل ده. كل ده بيتضرب. خلاص بتحس على طول أنت تعبان ومنهك والكلام ده كله.

واللي بيزود الحاجات اللي فيها زحمة الموبايل. التيك توك. الفرجة على الحاجات. لأن هي بتخليك تفكر كتير. واو. مخك بيفضل شغال شغال شغال قاعد بيبروسيس حاجات حاجات حاجات حاجات حاجات. فيبقى على طول كأنه محطوط في الكوبس 24 ساعة. إزاي ممكن أتخلص من ده؟ مبدئيًا أنا بقول لك اللي أنا بعمله. أول حاجة المكان اللي أنت بتقعد فيه. سواء بتذاكر. سواء بتـ. قبل ما تنام. سواء لما تصحى الصبح في شغلك. حاول تخلي حواليك في دنيا متروقة. مثلًا مبخرة صغيرة بتحط فيها شوية بخور صغيرين كده يعملوا لك ريحة حلوة. تطلع هنا تلاقيها تحسو. [تصفيق] حاول الصبح زي ما قلنا في الفيديوهات اللي فاتت. أول ما تصحى تاخد خمس دقايق كده 10 دقايق صمت. ما تفكرش في حاجة. كل أما مخك تغمض عينيك بجد مش ببالغ. وأنا بقول لك اللي أنا بعمله. تغمض عينيك. إن شاء الله كل ما تحس إن الدنيا اتزحمت في اليوم. إن شاء الله في الحمام. تخش الحمام. لو أنت ما بتعرفش تقعد في حتة هادية. خش الحمام. اقفل الباب. ظبط على موبايلك ألارم خمس دقايق عشان الناس ما تقلهوش عليك بره. خمس دقايق تغمض عينيك وتـ. تسكت خالص. كل أما مخك يحاول يروح. طب خلي بالك الشغل هيكلمك. مش عارف إيه. طب المسدج اللي قول له شـ. ركز في نفسك. واقعد خمس دقايق 10 دقايق في صمت تام. من غير موبايلك. من غير أي حاجة. اعمله أير بلين مود. خمس 10 دقايق. حاول تعملهم قبل ما تنام. أول ما تصحى. في وسط اليوم لو الدنيا اتزحمت وعايز تريلاكس شوية. والصلاة هو المفروض ده دور الصلاة. أنت بتفصل وبتركز بينك وبين الخالق. وبعد كده بقى ارجع للأكشن بتاعك في اليوم عادي.

أني مهارة. ودي حاجة مهارة إن أنت يكون عندك فضول. أي حاجة بتطلع في طريقك. مش أول ما حاجة بتتقال تقول إيه ده يا عم ده زي اللي أنا ما عرفته. دايما خلي عندك قبل ما تتكلم تفكر. تسأل. هو ده عبارة عن إيه؟ أنت اشمعنى اخترت ده؟ هو ده أحسن في إيه؟ لو اخترنا ده أو ده تفتكر إنهي اللي يكسب. يعني ما تبدأش دايما. ما تبقاش دايما إن أنت عايز تقول المعلومة. مش شرط. لو حاجة ظهرت قدامك ايا كانت إيه. اديها فرصة. اسمعها. اعمل كده مع أشخاص. اعمل كده مع حاجات بتتفرج عليها. موضوع شدك اتفرج عليه. مش شرط تكون إن أنت عايز توصل منه. مش كل حاجة لازم تترجم بفهم فايدة. لا الفايدة في المعرفة. خلي مخك. لأن ده بيفرق قوي في مخك. كل أما تقرا أو تتعلم حاجة جديدة. في لمض. كأن في ليدات جوه دماغك بتنور. كل ما تعرف حاجة جديدة. ما فيش أي حاجة بتكسبها أو بتكتسبها معلومة. مهارة. كل الكلام ده ما بيضعش. بيتحط في مخك. أولًا كده بيفرفش مخك في ساعتها في وقتها. وبعد كده ممكن تلاقي المهارة دي أنت بعد ما تشتغل حاجة أو كده. الطريقة اللي اتعلمت بيها المهارة أو المعلومة دي ممكن تطـ. بتطبق بس الحاجة اللي أنت بتعملها مختلفة. الشغلانة اللي أنت بتعملها مختلفة. بس البروسيس أو العملية اللي أنت كنت اتعلمتها في مهارة معينة أو عرفت عنها هتلاقيها بتطبق في حاجة تانية. دايما خلي عندك فضول. ما تعتبرش نفسك جبت التايهة وعارف كل حاجة. الموضوع ده مشكلة كبيرة.

ايه النظارة دي من مثلًا 2016 5 2014 حاجة كده. وأصيع فورمة. طبعًا بقى لها فترة رهيبة. طبعًا هسيب الحاجات بتاع براند اللينك بتاعها تحت الفيديو عشان تجيب بقى حاجات لدقنك ولشعرك وتلبس التيشيرت دي فاهم. ولو عايز تعمل فورمة هتلاقي لينك الكوتشينج تحت الـ. ولو عايز نتكلم في مواضيع تخصك عشان حياتك تبقى أحسن وننظم حياة بعض والكلام ده كله. عندك مشاكل عاطفية بتاعك. برضه رقم الواتساب تحت الفيديو. يعني نظبط عشان هنا وهنا كلك على بعضك إن شاء الله تبقى مرتاح.

الحاجة يعني هي بقول لي هي مهارة من أهم الحاجات اللي أنا بشوف إن هي بتخليك تخليك تحس إن أنت عايش. إن أنت يكون عندك معنى للحياة. حاول دايما تبقى مثقف وتسمع. زي ما كنت بقول لك في النقطة اللي فاتت. أنت عندك فضول. وحاول تخلق لنفسك فلسفة. فلسفة مش بيض. يعني مش اللي هو تقعد تتفزلك أو تتفلحس أو تفهم تعمل فيها الفاهم. لا بالعكس كده. ما بقتش فيلسوف. بس حاول فكرة إن يبقى عندك فلسفة بتتبني من تجاربك. قراياتك. معلوماتك اللي بتجمعها. فضولك. فبتبتدي تخليك تجمع نظريات عن نفسك وعن الحياة. مش بتسمع الحاجات وتطبقها وتبقى يعني تاخد حاجات زي حد وتنفذها زي ما هي وكده. لا اسمع. دور لنفسك على فلسفة. اتفلسف عادي. بس أهم حاجة اتفلسف بتواضع عشان ما تبقاش بيض. أنا بقول لك وبقول لنفسي. اتفلسف وأنت مراعي. يعني أنت لو أنت عايز تقول لحد وجهة نظرك. اسمعه عشان تفهم هو وجهة نظره إيه. وخد رأيه في فلسفتك. مش بتاخد رأيه عشان يقول لك رأيه في فلسفتك بس. قول له كده شاركه في فلسفتك. فأنتم الاثنين تتعلموا مع بعض من فلسفة بعض في الحياة. ده اللي أنا بعمله مع أصحابي. أنا بسمع منهم. بكلمهم عشان أحس إن أنا عايز أتعلم منهم حاجات. لأن أنا بشوفهم إن هم جامدين في حاجات. فلما بخش أتكلم معاهم في حاجة بقول له أنا بص بحس كذا كذا. أنت إيه رأيك؟ عايز أسمع رأيك أنت في في النقطة دي أو في في الموضوع ده. التوبيك ده. ممكن يقول لي حاجة. أقول له يعني أسود. أنا ما كنتش شايفها كده. إيه الجمال ده.

وفكرة المعنى كمان بتبان لو أنت ليك بيربس. بيربس يعني عارف اللي هو بيقول عليه هدف في الحياة. هدف في الحياة دي. الكلمة تبان كبيرة. بس هدف في الحياة دي ممكن أنا من وجهة نظري. مش إن أنت تعمل حاجة وتنجح وتقول يا ابني اللي عيون عملتها. لما توصل للحته دي هتحس إن أنا عايز يبقى لي دور في الحياة. فمش شرط تكون نجحت أو وصلت لحاجة. أنت ممكن يبقى لك دور في الحياة إن أنت بتفرق في حياة حد. في حاجة بتعمل حاجة للدنيا. للحياة. لربنا. مش مستني مقابل. إزاي ممكن تعمل ده؟ أي حاجة تعرفها. أي حاجة تقراها. أي حاجة تتعلمها. شاركها مع حد. قولها لحد. شوف حد حواليك ممكن يكون محتاج حاجة. قول لي لو محتاج أساعدك في حاجة. قول لي ممكن أساعد فيها إزاي؟ حاول تخلي يبقى ليك دور في في الدنيا. دور مفيد في الدنيا. مش شرط دايما اللي هو دور بتاعك إن أنت تنجح وتعمل فلوس. ده بيخلي الموضوع ضعيف. يعني بيخليك اللي هو فاهم مع الدنيا. لكن أنت اركبها. اركب دي. استغفر الله العظيم يا رب.

رابع حاجة طبعًا هقولها لك. يعني في فيديو أنا عملته اسمه الذكاء العاطفي. بس الموضوع بتاع الذكاء العاطفي إن أنت يكون عندك المهارة دي. إن أنت بتعرف تشوف مشاعرك. تشوفها قبل ما تخليها تتصرف. ما تبقاش بتحركه. هي اسمها إيموشنز. عواطف. بتديلك. بتخليك تاخد أكشن. حاجة بتحسها بتخليك تاخد أكشن. موشن. حركة. سلوك بسبب حاجة أنت حاسسها. كان في دي حد اسمه. يعني راجل محترم اسمه عبد الرحمن. قال لي ما تعمل ورشة أو كده محاضرة أو حاجة عن الرجل العاطفي. لو دي حاجة ممكن تبقى بالنسبة لكم يعني حلوة ظريفة. قولوا لي في الكومنتس برضه عشان ممكن نعمل لها محاضرة كده مع بعض ونتكلم فيها مع بعض. إزاي ممكن لو أنت في موقف. هقول لك دي هقولها لك في. أنت ممكن تشوف الفيديو اللي قلت لك عليه بتاع الذكاء العاطفي. بس هقول لك في حاجة سريعة. إزاي ممكن تعرف إن أنت لما تتحط في موقف. يعني دايما في في راجل كده مش فاكر كان كتاب اسمه إيه. قال لك بين الحاجة اللي اتقالت وبين الشخص اللي قدامك إن أنت ترد عليه في مسافة. المسافة دي هي دي اللي بتفكر فيها. أنت هتقول إيه في الموقف ده. فـ. أنا إزاي في أوقات ممكن الموضوع يبقى ماشي بسرعة. أنا مش ملاحق إن أنا أتحكم في مشاعري خلاص أو أفكر فيها عشان أعرف أرد مظبوط. فدايما بسأل سؤال. ما بردش. يعني أقول له آه فهمت وجهة نظرك. ممكن تشرح لي الحتة دي تاني. يعني أنت قصدك إيه؟ أنت إيه اللي خلاك تضايق من الحتة دي أو إيه اللي ضايقك في كده عشان مش واخد بالي. أسأل سؤال عشان أنت بينك وبين نفسك اللي هو تعمل عشان تهدى. لو شفت الشعور بتاعك اللي أنت حسيته اللي هو إيه ده. أنا ابتديت أتعصب. هتعرف دي. ده من أقوى الحاجات في العالم إن أنت تشوفها. لو شفتها أنت تعرف. المرة الجاية هتعرف تتحكم فيها. لو ما عرفتش تتحكم فيها أول مرة.

آخر حاجة. بص أنا يعني بشوفها إن هي إيه حاجة حلوة في الحياة عامة. إن أنت تشوف الحياة بشكل لايت خفيف. ما تديهاش أكبر من حقها. ما تديش الظروف أكبر من حقها. أنا عارف إن الموضوع ده مش مش سهل. بس أقسم لك بالله إن أنا كنت بشوف ناس واشتغلت معاهم. الاثنين عندهم نفس السن. والاثنين عندهم مسؤوليات أكبر بكتير. يعني اللي كان عندهم مسؤوليات وظروف وـ. اسمه إيه؟ أقساط وـ. وناس ومرتبها مش كبير خالص. بس بتشوف ده بيشوف الدنيا إزاي وبياخدها إزاي. وده بياخدها إزاي. والله العظيم ثلاثة. واحد تفتكر إن هو عنده 40 سنة. وواحد تفتكر إن هو عنده 80 سنة. والله العظيم مش ببالغ. إزاي ممكن تاخد الحياة بشكل خفيف. زي ما كنا بنقول في الفيديو الأولاني. كل ما يظهر أي حاجة في حياتك كبيرة أو صغيرة. يعني أنا بعد ما أصور الفيديو أقول بعد ما أخلص أقول الحمد لله يا رب إن أنت أدتني كل الإمكانيات دي. إن أنا أعرف أقعد وأصور فيديو. إن أنا عارف أصلًا عندي نت. أعرف أطلع الفيديو. شكرًا. اللي هو في حاجات ما تاخدهاش كده على الطيار. أي حاجة اللي هو إن أنا عارف أقعد أصلًا وعارف أتكلم وعندي إيدين. كل الحاجات دي حاجات رهيبة. فأنت سهل قوي تفضل طول الوقت تشكر. الشكر والامتنان ده بيخليك فاهم. وربنا كمان بيقول لك: "اشكرني أزدكم". فدي أدتك تريك أهو. أدتك تيب. طريقة تعرف تاخد تشيت. أدتك تشيت.

وزي ما أنا بقى بشوف ناس كتيرة. الحتة اللي بقول لك عليها بتاعة الضحك دي. الناس بتاخد الحاجات أو يعني أي ظروف. البنزين زاد. فتلاقي حد راح عامل هزار. فالناس بتضحك قوي على الموضوع. يعني في ناس بتبقى في فرق بين إن أنا بقول باخد الموضوع بشكل خفيف. أو أضحك عليه. وفي فرق بين أنا أكون ساخر وقليل الأدب ولساني طويل ومزعج. فـ. أنت عايز تبقى أنهي؟ يعني أنا هسيبك أنت ترد على السؤال. مش عايز إن أنا فاهم أقول لك تبقى أنهي فيهم. بس أكيد إن أنت تاخد الموضوع بشكل اللي هو تضحك على الموضوع وتريق عليه والكلام ده كله بيبقى أسهل وأحلى من أنت تبقى قليل الأدب وتتريق على حد بشخصه وتعمل فيديوهات رياكت والكلام القذر ده. إن أنت تجيب حد وتقعد تتريق عليه وكده عشان الناس كلها تضحك عليه. وبس كده. شكرًا يا جماعة. فرجتوا. أتمنى الفيديو يكون لذيذ بالنسبة لكم. وإن شاء الله تعيشوا 100 سنة وأنتم مرتاحين ومبسوطين. أشوفكم في الفيديو الجاي. سلام.