السر الخفي وراء ضعف إرادتك وفشلك المستمر | الحل النهائي لضعف الهمة وغياب التوفيق | حازم ابو اسماعيل

الحل بسيط، اللي هو. وصدقوني، قبل ما أقول لكم الحل، ما فيش حل غير كده. أنتم كذابين، وأنا كذاب، ومجتمعنا كذاب إذا لم يتعلم أنه لما يحب يعمل حاجة، يعملها بجد. إنما تقعد تسمع ويعجبك الكلام، ولما تيجي تطبقه تقول مش هينفع. لذلك، اللي هقوله لك ده شيء سهل جدا، دلوقتي بديل بس سهل تعمله. أنت مش قاعد تتدارس عشان تسمع معلومة علمية هتروح تقولها في درس بكرة في حتة تانية. أنت شيلوا الكلام ده من ذهنكم خالص. أنت بتتكلم الوقتي عشان تبقى من الذين يستمعون القول فيتبعون أحسنه. لازم تتعودوا أن نتبع، ننفذ، نطبق.

الحل بسيط، وهو أن أنا ما دام عرفت أن هي دي البيئة اللي أنا طالع منها، وده نبت مجتمعي، أن أنا أغير البيئة. أغير أن الشيء اللي أنا نبتدت منه لازم أغيره. ده لازم. ما ينفعش أباء ابن. طبعًا جزى الله آباءنا كل خير، بس أنا بتكلم بصفة عامة. ما ينفعش أبقى ابن أبوي، وابن أمي، وابن عمي، وابن خالتي، وابن جيراني، وابن مجتمعي، وجاري اللي فوق سمعته بيتخانق مع جاره اللي جنبه عشان كل واحد منهم عايز متر زيادة. لا متر ناقص. لازم أشيل البيئة دي خالص. شكرًا جزيلاً. وأصنع لنفسي بيئة جديدة لا تأمرني إلا بخير.

يا عم الشيخ، قول كلام عملي. أجيبها منين البيئة الحلوة اللي لا تأمرني إلا بخير؟ ده الصالحين نفسهم مش كتير. ده أنت حتى المشايخ، يمكن لما عرض عليّ 1000 شيخ، يعجبني 10 وما يعجبنيش الباقي. جايز. أجيبها منين البيئة الحلوة دي؟ ولذلك، ده طبعًا الكلام ده أنا بقوله من غير رد بس عليه دلوقتي. يعني أنا لا أقصد إقراره، إنما بقول لك اللي بيتقال. لازم تصنع بيئة أخرى.

أنا هقول لك إيه هي البيئة دي. البيئة دي يا إخواني مش البشر، مش الناس اللي أنا عايش بينهم. أنا محتاج أخرج بنسبة ما من الحياة اللي أنا عايش فيها دي، وأعمل لنفسي بيئة أخرى خيالية. سمعت واحد مرة من الجماعة يعني المبدعين يعني يقول إيه؟ يقول عالم نجيب محفوظ، عالم توفيق الحكيم، عالم طه حسين. جو الأيام، جو الثلاثية، جو كذا. نحن مش معقول الناس تتغنى بالقصاصين، ومنهم المنحرف، ومنهم اللي مش منحرف. ولا أتغنى. لا أتغنى بـ ديني بمنهجي. عشان كده أنا عايز الناس تعيش الجو بمعايشة خمس أشياء. خمس أشياء. هتعيشهم إزاي دول؟ دول حاجات مش موجودة في المجتمع بتاعنا.

أول حاجة: تعايش الرسول عليه الصلاة والسلام. أول حاجة. مش ده النموذج؟ ولا بنكسب؟ ولا لقد كان لكم في رسول الله. حضرتك عاجبك جمال عبد الناصر، وأنت عاجبك كارل ماركس، وأنت عاجبك سعد زغلول، وأنت معجب بمصطفى كامل، وأنت معجب بفلان، وأنت معجب بفلان. طيب، هل أنت صادق في أنك مسلم؟ فتريد أن تعرف محمدًا صلى الله عليه وسلم، الزعيم، القائد السياسي، الإمام، القدوة، الرسول، النبي، الحاكم العادل، المربي، الداعية؟ هل أنت صادق؟ طب بس لو سمحت، أعرفه إزاي؟ آه، شوف بقى هي الوسائل. أما سيديهات، أما شرايط كاس، أما كتب وكتيبات. انزل يومين ثلاثة في السوق، أروح المكتبات، أنقي حاجات. أما أما أما. لأن أنا مش مطلوب مني أقرأ مقالة عن الرسول. ده أنا عايز أقرأ الحواديت بتاعته. القصص. واحدة عملت إيه هنا، عملت إيه هنا، عملت إيه لحد ما اتوحد مع قصصه. أيها الإخوة، هذا إعلان مهم. المقصود بالمعايشة أنك لما تسرح، تجد نفسك سارح في عالم النبي عليه الصلاة والسلام.

خمس حاجات:

1. أن تعايش النبي صلى الله عليه وسلم بالتفاصيل، وأن تتدارس القصص وتتأثر به وتفهم معانيه.

2. نمرة اثنين: أن تعايش الصالحين. الصالحين قصص الصالحين قراءة برضه واستماع برضه. يعني السلسلة دي عن الصحابة، السلسلة دي عن التابعين، السلسلة دي عن واحد كاتب. ناس لقيتهم وبنشوف ناس كثير من الصالحين في حياته موجودين. اقرأ عن الصالحين وعن الصلاح.

3. الشيء الثالث اللي تقرأ عنه. يبقى قلنا تعايش الرسول عليه الصلاة والسلام، تعايش الصالحين.

4. تعايش الآخرة. تعيش عيشة الآخرة. هو أنا هيحصل لي إيه على الميزان؟ هيحصل لي إيه على الصراط؟ هيحصل لي إيه؟ هيحصل إيه للناس اللي على الأعراف؟ الشبابيك اللي في على الصور اللي بين الجنة والنار. ده هيحصل إيه يوم البعث؟ هيحصل إيه لو أنا عليا دين؟ هيحصل إيه لو أنا صليت كويس؟ هيحصل إيه؟ هيحصل إيه؟ مش ما هو كلنا عارفين إجمالًا، اللي يعمل صالح هيخش الجنة، واللي يعمل سوء هيخش النار. ده ده كده ده كده الفساد. إذا إذا اقتصرت على الكلمة الثقافية النتيجة النهائية دون معايشة. وعلى فكرة، ده سبب الكارثة اللي احنا كلنا واقعين فيها، أن إحنا واخدين الدين على أنه معلومة زي المعادلة الكيميائية أو الجبرية 1 + 1 = 2. فبتاخدها كمعلومة، لكن ما فيش معايشة. إنما في بعض الأحيان، وأنا لا أنسى، عند شرح بعض الأحاديث المشهورة المتكررة، واللي بيشرحها نفسه لم يتمالك نفسه من شدة البكاء لما اكتشف فيها كل، مع أنه بيقولها كل يوم. إنما لما شرحها المعايشة. فأنت مطلوب تعايش الآخرة بمعنى تعرف منازل الآخرة، تعرف إزاي مين الناس اللي ستمد يد الرحمة إلى النار وتستخرجهم ويدخلون الجنة بأنهم عملوا إيه؟ اللي هيرحم أرملة. اللي لازم تعايش. وبالتفصيل تحكي الحكاية، وبعدين الصراط، وبعدين الميزان، وبعدين البعث، وبعدين الحشر، وبعدين الجنة، وبعدين النار، وبعدين يعني بالتفصيل. بعدين القبر. وبعدين تتكلم في تعايش. مش تاخد معلومات. سيادتك مش واخد معلومات عشان تروح تقولها بكرة في درس تبقى حافظها. لا يا بيه، ده الكلام ده اللي مضيعنا ومخلينا كلنا عاملين حاجة وظيفية. تعايشها حقيقة.

5. الشيء الرابع الذي يلزمك أن تعايشه: أن تعايش رب العالمين. الله. من هو الله؟ من هو الله؟ ده الكفرة ولا اللي دخلوا جهنم دخلوا لأنهم مش فاهمين كويس. قالوا وما رب العالمين؟ إيه ده؟ مين رب العالمين؟ وما قدروا الله حق قدره. طب حق قدره دي أجيبها أنا منين أنا شخصيًا؟ حق قدره. وما قدروا الله حق قدره، فدخلوا جهنم. طب وأنا هبقى حق قدره دي منين؟ ده محتاجة مني شغل جامد جدًا. ظنوا بالله ظنًا، فربنا قال: وذلك ظنكم الذي ظننتم بربكم أهلككم، أرداكم، ضيعكم. ظن. طب أنا عايز أحسن الظن بالله. أعرفه كويس. أعرفه إزاي؟ أعايشه. طب أعايشه إزاي؟ يا سلام. ده تفسير آيات القرآن اللي بتتكلم عن ربنا. الله لا إله إلا هو الحي القيوم. مش دي أشهر آية؟ قل هو الله أحد. مش دي أشهر آية؟ الحمد لله رب العالمين الرحمن الرحيم. مش دي أشهر آية؟ اقرأوا تفسير الآيات التي تتكلم عن الله. عايش رب العالمين عشان تحبه، عشان تعرف نعمه، عشان تعرف سابغ فضله، عشان عينك تدمع وتقول يا رب.

شوف الحاجة الخامسة: أنت تعايش. أنا قلت لك هو تعيش الرسول والصالحين من كل الأجيال، والآخرة، وتعايش رب العالمين. والحاجة الخامسة والأخيرة: تعايش قضايا الإسلام. شوف الناس اللي في الشيشان ولا في كوسوفو. اقرأ قصة اللي عملوه عشان تعرف أنك صغير قوي. شوف كشمير، شوف اللي حصل. شوف الأئمة الذين بعثوا الدعوة الإسلامية في بلاد الإسلام. عيش قضايا الإسلام.

صدقوني يا إخواني، لو أنك عايشت هذه الأمور الخمسة: الله ورسوله، وعباده الصالحين، والآخرة، وقضايا الإسلام، هتلاقي نفسك في بيئة مختلفة. يعني إيه بيئة مختلفة؟ أقول لك بقى. أنا وأنا سني 14، 15 سنة، راكب أتوبيس نازل من بيتي، راكب أتوبيس رايح المدرسة. والله العظيم لا هتلاقي نفسك بتفكر في بيتك ولا في الأتوبيس ولا في المدرسة. قاعد مسيطر على ذهنك مثلاً سعد بن أبي وقاص. أنت قعدت تقرأ عنه وتتدرسه وتعايشه، وقاعد تتناقش مع إخوانك لحد ما شعرت بعاطفة سعد بن أبي وقاص ده، أنه كان عاطفة جياشة، كأنها فرشة المدينة كلها. وعرفت عنه. تفضل عايش. هكذا توجد البيئة اللي تلاقي ذهنك بيتعلق بها، تلاقي أملك بيتعلق بها، تلاقي روحك بتتعلق بها. لو تعلقت بالصالحين، وبالرسول، وبالله عز وجل، وبالآخرة ومواقفها، ستعيش بيئة مختلفة. وأنت محتاج تعيش بيئة مختلفة عشان تلحق قلبك. لأنه القلب إذا فضل القلب ده عامل زي القطنة البيضا. واعملوا لو سمحتوا التجربة دي. مع أنكم عارفين نتيجتها. أنا عارف أنكم عارفين نتيجتها، بس لو سمحتوا اعملوها. اعملوها عشان تشوفوها. اعملوها، وأنا كمان هعملها إن شاء الله باذن الله. هات اشتري باكو قطن كده، قطنة بيضا، قطن طبي جميل، وبلها ميه، وحطها في طبق بنور، ولا طبق نظيف جدًا عشان اللي ما عندوش طبق بنور، طبق نظيف جدًا. وحطها. ستجدها. وسيبها لبكرة. هتلاقيها قاعدة تجد مع سواد القلب ده زي السفنجة على حسب اللي حواليها. وبعدين حط السفنجة دي في أوضة فيها مدخنين، وهاتها بكرة شمها، تلاقي ريحتها دخان. حطها في أوضة معطرة، وهاتها بكرة تلاقي رائحتها عطر. هي كده. القلب عبارة عن سفنجة. قطنة وضعتها في بيئة. فلا تعرض. إحنا عارفين البيئات المحيطة بينا. مش هينفع أعيش في وسط ناس وأنا مش قادر أعيش في وسط هذه الأمور الخمسة.

وهقول لكم سر خطير جدًا. أنتم عارفين الصحابة أول ما بدأت الدعوة الإسلامية، ليه كان قيام الليل فريضة عليهم؟ نص الليل أو اكت أو أقل شوية فريضة. فريضة. أقول لك ليه؟ لأن القرآن كان باللغة اليومية بتاعتهم، اللغة العادية بتاعتهم. فكان بالنسبة لهم فاهمينه قوي. لغته اللي بيتكلم كلم بيها. وفي نفس الوقت له متعة في بنائه اللغوي. أما تقرأ القرآن، هتلاقيه في هذه الأمور الخمسة يكلمك عن الله، يكلمك عن رسول الله، يكلمك عن أنباء الصالحين من الأمم السابقة، يكلمك عن الآخرة، يكلمك عن قضايا الإسلام. الكفار، المسلمين بيعملوا إيه في بعض. فهو لما يقعد طول الليل أو نص الليل يقرأ القرآن، هو بياخد مدة. مدة طويلة عاملة زي الفلتر، زي المصفاة. يعني بيصفي قلبه بأنه يسمع عن ربنا والرسول والصالحين والآخرة وقضايا الإسلام باللغة التي يحبها، بالموسيقى التي يحبها. فيخرج من الليل اللي قعد نص الليل، نص الليل ده لما يقل خالص، يطلع أربع ساعات. نصفه أو أنقص منه قليلاً أو زد عليه. ورتل القرآن ترتيلًا. يقعد أربع ساعات يتدارس كل ليلة. يا الله! مرة ثانية عشان إحنا بنحب أصلًا الدروشة والوعظ وخلاص. ده واحد بيقعد كل ليلة أربع ساعات يعيش عيشة الناس دول بدل عيشة مين؟ بدل عيشة قريش، بدل عيشة الكافرين، بدل عيشة المشركين. فيبقوا هم بره عندهم صاحبات الرايات الحمر، عاملين بيوت دعارة، وعندهم اللي بيشربوا خمر، وعندهم كذا. وأنا بدخل أربع ساعات أتدّارس. هو ده.

إذا كنتم ناويين بجد ننقذ قلوبنا عشان نعرف نؤسس عمل. عمل. إحنا مش عايزين نؤسس عمل يكرر انحرافات تاريخية ضخمة في تاريخ الإسلام والمسلمين. عايز تؤسس عمل. قدامك شعبان ورمضان. وشعبان ما أدراك ما شعبان؟ الشهر الذي يطلع سبحانه وتعالى اطلاعه السنوي سبحانه وتعالى عن الزمان. وإنما هكذا ترفع الأعمال إلى الله عز وجل في شهر شعبان من كل سنة. شهر عرض الأعمال على ربنا. ورمضان بعده. ادي هدول. دي شغلتك بقى. تقعد تبدل البيئة. تبدل البيئة. ما تقوليش البيئة اللي أنا عايش. ما هو دول اللي في شغلي. ما هو أنت قاعد مع مين؟ والله أنا بطول زيادة عن اللزوم. مالهاش لازمة. أنا عايز أخلص بس. على كل حال، أنا قاعد مع زملائي في العمل، ما ينفعوش. مع جيراني في السكن، ما ينفعوش. مع أبوي وأمي، على عيني وراسي، بس مش هو دي التربية الإسلامية اللي أنا عايزها. مع أصحابي في اللي بقف معاهم على الناصية، مش هم دول. أمال فين؟ منين بتجيب منين القطنة؟ منين الرائحة؟ تقاتي في السفنجة. فلازم يا إخواني تبدل. اعمل معروف، تبدل البيئة.

طب إمتى يا شيخنا هنعمل الكلام ده؟ يعني إحنا اتفقنا هنعرف إزاي الخمس حاجات دول عن طريق زي ما قلت لكم بقى الأسطوانات والسيديهات والدي في ديهات والكاسيتات والكتب والكتيبات والمدرسة والقعدة والجلسة. كل ده. طب إمتى؟ اه، مش بالصدفة ولا على حسب الظروف. لازم عن طريق الترتيب اللي بيسموه الوظيفة الصوفية. يسموها الوظيفة. يعني توظف نفسك عليها. اللي هي دوامه وإن قلّ. يعني إيه الوظيفة؟ يعني لازم تثبت الزمان والمكان. لازم تثبت الزمان والمكان. تقول لي أن أنا كل يوم بعد صلاة الفجر. وطبعًا يا ريت تبقى الكلام ده الصبح. الحقيقة لا. يا ريت. افرض بقى الصبح. لا ده أنا بصحى متأخر ويا دوبك ألحق الشغل. خلاص. يبقى بالليل. ليل قبل ما تنام. لا ده أنا برجع تعبان. اتصرف بقى يا أستاذ. أنت اختار الميعاد. مش أنا اللي هختاره لك. العصر، الصبح، الظهر. وبس. إيه بقى؟ وأنت فاضي؟ يعني إيه فاضي؟ يعني لما التليفون المحمول يرن مش هتشوف الشاشة؟ مين اللي مش مش هترد؟ لا. مش هتسمع جرس. لازم تبقى خالي. ما فيش حد ينده عليك. روح انزل المسجد 10 دقايق بين صلاتين، واقعد كده في جنب. لازم وقت خالي. في خلوة. فاضي. أو في مدارسة ومحدد. وما فيش لا موبايل بيرن، ولا ابنك بينده عليك، ولا والدك عايزك في حاجة. وإنما أنت بتقول لهم عن إذنكم، أنا رايح المسجد وهرجع. بين المغرب والعشاء. وتقعد بين المغرب والعشاء في مسجد لوحدك أو مع حد تتدارسه. النهارده سعد بن أبي وقاص، وبكرة برضه سعد بن أبي وقاص، وبعده برضه سعد بن أبي وقاص، وبعده بعد لحد ما نخلصه. وبعدين هنناقش سيدنا موسى ونتدارس. وبعدين موقف الحشر. وبعدين صفة الله الجليل. وبعدين قضية كشمير. وبعدين هكذا. إذا عاش الإنسان في هذه القضايا، نجا من بيئته.