Transcription
عارف ليه بقى صعب عليك تخلص الحاجة اللي وراك؟ دايما بتاجلها علشان دايما بتعملها موضوع كبير. توقعاتك ارتفعت جدا. شايف الناس قدامك بتعمل ايه؟ لمدة دقيقة واحدة في الريس، فتبرمجت تدور على أحسن وأعلى مستوى وتبدأ من هناك.
عايز تعمل أحسن تمرين، تلاقي أحسن مدرب، تشتري كل السُفلي من قبل ما تبدأ. عايز تاكل صحي وتبطل كل الحاجات المضرة من أول يوم. لازم تعمل جدول مدهش للأيام اللي جاية وإزاي الشهر ده كله هيبقى التزام. هتصحى في ميعادك، تتمرن في ميعادك، تشتغل زيادة، وكل عناصر يومك هتكون ممتازة.
ده غلط مرعب وهو سبب في شعورك الدائم بالتقصير والإحباط. وكل ده هيتحل بس لو قررت تتواضع. تذاكر ولو نص ساعة. هرد على كم إيميل المتأخرين دول بس وهقفل. حياتك أكون بسيطة إزاي لو بس بدأت بأقل حاجة بدون ما تكون عامل أقصى مجهود أو أعلى التزام في الدنيا؟
مش منطقي تتوقع من نفسك تلتزم من أول يوم زي الناس اللي ملتزمة بقى لها سنين. تتحرك دي مجرد بداية. مش هتفرق المهم اتحركت. ما تستناش أحسن لحظة وانت مخطط كل حاجة وجاهز جدا. تواضع وابدأ بأقل شيء وتحسن في الطريق.