Transcription
إذا قالت لك المرأة هذه الأشياء الخمسة، فنصيحة ابتعد عنها فوراً. لأنه استمرارك في هيك علاقة، على الرغم من هذه الأمور التي قد تكون مبطنة أحياناً، يعني مش دائماً الحكي أو الكلام الظاهر أو العلني، ولا حتى السلوك الظاهر والعلني، بيكون سلوك بالصدفة. أحياناً وراء بعض الكلام الذي يقال، خاصة في العلاقات العاطفية والاجتماعية، يكون هناك خفايا أو يخفي نوايا حقيقية من هذا الشخص تجاهك. لذلك، إذا قالت لك المرأة هذه العبارات الخمس، فنصيحة ابتعد عنها، لأنه استمرارك في هذه العلاقة سوف يشكل خطر على مستقبلك وعلى ثقتك بنفسك.
أول شغلة هي أي عبارة تتضمن إهانة لفظية. والإهانة اللفظية قد تكون شتيمة مباشرة، وقد تكون شتيمة غير مباشرة. كيف يعني؟ يعني الشتيمة غير المباشرة قد تكون استهزاء بقدراتك، أو سخرية منك، أو التقليل من أي إنجاز أنت تعمله، أو حتى مقارنتك برجال آخرين واعتبار هؤلاء الرجال دائماً أفضل منك. دائماً تقارنك بهم، مع العلم مش بالضرورة يكونوا أفضل منك. لأنه مثل ما بنعرف، كل شخص سواء كان رجل أو امرأة عنده صفات سلبية وصفات إيجابية. ولكن هي دائماً بتشدد على نقاطك السلبية وبتتجاهل نقاطك الإيجابية من خلال مقارنتك بأشخاص آخرين أو برجال آخرين. خاصة مقارنة رجل برجل آخر على أنه الرجل الآخر شوف شو بيجيب مثلاً لزوجته، شو بيعمل لحبيبته. هذه المقارنات كلها والتقليل من أي شيء أنت تعمله تجاهها هو أيضاً نوع من أنواع الإهانة اللفظية. خاصة إذا كنت أنت مش مقصر.
هلا إذا أنت مقصر، هذا غير موضوع. ولكن إذا أنت ما كنت مقصر وكنت بالفعل عم تتعامل بطريقة فيها كرم فيها عطاء، ولكن دائماً هي بتقارنك، خاصة بالعطاء، أنه أنت ما بتعطي، أنت ما بتقدم، مع العلم أنه أنت بتعطي وبتقدم، ولكن بتقارنك بالآخرين دائماً كعنصر ضغط، لأنه بدها هي تستنزفك وتستغلك لحتى أنت تظل تستنزف وتعطي أكثر وأكثر. وبالتالي هي مش عم تعطي أي شيء بالمقابل، ولا حتى 5% من العطاءات والتضحيات التي أنت بتعطيها.
ثاني عبارة: أي عبارة تتضمن معنى التهديد. يعني دائماً بتهددك، بدي أتركك، بدي أبعد عنك، أو بدي أطلق، خاصة إذا كنتم متزوجين، أو مش راح أرد عليك وراح أتجاهلك، أو بدي أعمل لك بلوك. هذه التهديدات كلها هي أيضاً نوع من أنواع الابتزاز النفسي والعاطفي الذي يمارسه بعض النساء ضد الرجال، خاصة إذا كانوا ناويين يستغلوا ويتلاعبوا فيه. لأنه المرأة الصادقة والتي تحب صدق، مستحيل تعمل هذه الأمور بدون سبب. يعني بده يكون في سبب منطقي وبالفعل أنت غلطان. ولكن اليوم عم نحكي أنه أنت كثير منيح وكثير عم تعطي، اعتقاداً منك أنك إذا أعطيت زيادة وتساهلت زيادة وتسامحت زيادة وما حطيت حدود، هذه المرأة راح تلين ومش راح تبتعد. ولكن هذا المفهوم كثير خاطئ للأسف. معتقد خاطئ عند كثير من الرجال أنه أنا إذا تساهلت أكثر أو أعطيت أكثر، هذه المرأة مش راح تتخلى عني أو مش راح تتركني. ولكن هذا الشيء مع المرأة الاستغلالية لا يجدي نفعاً. لأنه كل ما هددتك، فهي عم تبتزك أكثر، عم تستنزف لك طاقتك أكثر، وأيضاً تضعف لك ثقتك بنفسك، لأنها تجعل العلاقة مشروطة دائماً. في شروطات لاستمرار العلاقة، كأنك غير كافٍ أنت كشخص بالنسبة لها، ولازم دائماً تقدم أكثر وتعطي أكثر لحتى هي تستمر في العلاقة معك.
ثالث عبارة: هي أي عبارة تتضمن الكذب. بتكذب بكل شيء، بالأمور الكبيرة والصغيرة، بالوعود، خاصة بالوعود، بالمواعيد. بتعطي موعد وبتلغي، أو بتوعدك بشغلة وبت بترجع بتلغيها أو بتأجلها. وهذه المماطلة والمراوغة أيضاً نوع من أنواع التلاعب النفسي والابتزاز العاطفي والنفسي. لأنه مثل ما قلنا، المرأة الاستغلالية دائماً تمارس معك لعبة الإغواء، أي الوعود المؤجلة. وهذا نوع من أنواع الكذب المؤذي. حتى بالتفاصيل الصغيرة ممكن تكذب عليك، ليه؟ لأنها بتحاول تخبي التفاصيل، سواء الصغيرة أو الكبيرة. لأنها بتعتبر كلما كانت غامضة أكثر وأخفت تفاصيل أكثر وكذبت عليك، هون هي رح تكون قادرة تسيطر.
رابع عبارة: تطلب بصيغة الأمر أو التحدي. يعني أي عبارة تتضمن معنى الطلب بصيغة الأمر أو التحدي. يعني مثلاً إذا بدها شغلة، ما بتقول لك والله أنا بحب كذا، أو رح أكون مبسوطة إذا بتعمل هالشيء، أو إذا بتجيب لي هالشيء. هذه الأسلوب اللطيف والسلسلة اللي عادتاً بيستعملوه النساء، أو حتى الناس بين بعضهم بعلاقاتهم الاجتماعية الراقية. هيك عادتاً الناس بتطلب من بعضها. مش غلط نطلب وحلو نطلب، وكل العلاقات الاجتماعية تقوم على العطاء المتبادل. مش عم أقول أنه هي ما تطلب أبداً، ولكن طريقة الطلب دائماً بتكون بصيغة الأمر أو التحدي الشرطي. يعني كيف مثلاً؟ إذا ما بتجيب لي هذه الشغلة، راح أتركك. إذا ما بتهديني هالهدية، راح أبعد عنك، أو راح أروح مع غيرك. هذه الطلبات بهذه الصيغة الاشتراطية اللي فيها تحدي أو أمر، هذا أيضاً أسلوب من أساليب المرأة التي تتعمد ابتزاز الرجل.
آخر عبارة: للأسف عبارة سيئة وشريرة إلى أقصى الحدود. ومش بس إذا المرأة قالتها، أيضاً للنساء اللي عم يحضروا هذا الفيديو، أيضاً إذا رجل قالها، فابتعد عنه. أي شخص بقول لك هذه العبارة، سواء كان رجل أو امرأة، ابتعد عنه. هذه العبارة هي: "أنا هيك، إذا بتحبني بتتحملني". هذه العبارة عادتاً الأشخاص النرجسيين، سواء كانوا نساء أو رجال، بيستعملوها. طيب، هذه الجملة حقيقية ومضبوطة، وكلنا لازم نستعملها إذا كان هذا الشخص عم يغير أو بده يغير من طبيعتنا، وهذه الطبيعة مش عم تأذيه. لأننا دائماً بنقول: "Be yourself"، كن على طبيعتك، واللي بده يحبك أهلاً وسهلاً، واللي ما بده يحبك أكيد نحن مش رح نغير شخصيتنا لأجل أي شخص أو نتصنع لأجل أي شخص. ولكن متى هذه العبارة بتكون سيئة وما بتحمل معنى الاستحقاق أو "كن أو Be yourself"؟ لما أفعالنا بتكون عم تأذي الشخص الآخر. عم نتعمد نأذي. أفعالنا بطلت مرتبطة بشيء خاص فينا نحن بدنا نغيره، لا أصبحت تؤذي الشخص الآخر. وهون لما نقول له: "نحن بدنا نأذيك، وأنت إذا بتحبنا بدك تتحمل الأذية مني"، أنا هي طبيعتي، بدي أذيك، وأنت إذا بتحبني بدك تتحمل الأذية مني. هون يجب أن نبتعد فوراً عن الشخص الذي يقول هذه الجملة.
أما "Be yourself"، كن على طبيعتك، وكن أنت، ما تتصنع، هي بمعنى ما تتصنع بشكلك، ما تتصنع بطريقة حكيك، بلبسك، أو تدعي أنك تمتلك أمور أنت لا تمتلكها، فقط لتحبب الشخص الآخر فيك. أكيد هذه غلط ومش لازم نعملها. أما السلوك المؤذي، فهون تنتهي حريتك عندما تبدأ حرية الآخرين. يعني أنت مش حر تأذيه وتروح تقول له: "إذا بتحبني لازم تتحملني". لذلك، أي شخص يؤذيك ويقول لك هذه العبارة، يجب أن تبتعد عنه فوراً، سواء كان رجل أو امرأة.