مش عارف تبدأ ؟

أو النظام المبني على المشاريع. حصلت لك قبل كده إن انت بيكون عندك تاسك مهم وانت عارف إن هو مهم وله أولوية، ولكن كل مرة بتيجي تحاول تنجز في حاجة ما بتعرفش. كان معمول لك عمل، كان في حائط أو حائل ما بينك وما بينه. كل مرة تيجي ما تعرفش تشتغل.

وكلمة السر هنا أو مفتاح الحل هي إن الحاجة دي ما هياش تاسك، دي بروجكت أو مشروع.

أديلك مثال يوضح الموضوع. أنا من فترة طويلة جداً عايز أشتري مكنة إسبريسو. أنا القهوة التركي بصراحة ما عدتش بتعمل معايا أي حاجة، خلاص بقى يعني لازم نرتقي في مستوى الإدمان. وبدأت أكتب أول مهمة فيهم هي تحديد الميزانية اللي أنا هشتري بيها. تاني مهمة إن أنا آخد آراء الأشخاص اللي حواليا واللي جربهم والأصدقاء اللي عندهم بالفعل ماكينات يرشحوا لي أنهي مكنة. تالت مهمة هي مشاهدة مراجعات على اليوتيوب لأكثر ماكينة قهوة بيرشحوها. رابع مهمة هو إن أنا أحدد هشتريها منين وإمتى.

وبالفعل خلصت أول ثلاث مهام. حدثت الميزانية وسألت الأصدقاء وعرفت بالفعل المكنة اللي بيرشحوها وشفت لها. مقتنع جداً وباقي بس إن أنا أحدد الميعاد والوقت. خلاص حسيت إن أنا بالفعل اشتريت المكنة.