Transcription
كان بقىي حوالي خمس سنين عامله قطيعه مع قرايه الروايات. مش عارفه ليه بالتحديد، بس يمكن قعدت فتره طويله عندي شعور بالانشغال الدائم. لكن مؤخرا، يعني تملكي كده شعور عميق قوي ان انا محتاجه ارجع ثاني لقراءه الروايات. الناس اللي بتتفه [موسيقى] من قراءه الروايات والاعمال الادبيه عموما، رسالتي الوحيده ليك انك قد تكون محتاج تراجع انسانيتك ومدى حضورك ووضوح مشاعرك بينك وبين نفسك.
ممكن نبقى نعمل حلقه نتكلم فيها عن ليه قراءه الروايات والادب مهمه؟ وانا بختار الاعمال اللي انا بقراها على اي اساس. فقولوا لي في التعليقات لو انتم حابين.
رجعت لقراءه رواياتاني من حوالي ثلاث شهور. واحده من الروايات اللي انا قراتها كانت الايام التي ستاتي لمليسا داكوستا. هي روائيه فرنسيه شابه. ودي حاجه بالمناسبه صعبه جدا ان انا اقرا ادب حديث. انا بميل اكتر لقرايه الكلاسيكيات. بس يعني فكره الروايه والكلام المكتوب عنها على الغلاف خلاني ما قدرتش اقاوم ان انا اجيبها. وواضح ان انا يعني دي كانت تجربه كويسه ومبسوطه ان انا اشتريتها في الاخر وقريتها. دي مش من نوع الروايات اللي فيها احداث كتير ومفاجات واسرار وكده. لا لا خالص. دي روايه من فئه ادب [موسيقى] التشافي. احداثها بطيئه جدا. بعض الناس ممكن تلاقيها ممله. لكن بالنسبه لي ده النوع اللي انا بحبه وبفضله. فلو انتوا زيي ده عمل انا انصح جدا باقتناؤه.
طبعا انا مش هتكلم عن احداث الروايه. فما تقلقوش. ما فيش حرق. مش هتكلم عن اي حاجه حصلت في الروايه. لكن انا هتكلم عن بعض الافكار اللي استوقفتني وانا حبيتها ونورت حاجات في دماغي وحبيت اتكلم معاكم عنها. فانا هتكلم عن افكاري. عن افكار جتلي من الرواه. الموضوع الاساسي في الروايه هو الفقد. وازاي الانسان بيمر بالفقد. وازاي الانسان بيختبر الالم ده. مش حرق خالص. ده ملخص للمقدمه الموجوده اصلا على ظهر الروايه. وفي هنا حتى تفاصيل اكت. بس انا مش هقولها.
اول حاجه حسيت بيها ولمستني ان قد ايه احنا كل يوم بنكون عايشين وواثقين ان في بكره وبعده. ولما نكبر ويبقى عندنا احفاد. دايما عندنا خطط لنفسنا. على الاقل لحد السنه الجايه او حتى الشهر اللي جاي. وكان في وعد بان الحياه ثابته. لكن الحقيقه ان ده وهم. صحيح وهم جميل. لان من غيره الحياه هتكون اصعب. لكن كمان لازم كل يوم احنا نكون مدركين ان ده وعد كاذب. وان الحياه هشه الى درجه لا تصدق. وان احنا في لحظه ممكن نكون مش موجودين. وان الناس اللي احنا بنحبهم. اقرب الناس كمان ممكن يكونوا مش موجودين في لحظه بدون [موسيقى] اي انذار. بدون اي توقعات. وده بيصعب الالم الفقد. وبيضاعفه.
مشاعر الفقد مشاعر ثقيله وعميقه قوي. وجرحها حتى لما بيلتقم بيفضل سايب علام. كل ما بنشوفها بنفتكره. وكل ما بنلمسها بتوجع. فوجع الفقد ما بيخفش تماما. لكن الاكيد ان هو بيقل. وبنتعلم نتعايش معاه. الفكره بقى بتكون في المسافه بين الجرح وهو لسه سخن وهو لسه مفتوح. وبين ما الجرح يلتقم لدرجه ان احنا نقدر نعيش بيه. الوقت ده هيكون قد ايه. وهيعدي ازاي. ودي حاجه بتختلف من وقت للثاني. تختلف من شخص للثاني. اللي لازم نفهمه ان ما فيش كتالوج للجريف. وعلى فكره مش بقولها بالانجليزي الاطه مني يعني. بس هي كلمه جريف مالهاش كلمه توازيها بالعربي بالظبط. يعني اقرب حاجه ليها ممكن تكون الحداد النفسي او الحزن العميق بعد الفقد. وده اللي اسمه جريس. فما فيش كتالوج واحد كل الناس بتمشي عليه علشان تقدر تتخطى المرحله دي. المهم ان احنا نحترم الجريف بتاعنا ونستوعبه. وندي نفسنا فرصه ان احنا نعدي بيه.
حاجه ثانيه مهمه قوي. ودي حاجه انا كنت اول مره افكر فيها بالطريقه دي. انه قد ايه مهم ان الناس اللي حوالينا تتعلم تحترم حزننا واحنا بنعدي بيه. اول مره ابص للبس الاسود في فتره الحداد على ان هو اي شيء غير انه يعني تقليدك اجتماعي. انه لما حد من العيله او حد عزيز علينا يموت نلبس اسود. بس اكتشفت انه لا. لبس الاسود ممكن يبقى هو الشاره اللي بتميز الشخص اللي بيمر بالم الفقد. علشان تنبه اي حد بيتعامل معاه انه الشخص ده النهارده مش بيمر بيوم عادي. الانسان ده بيتالم. فمن فضلك خليك لطيف. خليك متفهم. لو تقدر تقدم له دعم حاول [موسيقى] تعمل كده. تقدر تقول له كلمه تخفف عنه. تقدر تحسسه انك موجود. لو احتاجك تشيل عنه مهمات ممكن هو يواجه صعوبه في ان هو يقوم بيها في الوقت ده. حاجه كده بالظبط زي الاشاره بتاعه ظهره عباد الشمس. لما تشوف حد لابسها [موسيقى] تعرف ان الشخص ده بيعاني من هيدن ديسبيلتي. هو يعتبر شخص من ذوي الاحتياجات الخاصه. لكن بطريقه انت مش شايفها. انت ما تقدرش تشوفها.
النقطه اللي هتكلم عنها دلوقتي يعني انا اسفه لو هتكون تريجرين بالنسبه لاي ست فقدت جنين او فقدت طفل على وشك الولاده. لو حاسه انك انت مش قادره تسمعي حاجه عن الموضوع تخطي الثلاث دقاق او الخمس دقاق جايين من الفيديو. ما تشوفيهمش بليز. لو الموضوع صعب جدا علي. انا دايما لما بقرا اي كتاب او روايه ا بكتب [موسيقى] الحاجات اللي انا عايزه اكتبها او عايزه اعلق عليها على جنب كده. فخلوني اقول لكم بالضبط انا كتبت ايه. فقد طفل لم يولد بعد هو فقد حقيقي وكامل [موسيقى] بالنسبه للام بالتاكيد. واحيانا بالنسبه للاب. اما بالنسبه للاخرين هو مجرد توقع لم يتحقق. لا تحظى الامهات اللائي فقدنا طفل لم يولد بعد بالدعم الكافي. واحيانا باي شكل من اشكال الدعم. الست اللي بتفقد جنين في الشهر الخامس ولا السادس. واحيانا في الشهر التاسع او قبل الولاده مباشره. او حتى اثناء الولاده. دي ام فقدت ابن. طفل حقيقي عاش جواها. وهي حاست بوجوده. لكن المشكله ان المرحله دي ما حدش بيحس بالوجود الحقيقي ده جدا غير الام. لان ما حدش شافه ولا حد حس بيه غيرها. فدايما لما ام بتفقد جنين الناس بتواسيها باعتبار انها عاشت الام ومتاعب الحمل والولاده على الفاضي. وبيكون في شعور جماعي كده ان هي بس محتاجه تتعافى جسديا من التجربه. مجرد ان هي تعافي جسديا خلاص التجربه كده انتهت. لان هي ما شافتش ابنها. ما لحقتش تحبه. لكن لا مع الاسف الفكره دي مش حقيقيه خالص يا جماعه. ومش عارفه ليه الستات ما بتتكلمش عن الموضوع ده ابدا ابدا. يعني يمكن لان احنا كستات في مجتمعاتنا ماتعلمناش اصلا ان احنا نتكلم عن مشاعرنا. فمجرد انكار المجتمع لوجود الشعور بنخلينا احنا كمان نميل لان احنا نتجاهله. لان احنا مش عارفين نوصفه او نحدد مصدره. فتلاقي الست ست في المرحله دي او اللي بتمر بالتجربه دي تعبانه نفسيا جدا. بتمر باكتئاب عنيف. مش مجرد الام عمليه. وغالبا مهزوزه. مش قادره تواصل حياتها بشكل طبيعي. لكن ساعات كتير هي نفسها ما بتكونش قادره تحدد هي حاسه كده ليه. والافضع ان كل اللي حواليها بيكون تركيزهم والجمله اللي على لسانهم ان ربنا يعوض علي. كانها ضيعت شنطتها مثلا. لا يا جماعه لا. دي ام مكلومه محتاجه دعم نفسي كبير. وفتره من الوقت علشان تقدر تتخطى التجربه الصعبه دي. ووقت اطول علشان تقدر تسمع اصلا كلام في الموضوع ثاني. ف يعني ممكن نتكلم عن الموضوع ده اكت يا ستات لو سمحتوا.
نقطه ثانيه حسيت ان انا لازم اتكلم عنها هي ان احنا لازم نحترم طريقه كل شخص في التعامل مع حداده الشخصي. في ناس ما تقدرش تواجه كل هذا الكم من الالم لوحدها. فبيروحوا يحطوا نفسهم في اكث مكان زحمه في الحياه. تلاقيهم بقى يشوفوا ناس كتير. يقوا نفسهم في مشاريع جديده [موسيقى] حتى لو كانت مش مدروسه كويس. يغرقوا نفسهم في الشغل. وده شكل لسه في ناس كتير بتستغربه. وبيحسوا ان الشخص ده يعني مش حزين بما يكفي. الناس [موسيقى] دي النوع ده من الناس غالبا بيقلعوا الاسود اسرع. لان هم مش عايزين حد يشوف شاره الحداد. فيعلق علق فيفكرهم. هم عايزين يهربوا من الالم اللي هم مش قادرين يتعاملوا معاه ده. فرجاء لما تشوف حد في الحاله دي سيبه يتخطى حزنه بالطريقه اللي تناسبه. ما تحكمش عليه. لان يعني ما فيش جايزه هياخدها الشخص اللي بيبين حزنه للناس اكتر. فاحتفظ برايك لنفسك. وما تعرفناش.
في ناس ثانيه بقى على العكس تماما بتروح للعزله التامه. لان هم بيفقدوا القدره على ممارسه الحياه اليوميه العاديه. يعني حتى مجرد التعامل مع الناس وممارسه فعل الكلام بيكون صعب جدا. وحتى دول يعني في العزله يا جماعه اسمحوا لهم ان هم ياخدوا وقت ومساحه كافيه. كل المطلوب منكم بيكون يعني تقديم الدعم لحد اللي الشخص نفسه بيسمح به. ومراقبته من بعيد من مسافه بس علشان نتاكد ان هو ما عندوش ميول خطيره لايذاء نفسه. وسؤاله من وقت للثاني اذا كان محتاج مساعده او دعم باي شكل من الاشكال. المهم ان كل ده يحصل صل بدون ضغط زياده. الناس دي النوع ده من الناس غالبا اللي بيساعدهم على التعافي هو الوقت نمبر وان. الوقت. و ان هم يمارسوا حاجات ما بتسببش حمل نفسي زايد. زي مثلا تربيه الحيوانات. الزراعه. الاعمال اليدويه. ان هم يتعلموا اله موسيقيه. يعني حاجات زي كده.
في ناس ثانيه [موسيقى] بتميل للانشغال برعايه الاخرين اللي بيمروا معاهم بنفس تجربه الفقد. وبيقرروا ان هم ياجلوا حزنهم او حدادهم الخاص لوقت متاخر. ودول دول غالبا اللي بيكونوا عايشين معظم حياتهم بشخصيه المنقذ. ودول اللي غالبا بينهاروا لما اللي حواليهم يبداوا يتعافوا. لان هم بيحسوا ان وقت الخطر عدى خلاص. فمخهم جهاز العصبي بيبدا يديهم فرصه ومتنفس اخيرا للشعور بالحزن المؤجل او الصدمه المؤجله. وبين دول ودول ودول في ناس كتير في النص بتقدر تتعامل مع الفقد بصوره فيها يمكن توازن اكتر. وكل دول كلهم حزنهم مقدر جدا ومفهوم. لكن مهما كان شكل البريف او الحزن او الحداد اللي المهم ان احنا نعرفه ان الشعور الثقيل المكثف جدا اللي بيبدا بيه بيخف مع الوقت. الموضوع بيبقى عامل كده زي سحابه شتويه. عارفين الغيوم الرماديه اللي هي المحمله بالامطار. هي دي شعورها فقط. اول ما بتيجي وتبدا الرياح تلاقي بقى برق ورعد وامطار وسيول. هي دي المشاعر اللي بنختبرها مع الفقد. مشاعر قويه جدا. لكن مهما اشتدت ومهما طالت بتنتهي. ما بتنتهيش فجاه. الاول يختفي البرق والرعد. وبعدين تبدا الامطار. شويه شدتها تقل مع الوقت. تبقى متقطعه. وبعدين تقف. وبعدين السحاب يختفي. وبعدين دون السماء الازرق يرجع يبدا ثاني. الشمس تطلع. الجو يدفى. هو الم الفقد كده بيخف بالتدريج. والحياه [موسيقى] ترجع لطبيعتها تاني برض بالتدريج. لكن عمرنا ما بننسى الندبه اللي سابها جرح الفقد. ولا بيبطل يوجع لما بنلمسه [موسيقى]. ولا هننسى اللي بنحبهم وسابونا تماما. لكن هيفضلوا موجودين في قلوبنا وفي ذاكرتنا [موسيقى]. زي ما اللي بيحبونا هيفتكرونا لما احنا كمان نمشي. وهي دي طبيعه الحياه.
ما تزعلوش لو حلقه النهارده كانت غامقه شويه. بس دي الافكار اللي جابتها لي روايه الايام التي ستاتي. واللي حبيتها جدا. وانصح بقراءتها للناس اللي ذوقهم شبه ذوقي. وربنا يحفظ لكم احبابكم ويخليكم دايما متجمعين على الخير. ويومكم سعيد.