جغرافيا ٣ ثانوي I مراجعة الوحدة التانية بالكامل I بكل أفكار اسئلتها في الإمتحان I #ثانوية_عامة_2025

رمضان كريم وكل سنه وأنتم طيبين. لما عرفنا إنكم مراقين، قلنا لازم نعمل لكم الجغرافي عصير. وكل سنة واحنا في الخير متجمعين.

تعال بقى نمسك المنهج عنصر عنصر. وفي كل عنصر هقول لك إيه الأسئلة اللي ممكن يسألك فيها في الامتحان. فورق وقلم وسجل ورايا.

السلام عليكم، أهلاً بك يا صديقي في الوحدة الثانية. النهارده إن شاء الله إحنا مع درس الحدود السياسية. تعال أقول لك إيه أهم الحاجات اللي تاخد بالك منها، والرابط بيجيب فيها أسئلة في الامتحان.

واحد، لازم تاخد بالك إن الحدود دي هي مجرد خطوط بتترسم على الخريطة وليها شوية وظائف. عد معايا الأسئلة دي: الحدود بتحدد الرقعة الأرضية لكل الدول. وعلى فكرة الوظيفة دي مشتركة بين كل دول العالم، لأن طالما دولة يبقى أكيد ليها رقعة أرضية.

رقم اثنين، ممكن ما يقولكش الرقعة الأرضية ويقول لك الإطار الجغرافي. فغالباً الحدود برضه هي الإطار الجغرافي.

رقم ثلاثة، بيقول لك إن الحدود بتحدد الموارد، سواء اللي في باطن الأرض أو اللي على سطح الأرض، وبتقول إن الموارد دي بتاعة الدولة ولا لأ. طول ما هي جوه حدودك.

خد بالك بقى من اللي جاية دي. الحدود بتحدد للدولة مجالها الجوي، بمعنى إن كل قطعة أرض الحدود بتفضل ممتدة بشكل رأسي لحد السما، وبيكون لدولتك السيادة على السماء، يعني على الجو. بس في ملحوظة مهمة جداً، ممكن يقول لك إن الوظيفة دي بتحددها الحدود ولكنها لا تظهر على خريطة العالم السياسية. يبقى المجال الجوي أو الرأسي مش بيظهر على خريطة العالم السياسية، لأنك باختصار لما بتفتح الخريطة ما بتلاقيش فيها يعني الجو. ولكن الرقعة الأرضية والمجال البحري، كل دي حاجات بتظهر على خريطة العالم السياسية.

طيب، سجل عندك إن مش كل الدول حدودها خلت ليها مجال بحري. لازم تبقى دولة بحرية. فلو قال لك الحدود بتحدد للدولة مجالها البحري، ولكن يخرج عن ذلك مين؟ يبقى أنت بتروح تدور زي الشاطر كده على دولة حبيسة موجودة عندك في الاختيارات الأربعة.

وبكده يبقى كل الدول ممكن تكون الحدود حددت لها رقعتها الأرضية ومواردها ومجالها الجوي، بس مش كل الدول حدودها حددت لها مجالها البحري، لأن لازم يكون جنبها مسطح مائي. حتى يا سيدي ولو كان مغلق.

فهنا في تركية مهمة جداً. الدول اللي كانت بتطل على بحر قزوين، هي آه دول حبيسة، ولكنها خدت أوبشن، خدت ميزة كده زيادة عن دولة حبيسة مش بتطل على مسطح مائي أصلاً. لأن حتى لو بتطل على مسطح مائي ومغلق، هي كمان يا معلم ليها حتة نفوذ زيادة وسيادة زيادة داخل المسطح المائي ده. هنفهم الكلام ده بعدين.

تعالى لي بقى بص يا سيدي. بيقول لك إن الحدود دي عدت على كذا مرحلة للتطور. أولهم كانت قديماً عبارة عن تخوم. كلمة تخوم يا جماعة، في مجموعة من الناس قاعدين في مكان ومجموعة من الناس قاعدين في مكان، وفي ظاهرة طبيعية هي أصلاً موجودة فبتفصل ما بينهم. على سبيل المثال، ناس في مكان وناس في مكان وما بينهم صحرا، فدي اسمها تخوم. أو ما بينهم بحر، أو ما بينهم غابة، أو ما بينهم جبل، أو ما بينهم ظاهرة طبيعية ليس للإنسان دخل بها. كده يبقى مناطق التخوم دي كانت بتستخدم كفصل بين القبائل وبين الدول قديماً.

خدت لي بالك من كلمة قديماً؟ ولكن في الامتحان يا صديقي مش هيقول لك قديماً دايماً. هيجيب لك في رأس السؤال حاجة كده لما تقراها تعرف إن أنت زمان. على سبيل المثال مثلاً يقول لك إن أيام الملك تحتمس الثالث مصر كانت مكونة إمبراطورية عملاقة. في ضوء هذه العبارة، ما هو تحتمس الثالث ده يا معلم ما كانش موجود في 2020، ده كان زمان أيام الفراعنة. ففيما معنى الكوبليه إنه بيسألك عن حاجة قديمة شويتين.

يقول لك مثلاً أيام الدولة الفاطمية، الدولة العباسية، أيام الدولة البيزنطية، أو المعارك اللي كانت بتدور بين الفرس والروم، المغول، التتار. أي حاجة أنت هتحس إنها قديمة شويتين، اعرف على طول إن مناطق الفصل في الفترة دي كانت تخوم مش حدود. ليه بقى؟ لأن يا معلم الحدود بدأت تظهر أصلاً في التاريخ الحديث، ابتداءً من الحدود الخطية اللي كانت في القرن الـ 17، ثم يا سيدي الحدود بقى بشكلها الفعلي في القرن الـ 19. ف أي حاجة زمان هي تخوم.

اثنين. طيب، خد بالك بقى إن في دول وممالك كانت زمان بتعمل حدود بشرية كالأسوار والقلاع. وأولى القارات اللي عملت الكلام ده كانت قارة آسيا وقارة أوروبا. هو إشمعنى آسيا؟ لأن عندك الصين هي أول دولة وأقدم دولة بدأت إن هي تعمل حدود فاصلة بينها وبين جيرانها عشان خاطر تحمي نفسها، فعملت حاجة اسمها سور الصين العظيم. فخد بالك دولة الصين، الدولة الوحدوية، هي أولى الدول اللي عرفت معنى الحدود البشرية. وكمان عندك إيطاليا. إيطاليا دي لأنها كان فيها روما، مركز الإمبراطورية الرومانية القديمة، وهناك كانوا مشهورين جداً بالقلاع اللي بيحصنوا بها نفسهم.

وهنا يا صديقي يبقى إحنا طلعنا بمعلومة جامدة قوي إن الحدود قديماً كانت وظيفتها بتقتصر على إنها تفصل بين الدول والوظيفة العسكرية أو الحماية والأمن. وعلى فكرة كانت بتمارس وظيفتها كاملة اللي هي الفصل بين الدول والوظيفة العسكرية، عكس بقى حديثاً مع ظهور التقنيات الحديثة هيخلي الحدود ما تمارس وظيفتها على أكمل وجه.

خش معايا بقى كده في القرن الـ 17. في القرن الـ 17 بيقول لك مع ظهور الدول القومية اللي نتجت عن الإمبراطوريات والكلام ده، كان في قارة أوروبا بدأوا إن هم يخططوا الحدود بشكل خطي. وهنا يا جماعة الحدود بدأت تعرف لأول مرة كخطوط. قارة أوروبا مع ظهور حدث سياسي غريب، ألا وهي ظهور القوميات الحديثة اللي نتجت عن تفكك الإمبراطوريات، اللي هي بعد كده بقى هتبقى مجموعة من الدول الوحدوية. فبيقول لك يا سيدي إن أولى القارات اللي شاهدت الحدود بشكلها الخطي قارة أوروبا. وكمان كان سبب ظهور الحدود الخطية ظهور ظاهرة سياسية غريبة، ألا وهي الدول القومية الحديثة.

وبكده يا معلم بدأنا ننقل للقرن الـ 19. اللي هناك بمجرد ما قامت الثورة الصناعية والدنيا كلها بدأت تتغير. نسيت أقول لك الثورة الصناعية دي هي عامل مؤثر في إن يتعمل حدود حقيقية بين الدول. لأن بعد الثورة الصناعية بدأت الدول تبحث أكثر عن موارد ومواد خام عند جيرانها، فكانت كل دولة بقى محتاجة تعرف هي أولها فين وآخرها فين عشان ما ندخلش على بعضنا. صديق، فبدأ نعمل حاجة اسمها عمليات مسح ميداني.

وبكده نعرف كل دولة هي أولها فين وآخرها فين، ونقعد مع بعض ونعمل معاهدات، وكل رئيس دولة يوصف المنطقة وصف دقيق، لأن هنسجل الكلام ده عند الأمم المتحدة. وبكده يبقى المجتمع الدولي اعترف اعتراف نهائي إن دي منطقتك ودي منطقتي. يقوم النزاع بعد كده ما بينا يقل، واللي ليه حق ياخده يا كبير. لأن اللي مالوش كبير اشتري له كبير، اللي هي الأمم المتحدة. فهمت؟ فهمت.

ما تيجي نعكس الموضوع. تفتكر كده إيه اللي كان هيحصل لو ما جتش قيام الثورة الصناعية؟ ما كناش هنبدأ إن إحنا نحتاج موارد ومواد خام زيادة، لأن كل دولة كانت راضية بالموارد اللي عندها، لأن أورييدي أصلاً ما كانتش بتصنع. طيب، وبكده ما كناش هننزل نعمل عمليات مسح ميداني، وبكده ما كانتش هتترسم الحدود بشكلها الحالي. إيه ده؟ يعني أفهم من كده إن الثورة الصناعية هي عامل أساسي في رسم الحدود ووضعها بشكل حالي؟

وبكده يا معلم يبقى الثورة الصناعية من العوامل المهمة اللي تطورت في الحدود السياسية. سجل لي المعلومة دي عندي.

تعالى بقى نعمل كده مقارنة لذيذة بين الحدود السياسية والتخوم، لأنها بتيجي في الامتحان. بص يا سيدي، أي حاجة أنت هتعرف إنها حدود سياسية، على سبيل المثال جبت لك صورة سلك شائك، جبت لك صورة أعمدة خرسانية مثلاً، مثلاً علامات في الأرض، أي حاجة أنت شايف إنها اتحطت عشان تبقى حدود، حتى لو صور، اعرف على طول إن المنطقة دي بدأت تعدي على شوية مراحل وكمان ليها شوية صفات بتميزها. عد معايا:

واحد، أي حدود هي ظاهرة بشرية، بمعنى اللي عملها الإنسان وهو اللي رسمها.

اثنين، أي حدود هي قابلة للتغيير، لأن حضرتك هتعمل لي صورة، هتعمل لي علامات، هتعمل لي برج، هي كده كده وارد تتغير في أي لحظة.

ثلاثة، بيقول لك إن الحدود بيقول لك إن الحدود لا تتعرض لبضعة بوصات، فبالتالي هي طويلة ولكنها مش عريضة، فما أقدرش أقول عليها إنها ظاهرة ليها بعد مكاني، لأن كلمة بعد مكاني دي يا صديقي لازم يبقى ليها طول وكمان ليها عرض. فبالتالي الصفة المورفولوجية بتاعتها اللي هو شكلها، ليها يعني لمؤاخذة خلاها بتفتقر لوجود موارد اقتصادية وكمان بتفتقر لتطبيق نظرية الدفاع بالعمق، لأن هو أصلاً مجرد خط، ف أنت هتسحب عدوك على الخط ده إزاي؟

ولكن بنت الحلال فيها ميزة. استنى آخد شَرطة وأقول لك هي إيه. أقول لك هي إيه؟ بص يا سيدي، من مميزات الحدود إنها اتعمل لها مسح ميداني وكمان اتعملت بموجب مواثيق رسمية ومعاهدات، يعني ليها أصل قانوني. لو حد اداك على أفاك وخد منك أي حتة أرض تقدر ترجعها بسرعة. وعلى فكرة دي ميزة بتميز الحدود، عكس بقى التخوم اللي هبدأ أتكلم عنها دلوقتي.

التخوم دي اللي هي الظواهر الطبيعية. واحد، سواء حضرتك بكلمك على غابة ولا صحرا ولا حتى جبال ولا حتى بحار، هي ظاهرة طبيعية. من صفاتها الثبات. هي ثابتة، ولكن خد بالك، هي أبعادها متغيرة، لأن مش كل الظواهر الطبيعية بنفس المساحة وبنفس الطول وبنفس العرض، ولكنها ثابتة. وعلى فكرة هي ثابتة قابلة للإزالة، لأن في دول يا جماعة بتروح تبدأ تكسر في الجبال وتمهد الطرق وكمان بتزيل الغابات. ولكن قصدي بكلمة ثابتة إن أنت لو سبتها دون استغلال هتفضل زي ما هي، يعني مش هتتغير. وصلت؟

عد معايا بقى صفات التخوم:

واحد، التخوم ظاهرة طبيعية جغرافية.

اثنين، ليها بعد مكاني، يعني ليها طول وليها عرض. وهنا يديك أوبشن جامد قوي تستخدمها في الوظيفة العسكرية أفضل من الحدود، وكمان تطبق بيها نظرية الدفاع من العمق أفضل من الحدود. وكمان يا صديقي تستخرج منها موارد اقتصادية أكتر من الحدود.

ولكن بنت الحلال عيبها الوحيد إن ليس لها أصل قانوني، يعني مالهاش مواثيق رسمية. فبالتالي صعب قوي إن إحنا نتخذ من التخوم حالياً حدا فاصلا ما بينا من غير ما نرسم عليها حدود، لأن ساعتها بقى النزاع بين الدول هيزيد، لأن ليس لها أصل قانوني.

وبكده ممكن سؤال يجي لك من تحت لتحت يقول لك: تفتكر إيه أفضل تعامل من الإنسان تجاه الحدود؟ أفضل تعامل إن يتركها دون استغلال ويتخذ منها مناطق للحماية والدفاع. ساعتها كانت هتبقى عال العال. الحتة دي جاب له سؤال قبل كده وقال له إيه؟ قال له: إن أيام الخليفة المأمون في العصر العباسي نشطت حركات الترجمة. في ضوء هذه العبارة، هي المناطق اللي كانت بتفصل بين الدول في الفترة دي بتتميز بإيه؟ وهنا لو أنت واد برنس، أنت المفروض المناطق اللي كانت بتفصل بين الدول في الفترة دي حدود ولا تخوم؟ تقول لي: تخوم. هقول لك: عرفت منين؟ تقول لي: يا عم هو قال له في العصر العباسي وكده. يبقى أنت بدأت تلقط إن مش هيجيب لك في الامتحان كلمة قديماً، بل هيجيب لك كوبليه يعرفك إن إحنا زمان.

ثم بعد كده صديقي، خدنا عوامل رسم الحدود السياسية ومراحل رسم الحدود السياسيه. وبعد كده خدنا حاجة اسمها وظائف الحدود السياسية. مش هيسمع عليك لازم يجيب لك واحدة منهم في الامتحان. هنبدأ بأول واحدة: أسباب نشأة الحد السياسي، اللي هي عوامل رسم الحدود السياسية. أقول لك أنا المفروض إن أنت عندك خمس حاجات.

أول حاجة: زيادة عدد السكان. وده كان سبب مهم جداً أثر على رسم الحدود بين الدول اللي موجودة في قارة أوروبا. فلو جبت لك سيرة أي دولتين في قارة أوروبا وقلت لك إيه سبب نشأة الحد ما بينهم؟ تعال تعالى قل لي سبب ديموغرافي، اللي هو زيادة عدد السكان. ليه؟ لأن بيقول لك لما زاد عدد السكان، الدول في أوروبا بدأوا السكان يتوسعوا في مناطق التخوم المجاورة له، فبالتالي أزالوا الغابات واستصلحوا الأراضي وبدأوا إن هم يهتموا بالبنية التحتية. واللي شجعهم على كده إن كان في قطارات ووسائل نقل بدأوا إن هم يتعمقوا في الأراضي وقعدوا واستقروا لحد ما ده بيتوسع وده بيتوسع، فالسكان هيتقابلوا مع بعض، فقالوا: ماما تيجي نرسم حدود سياسية.

وهنا جاوب على أي سؤال هيقول لك إن إيه سبب رسم الحدود في قارة أوروبا؟ قول له: زيادة عدد السكان. دي ملحوظة. الملحوظة الثانية: لو قال لك يا باشا تم مراعاة رغبة الإنسان في رسم حدوده واحترام حق الشعوب في رسم حدودها فين؟ قل له: أوروبا. وبكده إن سكان أوروبا رسموا الحدود بدون تدخل، بل على مزاجهم وعلى هواهم ووفقاً لمعاييرها الإثنوغرافية، أي لغتهم، يعني كل دولة ليها لغة خاصة بها. خد بالك من تركية دي.

لو قال لك حركة السكان بتأثر على نشأة الحدود في دولة صين جهاتها الإيه؟ روح دور على الجهة البرية اللي في دولة الصين. على سبيل المثال يا جماعة، طول ما السكان هيروحوا يتوسعوا في مناطق، المناطق دي ليها حدود برية مع دولة أخرى. الدولة اللي جنبك دي مش هتسيبك، وأكيد هتقول لك: إحنا لازم نرسم حدود مع بعض. عكس بقى لو أنت حبيت تتحرك في منطقة تانية ما فيهاش دولة، يبقى ساعتها ما حدش هيقول لك أنت بتعمل إيه. على سبيل المثال، بص كده عندك هتلاقي مثلاً في دولة اسمها البرتغال ودولة اسمها إسبانيا. سكان البرتغال لو تحركوا جهة الغرب أو جهة الجنوب مش هياثر على نشأة الحد السياسي، إنما لو تحركوا جهة الشمال وجهة الشرق فساعتها هياثر على الحد السياسي، لأن جنبهم دولة مجاورة. فهمتني؟ فهمتك.

طيب، لو قال لك يختفي الأثر الديموغرافي من رسم الحدود عند أنهي دولة؟ روح دور على دولة جذرية، لأن الدولة الجذرية جميع حدودها أصلاً مياه، فبالتالي حركة السكان في أي جهة مش هترسم حدود. وكده يبقى خلصنا زيادة عدد السكان.

اثنين، امتى تختار الحاجة لتنمية المناطق الهامشية؟ دايماً هتلاقيه بيجيب لك سؤال بيقول لك إن تم رسم حدود في منطقة مائية، زي مثلاً قيام دولة السعودية بتخطيط حدودها مع إيران في الخليج العربي. ساعتها أول ما تشم ريحة الميه، مع إن الميه ش ريحة، قول له على طول يا سيدي: تنمية مناطق هامشية. أو يقول لك تخطيط الحدود بين تونس وليبيا في البحر المتوسط، تخطيط الحدود ما بين المكسيك والولايات في خليج المكسيك، تخطيط الحدود بين ألمانيا وفرنسا في بحر الشمال. دايماً أول ما تسمع بحر أو خليج أو محيط أو مياه، اعرف إن الموضوع تنمية مناطق هامشية.

سجل لي إن تنمية المناطق الهامشية، الدول عملت كده عشان تحقق وظيفة اقتصادية، لأن الغرض من كده هو استخراج الثروات والموارد الطبيعية، سواء من باطن مناطق التخوم دي، سواء بقى كانت مناطق جبال أو صحرا أو بحار أو أياً كان هي إيه. فهمت؟

امتى تختار تنمية مناطق هامشية؟ نفس الكلام، مش لازم مياه. ممكن يجيب لك منطقتين وأنت عارف إن اللي بيفصل ما بينهم جبال. لو المنطقتين بيفصل ما بينهم جبال، قول له برضه: تنمية مناطق هامشية. طب غابات؟ تنمية مناطق هامشية. أديك سؤال. مش أنت أخذت قبل كده الخريطة دي وقلنا لك إن بين فرنسا وإسبانيا في جبال اسمها البرانس؟ آه. طب كده بقى في عاملين تسببوا في رسم الحدود: واحد، زيادة عدد السكان عشانها في أوروبا. اثنين، طالما في جبال يبقى بالفعل كان في تنمية مناطق هامشية، فترسم حدود على الجبال دي. وصلت يا صديقي؟ وصلت.

ثلاثة، حاجة اسمها المعاهدات المبرمة. وهنا بقى ده على حسب اختلاف موازين القوة. فبيقول لك الدول الضعيفة بتخش من طغيان الدول القوية عليها، فدايماً بتطلب منها إنها تعمل معاهدة معاها. وبكده يبقى هذا العامل حد من تطبيق الهدف الخارجي للجبل تيك. فلو قال لك مين العامل اللي هيقلل من تطبيق الهدف الخارجي للجبل تيك؟ قول له: المعاهدات المبرمة.

رقم اثنين، بيقول لك إن العامل ده ارتبط باختلاف موازين القوة. ما في دولة قوية ودولة ضعيفة. وبالتالي لو جاب لك خريطة مثلاً لجنوب أفريقيا مع ليسوتو وقال لك سبب رسم الحدود ما بينهم إيه؟ وما لقيتش كلمة استعمار، يبقى المعاهدات المبرمة، لأن هنا بيقول لك خد بالك أنا جايب لك دولة قوية ودولة ضعيفة. وعلى فكرة سجل عندك ده أكتر سبب أثر في ترسيم الحدود السياسية بين الدول، لأن معظم الدول عاملين معاهدات مع بعض.

تعالوا على رقم أربعة، حاجة اسمها الاستعمار. وده أكتر واحد بيجي في الامتحان. بصوا يا رجالة، في ثلاث مناطق لو جاب لك سيرة دولة منهم، قول له سبب رسم الحدود هو تدخل أجنبي أو عدم احترام لرغبة الإنسان أو حتى يا باشا عدم احترام إرادة الشعوب أو سبب بيتفق مع تطبيق الهدف الخارجي لكين، أو سبب بيتناقض مع ما دعا إليه فرنسا أو ما دعا إليه أندرياس الفريد. لأن أندرياس سك فريد لما كان بيتكلم عن الانتخابات كان يقصد بها إن الشعب يبقى حر، ولكن اللي بيحصل ده معناها إن الشعب مش حر.

تعال بقى أفهمك القصة. عندك أي دولتين في قارة أفريقيا، خاصة مصر والسودان، لأنهم كانوا تحت الاحتلال الإنجليزي. وده نظراً لاتفاقية اسمها اتفاقية الحكم الثنائي، اتعملت بين الخديوي عباس حلمي الثاني وبريطانيا سنة 1899. وقالوا إن إحنا هنرسم الحدود بين مصر والسودان. ده رقم واحد.

خش على غرب أفريقيا، هتلاقي عندك بقى الجزائر وتونس وموريتانيا ومالي والنيجر وتشاد. الدول دي كلها كانت تحت الاستعمار الفرنسي. ف أي دولتين فيهم كانوا تحت الاستعمار الفرنسي. أما لو نزلت على الكونغو، هتلاقيها كانت تحت الاستعمار البلجيكي، وكمان الصومال كانت تحت الاستعمار الإيطالي. باختصار كده، أغلبية دول أفريقيا كانت مستعمرة، فسبب رسم الحدود بين أي دولتين في أفريقيا، والنبي قول له: استعمار.

حاسك ما حفظتهم. قول معايا على اليمين البرازيل، تحت التشيلي والأرجنتين. عندك تلاتة بحرف الباء، قول معايا: باراجواي، بيرو، بوليفيا. باراجواي، بيرو، بوليفيا. كولومبيا، فنزويلا. كولومبيا، فنزويلا. وعندك جيانا، جويانا، وما بينهم سور عايز ينام، فاسمها دولة سورينام. وصلت؟ وصلت.

خش بقى على جنوب آسيا. هتلاقي إن في جنوب آسيا عندك الهند. والهند دي كانت زمان منطقة كبيرة اسمها شبه القارة الهندية، اللي هي دلوقتي بقى متقسمة للهند وباكستان وبنجلاديش ودول أخرى. ركز في اللي جاية دي. المنطقة دي كلها كانت تحت الاستعمار البريطاني. عمار البريطاني وهو خارج من المنطقة دي في 1947، فرتك أمها وقسمها لدولة الهند اللي هيعيش فيها الهندوس بيعبدوا بقر، وباكستان الغربية فيها مسلمين، وباكستان الشرقية فيها مسلمين. يبقى بريطانيا قسمت جنوب آسيا تقسيم إثنوغرافي بناءً على الدين. وهنا يبقى سبب زيادة عدد دول جنوب آسيا هو الاستعمار أو السياسة الاستعمارية.

وبكده يا سيدي زودنا عدد دول جنوب آسيا وخلينا دولة الهند مش لامسة دولة أفغانستان، لإن ظهرت ما بينهم دولة اسمها باكستان اللي مسؤول عنها دولة بريطانيا. وصلت يا صديقي؟

وظائف الحدود، وغالباً هيجيب لك منها أسئلة في الامتحان. فتعال أقول لك إزاي تجاوب على أي سؤال هيجي لك فيهم. بص يا باشا، نبدأ بالمراحل. إحنا عندنا أربع مراحل لازم تعرفهم بالترتيب.

رقم واحد اسمها التعريف والتخطيط.

اثنين، التحديد.

ثلاثة، التعيين.

أربعة، إدارة.

حل كده أربعة. عا. نبدأ بواحد بقى، ناخد سلمة سلمة. نبدأ بالتعريف والتخطيط. في المرحلة دي بيظهر دور رجال السياسة. رجال السياسة هنا يا جماعة يعني الحكومة المركزية اللي موجودة في الدولة، سواء بقى دولة ماشية بالنظام الرئاسي فهنجيب رئيس الجمهورية، دولة ماشية بالنظام البرلماني فهنجيب رئيس الوزراء اللي مسؤول يعني عن الدولة دي. وهنبدأ نقعد الحكومة بتاعة الدولتين مع بعض عشان يبدأوا يتفقوا على إن الحدود بتاعتنا تبقى من أول فين وآخرها فين. فكده رجال السياسة يبدأوا يقعدوا عشان يوصفوا الحدود. وغالباً هيبقى قاعد في القاعدة دي مجموعة جغرافيين. جغرافيين يعني الناس اللي فاهمة في مجال الجغرافيا عشان هم أهل خبرة في المناطق والأرض والدراسات الميدانية.

وبكده صديقي هيبدأ يتفقوا الدولتين، وكل حاجة هيتفقوا عليها حاجة دي لازم تتسجل نصوص في ورقة بنسمي الورقة دي اتفاق أو معاهدة بين الدولتين. تمام؟ تمام يا معلم.

وبكده لو قال لك في الامتحان، أنهي مرحلة اللي بنلجأ فيها للسياسيين؟ هتقول له: المرحلة الأولى. وكمان يا باشا، أنهي مرحلة اللي بتبقى واخدة نص أو ميثاق معاهدة؟ تقول له: المرحلة الأولى. المرحلة دي كل ما كان الوصف فيها دقيق، كل ما النزاع في المستقبل بين الدولتين أكيد هيقل، لأنهم اتفقوا على كل حاجة وسجلوها. ولكن كل ده كان يا دوبك في الجانب النظري، لسه ما دخلناش في الجانب العملي ولا الجانب التطبيقي ولا حتى نزلنا الأرض الواقع. ده إحنا عاملين اجتماع كده وبنتكلم بس. المرحلة الأولى.

تعال بقى نتكلم على المرحلة الثانية اللي اسمها مرحلة التحديد. أقول لك بص، شفت الكلام اللي إحنا واحنا قاعدين في القاعدة اتفقنا عليه وكناه في معاهدة؟ شفت شوية الجغرافيين بقى اللي كانوا قاعدين في القاعدة دول؟ تمام، نبدأ بقى نقول لهم كده: عايزينكم تشكلوا لنا لجنة جغرافية. لجنة جغرافية مش واحد بس يعني ناس كتير. ويبدأ مجموعة الجغرافيين دول ياخدوا بعضهم كده أدواتهم الحلوة بتاعة الجغرافيا ويبدأوا ينزلوا يعملوا دراسات ميدانية. دراسات ميدانية يعني يا باشا هيروحوا للحاجات، يروحوا للمناطق اللي إحنا سجلناها على الورق. يبدأوا بقى ينزلوا على المنطقة دي في أرض الواقع، ياخدوها من أولها لآخرها ويعملوا دراسة وكشف ميداني. طبعاً الكلام ده هيبقى بعينيهم بس، أكيد هيستخدموا أدوات من الأدوات اللي بيستخدموها، أشعار عن بعد، لكل تقنيات على سبيل المثال الصور الجوية والمرئيات الفضائية. وكمان يبدأوا إن هم يسجلوا المعلومات دي على خرائط. بيعملوا منها خرائط تفصيلية.

لو قال لك أنهي مرحلة اللي بيبدأ فيها الدور الفعلي للجغرافيين؟ قول له: المرحلة الثانية. اللي بنلجأ فيها نستخدم تقنيات وأدوات جغرافية؟ قول له: المرحلة الثانية. بالمرحلة اللي شكلنا فيها لجنة؟ قول له: المرحلة الثانية. بالل نزلنا فيها نزلنا فيها على أرض الواقع؟ قول له: المرحلة الثانية. بيبدأ كل حاجة يوصلوا لها يبدأوا إن هم يسجلوها على خرائط، يعملوا خرائط تفصيلية. وهنا إحنا لجأنا لتقنين تقنية الاستشعار عن بعد، نية نظم المعلومات الجغرافية، لأن أكيد إحنا سجلنا معلومات وبيانات إحنا شفناها على ورق أو على خرائط. تمام يا صديقي؟ تمام.

لحد دلوقتي برضه إحنا لسه ما عملناش حدود في الحقيقة. يعني ده برضه يدخل ضمن الدراسة أو الجانب النظري. تعال بقى ندخل في المرحلة الثالثة اللي اسمها مرحلة التعيين. بص بقى إيه اللي بيحصل في المرحلة دي. إحنا بنروح نجيب المعاهدة بتاعة المرحلة الأولى، وكمان نجيب الخرائط التفصيلية بتاعة الجغرافيين اللي في المرحلة الثانية. يبقى إحنا كده نجيب اللي إحنا جمعناه في المرحلة الأولى واللي إحنا جمعناه في الثانية، ونبدأ بقى ننزل لأرض الواقع يا صديقي، المرحلة الثالثة اللي اسمها التعيين. ونبدأ ناخد الورق في إيدينا ونمشي على الطريق اللي الجغرافيين وصفوه واللي قالوا الجغرافيين بالظبط. بنحط عنده علامات حدودية. العلامات الحدودية دي بتكون إيه؟ بتكون مثلاً قواعد خرسانية أو أسلاك شائكة أو حتى أعمدة أو حتى في دول متقدمة ما بتعملش كل الكلام ده وبتحط علامات على الأرض كده زي دولة هولندا ودولة بلجيكا. ف الفكرة كلها إن لازم يبقى في علامة واضحة بتعرفك إن ده آخر وده آخر. لو شفت أي علامة من دول اعرف يا صديقي إن أنت في المرحلة الثالثة، أو إنك كده نجحت في تخطي المرحلة الثانية اللي اسمها مرحلة التحديد. أنت مركز معايا؟ مركز معايا.

تعالي بقى وافهم الجزء ده بيتكلم عن إيه. بص يا، أول حاجة هيقول لك في الامتحان: مين المرحلة اللي تعد نتاج ثمار ما توصل إليه الناس المرحلة الأولى والمرحلة الثانية؟ قول له: المرحلة الثالثة اللي اسمها مرحلة التعيين. وهي المرحلة اللي مرتبطة بأرض الواقع. وهي المرحلة المرتبطة بالتطبيق العملي والفعلي. وهي المرحلة اللي بيظهر فيها الحد على الطبيعة. إن خلاص سوا حضرتك عملت سلك شائك، حتى عملت علامات أرضية، هي ظاهرة للجميع. ولكن اللغز هنا إن ممكن الراجل يجيب لك زي ما قلت لك صورة سلك شائك يقول لك: هذه الصورة هي الصورة التي تأتي بعد أنهي مرحلة؟ ت بعد أنهي مرحلة؟ آه، يبقى تأتي بعد المرحلة الثانية. طب تأتي قبل أنه مرحلة؟ يبقى قبل المرحلة الرابعة اللي اسمها إدارة الحد.

خلصنا كل حاجة وحطينا الأسلاك. خش بقى على المرحلة الرابعة اللي اسمها الإدارة. إدارة الحد هي المرحلة اللي هنحافظ فيها على الحدود. وهنا بنبدأ نحط بقى شوية حاجات كده عشان تساعد، زي مثلاً بنبدأ نعمل مراكز للحراسة، بنعمل نقاط تفتيش، بنعمل لجان، بنبدأ إن إحنا نعمل موانئ، نعمل مطارات. أي حاجة هتشوفها من دي في الامتحان اعرف إن أنت في المرحلة الرابعة اللي اسمها إدارة الحد. غالباً كمان مسؤولة فض المنازعات وعن إن يحصل استقرار ما بين الدول. المرحلة دي التعامل معاها إنك تبقى قوي وفي نفس الوقت تبقى رزين وحكيم. فبيقول هي المرحلة اللي بتعتمد على القوة والحكمة. قوة إن لازم يكون عندك جيش، وحكمة إن حضرتك ما ينفعش فاضي والمليان تقحم الناس. ودول يا صديقي الأربع مراحل اللي عندك.

تعالى بقى ندخل على الوظائف. الوظائف يا معلم أنت عندك أربع حاجات. بقول له: هو يعني إيه وظائف؟ قال لي: يعني عملنا الحدود دي ليه؟ فراغ عندنا ولا هيكون ليها دور؟ لا أكيد ليها دور. قال لي: تعال بقى أعرفك إيه دورها.

واحد، إحنا عملناها لوظيفة الفصل بين الدول.

اثنين، الحماية والأمن.

ثلاثة، الوظيفة الاقتصادية.

أربعة، الوظيفة السياسية والقانونية.

كده قلت أربعة. ها بقى أفصص لك كل واحدة منهم. نبدأ بالأولى اللي اسمها الفصل بين الدول. هيقول لي يا جماعة دي وظيفة رئيسية لأي حدود في الدنيا. نعمل حدود عشان نفصل ما بينا. وغالباً الوظيفة دي بتتعمل لما حضرتك تعدي على الأربع مراحل. يعني حضرتك هتعدي على المرحلة الأولى والثانية والثالثة والرابعة، ويبقى أنت كده يا صديقي حققت الوظيفة الأولى اللي اسمها الفصل بين الدول. يبقى هي الوظيفة اللي لو وصلنا لها يبقى إحنا لخصنا الأربع مراحل اللي عندي.

نبدا بالفصل بين الدول. بيقول لك الوظيفة دي هي الوظيفة الرئيسية لأي حدود، يعني أي حدود في الدنيا يا جماعة اتعملت عشان خاطر تفصل بين دولتين. وغالباً الوظيفة دي هي الوظيفة الأولى أصلاً، الأولى اللي أول ما ظاهرة الحدود كانت بتقوم بيها. لأن زمان أيام ما كان عندنا تخوم ولما تطورنا شوية وعملنا أسوار وقلاع، كان الهدف منها إن إحنا نفصل ما بينا وبين جيراننا ونحمي نفسنا.

اللي هو الحماية والأمن. ودي بتحصل لما الناس بيعدوا على الأربع مراحل لسه بقول لك عليها، اللي هو التعريف والتخطيط والتحديد والتعيين وإدارة الحد. وساعتها بيحطوا شوية قوات كده عشان خاطر يعني منه نفسه.

تعال بقى على الوظيفة الثانية اللي غالباً بتيجي في الامتحان، اللي اسمها الحماية والأمن. قال لك هي أهم الوظائف اللي بتقوم بها الحدود. ركز، يبقى أهم وظيفة هتقوم بها الحدود هي وظيفة الحماية والأمن. أنا عملت حدود عشان أحمي نفسي. ولكن إحنا عندنا مشكلة صغنطوطة قد كده إن التطور التكنولوجي اللي حصل والتقنيات الحديثة، لما تطور ده أثر على وظيفة الحماية والأمن. أثر عليها مرة بالإيجاب ومرة بالسلب. قلت له: نبدأ بالحلو؟ قال لي: يبقى نبدأ بالإيجاب. مش التقنيات الحديثة دي بدأت إن هي تخلي الدول تخترع حاجة اسمها أقمار صناعية؟ وأه؟ قال لي: ما هو القمر الصناعي ده بدأنا نستخدمه للمراقبة، وبدأت كل دولة قادرة تراقب الدولة اللي جنبها خلال القمر الصناعي. زي بالضبط كده أبوك في المحل بتاعه وحاطط كاميرا عشان يراقب الناس. هو كده بيستغل في جانب إيجابي.

طيب نفس التطورات دي اللي حصلت على الكاميرات واللي حصلت على الأدوات الحديثة على الأقمار الصناعية، هي نفسها بالظبط اللي حدثت على أسلحة الحروب. إحنا هنطور في حاجة ونسيب حاجة. فطورنا أسلحة الحروب بقى عندنا يا جماعة أسلحة حروب قادرة إن هي تقطع مسافة هائلة أو حتى تبدأ إنها في أي حدود مهما كانت قوتها. يعني مثلاً مش دلوقتي في صواريخ عابرة للقارات وفي قنابل وفي نواوي. الحاجات دي كلها هل مثلاً هيفرق معاها إن أنت دولتك عندها جبال ولا حاجة ولا أنت حاطط لي سلك شائك؟ فبالتالي هنا وظيفة الحماية والأمن تتأثر مرة بالإيجاب ومرة بالسلب. التقنيات الحديثة.

تعال بقى على الوظيفة الثالثة اللي اسمها الاقتصادية. امتى تختارها؟ قال لك ما ترد على نفسك. أنت بتقول اقتصادية يبقى أنت عايزها تساعدك في الجانب الاقتصادي. على سبيل المثال، الناس اللي واقفة على الحدود دي مسؤولة عن تفتيش البضائع، سواء اللي داخلة أو اللي جاية من البلد. ف لما حضرتك بتسمع كلمة بضائع، ده الحدود حققت لك وظيفة اقتصادية. تفتش البضائع، والله اللي مش عندك نبدأ نفرض عليه جمارك، فبالتالي أنا كده حميت المنتج بتاعك المحلي. كان بكل فخر تقول: صنعة في مصر، لأنك لو قلت: صنعة في مصر وجايب لك أنا بضاعة من بره بسعر أرخص من اللي عندك، مش هيتباع. أنت معايا؟

ثم بعد كده أنا ببدا أفحص لك المنتج ده، مدة صلاحيته، اللي لسه شغالة ولا انتهت؟ ويبقى أنا كده بحمي لك الشعب بتاعك من إنه لا قدر الله يتأذى بأي مرض، بأي حاجة. هتشوف فيها تفتيش بضائع وإحنا بنحمي المنتج والكلام ده، قول له يا باشا دي وظيفة اقتصادية. يبدأ دخل الدولة يزيد وميزانها التجاري يبقى في صالحها هي، لأنها بتحافظ على منتجاتها وكمان لما بتفرض جمارك ورسوم ده بيعلي من دخلها. متفقين؟ متفق.

إيه؟ تعال بقى نتكلم على آخر وظيفة اللي اسمها السياسية والقانونية. امتى تختار الوظيفة السياسية؟ قال لك والله حضرتك لو خارج من أي مطار، داخل أي معبر، أكيد هتلاقي فيه حكومة واقفة وهتقول لك: أنت رايح فين وجاي منين؟ لما نبدأ إن إحنا نفتش أشخاص ونمنع دخول ناس غير مرغوب فيهم، أنا كده شاكك في الشخص ده، يبقى أنا كده بحقق الوظيفة السياسية العسكرية، لأن أنا أمنع دخول حد الدولة إن ممكن يثير نزاع أو يعمل مشاكل جوه الدولة. عشان كده هنقول إن أي حاجة داخلية هي وظيفة سياسية. الداخلية هي وظيفة سياسية. أما الحاجات الخارجية هي الحماية والأمن. فمثلاً منع دخول أشخاص غير مرغوب فيهم دي اسمها وظيفة سياسية، لأني بحافظ على استقرار المجتمع.

اثنين، ما هو برضه مش الأشخاص بس يا جماعة اللي ممكن يعملوا حوارات. بيقول لك كمان إن إحنا بنمنع أي حاجة ممكن تعمل مشكلة. سبيل المثال مثلاً الأفلام الوثائقية، الناس اللي بتدخل بكاميرات وبتبدأ تصور مناطق كده حساسة في الدولة. لما بيحبوا يمنعوا عرض فيلم معين ممكن يعمل مشاكل في السياسة، أو حتى إن هم يمنعوا دخول كاميرات أو يمنعوا دخول أفلام وثائقية معينة. البلدي كده يا باشا هم بيحافظوا على استقرار الدولة من أي مشاكل داخلية فيها. أنت معايا؟ معاك يا عم.

اسمع بقى الحتة اللي جاية دي. بيقول لك دلوقتي برضه التقنيات الحديثة وثورة الاتصالات الحديثة أثرت بالسلب على الوظيفة السياسية. قلت له: ليه؟ قال يا باشا ما بقى في حاجة اسمها نت، والنت ده خلى كل الناس اللي عندك في الدولة توصل للي هي عايزاه. أي دولة تانية وهي قاعدة في مكانها، فبتالي أنا كده بقى مش هنقدر نمنع واحد داخل بكاميرا، واحد داخل بصحيفة ممكن تثير جدل، فيلم ممنوع من العرض، إن أي حاجة أنت عايز تشوفها بتشوفها دلوقتي على الإنترنت. فلو لقيت أي لفتة بتمنع وجود إنترنت في دولة معينة، هي كده يا صديقي بتحقق وظيفة سياسية داخل الدولة المعينة دي.

أما بقى حتة الوظيفة القانونية، هو قصده يقول لك إيه؟ إن كل مواطن لو غلط في دولة، ماهو عايش فيها، بيبدأ يتعاقب بقانونها. زي مثلاً أنا جمعت رحت عشت في أمريكا، ارتكبت جريمة هناك، وعُقبت بالقانون الأمريكي، ليش علاقة بالقانون المصري، لأني أنا عايش في أرض الدولة دي. وصلت يا صديقي؟

درس أنواع الحدود السياسية. بأي فكرة ممكن يجيبها لك في الامتحان. بص يا سيدي، أنت كطالب مطلوب منك شوية حاجات في الدرس ده. تبدأ تفهم إيه حدود طبيعية ويعني إيه حدود بشرية. هبدأ الأول أكلمكم على الحدود اللي اترسمت على الظاهرات الطبيعية. إحنا عندنا يا جماعة أربع حاجات: جبال، أنهار، بحيرات، بحار. خلينا نتكلم على الجبال والأنهار الأول كده بالراحة، وركز أنت مطلوب منك إيه. نبدأ بالجبال.

بص أنت كطالب مطلوب منك إنك تعرف إيه المميزات أو العيوب لما بتبقى الحدود جبلية. قو لي ليه؟ قو لي ليه؟ علشان لو قلت لك المنطقة دي فيها حدود جبلية، يبقى بينطبق عليها المميزات وكمان بينطبق عليها العيوب. قشطة؟ قشطة. وكمان مطلوب منك تعرف طريقة الرسم بتاعة الحدود على الجبال. قو لي ليه؟ قو لي ليه؟ علشان لما أقول لك المنطقة دي هي حدود جبلية، يبقى حضرتك لازم تشوف هم استخدموا أنهي طريقة في اللي أنا هقول لك عليها كمان شوية. وكمان لازم تعرف مين الأمثلة اللي تذكر في منهجك عن الحدود الجبلية وتحفظها وتركز في الخرائط بتاعتها. الكلام خالصاً.

تعال بقى نبدأ بص يا سيدي. إيه مميزات الحدود الجبلية؟ قال لك والله أ، إن الجبال دي بتتصف بظاهرة طبيعية وإنها واضحة، وإن الدولتين شايفين الحدود اللي ما بينهم. وده في حد ذاته ميزة. يبقى الوضوح والرؤية للحدود ده في حد ذاته ميزة. اثنين، بيقول لك والله إن المنطقة الجبلية دي الدولة تقدر تطلع منها ثروات ومعادن. يعني لو قلت لك المنطقة دي فيها جبال، يبقى الدولة هتطلع منها ثروات ومعادن. ها؟ وكمان ليها أهمية عسكرية واستراتيجية وقت الحرب، إن الدول بتستخدمها كأبراج للمراقبة وكمان بيقتصر عبورها على ممر معين، فبالتالي بيساعد الدولة إنها تأمن الممر ده، فبالتالي حدودها بتبقى مؤمنة. الكلام ده هينطبق على أي منطقة هقول لك إن فيها جبال. الكلام خلصان. خلصان.

تعالى بقى يا سيدي أعمل تست أنا وأنت. المنهج ذكر مثالين. قال لك في دولة عندنا اسمها دولة الشيلي ودولة الأرجنتين، والاثنين دول في أمريكا الجنوبية. حضرتك لو بصيت للخريطة دي هتلاقي إن ما بينهم سلسلة جبلية اسمها سلسلة جبال الأنديز. تعال نطبق عليها الكلام اللي أنا قلته. جبال الأنديز بتسأل نفسك سؤال: موجودة في تشيلي عند حدودها الإيه؟ والله لو رحت عند تشيلي هتلاقي سلسلة جبال الأنديز ممتدة من شمالها ونازلة لتحت كده، آه ما وصلتش لحد آخر جنوبها، بس ممتدة من الشمال للجنوب. وفي الحتة اللي موجودة في الشرق بالاخص، عشان كده جبال الأنديز بتمتد في

شرق دولة تشيلي، أنت مركز في الاتجاهات تمام. وبرضه هتلاقي جبال الأنديز بتمتد في غرب دولة الأرجنتين. أنت مركز في الاتجاهات، يبقى يا صاحبي المميزات اللي قلت لك عليها فوق دي هتنطبق على دولة تشيلي في جهاتها الشرقية، طب وعند الأرجنتين في جهاتها الغربية.

وبكده بقى دولة تشيلي تقدر بقى تستفاد من الأهمية الاقتصادية والثروات والأهمية الاستراتيجية. يقتصر عبورها على ممرات معينة بس، مش عند كل حدودها في الشرقية بس. ونفس الكلام عند الأرجنتين، برافو عليك، في الغربية بس. فهمت يا ابا؟ فهمت.

طيب، اقف لحظة بقى. أزود لك معلومة ثانية. الراجل بيقول إن المنطقة الجبلية ليها عيوب، إنها بيقل فيها السكان، ما فيهاش تجمعات سكانية، دي منطقة جبلية. وكمان يا باشا، طالما هيقل السكان إذا ما فيش امتزاج ولا في تجانس ولا في عيشة أصلاً هناك. فبالتالي المنطقة الجبلية اللي هيشاور لك عليها عند التشيلي والأرجنتين بتتصف بأنها بيقل فيها التجانس وبيقل فيها الامتزاج، وخالية من السكان. مركز في الحتة دي؟ مركز.

وكمان بيقول لك إن المنطقة الجبلية بتصعب على الحكومة والدولة إنها تعمل تنمية عمرانية ومنشآت عمرانية. يبقى الكلام ده هينطبق على دولة التشيلي من جهتها الشرقية، والأرجنتين من جهتها. تسلم اللي بترد. أنا حمار.

وكده يبقى إحنا خدنا المميزات والعيوب وطبقنا على الدول. نزل بقى على الفقرة الثانية. إزاي بيرسموا الحدود على الجبال؟ المنهج قال بطريقتين. الأولى اسمها خط تقسيم المياه. يعني إيه؟ يعني بنجيب الجبل ونبدأ نشوف يا باشا النص ده قد إيه والنص ده قد إيه ونقسم بالنص بالظبط على حسب إن المطر لما نزل، شوية مطر نزل الناحية دي وشوية مطر نزل الناحية دي. فهم بيعتبروا إن الجبل في نص الدولتين، فبيوصلوا عند قمة الجبال ويقوموا حاطين العلامات الحدودية بتاعتهم. فبيظهر الشكل بالطريقة دي. فتلاقيها في نص الجبل. دي اسمها طريقة خط تقسيم المياه. بالمناسبة، هو كده مش دولة واحدة اللي استفادت، دول الدولتين استفادوا. فبالتالي لو قال لك هل الطريقة دي بتحرم دولة من الاستفادة من مزايا الحد؟ أقول له لا، ده الدولتين بيستفادوا من مزايا الحد الجبل. متفقين؟ متفقين.

في طريقة ثانية بقى اسمها عند أقدام الجبال. ودي بيخلوا الجبل كله يخلص ويرسموا الحدود من بعد ما الجبل يخلص زي الصورة دي. فبالتالي بيبقى الجبل بالكامل عند دولة واحدة فقط يا صديقي. ودي بقى الطريقة اللي بتحرم دولة من الاستفادة من مزايا هذا الحد. فهمت أنت كده؟ طيب، هو الكلام ده هيجي لك كده ولا هيطبق على الخريطة؟ هيطبق. فتعال أقول لك. تعال نطبق الكلام ده. هنفتح نفس المثالين بالظبط، تشيلي والأرجنتين اللي كان ما بينهم جبال برافو اسمها جبال الأنديز. لو حضرتك بصيت بعينك على جبال الأنديز هتلاقي في خط أسود كده في النص بالظبط. أيوه هو الخط ده. الخط ده يا معلم معدي تقريبًا كده من نص الظاهرة. صح؟ يعني هو ما جاش عند أقدام الجبال. فبالتالي أقدر أقول إن دي الطريقة اللي اسمها خط تقسيم المياه. فبالتالي استفادت الدولتين من مزايا الحد، سواء تشيلي أو حتى الأرجنتين.

انزل بقى تحت شوية كده هتلاقي إن في الجهات الجنوبية من التشيلي والجهات الجنوبية من الأرجنتين سلسلة جبال الأنديز بدأت تختفي تقريبًا. يعني كده الجبال دي متركزة في الشمال الشرقي من تشيلي والشمال الغربي من الأرجنتين. آه. أما الحتة الجنوبية من تشيلي فهتلاقيها متقطعة كده. يعني الشكل هناك بيبقى مجزأ. فبالتالي بيبطل وبيقل حركات التنمية والتطوير. فهتبص تلاقي الحتة اللي في جنوب تشيلي هي حتة مجزأة. فبالتالي حركة التنمية هناك هتلاقيها بتقل شويتين بسبب الشكل بتاع الدولة مجزأ. تمام.

خد بقى اللي أنا قلته ده وهنطبقه بالظبط على مثال ثاني. تعال بقى ناخد الكلام ده ونطبقه على دولتين ثانيين برضه ذكرهم كتاب المدرسة في مثال، فلازم نحترمه. بص يا باشا، عندنا دولة اسمها إسبانيا ودولة اسمها فرنسا. ما بينهم جبال اسمها جبال البرانس. الجبال دي هينطبق عليها نفس اللي أنا قلته بالظبط. بمعنى هنسأل نفسنا سؤال: هي موجودة على أنهي حدود من إسبانيا؟ هنلاقيها الشمالية. طب وفرنسا؟ هنلاقيها الجنوبية. فبالتالي مميزات الجبال اللي أنا قلتها لك من شوية لو تفتكر، اللي هو بقى الثروات والمعادن والأهمية الاستراتيجية واللازم منه، كل ده تستفاد منه دولة إسبانيا في جهاتها الشمالية وفرنسا في جهاتها الجنوبية. أما بقى العيوب اللي هو السكان بيقلوا وبتكون المنطقة دي ما فيهاش تجانس ولا ينفع فيها تنمية عمرانية، نفس الكلام بالظبط عند إسبانيا من جهتها الشمالية وفرنسا في جهتها الجنوبية.

ولو حضرتك ركزت وبصيت هتلاقي نفس الخط الأسود اللي كنا بنقول عليه الحدود معدي في نص الجبال. يعني تقريبًا برضه طريقة رسم الحدود كانت خط تقسيم المياه. أنت مركز؟ ولكن في حاجة لفتت نظر. إن الخط ده وهو معدي لقيناه قطع دولة كده اسمها دولة أندورا. بص كده عليها. أيوه هي دي. دي دولة يا معلم موجودة بين الدولتين، بين إسبانيا وبين فرنسا. وهي دولة ذات طبيعة جبلية. فبيقول لك يا باشا أندورا دي هي دولة حبيسة جبلية. ولكن هي مش داخل دولة إسبانيا ولا داخل دولة فرنسا. عارف إيه اللي خلاها مش داخل الدولتين؟ طريقة رسم الحدود. إنما لو كنا رسمنا الحدود عند أقدام الجبال، هنا بقى كانت هتبقى عندي دولة من الاثنين، يا كلها عند دولة إسبانيا، لا إما كلها عند دولة فرنسا. فبالتالي المتحكم في الموضوع طريقة رسم الحد على الظاهرة هو اللي فرق مع دولة أندورا. أنت معايا؟ معاك يا عم جمعه.

تعال بقى نحط شوية أسئلة كده اللي ممكن يجيبها لك على الحتة دي. رقم واحد: لو قال لك يا باشا تتشابه دولة التشيلي والأرجنتين مع دولة إسبانيا وفرنسا في نوع الحد الفاصل؟ قول له صح. نوع الحد الفاصل جبلي، لأن دي جبال الأنديز ودي جبال البرانس. طب لو قال لك بقى يا باشا الاثنين بيتشابهوا في امتداد الظاهرة؟ قول له لا، مش في امتداد الظاهرة. بين التشيلي والأرجنتين هتلاقوا جبال الأنديز ممتدة من الشمال للجنوب، فده بتقول عليه امتداد طولي. أما بين إسبانيا وفرنسا فهتلاقي الامتداد عرضي. فهم متشابهين في نوع الظاهرة بس مختلفين في الامتداد، واحد طولي والتاني عرضي. ركز بقى في الحتة اللي جاية دي.

إنما صاحبي لو قال لك إن الاثنين متشابهين في طريقة رسم الحد على الظاهرة؟ افتكر كده، واحدة كانت مستخدمة خط تقسيم المياه، والثانية برضه مستخدمة خط تقسيم المياه. يبقى هم فعلاً متشابهين في طريقة رسم الحد على الظاهرات. أما بقى الكلام التعبان إن أي حدود جبلية هتقابلك في المنهج هي كده امتلكت حدود قوية محصنة، درجة الفصل بتاعتها أقوى من درجة فصل أي ظاهرة طبيعية أخرى. يبقى أقوى حدود بتمتلك درجة فصل وقوة هي الحدود الجبلية. وده يرجع لخصائص الظاهرة ذات نفسها، صفاتها، لأن دي جبال، حاجة قوية. وده عكس أي ظاهرة طبيعية أو بشرية أخرى. والكلام ده بيتفق مع أرسطو اللي قال لك إن الدولة اللي عندها حدود محصنة هي دولة قوية. يبقى أي دولتين ما بينهم حدود جبلية ده بيتفق مع مين؟ أرسطو. اللي جاي من دولة اليونان اللي كان عامل مؤلف اسمه السياسة. ما تنساش الكلام ده مهم جدا.

وهنا ممكن يجيب لك سؤال تطبيقي بمعنى يجيب لك دولة في الشمال وتحتيها دولة في الجنوب والجبال ما بينهم بالعرض ويقول لك: الأجبال دي بتتشابه مع الحدود الفاصلة بين مين ومين؟ قول له وبين إسبانيا وفرنسا، لأن الجبل كان بالعرض. أما لو جاب لك دولتين جنب بعض وحط لك الجبال ما بينهم بالطول، قول له دي بتتشابه مع تشيلي والأرجنتين، لأن كان الامتداد فيهم طولي. الكلام ده هينطبق مع أي دول، زي مثلا لو قلت لك بين الهند والصين في سلسلة جبال جايه بالعرض اسمها جبال الهيمالايا. طالما جايه بالعرض يبقى يا باشا بتتشابه مع البرانس اللي بين إسبانيا وفرنسا. أما يا بين السويد والنرويج ففي سلسلة جبال اسمها كيولين ودي جايه من الشمال للجنوب. فمن الشمال للجنوب يبقى هي كده بتتشابه مع الأنديز في الامتداد بتاعها الطولي.

وكده يا صديقي دي أفكار الأسئلة اللي ممكن تجيلك على الجبال أو الحدود الجبلية في امتحانك بإذن الله. ركز وادخل معايا على الحدود اللي بعد كده، الحدود النهرية. تعال برضه نطبق نفس الكلام اللي قلته على الأنهار. مبدئيًا، إيه حدود نهرية؟ يعني بين دولتين في نهر واحنا هنرسم في النهر ده حدود عشان الدولة دي تعرف أولها وآخرها والدولة دي تعرف أولها وآخرها. مطلوب منك برضه تعرف ثلاث حاجات: المميزات والعيوب، ورقم 2 هم إزاي بيرسموا الحدود على الأنهار، ورقم 3 كده ناخد كم مثال جاهز. يابا يلا بينا نبدأ بسم الله.

أول حاجة بالنسبة للمميزات بتاعة إن بيني وبينك يبقى في حدود نهرية. بص يا سيدي، النهر ده في حد ذاته ظاهرة طبيعية. ولو بيني وبينك نهر فهي حاجة باينة، حاجة واضحة. فده ميزة مش عيب. يبقى كده بيتشابه الحدود الجبلية والنهرية في إن الاثنين حدود طبيعية واضحة في الطبيعة. وكون إن هي واضحة عشان طلاب الأزهر ده بيديها ميزة مش عيب. تعالى بقى نتكلم في الحتة اللي أنت هتنساها. بيقول لك إن الأنهار تستخدم كخط دفاعي منيع. إيه؟ تستخدم كخط دفاعي منيع. أنا قعدتها لك ثلاث مرات عشان أنت هتنساه. يعني يا مستر؟ يعني يا جماعة لو في نهر بيفصل بين دولتين، أكيد لو الدولتين دول داخلين في حرب مع بعض، عشان تاخد قواتك وتنقل من الضفة دي وتروح الضفة الثانية عشان تحارب الدولة الثانية، أكيد مش هتروح هناك تلاقيهم فرش لك الأرض ورد. يعني أكيد هم هيأمنوا لك دو، هيحطوا قوات لدرجة أصلاً إنهم يفضلوا يضربوا عليك نار وأنت ماشي في النهر، مش هيدوك فرصة أصلاً إنك تعبر هذا النهر. عشان كده بيقولوا إن الأنهار تستخدم كخط دفاعي.

وقام الراجل مديك مثال قال لك مثلا زي حرب أكتوبر في 73 لما ما كناش قادرين كجيش مصري نعبر قناة السويس وندخل في الضفة الشرقية عشان نوصل لسينا. ليه إن شاء الله ما كانش عندنا مراكب؟ قال لك لا، عشان إسرائيل كانت مأمنة الضفة من الناحية الثانية بحاجة اسمها خط بارليف. وهنا يبقى هو بيشبه لك بالحدود النهرية مش الجبلية. فهمت؟ فهمت. وهنا يا معلم ما ينفعش أقول إن الجبال بتنفرد عن الأنهار بكونها خط دفاعي، لأن الاثنين بيستخدموا كخط دفاعي. ولكن الجبال بتتميز على الأنهار بأنها أقوى، وليس تنفرد بكونها خط دفاعي. تمام؟ تمام.

تعالى بقى نتكلم على العيوب اللي غالبًا هيسألك فيها في الامتحان. إيه هي عيوب الأنهار؟ بيقول لك يا معلم النهر ده بما إنه ميه، فبيأثر بعوامل التعرية المائية. يعني إيه؟ يعني إن النهر وهو ماشي كده يقعد ينحت ينحت ينحت، فيقوم مغير مجراه أصلاً. قلت له: هو النهر ممكن ينحت فيغير مجراه؟ قال آه. ودي بنسميها العوامل الجيومورفولوجية. ودي بنسميها العوامل الجيومورفولوجية. أي عوامل النحت والتعرية. خد بالك من الكلمة جيومورفولوجية عشان لو قبلتك قلت له طب تمام. ده بقى يأثر في إيه؟ قال لك ما هم لو الدولتين متفقين إن ما بينهم نهر وفجأة النهر ده غير مجراه، كده يا باشا الدنيا هتخرب وهنخش في حرب. على سبيل المثال، اسمع المثال عشان مهم. ما بين دولة الولايات المتحدة واللي تحتيها اللي اسمها دولة المكسيك، ما بينهم نهر جاي بالعرض اسمه النهر أبو 100 اللي قلت لك عليه، اللي هو نهر الريو جراند. النهر ده سنة 1898 غير مجراه. يعني إيه غير مجراه؟ يعني يا باشا كان ماشي كده ونازل لتحت، وكان في منطقة اسمها منطقة بانكو تابعة للولايات المتحدة. لما غير مجراه ومشي على طول، الولايات المتحدة فقدت منطقة بانكو وأصبحت بانكو تابعة للمكسيك. وبكده أقول إن نتيجة التغير في المجرة ده استفادت المكسيك إيجابيًا من التغير ده لأنها زادت مورفولوجيًا، مساحتها زادت. إنما دولة الولايات اتأثرت سلبيًا لأنها فقدت منطقة بانكو.

وهنا في لغز بسيط لازم حضرتك تعرف الحتة اللي هقولها لك دلوقتي دي. لو في دولة في الشمال ودولة في الجنوب والنهر ما بينهم بالظبط، النهر ما بينهم بالظبط ها، يعني جاي بشكل عرضي، فهنا والنهر ده غير مجراه، الدولة اللي في الشمال هتفقد جزء من أراضيها الجنوبية. أما الدولة اللي في الجنوب كده هتفقد جزء من أراضيها الشمالية. إنما بقى يا باشا لو أنا معايا دولة على اليمين وجنبها دولة على الشمال والنهر ما بينهم بالظبط، فده لو حصل أي تغير فيهم، دولة هتفقد جزء من أجزائها الغربية ودولة أخرى هتفقد جزء من أجزائها الشرقية. فركز هو النهر فين عشان لو فقدنا جزء هنفقعها. مثلاً، الولايات المتحدة تحت فقدت أنهي جزء من أراضيها؟ الجنوبي. طب المكسيك استفادت وزاد عندها أنهي جزء من أراضيها؟ الشمالي. فهمنا الحتة دي؟ تمام.

خش بقى معايا على الأمثلة. صادق قال لك والله إحنا عندنا ثلاث أنهار لازم تاخد بالك من أسمائهم. في نهر اسمه الريو جراند، وده أنا لسه قايل لك عليه. وفي نهر ثاني اسمه الراين. وفي نهر ثالث اسمه بوج. نهر بوج ب و ج. مش في حاجة اسمها بوج. تعالى بقى نشوف إيه اللي هيتقال في كل نهر من دول. نبدأ بالريو جراند. مطلوب منك إن كل نهر من دول تعرف هو بيفصل دولة مين عن دولة مين، وإيه طريقة رسم الحدود اللي استخدموها وهم بيرسموا حدوده. نبدأ بالريو جراند. أنا لسه قايل لك بيفصل بين الولايات والمكسيك، لأنه الحدود الجنوبية بتاعة الولايات بس الحدود الشمالية بتاعة المكسيك. إيه اللي حصل؟ قال لك والله لما جم يرسموا الحدود في النهر ده، رسموها بطريقة اسمها خط المنتصف، أي خط الوسط. يعني بيقيسوا العرض بتاع النهر، مثلاً طلع 100 متر، يبقى الولايات تاخد 50. تمام؟ والمكسيك تاخد 50. أنت رزمه وأنا رزمه. تمام؟ ويترسم الحدود وتمشي بطول النهر. دي بيسموها طريقة خط الوسط. ملحوظة: الطريقة دي ممكن تتسبب في إعاقة حركة الملاحة أو إنها تزود العلاقات الدولية بين الدولتين، لأن كل دولة بتكون ملتزمة إنها تمشي في طريق معين بس في الجزء المخصص ليها. كده تمام؟ تمام. ما تنساها بقى.

خش على المثال الثاني بتاع نهر الراين. بيقول لك نهر الراين ده، ده الكتاب قال بيفصل بين فرنسا وألمانيا. وطريقة رسم الحدود فيه اسمها طريقة العمق الملاحي. كلمة العمق الملاحي يا صاحبي إن إحنا ننزل في قاع النهر ونشوف مين أعمق منطقة في النهر وعندها هنحط العلامات الحدودية ونطلع. ليه؟ علشان أي سفينة بيكون أنت بتشوف الجزء اللي بيطفو بس فوق الميه صح؟ إنما تحت خالص كده تحت الميه بيكون في جزء آخر اللي هو بطن السفينة. طيب لو القاع بتاع النهر قليل، فبطن السفينة ده هيخبط في النهر صح؟ فهم بيدوروا على الحتة الأعمق. ودي بيقولوا عليها طريقة العمق الملاحي. فالدول بتقعد مع بعض وبتتفلسف عشان دي خدت 50، دي تاخد 50. ولكن بيبقى في اتفاق. فالموضوع بيفرق إيجابيًا في حركة الملاحة الدولية وبيزود العلاقة التجارية والاقتصادية بين الدول. يبقى لو قال لك أكتر طريقة ليها مميزات بالنسبة لحركة الملاحة والتجارة الدولية، قول له يا باشا العمق الملاحي اللي اترسم بيه نهر الراين.

ما تيجي نقف لحظة. نهر الراين اللي بيفصل بين فرنسا وألمانيا. وكده أنت سمعت كلمة الراين، وكده أنت سمعت كلمة فرنسا مرتين. مرة مع إسبانيا كان في حدود ما بينهم جبلية اسمها البرانس. ومرة مع ألمانيا. آه هي دي الحدود الشمالية. ودي حدود نهرية اسمها نهر الراين. أما بقى صديقي آخر نهر معاك هو نهر بوج. وده رافد كده زي عندنا في مصر. عندنا نهر النيل آخره بيكون في حاجة اسمها رافد دمياط ورافد رشيد اللي هو فرع دمياط وفرع رشيد. فبيقول لك يا باشا بولندا زي مصر كده عندها نهر كبير اسمه نهر الفستولا. نهر الفستولا ده طالع منه رافد اسمه بوج. بيقول لك النهر ده فصل بولندا عن الدولتين اللي جنبها اللي هي بيلا روسيا وأوكرانيا. فترسم الحدود في نهاية الضفة بتاعة نهر بوج ده علشان يبقى بالكامل داخل أراضي دولة بولندا. فالطريقة دي بنقول عليها إحدى ضفتي النهر. إحدى ضفتي النهر. وهنا يا صديقي يبقى أنت خلصت الأنهار والدنيا زي الفل. اللهم تحليلك لخريطة الأنهار. هتاخد بالك جدًا من الخريطة دي وهتركز في اللي هقول لك عليه.

النهر ده اللي اسمه نهر الراين بيبدأ من دولة سويسرا. وطالما بدأ من سويسرا هنقول إن سويسرا هي الحوض الأعلى. وبيخلص عند دولة هولندا لأنه بيصب في بحر الشمال. فهنقول إن هولندا ومنطقة بحر الشمال هي الحوض الأدنى. سجلت؟ سجلت. انزل معايا تاني للحوض الأعلى هتلاقي إن نهر الراين في المنطقة دي هو نهر فاصل بيفصل بين دولة سويسرا والنمسا، وبين سويسرا وألمانيا، وبين ألمانيا وفرنسا. فبالتالي في منطقة الحوض الأعلى استخدم كـ نهر فاصل فاصل. ركز في الكلمة دي. طيب وهنا يا معلم لو أنت طلعت فوق كده عند الحوض الأدنى مش هتلاقيه فاصل. هتلاقيه عبر حدود ألمانيا وهولندا. فبالتالي هو في الحوض الأدنى بقى نهر عابر. وهنا أنت بتسجل ملحوظة إن نهر الراين في الحوض الأعلى وحوض الأوسط اللي بين ألمانيا وفرنسا كان فاصل. إنما في الحوض الأدنى كان عابر. ودي هتركز فيها جدًا لأن ممكن يقول لك هو بيتشابه في حوض الأعلى مع مين وفي حوض الأدنى مع مين. بيتشابه في حوض الأعلى وهو فاصل مع أي نهر فاصل على سبيل المثال مثلاً نهر بوج، نهر الريو جراند، نهر الدانوب. وبيتشابه في حوض الأدنى مع أي نهر عابر. المنهج هيقول لك في الدرس رقم تسعة إن الأنهار العابرة اللي عندك هي نهر النيل. يبقى نهر النيل هو نهر عابر. خد بالك جابها له قبل كده في سؤال ثانوية عامة وقال له: بيظهر دور الأنهار كعامل فصل في أنهي منطقة؟ وجاب له في الاختيارات: الحوض الأعلى لنهر الراين، ولا في الحوض الأدنى لنهر الراين؟ فكانت الإجابة: الحوض الأعلى والأوسط لنهر الراين.

إيه الجزء الثاني من أنواع الحدود؟ ويعني إيه حدود بشرية؟ ويعني إيه حدود بحيرية؟ نبدأ بالحدود البشرية. ركز عشان لو هيجي لك سؤال فيها في الامتحان هيجي من اللي هقوله لك مش هيخرج بره عن كده. اسمع بقى بالراحة. الحدود البشرية دي يا صاحبي هي حدود رسمها الإنسان وفقًا لحاجتين: حاجة اسمها حدود بشرية هندسية وحاجة اسمها إثنوغرافية أو حضارية. نبدأ بالهندسية. إمتى يبقى الحد هندسي؟ قال لك والله ده بياخد أربع أشكال. في هندسي فلكي بحت، وفي حاجة اسمها مستقيم بين نقطتين معلومتين، وحاجة اسمها مماس دوائر ليها مركز معلوم، وحاجة اسمها على أبعاد متساوية من ظاهرة طبيعية. طبعًا حضرتك مش فاهم حاجة. تعالى أفهمك.

بص صديق، نبدأ بالهندسة الفلكي البحت. ده عبارة عن إيه؟ قال لك والله هي مش الخريطة دي فيها خطوط طول وفيها دوائر عرض؟ طول آه. قال لي لو أنت بصيت على أي خط طول هتلاقيه ماشي عدل كده على طول مش مايل، ودايرة العرض بتبقى جايه عدل كده على طول مش مايلة. لو لقيت حدود الدولة ماشية عدل كده على طول تقدر تمشيها مع خط طول أو مع دايرة عرض، قول عليها حدود فلكية بحت. طب تعال ناخد مثال. قال لي بص على خريطة مصر. تمام؟ بص على حدودها الجنوبية. هتبص تلاقي الحدود الجنوبية ممتدة عدلة كده على طول ومتمشية مع دايرة عرض رقم 22. فطالما الحدود جايه بالعدل كده وماشية مع دائرة عرض معينة فهنقول عليها إنها حدود فلكية بحت. نفس الكلام حدود مصر برضه الغربية هتلاقي معظمها ممتدة كده على طول ومتمشية مع خط طول رقم 25 شرق. دي كمان هنقول عليها فلكية بحت.

إمتى بقى يبقى الحدود عبارة عن خط مستقيم ممتد بين نقطتين معلومتين؟ قال لك والله لو الحدود جاية بشرطة كده بميلة كده، وأنت لا هتقدر تمشيها مع خط طول ولا مع دايرة عرض. خد مثال. قال لي بص على الحدود اللي بين تشاد وليبيا. بصيت؟ هل يا معلم الحدود اللي أنت شايفها قدامك دي حدود جايه عدل ولا مايلة شوية؟ مايلة. تقدر تخليها تتماشى مع خط طول؟ لا، ما فيش خط طول جاي كده أصلاً. تقدر تخليها متماشية مع دايرة عرض؟ لا برضه، ما فيش دايرة عرض جايه كده أصلاً. فبالتالي اللي هتلاقيها مايلة كده قول عليها إن دي حدود هندسية عبارة عن خط مستقيم ممتد بين نقطتين معلومتين. تعال بقى كده أديك مثال وأنت تقول لي هي فلكية ولا خط مستقيم. نبدأ مثلاً بالحدود اللي بين مالي وموريتانيا. بص تلاقيها مايلة. أديك قلت خط مستقيم. طب بص بقى على الحدود اللي بين مالي وموريتانيا. لو أنت بصيت على الحدود اللي بين مالي وموريتانيا هتلاقيها عدلة كده على طول. فدي هنسميها حدود فلكية. ويبقى أنت عرفت يا صديقي تفرق ما بين الاثنين.

تعالى بقى على الثالثة اللي اسمها مماس دوائر. بيقول لك عبارة عن أنصاف دوائر معلوم مركزها. بمعنى الحدود اللي بين الدول اللي بتلاقيها ماشية متعرجة كده أو ملولوه كده أو نص دايرة أو نص قوس اسمها مماس دوائر. زي مثلا الحدود اللي بين غينيا وسيراليون. بص كده عليها. هتلاقيها يا باشا الحدود دي عبارة عن قوس مقعر كده. فهو ده اللي بنقول عليه مماس دوائر. فهمنا يعني إيه؟

أبعاد متساوية من ظاهرة طبيعية؟ دي أنت أخدتها قبل كده. قال لك هي عبارة عن حدود رسمت في منتصف ظاهرة طبيعية. اللي إحنا كنا بنقول عليها قبل كده خط المنتصف. سواء بقى جايه في نص جبل، في نص بحيرة، في نص نهر. دي كلها اسمها على أبعاد متساوية من ظاهرة طبيعية. ونا إحنا طلعنا بمعلومة يا صديقي إن الحدود الهندسية مش بس فلكية، لا في خط مستقيم ومماس دوائر وعلى أبعاد متساوية من ظاهرة طبيعية.

أما النوع الثاني اللي اسمها حدود حضارية أو إثنوغرافية أو حتى قومية. دي الحدود اللي بتفصل بين دولتين لا هم نفس الدين ولا هم نفس اللغة. فمثلاً لو حضرتك بصيت على الحدود اللي بين الهند وباكستان اللي رسمها الاستعمار. هنا حدود رسمت على أساس إثنوغرافي، لأنها فصلت دولتين على ديانتين مختلفتين. هتلاقيها بتفصل دول كل دولة ليها لغة مختلفة عن الثانية. زي مثلا ما بين إسبانيا وفرنسا. طب ما دي لغة ولغة. بين فرنسا وألمانيا. طب ما دي لغة ولغة. بين فرنسا وإيطاليا. ما دي لغة ودي لغة. هتبص تلاقي قارة أوروبا بيزداد فيها الحدود الإثنوغرافية على أساس اللغة. ده بسبب تعدد القوميات أو تعدد اللغات اللي هناك. فهمنا يا صديقي؟ فهمنا.

تعالى بقى أقول لك معلومة مهمة. وطننا العربي الـ 22 دولة اللي فيه بيتكلموا بلغة عربية. فبالتالي ما ينفعش نرسم حدود في وطننا العربي إثنوغرافيًا. ليه؟ لأن إحنا كلنا لغة واحدة ودين واحد. ولكن بين دول الوطن العربي وجيرانها اللي هم مش عربيين، وارد يترسم حدود حضارية إثنوغرافية. طب بين دول الوطن العربي وبعضها البعض؟ لا تختفي الحدود الحضارية القومية الإثنوغرافية. وصلت يا صديقي؟ وصلت.

وده ملخص كده للحدود البشرية، سواء هندسية أو حضارية إثنوغرافية. ملحوظة: الحدود الهندسية هي حدود بتنتشر في قارة أفريقيا وبتنتشر في أمريكا الشمالية. بتنتشر في أفريقيا بسبب زيادة مساحة الصحاري اللي موجودة هناك. وبالتالي أي حدود هندسية الراجل هيشاور لك عليها، تأكد إنها خالية من السكان وخالية من الموارد وفيها كل صفات الحدود بقى اللي هي رسمت وفقًا لنص قانوني وكمان قابلة للنقل والتعديل والتغيير وكمان الحدود دي خلت من الموارد الاقتصادية. تمام يا معلم؟ وكمان اتعرضت لمسح ميداني. تمام يا صديقي. وده الخلاصة بتاعة الحدود البشرية.

تعالى بقى نتكلم على الحدود الطبيعية البحيرية. وركز هو هيسألك فيها إزاي؟ بكل بساطة لو لقيتوا دولتين بيفصل ما بينهم بحيرة كده اسمها حدود بحيرية. طيب بيقول لك لو البحيرة جنبها دولتين، فالأفضل للدولتين إنهم يرسموا حدودهم بطريقة خط الوسط أو الخط الأوسط أو خط المنتصف. اللي هو فيما معناه يا صاحبي إن البحيرة هتتقسم ميتها على الدولتين بالتساوي. دي تاخد النص ودي تاخد النص. وقام الراجل ديك مثال زي البحيرات العظمى الخمسة: سوبيريور، وهورون، وإيري، وانتاريو، ومتشجن. الخمس بحيرات دول هم بيفصلوا بين الولايات المتحدة وكندا. ولكن يا صديقي في ملحوظة مهمة جدًا هتاخد بالك منها. لو أنت فتحت الخريطة بتاعتهم هتلاقي أربع بحيرات فقط هم اللي استخدموا كحدود سياسية، باستثناء واحدة اسمها متشجن. وأن أنت هتركز مين البحيرات اللي استخدموا كحدود ومين اللي ما استخدموش كحدود. فهتلاقي إن سوبيريور وهورون وإيري وانتاريو رسم بيهم الحدود في الخط الأوسط، أبعاد متساوية من ظاهرة طبيعية.

وبكده يصنفوا إنهم بحيرات دولية، لأن بتشرف عليهم دولتين. وقد يثيروا نزاعات سياسية، لأن أنا قلت لك أي حاجة دولية ممكن تعمل نزاع. باستثناء طبعًا متشجن، إننا بنعامل معاملة البحيرة المحلية لأنها بكامل حدودها داخل أراضي دولة الولايات. وإن موقعها الجغرافي خلاها تتعامل إنها بحيرة محلية وليس دولية. يبقى يقل بها النزاعات السياسية. متفقين؟ متفقين.

وهنا بقى حضرتك هتركز معايا في التركية. لو أنت جبت خريطة الولايات المتحدة وقسمتها هتلاقينا قلنا إن جنوبها في نهر ريو جراند، يبقى حدود نهرية. أما لو طلعت في الشمال ومشيت كده على طول الحدود الشمالية هتلاقي مقسومة نصين. في الشمال الشرقي حدود بحيرية مع كندا. أما في الشمال الغربي حدود فلكية. ده يعتبر أطول حد فلكي في العالم ما بين الولايات وكندا. أما حدودها الشرقية والغربية فهنا في محيط وهنا في محيط. يبقى حدود بحرية. وبكده يبقى الولايات المتحدة من أكتر دول العالم عندها تنوع في حدودها، لأنها عندها أغلب أنواع الحدود. متفقين يا صديقي؟ متفقين.

انزل بقى معايا على الحدود بتاعة بحيرة فيكتوريا. هتلاقي بحيرة فيكتوريا متقسمة بين ثلاث دول: أوغندا، وكينيا، وتنزانيا. سجل معايا المعلومات دي. لو زادت الدول اللي بتشرف على البحيرة عن دولتين، فهنا مش هينفعوا يرسموها بطريقة خط الوسط، بل هيرسموا وفقًا لاتفاقيات دولية. يعني ميه البحيرة مش هتتقسم بالتساوي. إحنا هنشوف كل دولة بتشرف على البحيرة بساحل طوله قد إيه ونكتب في الاتفاقية كده إن هي ليها نصيب أكبر من ميه البحيرة دي. تعال بقى نسجل الكام معلومة دول. لو أنت بصيت هتلاقي إن تنزانيا هي أكتر دولة ليها ساحل بتشرف بيه على البحيرة. وبالتالي أكتر المستفيدين من بحيرة فيكتوريا هي تنزانيا. وهتلاقي إن كينيا هي أقل ساحل بيطل على البحيرة. يبقى أقل المستفيدين هي دولة كينيا.

وهنا الراجل ممكن يشغل دماغه عليك ويقول لك: ماذا لو رسمت حدود فيكتوريا بالتساوي وتم تقسيم المياه بالعدل على جميع الدول؟ ساعتها هتبقى أكتر المستفيدين كينيا، لأنها رغم إنها بتمتلك ساحل صغير، إلا إنها خدت زي الدولة اللي بتمتلك ساحل كبير. ركز وسجل لي كم معلومة دول بالمرة كده. إن تنزانيا بتقع في نص نص الكرة الأرضية الجنوبي، لأنها بالكامل تحت الاستواء. أما يا سيدي أوغندا وكينيا هم موجودين في نص الكرة الشمالي والجنوبي، لأن خط الاستواء جاي في نصه. ولكن كل الدول الثلاثة موجودين في نص العالم الشرقي. ركز الحتة دي كمان في تركية في الخريطة كده مش عارف خدت بالك منها ولا لأ. إن حدود فيكتوريا ذات نفسها لو أنت مشيت عليها هتلاقي في حدود بتفصل بين أوغندا وتنزانيا متماشية مع دائرة عرض واحد جنوبًا. وهنا بقى هقول عليها حدود فلكية بحت. أما يا باشا ما بين تنزانيا وكينيا هتبص تلاقي الخط بقى مايل سن كده هقول عليه خط مستقيم. أما كمان في حدود هتلاقوها ممتدة بشكل فلكي ثم متعرجة في صورة مماس دوائر. الجزء الشمالي من كده.

يا معلم يبقى كمان رسمت حدود على فيكتوريا فلكية، وحدود خط مستقيم بين نقطتين معلومتين، ومماس دوائر معلوم مركزها. كمان اترسم عليها حدود هندسية. وهنا خد بالك لو قارن لك بين بحيرة فيكتوريا وبحيرة ملاوي. لأن بحيرة ملاوي هي كمان بيشرف عليها ثلاث دول: دولة ملاوي، ودولة موزمبيق، ودولة تنزانيا. كده يبقى دولة تنزانيا هي الأكثر استفادة من الإشراف على البحيرات. وكمان هتلاقوه فوق كانوا ثلاث دول، تحت ثلاث دول. فبالتالي هم متشابهين في عدد الدول المشرفة وعدد الدول البحرية، لأن فوق اثنين وتحت اثنين. ولكن الاختلاف كله صديقي شكل الدولة الحبيسة اللي بتشرف على فيكتوريا اللي هي أوغندا، لأنها كانت مندمجة مشاكل الدولة الحبيسة اللي بتشرف على ملاوي فهي ملاوي، ودي أشبه بالمستطيل الطولي. وده غير بقى البحيرة اللي في النص اللي اسمها تنجانيكا الأفريقية، لأن دي بيشرف عليها أربع دول. ما تنساش إن تنزانيا برضه كانت واحدة منهم. فبالتالي تنزانيا هي أكتر دولة بتشرف على بحيرات.

درس تطور خريطة العالم السياسية. وإن شاء الله ما فيش فكرة هتخرج بره عن اللي أنا هقوله لك. بص يا صديقي، ورقة وقلم، سجل معايا كل حاجة. مبدئيًا كده سجل عندك إن في دولتين غير كاملتين العضوية في هيئة الأمم المتحدة، وهم دولة فلسطين ودولة الفاتيكان. وكلمة غير كاملتين العضوية يعني هم أعضاء في هيئة الأمم المتحدة ولكنهم بيحضروا المؤتمر يستمعوا فقط ومش من حقهم إنهم يتدخلوا في مناقشة أي قرارات بتتقال. ليه؟ لأن الدول دي لا تمتلك سيادة كاملة على أراضيها. وببلد كده مش كل دول العالم معترفة بسيادتها. وهنا ممكن الراجل يحطهم لك في سؤال في الامتحان فيقول لك: إيه؟ يقول لك مثلاً: دولة زي دولة جنوب السودان هي آخر الدول اللي انضمت لهيئة الأمم المتحدة وبدأ الاعتراف بعضويتها اعتراف كامل. وذلك يتناقض مع دولة نقط؟ يبقى أنت عارف إن ده بيتناقض مع دولة فلسطين ودولة الفاتيكان. وساعتها يا صديقي لو ما لقيتش في الاختيارات كلمة فلسطين، ممكن يبدلها لك بمثلاً: دولة في شرق حوض البحر المتوسط، أو إحدى دول جنوب غرب قارة آسيا، أو دولة شكلها مستطيلي طولي، أو دولة صغيرة المساحة. وهكذا. المهم إنك تبقى عارف إن فيهم دولة اسمها فلسطين.

رقم اثنين: دولة الفاتيكان. لو ما لقيتش في الاختيارات الفاتيكان، فما تنساش إن هي دولة جوه دولة إيطاليا. وبالتالي هي دولة جيبية. وطالما جوه إيطاليا يبقى هي في جنوب قارة أوروبا، أو في حوض البحر المتوسط من جهة الشمال. وهنا لو أنت بصيت على فلسطين والفاتيكان هتلاقي الاثنين شمال شرق العالم. وبكده نقفل قصة المقدمة اللي قالها كتاب المدرسة. تعال لي بقى على التغيرات اللي شهدتها خريطة العالم في القرن العشرين. ورقة وقلم. إحنا قسمنا القرن العشرين لثلاث فترات: نصف أول، نصف ثاني، أواخر. نبدأ بالنصف الأول. وده يا صديقي اللي من سنة 1900 لـ 1950. سجل معايا إيه اللي حصل في الفترة دي؟ واحد: زيادة عدد الوحدات السياسية في غرب أوروبا. سجلت؟ طب ليه؟ لأن ألمانيا في النصف الأول من القرن العشرين اتقسمت نصين لحاجة اسمها ألمانيا الشرقية وحاجة اسمها ألمانيا الغربية. وده كان بعد الحرب العالمية الثانية، نتيجة هزيمة هتلر في الحرب. رقم اثنين: في تلك الفترة اختفت الإمبراطوريات العملاقة. وكان من ضمن هذه الإمبراطوريات الإمبراطورية العثمانية. وده برضه نتيجة هزيمتها في الحرب العالمية الأولى. فتم تقسيم ممتلكات الدولة العثمانية بين إنجلترا وفرنسا. رقم ثلاثة: بيقول لك في هذه الفترة بدأت دول تختفي وبدأت دول تظهر كدول مستقلة. على سبيل المثال مثلاً ما كانش في في العالم دولة اسمها أيرلندا. فبدأت تظهر دولة اسمها أيرلندا وتستقل بذاتها عن المملكة المتحدة. ما كانش فيه حاجة اسمها تايوان. كانت تبع الإمبراطورية اليابانية. ثم رجعت تاني دولة الصين ضمتها لممتلكاتها سنة 1945. أه. كلام ده مش كله عليك. بس ركز في الحاجات اللي بقولها لك. طيب ما كانش فيه دولة اسمها فنلندا. لأن دولة فنلندا ظهرت على الخريطة سنة 1917. في الفترة دي الإمبراطورية بتاعة النمسا والمجر انقسمت. فبقى في حاجة اسمها دولة النمسا وحاجة اسمها دولة المجر سنة 1918. وهنا أنا بقول لك يا صديقي إن خريطة العالم بدأت تشهد تغيرات. كل ده إمتى؟ في النصف الأولاني. يبقى أنا هسجل لك كده: زاد عدد الوحدات في غرب أوروبا عشان ألمانيا اتقسمت. اختفت الإمبراطوريات. اختفت دول وظهر مكانها دول. أمين؟ أمين.

خش بقى مع أخوك في النصف الثاني. في النصف الثاني ده اللي من سنة 1950 لـ 1990. سجل عندك إن كان في ثنائية قطبية بتسيطر على العالم. ألا وهي الكتلة الشرقية والكتلة الغربية. وهنا يا معلم كان في صراع ما بين القطبين. القطب الشرقي اللي بتتزعمها روسيا، والقطب الغربي اللي بتتزعمها أمريكا. والولايات المتحدة. وروسيا كانت بتنحاز للفكر الشيوعي الاشتراكي. وأمريكا الولايات كانت بتنحاز للفكر الرأسمالي. ومن هنا بدأت تظهر حاجة اسمها ظاهرة الاستقطاب العالمي. أي إن كل معسكر بيحاول يستقطب ويجذب الدول إنها تميل للفكر بتاعه. وده يا جماعة كانت ظاهرة سلبية. لأن كل ما الدول كانت بتنحاز لمعسكر من الاثنين، كل ما الحرب بين المعسكرين كانت بتشتعل. ولكن هذه المرة كانت الحرب حرب أيديولوجية. يعني جاية من كلمة أيديا، فكرة. حرب فكرية وليست حرب مسلحة بين المعسكرين. فخد بالك بقى. يبقى لو سألك على ظاهرة الاستقطاب العالمي دي كانت في النصف الثاني. لو سألك على الحرب الفكرية الأيديولوجية كانت في النصف الثاني. بيقول لك في الفترة دي كان العالم فيه توازن قوى. ما أنا بقول في معسكرين. وبدأوا الاثنين يتبعوا سياسة اسمها سياسة سباق التسلح. إن دول بيشتغلوا وبيصرفوا من اقتصادهم إنهم يجيبوا سلاح. وكمان المعسكر الثاني بيشتغلوا وبيصرفوا في اقتصادهم إنهم يجيبوا سلاح. ولكن يا صديقي في الآخر خالص المعسكر الغربي هو اللي هينتصر. لأن النظام الاقتصادي الرأسمالي اللي كان ماشي بيه شجعه إنه يكسب فلوس أكتر. فبالتالي اقتصاده ما تمش استنزافه قوي زي المعسكر الشرقي. ولكن في هذه الفترة ظهرت حركة اسمها عدم الانحياز. ودي مجموعة من الدول كده. أثر خيرهم راحوا اجتمعوا في مؤتمر في إندونيسيا اسمه مؤتمر باندونج. وقالوا يا جماعة اللي بيحصل ده مش كويس. إن الدول كلها تبدأ تنجذب للمعسكر الشرقي والمعسكر الغربي. كده الحرب الأيديولوجية والفكرية هتشتعل أكتر. إحنا عايزين نحد، نقلل من هذا الاشتعال ومن هذه الحرب. فقرروا إنهم يعملوا حاجة اسمها حركة عدم الانحياز. إنهم يقللوا من ظاهرة الاستقطاب. ويقنعوا الدول إنهم يا جماعة ما حدش ينحاز للمعسكر الشرقي ولا المعسكر الغربي. ونقلل من اشتعال الحرب الأيديولوجية علشان الدنيا ما تخربش. وده كان سنة 1955. يعني كمان مجموعة عدم الانحياز دورها برز في النصف الثاني من القرن العشرين.

ولكن بقى صديقي التغيرات اللي حصلت في أواخر القرن العشرين. اللي هي من سنة 1990 لسنة 2000. هنا بقى كان الموضوع مختلف شوية. رقم واحد: الاتحاد السوفيتي نهار. وانهيار الاتحاد السوفيتي يعني إن الدول اللي كانت داخلة في الاتحاد السوفيتي ككل، دول كل دولة بقت مستقلة بذاتها. فبالتالي ظهر عندي في قارة آسيا وشرق قارة أوروبا دول مستقلة عن الاتحاد السوفيتي اللي أنتم أخذتوه قبل كده. زي دولة روسيا، وكازاخستان، وأوزباكستان، وتركمانستان، وقيرغيزيا، ودولة طاجيكستان. وكمان جورجيا، وأرمينيا، وأذربيجان. ودي دول موجودة في آسيا. أما بقى في شرق أوروبا فظهرت إستونيا، ولاتفيا، وليتوانيا، وبيلا روسيا، وأوكرانيا، ومولدوفا. وهنا يا معلم أقدر أقول إن بعد انتهاء الحرب الأيديولوجية اللي هي في أواخر القرن العشرين، زادت عدد الوحدات السياسية في آسيا. وزادت عدد الوحدات السياسية في شرق أوروبا. أو زادت عدد الدول المطلة على بحر قزوين وعلى البحر الأسود وعلى البحر البلطي. خد بالك لأن ده ظهر في أواخر القرن العشرين. وكمان ما تنساش إن في أواخر القرن العشرين انهار اتحاد يوغوسلافيا. فبالتالي ظهر مجموعة من الدول شرق البحر الأدرياتيكي اللي هو جنوب شرق أوروبا. زي صربيا، ومقدونيا، والبوسنة والهرسك، وكرواتيا، وسلوفينيا، وكوسوفو، والجبل الأسود. ودي دول موجودة جنوب شرق أوروبا. فقدر أقول إن التغيرات اللي شهدتها خريطة العالم في أواخر القرن العشرين أو بعد انتهاء الصراع الأيديولوجي هي زيادة عدد الوحدات السياسية أو انقسام دول بصفة عامة. ما تنساش بقى صديقي إن في الفترة دي الفكر الرأسمالي هو اللي انتصر. وبدأ ينشر نظامه في معظم دول العالم. خاصة أمريكا الشمالية وغرب أوروبا. وكمان دولة ألمانيا اللي كانت مقسومة نصين وكانت مزودة عدد الدول في غرب أوروبا في النصف الأول من القرن العشرين، رجعت اندمجت تاني. وتم هدم سور برلين اللي ما بينهم. والألمان اتحدوا في دولة واحدة. ويمكن اللي شجعهم على كده مظاهر.

السطح لدوله المانيا انها كانت ذات طبيعه سهليه بالاضافه كمان ان روح التجانس الثقافي بين السكان كانت موجوده. وهنا ارجع اقول ان في أواخر القرن العشرين رجعت دول غرب أوروبا تاني تنقص دوله بعد ما كانت زيادة في أوائل القرن. ما تنساش امتى دول غرب أوروبا كانت زيادة وامتى قلت. فقلت في أواخر القرن العشرين نتيجة أن ألمانيا اتحدت. فهمت؟ فهمت. ودي يا باشا كانت معظم التغيرات اللي حصلت عندك.

تعال بقى ندخل على العوامل اللي هتغير خريطة العالم في المستقبل زي ما كتاب المدرسة قال. كل واحدة هتسجل جنبها السؤال بتاعها بيجي عامل إزاي. نبدأ مثلا في عامل عندك قال لك إيه؟ قال لك انتهاء الصراع الأيديولوجي ما بين المعسكر الشرقي والمعسكر الغربي. ده يا جماعة احتمال كبير يغير خريطة العالم في المستقبل. لأن انتهاء الصراع الأيديولوجي جت النتيجة بتاعته لصالح الولايات المتحدة. فبالتالي بقى في قطب أو حد هو اللي بيسيطر على العالم فكرياً وعسكرياً واقتصادياً وكل حاجة. فبالتالي يا صديقي القوة بقت في إيديهم. فالولايات المتحدة لو حابة تسيطر وتهيمن وتحتل أي دولة هتعملها. بدليل أن في 2003 راحت غزت العراق بحجة أن صدام حسين عنده نووي وهي كانت رايحة عشان تاخد موارد هذه الدولة. ركز بس بالراحة. فانتهاء الصراع الأيديولوجي ده عامل هيؤثر على خريطة العالم في المستقبل. وده عامل سياسي وبيفرض نوع من الهيمنة والسيطرة.

اللي بعده العولمة والشركات متعددة الجنسيات. كشركات متعددة الجنسيات دي يا جماعة شركات بتتعمل عند الدول النامية وبتبدأ أنها تربط اقتصاد هذه الدولة باقتصاد هذه الشركة. فبالتالي أي خلل أو مشاكل هتواجه الشركة دي هتاثر في اقتصاد الدولة ككل. فمن مصلحة السكان ورؤساء الدولة الغلبانة دي أنها تفضل محافظة على الشركة دي بل بالعكس تكبرها علشان ما يحصلش خلل في اقتصادها. وبكده يبقى رؤساء الشركة دي بيسيطروا ويهيمنوا وبيدخلوا كمان في الرأي العام أو سياسة هذه الدولة. على سبيل المثال أقول لك أنت أخدت في التاريخ أن بريطانيا عملت في مصر فرع للبنك الأهلي وهنا ربطت الاقتصاد المصري باقتصاد إنجلترا. فأصبح أي هزة في الاقتصاد الإنجليزي هناك في بريطانيا بيأثر على الاقتصاد المصري هنا عندنا في مصر. وهنا يا جماعة الشركات متعددة الجنسيات بتكون شركة بيساهم في إنشائها أشخاص من جنسيات مختلفة. ولكن هذه الشركة لازم تخضع في قراراتها والسياسة اللي بتمشي بيها للشركة الأصلية اللي معموله في الدولة الأم اللي بيسموها دولة المقر. على سبيل المثال مثلاً لو اتعملت شركة وليكن في بريطانيا وجينا عملنا ليها فرع في القاهرة فلازم كل القرارات تبقى طالعة من الشركة الأم اللي في دولة بريطانيا وهكذا.

رقم تلاتة صديقي بيقول لك خد بالك من حاجة اسمها البنك الدولي وصندوق النقد الدولي. ويه مؤسسات مالية المفروض المفروض أنها مؤسسات مالية اقتصادية بتسلف الدول فلوس. ولكن في الفترات الأخيرة بدأت سلبيات هذه المؤسسات تظهر. لأنها بدأت تتدخل في الرأي العام وبدأت تتدخل في سياسات الدول وبدأت تتحكم في قراراتها خاصة الدول النامية. وبالتالي أقدر أقول أنها مؤسسات اقتصادية انحرفت عن وظيفتها وبدأت تمارس تدخل في سياسات الدول. أي بتمارس حالة من حالات الهيمنة والسيطرة.

رقم أربعة قال لك خد بالك أن في منطقة الشرق الأوسط بتشهد حالة من حالات سباق التسلح. يعني يا جماعة ابتداءً من منطقة الجزائر كده لحد دولة إيران. منطقة الشرق الأوسط دي الدول بتتسايق على مين اللي يجيب سلاح أفضل من الثاني. وهنا لو حصل حرب لا قدر الله في أي لحظة فبما أن كل دولة مسلحة نفسها فغالباً حد هينتصر على حد فبالتالي الخريطة هتتغير.

ما تنساش بقى رقم خمسة وستة وسبعة عشان مهمين. في خمسة قال لك خد بالك من ثورة الاتصالات الحديثة اللي بتأثر في نشر الوعي وكمان بتأثر في استقرار الدول. يا جماعة تكنولوجيا الحديثة اللي موجودة حوالينا فيس وواتساب وانستجرام والكلام ده كله. الحاجات دي بدأت تؤثر في نشر الوعي لدى الشعوب. خلت كده بالبلدي اللي مش فاهم بقى فاهم. بما أن اللي مش فاهم بقى فاهم فده هيأثر في استقرار دولته. على حسب حضرتك لو جيت ركزت أثناء القضية الفلسطينية أو حرب فلسطين وإسرائيل دخلوا يمسحون البوستات اللي كنا بندعم فيها القضية الفلسطينية. لأنهم يهمهم أن ما حدش يعرف إيه اللي بيحصل أو أن اللي بيحصل ده ممكن يأثر في نشر الوعي لدى الشعوب فيثير غضبهم فيدخل في حرب. فبالتالي الخريطة هتتغير. ولكن ثورة الاتصالات أقدر أقول من الحاجات اللي ممكن تأثر في تغير الخريطة ولكنها ابتعدت شوية عن الهيمنة والسيطرة في قرارات الدول. يعني.

ثم بعد كده عندك مشكلة اسمها مشكلة اللاجئين والهجرة الغير شرعية ودي عوامل اجتماعية. سجلها. يبقى لو قال لك من العوامل الاجتماعية اللي هتغير في خريطة العالم قول له مشكلة اللاجئين والهجرة الغير شرعية. مشكلة اللاجئين ركز أن دي هتغير في خريطة العالم عند المناطق اللي أصلاً كان فيها حروب. على سبيل المثال شرق أوروبا الحرب بين روسيا وأوكرانيا. فممكن يقول لك قد تشهد منطقة شرق أوروبا حالة من حالات التغير في المستقبل. وده بسبب إيه؟ قول له بسبب بعض العوامل الاجتماعية زي مشكلة اللاجئين اللي هتخرج من عند الدول دي لدول مجاورة ليها. وكمان نفس الموضوع هيتكرر في شرق البحر المتوسط عشان خاطر فلسطين. فهم فهم. أما موضوع الهجرة الغير شرعية فده في احتمال يغير في الخريطة عند المناطق اللي بتستقبل سكان. وهنا حضرتك هتركز على منطقتين. منطقة شمال حوض البحر المتوسط لأن جنوب أوروبا كان بيستقبل سكان لو تفتكر. ومنطقة جنوب غرب قارة آسيا لأن هي كمان كانت بتستقبل سكان.

أما بقى صديقي بالنسبة للصراع على المياه العذبة أو على الموارد الاقتصادية فدي مشاكل اقتصادية أو تصنف أنها عوامل اقتصادية. خاصة عند الدول اللي عندها أنهار وبيحصل ما بينهم مشاكل. خد بالك بقى كل الحاجات اللي أنا قلتها بتمارس نوع من الهيمنة والسيطرة زي الشركات متعددة الجنسيات أو العولمة أو انتصار الفكر الرأسمالي أو البنك الدولي وصندوق النقد الدولي أو الصراع على المياه العذبة. كل ده يا صديقي بيظهر عند المناطق النامية وليس المتقدمة. على سبيل المثال أمريكا الجنوبية، أفريقيا في الصحراء الكبرى، جنوب الصحراء الكبرى. كل دي مناطق فيها دول نامية. أما الحاجة الوحيدة اللي ممكن ما تغيرش الخريطة في منطقة الصحراء الكبرى أو شمال أفريقيا أو جنوب حوض البحر المتوسط هي الهجرة الغير شرعية. لأن في هذه المنطقة المنطقة دي بترسل مش بتستقبل سكان فمش هتتأثر بهذا العامل نهائياً.

نتكلم على الجزء الثاني من تطور خريطة العالم السياسية. ورا وقلم بقى صديقي سجل ورايا كل اللي هقول لك عليه وباذن الله ما فيش فكرة سؤال هتخرج عن اللي أقوله لك. أول حاجة لازم تكتب عندك أن مشكلة سبتة ومليلة وكشمير وحركة الرعاة يصنفوا أنهم مشاكل حدودية سياسية. كتبت حدودية سياسية؟ ها. طيب نبدأ بقى نكلمك عن مشكلة مشكلة وأهم الأسئلة اللي هتجيلك. نبدأ بمشكلة سبتة ومليلة. الموضوع بدأ من عند دولة اسمها دولة المغرب خاصة في شمالها. وهنا هنقف لحظة بما أني بقول لك أن الموضوع دولة المغرب كده المشكلة دي في شمال غرب أفريقيا أو في شمال غرب الوطن العربي أو في شمال غرب العالم. لأن مكان المشكلة هو بعد خط جرينتش فبالتالي هي غرب العالم مش شرق العالم. عرفت كده مكان المشكلة فين؟ قشطة. نكمل بقى. تعال الأول نتكلم على المدينتين دول جغرافياً ونتكلم عنهم شوية ديموغرافياً.

نبدا بجغرافيا المدينتين. يا جماعة لهم أهمية استراتيجية لأنهم قريبين جداً من مضيق اسمه مضيق جبل طارق. خاصة مدينة سبتة بتبعد عن المضيق بحوالي 26 كم تقريباً. فبالتالي أهميتها بتزيد كمان عن أهمية مليلة. المدينتين مساحتهم مش أكبر حاجة يعني كل واحدة فيهم حوالي 20 كم مربع تقريباً. فبالتالي تقدر تقول أن الاثنين متشابهين في الجانب المورفولوجي. المساحة قريبة من بعضها وكمان عدد سكان المدين مش فارق قوي. يعني مثلاً في مدينة سبتة عدد سكانها ما يقرب من 82 ألف نسمة تقريباً وده كان في 2011. وده أزيد شوية من مدينة مليلة اللي عدد سكانها 78.5 ألف. وهنا نقدر نقول برضه أنهم قربوا يتشبهوا في الجانب الديموغرافي. أيوه إيه القصة بقى؟ القصة صديقي أن المدينتين دول اتعرضوا لاحتلال من إسبانيا. ولكن الاحتلال ده كان قديم قوي. إسبانيا طمعت في المدينتين دول سنة 1415 و 1495. فهتسجل ورايا إيه اللي أقوله لك.

نبدا بمدينة سبتة. سبتة هي تم احتلالها سنة 1415. وهنا أقدر أقول أن الاحتلال كان في الربع الأول من القرن الـ 15. ما أنا بقول لك 1415 يعني أنا في القرن الـ 15 في الربع الأول. ومليلة تم احتلالها في 1495 يعني أواخر القرن الـ 15. ولكن لحد دلوقتي يا صديقي ما فيش أسئلة ممكن تيجي في الامتحان. ندخل بقى في أسئلة الامتحانات. دولة المغرب اتضايقت جداً أن عندها مدن محتلة. ولما حصلت على استقلالها من المحتل الفرنسي سنة 1956 قررت أنها تنظف بقية أراضيها من الاحتلال وقالت أنا عايز أحصل على استقلالي خاصة في مدينتين سبتة ومليلة. إلا أن دولة إسبانيا رفضت وبشدة. وهنا كتاب المدرسة قايل تلات أسباب. السبب الأولاني وهو تقادم. كلمة تقادم هنا معناها أن إسبانيا رفضت أنها ترجع المدينتين للمغرب بحجة أنها محتلة من زمان قوي. لسه قايل لك 1415 و 1495. فانتوا لسه فاكرين أنكم ليكم مدينتين يا عم؟ طب ما كان من بدري. وهنا يا معلم الأسئلة اللي هتجيلك في الامتحان أن العامل الزمني أو العامل التاريخي مش لصالح المغرب بل بالعكس ده لصالح الإسبان.

رقم اتنين بيقولوا لما جهم عملوا إحصائيات لقوا أن نسبة سكان إسبانيا في سبتة ومليلة أكتر من نسبة سكان المغرب. يعني وصلت نسبة سكان الإسبان لـ 60% من السكان. وهنا يا صديقي أقدر أقول أن ديموغرافياً برضه الموضوع مش لصالح المغرب بل لصالح السكان الإسبان. وهنا ممكن الراجل في الامتحان يجي يختبرك فيقول لك إيه؟ هل من الأصح لدولة المغرب أنها تطالب بالمدينتين عن طريق أنها تعمل استفتاء؟ لا طبعاً. لأن كلمة استفتاء معناها أن أنا آخد رأي الشعب يحب ينحاز لمين أكتر. وهنا الشعب هينحاز لإسبانيا لأن الأغلبية من السكان إسبان. أو يجيب لك السؤال في صورة رسومات بيانية بمعنى جيب لك رسومات بيانية لشكل توضيحي بيوضح لك نسبة سكان المغرب وشكل تاني بيوضح لك نسبة سكان الإسبان. فما تنساش الإسبان 60% أما المغرب 40% يعني الأقلية أقلية مغربية. كده يا صديقي يبقى إحنا زمنياً الموضوع مش لصالحنا وديموغرافياً الموضوع مش لصالحنا. قلنا خلاص نلجأ للمنظمات الدولية اللي بتدي للشعوب حقوقها. وقمنا رايحين لهيئة اسمها الأمم المتحدة. إلا أن الأمم المتحدة هي كمان خذلت. أنت بتتكلم جد؟ لا حول ولا قوة إلا بالله. والله ما أعرف غير منك دلوقتي يا أبو حميد. وموقفها طلع موقف زي الزفت وسلبي ورفضت تسليم المدينتين للمغرب بحجة أن أصلاً المدينتين غير مسجلتين أنهم تحت الاحتلال. بل بالعكس ده هم معترفين بأن المدينتين دول ذات سيادة إسبانية. كده يا صديقي يبقى في تلات أسباب خلوا إسبانيا تتحجج بأنها ما ترجعش المدينتين للمغرب. وده الجزء الأولاني من المشكلة اللي عندك في كتاب المدرسة.

ندخل على الجزء الثاني من نفس المشكلة. بيقول لك الكلام ده كان سنة 1975. بعدها بقى بـ 10 سنين سنة 1985 الحوار ولع تاني بين الدولتين ورجعت المشاكل تتفاقم وتزيد. ليه يا عم جمعة؟ قال لك لسببين. السبب الأول إسبانيا عايزة تعمل أسبنة لسبتة ومليلة. في بنت هتقول لي إيه يا نهار أزرق إيه أسبنة دي؟ عايز جملة مفيدة. هقول لك أسبنة يعني عايزة تحط سياستها الاستعمارية على كل حاجة في سبتة ومليلة. بالمعنى كده أنها تخلي أن ليها حكم ذاتي إسباني داخل المدينتين دول. فيبقى كلمة كلمة إسبانيا ونظام الحكم نابع فقط من إسبانيا. وده يرفضه المغرب جداً طبعاً. بالاضافة كمان أن إخواتنا المغاربة في سبتة ومليلة يجددوا إقامتهم كل خمس سنين. وده يا صديقي معناه أنهم عايزين يعاملوا المغاربة كأنهم مش أصحاب الأرض وكأنهم أجانب. وذلك كان بيرفضه المغاربة جداً جداً. كده في سببين هيخلوا المشكلة تتصاعد. رقم واحد أن إسبانيا عايزة تحصل على حكم ذاتي إسباني. رقم اتنين تجديد الإقامة كل خمس سنين. وده معناه أن معاملة المغاربة هناك لو حصلت أسبنة لسبتة ومليلة هيتعاملوا كأنهم أقليات. سواء بقى أقليات قومية كأنهم في دولة غير الدولة. أقليات دينية. لأن هنا يا صديقي الموضوع مش لصالحه. انتهى الحوار على إيه؟ انتهى الحوار في الآخر خالص أني تفضل العلاقات ودية بين الدولتين بعد ما الأمم المتحدة قالت أن المشكلة تتحل ما بينهم عن طريق الحوار. كلمة عن طريق الحوار أي عن طريق المفاوضات بالبلدي كده. الحوار يتحل بشكل ودي بين دولة المغرب وبين دولة إسبانيا. وانتهى الموضوع على أن الدولتين عايزين يحافظوا على علاقتهم الودية مع بعض. ولحد دلوقتي لسه إسبانيا موجودة في سبتة ومليلة. ولكن الأسئلة اللي أنا قلتها لك هي أكتر أسئلة الراجل بيلعب عليها في الامتحان. نجمعهم بسرعة. أن المشكلة كانت جنب ممر مائي اسمه جبل طارق. ودي تعتبر أقدم مشكلة لأنها كانت في القرن الـ 15. وكمان يا صديقي في أسباب خلت إسبانيا ترفض تسليم المدينتين. العامل الزمني وكمان العامل الديموغرافي وكمان العامل السياسي بتاع هيئة الأمم المتحدة. أما بقى لو حب يقول لك إيه أفضل طريقة أن دولة المغرب تطالب بحقها في المدينتين قول له أنها ترجع للعامل الجغرافي أو العامل الحضاري. جغرافياً لأن المدينتين حيزهم الجغرافي تبع الحيز المغربي ده جغرافياً. وحضاري لأن قبل الاحتلال سنة 1415 كانت المدينتين خاضعتين للسيادة المغربية. وده باختصار مشكلة سبتة ومليلة.

قول لك شفطة خش معايا على المشكلة رقم اتنين. المشكلة الثانية بقى يا صديقي ودي اسمها مشكلة كشمير. مين كشمير دي؟ نبدأ نتكلم عنها الأول جغرافياً ثم ندخل في المشكلة. كل جزئية هنتكلم عنها نبدأ نقول احتمالية وجود سؤال فيها امتحان ثانوية عامة. أولاً يا جماعة كشمير دي منطقة جغرافية موجودة بين أربع دول. بين الهند وباكستان والصين وأفغانستان. إيه القصة بقى؟ القصة صديقي أن المنطقة دي موجودة على سلسلة جبال اسمها جبال الهيمالايا اللي بتفصل بين دولة الهند ودولة الصين. وده يعمل منه سؤال مهم جداً في الامتحان. أن بما أن المنطقة موجودة فوق مرتفعات فبالتالي لها أهمية استراتيجية ولها أهمية عسكرية. وكمان لو دي بقت منطقة مستقلة بذاتها بقت دولة مثلاً فسكان يقدروا يشتغلوا في وظائف متعددة. على سبيل المثال حرفة التعدين ونشاط السياحة. ودي حاجات مهمة جداً. هو بس ممكن يسألك فيها بمجرد أنه قال لك أنها فوق مرتفعات. طيب المنطقة دي كان وقت الاحتلال البريطاني لشبه القارة الهندية كانوا بيستخدموها كمنطقة اصطياف. يعني إيه اصطياف؟ يعني مصيف بيطلعوا فوق الجبال علشان درجة الحرارة فوق بتبقى أقل شوية. وهنا يا صديقي أقدر أشبهها بسلسلة جبال الشام وسلسلة جبال الألب. أن كلهم لهم أهمية في الجانب الاقتصادي أو بيستخدموا في النشاط السياحي. ما تنساش لأن الكلام ده مهم.

إيه الحكاية بقى؟ الحكاية أن بريطانيا كان لها مستعمرات في الهند. أغسطس 1947 بريطانيا قررت تسيب الهند وتخلع تمشي يعني. بس وهي ماشية قررت أنها تقسم هذه المنطقة وتعيد رسم حدودها. فاعتمدت رسم حدود المنطقة على أساس إثنوغرافي. إثنوغرافي يعني على أساس الدين يا جماعة. الدين بتاع سكان المنطقة دول. فقامت عاملة إيه بقى؟ قالت والله الناس اللي على الديانة الهندوسية اللي بيعبدوا بقر يتلموا كلهم في دولة الهند. والناس المسلمين يتلموا في منطقة اسمها باكستان ومنطقة أخرى اسمها باكستان الشرقية. يعني كده دولة باكستان دي بعد التقسيم مباشرة كانت عبارة عن جزئين. دولة باكستان ده جزء وجزء آخر اسمه باكستان الشرقية. يعني كان دولة شكلها مجزأ بري. وهنا عايش مسلمين وهنا عايش مسلمين. إلا أن الاستعمار البريطاني ترك منطقة كشمير دون تقسيم. يعني ما رضيش يقسم المنطقة دي سابها كده ومشي. السكان بقى اللي عايشين في المنطقة دي هم حيرانين يا جماعة. إحنا تبع مين؟ تبع الهند ولا تابع باكستان؟ وهنا ما جاش الرد عليهم لحد ما السكان دول عملوا ثورات داخلية بيطلبوا فيها بالانضمام لدولة باكستان. وهنا حضرتك هتستغرب. قال لها إشمعنى باكستان؟ هقول لك يا باشا لأن إثنوغرافياً السكان دول كانوا مسلمين. فبالتالي الحق ليهم أنهم يطالبوا بالانضمام لباكستان. ولكن حاكم كشمير كان دايماً رافض ليه؟ لأنه كان على ديانة هندوسية. فبالتالي حصلت الخلافات. فالحاكم كشمير طلب من حكومة الهند أنها تتدخل. الحقونا يا حكومة. وسكان كشمير طلبوا من باكستان أنها تتدخل. وقامت العركة سنة 1947 تقريباً كده. فضلت الخناقة مستمرة لمدة سنة لحد ما تدخلت هيئة الأمم المتحدة وقررت وقف إطلاق النار وتجريد منطقة كشمير من السلاح نهائياً. وقالوا أن احنا هنعمل استفتاء نسأل الشعب حبوا تنضموا لباكستان ولا تحبوا تنضموا للهند. وهنا نقف لحظة يا صديقي عايزك تسجل عندك أن موقف الأمم المتحدة من مشكلة كشمير كان إيجابي. وكمان أفضل من موقفها من مشكلة سبتة ومليلة. كده يبقى كان موقفها إيجابي في المشكلة المشكلات اللي ظهرت في قارة آسيا. إنما كان موقفها سلبي في المشكلات اللي ظهرت في قارة إيه؟ جدع أفريقيا عشان سبتة ومليلة. وهنا خلصت الحكاية بين الدولتين بأن يتوقف إطلاق النار وأن كشمير تتقسم نصين. الثلثين تاخدهم دولة الهند والثلث المتبقي تاخده دولة باكستان. وهنا بقى في شوية أسئلة ممكن تيجي لحضرتك. على سبيل المثال يقول لك هو لو كانت كشمير انضمت لباكستان فايه اللي هيحصل؟ لو كشمير يا جماعة بقت كلها تبع باكستان. دولة باكستان هيبقى ليها حدود متاخمة أي ملاصقة لدولة الصين. إيه ده يا مستر؟ هي باكستان مش بتلمس الصين أصلاً؟ لا لأن كشمير في النص ما بين الصين وبين باكستان. فلو كشمير بقت تبع باكستان يبقى باكستان هتلمس دولة الصين وهيبقوا لهم حدود مجاورة مع بعضهم. أما بقى لو قال لك لو كشمير هتنضم للهند. هقول له والله لو انضمت للهند فساعتها يا صديقي دولة الهند هيبقى ليها حدود برية مع دولة الصين أطول من اللي هي عليه دلوقتي. لأن حدودها مع الصين دلوقتي قصيرة. فلو خدت كشمير هتبقى بتمتلك حدود برية أطول يا معلم. وهنا أقدر أقول أن اللي خلى الهند ما تلمس أفغانستان أو اللي خلى الصين ما تلمس باكستان هو الاستعمار البريطاني أو دولة بريطانيا. وده يا صديقي باختصار ملخص مشكلة كشمير.

قول لك شفطة بقى وخش معايا على مشكلة حركة الرعاة. تالت مشكلة بقى يا صديقي ودي مشكلة ناتجة عن حركة الرعاة. عايزك تفهم دي لأنها مهمة جداً. القصة بدأت بأن في مجموعة من رعاة الغنم. الناس دي يا جماعة فجأة لقوا نفسهم مش قادرين أن هم يدخلوا بالغنم بتاعتهم وياكلوها زي ما كانوا بيسرحوا بيهم قبل كده وياكلوها من أي مكان. طيب إيه اللي حصل بقى يا عم جمعة؟ قال لك والله الموضوع له عدة أسباب. فتعال كده نشوف إيه هي أسباب مشكلة حركة الرعاة ولو هيجي لي فيها سؤال هيجي إزاي. السبب الأولاني أنهم قرروا يحولوا كل المناطق الرعوية لأراضي زراعية. باختصار هنروح للأراضي اللي كان طالع فيها نبات الأغنام بتاكل منه هنغير كل ده ونحوله لأراضي زراعية. وهنا يا جماعة كان السبب السكان. وهنا السكان تقول لك الله وأنا مالي لمبي الله وأنا مالي لمبي أنا ذنبي إيه؟ قال لك والله السكان بدأ عددهم يزيد والنمو السكاني ده لما حصل ده نتج عنه أن بدأ يظهر أزمة في الغذاء. اختصار مش لاقيين ناكل السكان. فيا جماعة السكان تاكل ولا المعيز تاكل؟ لا السكان تاكل. فخلاص إحنا هنغير كل المناطق الرعوية دي ونبدأ أن إحنا نزرع فيها محاصيل غذائية. على سبيل المثال قمح ورز والكلام ده كله. وده يا معلم أقدر أقول أن أول سبب مرتبط بمشكلة الرعاة هو عامل اجتماعي. مش السكان أو عامل الديموغرافي أو النمو السكاني أو أزمة الغذاء. إنما اللي ما تضرر والموضوع جه لصالحه هو الفلاح. ده أول سبب بتحلله.

السبب الثاني قال لك والله رسم الحدود في إقليم السافانا دون مراعاة توزيع القبائل. قلت له يعني إيه؟ قال لك يعني مثلاً منطقة إقليم السافانا دي يا جماعة المنطقة الحارة اللي بينمو فيها حشائش السافانا. وهنا كتاب المدرسة ذكر منطقة بعينها قال لك زي رسم الحدود في منطقة غرب السودان في إقليم درفور وشمال السودان وجنوب السودان. فالمنطقة دي بالاخص بدأ يظهر فيها مشاكل لأنهم رسموا الحدود في هذه المنطقة دون مراعاة توزيع القبائل. يعني ما بصوش هي القبائل قاعدة في أنهي منطقة. بالبلدي كده أقدر أحلل وأقول أنهم ما اهتموش بالمرحلة الثانية من مراحل ترسيم الحدود اللي كان اسمها مرحلة التحديد اللي هي كنا بننزل فيها وبنشوف السكان قاعدة فين علشان خاطر نبدأ نسيب مسافات قبل ما نرسم الحدود. كل ده يا صديقي لم يراعوه وبدأوا أن هم يرسموا الحدود دون مراعاة توزيع القبائل. فبالتالي هم كده أغفلوا الجانب الاجتماعي وأغفلوا التركيب السكاني اللي موجود في المنطقة دي ورسموا حدوده.

طيب رقم تلاتة حضرتك عارف أن رسم أي حدود هيترتب عليه أن الدولة تمارس وظائفها الحدودية اللي هي وانت داخل عندي هوقفك وأفتشك وأفرض عليك ضرائب. فبدأت الدول تفرض ضرائب وبتلم إيرادات إجبارية من رعاة الغنم اللي داخلين يرعوا أغنامهم في هذه المناطق. فبالتالي أنا كراعي غنم مش معايا فلوس. فبالتالي تصاعدت المشكلة. فاقدر يا جماعة أن جمع الإيرادات الإجبارية أو الضرائب الموضوع ده كان مرتبط بترسيم الحدود في هذه المناطق. لأن لو ما كانش اترسم حدود فغالباً ما كانش هيمارس وظائف الحدود وادفع ضرائب. بالاضافة كمان أن اللي زاد وغطى كان في أسباب طبيعية مش بتاعة حد وهي أن في سبعينات وثمانينات القرن العشرين بدأ العالم يشهد حالة من حالات الجفاف اللي هو ما فيش مطر بينزل. فبالتالي الأراضي جفت. فجفاف الأرض ده بدأ ينتج عنه نفوق أي موت الكثير من الحيوانات وهجرتهم. وهنا إحنا هناخد في آخر درس في منهجنا أن هجرة الرعاة وهجرة الحيوانات في تلك الفترة كانت هجرة قسرية لأسباب طبيعية. هجرة قسرية لأسباب طبيعية. وهنا يا صديقي أقدر أقول لك أن منطقة غرب أفريقيا شهدت هجرة قسرية أي إجبارية وده لأسباب طبيعية.

الحوار اللي حصل ده يا معلم كان أغلبُه في منطقة غرب أفريقيا بين دول غرب أفريقيا. علشان نحل المشكلة عملوا حركة حلوة جداً. قالوا إحنا هنعمل اتفاقيات ما بينا. الاتفاقيات دي هتشمل إيه؟ أن أنا وأنت حسن علاقتنا ببعضنا وكمان علشان أسيبك تدخل بالأغنام بتاعتك ترعاها داخل المنطقة اللي فيها حشائش عندي ده هيكون بعده شروط. ق وهي مثلاً أن أنا آخد بالي أنا داخل بكام رأس من الماشية. طيب لما آجي أحدد لك مساحة معينة ترعى فيها ما تزيدش عنها. رقم تلاتة أخلي بالي من حمولة المرعى عشان لو أنت أكلت بزيادة في المنطقة دي ممكن الأكل فيها يخلص وهكذا شوية شروط يعني هنحطها بينا وبين بعضنا ونحل المشاكل. طيب مين بقى يا عم جمعة الدول اللي عقدوا مع بعض اتفاقيات؟ سجل عندك يا صديق موريتانيا ومالي. فموريتانيا عملت اتفاقية مع مالي. فلو أنت بصيت على الحدود اللي بين موريتانيا ومالي هتلاقي الحدود دي هي حدود موريتانيا الشرقية بس حدود مالي الغربية. ركز كده هتعرف أن أنا كلامي صح. وموريتانيا والسنغال. ولو أنت بصيت على حدود موريتانيا والسنغال هتلاقيها حدود موريتانيا الشمالية بس حدود السنغال الشرقية. فبالتالي طالما أنا بقول لك الاتجاهات دي يبقى هي الحدود دي اللي كان عليها مشاكل. فكده حلت المشاكل على هذه الحدود وخلاص بدأت الدولتين يبقى علاقتهم تمام ببعض. يبقى الدول اللي عملت اتفاقيات موريتانيا ومالي وموريتانيا والسنغال. عندك كمان بوركينا فاسو ودولة النيجر. الاثنين دول عملوا اتفاقيات علشان خاطر يحسنوا علاقاتهم ببعض. واتعمل اتحاد اقتصادي في 1975 اسمه اتحاد الإيكواس. وده على فكرة اتعمل عشان ينظم العلاقات الاقتصادية اللي بين الدول وكمان يبقى في قوات حفظ سلام عشان لو حصلت مشاكل بين الدول في تدخل سريع. وكمان أنشأوا بنك للتنمية الاقتصادية عشان لو عايزين نعمل مشاريع استثمارية نساعد بعضنا. فكانت حاجة كويسة جداً على فكرة اتفاقية الإيكواس دي وكان عددهم 16 دولة طبعاً قبل خروج موريتانيا سنة 2000. طيب مين هم بقى مجموعة الإيكواس؟ وخد بالك منه والله بص هم 16 دولة موجودين في غرب أفريقيا. بنبدأ نحدده بالطريقة دي بنبدأ نحدد على النيجر ونيجيريا ومالي وموريتانيا وناخد كل الدول اللي جنبيهم. النيجر ونيجيريا، مالي وموريتانيا. بنبص عليهم وناخد اللي جنبيهم. بنبص عليهم وناخد اللي جنبيهم. كل الدول اللي جنبيهم تبع هذه الاتفاقية. وهنا يا معلم أقدر أقول أن أكتر دول عانت من مشكلات حركة الرعاة هي الدول الحبيسة. على سبيل المثال دولة زي دولة بوركينا فاسو. دولة زي دولة النيجر. يا جماعة دولة بوركينا فاسو هي دولة حبيسة عملت اتفاقيات على كل حدودها مع كل جيرانها. وهنا خد بالك من اتجاه الحدود. بأكد عليك تاني خد بالك من اتجاه الحدود. كل دولة عملت الاتفاقية على أنهي حدود. وصلت؟ وصلت. فاض لك بقى في الجناح الآسيوي دولة اليمن ودولة السعودية. ودول دولتين عقدوا مجموعة من الاتفاقيات لتنظيم حركة الرعي ما بينهم برضه. ولكنهم مش تبع الإيكواس خالص. هم تبع الجناح الآسيوي أو في جنوب غرب قارة آسيا. فلما يجي يقول لك الدولة دي عقدت اتفاقيات علشان تنظم حركة الرعي في حدودها اللي من جهاتها إيه؟ دور على الدولة اللي ليها حدود برية مع دولة تانية. مثلاً على سبيل المثال دولة زي دولة موريتانيا. فزي ما أنا لسه قايل لك هي نظمت حدودها الشرقية مع دولة مالي والجنوبية مع دولة السنغال. ما تتغباش بقى وتقول للغربية لأن الغربية أصلاً في ميه في المحيط الأطلنطي. ولا تقول للشمالية لأن في الشمال في دول تانية أصلاً مالهاش علاقة بحركة الرعاة زي الجزائر والمغرب. واصلة معاك. فلما أجي مثلاً أقول لك دولة زي دولة النيجر حسنت علاقتها من أنهي جهة؟ دولة زي دولة بوركينا فاسو حسنت علاقتها من أنهي جهة؟ فدايماً دور على الحدود البرية اللي بتربط ما بينك وبين دول تانية. فدولة زي دولة بوركينا فاسو هتلاقيها ليها أربع حدود. هتلاقيها نظمت اتفاقيات على جميع حدودها باعتبارها أصلاً أنها دولة حبيسة. طيب هتيجي تقول لي يا مستر ما هو دولة نيجيريا وبوركينا فاسو وغينيا. الدول دي كلها كانت تبع اتفاقية الإيكواس. هقول لك برافو. بس لو أنت بصيت على السواحل بتاعتهم الجنوبية كلها بتطل على ميه. فبالتالي هم ما نظموش حركة الرعي على حدودهم الجنوبية بل بالعكس على حدودهم الشمالية مع الدول اللي ليهم معاهم حدود برية. واصلة يا صديقي؟ واصلة.

درس المشكلات الاقتصادية ذات البعد السياسي. دول هتتخانق مع بعض أما على مسطح مائي أو على مصدر من ضمن مصادر الطاقة. خلينا الأول نتكلم على المسطحات المائية. هنا المسطحات المائية اللي هيحصل عليها النزاع حاجة من الاتنين. يا مالحة يا عذبة. نمسك الأول المالحة. وهنا بقى أنا كلامي على الصراع اللي هيحصل بين الدول البحرية وبعضها البعض. هو يعني إيه دولة بحرية؟ خدنا قبل كده أن الدولة البحرية هي الدولة اللي بتطل على بحر أو محيط أو خليج أو حتى جنبها ممر مائي ضيق كده اسمه مضيق. وهنا يا معلم ليه الدول ممكن تتخانق مع بعض في هذا المسطح؟ لأن أنت أخدت قبل كده أن كل دولة بتمتلك جزء من هذا المسطح كانوا بيسموه المياه الإقليمية. والمياه الإقليمية دي بمجرد ما بتبدأ من خط الساحل بيكون في حاجة اسمها الرصيف القاري. اللي هو اليابس اللي كان ممتد تحت المياه. والرصيف ده بقى يا صديقي أنت سيدي العارفين أن مليان بترول وغاز طبيعي وما لز وطاب من ثروات وموارد طبيعية. وهنا طالما دولة دولة بحرية عندها مياه إقليمية ورصيف قاري به موارد طبيعية فبتبقى محتاجة تحافظ عليه. تحافظ عليه من مين يا عم جمعة؟ من الدولة البحرية اللي قدامها. علشان كده بتحتاج كل دولة أنها ترسم الحد السياسي بدقة بعد نهاية المياه الإقليمية. لأن أي لعب كده ولا كده أثناء رسم الحد السياسي الثروات والموارد والسيادة هتدخل على بعضها. فبالتالي هيحصل نزاع بين الدول. فبالتالي هنا بقى ممكن الراجل في الامتحان يقول لك إيه؟ يقول لك بيحصل نزاع بين الدول البحرية في المسطحات المائية على إيه؟ قول له على تحديد الحد السياسي للمياه الإقليمية. أيوه المياه الإقليمية ركز ها. ولو مش هتجيلك كده ممكن تجيلك بمعاني تانية. ما يقول لكش الحد السياسي ويقول لك الحافة الخارجية للمياه الإقليمية أو الحافة الداخلية للمياه التكميلية. طب ما هي هي. أو بيقترب النزاع بين الدول بالقرب من الميل رقم كام؟ قول له بالقرب من الميل رقم 12. لأن معظم الدول اتفقوا على أن مياههم الإقليمية تبقى 12 ميل. ودي الأسئلة اللي ممكن تجيلك في المقدمة دي.

ندخل في الموضوع بقى بما أني بتكلم على دول بحرية فهم بياخدوا نوع من الاتنين. أما المشكلة هتبقى مشكلة بين دول متجاورة. بالمناسبة متجاورة يعني الاتنين جنب بعض. أو متقابلة. متقابلة يعني الاتنين في وش بعض قدام بعض وما بينهم مضيق. تعال الأول نتكلم على الخناقة اللي بين الدول المتجاورة اللي جنب بعض. على سبيل المثال بص لي كده على مصر وليبيا هتلاقيهم جنب بعض. طب بص لي على ليبيا وتونس هتلاقيهم جنب بعض. فأي دولتين بحريتين جنب بعض المشكلة بتاعتهم بتبقى مشكلة مياه متجاورة. ما تنساش. وهنا بقى النزاع بالاخص بيبقى على منطقة الأرصفة القارية. زي زي ما كتاب المدرسة أدانا مثال وغالباً بيجيبه في الامتحان. قال لك حصل صراع قبل كده بين دولتين عربيتين ألا وهما ليبيا وتونس. اعمل لي ستوب وطلع النوت بتاعتك. وهنا بقى معلم حضرتك هتسجل أن هذا الصراع اللي حصل بين الدولتين العربيتين دول هو مشكلة سياسية ذات بعد اقتصادي. وطالما على ليبيا وتونس يبقى مكان المشكلة أما في شمال أفريقيا أو جنوب حوض البحر المتوسط. جنوبه ها عشان في أغلبية بيقولوا شمال حوض البحر. لا لا لا ليبيا وتونس هما جنوب حوض البحر المتوسط أو في الربع الشمالي الشرقي من العالم. كده إحنا خططنا. ندخل في الموضوع بقى إيه اللي حصل بين ليبيا وتونس؟ قال لك والله الاثنين اتخانقوا في المسطح المائي اللي اسمه البحر المتوسط على الثروات والموارد الطبيعية اللي موجودة فيه في منطقة الرصيف القاري من بترول وغاز طبيعي. فكل دولة حبت تشغل مخها على أختها. فقامت ليبيا وقالت لك إيه؟ والله يا تونس أنا شايفه أن الحدود البحرية ما بينا تمتد جهة الشمال مباشرة بزاوية قائمة درجتها 90. يعني إيه؟ يعني الحدود تكمل كده طوالي جهة الشمال. وغالباً يا صاحبي أن كان ده حصل كان منطقة الأرصفة القارية والثروات هتصب لصالح ليبيا. فتونس فهمت وقالت لها لا أنا عندي حل أحلى. إحنا هنرسم الحدود البحرية ما بينا يا ليبيا بزاوية تميل بدرجة 45. يعني إيه؟ يعني ما تبقاش قايمة كده على طول تبقى مايلة. حلو الكلام. ولو كان ده حصل كان منطقة الأرصفة القارية هتبقى لصالح تونس. حصل صراع بين الدولتين. ولكن قبل ما أقول لك هيتحل إزاي ما تيجي نقف لحظة. هات لي النوت بتاعتك. بص يا سيدي طالما ليبيا قالت أنا بطالب أن الحد يبقى جهة الشمال مباشرة فهنا الراجل ممكن يرميها لك في الامتحان ويربطها لك بجزء قديم ويقول لك إيه؟ هي لو الحدود مشيت دايركت كده على طول جهة الشمال مش أنا ينفع أقول أن هذا الحد حد هندسي فلكي؟ آه. طب ولما تونس قالت أن الحد يبقى مايل كده بدرجة 45 هو مش الحد المايل ده كنا إحنا بنسميه حد هندسي خط مستقيم؟ آه. فلو قال لك في الامتحان لو كانت الحدود صارت موازية لحد فلكي قول له كان منطقة الأرصفة القارية هتبقى لصالح ليبيا. إنما لو كانت صارت بخط مستقيم كانت هتحكم لصالح تونس. ودي تركية كده مستخبية.

تعال بقى أقول لك إيه اللي هيحصل. تدخلت هيئة اسمها هيئة الأمم المتحدة. وهنا برضه هنقف لحظة وتجيب لي النوت بتاعتك. أنت مش أول مرة تسمع أن الأمم المتحدة بتتدخل. لأن الأمم المتحدة تدخلت قبل كده في قضية طابا الكلام ده كان في التمهيدي. ودخلت في مشكلة سبتة ومليلة ودخلت في مشكلة كشمير. ودلوقتي بقول لك تدخلت في مشكلة ليبيا وتونس. أفرق ما بينهم إزاي؟ ركز يا قلبي أن تدخلها في مشكلة طابا وسبتة ومليلة وكشمير دي كانت مشاكل سياسية حدودية يا قلبي. أما تدخلها في مشكلة ليبيا وتونس فدي مشاكل سياسية اقتصادية يا قلبي. فركز وعلم. ثانياً خد بالك هي كان موقفها إيه من مشكلة طابا وسبتة ومليلة وكشمير. فحضرتك هتلاقي أن كان موقفها من طابا وكشمير إيجابي. أما موقفها من قضية سبتة ومليلة سلبي متخاذل انحيازي. لمين بتنحاز لدولة من الدول اللي هي إسبانيا. متفقين؟ متفقين. تعال بقى نشوف هو كان موقفها إيه من قضية ليبيا وتونس. تدخلت هيئة الأمم المتحدة وقررت محكمة العدل الدولية. كلمة محكمة يبقى أنا بكلم على أسلوب قضائي اسمه التحكيم. عشان لو قال لك حلوا النزاع بأنهي وسيلة قول له التحكيم. وقرروا الآتي. الأول قالوا هنرسم الحدود بين الدولتين بزاوية 26. يعني اللي هي على طول ولا هي 45 في النص 26. ولكن يحصل مفاجأة. إيه المفاجأة؟ يلاقوا يا جماعة أن لدولة تونس في جزر منتشرة في البحر المتوسط. على سبيل المثال جزيرة جربة وجزيرة قرقنة وغيرها. فلما لقوا في جزر تونسية بتنتشر في المسطح المائي ده وبتقتل من الزاوية 26 قال لك لا إحنا كده بنظلم تونس. إحنا هننحرف بالزاوية الـ 52 علشان نبعد عن الجزر التونسية. وهنا يا معلم لما انحرفوا بالزاوية الـ 52 أصبح منطقة الرصيف القاري وما بها من ثروات طبيعية بتبقى لصالح دولة تونس. وهنا أسألك سؤال. هو لو ما كانش لاقوا جزر في المسطح المائي هل كان هينحرفوا؟ انحرافهم ده كان سببه الجزر. وأن الراجل في الامتحان ممكن يقول لك إيه؟ يقول لك اللي ساعد أن تونس تاخد حقها من الموارد الطبيعية مساحتها ولا مناخها ولا موقعها ولا شكلها؟ قول له لا شكلها. لأنها كده شكلها بري بحري مجزأ. لأن ليها جزء متصل باليابس وعندها جزر في البحر. يبقى بري بحري مجزأ. أو يقول لك اللي ساعدها على ذلك مقوماتها المورفولوجية. خد بالك. أو يعلي الليفل شوية ويقول لك لعبت التعرية البحرية دور لصالح دولة تونس في قضيتها مع ليبيا. صح. لأن سبب وجود جزر أصلاً ده كان تعرية بحرية يعني عوامل طبيعية من البحر المتوسط. متفقين؟ متفقين. وهنا يا معلم أنا هلاحظ أن الساحل التونسي بيميل أصلاً جهة الشمال الشرقي بسبب وجود بعض الجزر اللي موجودة فيه. وكده نقدر نلخص الحوار أن القضية في الآخر خالص حكمت لصالح مين؟ حكمت لصالح تونس. وهنا أنا أقدر أشبه مشكلة ليبيا وتونس على فكرة في انحراف الحدود بتاعتها مع مشكلة مصر وليبيا على الجزء الشمالي الغربي اللي هو كان متعرج ده فاكرينه؟ لأن كلها مشاكل سياسية وكان البعد هنا عن الحد ده كان سببه حاجة اقتصادية. فخد بالك لأن الكلام ده مهم جداً جداً.

ندخل بقى على المشاكل البحرية التانية اللي بين الدول المتقابلة. بص اكتب كلمة متقابلة. افتح قوس اكتب مضيق. اقفل القوس. بمعنى أول ما يقول لك ظهرت مشكلة مياه متقابلة قول له ستوب. روح دور على مضيق. روح دور على مضيق. كده خلصان. تعال بقى أي مضيق قدام عينيك ده معناه أن هتظهر فيه مشكلة بين الدولتين اللي بيشرفوا عليه. فبتسمى مشكلة مياه متقابلة. قبل ما أقول لك المضايق تعال أديك تركاية كده. بص يا قلبي المفروض أن في ممرات مائية واسعة وفي ممرات مائية ضيقة. كل ما كان الممر المائي أضيق كل ما النزاع هيزيد أكتر. وكل ما كان الممر المائي أوسع كل ما احتمالية النزاع هتقل أكتر. طيب هنا بقى ندخل وندي سؤال كده نحبس بيه. لو أنا قلت لك بالنظر لمضيق دوفر اللي بيفصل بين فرنسا والمملكة المتحدة. وبالنظر لمضيق جبل طارق اللي بيفصل بين إسبانيا والمغرب. وبالنظر لمضيق أورسن اللي بيفصل ما بين الدنمارك والسويد. وبالنظر لبحر البلطيق اللي بيفصل بين ليتوانيا والسويد. فمين المنطقة اللي هيضعف فيها الاحتمال أن يحصل نزاع هناك؟ قول لي يا باشا بين ليتوانيا والسويد. لأن هناك الممر المائي أوسع من بقية الممرات اللي أنا قلتها. إنما إيه المنطقة اللي هيزيد فيها النزاع؟

روح دور على أضيق ممر مائي كده، قشطة قشطة. ندخل في الموضوع بقى، ورقة وقلم وطلع لي الخريطة بتاعتك وسجل معايا الملاحظات دي كلها عندك.

مثلاً، في نزاع ممكن يحصل بين المغرب وإسبانيا على مضيق جبل طارق. وفي نزاع ممكن يحصل بين تونس وإيطاليا على مضيق صقلية. والنزاع ممكن يحصل ما بين جيبوتي واليمن والمغرب على مضيق باب المندب. ونزاع ممكن يحصل بين سلطنة عمان وإيران على مضيق هرمز.

تعالى بقى نجيب أربع أسئلة كده على الممرات المهمة دي. لو قال لك يا صاحبي مين الممر المائي اللي تسبب في أقدم مشكلة حصلت سياسية بين الدول؟ قول له جبل طارق.

طيب، بما إني النهارده بقول لك صقلية بيفصل بين تونس وإيطاليا، يبقى كده دولة تونس دي عندها مشكلة مياه متقابلة مع إيطاليا، وعندها مشكلة مياه متجاورة مع ليبيا. يبقى تونس هي الدولة العربية اللي شهدت مشاكلها بشقيها المتجاور والمتقابل.

انزل تحت على باب المندب. ملحوظة مهمة جداً، باب المندب يا جماعة، كل كل الدول اللي بتشرف عليه عربية خالصة. فبالتالي النزاع على هذا المضيق هيبقى أقلهم، ليه؟ لأن كل الدول إثنوغرافياً متشابهة، لأنها دول عربية. بالمناسبة، في امتحان 2024 قال له الممر المائي اللي هيندم النزاع عليه لأسباب إثنوغرافية، فكانت الإجابة مضيق باب المندب.

نكمل. خش بقى على هرمز. هرمز ده هتلاقيه الممر المائي اللي بيفصل بين الخليج العربي وخليج عمان. وهناك حيث يوجد مصادر الطاقة والبترول. فخد بالك أن هذا الممر المائي له أهمية استراتيجية في الوقت الحالي، ولكن أهميته الاستراتيجية هتقل مستقبلاً، ليه؟ لأن مصدر الطاقة مصدر غير متجدد.

فبالمناسبة بقى، بالله عليك اعرف لكل مضيق بيفصل بين أنهي مسطحات مائية. يعني جبل طارق بين البحر المتوسط والمحيط الأطلنطي. مضيق صقلية كله في البحر المتوسط. عندك باب المندب بين البحر الأحمر وخليج عدن. عندك هرمز بين الخليج العربي وخليج عمان. لأن ممكن يقول لك إيه؟ ظهرت مشكلة مياه متقابلة في الخليج العربي، يبقى أقول له بالقرب من مضيق هرمز. ظهرت مشكلة مياه متقابلة في البحر الأحمر، أقول له جنب مضيق باب المندب، وهكذا. فهمت؟

نكمل بقى يا صاحبي. دي مضايق هيحصل عليها نزاع. خد بالك أن في بعض المضايق الأخرى دولية برضه. على سبيل المثال، تحت كده عند جزر إندونيسيا في مضيق اسمه ملقا، بيفصل ما بين ماليزيا وجزيرة سومطرة الإندونيسية. وده مضيق موجود في المناطق الحارة ويعتبر من أطول المضايق في العالم. وبيحصل عليه نزاع بين مين؟ بين إندونيسيا وماليزيا على تحديد المياه الإقليمية في هذا المضيق. كل ده على تحديد المياه الإقليمية.

انزل تحت هتلاقي في أفريقيا في دولة اسمها مدغشقر. مستر، دي جزيرة؟ أيوه، ما دي دولة اسمها مدغشقر. وقدامها دولة اسمها موزمبيق. الاثنين ما بينهم مضيق اسمه موزمبيق. فممكن يحصل عليه مشكلة مياه متقابلة بين الدولتين.

تعالى بقى نطلع فوق خالص كده، بين روسيا وبين الولايات هتلاقوا في مضيق اسمه مضيق بيرنج. خش لي بقى على أوروبا هتلاقي بين فرنسا وبين المملكة المتحدة البريطانية في مضيق اسمه دوفر. وهنا يا صديقي دي شوية ممرات نهائية دولية ممكن يحصل عليها نزاع.

تعالى بقى أقول لكم شوية مضايق مش هيحصل عليها نزاع، لأن المتحكم في هذه المضايق دولة واحدة فقط. سجل عندك. أولاً، تركيا عندها مضيق اسمه البوسفور. فغالباً مش هيحصل عليه نزاع لأن بتتحكم فيه تركيا فقط. ثانياً، انزل تحت كده على دولة تشيلي هتلاقي عندها مضيق اسمه ماجلان. وده مضيق بتتحكم فيه تشيلي فقط. خش بقى على اليمين هتلاقي أستراليا ما بينها وبين جزيرة تسمانيا في مضيق اسمه مضيق باس. وهذا المضيق بتتحكم فيه أستراليا فقط.

أما بقى دولة نيوزيلندا اللي مقسومة للجزيرتين زي ما أنت شايف، نيوزيلندا الشمالية ونيوزيلندا الجنوبية، ما بينهم مضيق اسمه كوك. وهذا المضيق غالباً مش هيعمل نزاع لأنه داخل دولة واحدة فقط. فخد بالك من الحاجات اللي لا تثير نزاع لأنها بتتعامل معاملة الحاجات المحلية اللي داخل دولة واحدة.

كده خلصنا، خلصنا. ركز بقى يا صاحبي أن أغلبية المضايق الدولية اللي حصل عليها نزاع موجودة في شمال شرق العالم، خاصة شمال مدار السرطان. الحتة دي بيزداد النزاع قوي لأن أغلبية المواقع الاستراتيجية موجودة هناك.

حيث توجد مصادر البترول. قشطة قشطة. اقفل بقى قصة المياه المالحة وخش لي على المياه العذبة. في يا جماعة صراع هيحصل بين الدول على المياه العذبة. والماية العذبة هنا المقصود بها الأنهار، خاصة الأنهار الدولية. ركز، الأنهار الدولية.

أولاً، افتح كتابك هتلاقيه بيقول لك إيه؟ أن بيحصل صراع على الأنهار الدولية لأربع أسباب. أما بسبب حق الملاحة، أو اقتسام مياه النهر، أو صيد السمك، أو حتى توليد الكهرباء.

وقّف في لحظة بقى عشان نفهم الأسئلة بتيجي عاملة إزاي. بص يا قلب أخوك، لو في نهر دولي بيعدي على أكتر من دولة وبيعدي حدودها، فبنقول عليه نهر دولي عابر. أو نهر دولي بيفصل ما بين حدود الدول، فبنقول عليه نهر دولي فاصل. أياً كان هو عابر ولا فاصل، بيتسبب في حدوث الأزمات اللي قلت لك عليها دي.

فنمشي أزمة أزمة بقى. على سبيل المثال مثلاً، حق الملاحة. إيه هو؟ يعني يا جماعة في دول ممكن تمنع دول النهر بيعدي من عندها إنها تمشي السفن بتاعتها في هذا النهر. فهي كده حرمتها من حق الملاحة في النهر. وده غلط يتسبب في حدوث مشكلة. أو دولة تحرم دولة من صيد الأسماك، أو إنها تولد كهرباء من النهر.

يا بـ... صديقي، نتكلم على درس المشكلات الاجتماعية ذات البعد السياسي ونعرفك كل أفكار الأسئلة اللي إن شاء الله ممكن تجيلك في الامتحان. ورقة وقلم وسجل معايا بقى.

بص يا سيدي، النهارده إحنا هنتكلم على مشكلة الأقليات ومشكله الهجرة، سواء الهجرة اللي بتحصل في الدولة بطريقة شرعية أو غير شرعية، أو حتى الدول اللي بتعاني من هجرة قسرية. دي اسمها مشاكل اجتماعية. فركز بقى في التصنيف ده. نمسك حاجة حاجة كده.

نبدأ الأول بمشكلة الأقليات ونقسمها عناصر. هو يعني إيه أقلية؟ الأقلية هي مجموعة قليلة من السكان صفاتها بتكون مختلفة عن صفات بقية المجتمع. يعني إيه؟ يعني إحنا عايشين في دولة، الدولة دي فيها عدد قليل كده من الناس. الناس دول صفاتهم بتختلف عن بقية المجتمع كله. فالراجل بيقول ممكن العدد القليل من الناس ده تكون مثلاً صفاته مختلفة في الدين. يعني المجتمع كله أو أغلبُه على ديانة معينة، وشوية الناس دول على ديانة أخرى. ساعتها هنقول على الأقلية دي أقلية دينية. أو ممكن العدد القليل من الناس ده يكون مختلف في اللغة. المجتمع كله بيتكلم لغة معينة، إلا دول بيتكلموا لغة أخرى. يا راجل، ساعتها هنقول على الأقلية أقلية لغوية. أو يبقى العدد القليل من الناس اللي عايش في المجتمع ده مثلاً، الدولة كلها سكانها مولودين في الدولة دي وهم أصحاب الدولة دي، ولكن العدد القليل من الناس دول جايين من دولة أخرى أو جنسيتهم مختلفة لأنهم تابعين لدولة أخرى. ساعتها هنقول على هذه أقلية أقلية قومية. أو في نوع آخر من الأقليات اسمها أقليات عرقية. وهان الموضوع يخص العرق أو يخص السلالة ذات نفسها. فمتى أقول على الأقلية عرقية؟ زي مثلاً، وإحنا عيال صغيرين في تالتة إعدادي خدنا إن في سلالة اسمها السلالة الزنجية والسلالة القوقازية. فاكرين الكلام ده؟ آه يا عم جمال. فبص، لو لقينا الاختلاف في لون البشرة، ساعتها بنقول على الأقلية أقلية عرقية. على سبيل المثال مثلاً، أخواتنا في الصومال تقريباً لون بشرتهم سمراء، فدول تبع السلالة الزنجية. تخيل بقى عايش في الصومال دي عدد قليل من الناس اللي لون بشرتهم أبيض، ساعتها كده في اختلاف في لون البشرة، فهقول لك دي أقلية عرقية.

طيب، تعالى بقى نخش في الأسئلة اللي ممكن تجيلي في الامتحان. مبدئياً كده، هو إيه اللي خلى الدول يظهر فيها هذه المشكلة الاجتماعية اللي بين قوسين مشاكل الأقليات؟ يعني إيه اللي خلى الدولة يبقى فيها عدد قليل من الناس صفاتهم مختلفة؟ قال لك والله الهجرة. إن السكان دول من زمان من فجر التاريخ وهم بيهاجروا من مكان لآخر. فهجرة السكان من مكان لآخر دي اللي بدأت تخلي المجتمعات يظهر فيها أقليات. فلو قال لك في الامتحان إيه السبب الرئيسي لظهور الأقليات؟ قول له هجرة السكان أو حركة السكان. فهجرة السكان ترتب عليها إن أصبح لا يوجد مجتمع نقي، لا يوجد سلالة نقية، لأن دلوقتي يا جماعة بقى في كل مجتمع في مجموعة حتى لو قليلة من السكان بتكون مختلفة عن بقية المجتمع. يبقى اربط الهجرة بمشكلة الأقليات.

تعالى بقى ندخل في الجزئية المهمة اللي أكيد إن شاء الله الراجل هيجيب فيها سؤال في الامتحان. يلا بينا.

بص يا عم، هنتكلم على أنواع الأقليات وزي ما أنا قلت لك هما أربع أنواع. تعال أقول لك إزاي تركز على كل نوع بأسئلته في الامتحان.

نبدأ بالأقليات القومية. إمتى أعرف إن الأقلية دي أقلية قومية؟ قال لك لو لقيت الاختلاف في الجنسية. فمثلاً، بص يا سيدي، تعالى كده نفتكر الأقلية القومية بمنطقتين. منطقة الاتحاد السوفيتي ومنطقة اتحاد يوغوسلافيا. ركز معايا وسجل لي الكلمتين دول عندك. فهمني يا عم جمعة، إيه علاقة السوفيت وعلاقة اليوغوسلافيا بإن يظهر أقليات قومية؟ تعال أحكيلك.

لو أنت بصيت على الخريطة دي، فدي خريطة لجمهورية مصر العربية ودي مقسمة لـ 27 محافظة. ممكن أسألك سؤال، ينفع يا معلم لو واحد جاي من المنيا عايش عندنا في القاهرة مثلاً، أقول على هذا الرجل إنه أقلية قومية؟ هل هو كده جاي من دولة غير الدولة ولا من نفس الدولة؟ لا طبعاً يا مستر، ده من نفس الدولة، مش هينفع أقول عليه أقلية قومية.

طيب، خد مني بقى المثال ده. ربنا ما يقولها ويحفظ بلدنا، ولكن تخيل كده حصل زي ما حصل في الاتحاد السوفيتي سنة 1990 والبلد دي اتفكت. ومعنى كلمة اتفكت يعني أصبحت كل محافظة دولة لوحدها مستقلة. وساعتها لقينا واحد جاي من المنيا عايش معانا في القاهرة. ساعتها بقى هنقول عليها أقلية إيه؟ جدع، قومية.

نبيه، لأن في الوقت ده بقت كل محافظة عبارة عن دولة مستقلة. ده يا معلم نفس اللي حصل في الاتحاد السوفيتي. مش الاتحاد السوفيتي ده سنة 1990 اتفكك لـ 15 دولة؟ آه يا مستر. فكده بقى أصبح الناس اللي مثلاً كانت من روسيا وعايشة في أي دولة في السوفيت، بعد ما كانت بتعتبر إن المنطقة دي هي تابعة لدولة السوفيت، لا، أصبحت دولة مستقلة. فعلى سبيل المثال، الناس الروسيين اللي بقوا عايشين في كازاخستان وأوزباكستان وتركمانستان وإستونيا ولاتفيا وليتوانيا، بيته لي بعد انهيار الاتحاد السوفيتي الناس دول بقوا بأقليات قومية في الدول دي، صح؟ ونفس الكلام لو حد من أوكرانيا أو من جورجيا بقى موجود في روسيا، فهو برضه نفس الكلام بقى أقلية قومية عند الدول دي. فمن هنا طالما السوفيت اتفكك لـ 15 دولة، فبالتالي انتشرت وزادت الأقليات القومية في تلك المنطقة.

نفس الكلام بالظبط يا أد، اتحاد يوغوسلافيا. ودي المنطقة اللي شرق بحر اسمه البحر الأدرياتيكي. ركز، شرق الأدرياتيكي. بعد ما كانوا دولة واحدة اسمها دولة اليوغوسلافيا، إلا إنهم بدأوا يتفككون من سنة 1990. وهنا أصبح المنطقة دي كلها اللي فيها صربيا ومقدونيا وكرواتيا وسلوفينيا والبوسنة والهرسك والجبل الأسود وكوسوفو، أصبحت المنطقة دي كلها بينتشر فيها الأقليات القومية، لأن بقى فيها سكان من دول عايشين عند دول تانية. وبالتالي انتشرت الأقليات القومية. فكتاب المدرسة ادى مثال، قال على سبيل المثال بدأت تظهر الأقليات البادية في دولة صربيا ومقدونيا، وكمان ناس من صربيا وكرواتيا بدأوا يبقوا أقليات في البوسنة والهرسك. فبالتالي انتشرت الأقليات القومية. عم جمعة، اتر خيرك.

حط إيدي بقى على السؤال هيجي عامل إزاي في الامتحان. اكتب يا سيدي ورايا. مبدئياً كده، خد بالك من أي دولة تابعة للسوفيت أو ليوغوسلافيا، فلازم تقرا أسماء الدول كتير. ولو طولت احفظها يبقى كتر خيرك. تعال أفهمك. روسيا وكازاخستان وأوزبكستان وتركمانستان وقيرغستان وطاجيكستان. الدول دي خد بالك منها. وكمان جورجيا وأرمينيا وأذربيجان. خش بقى على شرق أوروبا، إستونيا، لاتفيا، ليتوانيا، بيلاروسيا، أوكرانيا، وكمان مولدوفا. الـ 15 دولة خد بالك من أسمائهم. ليه؟ علشان لو جاب لك سيرة أي دولة فيهم وقال لك ظهرت فيها أقلية إيه؟ قول له أقلية قومية.

رقم اتنين، خد بالك من المسطحات المائية اللي جنب السوفيت. على سبيل المثال، خد بالك من بحر قزوين، من البحر البلطي، من البحر الأسود، لأن دي مسطحات مائية ظهرت جنبها أقليات قومية. خد بالك من الكلمات الدالة والألفاظ الدالة. على سبيل المثال، ممكن يجي في الامتحان يقول لك: بعد انهيار الكتلة الشيوعية، بعد انتهاء الحرب الباردة، بعد انتصار الرأسمالية، بعد انتهاء الحرب الأيديولوجية، إيه الأقلية اللي ظهرت في الفترة دي؟ كان السوفيت بيتفكك وبتظهر الأقليات القومية. خد بالك من كل الكلام ده.

نفس اللي أنا قلته يا صديقي، طبقه على اتحاد يوغوسلافيا. خد بالك من أسماء الدول: صربيا، مقدونيا، كرواتيا، سلوفينيا، البوسنة والهرسك، كوسوفو، والجبل الأسود. فخد بالك، خد بالك من المسطح المائي اللي جنبهم اللي هو البحر الأدرياتيكي، أو هما يعتبروا شمال البحر المتوسط. خد بالك برضه من الألفاظ والكلمات الدالة والتواريخ.

وبكده يا صديقي، يبقى أنت جاهز تجاوب على أي سؤال الراجل حابب يسألك فيه عن الأقليات القومية. خش معايا بقى على الأقليات الدينية.

باختصار شديد، هما منطقتين. الراجل بيقول لك في وطننا العربي. وطننا العربي ده اللي هو الجناح العربي الأفريقي والجناح العربي الآسيوي بدولهم بقى مصر، ليبيا، تونس، الجزائر، المغرب، موريتانيا، جيبوتي، الصومال، جزر القمر. ده اسمه الوطن العربي في الجناح الأفريقي. وعندك السودان وعندك غيره. طيب، خش بقى على الجناح الآسيوي، عندك السعودية، اليمن، عمان، الإمارات، الأردن، فلسطين، قطر. الدول اللي موجودة هناك دي كلها. فإنا كده بتكلم على وطننا العربي.

القصة قال لك والله المسيحيين في الوطن العربي هم أقليات، والمسلمين أغلبية. متفقين؟ متفقين. هقول ملحوظة كده عشان ما تلخبطكش. الناس الشاطرة دول، دولة لبنان العربية الشقيقة، الدولة دي هي أكتر دولة عربية يوجد فيها مسيحيين، ولكنهم مش أكتر برضه من المسلمين. ودولة السعودية تقريباً كده من أقل الدول اللي فيها مسيحيين، أو يكاد يكون مش موجود أصلاً. لأن دولة السعودية يا جماعة هي فيها مدن بتكون محرومة من دخول المسيحيين، على سبيل المثال مكة المكرمة والمدينة المنورة. ورا وجود المسيحيين في السعودية ممكن يكونوا للعمل، ولكن الدولة بتكون غير مهتمة بأنها تعمل مناطق إقامتهم بشكل دائم، زي مثلاً مش هنعمل أماكن لهم ولا كنائس ولا كلام ده. فبالتالي يكاد يكون من المناطق القليلة جداً من وجود مسيحيين.

تعالى نكمل. تعال نكمل. خش على أوروبا. أوروبا دي الأغلبية فيها مسيحية، ولكن الأقلية مسلمة. يبقى إحنا كده عرفنا المسيحيين أغلبية فين وأقلية فين. طيب، المسلمين والمسيحيين دول بيعتبروا من أصحاب أصحاب الديانات السماوية. فأصحاب الديانات السماوية دول بقى لو راحوا عاشوا في شرق آسيا، زي مثلاً عايشين في دولة زي الصين أو كوريا أو اليابان أو تايوان، هنلاقي نفسنا هناك إحنا اللي أقليات. ليه بقى؟ لأن المنطقة دي متعددة الديانات، خاصة الديانات الوضعية اللي هما أصلاً مش معترفين بالدين المسيحي ولا الدين الإسلامي ولا حتى الدين اليهودي. فبص بقى الناس دي يا جماعة على ديانات وضعية. منهم اللي بيعبد بقر، منهم اللي بيعبد النار، منهم اللي بيعبد الفئران، منهم اللي بيعبد الميه. أنت مش ملاحظ إن التماثيل كلها صحية إلا الإلهة بتاعتك يا كافر يا أهبل؟ كلتك أمك، كلتك أمين أمك يا كل دي اسمها ديانات وضعية في شرق آسيا. تمام تمام.

خش بقى معاها صديقي على الأقليات اللغوية. الأقليات اللغوية دي مهمة ها ها، دي مهمة. مبدئياً كده خلينا متفقين إن أي دولة بتحاول على قد ما تقدر تحافظ على الهوية بتاعتها. وكلمة تحافظ، تحافظ على الهوية، تحافظ على ثقافتها ولغتها وعاداتها إنها تبقى واحدة. فبما إن كل دولة بتخش من إن يحصل تفكك داخلي بسبب تعدد اللغات، فبتحب لغة واحدة. فبالتالي هنلاقي إن انتشار الأقليات اللغوية هيكون قليل جداً. فركز في الحتة دي إن الأقليات اللغوية أقل الأقليات انتشاراً. يعني هي أقل نوع منتشر أصلاً. فركز، الأقليات اللغوية الأقل انتشاراً. قدين بنبهك أهو.

طيب، هنا أنا هفتكرها منطقتين. منطقة العراق العربية الشقيقة، ومنطقة إيطاليا. فممكن تركز معايا. انزل كده معايا عند العراق. أيوه، العراق الدولة العربية اللي موجودة في جنوب غرب آسيا، اللي موجودة شمال الخليج العربي. أيوه هي الدولة دي. مالها بقى دولة العراق؟ اطلع كده فوق في شمالها شوية هتلاقي في دايرة كده أنا علمتها لك لو أنت دققت وركزت على الدايرة دي، هتلاقيها مش موجودة في العراق بس، موجودة في العراق ولمسة سوريا وإيران وتركيا. واخد لي بالك؟ آهي. الدايرة دي بقى مكان أقلية اسمهم الأكراد. فالأكراد مجموعة من السكان عايشين في جنوب غرب آسيا. الناس دول يا جماعة ناس مسلمين وزي الفل ومحترمين جداً على فكرة، ولكنهم ليهم عاداتهم وثقافتهم وتقاليدهم ولغتهم الخاصة اللي هي اللغة الكردية. فالناس بتطالب بحقوقها يا جماعة، إحنا مش عايزين نتكلم اللغة العربية بتاعتكم، عايزين نتكلم اللغة الكردية. فقررت دولة العراق الشقيقة إن هي تسمح لهم بذلك وتعطيهم حقوقهم إن هم يتكلموا باللغة الخاصة بهم اللي هي اللغة الكردية.

طيب، مستر، هي العراق تعمل كده ليه؟ مش خايفة إن يحصل انقسام وتفكك؟ هقول لك لا، خايفة. بس بص إيه اللي هددها. دولة العراق العربية الشقيقة تعلم تماماً إن وجود الأكراد يهددهم، لأنهم جنب سلسلة جبلية اسمها سلسلة جبال زاغروس. وحضرتك عارف إن وجود مظاهر سطح جبلية ده يشجع الأقلية على إنها تطالب بالانفصال. فلو دولة العراق ما ادتهمش حقهم، فهيبقى بسهولة جداً على الأقلية دي إنها تعمل حركات انفصالية وتبقى دولة لوحدها. وعلى فكرة لحد دلوقتي لسه ما زالت في مشاكل موجودة بين الأكراد وبين العراق. وربنا يهدي سرهم. فركز في الحتة دي. إذا أنت طلعت معايا لدولة العراق وسوريا وإيران وتركيا موجود فيها الأقليات اللغوية اللي تعتبر الأقل انتشاراً. فلو قال لك الأقليات الأقل انتشاراً موجودة فين؟ ممكن تلاقي الاختيارات في سوريا أو العراق أو إيران أو حتى تركيا، أو شمال الخليج العربي، أو جنوب غرب آسيا. ودولة العراق أدتهم حقهم.

خش بقى معايا على المنطقة الثانية اللي هي إيطاليا. اطلع فوق كده في شمال إيطاليا هتلاقي في دولة اسمها النمسا. أيوه هي دي. شوية ناس من النمسا عايشين في شمال إيطاليا. فشو الناس دول عايزين يمارسوا اللغة النمساوية وهم داخل دولة إيطاليا. إلا إن دولة إيطاليا الأوروبية رافضة وبشدة. وهنا بتقول للأقليات النمساوية: إما تتكلموا اللغة الإيطالية بتاعتنا، لا إما ترجعوا بلدكم تاني. مستر، يعني إيطاليا حرمت هذه الأقليات اللغوية من حقوقها؟ هقول لك آه، لأن إيطاليا خايفة يا جماعة إن الأقلية دي عددها يزيد، فبالتالي دولة النمسا تقول لإيطاليا: ما هو كده يا إيطاليا الناس دول بيتكلموا اللغة النمساوية، وإحنا راسمين حدودنا قبل كده لو تفتكروا على أساس اللغة، فإحنا محتاجين ناخد الحتة الزيادة دي علشان تبقى تبع دولتنا. فإيطاليا رافضة وبشدة.

يبقى إيطاليا هي الدولة الأوروبية اللي حرمت الأقلية بتاعتها إنها تاخد حقها. أبيد أبيل. خد بالك بقى، لأن أنت لو دققّت في القول هتلاقي البحر الأدرياتيكي ده بقى مهم جداً، لأن شرقه في أقليات قومية، أما غربه في إيطاليا يعني في أقليات لغوية. فبص بقى كده هو في الامتحان هيقول لك شرقه ولا غربه؟

خش بقى معايا يا صديقي على أهم نوع أقلية موجودة عندنا، ألا وهي الأقلية العرقية. اللي تقريباً يعني إن شاء رب العالمين هتيجي في الامتحان. بتقول إيه؟ الأقلية العرقية. بص، افتكرها بمنطقتين. منطقة الولايات المتحدة الأمريكية ومنطقة جنوب أفريقيا. فمبدئياً كده، لو أنت بصيت على الصف الأولاني اللي في شمال أفريقيا، اللي هي مصر وليبيا وتونس والجزائر والمغرب، سيبك من الصف ده، لأن الصف ده يكاد يكون معظم سكانه فلت من إنه يبقى من أصحاب البشرة السمراء. انزل بقى تحت شوية. أيوه، المنطقة دي اسمها منطقة الصحراء الكبرى. ابتداءً من منطقة الصحراء الكبرى والتنازل اللي هو جنوب الصحراء الكبرى، بيته لي يا جماعة الناس دول من أصحاب البشرة السمراء. إذا وجود أي حد من أوروبا عندهم هيبقى أقلية قوقازية من أصحاب البشرة البيضاء. حصل؟ حصل.

أحكيلك القصة بقى باختصار. بص يا قلب أخوك، الموضوع كله هيتوقف على تفرقة عنصرية وتمييز عنصري واضطهاد هيحصل من السلالة القوقازية البيضاء لأخواتنا أصحاب البشرة السمراء. ولكن الاضطهاد ده كان بأبشع صورة. على سبيل المثال، إنهم بيحرموا من حقوقهم، بيبدأ إنهم يستغلوهم في العمل ولكن بشكل عبودية شوية. إن أنت بتشتغل بالإكراه، بتخش مرتباتك، بتتحرم من أبسط حقوقك. على سبيل المثال، إن أنت ما تدخلش مدارس زي بقية الناس. ولو هتدخل مدارس، فلك مناطق معينة للتعليم. إن أنت ما تسكنش مع الأغلبية القوقازية. ولو هتسكن في مكان، فليك مكان مختص بأصحاب البشرة السمراء. هنا كده دي المناطق الخاصة بهم، سواء للعيشة أو حتى لمؤاخذة لدخول الحمامات أو غيره أو غيره أو غيره. فباختصار، بيتعاملوا معهم معاملة سيئة جداً جداً جداً ومش واخدين حقهم.

فتعال بقى أحكيلك القصة. بص يا سيدي، مبدئياً كده، دولة الولايات المتحدة دي من الدول اللي كانت مكتشفة جديدة. ما كانش حد لسه يعرف إن في حاجة اسمها أمريكا الشمالية أصلاً. ففي مجموعة من الناس اللي من قارة أوروبا هاجروا للولايات المتحدة. والكلام ده كان من زمان شوية. الناس دول لما هاجروا هناك واستوطنوا الولايات المتحدة الأمريكية، بدأ يكون لهم ممتلكات وأراضي وشركات. وهنا بدأت الناس تستغل وضعها الاقتصادي ويبقوا هم السيادة للدولة. حلو. نفس الناس اللي في أوروبا دول حضرتك دارس في التاريخ إنهم احتلوا دول في أفريقيا. فلما احتلوا دول في أفريقيا، بدأوا يجبروا الناس أصحاب البشرة السمراء إنهم يهاجروا ويروحوا الولايات المتحدة. وهنا صديقي بقول لك يجبروا، يعني الهجرة قسرية، إجبارية. بيجبروهم ليه يا مستر؟ عشان يعملوا في مزارع التبغ والقطن اللي موجودة هناك بتاعة السيد. وهناك ظهرت التفرقة العنصرية من البيض ضد السمر. وده كان في الولايات المتحدة. إذا هتسجل عندك إن دولة الولايات المتحدة من الدول اللي ظهرت فيها مشكلة اجتماعية عرقية.

انزل بقى تحت شوية. أيوه، تحت شوية في أفريقيا لحد ما توصل لدولة جنوب أفريقيا. دولة جنوب أفريقيا من الدول اللي زمان شوية كان في ناس عايشين فيها وجايين لها من هولندا. وكمان كان فيها استعمار بريطاني. فكان في عدد قليل من السكان يا صاحبي بيستعملوا. قعدوا فترة كبيرة في أفريقيا لحد ما بقى ليهم مؤسسات وشركات وممتلكات في جنوب أفريقيا. وبقى هم اللي بيسيطروا على اقتصاد الدولة ككل. ومن هنا بدأ نفوذهم الاقتصادي يزيد لحد ما بدأوا يسيطروا على تلات أرباع اقتصاد الدولة. وهما عددهم قليل. فبدأ برضه يمارسوا تفرقة عنصرية ضد الأغلبية أصحاب الوطن، أصحاب البلد. يعني أصحاب دولة جنوب أفريقيا. وهنا أقدر أقول إن السلالة الزنجية تم اضطهادها للمرة الثانية. بس المرة دي بقى وهم أغلبية، وكمان وهم أصحاب الوطن وأصحاب البلد. أنت واخد بالك؟ فكده في قاسم مشترك بين اللي حصل للزنوج في جنوب أفريقيا واللي حصل للزنوج في الولايات المتحدة. إن في كلت الحالتين تم اضطهادهم. ولكن مرة تم اضطهادهم من الأغلبية اللي هو في الولايات المتحدة. ومرة تم اضطهادهم من الأقليات اللي في جنوب أفريقيا.

ومن هنا ممكن يجي يقول لك إيه؟ عرفت الأقليات شكلاً ولكن اختلفت موضوعاً. قول له في جنوب أفريقيا، لأن الأقل بتمارس التفرقة العنصرية ضد الأغلبية. وده مش متعارف عليه، يعني لأن المتعارف عليه إن الأغلبية هي اللي تضطهد الأقلية. فـ ركز بالله عليك.

لحد ما جينا سنة 1948 وتم إصدار حاجة اسمها الإعلان العالمي لحقوق الإنسان. ركز فيه لأنه مهم جداً. الأمم المتحدة أصدرت إعلان بيتكون من 30 بند. ولكن أنت كطالب في تالتة ثانوي عليك البند رقم 27 فقط. اللي بيقول إيه؟ لا يجوز لأي دولة يوجد بها أقليات أن تحرم الأقليات من ممارسة شعائرها. أياً كان الأقليات إيه؟ عرقية، دينية، لغوية، أياً كان. بالبلدي، إحنا عايزين الدول تدي الأقليات حقوقها.

مجموعة كبيرة من الدول وافقوا على هذا الإعلان وقرروا إنهم يغيروا الدستور بتاع بلادهم ويضيفوا فيه البنود اللي تدي للأقليات حقوقها. دول كتير عملت كده. على سبيل المثال، جينا سنة 1968 لقيت دولة الولايات المتحدة اللي كانت بتضطهد الزنوج بتغير في دستورها وبتدي الأقليات الزنجية حقوقها. ومن هنا أقدر أقول إن الأقليات الزنجية في الولايات المتحدة أخدت حقها سنة 1968.

نفس الكلام بالظبط في جنوب أفريقيا. جت دولة جنوب أفريقيا سنة 1994 وغيرت دستورها وقالت في الدستور الجديد إن إحنا هندي الأغلبية الزنجية حقها، وأصحاب البشرة السمراء هيتم التعامل معهم بحقوقهم عادي. وهنا يا صديقي نتيجة إنهم بدأوا ياخدوا حقهم، عملوا انتخابات جديدة واختاروا واحد اسمه نيلسون مانديلا من أصحاب البشرة السمراء كأول رئيس لجمهورية جنوب أفريقيا. فده دليل إن تم تعديل الدساتير والتشريعات لحد ما الأقليات الزنجية أو الأغلبية الزنجية في جنوب أفريقيا تاخد حقها.

وبكده يبقى ما ضاع حق وراء مطالب. فـ ركز عندي بقى شوية تريكات حضرتك هتاخد بالك منها. ممكن الراجل في الامتحان يجيب لك سؤال تطبيقي. على سبيل المثال، يقول لك مثلاً: لو أنت بصيت من أول مدار السرطان لحد الدائرة القطبية الشمالية، حضرتك هتلاقي إن المنطقة دي موجود فيها كل أنواع الأقليات. تيجي نشوف؟ هتلاقي موجود فيها الأقليات القومية، والأقليات اللغوية، والأقليات الدينية (عشان أوروبا ده)، حتى موجود فيها الأقليات العرقية (عشان الولايات المتحدة الأمريكية). أو خد بالك إن مدار الجدي بيقطع دولة جنوب أفريقيا، فمدار الجدي بيعدي على دولة موجود فيها أقليات عرقية. عشان دولة جنوب أفريقيا. خد بالك إن النص الشمالي من العالم بيزداد فيه وجود الأقليات أكتر من النص الجنوبي من العالم. فـ حاجات دي هتفرق معاك شوية.

تعالى بقى صديقي نتكلم على العوامل اللي ممكن تخلي الأقلية تعمل مشاكل ولا لا. لأن غالباً هيجيب لك فيها سؤال في الامتحان. سجل معايا وربطهم باللي هقول لك عليه. إحنا عندنا أربع عوامل. حاجة اسمها التوزيع الجغرافي للأقلية، حاجة اسمها وطن الأقلية، والخصائص القومية للأقلية، وحجم الأقلية الاقتصادي. أربعة. امشي معايا واحدة واحدة.

نبدأ بالتوزيع الجغرافي للأقلية. يا جماعة، التوزيع الجغرافي يعني الأقلية دول قاعدين فين في الدولة؟ اللوكيشن بتاعهم فين؟ بيقول لك إيه؟ لو لقيت الأقلية مختلطة بالأغلبية. يعني إيه؟ مختلطة يعني بيتعايشوا معاهم عادي وبيكلموها عادي وبيتعاملوا معاهم عادي جداً جداً. زي مثلاً المسيحيين في مصر، ما المسلمين والمسيحيين بيتعاملوا مع بعض عادي. ده معناه إن الأقلية مختلطة بالأغلبية، فتأثيرها هيكون محدود أو معدوم، يعني مالهاش تأثير والدولة هتشهد استقرار سياسي عادي خالص.

أما لو كانت الأقلية متركزة على أطراف الدولة، فساعتها تأثيرها هيزيد. فالراجل ادانا مثالين هناخد بالنا منهم قوي قوي قوي. أول مثال على دولة إندونيسيا، وهي دولة تبع قارة آسيا في جنوب شرق إندونيسيا، في إقليم صغير كده أو سكان عايشين في منطقة في الجزيرة اسمهم سكان تيمور الشرقية. يعني الحتة دي موجودة على الأطراف في إندونيسيا كده يا معلم. يبقى الموقع الجغرافي للأقلية ممكن يساعدها تمام. وكمان شكل الدولة، لأن دولة إندونيسيا من الدول المجزأة البحرية. فلو قال لك الموقع الجغرافي وشكل الدولة أثر على ظهور أقليات وخلى تأثيرهم يزيد ويطالبوا بالانفصال، قول له زي إندونيسيا اللي في جنوب شرق آسيا.

أما بقى صديقي، لو جاب لك سيرة إسبانيا، فهناك هيكلمك على منطقتين. منطقة كتالونيا اللي في شمال شرق إسبانيا، ومنطقة الباسك اللي في شمال غرب إسبانيا. ودول اللي بيخليهم يختلفوا عن إقليم تيمور في إندونيسيا إن هم اللي شجعهم على الانفصال الجبال، مظاهر السطح. أما تيمور فاللي شجعها الشق. فـ خد بالك من الحتة دي قوي. اكتب بقى عندك إن إقليم تيمور ده في الجنوب الشرقي من العالم، لأن تحت في جنوب شرق إندونيسيا. أما إقليم الباسك فهو شمال غرب العالم. أما إقليم كتالونيا فهو شمال شرق العالم. فـ ركز لأن الاتجاهات مهمة جداً.

انزل معايا على الجزئية اللي بعدها، وطن الأقلية. وده يا جماعة مكان الأقلية عاشت فيه وحددت فيه ملامحها وبدأ يكون لهم لغة وثقافة ووطن وعادات وتقاليد بيتمسكوا بها. زي الأكراد اللي في شمال العراق. فبالله عليك ركز لو جاب لك سيرة الأكراد يبقى لأنهم عملوا لنفسهم وطن. أما لو جاب لك سيرة تيمور أو الباسك أو كتالونيا، الموقع الجغرافي بتاعهم هو اللي شجعهم.

في حاجة اسمها الخصائص القومية للأقلية. إن الأقلية دي خلاص اتحددت ملامحهم، فهي استماتوا من أجل الدفاع عنها. زي برضه الأكراد. انزل بقى خالص على حاجة اسمها الحجم الاقتصادي للأقلية. وهنا بقى يا صاحبي الراجل بيتكلم بالتحديد على الأقلية القوقازية اللي موجودة في دولة جنوب أفريقيا. لأننا لاحظنا إيه؟ لاحظنا إن تم الاضطهاد للأغلبية الزنجية في وطنهم، في بلادهم، في جنوب أفريقيا. بيفكرني كده باضطهاد إسبانيا لسكان سبتة ومليلية في بلدهم المغرب. ها؟ وده لما سألنا عن السبب قال لك بسبب حجم الأقلية الاقتصادي. الأقلية القوقازية اللي هناك كانت بتسيطر على تلات أرباع اقتصاد دولة جنوب أفريقيا.

فهنا خد بالك بقى، لأن الموضوع ممكن يدخل في صورة مربعات. إن يجيب لك كده شكل لمربع ويقول لك: أمامك إحداثيات. فكلمة إحداثيات معناها خطوط طول ودوائر عرض. فلو جت لك بالشكل ده وقال لك: أنا عايز المنطقة اللي خطورة الأقلية فيها بتقل. يبقى أكيد يقصد المربع اللي في النص. فهت شوف المربع ده بين ادي إحداثيات، يعني بين خط طول وخط طول كام، وبين دايرة عرض ودايرة عرض كام. لأنك أنت بتدور على المربع اللي في النص. أما بقى لو قال لك: أنا عايز الأقلية تمثل خطورة. فأنا عايز الإحداثيات اللي تخلي لي الأقلية على أطراف الدولة. فهتمسك اللي الراجل مديهالك وتشوف هو بيديك مثلاً دايرة عرض كام ودايرة عرض كام وتعلم عليهم. طب خط طول كام وخط طول كام وتعلم عليهم. في الآخر خالص هيعملوا لك مربع معين. اختار المربع اللي على أطراف الدولة.

حوار بقى يا صاحبي الهجرة. فده سهل جداً وبسيط جداً. هجرة غير شرعية، يعني في إنسان بيهاجر عبر المنافذ الغير رسمية. اللي هي باختصار، أنا لا هعدي على مطار، ولا هعدي على ميناء، ولا هعدي على معبر. أنا هاخدها كده بطريق غير متعارف عليه. فدي اسمها هجرة غير شرعية. خد بالك إن الهجرة الغير شرعية بتسقط وظيفة الحدود، خاصة المرحلة الرابعة اللي اسمها مرحلة إدارة الحد. لأن المفروض إن إحنا موقفين حكومة في المرحلة دي عشان تشوف اللي داخل واللي خارج. فإحنا كده أسقطنا هذه المرحلة نهائياً لما هاجرنا هجرة غير شرعية.

تأثيرها إيه؟ ممكن يكون لها تأثير سلبي من الناحية الأمنية، لأنها بتسمح بظهور بؤر إجرامية، مجرمين داخل الدولة. أو ليها تأثير سلبي من الناحية الاجتماعية، لأن الهجرة الغير شرعية بتعمل لي خلل في التركيب الاجتماعي. ما بتخليش السكان زي ما هم متعارف عليهم. زي ما إحنا أخدنا قبل كده المناطق اللي بتستقبل بيقل تجانسها، زي منطقة جنوب غرب آسيا اللي هي الخليج العربي وجنوب أوروبا. فاخد بالك بالله عليك. بما إني بجيب سيرة الهجرة والمناطق اللي بتستقبل والمناطق اللي بترسل، فـ خد بالك من الكلمتين دول. كلمة منبع وكلمة مصب. منبع يعني المناطق اللي بيمشي سكانها، زي جنوب شرق آسيا وشمال أفريقيا. دول المنبع اللي بيمشوا السكان. أما كلمة مصب، المناطق اللي بتستقبل، زي جنوب غرب آسيا وجنوب أوروبا. إيطاليا بقى واليونان والدول دي كلها.

كمان ممكن يكون لها تأثير سلبي من الناحية الاقتصادية. اللي هي إيه يعني يا مستر؟ اللي هو بتخلي يبقى فيه أيدي عاملة رخيصة، ناس بتقبل تشتغل بأبخس الأثمان. وده هيعطلني البلد ذات نفسها، يلاقي شغل، لأن صاحب الشغل راضي حد مهاجر هجرة غير شرعية، لأن هياخد منه مرتب أقل. وكمان ممكن يكون لها تأثير سلبي من الناحية الصحية، يكون مريض وينشر عدوى أو مرض. ركز، لأن الكلام ده مهم جداً.

أما في نوع تاني من الهجرة اسمها الهجرة القسرية. ودي هجرة الإنسان من مكان لمكان غصب عنه رغم إرادته. فاكيد لها أسباب. ممكن يكون السبب سياسي أو عسكري. الدولة بتاعتك فيها مثلاً حروب، فساعتها أنت مضطر تهاجر هجرة قسرية. زي أخواتنا في فلسطين أو سوريا، أو حتى زي منطقة البوسنة والهرسك وكرواتيا وسلوفينيا وصربيا قبل كده ساعة التفكك كان في حروب بينهم وبين بعضهم، كانت بتشهد هجرة قسرية.

ممكن يكون السبب طبيعي. حصل لا قدر الله زلزال، فيضان، بركان. طيب، أنت اضطريت هنا تمشي لأسباب طبيعية. زي هجرة الرعاة من غرب أفريقيا. يبقى خد بالك، لأن دول الأكواس اتعرضوا لهجرة قسرية لأسباب طبيعية.

وممكن يكون يا صديقي السبب سبب قومي. بلدك بتعمل تنمية، بتعمل مشروع جديد، بس المشروع ده للأسف جاي في المنطقة اللي فيها البيت بتاعتكم. فساعتها أنت هتسيب البيت وهتمشي. وده اسمه الأسباب القومية. على سبيل المثال، خد بالك من المثال ده. مصر في جنوب الوادي، عند كده بحيرة ناصر، كان في سكان هناك عايشين اسمهم أهالي النوبة. أهالي النوبة دول لما جينا نعمل خزان أسوان، بدأت الميه تفيض من فوق الخزان وتغرق الكره بتاعتهم. فيعل الخزان، فالكره تغرق، فيعل الخزان، فالكره تغرق. لحد ما فكروا في إنشاء السد العالي وقرروا تهجير أهالي النوبة لمنطقة كومبو. وكده يبقى المنطقة دي شهدت مشكلة اجتماعية، أي هجرة قسرية من منطقتهم لمنطقة أخرى. وده الأسباب القومية.

وهنا هقف لحظة. بما إن المثال ده على بلدنا مصر، يبقى مصر دي يا جماعة شهدت مشكلة اجتماعية في جنوبها، اللي هي الهجرة القسرية في النوبة. وشهدت مشكلة سياسية قبل كده، اللي هي إيه؟ اللي هي طابا. فـ خد بالك، لأن الكلام ده مهم جداً جداً.

وهنا ممكن الراجل يجيب لك سؤال بشكل مختلف تماماً، بس لو جالك بالشكل ده هيبقى مستويات عليا. يجيب لك مربع ويحط لك فيه أرقام ويقول لك: لو قدامك إحداثيات للدولة س، والدولة س دي شهدت مشكلة سياسية وشهدت مشكلة اجتماعية. فـ فين المناطق اللي حصل فيها المشاكل دي؟ فحضرتك لو بصيت على الإحداثيات بتاعة المربع اللي قدامك ده، هتلاقيه بادئ بخط طول 25 ودايرة عرض 22. وده معناها إن دي إحداثيات جمهورية مصر العربية. فـ جمهورية مصر العربية شهدت مشكلة سياسية (طابا)، فهتلاقي مكان طابا دلوقتي الرقم واحد. وشهدت مشكلة اجتماعية (بلاد النوبة)، فهتلاقي مكان بلاد النوبة دلوقتي الرقم تلاتة. فـ ممكن السؤال يجيلك بالشكل ده.

وكده يا صديقي، يبقى مبروك عليك الوحدة الثانية كلها. ونشوفكم على خير في حلقة جديدة. والسلام عليكم ورحمة الله وبركاته.