بتحرق مع دوامة الحياة ...الإنهاك النفسي والروحي والحياتي

أنا منهكة نفسيًا وعاطفيًا وحياتيًا. لازم يبقى عندك القدرة إنك بتتنقل من ملف لملف، مش بس بجسدك وبعقلك كمان. النبي كان بيعمل في اليوم الواحد 15 نشاط.

كل إجبار في التدين يؤدي إلى نتائج عكسية. ماحدش هيتحاسب على أخطاء حد. حابسة نفسي جو ذكريات الماضي ومش عارف أركز في حياتي ولا مستقبلي. في فن اسمه فن إخراج حب قديم من العقل. في ناس بتتلف بالتالت كر الذكريات. مش هسمح للذكريات إنها تفضل مسيطرة عشان تكملي حياتك. أنا بنصح حضرتك تشوفي حلقة [موسيقى].

النهارده بسم الله الرحمن الرحيم. أهلًا وسهلًا بيكم في البودكاست بتاعي. الحقيقة دي الحلقة الرابعة. عملنا ثلاث حلقات لغاية دلوقتي. بتنزل حلقة كل أسبوعين. عملنا حلقة عن عالم ما بعد الموت وأفراح الروح وإيه اللي بيحصل في حياة البرزخ. عملنا حلقة عن علاقات ما قبل الجواز وتختار إزاي والمشاكل بتحصل إزاي وتتعامل إزاي. وعملنا حلقة تالتة إزاي تتعامل مع نفسك نفسيًا عند الخطأ.

هذا البودكاست مش بقدمه بس بصفتي الداعية الإسلامي، لأن أنا طبعًا معتز جدًا بصفتي الداعية الإسلامي، لكن بقدمه بصفة خبرات الحياة. أنا كان عيد ميلادي من تلات أيام، تميت 57 سنة. أنا لفيت الدنيا واحتكيت في الدنيا كتير كتير كتير الحمد لله. كانت حياة غنية غنية بالمعرفة، غنية بالسفر، غنية بالاحتكاك. احتكاك بشخصيات عالمية وعربية على أعلى المستويات، واحتكاك بالبسطاء، واحتكاك كتير بالطبقة الوسطى اللي أنا واحد منها واللي أنا طول عمري بكلمها. أنا ابن الطبقة الوسطى وبحب الطبقة الوسطى قوي. وحب أكلمهم. وبشعر بالانتماء للطبقة دي.

فصار في الحمد لله كوكتيل من خبرات متنوعة، خبرات اجتماعية، خبرات حياتية، وخبرات في في في المال والأعمال، وخبرات في الحياة. والحقيقة الواحد بقى عنده إحساس أنا نفسي أطلع كل ده. أنا نفسي أقول كل ده. والعمل الدعوي ما يتيح لكش إنك تتوسع في القضايا الحياتية قوي، لأنك عايز توصل مادة روحية معينة. فكان البودكاست ده إخراج لما في نفسي، وفي نفس الوقت يواجه احتياجات وأشكاليات نفسية واجتماعية لا تتخيلوا.

الثلاث حلقات الأولانيين وفرحتي بردود أفعال ناس. أنا كنت مستنية الحلقة دي. حتى كان في تعليق لطيف جدًا على الحلقة بتاعة العلاقات لغاية الوصول للخطوبة والجواز. واحدة قالت لي: "يعني أنا كان نفسي أسمع الحكاية دي من 15 سنة فاتوا. أنا يا ريتني سمعتها من 15 سنة فاتوا." فأنا فرحان إن أنا بطلع اللي عندي. وكنت قلت قبل كده إن أنا في كتاب متأثر بيه جدًا كان اسمه "مت فارغًا". إن لما تموت تموت وأنت مطلع كل اللي عندك، كل الحلو اللي جواك طلعته. فالبودكاست ده بيطلع حتة من جوايا ما كانتش طالعة في العمل الدعوي اسمها خبرات الحياة. طبعًا أنا مزجها في الآخر بالعمل الدعوي، لأن أنا في الآخر داعية إسلامي. لكن فرحان بالتجربة. وسميناه "معاني" لأن أشعر فيه وأنا مسترسل معاكم بتلقائية من غير تحضير إلا رؤوس أقلام بسيطة في ورقة قدامي، إن المعاني بتتدفق تدفق النهر كده. يعني إيه؟ يلا بقى هات كل اللي جواك كمان كمان كمان.

وكل مرة بنحط موضوع. والحقيقة لا أخفي عليكم إن أنا مش دايما ببقى يعني كاتب بقى الموضوع ومحضر. أنا من وسط قعدتي في وسط الناس بطلع الموضوع من التليفونات اللي بتجيلي على تليفوني والمشاكل اللي الناس بتبعتها لي. بيطلع الموضوع عشان يبقى حياتي قوي وعشان يبقى تلقائي قوي. والموضوع بتاع النهارده هو طل حقيه بالطريقة دي. أنا قاعد في قعدة فيها رجالة وستات وفيها شوية شباب عائلية على أصدقاء. وقاعدين كده وقعدة لطيفة وبنهزر. وبعدين واحد طلع في النص وقال: "على فكرة يا جماعة أنا منهك جدًا نفسيًا." وكأنه فتح الناس عارف حاجة مقفولة وفتحتها. يعني كده طاقة مقفولة وبركان وبركان انفجر. وواحدة طلعت قالت: "وأنا كمان منهكة. أنا منهكة نفسيًا وعاطفيًا وحياتيًا."

طلع واحد تالت قال: "وأنا والله أنا والله حاسس إن أنا بتحرق من داخلي. أنا أنا أنا بتحرق زي مكنة الحديد عمال يخبط في بعضه وعمال يطلع شرار من كتر ما أنا بتحرق من دوامة الحياة." وبدأت أنا عمال أسمع وأقول لهم: "يعني منهكين ليه؟" فالست قالت: "أنا بعمل خمس حاجات. أنا بربي الولاد وبشتغل وبتابع حاجات جوزي. وبدور على مشروع أعمله علشان نزود الدخل. وفي نفس الوقت أنا مسؤولة عن البيت بالكامل. أنا أنا منهكة. أنا بقيت في حالة صعبة جدًا." ولقيت راجل بيقول: "ضغط مصاريف الولاد بقى لا يطاق. والوضع الاقتصادي خلاني بشتغل شغلانتين والتالتة. أنت أنت متخيل إن أنا بصحى من الصبح أدخل المكنة أتقرم لغاية ما أرجع بالليل أحط دماغي في حالة من الإنهاك. أنا مش قادر أقعد مع نفسي خمس دقايق. أنا منهك."

العجيبة إن حتى الشباب الصغير اللي أهاليهم بيصرفوا عليهم بيقول لي: "أنا منهك. أنا كمان." طب يا ابني وأنت منهك ليه؟ السوشيال ميديا أنهكته. الأكرولين على على السوشيال ميديا بقى منهك ذهنيًا. فبصيت لقيت إيه ده؟ دي مشكلة كتيرة ناس منهكة نفسيًا وناس منهكة عاطفيًا. مشاكل واتخطبت وفسخت خطوبتها واتخطبت وفسخت خطوبتها بقت مش قادرة. وناس يتقدموا وبعدين يختفوا. وناس يتقدموا. أنا تعبت من مسألة الارتباط بالطريقة دي. أنا منهكة. منهكين نفسيًا واجتماعيًا وعاطفيًا وجسديًا. لأنه لأنه تعبان. ولقيت إن أنا محتاج أبحث وأدور على الفكرة دي. فاكتشفت حاجة عجيبة جدًا إن إن الكلام اللي هو بيقولوه أنا حاسس إن أنا بتحرق من جوه. طلع كلام علمي. وإن في معنى علمي عميق اسمه الاحتراق النفسي الداخلي. وإن ده مصطلح علمي ساينس. إن في حاجة إن الإنسان عمال يحترق داخليًا فعلًا زي ما الوصف اللي قاله صديقنا اللي كان قاعد في القعدة حقيقي. أنا حاسس إنها مكنة والمكنة الحديد بيخبط في بعضه. مافيش بينها زيوت تلين ما بين الحديد وبعضه. فبنهك لأن هو بيصحى الصبح يدخل في الطاحونة لغاية ما ينام. وبقى له كده ست شهور وعشر شهور وسنة. احتراق داخلي. وبالتالي بعد كل المقدمة دي أنا كل ده كنت بوصف المشكلة. أنا متأكد إن في ناس بتسمعني دلوقتي بتقول: "وأنا كمان أنا بعاني من ده." أنا عندي لك الحل. والحل أنا ما أدعيش إن أنا قرأته في الكتب. أمال أدعي إيه؟ عشته. عشته. لأن أنا كمان عشت لحظات طويلة من حياتي منهك بكثرة الأعمال اللي عليا. وعشت فترات في حياتي وأنا بيحصل لي هذا الاحتراق. وعشت فترات أخرى من حياتي وأنا شايل أكتر من اللي كنت شايله بس مش منهك. الله! يعني أنا أنا تجربة حية قدامكم. والله يا جماعة. أنا في أجزاء من حياتي كنت شايل من كثر الحاجات اللي أنا شايلها. فترة صناع الحياة لما كنت شغال في مشروع صناع الحياة. أنا كنت بحترق داخليًا. أنا كنت تعبان. لأن عليا 600 حاجة وبجري بجري بجري بجري وتعبت. ودلوقتي أنا شايل مشروع الإحسان. مشروع حياتي. ومشروع الإحسان في اللي أنا شايله في تقديري قد صناع الحياة مرتين تلاتة. لأنه مناهج تعليمية. ولأنه شغل على السوشيال ميديا والبرامج مرتبطة بالإحسان. وأكاديمية الإحسان الأكاديمية الرائعة اللي بيتعلم فيها دلوقتي ألف طالب بتحمل علوم الإحسان. إيه ده؟ كم مشروع؟ كم مشروع؟ بس أنا مش منهك. وأنا مش محترق داخليًا. ده أنا رايق. هل أنا أكثر نضجًا؟ أكيد. بس أنا تعلمت الوصفة. وهي الوصفة مكونة من تلات حاجات. أنا مش دعوتي ليك خفف الحمل اللي أنت شايله. لأنك مش هتقدر تخففه. أبقى بضحك عليك. أبقى بقول لك كلام مثالي. لو سمحت ما تشتغلش شغلانتين. يا عم أنا لازم أشتغل شغلانتين عشان آكل العيال. لو سمحت يا شباب وقفوا استخدام السوشيال ميديا. أبقى بقول كلام ساذج. مش هيحصل. لو سمحت يا ستات ما تعمليش الخمس حاجات اللي أنت شايلاهم. أنت شايلة كل. أنت بتلعبي كل الأدوار في الفيلم. على فكرة الستات كده. هي بتلعب كل الأدوار. هي اللي بتشتغل مدرسة. وهي اللي بتشتغل مربية. وهي اللي بتشتغل بتصلح البيت. وهي اللي ما شاء الله بتشتغل كل. بتعمل كل الأدوار. سبع صنايع زي ما الكلمة المصرية الشهيرة. فما أقدرش أقول لها لو سمحتي ما تعمليش كل الأدوار. مش هتسمعني. لا خليكي زي ما أنت. بس تعالي نعمل حاجات. تلات حاجات. تلات حاجات ندخلها جوه الإنهاك اليومي أو جوه بلاش كلمة الإنهاك جوه المهام اليومية اللي بتسبب الإنهاك والاحتراق الداخلي. فلو أنت بتعملي خمس حاجات في اليوم أو لو أنت بتعمل خمس حاجات في اليوم هندخل جواهم تلات حاجات. التلات حاجات دول يقضوا على الإنهاك. الكلام اللي أنت بتقوله نظري؟ لا أنا بحكيلك عن نفسي. أنا أنا عمرو خالد. فترة من حياتي وأنا أنا آخر سبع سنين. آخر سبع سنين أنا رايق. مع إن الشيلة أتقل. بس لا أنا رايق ومبسوط ومستمتع برحلة حياتي. ورايق. قبل كده لا. أنا كنت أنا كنت منهك. كان بيبان على وشي. أنا رايق. بدليل إن أنا بعمل البودكاست. على فكرة البودكاست إضافة فوق الأعمال اللي أنا شايلها. بس أنا بعمله علشان عايز أطلع الحلو اللي جوايا. فمستمتع وأنا قاعد قدامكم الوقتي وبتكلم وأنا مستمتع. وما عادش الإنهاك الوجهي لأنه بينعكس على الوش على طول. وما عدتش التكشيرة. وما عدتش إن أنا بدخل بالليل وأنا أنت بتعمل إيه؟ طب إيه إيه اللي اتغير من هنا لهنا؟ اللي اتغير تلات حاجات. وكأني عمال أمهد لكم وأشوق. يا عم قول لي التلات حاجات عشان أطبقها في حياتي.

الأولى. الأولى روحية. أول حاجة في الوصفة العبادة. والعبادة. إحنا بنصلي الحمد لله. لا لا لا لا مش هو ده. مش هو ده اللي يعمل لك إيقاف الاحتراق الداخلي ويهديك. العبادة بإحساس. اللي هو معنى الإحسان اللي النبي اتكلم عنه. إن تعبد الله كأنك تراها. يعني إيه؟ أنت بتصلي الصلوات الخمس. على فكرة أنا مش بطلب منك تزود وقت الصلوات الخمس. ولا بقول لك قم الليل طويل. لا لا لا. أنا بتكلم على الصلوات الخمس. ونفس الوقت اللي أنت بتصلي فيهم. أنت بتخلص الظهر في قد إيه؟ أربع دقايق. هم هم الأربع دقايق. مش بتكلم على قيام ليل. أنا بكلم على الصلوات الخمس. بس الصلوات الخمس ممكن تحسهم. ممكن تعتني بيهم شوية. يعني إيه أحسهم؟ يعني وأنت داخل تصلي الصلوات الخمس. أنا بين يدي الله. الله أكبر. الحمد لله رب العالمين. شكرًا يا رب على نعمة من نعمك. الرحمن الرحيم. أنا عايش برحمتك. مالك يوم الدين. راجع لك يوم القيامة. ده إحساس. ما فيش كلمة عربي صعبة. أنت اللي مش ناوي تحسه. مالك يوم الدين. راجع لك يوم القيامة. اهدنا الصراط المستقيم. يا رب وريني الطريق في المشاريع اللي أنا شغال فيها. صراط الذين أنعمت عليهم. اديني صحبة حلوة. غير المغضوب عليهم ولا الضالين. ابعد عني أصحاب السوء. الله أكبر. يعني إيه الله أكبر؟ أنت أكبر حاجة في حياتي. الخمس دقايق دول بس. أكبر حاجة في حياتي. خمس دقايق بس. بس وقت الصلاة. يلا اركع. أنا موطي بين إيديك يا مالك الملك. عشان كده بقول لك يا عظيم. سبحان. أنا ربي العظيم. هقولها تلات مرات عشان تلزق في عقلك الباطن. وارفع راسك وقول له سمع الله لمن حمده. يعني إيه؟ إنما يسمع الله دعاء الحامدين. ربنا بيسمع دعاء اللي بيحمد. عشان كده بتقول ربنا ولك الحمد. قولها من قلبك. اسجد وكلمه. قل له أنا تعبان يا رب. الشلة تقيلة يا رب. كلم بالعامية. وأنا ساجد. أيوه أيوه. يقول النبي: "أقرب ما يكون العبد من ربه وهو ساجد." شفت تعرف تصلي كده؟ سهلة قوي. تعرف تعرف تطلب منه بالعامية من غير لغة عربية؟ يا رب الحمل تقيل عليا قوي. قوني. أعني. افتح عليا. ارزقني. يا رب الرزق اتأخر. يا كريم. وسع. يا رب. اهدي أولادي. يا رب. تعرف تعمل كده؟ بس خمس مرات في اليوم. منهم الفجر طبعًا. ليه؟ هي الصلاة بتعمل إيه؟ افهم. وإيه علاقة ده بالاحتراق الداخلي؟ خلي بالك. نفس الفكرة اللي صديقنا قالها. أنا حاسس إنها مكنة والحديد بيخبط في بعضه. ده اللي بيحصل معاك. الحديد سخن. راسك سخنت. محتاج هدي. الصلاة بتعمل كده. في المصانع يقول لك إن لازم بعض المصانع في بعض الصناعات لازم المصنع نعمل إيقاف. نوقف المكن لمدة ساعة كل 12 ساعة. ما هي دي فكرة الصلوات الخمس. خمس مرات في اليوم لازم توقف المكنة. يقول لك لو ما وقفنا المكن بتاع المصنع كله وقمنا قافلين سويتش أوف لكل المكن. المكن يتحرق. لازم كل 12 ساعة تقوم موقف المكن كله. تصدق؟ الصلوات الخمس نفس الفكرة. يلا قوم صلي. يلا طفي المكن. طفي طفي طفي. اهدأ. اهدأ. الله أكبر. خلاص بره الدنيا. أنت أكبر حاجة في حياتي. الله أكبر. وقف بين إيديه. تعرف تعمل كده؟ كده لو صليت كده بس. أنا مش بتكلم بقى قيام ليل وتصحى قبل الفجر بنص ساعة. لا. بتكلم على الصلوات الخمس. وإيه إيه كمان في العبادة؟ أنا لسه بتكلم إن أول حاجة العبادة. إيه كمان جوه العبادة؟ الذكر. ليه بس الذكر بإحساس؟ بصوا يا جماعة. كلمة إحساس هي هي المفتاح. هي السكريت بتاع الموضوع كله. إحساس. فعل الإحساس. اعمل اكتيفيشن للاحساس بتاعك وأنت بتصلي أو وأنت بتذكر. ليه الذكر؟ إيه علاقته بالاحتراق الداخلي؟ لأن الذكر هو عملية خروج بره الزمان والمكان. أنت ماسك السبحة وبتقول: لا إله إلا الله. لا إله إلا الله. لا إله إلا الله. لا إله. ويا سلام لو في منظر طبيعي بقى وتتفرج على الملك والكون. سبحان الله. سبحان الله. سبحان الله. الحمد لله. الحمد لله. الحمد لله. الله أكبر. الله أكبر. الله أكبر. من همومك ومشاكلك. الله أكبر. من الدنيا واللي فيها. الله أكبر. هو إيه اللي بيحصل؟ أنت طلعت بره الزمان والمكان. لأن تفاصيل الحياة مرهقة. تعرف تطلع بره تفاصيل الحياة؟ بس 20 دقيقة. لازم 20 دقيقة عشان دي 20 دقيقة اللي هتعبر بيك من مرحلة الاحتراق إلى مرحلة المايند فولس. اللي هو إيه؟ المايند فلنس. الصفاء الذهني والروحي. وده كلام علمي. إن فكرة المايند فلنس بتحتاج من 15 لـ 20 دقيقة من التأمل. مع إنك تقول كلام ده. ده ده ساينس. ده بوزيتيف سايكولوجي. إحنا بقى الكلام عندنا ذكر. طب وهم الكلام عندهم قد إيه؟ بيقولوا أي كلام. هوب يقعد يقول هوب هوب هوب. وأنا حضرت كورسات كده. يقعد يقول هوب عشان لازم يقول حاجة عشان مش كفاية إنك تتأمل. لازم في منترا. لازم في كلام. فإحنا عندنا الكلام لا إله إلا الله. والله هم مساكين. لأن الكلام عندهم مالوش جذر في المعتقد. لكن إحنا الكلام عندنا نابع من المعتقد. وبالتالي قوي جدًا. كونكريت متماسك. عايز تقول إيه؟ عايز أقول إن الذكر. يا سلام. طلعت بره التفاصيل. بره الإنهاك. يلا نرجع بقى للدنيا وأنا فريش. إيه ده؟ دي فكرة رائعة. فكرة الذكر بالطريقة دي. طبعًا طبعًا. عرفتوا ليه ربنا بيقول: "الذين آمنوا وتطمئن قلوبهم." يعني إيه تطمئن قلوبهم؟ كفاية احتراق بقى. هي هي نفس الفكرة على فكرة. ما هي تطمئن قلوبهم. عكسها إيه؟ احتراق داخلي. وتطمئن قلوبهم بإيه؟ بذكر الله. وبعدين يوم قايل: "ألا" هنا يعني قسم. "ألا بذكر الله تطمئن القلوب." يا سلام. الوصفة الأولى. من فضلكم. هم تلات حاجات. أرجوكم اكتبوه معايا. تلات حاجات يحموك من الاحتراق الداخلي. يوقف الإنهاك. مع إن الحمل هو هو. واحد. العبادة. ها؟ بإيه؟ حد فاكر الكلمة؟ بإحساس. والعبادة هنا تقصد بها إيه؟ نصلي كتير قوي قوي؟ ابدأ الصلوات الخمس. والذكر. الربع ساعة والتلت ساعة. بس بس. آه. في عبادات أخرى. بس عشان الاحتراق الداخلي أنت محتاج الاتنين دول. وصلت؟ وصلت النقطة الأولى.

النقطة الثانية. النقطة الثانية. لو عايز تواجه وتقلل الاحتراق الداخلي. فن التعامل مع النفس. أنا طبعًا أنتم فاكرين إن أنا هقول التلات حاجات روحية وعبادية بس. بس أنا هنا بقوم بدور اللي اللي بيقول خبرته في الحياة. فن التعامل مع النفس. بإمتاع النفس. مش هينفع طريق روتيني إن أنت من الشغل للشغل للشغل للشغل للغسيل للتربية للطبخ. لا لا لا لا. دي حاجة منهكة طبعًا. منهكة. فين إمتاع النفس؟ ولو 10 دقايق ربع ساعة. يعني إيه إمتاع النفس؟ ذكاء. أنا دلوقتي محتاج إن أنا أنبسط. يعني شوفوا أنا بسجل البودكاست ده. طيب الحلقة دي هقعد أصورها في قد إيه؟ قولوا مثلًا هقعد ساعة. أنا لازم ألعب رياضة بعدها. أنا النهارده لازم أروح ألعب باديل. لازم. ليه؟ لازم أبسط نفسي. لأن أنا لو طلعت من دلوقتي وقلت: "خلينا بقى نحضر حاجة لبرنامج رمضان." وبعديها: "خليني أشوف مشكلة عائلية." وبعدين: "خليني أشوف البزنس بتاعي اللي باكل منه عيش." لأن أنا فاصل الرسالة الدينية عن البزنس. عشان أنا مش عايز أرتزق من رسالة الدين. أنا أرتزق من البزنس. فخليني أعمل كل ده ورا بعضه. ده إنهاك. إيه الذكاء؟ زي ما قلنا ما بين الحاجات وبعضها. دخل واحدة من التلاتة. فدخلنا الصلوات الخمس. ودخلنا وقت الذكر. تعال دخل بقى وقت إمتاع النفس. موضوع موضوع ذكي في التعامل مع نفسك. لا ده مش موضوع. مش وقت ذكر دلوقتي. ده وقت اللعب. أنا عايز ألعب رياضة عشان أنا قعدت بقالي كتير. لازم أتحرك. لازم أجري. أنا ما أعرفش أنام بالليل إلا لما أتفرج على ماتش كورة. أفتح التلفزيون وأتفرج على أي ماتش كورة. عشان أو على الدوري الإنجليزي أو على الدوري الإسباني. ريال مدريد ولا أتفرج على الأرسنال ولا أتفرج على مانشستر سيتي. ليه؟ ليه؟ عشان أنا طول النهار شغال. لا هنا الملف. هنا النقطة التانية. لازم من إمتاع النفس. في كتاب جميل جدًا اسمه "فقه حب الحياة". فقه. فقه وضوء وصلاة. إيه اللي يجيب حب الحياة؟ الفقه. لأن في فقه عند النبي صلى الله عليه وسلم إزاي تحب الدنيا. كان يحب العطور جدًا. وعمرك ما تقابل النبي إلا وهو حاطط بيرفيوم. بلغة العصر. ويحب اللبس الحلو قوي. ويحب رحلات المشي. الهايكنج بلغة العصر. ويطلع يتمشى كتير مسافات 5 كيلو و 6 كيلو و 7 كيلو. ويروح مشاوير ويرجع ماشي. مع إنه عنده الحصان بتاعه والبغل بتاعته. لكن يحب المشي. ويحب يقعد مع مراته ويهزر معاها. فن إمتاع النفس مهم جدًا جدًا جدًا. أنا أنا كتير تحت الضغط العصبي. قبل ما أنام بالليل. أحب أتفرج على فيلم كوميدي أبيض وأسود. عايز أضحك. عايز عايز أنبسط. ممكن أتفرج على أي مقطع كوميدي. أقعد أدور عليه. علشان عايز أضحك. فن إمتاع النفس. داخل فيها الرياضة. داخل فيها. هقول لكم بقى شوية حاجات في فن إمتاع النفس. الرياضة داخل فيها. ها؟ هقول لكم بقى شوية حاجات في فن إمتاع النفس. الرياضة داخل فيها. الأكلة الحلوة. تعالوا ناكل أكلة حلوة. مش لازم غالية. بسيطة بس جميلة. داخل فيها اللمة الحلوة مع الصحاب. داخل فيها. تعالوا نتمشى. داخل فيها ماتش كورة. داخل فيها حاجة كوميدي. داخل فيها مكالمة مع حد غالي عليكم. نقعد بنهزر مع بعض. مش مهم بنقول إيه. بنهزر مع بعض. أخبارك إيه؟ طب شفت الفيلم؟ شفت الماتش الفلاني؟ طب مين هي؟ دي مهمة بتقلل الإنهاك بنسبة كبيرة في الحياة. يبقى واحد. العبادة. اتنين. فن إمتاع النفس وذكاء الإنسان. إمتى؟ يعني أنا ساعات أجي مع نفسي أقول إيه؟ لا الوقت وقت ذكر. لا لا لا لا لا لا. معلش ناجل الماتش شوية. أنا طالع الروف أذكر ربنا لوحدي على الروف ومعايا السبحة بتاعتي. ده ده ده وقت عبادة. وأحيانًا أقول لنفسي: لا تعال ناجل الذكر شوية. أنا محتاج ألعب رياضة دلوقتي. أنا محتاج أضحك. إيه الشطارة؟ إيه؟ إمتى؟ ما بين إيه؟ ما بين إن أنا بأدي كل أدواري. أنا مهتم بكل الأدوار اللي بقوم بيها. بس بعرف إمتى أم متع نفسي وإمتى أبسط نفسي. في كتاب جميل جدًا اسمه "الناجحون أكثر مرحًا". الناس الناجحة مش الناس اللي مكشرة اللي ماشية زي ال يعني على القضيب كده زي القطر. أبدًا. الناجحون. والكتاب بيستعرض الناجحين حول العالم. وإن هم شخصيات مرحة. الناجحون. ما لقيت رسول الله صلى الله عليه وسلم إلا وابتسم في وجهه. كان رسول الله صلى الله عليه وسلم ضحاكًا في بيته. لا مش يضحك في بيته. ضحاكًا يعني إيه؟ يعني يضحك ويضحك أهل البيت. يدور على البسمة الحلوة والكلمة اللي تضحك الناس. الله! يبقى يبقى دي النقطة التانية. والله يا جماعة أنا مش بحكيلكم كلام كتب. أنا بحكيلكم وصفة حياتية. أنا حياتي اتغيرت إزاي آخر سبع سنين. واحد. العبادة بإحساس. مش مهم الكم. المهم الكيف. مش مهم الكوانتي. المهم الكواليتي بتاع العبادة. اتنين. فن إمتاع النفس. اعرف إزاي تبسط نفسك لتوقف الاحتراق الداخلي. ولو بأوقات صغيرة تتخلل نفس الفكرة. تتخلل الحاجات الثقيلة القاسية اللي أنت شايلها. إمتاع النفس. إزاي؟ قلنا رياضة. قلنا أكلة حلوة. قلنا فسحة. قلنا خروجة. قلنا مكالمة مع أصدقاء. قلنا مشاهدة ماتش كورة. قلنا مشاهدة فيلم كوميدي مضحك. أبيض وأسود. أو أو أو غيره. دي الأمثلة. والحكاية دي بتيجي بالتدريب. تدرب عقلك. بس خلاص. انقل. انقل. وقف. تدخل تلعب رياضة. مش معقولة بتلعب رياضة وأنت عمال تفكر في المشكلة بتاعتك. ما عملناش حاجة كده. أنت لسه جوه ملف. كون إن أنت اتنقلت جسديًا لملف تاني. لا مش صحيح. أنت لسه. لازم تتنقل بعقلك كمان وبمزاجك. دي تجربة حياة. دي تجربتي مع فكرة مواجهة الاحتراق الداخلي. أي حد عنده هذه المشكلة. لو سمحت عشان خاطري جرب التجربة دي. جرب التلات حاجات اللي أنا قلت لك عليهم دول. غير طريقتك مع العبادة. حسها. غير طريقتك مع حياتك. غير طريقتك متع نفسك. بسط نفسك بطريقة صحيحة. مش مبالغ فيها طبعًا عشان الوقت. وفي نفس الوقت دور الملفات. ما توقفش جوه. ما تعيش جوه ملف تتخنق جواه وما تطلعش منه. وشوف الفرق. وشوف التجربة هتكون ممتعة قد إيه. وتتغير كواليتي حياتك. جودة الحياة هتتغير. والله بهذه الفكرة. ده كان الموضوع اللي أنا كنت عايز أكلمكم فيه النهارده. ويا رب أكون قلت لكم كلام يكون مفيد من خبرات الحياة وليس من الكتب. خلينا نتنقل الآن [موسيقى] للأسئلة. الأسئلة بتاعة النهارده.

"حابسَة نفسي جوه ذكريات الماضي ومش عارف أركز في حياتي ولا مستقبلي. إزاي أخرج من القوقعة دي؟" أنا أنا حاسس إن السؤال هي تقصد ذكريات الماضي. كان في علاقة حب أو كانت مخطوبة أو يمكن كانت متجوزة. مش عارف. وإن الماضي مسيطر على على على العقل. في فن اسمه فن إخراج حب قديم من العقل. وهي دي حاجة حاجة موجودة طبعًا. إنك تعمل ويندو. تعمل شباك كده في عقلك. وحاجة تخيلية. وإن أنت بتطلع هذا الشخص من عقلك وبتطلعه بره. ليه؟ لأن إذا كانت ذكريات الماضي بسبب إنه ندل وباعك. الحمد لله إن أنا خلصت منه. ده ما أبكيش عليه. مع السلامة. وإذا كانت ذكريات الماضي نتيجة إن الدنيا فرقتنا. فهذا قدر الله. وربنا سبحانه وتعالى لا يقدر إلا الخير. وقد يكون الخير في اللي حصل. فنرى لقدر الله ونستسلم لقدر الله. طب الحل إيه عشان أفتح النافذة دي أو الويندو ده في عقلي وأطلعه بره؟ عدم الاسترسال مع الذكريات. على فكرة في ناس بتتلزق تذكر الذكريات. يعني هو هي مثلًا حاطة الصورة قدامها على طول. أو حاطة في في المحفظة بتاعتها الصورة. أو ذكرى معينة. أو حاجة كانت ذكرى موجودة. مش عارف أنساه. أي حاجة يعني. أو حاطة على التليفون بتاعها ذكرى معينة بحيث كل ما بتشوف بتفتكر فبتوجع. ما تعمليش كده. اقطعي السلسلة. مش السلسلة. اقطعي سلسلة الاسترسال مع. وقفي الاسترسال. إزاي؟ مش هسمح للذكريات إنها تفضل مسيطرة عشان تكملي حياتك. عشان تكملي. عشان تقدري تكملي في في الحياة. اعرف واحدة توفت والدتها وهي متجوزة ومخلفة. فانقطعت عن جوزها وابنها عشان خايفة تنسى أمها. يا ستي احتفظي بذاكرة جميلة لأمك. لكن لازم تكملي الحياة. والنبي صلى الله عليه وسلم كمل حياته. والنبي فقد فقد مراته وفقد أولاده. وما لقينا رسول الله إلا وهو مبتسم. عشان هو عايز يكمل الحياة. وفضل فاكر للسيدة خديجة. الذكريات. هل تقدري تجمعي بين إن الذكريات الحلوة أفضل محتفظة بها دون أن تسيطر على المستقبل؟ والذكريات المؤلمة أعرف أقطعها عشان أكمل المستقبل؟ ده فن. ده طريقة. تيجي بإيه؟ ما تستسلمي إن أنت قاعدة قدام الذكريات. مصره إنك تفتكريها عشان تعذبي نفسك. غلط. اقطعي سلسلة الذكريات دي. النصيحة اللي أنصحها لك.

السؤال التالت: "أنا ست مطلقة بقالي كام سنة مطلقة. سخرت حياتي وأرسلت في الحياة لأولادي. لكن ليس معي رجل. بحاول أكون قوية قدامهم وقدام المجتمع. بس الحمل تقيل قوي عليا والضغط النفسي بيزيد كل يوم. تنصحني أعمل إيه؟" حلقة النهارده. أنت أنت داخلة على الفكرة اللي أنا كنت بقولها النهارده. ده احتراق داخلي. أنت منهكة. شايلة العيال. ما فيش معاك رجل. زي ما أنت قلتي بالظبط. دايرة إن أنت عايزة تقفي وتلحقي العيال وأنت تعبانة. عمالة تنهكي. أنا بنصح حضرتك تشوفي حلقة النهارده. أنا بنصح حضرتك توقفي الاحتراق الداخلي بالعبادة بإحساس. بإمتاع نفسك في الحياة. لازم تنبسطي بطريقة أو بأخرى. حلال طبعًا. تلاتة. تدوير الملفات. مش قاعدة جوه ملف أولادك 24 ساعة. دي حاجة منهكة. طلعي ملفات تانية. طلعي فكرة بزنس صغيرة تعمليها. طلعي إنك تعملي طبخ وتستمتعي إنك بتطبخي وتعزمي ناس. واطلعي بره الملفات اللي أنت عايشة جواها. حلقة النهارده مفيدة جدًا للسؤال ده.

سؤال الـ: "ممكن رد تاني للسؤال ده لأنه يعني أنا لسه في واحدة حصل معاها نفس الموقف بالضبط وجوزها خلاص بقى هو مش عايز بقى يتحمل مسؤولية ولا يعمل أي حاجة للولاد وكلام ده. فهي فعلًا تعبت ومش قادرة تقلب الملف ومش هتعرف تقلبه ليه؟ هي لسه حصة معدة قريب. والله والله والله ده كمان كلام كويس. لعلكم سمعتوا الكلام اللي اتقال إن إن المصيبة لسه حصة قريب. فصعب إنك تقول لي قلبي الملفات ده لما يكون فات وقت شوية. لكن أنا لسه في أول المصيبة. موافق. هغير الإجابة. وهغير الإجابة. لأن أنا بسمع. وحلو إنك تفضل تسمع وتغيير للإجابة. بيقول في الفترة الأولى اللي أنا مش قادر أتنقل لملفات تانية. يبقى الحل ما بين الاستعانة بالله. يا رب صبرني. يا رب صبرني. يا رب صبرني. اتنين. ابدأ أوجد عمل خيري. أشتغل فيه. أنا برضه هروح لسكة تقليب الملفات. تقصد إيه بعمل خيري؟ أشتغل حاجة تهون عليا. على فكرة العمل الخيري ده له أدوار رائعة. إنك تشتغل عند ربنا في أي عمل خيري. أيتام ولا أطعام ولا ولا ولا أيًا كان. أيًا كان. أيًا كان. بيعمل إيه العمل الخيري؟ بيخرجك لحاجة فيها شكل روحاني جميل. قايم على الخير. فتحس إنك بتهدى. لأنك بتعمل حاجة حلوة. فانا نصيحتي. كثرة الدعاء والاستعانة بالله. اتنين. جربي فكرة العمل الخيري أثناء الفترة الأولى الصعبة. علشان هيخفف شوية الضغط اللي أنت فيه."

السؤال الرابع: "أنا ابني توفاه الله من تلات شهور. كان عنده تسع سنين. وأنا مش مش مستوعبة اللي حصل ومش قادرة أمارس حياتي بعد وفاة ابني. ومقصرة في حق أولادي التانيين. بعد الصدمة الصعبة عليا قوي. والله أنا حاسة بيكي. أصعب أصعب حاجة في الدنيا فقد الولد. ما في مصيبة أصعب من فقد الولد. وحاسة بألمك ووجعك. يعني أصعب ابتلاء في الحياة. الله الله يثبتك يا رب. الله ينزل على قلبك السكينة. لا أملك غير إني بدعيلك. يا رب ينزل على قلبك السكينة. وينزل على قلبك رحمة. ويداوي قلبك من الألم بالرضا. يا رب يا رب. بس أنا عايز أقول لك حاجة. هو ابنك مات عنده تسع سنين. الحمد لله إنك قلتي لي السن. عارف يعني إيه ابنك لسه غير مكلف؟ يعني إيه ابنك من أهل الجنة؟ أنا ما أقدرش أقول على حد مات من أهلي من الكبار إنه من أهل الجنة. لا أملك العلم عند الله. بس ده لسه لم لم يجري عليه القلم للحساب. تسع سنين. ابنك من أهل الجنة. مبروك. لا أنت لا أنت مش مدركة. ممكن لو سمحتي تخففي الألم بالكلمة دي. ابنك سبقك على الجنة. حتة منك سبقتك على الجنة. كلنا حتت منا لسه في الدنيا. أنت حتة منك سبقتك في الجنة. أنت عندك حتة هناك في الجنة راحت خلاص. مبروك. لو مش كده وبس. وابنك ده اللي هيدخلك الجنة. وده اللي هيستناك على باب الجنة. زي ما النبي صلى الله عليه وسلم يقول: "يأتي من ماتوا من أطفال المسلمين قبل بلوغ الحلم." الحلم يعني سن التكليف. فيقول لهم الله تبارك وتعالى: "اذهبوا فادخلوا الجنة." فيقولون: "لا يا رب حتى نأخذ بيد آبائنا وأمهاتنا." فيقول لهم الله: "خذوا بيد آبائكم وأمهاتكم فادخلوا بها الجنة." مبروك. إذا مات العبد. إذا مات ولد العبد. ابنه يقول الله للملائكة: "اقبضتم ولد عبدي؟" فيقولون: "نعم يا رب." فيقول: "ماذا قال عبدي؟" فيقولون: "حمدك واسترجع." يعني قال: "إنا لله وإنا إليه راجعون." فيقول الله: "ابنوا لعبدي بيتًا في الجنة وسموه بيت الحمد." أنت وابنك وأولادك وأهلك. وتيجي يوم القيامة نقول لك: هو أنت سبقت إزاي؟ أنا مات ابني عنده تسع سنين. وإحنا عمالين نموت نفسنا في العبادة وفي الحسنات. ونلاقي سبقان. أصل أنت جالك أصعب ابتلاء في الحياة. فضجت فوق الناس كلها. يعني أنا بقول لك الكلام ده عشان أقول لك معلش. اصبري. مقامك كبير عند الله. والله شكلك لو كنت راضية وصابرة. والله مقامك كبير. ما عرضك لهذا وأداك الرضا والصبر إلا وأنت غالية على الله. متألمة. معلش. طيب تنصحني بإيه كمان؟ أوعي تنسي ولدك. لا. أوعي تفقد تركيزك. أوعي تمرضي نفسيًا عشان خاطر ولادك التانيين. لازم تستمر في الحياة. والنبي مات له سبع أولاد. ومنهم في السن دون. ليه؟ عشان نتعلم منه. عشان تقولي: طب ما النبي حصل له أكتر من كده. عشان ما تجيش يضحك عليك الشيطان ويقول لك: ما يمكن أنت ربنا زعلان منك. طب ما النبي مات له سبع عيال. مش زعلان منك ولا حاجة. مين لأولادك؟ أرجوكي ما تفقديش تركيزك عشان خاطر ولادك. طيب لسه تعبانة؟ ابعتي عمل خير يخلد اسم ابنك. إيه؟ ليه ما تعملوش بير ميه باسم ابنك؟ ياخد ثواب ويخلد اسمه. ليه؟ ليه ما تزرعي مجموعة من النخل أو تطرح تمر بأسعار بسيطة بنية إن يخلد اسم ابنك. ليه؟ لو أنت معاكي فلوس ما تعمليش غرفة أو في مستشفى أو جهاز علاج في مستشفى باسم ابنك. تاخدي ثواب وتخلدي اسمه. أم كل دي معاني. فاضل حاجة أقولها لك طبيا. مش كلامي. ده كلام الدكاترة. أول ست شهور. الأبس آند داونز. الطلوع والنزول في الحالة النفسية منطقي جدًا. أنا أنا بدأت أهدى. أنا بقيت تعبانة جدًا. أنا بدأت أهدى. أنا بقيت تعبانة جدًا. منطقي جدًا جدًا. أول ست شهور. بعد ست شهور بقت حالة مرضية. أوعي تعدي الست شهور. أوعي توصلي للست شهور. اشغلي نفسك بعمل خير لابنك. اشغلي نفسك بأولادك التانيين. اشغلي نفسك بطلب الدعاء من الله والعبادة. اشغلي نفسك بأنك تساهمي في مشروع خيري. لازم تشغلي نفسك. عشان بعد الست شهور ما عادش ينفع. الله يحفظنا ويحفظ أولادنا ويرحم ابنك ويبارك لك في أولادك العايشين ويعينك إنك تسعديهم وتديهم سعادة وما يشوفوكي على طول حزينة ومتألمة. شكرًا لكم يا جماعة. ده كان لقاء النهارده. ده كان البودكاست بتاع النهارده. واللي كان تحت اسم "معاني". معاني تتدفق. لعلها تسعدنا في حياتنا. حاولت أدي فيها من خبرتي في الحياة. واللي تعلمته في الدنيا. يا رب أكون فدتكم. ولقاء جديد وبودكاست جديد. معاني. وأشوفكم على خير إن شاء الله. والسلام عليكم ورحمة الله وبركاته."