لو عاوز تنظف وتطهر جسمك من الإتهابات ؟

الغذاء جزء من الدواء.

دايما جهازك المناعي هيبقى ضعيف. الجلوتاثيون ده من أقوى مضادات الأكسدة اللي بتنظف جسمك كله. يعني أنت مش هتقول لنا أفضل 10 أطعمة لمنع الالتهابات وتقليل الالتهابات؟ هقول لكم طبعًا.

السلام عليكم ورحمة الله وبركاته. مين فينا ما سمعش مقولة "الغذاء هو الدواء"؟ تعرف على قد ما هتبان لك المقولة دي صحيحة بنسبة 100%، لكن في النهاية أو في الحقيقة هي لا. الغذاء جزء من الدواء، أو الغذاء ليس كل الدواء. تغيير اللايف ستايل وتغيير أكثر من محور في حياتك هو ده الدواء.

علشان كده هفكركم بحاجة مشهورة بنعملها معظمنا، خصوصًا في التجمعات مع شلة الأصحاب وغيره. تلاقي الناس ملخبطة، وأكلة صينية بشاميل قد كده، وأكلة حلة مكرونة قد كده. وفي الآخر يقول لك بتشرب إيه؟ يقول لك شاي بس من غير سكر. معلش أصل أنا بحاول أمنع السكر وبحاول أحافظ على صحته. هنا شرب حاجة بدون سكر صح. يعني شرب حاجة صحيحة سواء ينسون أو حلبه أو شاي قهوة بدون سكر. فدي حاجة كويسة، لكن مع باقي اللايف ستايل بتاعه خاطئ. الأكل كان خاطئ، ما بيتحركش، ما بيلعبش رياضة، ما بيمشيش كل يوم. فهل هنا ينفع نقول غذاء هو الدواء؟

طيب خلينا ندخل في موضوع الحلقة على طول. أهلاً بكم أبطال فارماكولوجي، منوريني في كل مكان. وكنتوا منورين اللايف اللي فات. هستناكم إن شاء الله اللايف اللي جاي وهنعمل حاجات قوية جداً كلها بناءً على طلباتكم وعلى الأسئلة اللي بتسألوها لي.

طيب خلينا ندخل في الحلقة. علشان تقلل الالتهابات في كل جسمك تعمل إيه؟ رقم واحد تمنع الالتهابات، تمنع مصادر الالتهابات القوية. يعني أنت مش هتقول لنا أفضل 10 أطعمة لمنع الالتهابات وتقليل الالتهابات؟ هقول لكم طبعًا، وده الجزء الثاني من الحلقة. لكن قبلها، ماذا لو أنت بتاكل أطعمة أو بتستهلك حاجات بتقلل لك الالتهابات؟ الناحية الثانية بتعمل كل العادات اللي بتزود لك الالتهابات. فالحصيلة صفر، أو ممكن كمان تطلع معاك بالسالب.

فأكثر الحاجات اللي بتزود التهابات في جسمك هقولهم لك: الزيوت الصناعية، السمن الصناعي، السكريات طبعًا، خلاص بقت معلومة يعني عارفينها كلنا. السكريات بأنواعها والتحايلات اللي معظم الشركات عليك. زي مثلاً المشروب الغازية بتاعته الدايت. المشروبات الغازية بتاعة الدايت فكرتها إنهم بيعملوا إيه؟ بيشيلوا السكر ويحطوا محلى بديل للسكر زي السكروز. حاجات آه ما بترفعش سكر الدم وتأثيرها قليل على الأنسولين، لكنها هتعمل لك إيه؟ هتؤذي أسنانك، هتخلي تخدع خملات التذوق الموجودة في الفم فتخليها تجوع أكتر، يبقى عندها شراهة. مع الاعتماد عليها والتكرار، شراهة لأكل الحلويات أو السكريات أكتر، الكربوهيدرات أكتر. ومع الوقت، دراسات كتير جداً هسيب لكم بعضها تحت أثبتت أن الاعتماد الشديد أو الطويل عليها بيؤدي في النهاية للإصابة بمقاومة الأنسولين ومرض السكر النوع الثاني. برضه رابع حاجة عدم الحركة والكسل أو القاعدة اللي في معظم الوقت دي برضه من أكتر الحاجات اللي بتزود التهابات في جسمنا.

طيب ندخل على الشق الثاني وأثناءه نكمل دردشة كده مع بعض. رقم 10 في الأطعمة الجيدة اللي بتقلل الالتهابات بشكل كبير جداً البروتينات، خصوصًا اللحوم. اللحوم والأسماك مع بعض، مع إن في ميزة عن دي زيادة على دي. لكن البروتين بشكل عام من أكتر الحاجات اللي هتفيد جسمك. لأن تأثيرها على الأنسولين وعلى رفع سكر الدم قليل جداً. وطول ما سكر الدم قليل، وطول ما الأنسولين عندك في معدله الطبيعي وقليل، فجسمك بصحة. الالتهابات هتقل. كل المخاطر اللي إحنا بنسمع عنها مقاومة أنسولين، ضغط، دهون ضارة، زيادة وزن. كل دي هتقل أو هتكون مش موجودة. هتمدك بفيتامين E والزنك وفيتامينات B.

طب تيجي نقول للأسماك؟ الأسماك نفس فكرة اللحوم، لكن فيها ميزة إضافية إن فيها درجة عالية من الأوميجا 3 والـ EPA والـ DHA الحلوين قوي قوي لدماغك وعقلك. وكمان بيقللوا الالتهابات بدرجة كبيرة جداً. علشان كده طالع من فترة الترند بتاع الأوميجا 3 فاكرين وزيت كبد الحوت. إن هو من أقوى وأسرع الحاجات اللي بتقلل الالتهابات في الجسم. يعني لو أي حد عنده مشاكل التهابية، خشونة مفاصل، آلام أسفل الظهر، آلام عظام. كانت الأوميجا 3 الجيدة لازم تركز على الـ EPA والـ DHA يكون أعلى من 600 وأعلى من 700 لحد 1000. ما يقلش عن 700. يعني خلي المينيمم بتاعك 700. الريكومندد 1000 كويس. تبص على العلبة كده الـ DHA والـ EPA أكبر من 700، 800 لحد 1000 معاك كويس جداً.

عارفين نتيجة استهلاك الزيوت الصناعية والسمن النباتي إيه اللي بيحصل؟ نسبة الأوميجا 3 اللي المفروض نسبتها بينها وما بين أوميجا 6 تكون واحد لواحد أو واحد لأربعة ما تزيدش عن كده. عارفين نسبة الأوميجا 3 نتيجة اعتمادنا على الفرايد والبطاطس المقلية والحاجات دي بتكون النسبة كام؟ واحد الأوميجا 3 لـ 20 الأوميجا 6. وطول ما دي أعلى بكتير بالشكل ده، التهابات في كل أنحاء جسمك عمرها ما هتقل غير لما ترجع النسبة لـ 4 لواحد أو 1 لواحد. يعني نعمل إيه؟ نحل النقطة دي تحديداً إزاي؟ إن إحنا نوازن أو نخلي نسبة الأوميجا 3 أعلى أو النسبة بتاعتها صحيحة بالاعتماد على الأسماك الزيتية، خصوصًا الأسماك الزيتية. التونة، السلمون، الماكريل. بانك تاخد مكملات أوميجا 3 أو زيت كبد الحوت.

وبأهم أهم نقطة بمنع المصادر الضارة اللي بتعلي الأوميجا 6 اللي هي الزيوت النباتية والسمن النباتي والمارجرين. وتزويد أو تبديلهم بالدهون الصحية اللي زيت الزيتون، زبدة جوز الهند، السمن البلدي، الزبدة البلدي. طب لو مش عندي دول خالص مش قادر أجيب الحاجات دي لأي كانت الظروف أو الأسباب. اعمل كل حاجة مسلوقة أو مشوية بدون أي مصدر من الحاجات دي. لكن ما أحطش معاها زيت أو سمن صناعي أو مارجرين.

الطعام اللي بعد كده معانا الخضروات الغير نشوية. البروكلي، الكرنب، القرنبيط، الخس، الكوسة. الحاجات دي مفيدة جداً جداً إن هي ما بتأثرش على سكر الدم، بتقلل التهابات في كل جسمك، بتدعم الكبد. الكبد مسؤول عن التخلص من السموم. السموم بتعمل التهابات. فلما نجيب للكبد حاجة تدعم اللي بيخلصنا من السموم، كده إحنا بنقلل التهابات في جسمنا وبندعم واحد من أهم الأعضاء الموجودة في جسمنا هو الكبد. وطالما جبنا سيرة الكبد يبقى نقول الطعام اللي بعد كده معانا الثوميات. اللي زي الثوم، البصل، الكرات. دي من أقوى الحاجات مضادات أكسدة، مضادات فطريات وبكتيريا. كمان فيها مركبات السلفر اللي هو الكبريت. ده اللي هي بتبقى بريكيرزر أو الكبد بيستخدمها في تصنيع الجلوتاثيون. الجلوتاثيون ده من أقوى مضادات الأكسدة اللي بتنظف جسمك كله. أنت بتناولك للثوميات دعمت الكبد بحاجة بتقوم بشبه وظيفته إن هي بتدعم لك أو بتنظف لك جسمك من السموم. ثاني حاجة اديت له المادة الأساسية علشان يصنع مضاد الأكسدة القوي اللي هو الجلوتاثيون.

التوم في الأكل كويس. الطهي بتاعه هيقلل العناصر الغذائية فيه، لكن كويس. علشان كده أفضل حاجة أو أفضل طريقة تستخدمه بيها إنك تجيب فص ثوم تقطعه ثلاث قطع، تسيبه في الثلاجة كده ربع ساعة علشان مركب الأليسين اللي موجود فيه يزيد تركيزه أو تفعيله أو مفعوله أقصد وتبلعه بعدها بالماء. طبعًا اللي عنده قرحة معدة أو التهابات شديدة في المعدة التوم مش هيبقى مناسب ليه. اللي عنده سيولة شديدة في الدم التوم برضه مش هيبقى مناسب ليه.

والطعام اللي بعد كده معانا اللي بيقولوا عليه من أكتر الأطعمة اكتمالاً على وجه الأرض البيض. من أقوى مضادات الأكسدة، من أقوى المواد اللي بتقلل التهابات، من أفضل المواد اللي ما بترفعلكش الأنسولين أو سكر الدم. فكويسة قوي للإفطار وكويسة للأطفال والكبار. تحفة بمعنى الكلمة. فيها سيلينيوم وزنك وفيتامين E وفيتامين D. طبعًا حدث ولا حرج عن أهمية فيتامين D. بالمناسبة عملنا له حلقة خاصة هسيبها لكم هتظهر فوق وهتظهر تحت في وصف الفيديو.

الطعم اللي بعد كده إيه بقى؟ فاكرين شوربة العظم اللي عملناها؟ فاكرين شوربة العظم فيها كمية كولاجين، الاستين، فيها كل أنواع الكولاجين اللي جسمك محتاجها. شوربة العظم مصدر أنا شايفه مجاني، أرخص وأسهل علينا من المكملات باهظة الثمن. لكن لو قادر تجيب مكملات الكولاجين ما فيش مشكلة. أفضل أنواع الكولاجين الكولاجين السائل مش الحبوب. دي تحفة بس تعملها بطريقة صحيحة. هي طريقتها صعبة شوية في وقتها إنك بتخليها على نار هادية وأوقات كتير ساعات طويلة. للعظم وللجسم وللمفاصل ولغضاريف، لعينيك ولقلبك. كولاجين لبشرتك لشعرك. تحفة بمعنى الكلمة. بس ما تنساش تحط عليها عصارة ليمون. ليمونة كبيرة كده على الشوربة علشان الليمون بيفعل أو بيزود من امتصاص الكولاجين.

عارفين أبطال فارماكولوجي اللي معايا ومتابعيني عارفين إن أنا نسيت حاجة أو في حاجة مهمة قوي جاية متأخرة. عارفين الربط بين القناة الهضمية وقوة الجهاز المناعي عندك وتقليل الالتهابات؟ لو قناتك الهضمية ضعيفة والميكروبيوم عندك فيه مشكلة، دايماً جهازك المناعي هيبقى ضعيف. ولو جهازك المناعي دايماً ضعيف، أنت عرضة لالتهابات، لبكتيريا إنفكشنز، عرضة لمشاكل في أي وقت. لأن الجهاز اللي بيدافع عندك مش شغال بس موجود وهو ضعيف.

أحسن المايكروبيوم أو الهضم عندي إزاي؟ إني أركز على الأطعمة المخمرة اللي زي الساوركراوت. عملنا له حلقة كاملة بسيطة هسيب لكم الحلقة تظهر فوق وتحت في وصف الفيديو. تحفة اللي هو مخمر الملفوف مليان كل أنواع البروبيوتيك، كل أنواع البكتيريا النافعة. وكمان غذاء للبكتيريا النافعة اللي موجودة عندك. البكتيريا النافعة علشان تقلل الالتهابات الموجودة عندك لازم نسبة البكتيريا النافعة تبقى أطغى أو أكتر من البكتيريا الضارة. لو البكتيريا الضارة هي اللي أعلى، للأسف هيحصل عندك التهابات في كل جسمك ومشاكل هضم وانتفاخات وقولون عصبي. أقل المشاكل دي تسرب في الأمعاء. الجزيئات الغير مهضومة، فضلات البكتيريا الضارة لما تزيد هتزيد فضلاتها، هتزيد السموم بتاعتها، هتزيد الأجزاء الغير مهضومة اللي كانت بتهضمها البكتيريا النافعة. فهتبدأ تطلع من الأمعاء فيحصل ما يسمى بتسرب الأمعاء. وإيه اللي هيتسرب؟ التوكسينز، المواد السامة، فضلات البكتيريا الضارة والحاجات دي ممكن توصل للدم وتعمل التهابات ومشاكل في كل جسمك. ده غير زي ما قلنا مشاكل القولون وسوء الهضم والانتفاخات والغازات والمشاكل الكبيرة المتعلقة بالقولون أو القناة الهضمية.

بدعم دول بالأطعمة اللي بيحبوها الكوسة والجزر المسلوقين، مخمر الملفوف اللي هو مخمر الساوركراوت أو المخمرات عموماً مش المخللات. ممكن بروبيوتيك أو بكتيريا بشتريها نوع كويس في بلدي أشتريه كويس. وبمنع السكريات لأنكم عارفين إن خلاص عارفين برضه إن السكريات هي غذاء البكتيريا الضارة.

في حاجة تانية بتريح لك قولونك وقناتك الهضمية؟ مش عارف اتكلمت عليها ولا لأ بس لازم أتكلم عليها. الحقيقة الصيام. يعني النقطة دي هي اللي فكرتني. الصيام من أقوى الحاجات اللي بتقلل لك التهابات في جسمك، من أقوى الحاجات اللي بتدعم لك جهازك المناعي عندك. فلازم تتعود تصوم علشان تدخل في مرحلة الأوتوفاجي، الالتهام الذاتي، إن جسمك يبدأ ينظف نفسه من نفسه. ما ينفعش أنا بكون آكل أكتر من مرتين في اليوم. الأكل على فترات كثيرة هيرفع لي الأنسولين على طول ومش هسيبك من الأنسولين وسيبك بقى من الكلام العلمي ده. مش هيريح المعدة يا جماعة بالعقل. أنا كل شوية بديها حاجة تشتغل، بديها حاجة. آه هي مش هتقول لأ، بس هل ده زي ما أسيبها وبعدين آكل الوجبة بتاعتي المحترمة المفيدة الصحية؟ أسيبها تهضم وترتاح وبعدين أديها وجبة محترمة؟ ده زي ما أنا كل شوية أشغلها، كل شوية ده الموظف لو كده موظف في شركة هيهرب، هيطفش منك. بس هي يا عيني مش هتقدر تهرب ولا تطفش.

إيه تاني حلو قوي الالتهابات قوي؟ المركبات اللي بيبقى فيها الـ EGCG أعلى من الكافيين. بيبقى فيها الاثنين. الـ EGCG اختصار الإبيجالوكاتيكين جالات. أكتر حاجة موجود فيها الاثنين دول الماتشا. علشان كده الماتشا اشتهرت قوي الفترة اللي فاتت لتغذية الميكروبيوم، الشعر، البشرة، الجلد، الجهاز الهضمي، الجهاز المناعي. هي فعلاً تحفة يا جماعة ومفيدة. بس دوروا على نوع أو شركة تكون كويسة موثوق منها. فهدفنا دايماً واحنا بندور على منتجات تقلل لنا التهابات يكون فيها الـ EGCG أعلى من الكافيين. ده اللي موجود في الماتشا. موجود بنسبة أقل في الشاي الأخضر. علشان كده الاثنين دول في تقليل الالتهابات أفضل من القهوة.

ونختم بواحد من أهم مضادات الأكسدة ومن أهم الحاجات اللي بتقلل التهابات في الجسم كله الكركم. وبالرغم من شهرته العظيمة في قتل الخلايا السرطانية، تحفيز الجهاز المناعي وتقويته، تحسين الجهاز الهضمي. فوايده الحقيقة لا حصر لها. إلا أن لحد دلوقتي في ناس بتستخدمه بطريقة غلط. ركزوا في الكلمتين الجايين دول. الكركم الاتاحة والتوافر البيولوجي ليه قليل جداً جداً. يعني إيه قليل جداً والاتاحة؟ الكلام ده يعني لو أنت أكلت الكركم كده مثلاً في شوية مية دافية وشربتهم خلاص. هو ده فات سول فيتامينز، دوب في الدهون. يعني هيوصل للقناة الهضمية مش هيحصل له تكسير. هيعدي على مجرى الدم مش هيتم امتصاصه وهيتم التخلص منه مع الفضلات. خلاص كده كانك ما استفدتش منه غير يعني استفادة ضئيلة جداً. دي اللي هتستفادها منه. دي معناها الاتاحة البيولوجية بتاعته.

طيب علشان استفاد منه بقى أعمل إيه؟ علشان آخد كل الفوايد العظيمة اللي أنتوا اتكلمتوا عليها وكل بتوع التغذية بيقولوا كركم كركم كركمين والحاجات دي. أعمل حاجة من الاثنين. يا إما أشتريه في مركبات كثيرة الأيام دي مشهورة بأن هي بتبقى هيدروجيل. عاملين إيه بقى؟ مغلفين الكركم ده بطبقة مائية علشان يغيروا الطبيعة بتاعته بدل ما هي طبيعة ذائبة في الدهون يخلّوها ذائبة في الماء. من أول ما توصل للأمعاء يتم امتصاصها بسهولة لأنها ذائبة في الماء. فزودوا من الاتاحة البيولوجية بتاعته. دوروا على فورمة زي كده بيبقى مكتوب عليها هيدرو كوركومين، هيدروجيل أو كوركومين البايو أفيلابيلتي بتاعته عالية أو كركمين نانو كركومين. تمام؟

أو مش عندي أو مش لاقي أو مش قادر أجيب الحاجات. أعمل إيه؟ ربع أو نص معلقة الكركم على كوباية مية دافية. لازم لازم أرش عليها شوية فلفل أسود. هيعمل لي إيه الفلفل الأسود؟ هيكسر الإنزيمات اللي بتكسر الكركمين بسرعة. تمام؟ فيخليه يقعد فترة أطول في الدم فهيزود الاتاحة البيولوجية بتاعته. بس كده؟ لأ. لو عايزين نزود أعلى بقى امتصاصه أحط عليه معلقة سمنة بلدي. معلقة إيه؟ معلقة كبيرة. ربع معلقة سمنة بلدي، ربع معلقة زبدة بلدي. ممكن أرشه على الزبادي. المهم أي حاجة دهنية فيها دهون صحية. الدهون برضه هو بيدوب في الدهون. فلما أديله دهون وينزف الجهاز الهضمي هيحفز العصارة الصفراوية تفرز إنزيماتها، هيحفز البنكرياس يفرز إنزيماته ويكسر الجزيئات دي لجزيئات صغيرة قوي هيسهل على الأمعاء امتصاصها والجسم امتصاصها. ومن هنا تستفاد من الكركمين.

طبعًا الكركم ممنوع للحامل والمرضع. ولو أي حد عنده سيولة أو أي حد سكره بيوطى جداً. في حاجة تانية ممنوع ليها تقريبًا لأ. لو افتكرت حاجة تانية هسيبها لكم في التعليقات. ما عدا ذلك فهو مشروب رائع.

وآخر حاجة معانا مش طعام. الرياضة لازم تتم. لازم تتمرن. لازم تمشي كل يوم ساعة بشكل متصل. لازم تروح جيم. أو خليها في المشي لو مش قادر. هو الجيم أفضل، ركوب الدراجة أفضل، السباحة أفضل. لكن أشهرهم في الاتاحة المشي لمدة ساعة كل يوم بشكل متصل.

الحلقة دي تقريبًا خامس حلقة أعملها بناءً على أسئلتكم وطلباتكم في التعليقات. فهشوف تعليقاتكم الجاية. بصوا على المصادر اللي ذكرت منها الحلقة كلها تحت الفيديو. لو حد حابب يقرأ أكتر أو يشوف أكتر. واستنونا في حلقة جديدة. الحلقة الجاية أبطال فارماكولوجي. أشوفكم على خير. دمتم في رعاية الله وأمنه. والسلام عليكم ورحمة الله وبركاته.