شنو واقع فأمريكا فمظاهرات لا ملوك ضد ترامب ؟ وكيف سيتضرر المغرب من رحيل دونالد ترامب 😱

شنو واقع في ميريكان؟ واش ممكن الروينه ديال الاحتجاجات ليطاليا تاثر بطريقه مباشره على المغرب؟

ايه، كيف سمعتي، المغرب مهدد بانه يخسر بزاف حاله منجحات هذ الاحتجاجات. وهي مظاهرات في شتى المدن الامريكيه. فمن بعد ما رجع دونالد ترامب لرئاسه في ميريكان، البلاد ولات كتعيش واحد التوتر سياسي اللي كبير، خصوصا من بعد ما بزاف ديال الناس بداو كيشوفوا بلي الرئيس ترامب باغي يرجع الحكم للطابع ديال السلطاوي، يعني باغي يتحكم في المؤسسات وفي الدستور على حساب الديمقراطيه.

هادشي خلا واحد الموجه ديال الاحتجاجات كبيره انها تنفجر في بزاف ديال الولايات تحت شعار "نو كينغ" بمعنى لا للملوك، اشاره من الشعب ان امريكا ماخصهاش تكون تحت حكم شخص واحد يتحكم فيها كيف ما بغا. هذ الحركة ماكانتش صغيره، بالعكس خرجوا فيها الناس بزاف، اكثر من 2700 مدينه وولايه من نيويورك واشنطن حتى لوس انجلس وشيكاغو، اتلانطا وبورتلان. التقديرات الرسميه كتقول بلي عدد المشاركين كان ما بين 4 المليون و 400 الف وما بين 6 مليون و 100 الف مواطن امريكي. الشرطه قدرت عدد المشاركين باكثر من سبعه ملايين في 2700 مدينه. تخيل معايا الاعداد الخياليه اللي خرجات واللي تقريبا كتشكل ما بين 1.5% حتى 2% من الشعب الامريكي، وهو رقم اللي كبير بزاف في التاريخ الامريكي الحديث. وهذا دليل بلي الناس باقيه قادره انها تدافع على الحريه والديمقراطيه ديالها.

وما سمعناش الامريكيين كيقولوا لا ما نديروش المظاهرات باش ما تضحكش علينا كندا، وما سمعناش الناس كتقول بلي كاينه شي جهه خارجيه باغيه تنوض الفتنه في ميريكان وبلي مخلصينهم باش يخرجوا للشارع. حنا هنايا في المغرب تخرج تقول بغيت السبيطار يرجعوك خدام مع المخابرات ديال الجزائرح. حنا عارفين شكون اللي تيحرك هذ المسائل هذه، لا كاينين نداءات مجهوله كاينين.

وقبل ما نعرفو كيفاش المغرب غياكل العصا في حاله ما نجحات هاد الاحتجاجات انها طيح دونالد ترامب، اجيو نعرفو بعدا واش اصلا يقدرو يطيحوه. الاحتجاجات دازت في الاغلب د المدن بطريقه سلميه ومنظمه، ورفعوا فيها الناس لافتات وشعارات كتندد بالسلطه المفرطه وكيطالبوا بالحريه واحترام حقوق الانسان واستقلال القضاء. ايه، حتى هما كيطالبوا بالحريه واستقلال القضاء، خصوصا وانه مؤخرا اغلب الحالات اللي دازوا في القضاء خصوص المهاجرين كانوا كيصيفطوهم بحالهم للدول ديالهم، وهادشي شافوه الناس انه القضاء كيميل الحزب الجمهوري اللي هو ضد المهاجرين. "لا ملوك" كانهم يعيدون تمارين الثوره الامريكيه. اما حنا واحد المهاجرين راهم حاكمين كازا وبعض المدن المغربيه ورجعوا كيكريسيو الناس ويتعرضوا للدريات، ومازال حتى دابا لا حكومه وضحت شنو واقع ولا تدخل واضح ديال السلطات باش تحبسهم عند حدهم.

المهم، الحكومه الامريكيه بحال كاع الحكومات غتبغي تلقى شي سب لهد الاحتجاجات. فين ترامب بنفسو قلب الاحتجاجات منظمه من طرف اليسار راديكالي، وغادي نقول لكم علاش كيطلع عليهم وهو مرتاح. للي زوين في امريكا وهو الاستقلاليه ديال رؤساء الولايات، ياك؟ فين ماكيديروش اي حاجه طلبها الرئيس وعندهم واحد الحريه في بزاف ديال القرارات ممكن تكون اصلا ضد الرئيس. وكاين مطالب حاليا ديال عزل دونالد ترامب من الرئاسه نهائيا، وهادشي ممكن يكون قانونيا في امريكا. وكاين ثلاثه ديال الطرق باش مايبقاش رئيس:

اولا: انه يحط الاستقاله ديالو وغيطلع في بلاصتو النائب ديالو اللي هو هاد ازرق العينين جاي ديفانس. وهاذ القضيه راه مستبعده لان ترامب حتى هو لاصق في الكورس.

الطريقه الثانيه: هي عن طريق مجلس الشيوخ، فين خص الثلثين ديال مجلس الشيوخ يصوتوا مع القرار ديال العزل، وهكا غيقدروا انهم يحيدوه من الحكم نهائيا. كتبقى النقطه اللي في يد ترامب هو انه عند الاغلبيه ديال الجمهوريين من الحزب ديالهم في الكونغريس. فين سبق ليه انه داز من مسطره العزل الرئاسي جوج ديال المرات، المره الاولى في 2019 والمره الثانيه في 2021 باش كان الاقتحام ديال الكونغريس الامريكي. وفي المرات بجوج ماكانوش كيقدروا انهم يطيحوه من الرئاسه لانه كان باقي عندو الاغلبيه ديال البرلمانيين.

الطريقه الثالثه والاخيره، وهذه هي اللي كتخلي امريكا عندها واحد الديمقراطيه سياسيه، انه ممكن الحزب ديالو يتقلب عليه ويصوت ضدو في الكونغريس. لان السياسيين في امريكا مختلفين بزاف، ويقدر يقدر يكون جمهوري ولكن الا ماجبوش السياسه ديال الرئيس يقدر يصوت ضده. فين غير في المحاكمه الثانيه ديال ترامب سبعه ديال الجمهوريين صوتوا ضدهو باش يتم العزل ديالو. هنا في المغرب كتلقاه منتمي الحزب في المعارضه وكيصوت لصالح الحكومه، وفهم التسط.

ودابا اجيو نفهموا شنو ممكن يوقع المغرب الا سيهم ترامب خرج من البيض الابيض وطلعوا رئيس جديد اللي ممكن يكون من الحزب الديمقراطي. اولا الحزب الديمقراطي هو حزب اللي مختلف، كيعترف بالصحراء المغربيه ولكن المشكل انه ما يمكنش يدير خطوات في الصالح ديال الدوسي د المغرب. يعني ها هو معترف لك بالصحراء ولكن ماغيديرلكش حلول على ارض الواقع، عكس ترامب اللي حاليا قريب يسالي هاد الدوسي بصفه نهائيه. وغير البارح سمعنا بلي غيكون اتفاق سلامه ما بين الجزائر وما بين المغرب فهاد السين يوم الجاي. اما الديمقراطيين فع العكس تماما هو اللي كاين، وهما كيامنوا اكثر بالحكم الذاتي.

زاد عليها الدفاع العسكري المشترك ماغيبقاش بنفس القوه لان الديمقراطيين ماكيامنوش بزاف انهم يفرضوا القوه خارج امريكا الا كان الموضوع يستاهل. وكاين ثاني ان الديمقراطيين الاى طلعوا يقدروا يتقلبوا 180 درجه على المغرب لانه كيقولوا بلي حق ما حق، كيدافعوا على حقوق انسان وكيبغيو يبانوا على الدول الناميه. زايد واحد النقطه مهمه بزاف وهو ان الاستثمارات الاقتصاديه ديال امريكا ماكتكونش موجهه اصلا لشمال افريقيا. ولكن عموما، حتى ال طاح ترامب، المغرب قادر انه يدير توازنات سياسيه مع امريكا في كاع الاحوال.

خليو لي الاراء ديالكم، دوزوا بخير.