ليه سيبت نظام الطيبات رغم إني حبيته؟! 🍟🍫 | تجربتي الكاملة والمفاجأة 😳

للاسف ده اخر يوم ليا في نظام الطيبات. كمل الفيديو للاخر.

اهلا وسهلا بكم. لما قلت ان انا هبدا اطبق نظام الطيبات وقلت هاخد وقتي عشان اطبقه، كانت فكرة فضول علمي. انا عايز اعرف فعلا الناس اللي بتتكلم هل عندهم بعض الاعراض اتحسنت ولا لا. وعلى الرغم من كوني الحمد لله مش بعاني من أعراض، فهبدا ألاحظ التطور بتاعها. الا اني كنت مبسوط جدا في الاسبوع او الثمان ايام اللي جربتهم فيه. ولاحظت على الرغم ان انا الحمد لله الحمد لله مش باخد دايماً ادوية للحموضة ولا ادوية للبطن ولا الكلام ده، ولكن لاحظت ان بطني بقت هادية جدا. ولاحظت ان معدل دخول الحمام قل وبطن ما فيش غازات خالص. انا كنت مبسوط، كنت مرتاح في النظام.

ولكن هو فعلاً هو للاسف هو مش نظام تخسيس على الاقل اللي انا قدرت ان انا اطبقه. فوجود نظام معتمد بالاساس على السكر والرز والبطاطس والتمر، كلها حاجات انا بحبها وكلها حاجات مش مناسبة الهدف بتاعي دلوقتي وهو اني اخس شوية او ان انا اوصل يعني في مرحلة الدايت اللي انا بدأتها من كذا شهر للوزن المثالي اللي انا اوصل للوزن المثالي. فانا فاضل لي دلوقتي خمس او 6 كيلو بس من 20 كيلو. ومعروف ان احنا كل ما بنبدا نوصل الوزن المثالي الجسم بيبقى مقاوم شوية ومعايا انا الموضوع ده ازيد من اللازم. فانا يعني ببذل مجهود كتير قوي عشان افقد وزن. على الرغم ان انا كنت مرتاح جدا زي ما قلت، كنت مبسوط. انا بحب الاكل ده. انا طبقته حاولت اطبقه بطريقة هيلثي وطريقة صحية. الا اني كان عندي تانيب ضمير ازاي هاكل بطاطس ورز كل يوم وانا عايزة اخس. فابتديت ان انا ازود مجهود ودي واضعفه من مشي كل يوم للعب كورة للعب جيم انتظام للجيم. بس للاسف للاسف للاسف وزني زاد او على الاقل فضل وزني زي ما هو. اللي هو في اي نظام كنت هطبقه مع الحاجات دي وطبعا كنت بعمل صيام متقطع كان زماني على الاقل نزلت فترات. وانا بعزو ذلك للكمية بتاعة الكاربز الكتيرة اللي النظام معتمد عليها. فالنظام بيديك طاقة ان انت تتحرك وبيديك طاقة عشان تحرقها. فانا بالفعل كل اللي انا يعني كل الطاقة اللي انا بعملها كانت في حرق الاكل اللي انا باكله. ممكن انا كنت بزود كميات الله اعلم. ممكن انا جسمي مش مناسب للموضوع ده كانقاص للوزن.

وهقول لكم دلوقتي ايه المميزات وايه العيوب البسيطة اللي انا استشفيتها في خلال الاسبوع ده. وعايز اقول لكم ان انا بدأت أرشح النظام ده لبعض الناس مش كلهم. وهقول لك امتى. وتعالوا نشوف على الجدول. فابرز ميزة انا شفتها ان هو النظام لذيذ. يعني الحاجات اللي احنا بنمنعها في أي رجيم هي دي المسموحات في الرجيم ده. فمين ما يحبش البطاطس بصورها؟ مين ما يحبش العصير مثلا؟ مين ما يحبش الرز؟ انا عن نفسي بحبه. بس الليتيشنز بتاعته بقى ان هو محدود. وده في بعض الأحيان ده ممكن يخصص بعض الناس اللي هو لو كل يوم هياكل رز أو بطاطس عدم تنوع العناصر الغذائية ده بيعمل حاجة اسمها "تشبع" أو "ملل". وفي تجربة اتعملت عن الموضوع ده ممكن أبقولها لكم بعد كده. ان انت لا خلاص يعني انت بيجيلك تشبع من الأصناف دي فما بتاكلش منها كتير.

أبرز حاجة بقى أو ثاني أبرز حاجة انه مريح جدا للمعدة. فانت مش هتلاحظ ان في انتفاخات ولا حموضة ولا أي حاجة زي كده. فاي حد طبعا بيعاني من الموضوع ده أو ماشي بقى بأدوية حموضة وانتفاخات انا برشح له الموضوع ده ويطبقه بطريقة صحية. يعني طبعا الرز والبطاطس الرز اللي احنا بنعمله والبطاطس يعني ممكن تبقى مسلوقة أو مشوية أو بلحمة مفرومة. امتصاصها سهل قوي من الجسم وما حسيتش انا معاه بأي مشكلة خالص. ولكن هو يعني زي ما هو معروف ان هو ممكن يعمل شوية إمساك. فمش عارف هل هو يعني مناسب أو مش مناسب لمرضى الإمساك بصراحة. أنا يعني في الأسبوع ده دخلت التواليت مرة واحدة.

ماشي. بالنسبة بقى للي بيلعب كورة ورياضة. طبعا المود كويس. انت مش قاطع كارب. الكارب لما بيتقطع بيخليك عصبي وما بيخليكش ان انت يعني قادر تلعب كورة ولا جيم. ما يبقاش فيه نفس. وطبعا نشاط كويس. انت المكنة مديها بنزين على الآخر.

العيب في الموضوع ده هو موضوع الوزن. هل النظام ماشي مع الوزن بالذات في الناس اللي هي عايزة تنشف؟ طبعا ممكن لو واحد عنده دهون كتيرة وبدأ ان هو ياكل الأكل كده ويقلل الدقيق يحس ان هو خس. أو زي ما قلت ان هو جاله تشبع فمش حاسس ان هو عايز ياكل كتير من الرز وال والبطاطس فيبدأ تبدأ وجبته تقل الكمية تقل ويبدأ ان هو يفقد وزنه.

طيب من وجهة نظري مين أكتر ناس هتستفيد منه؟ الناس اللي هم مرضى الجهاز الهضمي المزمنين بقى اللي هو انتفاخات وحموضة ومغص والكلام ده كله. وطبعا حساسية الطعام وعدم تحمل الألبان اللي هو اللاكتوز الانتولرنس. الناس اللي بيجي لحبوب شباب كتير. الناس اللي هي يعني عندها أعراض ومش عارفة هي جاية منين. أنا أرشح لهم أن هم ممكن يبدأوا أن هم يجربوه. ويا جماعة مش لازم يعني عشان أ يعني مش عايزين نظلم النظام مش معنى أن هو مكتوب مسموح بشيبسي و وبرينجلز و ونوتيلا ومربى أن احنا هناخدها. لا انت ممكن تاخد الكاربز أو السعرات بتاعتك من حاجة كويسة مثلا زي العسل زي ما أنا كنت بعمل.

مين الناس اللي أنا يعني بصراحة الناس اللي بتكلمني مريض السكر أول وتاني ضغط كلى أورام هتجرب مع نفسك انت بصراحة يبقى انت يعني انت على مسؤوليتك. ما فيش حاجة في الطب بتقول أن احنا لما هنجرب النظام ده هنرتاح. حتى وإن بعض الناس قالت أن احنا ارتحنا دي تجارب فردية. إحنا مش عارفين استجابة جسمك. كل جسم فينا ليه حاجة يستجيب ليها وحاجة لا. فناس أمراض مزمنة ما توقفش العلاج وتابع تابع تحاليلك ويعني ربنا يشفينا ويعافينا يا رب.

طيب ايه بقى اللي أنا هاخده معايا من النظام اللي أنا استفدت منه وحبيته قوي واللي أنا هاخده معايا؟ أول حاجة أن أنا مش يعني ممكن الألبان لأن أنا بطني بتبوظ من الألبان. أنا عايز أقول لكم أن أنا يعني شربت امبارح قهوة فيها وأنا قلت له عايز بس يعني عشان أكسر الهوا لاني مش بحبها بق لبن صغير أنا بطني جالها انتفاخات و طبعا ده ممكن يكون حساسية أو ممكن يكون لأن أنا قطعتها ودخلتها ممكن يكون لاكتوز إنورنس. أنا أساساً مش كيف قوي الألبان وبتتعبني. فكده أنا في الرجيم الجاي أنا هوقف الألبان أو يعني عادة اللبن يعني. إنما الأجبان اللي أنا كنت باكلها في النظام لا هكملها عادي وبالنسبة لي ما عنديش فيها مشكلة.

تاني حاجة وابرز حاجة هو الكولا. [أصوات شخير] وأنا ما كنتش هتخيل لأن أنا في أي نظام كنت باخد كولا زيرو. فانا أسبوع بحاله يعتبر أن أنا مدمن كولا فما ما أخدتهاش. فانا مبسوط من نفسي قوي. والحاجة الثالثة الدقيق. ومعروف أن أبرز حاجة من الحاجات حاجات اللي هي بتتخن هو الدقيق. يعني لو قارنت الدقيق بالرز طبعا طبعا الدقيق يكسب.

حاجة تانية بقى ما يعني هزودها طبعا الصيام. لأن أنا كده كده بعمل صيام متقطع. فطبعا هيبقى معايا صيام.

طيب إيه الحاجات اللي مش عاجباني في النظام ومش يعني هحاول أن أنا أغيرها وأشوف كده وزني هيتحسن ولا لا؟ هو الكاربز كمية الكاربوهيدراتس الكتيرة. أه هي بتديني طاقة وبتديني ا يعني أقدر أتحرك كتير وأحرق بس هي في نفس الوقت عاملة لي عائق أو جسمي بيعبي ميه منها. ف مش مش قادر أوصل للهدف بتاعي أن أنا تو جيت لين أو أن أنا أنشف الدهون. هاخدها بنظام ذكي اللي هو الناس بيسموها الكارب سايكل. اللي هو في أيام التمرين أو أيام الجري أو أيام الكورة ممكن تعلي الكارب. وفي الأيام الثانية اللي أنت قاعد أو أوف من التمرين هقلل الكارب.

الحاجة الثانية وهو اللو بروتين اللي في النظام. النظام كان بيقول لك ممكن تاخد بروتين يوم أو يومين. أنا مش شايف أن ده بالنسبة لي كافي. يعني إحنا فوق ال 40 أنا مش عايز أخسر كتلة عضلية. العضلات دي هي اللي شايلانا ومقومانا. اللي هيفقد عضلات يعني هيحس بعجز. ف لو مش هنزود عضلات إحنا مش لعيبة كمال أجسام. ف أنا شايف أن إحنا ما نقطعش البروتين. وكمان البروتين بيشبع. يعني البروتين من الحاجات اللي هي بتشبع.

أنا زعلان جدا والله أن أنا يعني هسيب النظام. أنا كنت حاسس أن أنا مبسوط. أنا باكل كل الأكل اللي أنا بحبه. وإن شاء الله باذن الله لما هوصل الوزن المثالي أكيد أكيد هرجع تاني وهجربه وهقول لكم النتيجة. كانت رحلة قصيرة. وأتمنى أن أنا أكون اتكلمت بإنصاف عن مميزات وعيوب النظام في الفترة القصيرة اللي تسنى ليا تجربته.

لو أنت ما بتهدفش لموضوع الوزن أو مش نفس الهدف بتاعك زي ما أنا عايز تقدر تطبقه في الفئات اللي أنا قلت عليها. ولو أنت مريض أمراض خطيرة وربنا يشفيك ويعافيك يا رب ما توقفش علاجك.

شكرا جزيلا لكم. كان معكم أخوكم دكتور محمد جودة. لو عايز تكمل معايا الرحلة عرفني. ولو أنت بس كنت مهتم بالطيبات وهو ليه جدل ويه كبير قوي فخلاص فرحلتنا هتقف هنا وهنكمل بقى في فيديوهات العيون اللي إحنا يعني بنعملها على طول. شكرا جزيلا. تصبحوا على خير. مع السلامة. ‏Ah.