Transcription
ازاي أطبق ده على السنة الجديدة؟ ازاي أكون إنسان جديد، مش مجرد سنة جديدة؟ ازاي واحد ده بيبقى بالنسبة لي بداية جديدة لإنسان جديد في سنة جديدة؟
كويس، هدي مثال وهدي خطوات. سبع خطوات مهمة. هدي مثال بسيط. لو أنا النهارده الموبايل بتاعي السوفت وير بتاعه مليان برامج كتير وبقى ثقيل، وأصبح بالنسبة لي بيهنج كتير، وما بيعملش مكالمات، وبطاريته بتخلص بسرعة. ينفع مع السنة الجديدة الجديدة أركب له كفر جديد وأغير السكرين بتاعتي عشان أبقى كده الحمد لله عملت حاجة جديدة؟ لا. ده اللي معظم الناس بيعملوه. إن أنا داخل السنة الجديدة بعمل شكل مختلف، بحط أهداف من بره، لكن أنا هو زي ما أنا، السوفت وير بتاعي اللي جوه اللي مبوظني السنة اللي فاتت هو اللي أنا واخده معايا السنة الجاية.
يبقى أول خطوة لازم أعملها إن أنا هجيب ورقة وقلم كده. وبالله عليكم الكاميرا دي شغالة؟ أه. بالله عليكم ركزوا معايا. التمرين ده أو الخطوة دي محتاجة على الأقل ساعة كاملة. تقعد مع نفسك. لا مشتتات، لا موبايلات، ماحدش يقطعك. الصبح بدري أو بالليل متأخر. ورقة حط فيها كده عمودين. أنا القديم اللي مش عاجبني، اللي السنين اللي فاتت كلها سماتي الشخصية واللي أنا بعمله وتفكيري وعاداتي وأصحابي، وأنت عارف أخطائك كويس. اقعد اكتبها. اللي هو السوفت وير القديم. أنت مين؟ وأنا الجديد؟ ابدأ تصور كأنك بالظبط داخل كده مول سوفت وير كده هيعمل لك فورمات وينزل سوفت وير جديد. شخصية جديدة. أنت ناوي تكون الشخصية الجديدة عامل إزاي؟ واكتب اللي أنت عايزه. اكتب عكس اللي أنت كنت عليه قبل كده. حلو كده؟ أنا مثلا مش واثق، هبقى واثق. أنا باجل، هبقى ملتزم بالمواعيد، هحافظ على المواعيد. أنا بكسل، هعمل كذا. ابدأ حط الشكل الجديد ده. أول حاجة تعملها. ده الخطوة الأولى. إن أنا هشوف الصورتين عشان أبقى شايف أنا القديم وأنا الجديد. ده رقم واحد.
طيب رقم اتنين. هسأل سؤال تاني. هو ينفع النهارده أجيب عربية عندي قديمة عايز أطورها، لكن البنزين مخروم؟ كل ما أحط بنزين ما بكملش 10 10 دقائق وأفضي البنزين، وأروح أطور العربية من بره وأجددها وأغيرها، وسايب التانك مخروم؟ لا. يبقى الخطوة رقم اتنين لازم أوقف النزيف. وأول نزيف نزيف الوقت. ده أغلى عملة عندنا. اقعد مع نفسك كده وأنت قاعد الساعة دي بعد ما تشوف أنا القديم وأنا الجديد. اسأل نفسك سؤال: إيه أكتر حاجة بتستنزف وقتي في الفاضي؟ لأن الإنسان بيستنزف وقته. ثم رقم اتنين بيستنزف طاقته. وعايز أقول جملة خطيرة جدا هنا. ربنا قال لنا: "الشيطان يعدكم الفقر". فاول فقر بيعمله الشيطان معانا هو فقر الوقت. تاني فقر؟ فقر الطاقة. جرب كده في مرة اتحمست قوي وبقى عندك حماس تقوم تشتغل. هتلاقي فجأة أفكار جت تعمل حاجات وتاخدك في حاجات تضيع لك الطاقة بتاعتك وتضيع لك الوقت بتاعك. فدي لعبته. ده بقى الدمبل. هتستجيب وهتقعد تضيع الوقت بتاعك وتضيع الطاقة؟ ولا أنا هوقف النزيف باني أقدر أستفيد من الفشل اللي فات والأخطاء بتاعتي وأعرف بالظبط إيه الفشل اللي وقعني أو إيه الحاجة اللي وقعتني؟ وأقول معلومة غريبة قوي. عملوا دراسة على أكبر 10 شركات كانت بتفلس. وج أي أو جديد مسكها وفجأة بدأت تكبر وتنجح تاني بس بمنتهى القوة. وعملوا دراسات لكل واحد على حدة من العشرة. لقوا أول حاجة إيه؟
رضوى: إيه؟
دكتور: إيه؟
رضوى: أول حاجة عملها؟
دكتور: أوقف المصاريف اللي مالهاش لازمة.
رضوى: إيقاف النزيف.
دكتور: صح. أنت نفسك شوف وقتك. شوف فلوسك. صح. هتلاقي نفسك. واقعد احسب كده هتلاقي في كمية مصاريف مالهاش لازمة طالعة. لو أنت وقفتها هتظبط نفسك مادياً. الوقت بتاعك وقت كتير طالع مالوش لازمة بتضيع فيه وقت.
رضوى: طب والاشخاص يا دكتور؟ كذلك؟ هل الحزب اللي حضرتك بتقول عليها دي والوقفة مع النفس أشخاص يعني؟ اكتب إن... فيها أصدقاء سوء. طبعاً اللي ينفع أغيره أغيره.
دكتور: أم.
رضوى: الأصدقاء السوء. بس مش هعمل كده مع والدي مع والدتي مع الناس.
دكتور: لا. أنا مش بتكلم على عيلة. بس بتكلم على المحيطين. ما هو أنا هبدأ أشوف بقى. ما هو أنا لو لقيت اللي بيدعي لي الوقت أو بيدعي لي الطاقة. سوفت وير موبايلات، جيمز، حاجات على سوشيال ميديا، أصدقاء. كله هبدأ أظبطه. ما أنا هشوف الصورة كاملة ساعتها.
طيب سمعت إنه في حد بيقول إن الإنسان علشان اللي هو عايزه يبقى هابت، يبقى يبقى عنده الـ الخصلة تقلب صفة لازم يستمر عليها تلات شهور يعملها يومياً. أي مبالغ فيها قوي تلات شهور.
رضوى: يعني عايز يلعب رياضة؟
دكتور: أه. أي اللي عايز يلعب رياضة يبدأ بحاجة خفيفة الأول. ما يرهقش نفسه. ويبدأ يحفز نفسه بالانتظام. ودي هنتكلم فيها في نقطة بعد شوية.
رضوى: أيوه. أنا مش أنا. أنا بدي رياضة مثال. أه. اللي بيحصل إن البني آدم لما بيدخل يعمل حاجة روتينية.
دكتور: أيوه.
رضوى: بيبقى في أول أسبوع بيقاوم العادة القديمة ده اللي بتكون بتوقعه. لو نجح في أول أسبوع. التاني بيكون أسهل بكتير. كامل الأسبوع التاني ويخش على الأسبوع التالت بتبدأ العادة تتكون. بعد الأسبوع التالت.
دكتور: قد إيه وقت علشان اللي أنا كاتباه في السنة الجديدة عايزة أعمله أعرف أعمله ويبقى شيء ثابت دون مقاومة شديدة؟
طيب السؤال ده سؤال محتاج سؤال تاني. أنت سرعتك لورا كانت قد إيه؟ أنت كنت بتقع قد إيه؟ يعني أنت بتهدر كم ساعة في يومك؟ بتهدر صحتك في الأكل عامل إزاي؟ زقلك لغير الصحي؟ بتهدر طاقتك في قد إيه؟ لازم تكون عارف ده عشان بحجم اللي أنت بتعمله هيتأخر شوية على النتيجة.
أنا دايماً بدي مثال عشان الناس يفهموه بصورة أوضح شوية. لو أنا النهارده قلت إن أنا أي هدف أنا عايزه له خمس خطوات. 1، 2، 3، 4، 5. اللي بيحصل لو أنت فضلت منضبط الخمس خطوات هتوصل. لكن إحنا بنعمل إيه؟ 1، 2 ونرجع. 1، 2، 3، 4، 5. وبعدين 1، 2. 1، 2، 3، 4، 5. فبقيت في السالب أصلاً. فانت عشان توصل للخطوة دي أنت محتاج تعدي الخمسة اللي فاتوا اللي تحت الصفر وخمسة بقوا 10. فعلى حسب أنت بتقع قد إيه. يعني واحد واحد النهارده عاوز يبقى جسمه رشيق. لازم أعرف وزنه بقى كام. صحيح. لو زايد 30 كيلو غير زايد 5 كيلو. فانت رجعت قد إيه ده اللي بيفرق.
طيب الناس اللي بتتفرج علينا لو عايزين يسمعوا من دكتور أحمد عمارة إيه أهم الأشياء أو إيه أكتر الأشياء أو إيه أبرز الحاجات اللي أنا اشتغل عليها مع نفسي في نهاية 26 أكون شخص راضي عن نفسي؟
كويس. أول حاجة لازم تشتغل فيها على نفسك إزاي تبني الثقة. اقرأ عن الثقة. اقرأ عن القيمة الذاتية. وفي كتاب من أروع الكتب اسمه "The Status Game" أو "السعي إلى مكانة" تقريبا مترجمين. "السعي إلى مكانة". إن الناس للأسف لما عملوا دراسات عليهم إيه اللي بيكون بيحركهم؟ لقوا إن اللي بيحركهم المكانة. فانا هشوف بحسب المجتمع، بحسب اللي بيطلع جديد، إيه اللي فيه مكانة وأجري وراه. لأنه مش حاسس قيمته الذاتية. فبقى أعيش قيمتي الذاتية زي اللي النهارده الحالات اللي طالعة دي بتاعة ترند. هو شايف إن الترند هو ده المكانة أو القيمة الذاتية. فحياته كلها حوالين ده. ويجي في الآخر يلاقي فك.
فأنا لازم الأول أفهم القيمة الذاتية عندي بتتكون إزاي وبعيشها إزاي. فافهم نفسي. فمهم أدرس عن الثقة. اقرأ عن الثقة والقيمة الذاتية بالذات. لأن لو القيمة الذاتية عندي عالية وقابلت رجاء أعمال كبار كتير جدا. هو عمال يجري عشان يجمع فلوس لأنه عاوز يبقى حاجة. إيه هي الحاجة دي؟ أنا ماعرفهاش ولا هو عارفها.
يبقى أول حاجة القيمة الذاتية.
رضوى: لازم أول حاجة القيمة الذاتية.
دكتور: تاني حاجة.
دكتور: تاني حاجة إن أنا أبدأ أفهم إن كل حاجة في الكون بتبدأ من جوه لبره. يعني لازم الأول مشاعري أو أفكاري ثم مشاعري ثم سلوكي. ده السلوك اللي بره. معظمنا بيحافظ على نفس الأفكار، محافظ على نفس المشاعر، وبيروح يغير السلوك من بره. فيقوم الأفكار والمشاعر موقعينه. فلازم الأول أسأل نفسي سؤال. يعني مثلاً أنا النهارده نفترض هعمل نظام غذائي. بيقوم الشخص قايم يعمل النظام الغذائي. طب ده اللي بره. طب أنت الأول قناعتك إيه عن الأكل ده؟ إيه أفكارك عنه؟
رضوى: أه. غير بقى.
دكتور: لازم الأول الأفكار الأول. لازم الأول أقعد أفكر أنا بأكله ليه؟ إيه الأفكار دي؟ إيه الدافع بتاعه؟
رضوى: اللي بيحركني الطعم ولا القيمة؟
دكتور: لازم أظبط ده الأول. فهمت دي؟ تاني حاجة. لما أظبط الأفكار بتاعتي تجاه الأكل. يعني ربنا أمرنا بالإحسان. ربنا قال لنا: "ولا تأكلوا مما لم يذكر اسم الله". طب الناس فاكرة اسم الله؟ قول بسم الله. لا. اسم الله من أسماء الله. يعني اسم الله القيوم. هل الأكل هيديني تقييم في حياتي؟ هيديني؟ هيبقى هيزودني كرم؟ هيزودني عظمة؟ من اسم الله العظيم؟ لازم أذكر الاسم. الأكل ده هيديني حاجة كبيرة ولا كلام فاضي؟ هيستهلك طاقتي. على فكرة الأكل الصحي بيدي طاقة. صحيح. الأكل غير الصحي بيستهلك طاقة. فاكل لنفسي تعبت أكتر. مش بقوي.
طيب. يبقى نرجع تاني لنقط. بس عشان عايزاهم يبقوا معانا في النقط. أول القيمة الذاتية والثقة.
رضوى: وتاني حاجة.
دكتور: تاني حاجة إن أنا أعرف إن كله بيبدأ من جوه لبره. فاظبط أفكار ثم مشاعري. مشاعري. لأن بعض الناس يقول لك إيه؟ أنا هاكل أكل غير صحي بقى. أنا هدخل كأني قاعد في مستشفى. طب أنت بتقول كده؟ أنا هاكل أكل مستشفيات. مين قال كده؟ بيقول أيوه. المشاعر. رقم تلاتة ودي مهمة قوي قوي.
إن أنا وأنا بحط الخطة ويركزوا فيها دي كويس قوي. حط تلات خطط أو تلات مستويات. مش خطة واحدة. خطة اسميها العزيمة البسيطة. وخطه اسميها العزيمة المتوسطة. وخطه اسميها العزيمة العليا. بحيث هبدأ بالعليا. وقعت. خش على المتوسطة. هتقع. خش على البسيطة. ما تبقاش صفر. أنت لو حطيت خطة واحدة وقعت. وقعت. ما عندكش اتنين ليفل تنزلهم. فانت حط عزيمة عالية. أنت النهارده في أول السنة وبادئ بعزيمة عالية. قول هعمل كذا وكذا وكذا وكذا. طب لو العزيمة ضعفت. خليها خطة صغيرة بسيطة شوية. نزل شوية حاجات من هنا. بس خليك ماسك التراك.
رضوى: أنا عامل الموضوع ده. العزيمة خلاص في الضياعة. بسيطة. حط على الأقل حاجة حاجة واحدة بس أو اتنين.
دكتور: لكن مش ما فيش. فهمت؟
رضوى: ح.
دكتور: فاللي مش عامل كده بتلاقيه يا يبدأ يا ما فيش. يا كله يا بلاش.
طيب. وعشان أبدأ برجع العزيمة تاني والطاقة بسيطة. أو العزيمة بسيطة. فمش قادر أقوم. واقعاني. لا. أقوم داخل الأولى. ثم التانية. ثم التالتة.
طيب. هو للأسف الشديد معاد لا.
دكتور: بصي. أنا أول مرة أقولها لك. هخنقك.
رضوى: لا.
دكتور: والله.
رضوى: طب طب حاجة مهمة تانية. ما فيش وقت.
دكتور: طب طب سريع عشان بس عشان يستفيدوا بجد.
يبقى أقسم العزيمة. رقم أربعة. ودي مهمة قوي. لازم أكون قائد للدوبامين. دي مهمة. اختم بيها للدوبامين بتاعي. إن ربنا مدينا شحنة أول ما نصحى من النوم. نفتح عينينا. شحنة دوبامين تكفينا الأهداف اليوم. لو استهلكتها سوشيال ميديا هتكسر بأي حاجة تانية. لو أول ما فتحت عيني فتحت تحت حاجات كده من اللي هي الدوبامين السريع. هتلاقي جسمك. ما هو أنا لما أفتح ريل. جسمه بيشوف هدف. عقلي بيشوفه هدف. الريل التاني هدف. التالت هدف. الرابع. يوم عقلي. أنت عملت 50 هدف. نام بقى. اللي هو إيه بقى الدوبامين؟ عشان الناس تفهم.
رضوى: الدوبامين هو هرمون أو إنزيم بيفرز جوانا بيديلك دافع ومتعة إنك تنجز.
دكتور: فلو أنت ما عندكش سوشيال ميديا. عقلك مش هيخليك قاعد مرتاح. لازم أعمل حاجة. فتقوم أنت بادئ في الخط بتاعتك. لكن لو أول ما صحيت انجزت وخلصت. دوبامين جسمك انجز خلاص. شكراً. هتلاقي الأهداف المهمة اللي أنا عايزها. ماليش خلاص. ما أنا خلصت.
رضوى: حضرتك عايز أما نصحى من النوم ما نفتحش حاجة خالص. خلي السوشيال ميديا مكافأة على الإنجاز.