النرجسي: لا يعتذر | مذكرات نرجسي (١) #علم_النفس

انت عايزاني اقول انا اسف. انا اسف. يا نهار ابوك اسود من سواد قلبي ده. انا لو قلت انا اسف ابقى اعترفت ان في حاجه اسمها حقك. وان في يوم من الايام ممكن اكون كنت غلط.

بس خلينا نتكلم بجد. هو انت لولا وجعك بذمه امك كنت هتعرفي انا مهم بالنسبه لك قد ايه. ما هو انا لازم اجرح علشان ابقى الدوا. لازم اهدك علشان ابقى الحضن. لازم ادمرك عشان ابقى المنقذ بتاعك.

هو انت فاكره ان انا يعني بنفعل وبتعصب ده شغل. دي اداره مشاعر يا حبيبتي. مش خناقه. بصي بقى انا ما بعتذرش لان انا مش ندك اصلا علشان اغلط لك. انت الغلط. انت الفاتوره اللي لازم تدفعيها علشان تحسي انك مع حد قوي.

ايه برده مش فاهمه. ما هو في كل مره اقول لك خلاص عديها وفوتيها وما تكبريش الموضوع وانت تعديها فعلا. انا كده بثبت الكرسي اللي انا قاعد عليه فوق راسك. كل مره تبرري تشرحي تعيطي. انا بتاكد ان ما فيش محكمه هتحاكمي. ان ان القاضي نفسه هو انت وانت في جيبي.

بقولها لك ثاني. انا ما بعتذرش عشان انا لو اعترفت ان انا غلطان مره هتتخيلي ان ليكي حق تحاسبيني مليون مره. انا اتخلقت علشان اتحكم مش عشان اتحاسب. بس اوعي في يوم تصحي اياكي تعرفي قمتك. لان ساعتها بس هعرف ان خسرت اقوى قطعه في اللعبه. ودي الحاجه الوحيده اللي فعلا بتخوفني. اثنين.