Transcription
هقوللك على علامات إن الالتهاب في جسمك بيتحسن. لو بدأت فعلاً تاخد بالك من أكلك، وبدأت تتمشى، وشلت الحاجات المعلبة، وشلت الحاجات اللي في أكياس، وشلت الحاجات البروسيسد (الأكل المصنع)، وبدأت تتحرك أكتر وتزود الأكل الطبيعي في أكلك، الالتهاب في جسمك هيتحسن.
تعرف إزاي بقى إنه بيتحسن؟ لما تلاقي التلات علامات دول.
أول علامة: بشرتك. تبتدي تلاقي بشرتك بقت مرتاحة كده، بقت رايقة. الحاجات اللي كانت محمرة والحبوب اللي في بشرتك هتقل جداً. هتلاقي بشرتك بدأت تبقى صافية. دي أول حاجة على فكرة بتبين إن الالتهاب في جسمنا بيتحسن.
تاني علامة: إنك هتلاقي نفسك بدأت تبقى نشيط، بدأت تبقى عايز تعمل حاجات، بدأت تبقى عندك طاقة ومش عايز تفضل قاعد طول اليوم.
تالت علامة: هي المفاصل. هتلاقي مفاصلك ارتاحت. لو مفاصلك طول الوقت تعبانة وطول الوقت وجعاك، الوجع بتاع المفاصل هيقل جداً، وبعد فترة هيروح تماماً.
دي علامات إن الالتهاب في جسمك بيتعالج، وعلامات إن اللي أنت بتعمله شغال. Yeah.