باسم الآب والابن والروح القدس، الإله الواحد. آمين.

خريستوس نستي. كل سنة وأنتم طيبين.

احنا وصلنا في تأملاتنا في سفر المزامير للمزمور الـ 110. والمزمور الـ 110 اللي هو مزمور "قال الرب لربي"، هو يعتبر المزمور الـ 109 في الأجبية. أنتم عارفين فرق الترقيم ده عشان في مزامير انضمت لبعضها في الطبعة اللي في إيدينا، وفي مزامير انضمت لبعضها في الأجبية، فحصل شوية فروقات، لكن هو نفس طبعاً المزامير.

هي المزمور الـ 110 بنسميه واحد من المزامير المسيانية. مسيانية جاية من كلمة "مسيا"، ومسيا يعني المسيح. يبقى المزمور ده مش خاص بداوود يعني اللي كاتبه بس، كاتبه بالروح كنبوه عن المسيا أو عن المسيح، مش عليه هو، لكن على ابنه بالجسد اللي هو هيجي من نسله اللي هيخلص العالم، اللي هو المسيا أو المسيح.

في مزامير كتير بنسميها مزامير من أولها لآخرها مسيانية، زي الأشهرهم مزمور 22 اللي هو أوله "إلهي إلهي لماذا تركتني؟". ده مزمور مسياني من أوله لآخره، لأن مكتوب "ثقبوا يدي ورجليّ"، داوود ما حدش ثقب إيديه ورجليه، "اقتسموا ثيابي وألقوا قرعة عليها"، لحد اقتسم ثيابه ولا ألقى قرعة، وهكذا. أو مثلاً مزمور 45 "كرسيك يا الله إلى دهر الدهور، قضيب الاستقامة قضيب ملكك". هو بيتكلم على الابن المسيح.

وحتة إنها مزامير مسيانية ده مش استنتاج من الكنيسة على فكرة، ده معروف عند اليهود. اليهود عارفين إن في مزامير كاتبها داوود يعني 1000 سنة قبل الميلاد، لكن الكلام اللي فيها بيتكلم عن ابن داوود اللي هيجي يخلص العالم. هو مش بيتكلم عن روحه.

يعني مثلاً مزمور الـ 110 ده، كنت قبل ما أجي لكم بقراه في حاجة اسمها "المدراش اليهودي". المدراش اليهودي، مدراش الكلام العبري شبه العربي شوية، مدراش يعني درس، مدراس درس مدرسة. فالتدريس اليهودي نفسه في كتاب المدراش اليهودي، سواء المجلد الأول أو المجلد الخامس، بيشرح فيه مزمور "قال الرب لربي"، وبيتكلم من أوله لآخره، ويقول: "هذا كلام ليس خاصاً بداوود، هو خاص بالمسيح". فاليهود نفسهم عارفين.

واليهود مجمعين نبوات العهد القديم، ونبوات العهد القديم كتيرة جداً بتتكلم عن المسيا اللي جاي. جمعوا حوالي فوق الـ 400 نبوة معروفة بالواحدة، وفي 365 بعدد أيام السنة يعني مباشرين جداً عن المسيح. وطبعاً زي ما إحنا عارفين، كلهم اتحققوا في شخص ربنا يسوع المسيح تحديداً، بالضبط وبالحرف. ودي حاجة خلت ربنا يسوع المسيح نفسه يستغرب.

مزمور "قال الرب لربي" ده، السيد المسيح نفسه استخدمه في إنجيل مرقس وفي إنجيل لوقا، وقال لليهود كده: "هو مش مكتوب عندكم المزمور ده؟ قال الرب لربي". الربة الثانية دي، أنتم عارفين كويس قوي إن هنا ده معناها "أدوناي"، يعني المسيح اللي جايه السيد الرب، يعني المسيح اللي هيجي من نسل داوود. فإزاي هو هيجي من نسل داوود يعني ابنه، وفي نفس الوقت هو ربه؟ ما أنتم دارسينها وعارفينها. عايز يقول لهم كده: "ما أنتم عارفين ابن داوود اللي جاي يخلص العالم هيكون رب وإنسان في نفس الوقت؟".

أنتم عارفين إن مكتوب "هل عذراء تحبل وتلد ابناً؟". مرة قعدت برضه أقرأ اليهود كاتبين عليها إيه بمنتهى الوضوح: "هذه الآية خاصة بالمسيا". طب إشعياء لما يقول "أحمال أوجاعها أنا تحملها، وأسقامنا شالها، ودست المعصرة وحدي، ومن الشعوب لم يكن معي أحد". هذا الإصحاح خاص بالمسيح. طب ما هي واضحة جداً. فالمفروض لو هم مش بيراوغوا ومش بيكبروا، كانوا قبلوا السيد المسيح ببساطة. زي أغلب اليهود اللي كانوا عايشين أيامها قبلوا ببساطة، لأن الكلام ماشي زي ما هم فاهمين.

بس كتب الفريسيين السيد المسيح لمهم، بيقول لهم: "انتوا بتقفلوا البيبان على الناس. لو كنتوا بتحبوا موسى صحيح، كنتوا سمعتوا لي، لأن هو اتكلم عني". موسى يقصد العهد القديم كله.

مزمور "قال الرب لربي" بقى مزمور واضح جداً في موضوع النبوة ده، وهنشوفه دلوقتي إزاي فيه صفات المسيح بالضبط من قبل ما يتجسد بـ 1000 سنة. والغريبة إن النبوات العهد القديم قبل ما أدخل في صلب المزمور، معلش، نبوات العهد القديم مش بس كتيرة، لا دي بتسلم بعضها. يعني إيه بتسلم بعضها؟ أقول لكم الحتة دي، لأن القديس أثناسيوس قريتها له وعجبتني قوي. قال لك: "انتوا مش ملاحظين يا يهود؟" هو كان بيكلم اليهود. قديس أثناسيوس في القرن الرابع الميلادي، يعني بعد المسيح بـ 300 سنة وحاجة زي كده، بيقول لليهود: "أنتم مش ملاحظين إن آدم فضل عايش لغاية ما بلغ اللي حصل معاه والكلام اللي سمعه من ربنا لغاية واحد اسمه متوشالح؟". آدم فضل عايش 930 سنة. متوشالح ده جد نوح. فسلم نوح، نوح سلم أولاده، أولاده سام ابنه فضل عايش لغاية إبراهيم. ما هو كانوا بيعيشوا أعمار كتيرة قوي. فبيسلموا النبوات لبعض. فسام عاش لغاية إبراهيم. إبراهيم حضر طبعاً إسحاق، وبعد كده جه يعقوب والأسْبَاط. الأسْبَاط سلموا بعض لغاية ما جه موسى. موسى سلم يشوع. يشوع سلم القضاة. ما هو القضاة دول بعد يشوع على طول، يعني أول القضاة ده كان أخو كالب، كالب اللي كان مع يشوع على طول، أخوه ده كان أول قاضي. فالقضاة سلموا بعض. آخر قاضي جه صموئيل. صموئيل سلم لداود. رشَم شاول الأول، بعد كده رشَم داوود. داوود سلم سليمان. سليمان ظهر بعديه المملكة. كل ملك بيجي أيامه نبي. نبي يسلم نبي. نبي يسلم نبي وملك. يسلموا نبي وملك. نبي وملك لغاية ما جه السبي. حتى في السبي، سلموا بعض. دانيال، الفتية الثلاثة، حزقيال، طب يهوديت. كل دول في السبي. خلصنا فترة السبي ورجعنا، سلموا بعض. عزرا سلم نحميا. نحميا خلص، راح مسلم الأنبياء اللي هم حجّي وزكريا وملاخي. ملاخي سلم اللي بعديه، فترة المكابيين. مكابي بين الأول والثاني، ويشوع بن سيراخ. طب والناس دول مين؟ الناس دول يعني مثلاً يشوع بن سيراخ ده واحد من اللي عملوا الترجمة السبعينية، اللي زي سمعان الشيخ كده. ففضلوا عايشين لغاية زمن قريب قوي من المسيح، لغاية ما سلموا يوحنا المعمدان. إنجاز التعبير، ده آخر واحد بعديهم. ومرة واحدة النبوة اتقطعت.

فالقديس أثناسيوس الرسول بيقول لهم: "أنتم مش ملاحظين إن هي ماشية من آدم لغاية يوحنا المعمدان؟". أصل اليهود كانوا بيحبوا يوحنا المعمدان، هم بالنسبة لهم نبي. فبيقول لهم: "أنتم مش ملاحظين إن من أيام آدم لحد يوحنا المعمدان السلسلة ماتقطعتش؟". طب تفسروا بإيه إنها من عند يوحنا المعمدان لغاية عندي أنا كان في القرن الرابع؟ لغاية عندي أنا ما ظهرش أنبياء تاني؟ يبقى إيه اللي حصل؟ يبقى اللي كانوا بيتنباوا عنه جه بالبساطة دي وراح قايل لهم جملة جريئة جداً. قال لهم: "أنا على استعداد إذا ظهر عندكم نبي حقيقي وأخذتوا كلامه على إنه وحي مقدس وزودتوه على العهد القديم، يبقى المسيح اللي جه ده مش المسيح". لو ظهر نبي لسه بيتنبا عن مجيء المسيح وأخذتوا كلامه زودتوه على العهد القديم، يبقى المسيح مش المسيح. لكن ادينا بقى لنا 300 400 سنة ما حدش زود حاجة وما ظهرش أنبياء جداد. ليه؟ عشان بيتنباوا. يتنبا يعني بيقول حاجة هتحصل. اللي حصل حصل إن المسيح جه فخلصت. لدرجة إن السيد المسيح نفسه مرة قال لهم في متى 11: "جميع الأنبياء والناموس إلى يوحنا تنبأوا". أنتم مش ملاحظين إن يوحنا ده آخر واحد هيتنبا؟ خلاص، أهو بيتنبا علي أنا بقى وأنا جيت خلاص. وأنا اللي قال عليا يوحنا، واللي قال عليا إشعياء، واللي قال عليا داوود، واللي قال عليا آدم.

فالقديس أثناسيوس بمنتهى المنطقية، بين قوسين السهل الممتنع، جاب دليل واضح جداً لليهود على إن اللي مكتوب ده طالما توقف يبقى جاء الشخص اللي كان بيتنبا عنه. من أشهر هذه التنبؤات على الإطلاق هو المزمور الـ 110. ليه؟ أنتم عارفين سفر المزامير أساساً من أكتر الأسفار اللي استشهد منها كتبة العهد الجديد عن النبوات عن المسيح. سفر المزامير أكتر من إشعياء. في حوالي 90 استشهاد من سفر المزامير استشهد بيه قديس بطرس وبولس والسيد المسيح نفسه ويوحنا وهكذا. 90 مرة بيستشهدوا من المزامير بس، أكتر من إشعياء. مزمور 110 جاه استشهاد منه خمس مرات. أكتر مزمور على الإطلاق في إنجيل مرقس وإنجيل لوقا، أعمال الرسل الأصحاح 2 القديس بطرس، ومرتين القديس بولس، مرة في كورنثوس ومرة في عبرانيين. كل المرات دي بياخدوا نفس الآية دي، الآيات بتاعة هذا المزمور بالذات عشان يقولوها لليهود، لأن اليهود حافظينها وعارفين إن ده خاص بالمسيا. وزي ما هنقرأ دلوقتي، منطبق على السيد المسيح.

تعالوا نبتدي نقرأ ونشوف قال إيه. طبعاً كاتب المزمور هو داوود، مكتوب تحت العنوان. وفي نفس الوقت السيد المسيح نفسه قال: "قال داوود بالروح". فالسيد المسيح قال داوود كتبه، فخلاص.

"قال الرب لربي: اجلس عن يميني حتى أضع أعداءك موطئاً لقدمك". لا يوجد شك ولا بنسبة فاصل 1% إن داوود وكل الكتاب المقدس بيؤمن برب واحد. أول وصية في العهد القديم بتقول: "اسمع يا إسرائيل، الرب إلهك رب واحد". السيد المسيح في العهد الجديد لما جه واحد يسأله، قال له إيه أعظم الوصايا؟ قال له: "ما أنت عارف، أول وصية بتقول اسمع يا إسرائيل، الرب إلهك رب واحد". فطبيعي إن إحنا نؤمن برب واحد. دي ما فيهاش خلاف. إزاي هيبقى فيه أكتر من إله؟ إزاي؟ إذا كان الإله صفته إنه قادر على كل شيء، طب لو كان قادر على كل شيء، يبقى قادر على الإله الآخر لو في كذا لاهوت يعني. فطبعاً هو إله واحد، الماليء الكل. دي صفة الله. طب إزاي إلهين وهم الاثنين مالئين الكل؟ لكن هو إله واحد مثلث الأقانيم زي ما إحنا عارفين.

طب اللي يقرأ الآية دي: "قال الرب لربي". طب ما أنت بنقول إحنا الرب إلهك رب واحد. ليه الرب لربي؟ يبقى كده إلهين. الحقيقة طبعاً لا. ليه؟ ليه؟ لأن "الرب لربي" دي مكتوبة عندنا بالعربي "رب" و"رب". الأصل بتاعها قال "يهوه لأدوناي". أدوناي دي اللفظة اللي بتطلق على الله بالذات، السيد الرب المتجسد، الابن. فالرب الأولانية "يهوه" يمثل الآب. يقول للرب الأقنوم الثاني، الابن المتجسد. قال الرب "يهوه" لأدوناي، الابن. الله بيكلم المسيح. المسيح ظاهر في الجسد على الأرض. ويقول له: "تعال اصعد حتى أضع أعداءك موطئاً لقدميك". يبقى الواحد الله الواحد، آمين. نحن نعبد إله واحد، آمين، في أقانيم. الأقنوم الآب "يهوه" يكلم أقنوم الابن "أدوناي"، السيد الرب المتجسد.

يجي هنا سؤال: طب أنا مش عارف أتخيل. هقول لك ما هي صعبة التخيل. ولكن بدون شك إحنا نقدر نمثلها بحاجة بسيطة. لو أنت عندك تلفزيون وعندك موجات اللي بتيجي عند الأريال بتاع التلفزيون، الموجات دي غير محدودة، صح؟ لما أنت بتفتح التلفزيون بتاخد الموجات دي وتتجسد ها قدامك في هيئة مذيع مثلاً. هل نقول إنها تجسدت قدامك في التلفزيون معنى كده إنها اتحبست عندك في التلفزيون؟ ولا ممكن واحد تاني يشوفها؟ واحد تالت؟ واحد في قارة رابعة يشوفها؟ الموجات دي غير محدودة. لكن تجسدت، تجسمت قدامك. كذلك الله غير محدود. لكن ظهر في الجسد. ده مش معناها حبسناه في الحتة اللي بيكلم فيها بطرس مثلاً، أو بيكلم السماء. ماريا ومش موجود في حتة تانية. إذا كانت الموجات اللي هي ربنا خالقها فيها هذه الإمكانيات غير محدودة، إنجاز التعبير. فطبعاً الله غير محدود. لكن جه وقت وتجسد. فشوفنا حوار لأول مرة البشرية تشوفه. تشوف حوار الله المتجسد والله أصلاً ماليء الكل. فالله الماليء الكل والله المتجسد. في ناسوت الناسوت يصلي. يبقى ممكن يبقى فيه حوار. عشان ما نتلخبطش. لما نلاقي المسيح في بستان جسيماني بيتكلم. طب ما هو إنسان في نفس الوقت. هو الله 100%، هو كمان إنسان 100%. بيصلي وبيحزن وبيعيط لأنه إنسان 100%. ومن ضمن صفات الإنسان الـ 100% إنه يصلي. فالله ماليء الكل، والله متجسد في ناسوت الناسوت يصلي. يبقى ممكن يبقى فيه حوار.

عشان ما نتلخبطش. لما نلاقي المسيح في بستان جسيماني بيتكلم. طب ما هو إنسان في نفس الوقت. هو الله 100%، هو كمان إنسان 100%. بيصلي وبيحزن وبيعيط لأنه إنسان 100%. ومن ضمن صفات الإنسان الـ 100% إنه يصلي. فالله ماليء الكل، والله متجسد في ناسوت الناسوت يصلي. يبقى ممكن يبقى فيه حوار.

عشان ما نتلخبطش

Get Our Mobile App

تفسير سفر المزامير (مزمور 110) - دراسة الكتاب المقدس - أبونا لوقا ماهر

Transcription