إيران تعلن سيطرتها الكاملة على مضيق هرمز وترامب في مأزق.. الحرب العالمية تقترب

السلام عليكم. ازيكم؟

الحرب بين أمريكا وإيران أصبحت حرب خطيرة جداً. ليه؟ امبارح الحرس الثوري الإيراني قال لك والله إحنا فرضنا السيادة الكاملة على مضيق هرمز وبنغرق أي ناقلة نفط بتحاول تعدي مضيق هرمز. على الجانب الآخر، قائد القيادة المركزية الأمريكية طلع قال لك والله إحنا أبَدنا الأسطول الإيراني ودمرنا 17 سفينة خاصة بالأسطول الإيراني، وما فيش سفينة واحدة متبقية عند أسطول إيران. في الوقت اللي إحنا فيه ده، إحنا مش عارفين الحرب ماشية إزاي ورايحة في أنهي اتجاه. وأسئلة كتيرة: هي الحرب دي أمريكا إمتى تعلن إنها انتصرت؟ ماشي. وامتى إيران تعلن إنها انتصرت؟ ماشي. ومين الأقرب للانتصار؟ عاوزين نجاوب على أهم سؤال: النهاية. الحقيقة دي إجابة جاوبت عليها فورين بوليسي، أقوى موقع تحليلي في العالم، عن طريق رئيس تحريرها رافي أجروال، اللي استضاف محاضر إيراني أمريكي اسمه فالي ناصر. خلاص. الحقيقة الأسئلة اللي اتسألت في اللقاء ده هي الأسئلة اللي كلنا بنتسألها. ماشي. بس الإجابات كانت مختلفة تماماً عن كل الإجابات اللي ممكن تيجي في بالك. كلام خطير وكلام مهم جداً حضرتك لازم تسمعه. في اللقاء اللي حصل ده والإجابات اللي اتقالت هتفرق معاك جداً. بس طبعاً عشان أقول لك الكلام ده كله وأكشفه لك، لازم أقول لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو...

كلنا بنسمع إن دبي والسعودية هم أرض الفرص، الأماكن اللي أنت ممكن تفتح فيها شركتك وانت بتحلم إن البزنس بتاعك هيتطور بسرعة ويجيلك كم من المبيعات غير طبيعية. بس للأسف، أي حد بيروح يفتح شركة في الإمارات والسعودية بيفاجأ إن في ورق كتير لازم يتخلص، وإن في ضرائب وإقامات وحاجات كتيرة ما بتبقاش عارف تخلصها إزاي وامتى. وهنا أنا عندي لك الحل: أبشر بزنس. لأن ببساطة، أبشر بزنس قررت إنها تفتح لك كل الأبواب المغلقة. وما تنساش إن أبشر بزنس عملت عروض مخصوصة لمشاهدي قناة سامري اللي عاوزين يفتحوا شركات واللي عندهم شركات عاوزين يفتحوا لها في دبي والسعودية. لو عينك على السوق الإماراتي، أبشر بزنس هتساعدك تدخل للسوق الإماراتي عن طريق تأسيس شركتك. ده شامل الإقامة، وفتح حساب بنكي، والتسجيل الضريبي. والأهم إن الرخصة هتكون في إيدك في خلال خمس أيام فقط. كل ده هم كمان مش هيسيبوك، هيفضلوا معاك ويكملوا متابعة معاك ويكونوا جنبك في أي إجراءات أنت محتاج تخلصها. أما بقى لو عينك على الوحش السعودي والقوة الشرائية المرعبة اللي هناك، فالموضوع بقى أسهل بكتير، أسهل مما ممكن تتخيل. دلوقتي تقدر تفتح وتدخل السوق اللي يعتبر من أكبر أسواق المنطقة حالياً وبشكل قانوني واحترافي بنسبة 100%. أبشر بزنس مش موجودين في الإمارات والسعودية فقط، موجودين في أكتر من 14 دولة. يعني من الآخر كده، أبشر بزنس هو حلقة الوصل الكبيرة. أبشر عاملة عرض ضخم خصم لحد 15% لكل متابعي قناة سامري. لو دخلت على اللينك اللي أسفل الفيديو ومليت بياناتك كلها، وما تنساش أول ما يكلموك تقول لهم "سامري بزنس فان". ده الكود اللي هتحصل بيه على الخصم الضخم جداً ده. هسيب لحضرتك اللينك بتاع أبشر بزنس أسفل الفيديو لو حابب تتواصل معاهم فوراً وتحصل على الخصم الضخم جداً اللي مش هتلاقيه غير في سامري تشانل.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك وأول مرة هتسمعه فيما يخص النهاية. إيه اللي حصل وإيه الإجابات والأسئلة اللي فيها إبداع في الفيديو ده؟ حقيقة، أول سؤال اتسأل من قبل رئيس تحرير فورين بوليسي اللي هو اسمه رافي أكروال. بيسأل السؤال بيقول لك: مين؟ إيه شخص عنده 86 سنة حكم إيران 36 سنة؟ أنت شايف الوفاة بتاعته عاملة إزاي؟ خلي بالك، هو بيسأل حد إيراني، فهو أضرب. الحقيقة الإجابة كانت قوية، لأن بصراحة الراجل كان بيقول اللي هو اسمه فالي: قال له خلي بالك، إحنا بنتكلم هنا على نهاية معروفة. خامنئي عنده 86 سنة والراجل كده كان هيموت، بس طريقة وفاته، قتل شخصية دينية وراجل هو كان بيحكم إيران، ده أمر مثير جداً. لأن الراجل ده اتقتل وسط كل القادة بتوعه وجيشه على أهبة الاستعداد، والحرس الثوري الإيراني كان أصلاً بيستنفر لحرب. وبرغم كده، المرشد اتقتل. فانت جعلت نهاية المرشد بدل ما تكون نهاية عادية، خليتها نهاية لبداية حرب قوية جداً وممكن تكون حرب عالمية.

"Well, I I think in some ways it was expected not just because in advance age but because it was part of both Israel and the United States war goals to take him out of the picture and even in June Israel had tried to kill him. It's it's a momento for Iran and for the Middle East. I mean this is a leader who was in charge of Iran for 36 years and also was the main focus of the strategy that Iran."

طيب، السؤال الثاني والسؤال اللي هو منطقي اللي بيسأله رافي أجروال بيقول له: والله إحنا هنا قدام إن إيران مش فنزويلا، وإن واضح جداً إن إيران عمالة تقوم. تفتكر حالياً مين خليفة خامنئي اللي بيقود إيران حالياً؟ الحقيقة الإجابة الرائعة كانت إن: خلي بالك، إحنا قدام إيران اللي أعدها المرشد الأعلى قبل ما يموت. وخلي بالك النظام الإيراني حصل له عدد من عمليات التطوير بشكل كبير. إزاي؟ إحنا بنتكلم إن المشهد الأعلى في إيران أعد الحرس الثوري الإيراني إنه يواجه أمريكا. دي الحرب اللي كان بيتم الإعداد ليها. بس خد بالك من أمر مهم جداً، إن الحرس الثوري الإيراني تم تطويره بعد إتيان إسماعيل هنية. ماشي. وبعد كده تم تطويره أكتر بعد اغتيال حسن نصر الله. وتم تطويره بشكل كبير جداً مع حرب الـ 12 يوم. إزاي اللامركزية ونظام الخلافة؟ أنا جيت قلت لحضرتك قبل الحرب دي ما تبدأ إن المرشد الأعلى في إيران عين أربع خلفاء لكل منصب، سواء عسكري، سواء مدني. أربع خلفاء لكل منصب. معنى كده إن النظام اللي عمله المرشد ده نظام مبني على النجاة. وحالياً اللي بيقود إيران هو الحرس الثوري الإيراني. بس مين القائد بتاعه؟ هو ده السؤال المهم. الحقيقة، فالي اللي هو بيجاوب قال لك: خلي بالك، عمرك ما هتقدر تعرف مين حالياً القائد. ليه؟ لأن ببساطة لو إيران أعلنت أو الحرس الثوري الإيراني أعلن مين القائد الفعلي للبلاد، هيبقى هدف مباشر لإسرائيل. وأنت ممكن تاخد أكبر دليل على كده حسن نصر الله. حسن نصر الله أول ما مات وحزب الله أعلن الخليفة بتاعه، بقى هدف أساسي لإسرائيل. وعشان إحنا بنتكلم إن أمريكا وإسرائيل عاوزين إن هم يقضوا ويسقطوا النظام، يبقى بطبيعة الحال حال أي حد هيتم تعيينه لازم يتصفى عشان النظام يسقط. لأن أمريكا وإسرائيل بيبحثوا عن نهاية النظام ده. فبطبيعة الحال الراجل بيقول: ما تصدقش أي حد يتم إعلان إنه بيقود النظام حالياً في إيران، أو حتى الرئيس الإيراني ومجلس القيادة والكلام ده كله والمجلس الرئاسي. ما تصدقش إن دول الشخصيات الحقيقية. لازم تعرف إن مسعود بشكيان قبل الحرب ما تبدأ كان فقط صلاحيته أصلاً. المرشد الأعلى في إيران أدى صلاحية إيران كلها لعلي الارجاني. بس حالياً ما تقدرش تعرف هل علي الارجاني هو اللي بيقود إيران ولا في قائد خفي. لأن ببساطة إسرائيل أعلنت إنها قتلت 40 قائد. وانت بتتكلم إن في أول ساعات الحرب تم ضرب القيادة المشتركة أو القيادة الإيرانية كلها في أول ساعات الحرب. فحالياً إيران ما زالت واقفة على رجليها وبتقاوم. في شخص بيقود إيران وفي قائد فعلي لإيران، بس ما تمش الإعلان عنه. وواضح جداً إن أمريكا وإسرائيل ما يعرفوش مين هو، لأن هو ما زال بيقوم.

"I think he created a system in which there are key leaders like his national security advisor Ali Larijani the speaker of the parliament the head of the judiciary commanders of the revolutionary guard and several layers below them as well as the operational side of the state which is under the presidency etc that that constitute what I would call a deep state in Iran of senior states bureaucrats military commanders and clerics."

هنا كان السؤال الثاني بيقول له: طيب دلوقتي دونالد ترامب دعا ثوار في إيران إن هم ينتفضوا وينزلوا الشوارع وينقلبوا على النظام، وهو هيبعت المساعدة في السكة. ليه دلوقتي برغم قتل المرشد الشعب الإيراني ما نزلش؟ الحقيقة إجابة السؤال ده برضه قوية جداً. بيقول له: خلي بالك، ما ينفعش أصلاً الناس تنزل والحرب شغالة. خلاص، إحنا بنتكلم على شعب، شعب غير مسلح، هينزل حالياً هيتقتل. هو شايف صواريخ بتضرب في الشارع، هينزل إزاي؟ هل تعتقد إن في ناس هيثوروا ويعملوا ثورة وفي صواريخ بتنزل على إيران والمناظر اللي أنت شايفها إن في قنابل بتترمي وقنابل مش عادية؟ بنتكلم على الـ GBU-31 من قبل إسرائيل. بنتكلم على قاذفات نوايا بتضرب إيران اللي هي الـ B-2 Spirit وبتلقي الـ GBU-57. مناظر انفجارات غير طبيعية. شعب مين اللي هيعمل ثورة دلوقتي؟ ما ينفعش. ثاني حاجة، خد بالك إن الحرس الثوري الإيراني والباسيج منتشرين في كل الشوارع. لأن ببساطة أمريكا مش بتعمل غزو بري، أمريكا بتعمل حملة جوية. فحالياً النظام الإيراني قوي جداً في الشارع، لأن هو قوته الأساسية اللي هو الجيش لم يتم استنزافها. ممكن تكون أنت قضيت على الدفاعات الجوية، ممكن تكون أنت ضربت جزء كبير من مخزونات الصواريخ. إنما كأفراد بشرية، أنت ما قضتش عليهم. ودول اللي ما زالوا موجودين في الشارع. فأي حد حتى لو نجا من الصواريخ حابب يعمل مظاهرة، لازم تعرف إن القوة الأمنية ما زالت منتشرة في الشوارع. ثالث حاجة، لازم تعرف إن حالياً ما فيش حزب أو قائد ممكن الشعب الإيراني يشوف إنه خليفة. يعني ما فيش حزب حالياً موحد المعارضة تمشي وراه أو هو يقود الناس يقول لهم انزلوا الشارع. مين؟ وما تعملش حسابك إن والله القيادة اللي بره دي هتقود الشارع ده. أي كلام. اللي هو ابن الشاه، اللي هو علي رضا. أوعى تعتقد إنه هيقود الشارع ويقول لهم انزلوا واتحركوا والكلام ده كله. هيسمعوا كلامه. ده كلام كان في الميديا، إنما على أرض الواقع وسط الحرب استحالة ده يحصل.

"But there are few things going against uprising right now. First of all is that despite the anger there is no political movement on the ground outside of the Islamic republic to actually organ and direct political sentiment and political anger in a in a sustained resilient way towards the goal. An exile leadership cannot provide that and doesn't have the ground game in order to manage it. Secondly, there is a very heavy presence of security forces particularly in the capital city to discourage demonstrations in the streets. And thirdly, that the Iranians are facing a war. In other words, they're worried about the fat of the country."

طيب السؤال الثاني، رافي أجروال بيسأل فالي بيقول له: طيب دلوقتي إيه أهداف البيت الأبيض؟ يعني خلاص خامنئي اتقتل، البيت الأبيض عاوز إيه من من الحرب دي؟ وإيه الهدف اللي تم تحقيقه؟ البيت الأبيض يعلن النصر. الحقيقة إجابات فالي كانت واضحة. قال له: خلي بالك من أمر مهم جداً، الرئيس الأمريكي نفسه حالياً هو متخبط في إعلان أسباب الحرب. يعني طلع قال لك والله أصل إحنا لازم نضرب إيران عشان إيران كانت على بعد أسابيع من امتلاك قنبلة نووية. واللي قال الكلمة دي هو مبعوث الإدارة الأمريكية ستيف ويتكوف. ماشي. فده إعلان الإدارة: ضربنا إيران إنهم كانوا هيمتلكوا نووي في خلال أسبوع. ثاني حاجة، قدام الكونجرس طلع الرئيس الأمريكي دونالد ترامب طلع قال لك والله إحنا هنضرب إيران عشان هم عندهم صواريخ تقدر إنها تطول أمريكا وتضرب أمريكا. آخر تعليق طلع من رئيس ترامب قال لك والله إحنا ضربنا إيران قبل ما يضربونا أو قبل ما يعملوا ضربة استباقية. فتبريرات المعركة لازم تعرف إنها هتاثر على إعلان النصر. لأن حالياً واضح جداً إن الرئيس الأمريكي كان الهدف الأساسي هو قتل المرشد. إنما ما بعد قتل المرشد ما فيش خطة واضحة. فما حدش يعرف إيه أهداف الإدارة الأمريكية الحالية. بس تقدر تستشف كده إن والله لو تم إخماد الصواريخ الإيرانية، ممكن، ممكن يبقى في إعلان جزئي لبداية إنهاء الحرب. لأن خلي بالك، إسرائيل ضربت التلفزيون الإيراني. ماشي. ما يعني إن في تعتيم على البيانات الإعلامية اللي تطلع من إيران. وثاني حاجة، أمريكا بتعلن إن والله في نجاحات في إخماد الدفاعات الجوية الإيرانية، وابتدينا نشوف يعني طيارات بتطير فوق إيران وما بيتمش اعتراضها. ماشي. فلو تم إخماد صواريخ إيران، لازم تعرف إن هيبقى في حرية في إعلان نصر بدون ما يكون في بيانات من إيران مضادة. بس إزاي تضرب الصواريخ دي؟ فده ممكن يكون هدف منطقي. إنما هدف ترامب الأساسي واللي جوه البيت الأبيض يعلن النصر إمتى؟ ده ممكن ما يكونش معروف بالضبط.

"Iran's largely in cease and be back in the same box that they wore and that gradually I think puts the president in a pickle because not caught in a war where it's expanding it's becoming more costly in terms of energy prices what's happening to the expand even further in terms of usualties and damage to us."

وهنا إضافة مهمة جداً قال له: خلي بالك بقى من نقطة غاية في الأهمية عاوز أضيفها. إيه هي؟ قال له: خلي بالك، إعلان النصر مش راجع لأمريكا. عشان بس تبقى فاهم، واضح جداً الحرب دي أصبحت بين إسرائيل وإيران. ليه؟ قال له: الاثنين أصبح عندهم رغبة في الانتقام للنهاية ومش عاوزين يخلصوا الحرب دي. واضح جداً هم مش هيخلصوا الحرب. إشمعنى؟ قال لك: لو أخدت بالك من إسرائيل، إسرائيل مش هينفع تخلص الحرب بدون إسقاط النظام. لأن لو خدت بالك من الداخل الأمريكي، ابتدوا يوجهوا اللوم لإسرائيل وابتدوا إن هم يدعوا إن والله في حاجة اسمها إسرائيل أولاً عوضاً عن أمريكا أولاً. ماشي. فحالياً الصهاينة عارفين كويس جداً إن مش هينفع يشنوا حرب بقرب أخرى ضد إيران. ثاني حاجة، الخسائر اللي بتضرب فيها إسرائيل، لازم إسرائيل تدي بيانات قصاد شعبها إن هي حققت نجاحات ضد إيران. وحالياً طول ما الصواريخ بتنزل على إسرائيل، صعب جداً إن إسرائيل تدعي النصر. فإسرائيل مكملة للنهاية. وده هيجبر أمريكا إنها تتجر في الحرب مع إسرائيل لحد ما إسرائيل ترضى. أو إن والله إسرائيل تعلن النصر. ممكن يكون يشفي غليل الصهاينة قصاد الخسائر اللي بتلحق بيهم حالياً.

"would say I would just cavy what you said is that it's up to Iran and Israel because I think Israel would like this war to go on longer until it's achieved its war goals which in in Israel's case is much clearer. In other words, Israel wants to topple the Islamic republic or at least degrade it to a point that is no longer a real regional actor and also degrade and other capabilities."

أما إيران، إيران هتكمل النهاية ليه؟ لأن أنت قتلت بمرشد، وقتل بمرشد ده بيخلي إيران أقرب للنصر. كل ما تضرب الدول الخليجية وكل ما تضرب مصافي النفط والغاز وتقفل مضيق هرمز، الخسائر اللي قصاد إيران اللي بتحققها في الدول الخارجية أصبحت بتضغط على الرئيس الأمريكي أكتر من الخسائر في إسرائيل. إشمعنى؟ لأن أنت بتتكلم على مصالح أمريكية اقتصادية ضخمة جداً. قفل مضيق هرمز ده بيسمع في الإدارة الأمريكية على طول. الإعلام الأمريكي مش محتاج يغطي. المواطن الأمريكي أول ما يسمع إن مضيق هرمز اللي بيمر منه 20% من صادرات النفط و20% من صادرات الغاز العالمي ويشوف إن أسعار الطاقة بتزيد عنده، لا، أنت هنا بتتكلم إن دي حاجة البيت الأبيض ما يعرفش يغطي عليها. ثاني حاجة، لما تضرب مصافي النفط والغاز الخليجية، واضحة جداً إن أنت بتسبب آلام ضخمة. فكل ما بيتم ضرب الأصول دي كلها، الإيرانيين مستعدين إن هم يخاطروا لحد النهاية، لأن هم متأكدين إن هم أقرب للنصر. خص. ثاني حاجة، تتكلم إن أنت قتلت رمز ديني، فاصبح الإيرانيين دلوقتي مش بياخدوا حرب عادية، دول بيجاهدوا. والجهاد يشير إن الحرب دي هتستمر لحد آخر راجل في الحرس الثوري الإيراني. لأن هم ما عندهمش ما يخسروه. هم بيجاهدوا جهاد حرب دينية، مش حرب إن هم يحتفظوا بالسلطة. وخد بالك أصلاً النظام الإيراني لو خدت بالك من سلوكه، لازم تعرف إن النظام الإيراني ما فاوضش وفقاً لمصالح شعبه. ماشي. يعني هو ما كانش بيفاوض والله لأن عنده أزمات اقتصادية والشعب بيعاني. لا، النظام الإيراني كان بيفاوض الأمريكان طوال الفترة الماضية لإبقاء النظام. ماشي. فـ أي كان الشعب الإيراني هيتعرض لإيه والخسائر اللي موجودة، أنت قدام نظام حالياً بياخد جهاد ضد النظام الأمريكي والإسرائيلي. فالراجل اللي عاوز يقوله لك أخيراً، إن صعب جداً إعلان نصر حالياً في غياب أهداف الإدارة الأمريكية وفي وجود إسرائيل وإيران، الثلاث لاعبين اللي ممكن يكملوا الحرب للنهاية. رافي أجروال كان بيسأل سؤال مهم بيقول له: خلي بالك، أنا ابتديت ألاحظ إن إيران عمالة تصعد، وده أمر كان غريب جداً. أنا عمري ما كنت أتخيل إن إيران تواجه بالكم ده من النيران ويبقى عندها قدرة التصعيد. الحقيقة، فالي رد عليه وقال له: آه، يعني لو خدت بالك دلوقتي، إيران اتضربت ضربات قوية جداً، بس حالياً عندها أهداف واضحة في التصعيد. أول حاجة، هي أهم هدف بالنسبة لها استنزاف صواريخ الدفاع الجوي بالنسبة لإسرائيل وبالنسبة للخليج. ده أهم هدف بالنسبة للنظام الإيراني. يعني لو كان أمريكا وإسرائيل ضربوا وكان أهم هدف بالنسبة لهم إخماد الدفاعات الجوية الإيرانية، دلوقتي إيران بتعمل المثل بالنسبة للدول الخليجية وبالنسبة لإسرائيل. تستنزف الدفاعات الجوية الخليجية والإسرائيلية.

"هذه هي العملية كما ترون تجري بشكل رائع جداً ليست لديهم أي بحرية تخلصنا منها ولا قوات جوية ولا الدفاع الجوي راداراتهم كلها تم التخلص منها وتخلصنا تقريبا من كل شيء سنرى ايضا ما سيجري نحن نقوم بعمل جيد جدا لدينا جيش جبار."

ماشي. فالراجل بيقول لك لو خدت بالك إن ضربات إيران، سواء الصاروخية أو بمسيرات، مش كلها دقيقة. الدقة دلوقتي مش إيران بتدور عليها. لو أخدت بالك هتلاقي مسيرات بترشق في أبراج سكنية، هتلاقي مسيرات بتضرب ممكن ما تكونش دقيقة. امبارح مثلاً حاولوا إن هم يضربوا القنصلية الأمريكية في دبي، المسيرة ما وصلتش، القنصلية اتضربت بعيد عنها. الدقة مش ده اللي بتدور عليه إيران. إيران أهم حاجة بالنسبة لها استهلاك الدفاعات الجوية. بيطلعوا المسيرات عشان الدفاعات الجوية تتصدى ليها. ولو مشيت مع فيديو بتاع امبارح اللي أنا قلت فيه لحضرتك: خلي بالك، المسيرات أو الصواريخ، الخليج بيرد عليها بصواريخ باتريوت. الخليج ما عندوش دفاعات جوية رشاشات والكلام ده كله. لا، عنده أحدث وأغلى الدفاعات الجوية موجودة في العالم. فلو في مسيرة، لازم تعرف إن صاروخ باتريوت هيطلع يضربها. فما يعني إن أهم هدف دلوقتي بالنسبة لإيران فتح ثغرات واستهلاك واستنزاف الدفاعات الجوية. وبعد كده المرحلة الثانية هيلجأوا للصواريخ الدقيقة لضرب ضرب أصول أغلى من اللي أنت شايفها دي كلها. كل الأصول اللي أنت شايفها دي مش هي الهدف الأساسي، هو الموجه الثانية أو الهدف الثاني هي الصواريخ الأدق اللي هتبحث عنها إيران لضرب أهداف أغلى بكثير، سواء في الخليج، سواء في إسرائيل. وبالمناسبة، إيران عارفة كويس جداً إن الإعلام والعالم كله فاهم الاستراتيجية دي. فده نوع من أنواع الضغط الإعلامي. القصة كلها دلوقتي قصة صمود وقصة بقاء، سواء للإيرانيين أو للخليج والعرب. ماشي. الخليج والعرب عارفين كويس جداً لو دفاعاتهم الجوية اتفتحت هيبقى عندهم ما يخسروه أكتر بكتير جداً. فده أمر خطير بالنسبة له.

"في ترسانة دول مجلس التعاون الخليجي منظومات دفاعية متعددة الطبقات لكل منها غرضه ومزاياه في الطبقة العليا تأتي منظومة الساد الأمريكية التي توصف بأنها صائده الصواريخ البالستيه ويمكنها اعتراض الأهداف داخل الغلاف الجوي وخارجه."

وعشان كده لازم تعرف إن إيران مش هتقعد تضرب الخليج وإسرائيل لوحدها. دي هتدخل دخل معاها الميليشيات. هتدخل حزب الله. وده اللي حصل. حزب الله ابتدى يضرب إسرائيل. هتدخل الميليشيات الشيعية من العراق تقعد تضرب إسرائيل وتقعد تضرب السعودية. بالمناسبة، السعودية ابتدت تقول إنها تعرضت لهجمات من الميليشيات الشيعية في العراق وهتبتدي تدخل الحوثيين.

"صواريخ عربية تؤكد أن عددا من الهجمات الإيرانية على السعودية أتت من العراق والمملكة تتابع الوضع."

حلو جداً. طيب هنا رافي أجروال بيقول له: طيب أنت شايف إن أقوى ميليشيا من دول إيه؟ يعني اللي أنت شايفه ده أقوى ميليشيا إيه؟ الحقيقة الكاتب هنا بيرد بيقول لك: خلي بالك، أقوى ميليشيا هو شايفها هي الحوثيين. ماشي. ليه؟ لأنهم الحوثيين لحد دلوقتي ما دخلوش الحرب ولا قفلوا باب المندب. وده أمر يدعوك إن أنت تقلق. لأن الحوثيين ما زالوا إن هم بيحتفظوا بقدراتهم وشايلينها لحد دلوقتي. ومن الواقع والمفهوم يعني إن الحوثيين مستنيين الخليج يعلن الحرب وساعتها هيضربوا. وخد بالك إن الفترة اللي فاتت دي كان حزب الله تم استهلاكه واستنزافه بشكل كبير قوي من قبل ضربات استخباراتية إسرائيلية. والدور الموجود لحزب الله حالياً هو تشتيت الدفاعات الجوية الإسرائيلية. إن هو يعمل سترتشينج أو يمط الدفاعات الجوية يخلي إسرائيل مش بتحارب في جبهة واحدة اللي هي إيران، يخليها بتحارب في لبنان وإيران. وكل الدفاعات الجوية الإسرائيلية لن تصمد قصاد صواريخ طالعة من هنا وطالعة من هنا. ماشي. فدور حزب الله هو تشتيت الدفاعات الجوية. إنما دور الحوثيين مش تشتيت الدفاعات الجوية. دور الحوثيين ضرب أصول خارجية ضخمة جداً. وخلي بالك إن الحوثيين كان عندهم خبرة طوال حرب الـ 12 يوم إن هم إزاي يضربوا إسرائيل وإزاي إن هم يستهدفوا أصول في إسرائيل. فهم الناس دي أكتر خبرة من حزب الله. وفي نفس الوقت عندهم أصول لسه ما تمش استهلاكها خالص، سواء بقى في الحرب اللي فاتت أو في الحرب دي ما اشتغلوش. فطول ما هم محتفظين بقوتهم هم أخطر ميليشيا عند إيران.

طيب هنا رافي أجروال بيقول له: طيب أنا قدرت أفهم كده إن واضح إن في ثلاثة لاعبين حالياً في الحرب، هم دول اللي يقودوا الحرب: أمريكا، إسرائيل، إيران. تفتكر مين أضعف واحد ومين أقوى واحد؟ الحقيقة الكاتب بيرد بيقول لك: هتتفاجأ من الرد إن أضعف جهة في الثلاثة دول هي أمريكا. ليه؟ لأن أمريكا عندها ضغوط سياسية مش موجودة في إسرائيل ومش موجودة في إيران. والأصول السياسية دي ممكن تحد من قدرة أمريكا الهجومية. إيه الضغوط السياسية؟ الكونجرس. الحزب الديمقراطي أصبح خطر على الحرب. خلي بالك، إحنا بنتكلم إن الكونجرس ممكن يصوت على الحرب دي. وبالمناسبة، ممكن يعقد جلسة للتصويت. وحتى لو الأغلبية في البرلمان من الحزب الجمهوري قدرت إنها تمرر قرار الحرب وإن الحرب تستمر، أوعى تفتكر إن دي جلسة واحدة. ده هيكون في عدد من الجلسات. وممكن جلسة فيهم نواب من الحزب الجمهوري نفسهم ينشقوا عن أغلبية في البرلمان ويصوتوا ضد الحرب. طب ده ممكن يحصل إمتى؟ والله لو في قتلى من الجنود الأمريكان، لو في خسائر عظيمة جداً، لو أسعار النفط ارتفعت بشكل كبير، أو إحنا ابتدينا نشوف فوضى عظيمة جداً. ساعتها ممكن نواب جمهوريين تابعين للحزب الجمهوري ينقلبوا على الأغلبية ويقول لك: لا، الحرب دي تقف. أياً كانت الخسائر، الحرب تقف. فقال لك إن الأضرار على الاقتصاد الأمريكي هتكون أقوى بكتير من خسائر إسرائيل وخسائر إيران. طيب مين القوي في الموضوع؟ الحقيقة لحد دلوقتي ما تقدرش تعرف مين القوي. لأن البيانات اللي طالعة إن طبعاً أمريكا بتواجه ضربات قاصمة لإيران، بس قوة بتاعة إيران، مدى التحمل، وعمرك ما هتعرف مدى تحمل إيران طول ما الصواريخ طالعة من إيران. ما تقدرش تقول إن إيران تصمد للنهاية. أنت ما تعرفش مخزونها اتضرب قد إيه، ما تعرفش إيه اللي بقى في مخزونها. مين اللي بيقود؟ خسائر إيران غير معلومة. فلحد دلوقتي في الأطراف الثلاثة ما فيش قوي. في ناس بتضرب بس، لأن دي أول أيام الحرب.

طيب هنا رافي أجروال قال له: طيب أدام أنت شايف أمريكا ضعيفة كده قوي، يعني تفتكر إن أمريكا هتخرج من الحرب يعني قريباً؟ الحقيقة الكاتب بيقول: لا والله، مين قال لك كده؟ في الأول والآخر، إحنا بنتكلم على أمريكا مدركة تماماً إنها لو أنهت الحرب بسرعة كبيرة جداً، يعني هتحاسب على فاتورة صعبة. سواء الحزب الجمهوري أو الديمقراطي، بالمناسبة، هيحاسبوه على فاتورة صعبة جداً. أنت يعني أكلت كيان اسمه إيران، هيبقى قوة عظمى وهيبقى يهدد الدول الخليجية وهيسيطر بشكل أو بآخر على الشرق الأوسط. وثاني، إسرائيل واللوبي الصهيوني مش هيسمحوا بحاجة زي كده. فالحرب هتستمر الفترة. والأمريكان حتى لو في مناوشات سياسية، إنما مش هينهوها في الفترة اللي أنت متخيلها. يعني بكرة مثلاً يقول لك: اسحب الجيش الأمريكي. في عقل في أمريكا، حتى لو في خلافات سياسية، في عقل. فهيستمر، يستمر الفترة. هي القصة كلها إلى أي مدى يستمر.

طيب قال له: طب أنا شايف دلوقتي الدول الخليجية يعني موقفها صعب جداً. أنت إيه رأيك في موقف الدول الخليجية؟ قال له: والله الدول الخليجية بتواجه دايلاما يعني معضلة كبيرة. قال لك: خلي بالك المعضلة هنا في إيه؟ إن لو أمريكا أعلنت النصر، لازم تعرف إن الحرب بين الدول الخليجية وإيران لن تنتهي. شوف قد إيه. حتى لو أمريكا أعلنت النصر وقضت على النظام الإيراني وأسقطت النظام الإيراني، الحرب لو الدول الخليجية أعلنوها على إيران هتستمر. الحرب بين أمريكا والدول الخليجية لعقود ولن تنتهي. لأن العداء هنا الإيرانيين هيشوفوا إن ده عداء للنهاية. وهيشوفوا إن مش أمريكا هي اللي أسقطت النظام، ده العرب. وهيركزوا على دور العرب. ليه؟ لأن ده خلاف ديني، ده مش خلاف عسكري. خلاص. فالخليج بيخاطر بحرب دينية تشتعل في الشرق الأوسط.

طيب رافي أجروال سأله سؤال مهم جداً قال له: طب أنا مستغرب من حاجة. وزير الخارجية العماني كان عمال يطلع بتصريحات بعد جلسات المفاوضات بين أمريكا وإيران، وكان واضح جداً إن هو يعني راجل يعني بيقول إن المفاوضات ما تنتهيش كده، وإن يعني بيطلب من أمريكا إنها ما تنهيش المفاوضات، وإن إيران قدمت تنازلات والكلام ده كله. أنت إيه رأيك في وزير الخارجية العماني؟ يعني كان تصرفاته غريبة جداً. الحقيقة الكاتب بيقول إن: خلي بالك، الظاهر كده إن وزير خارجية عمان كان عقل قلب كتير من دونالد ترامب. والراجل كان شايف كم الخسائر المهول اللي هتروح للحرب دي. والظاهر كده كان عنده رؤية أبعد من رؤية دونالد ترامب.

طيب رافي أجروال قال له: طب وأنت شايف ليه دونالد ترامب تسرع في الشكل ده؟ يعني ليه، ليه دخل الحرب بالسرعة دي؟ قالوا: والله لكذا سبب. أولاً، أنت بتتكلم على الجائزة كبيرة جداً. رأس مرشد، حاجة ما فيش ولا رئيس في أمريكا حب إن هو يعملها. ثاني حاجة، أنت بتتكلم ضغط الحلفاء في المنطقة. تتكلم إسرائيل ضغطت بشكل كبير جداً على دونالد ترامب: لازم تضرب إيران، لازم تضرب إيران. ثالث حاجة، دونالد ترامب كان فاكر إن هو لما يقتل المرشد هيفوز بالانتخابات. فدي مش مجرد جائزة سياسية، لا، ده أنت هنا بتتكلم على جائزة انتخابية كمان. لأن هو كان شايف إن لو تم قتل مرشد وإيران حصل فيها فوضى وحد تاني جه يمسك الحكم، دونالد ترامب هيخلي الحزب الجمهوري يفوز بالانتخابات التجديد النصفي في البرلمان. ده ما حصلش. وبالمناسبة، إحنا رايحين إن دونالد ترامب هيخسر انتخابات التجديد النصفي اللي أصلاً رئيس البرلمان في الكونجرس قال لك والله إن والله لو خسرنا الأغلبية والحزب الجمهوري خسر الأغلبية في مجلس النواب، حكم ترامب اعتبر إن هو انتهى. مش هيعرف يتحرك. هيبقى الأغلبية لصالح الحزب الديمقراطي اللي هيسيطر على قرارات الرئيس ويقعد ينكفه ويعرضوا في كل قرار يصدره. خلاص. وترامب ما بيحبش كده. في الآخر، يا رب أكون شرحت لحضرتك الموضوع بشكل مبسط. ويا رب أكون جاوبتك على كل الأسئلة اللي في بالك. الحرب دي لن تنتهي قريباً. لأن ببساطة، إيران لن تسقط قريباً. صعب جداً إن يتم استنفاذ أو استنزاف صواريخ إيران. من الواضح. ثاني حاجة، الخليج وإسرائيل لن يتراجعوا. أمريكا نفسها حتى لو عندها خلافات سياسية هتستمر الفترة في الحرب دي. فانت قدام فترة زي ما قالها دونالد ترامب: هنمشي على كلام دونالد ترامب، هي خمس أسابيع. يعني شهر وأسبوع من دلوقتي. وده زمن أو وقت جداً بالنسبة لحرب. أول أربعة أيام فيها كانت خسائر مهولة بالنسبة للعالم. النفط وصل 84 دولار. بتتكلم إن الذهب 5400. كل دي أرقام في الأول. إحنا كده في أول أربعة أيام ها. بتتكلم إن مضيق هرمز اتقفل. إغراق ناقلات نفط. بتتكلم إن الحرب ممكن تقلب عالمية. الناتو ينضم للحرب. قرارات كارثية. ماشي. خمس أسابيع في ظل أربعة أيام حصل فيها ده كله. إحنا بنتكلم على حرب ضخمة جداً لم يسبق التاريخ نشفها في منطقة كانت حساسة. وكل رئيس في أمريكا حاول يتجنب الحرب دي. يا رب أكون شرحت لحضرتك موضوع بشكل مبسط. ويا رب نصر رب العرب. ويا رب ينسوا الفلسطين. يا رب تحيا مصر. سلام.

>> أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

وكرم بيضرب بيه المثل. جدعنة وشهامة مش موجودة في زمننا. ورحمة بتطلع من عينينا قبل قلبنا.

إحنا بسمة بتفتح ألف باب. أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.

يا محروسة بسيف شاطر وسيف حارس عليكِ يا مين. ومن فوق السماء السابع حاميكِ رب العالمين.

M.