"خطة هروب ترامب لإنهاء حرب إيران: بين العمليات النوعية لقوات 'دلتا'، السيطرة على النفط،

قوات دلتا الامريكيه بتستعد لتقفيل حرب ايران. قوات دلتا دي متخصصه في العمليات النوعيه زي بالضبط كده اللي حصل مع رئيس فنزويلا. ترامب عايز يستخدمهم في حرب ايران عشان يقفل المشهد ويطلع بمشهد يقول انا انتصرت.

الكلام عن اكتر من حاجه عن موضوع اليورانيوم وكمان الجزيره. الجزيره الاهم لارا اللي بيدخل لها الدخل الضخم من البترول بيفكر ان هو يستولي عليها. هو غاوي جزر على فكره. يعني فانت هنا بتتكلم عن عمليات بريه. طب العمليات البريه دي بدات؟ اه هو بالفعل جاب قوات وقعدهم داخل منطقه في امريكا في وضع الاستعداد. لغى تدريبات واستعدوا للتحرك علشان اقفل حرب ايران.

امبارح ترامب بيتكلم م صدم العالم كله وجنن الاسواق وسعر البترول نزل وقعد يلعب باقتصاد العالم في كلامه. تخيل راجل بيتكلم يغير اقتصاد العالم كله. طب هو عمل ايه امبارح وايه اللعب اللي عمله وازاي نزل سعر البترول بالشكل ده؟ امبارح انا بتكلم عن امبارح خلي بالك.

اول جمله قالها صدم بيها اسعار البترول ان الحرب هتخلص قريب. طب ده معناه ايه؟ ان ايران هتوقف ضرب. خلي بالك ايران قالت ايه؟ ان احنا عندنا شرط واحد الضرب يقف. وده قلته لك من قبل الحرب لو ترامب وقف الحرب ايران هتوقف في نفس اللحظه. لا هتوقف قبليه. فاكرين كلامي؟ لان ترامب دخل الحرب دي عشان عارف حاجه واحده بس انه يقدر يبداها ويقدر ينهيها زي حرب ال 12 يوم.

وركز معايا بقى عشان الكلام اللي جاي ثقيل قوي. النهارده يا جماعه هنتكلم عن كلام ترامب الخطير جدا وهنتكلم عن موعد نهاية الحرب وهنتكلم عن التاثيرات الاقتصاديه. منها مصر النهارده زاد اسعار البنزين في مصر 3 جنيه. وطبعا الشعب اصلا مش مستحمل انا عارف ده كويس. بس ما تقلقش. كمان النهارده هنتكلم عن التحركات البريه اللي هتحصل في الفتره اللي جايه وايه خساير ايران وازاي ان الشعب الايراني ده شعب صلب جدا. انا بتكلم على الشعب وان الشعب ده عنده قدرات مختلفة عن شعوب ثانيه خالص. النهارده هنتكلم عن اسرار. هنتكلم كمان عن حاجات ليها علاقه بالتاريخ وهنتكلم على اهم حاجه اللي هيحصل بكره اللي هنشوفه في المستقبل القريب.

في البدايه بطلب منك انك تشارك الحلقه تعمل اعجاب ولو انت جديد اشترك عندي مش هتندم ويلا نبدا على طول.

نبدا من كلمة ترامب اللي قال لك خلي بالك الحرب هتخلص قريب. اه مش الاسبوع ده بس قريب. كمان قال لك القوات الامريكيه والقوات الاسرائيليه قدروا يضربوا اكتر من 80% من صواريخ ايران وكمان الطيارات المسيره. وقال لك ان ضربات ايران بقت اقل. خلي بالك ده كلام ترامب. وقال لك ان ايران فقدت معظم قواتها البحريه والجويه.

بس اخطر حاجة قالها ترامب ان هو بيفكر ان امريكا تسيطر على مضيق هرمز. طب هتسيطر عليه ازاي؟ الكلام ده كلام جنون يا مع. يعني انا بشوفه مستحيل. ليه؟ انت عشان تسيطر على مضيق هرمز لازم تحتل الجزء الايراني مش كده وبس. طب ما انت ممكن تحتله وطول اليوم ايران تضرب عليك صواريخ. ازاي هتحتله وتحميه؟ حمايته تقريبا مستحيلة. ففكرة ان هو يسيطر على مضيق هرمز دي فكرة خارج المنطق بالنسبة لي.

طب ليه بقى اسعار البترول رخصت؟ لان هو اتكلم عن حرب قصيرة واتكلم عن حاجة اخطر وهي رفع العقوبات الجزئية عن روسيا. وروسيا منتج بترول وغاز رقم واحد. لو فتح هيهدي السوق 100%. لان اساسا الاسواق حاليا الطلب فيها مش كبير قوي. دنيا يعني في العالم مش شغالة قوي عشان كده الوضع ممكن يتحسن. ودي اللعبة بتاعة ترامب اللي هو بيرضي بيها الداخل. داخل الامريكي. الداخل الامريكي حسب الولايات ما زادش قوي.

اسعار البنزين في ناس تقول لك اصل اسعار البنزين زادت في امريكا. طبعا بيقول لك كده من غير ما يقول لك الارقام. الزيادة ما بين 40 و 50 و 60 وحتى 70 سنت في الجالون. الجالون ده يا جماعة قريب من 4 لتر. يعني في النهاية بالنسبة لهم كده اللتر زاد حوالي 10 قروش بالنسبة لنا في مصر. فالزيادة بسيطة حتى هذه اللحظة ممكن تزيد بعد كده. فهو قادر حتى هذه اللحظة يسيطر على الداخل الامريكي.

خلي بالك كلام ترامب ده ليه بعد سياسي خطير جدا. طب انت قضيت على 80% من الصواريخ. طب انت مكمل ليه في الحرب؟ وكمان قضيت على معظم البحرية والقوات الجوية وماشي. احنا شفنا الكلام ده مع بعض. يعني هل انت عايز تقضي على برنامج الصواريخ بالكامل؟ ده صعب جدا. بس انت لسه بتدي وقت. ده غير ان وزير الحرب قال اول امبارح احنا لسه هنستخدم القنابل الثقيلة. هل انت عايز تدمر البنية التحتية؟ هل الهدف ان صعب جدا انك تسقط نظام من الجو؟ فانت عايز تدمر الدولة الايرانية علشان تلبس النظام للشعب الايراني يقعد مشغول معاه على الاقل 10 سنين بيحاول بس يخليه عايش. ده الهدف. لانك انت بتقول ايه؟ اهم حاجة بالنسبة لي ان ما يكونش في تهديد من ايران على جيرانها ومنطقة الشرق الاوسط. يعني ما يقدرش يعملوا ازرع تاني. ما يقدرش يعملوا برنامج صواريخ ضخم تاني. ما يقدرش يعملوا نو تاني. فانت لازم تخلي الوضع الاقتصادي في ايران صعب جدا لدرجة ان هم على الاقل ينشغلوا 10 سنين. هل ده هو الهدف الحقيقي؟ اكيد في اكتر من سيناريو لإنهاء الحرب. بس انا هقول لك السيناريو اللي يعني ليه حظوظ كبيرة جدا الايام اللي جاية.

ويمكن امبارح شفت الكلام ده هيبقى في ضربات امريكية واسرائيلية مكثفة جدا على ايران وممكن جنب الضربات دي عمليات اختيال جديدة. بس الضربات مش هتكون عادية. هتشوف انت الوان جديدة قنابل بتضرب شكلها غريب مطلعة نور غريب. هتشوف حاجات غريبة جدا في الايام اللي جاية وتبدأ تعمل صدمات غير عادية للدولة الايرانية. بعد كده عملية نوعية خطيرة جدا لقوات دلتا. هكلمك عنها كمان شوية. العملية دي تقدر بتعمل بيها انجاز على الارض تطلع بعد كده تعلن الانتصار وانهاء الحرب. ده فكر ترامب.

في الجانب الآخر ايران برضه مش هتسكت. ايران في المقابل هتطلع صواريخها الثقيلة اللي بتتكلم ان الراس بتاعها طن وتبدأ تضرب اسرائيل ضربات ثقيلة. والاخطر ان هي كمان تبدأ تزود ضرباتها خطيرة على الخليج. في مقابل ان هي هتواجه ضربات غير مسبوقة في التاريخ. مش لايران عشان كده بقول لك ان الشعب الايراني ده شعب صلب. وانا هنا بتكلم على الشعب مش الادارة. انا بعرف ايرانيين و اصدقاء منهم. الناس دي يا جماعة ناس ليهم جدر زي الشعب المصري.

طب ليه ترامب قال ان الحرب هتخلص بدري؟ اولا عشان في ضغط على الاقتصاد العالمي والاقتصاد الامريكي. كلنا عارفين ان البترول رول بيعمل ازمة في العالم كله تضخم. انت في مصر النهارده كل حاجة زادت. مش بس على فكرة البنزين والجاز 3 جنيه والكلام ده لا الحديد وكل الدولار كل حاجة زادت. فاذا بيؤدي لرجوع التضخم. ده كمان بيحصل في امريكا. اه لحد دلوقتي الموضوع لسه ما زادش قوي بس زاد سنة. ولو جت سنة تانية الشعب هيبدأ يتزمر. فهو ما عندوش الوقت. وهو لعب لعبة ذكية رمى كلمة للسوق العالمي علشان يهدي اسعار البترول اللي وصلت ل 110 ونزلت تحت ال 90. فهو هداها هدة حلوة.

في نفس الوقت ترامب عايز يلعب لعبة مزدوجة. هو عايز يخلص الحرب الروسية ويضغط على اوكرانيا. فهو لما يشيل العقوبات عن روسيا ده ضغط غير عادي على اوكرانيا. اوكرانيا واوروبا هيضطروا يوافقوا على خطة ترامب وتنتهي الحرب الاوكرانية. وطبعا الكلمة الغريبة اللي لازم تفهمها ترامب مش رجل حروب. هو رجل عايز الحاجات السريعة باقل تكلفة بدون خسائر كبيرة في اعداد الجنود. فهو مش جورج بوش اللي هينزل بقى قوات برية ضخمة. على فكرة علشان يدخل قوات برية داخل ايران الوضع مختلف تماما على اللي حصل مع العراق او حتى افغانستان. على الاقل محتاج نص مليون جندي والخسائر هتبقى غير عادية. فموضوع البر ده انساه. لكن انا بكلمك عن حاجة تانية عملية نوعية لقوات دلتا دي قصة تانية خالص.

خلي بالك كمان ترامب كلم بوتين وبوتين اداله عرض لإنهاء الحرب. وبوتين هو اكبر مستفيد من الحرب ديه وبالاخص فكرة رفع العقوبات عن بوتين دي هتخليه في حتة تانية خالص.

صحيفة لوفيجارو قالت لك كلام مهم جدا بتقول لك ان ترامب عمل حاجات غريبة جدا ما حصلتش خالص في سياسات امريكا من ايام كولوم باول. قال لك عادة امريكا لما بتعمل حرب لازم الاول تهيا الارض تعمل تحالف دولي ضخم تجيب بقى الاوروبيين والانجليز وحتى ممكن تجيب العرب ونعمل تحالف يا جماعة ضد ايران اللي عايزة تدمر المنطقة. هو ما عملش كده خالص. قال لك خالف كل العرف الامريكي.

خلي بالك كمان حتى اسرائيل بدأت تقول لا انا مش هحارب لغاية لما اسقط النظام. القصة دي مش حقيقية. ما فيش اسقاط نظام غير بانزال في الارض. لازم يكون في جنود في الارض. ففي مسؤول كبير قال لواشنطن بوست لا الهدف مش لازم اسقاط النظام. احنا عندنا اهداف وبنحققها.

طيب الهدف ايه يا جماعة؟ الهدف هو اضعاف الدولة وتخلي النظام يواجه الشعب بعد اضعاف الدولة وبعد ما الحرب تخلص. ولو ترامب ده كلامه اتحقق انه خد جزيرة وكمان فكرة مضيق هرمز ده مش داخلة دماغي خالص. لكن تخيل اتحقق صعب يتحقق. خلينا في الجزيرة. ده معناه ايه؟ ان الضغط هيكون بعقوبات غير عادية وضغط اقتصادي غير عادي. واصلا الخسائر الموجودة على الارض لايران ضخمة جدا. حد هيقول لي اسرائيل عندها خسائر ضخمة جدا. صح. بس اسرائيل دولة صغيرة سهل جدا تعوض خسارتها. ما عندهاش عقوبات عندها اللي يعوضها ويبنيها في خلال سنة. ايران العكس. عشان كده انا مركز على ايران وافهموا كلامي كويس قوي.

ومن هنا بقى نروح لهدف تاني ممكن يعمله ترامب قبل ما يسيب الحرب. هو اختيال المرشد الابن. كان عندنا المرشد الاب تم اختياله. تايمز اوف اسرائيل بتقول لك ان ترامب منفتح مع اسرائيل على عملية اختيال جديدة. هو عايز يعمل دوشة كبيرة قبل ما يمشي. اختيال عملية انزال عمليات ضخمة انك تهد الفترة اللي جاية اكتر. ففي النهاية انا يا جماعة انتصرت وكل سنة وانتم طيبين. سلام عليكم.

ترامب طلع قال اردوغان انت بتتكلم كتير عمال تقول ايران بتضربني انا ارد. ورينا صواريخك. وطبعا اردوغان مش اهبل عشان يدبس نفسه مع ايران وبعد كده امريكا تمشي ويبقى هو عنده حرب مع ايران. عمر ما اردوغان هيرد على ايران ولا الخليج المفروض يرد على ايران. لان في النهاية الخسائر زي ما قلت لك اكبر بكتير من مكاسب.

خلي بالك بقى ترامب في المؤتمر الصحفي بتاعه ده قال لك ايه؟ على فكرة يا جماعة انا مش محتاج بترول. انا عندي بترول يقضيني وبصدر بترول والمشكلة مش عندي. المشكلة في الصين. ده انا بساعد الصين. انا عايز افتح مضيق هرمز علشان اساعد الصين البترول يصل للصين. على فكرة هو كلامه في حاجة صح بس ما كملش كلامه. هقول لك ازاي.

ترامب فعلا اكبر منتج بترول وغاز. وبالفعل البترول حاليا في امريكا الغاز بيقضيهم وكمان بيصدره. يعني هو ما عندوش مشكلة ومش محتاج يستورد بترول او غاز من حتة في العالم. لكن عنده مشكلة كبيرة تانية اللي هي اسمها التضخم. لما اسعار البترول بتغلى في البورصة بتغلى في كل العالم فهتغلى في امريكا كمان. حتى لو الصين تعثرت وبقى عندها مشكلة في البترول منتجات الصين اللي امريكا معتمدة عليها هتغلى. فالنتيجة ايه؟ تضخم في امريكا. فمن مصلحة امريكا ان الصين تاخد بترول رخيص. الناس يا جماعة مش مركبة الموضوع ده. امريكا والصين رابطين في بعض. مشكلة بتحصل هنا بتاثر هنا. فهو من مصلحته ان البترول يصل للصين.

نروح بقى لقوات دلتا وفرع المظليين النخبة اللي كان لهم تدريبات فجأة امريكا لغيتها. قلت لهم لا اقعدوا كده اهدوا عشان احنا محتاجينكم في طلعة كبيرة. وخدوهم بقى على ولاية كارولانيا الشمالية وقعدوهم في القاعدة ومظبطين نفسهم مظبطينهم كده واخر حلاوة. استنوا الإشارة من ترامب.

الاهداف الاهم هي المنشات النووية في اصفهان. طب ليه ما يضربهاش؟ ليه عايز يبعت قوات؟ ده في كلام كمان ان هيبعت معاهم علماء نوويين. طب ازاي هيروح هناك وفي جنود ايرانيين وممكن يتضرب عليهم صواريخ؟ ازاي يعملوا الكلام ده؟ هي دي النقطة. السلاح الخطير اللي عند امريكا اللي اسمه المايكروويف اللي هيفضي المنطقة تماما للجنود وينزلوا يشتغلوا براحتهم.

لكن في هدف تاني خطير جدا وهي جزيرة خارق اللي بيطلع منها 90% من بترول ايران. فهو عايز يستولي عليها كلها بقى مخازن بترول وزيرة خطيرة جدا وفي حتة مهمة جدا بالنسبة لايران والاستيلاء عليها ضربة استراتيجية غير عادية لايران. بس هم برضه ايرانيين مش هيسيبوه. انت هتقعد على الجزيرة يعني هيقول قيقول لك اهلا بيك مش هيقعد يضربك بصواريخ. فالاهداف دي صعبة. ممكن الهدف بتاع اليورانيوم يكون الأسهل. تخيل لأنه هيستخدم السلاح الامريكي هينزل قوات خاصة هيبدأ يشتغل بسرعة يبدأ يشوف. وخلي بالك امريكا بتقول ان هي مراقبة اليورانيوم 24 ساعة في ال 24 ساعة.

طب هم هيعملوا ايه؟ امريكا عندها فرقة خطيرة جدا اسمها الفرقة 82 محموله جوا. الفرقة دي دورها ايه؟ بتنزل زل على الارض تضبط المكان تامنه تخليك وضع 100 م الدنيا تمام تبعت الإشارة. هي بس دورها ان هي تاخد المكان وتامنه. تيجي بقى قوات خاصة تكمل الموضوع. هي دورها فقط تامين المكان وتنظيفه وعندها القدرة على الانتشار في المكان وتامينه خلال 18 ساعة. بتنزل القوات خاصة في وقت صغير جدا لا اما تدمر الهدف او تستولى عليه. واحنا هنا بنتكلم مثلا على اليورانيوم. ودي الخطة اللي قاعد ترامب بينفذها. وهي بدأت يعني الحرب البرية دي يا جماعة بدأت بالفعل والقوات موجودة مستنية ساعة الصفر.

بصوا يا جماعة كل العمليات دي لازم تفهم ان انت بتعمل ده مع شعب عريق جدا وقوي وليه جدر في التاريخ. انا عايز اكلمك كلام بسيط كده تاريخي تفهم الناس دي جدرها عامل ازاي. ايران كان في دولة اسمها الدولة الاخمينية سنة 550 قبل الميلاد. الدولة دي كانت هي الأوسع في العالم بس كانت بتمتاز بأمور مهمة جدا الحرية الدينية. تخيل 550 قبل الميلاد وكانت تؤمن بالحرية الدينية. الأهم بقى ان هي كان فيها نظام إداري متطور جدا وكانت تؤمن باختلاف الثقافات. يعني بتتكلم عن دولة شبيهة بالدول المتقدمة اللي موجودة حاليا. لكن الفرق ان اللي هي 550 قبل الميلاد. فانت بتتكلم عن شعوب قوية جدا. الشعوب قادرة ان هي تتكيف مع الظروف الصعبة قادرة ان هي تمتص أي ضربات. بس انا هنا بتكلم على الشعب مش الإدارة اللي فيها عيب خطير جدا وهو الحكم الديني. ايران دي يا جماعة لو دولة ما فيهاش حكم ديني كانت هتكون في مكان تاني خالص. اللي تعامل مع الإيرانيين هيعرف كويس ان الشعب ده شعب ذكي شعب بتاع شغل شعب بيشتغل بقوة. عندهم أعمال قوية جدا وعندهم قدرة على التكيف. الشعب ده شعب قوي واحنا بنساند الشعب الإيراني مش زي ناس تانية كل الهم ان هم يساندوا الإدارة. الإدارة اللي هي اساسا تعبانة الشعب الإيراني. نتمنى عدم سقوط ايران. للأسف الوضع الحالي بيقول ان ايران رجعت للخلف سنين. ايران اللي المفروض تكون دولة غنية على فكرة. ده كله ممكن يصلح لو النظام اتغير. العقوبات اترفت. بدأوا يشتغلوا بدأوا يعملوا تطوير للغاز والبترول يركزوا في الدولة واقتصاد الدولة يركزوا في تكوين دولة حقيقية. خلال سنتين تلاتة ترجع ايران دولة من أقوى دول العالم. انا بقول لك الحقيقة اللي أنا شايفها. لا يمكن أطلع كلمة أنا مش مؤمن بيها.

في النهاية يا جماعة بشكركم واشوفكم على خير في لقاء قادم إن شاء الله. مع السلامة.