ضرب قلب الخليج.. الإمارات ترد والسعودية تشتبك..ومصر تُعلن خط أحمر وتُرسل رجالها لـ السعودية.كواليس!

مراحل الحرب الإيرانية، وإن شئت قل الحرب الإيرانية الخليجية، هي بقت حرب إقليمية. إيه اللي حصل؟ وإيه التفاصيل اللي قلبت الدنيا خلال الساعات والدقائق القليلة الماضية؟ يبدو أن هناك ما يدور في الكواليس. معانا في لايف النهارده معلومات من العيار الثقيل تخص النقطة دي. ضرب السعودية بالفعل، السعودية تضرب، تضرب بكم كبير من الصواريخ والمسيرات تحت ادعاءات كثيرة جداً من الحرس الثوري لإيران. تفاصيل مهمة جداً تخص النقطة دي، خاصةً بقى وأن الإمارات بترد رد رسمي. ردت على إيه؟ وهل السعودية ضربت في العمق الإيراني ولا لأ؟ وقصدها إيه فيما يخص ضرب ورد الإمارات والسعودية؟ تفاصيل برضه هنحكي فيها في لايف النهارده.

بالأخير كده بشكل واضح، قطر بتعلن رسمياً قطع العلاقات الدبلوماسية مع الجانب الإيراني، وبتمهل إيران، الاثنين، المستشار السياسي والمستشار الدبلوماسي، والأخير العسكري بمغادرة البلاد خلال 24 ساعة، إن لم يكن قبل ده. تفاصيل مهمة برضه، برضه هنتكلم في النقطة دي بالتحديد. القاهرة تعلن الخليج خط أحمر، خط أحمر جديد لها بيتم رسمه هناك. تفاصيل مهمة فيما يخص بيان رسمي يخرج من القاهرة، وعشان يتضامن مع الإخوة في الخليج، وكمان يكلل بتحرك على الأرض بأن الرئيس السيسي يرسل رجاله، وزير الخارجية ووفد دبلوماسي إلى العاصمة السعودية الرياض. يبدو أن هناك أيضاً ما يطبخ بين القاهرة والرياض في السعودية. تفاصيل مهمة أكتر هنتكلم فيها في لايف النهارده. بقية التفاصيل خلينا في اللايف أفضل.

أهلاً بكم في لايف جديد من لايفات 50 اقتصاد اللي بنعملها بشكل يومي للوقوف على آخر الأخبار والتفاصيل والقصص، كواليس ما يدور في الاقتصاد، السياسة، والشان الدبلوماسي، وحتى الشأن العسكري. كل سنة وحضراتكم طيبين، عيد سعيد عليكم وعلى الأمة الإسلامية والعربية، ويا رب الأمور في العيد الجاي والأيام الجاية تكون أفضل من الحال اللي إحنا عليه دلوقتي. بالتوقي للأسف الشديد بيلعب بنا الكرة حرفياً، بيلعب بنا بساساتنا، بقاداتنا، بدولنا، بكل إمكانياتنا وثرواتنا، لأننا سمحنا في يوم من الأيام للغريب إنه يدخل بنا. ما سويناش مشاكلنا مع بعض، ودي أزمة كبيرة. مش هطول عليكم في النقطة دي. كل سنة وحضراتكم طيبين وعيد فطر عليكم وعلى الأمة الإسلامية والعربية والعالم أجمع في سلام واستقرار ورخاء.

خليني أبدأ معاك من نقطة مهمة جداً. ليلة ضرب قلب الخليج بالفعل، ليلة سيئة جداً، مش هيسهل الخليج في يوم من الأيام. ليلة تاريخية بيحصل فيها تحركات من العيار الثقيل. زي ما قلت لك، دي أسوأ، أسوأ نقطة وأسوأ مرحلة في الحرب الإيرانية. وقتها، أو تقدر تقول كده، إيران بشكل واضح جداً بتتعامل بشكل عشوائي مع كل اللي حواليها. تقدر تقول زي الطفل اللي في إيده دمية، الدمية دي بتنفجر فجأة، اتحولت لقنبلة، فاضطر إنه يفجرها في نفسه هو واللي حواليه، وكان هو بيتخلص من نفسه رويداً رويداً. إيه اللي حصل لكل هذه المقدمة يا عاصي؟ هقول لحضرتك.

الخليج بشكل واضح دلوقتي بيعاقب عقاب سيء جداً على تحرك إسرائيل. تم صباح اليوم بعد عملية اغتيال لـ "أرجاني" امبارح، علي لارجان وعدد من القادة والمسؤولين، والنهاردة بتتكلم عن رئيس الاستخبارات. إيه اللي حصل؟ بيضربوا حقل بارس الجنوبي، اللي هو واحد من أكبر حقول الغاز الطبيعي في العالم، وليه ظهير نفطي. ما لناش علاقة بيه، خلينا في الجانب الغازي. طيب، هل الحقل ده إيراني فقط؟ اطلاقاً. ليه جزء مشترك مع الجانب القطري وبيسمى حقل الشمال. الحقل ده، أو تقدر تقول الحقلين، عايز تسميهم حقلين أو حقل واحد، بس الأفضل إنهم حقل واحد، ده التوصيف الصحيح ليهم. يعتبر واحد من أكبر حقول الغاز الطبيعي في العالم، وواحد من أكبر منتجي، أو تقدر تقول بيطلع منه أكبر منتج، أو الجانب الغاز اللي بيتم تصديره من الجانب القطري. الموضوع ده تم ضربه، أو الحقل ده تم ضربه، الجزء الإيراني فيه صباح اليوم أو ظهر اليوم، وعشان الجزء اللي تم ضربه يؤثر على الجزء الآخر فيما يخص قطر، وكان تم الاعتداء على قطر النهارده من إسرائيل للمرة الثانية في أقل من ست شهور. ودي نقطة مهمة تقدر تقول واحدة من النقاط اللي ممكن تكون عامل حسم وضغط فيما يخص الخليج. أقول لك ليه؟ ما هي السياسة كروت، فخلينا الكارت ده على جنب، وراجعين له.

المهم، خليك فاكر الكارت القطري. هنسميه كده على الناحية الثانية. أنت بتتكلم على إيران، لازم ترد، ولازم ترد على عملية استهداف القضية دي، ولازم ترد على أسوأ مرحلة في الحرب. أسوأ مرحلة في الحرب اللي بنتكلم فيها دلوقتي إن إسرائيل وأمريكا راكبين السماء الإيرانية. ما فيش دفاعات جوية في الداخل الإيراني، وبالتالي بيتم لهم، أو يحق لهم اصطياد أي حاجة. اصطادوا القادة، اصطادوا العسكري، اصطادوا القواعد العسكرية، قفلوا، دكوا جبال كثيرة ومداخلها فيها كم كبير من مخزونات الصواريخ. ده اللي بتخبيه إيران في مخابئها. للأسف، تم ضرب مداخل ومخارج الأماكن دي، وهم ده كان سهل بالنسبة للجانب الإماراتي أو الجانب الإسرائيلي.

في الناحية الثانية فيما يخص استهداف القصة دي بالتحديد، قصة مداخل ومخارج مخازن الثوري، لأن الخيانة ضربت داخل الإيراني، وما حدش يقول ما فيش خيانة، لأن كل قادة الصف الأول تم تصفيتهم. بيبقى فيهم المرشد اللي مات أول ساعتين في الحرب أو قبل الحرب في ساعتين. فدي نقطة ثانية. طيب، لما ركبت السماء الإيرانية، إيه اللي حصل؟ حصلت كارثتين. كارثة هتحصل خلال ساعات، وكارثة بتحصل دلوقتي. اللي بتحصل دلوقتي هي عملية إحراج الحكومة الإيرانية والنظام الإيراني أمام الشعب، وعشان ننتقل للمرحلة الثانية، مرحلة الثورة. إيه اللي بيحصل؟ بيتم ضرب كل منشآت النفط وكل منشآت الغاز الطبيعي على الأرض. كل ده بيتضرب بشكل واضح جداً، وبالتالي أنت النهارده كمان بتخرج البنية التحتية من الخدمة، سواء محطات الكهرباء، محطات الغاز، محطات مياه الشرب، وبالتالي بتعمل ضغط على الشعب إنه يثور وينفجر في وجه النظام. بتعمل نظام عشوائي وبتعمل لخبطة داخلية وعبء أكبر وأكبر على النظام الحاكم في إيران.

نظام الحاكم اللي هو دلوقتي المفروض بيمثله الحرس الثوري، اللي قيل، أو وفق معلومات مسربة، عمل انقلاب ناعم على نظام المرشد بشكل واضح وجاب المرشد اللي على كيفه. وبالتالي أصبح يحكم إيران دلوقتي العسكرية العقائدية، نظام عسكري عقائدي، وده أسوأ من أي نظام عسكري، أو أسوأ أنواع النظم العسكرية اللي ممكن تقابلها في يوم من الأيام. واتكلمنا عن ده كتير هنا. طيب، يرد إيران، أو ترد إيران، المفروض ترد على الجانب الإسرائيلي. ولأن إيران ما عندهاش إحداثيات واضحة للداخل الإسرائيلي، ولأن في كم كبير من الناس حللت للضربات الإيرانية والصواريخ الإيرانية إنها نزلت على الأراضي الفلسطينية المحتلة اللي بتحتلها دولة الكيان دلوقتي، فبالتالي كل هذه الصواريخ اللي نزلت لم تصب البنية التحتية الأساسية في الجانب الإسرائيلي بخسائر تقدر تقول تحكم أو تسيطر على الجانب الآخر فيما يخص جانب الإسرائيلي.

النهاردة اللي حصل هو العكس. إسرائيل بتنتقل للمرحلة الشرسة، مرحلة تجويع الشعب الإيراني، مرحلة حصار الشعب الإيراني، مرحلة الضغط على الشعب الإيراني. فضربت بقى كم كبير من حقول النفط، كم كبير من حقول الغاز الطبيعي، كم كبير من محطات البنية التحتية، كم كبير من محطات قطارات ووسائل المواصلات. وبالتالي في شلل داخل إيران. طب إيران تعمل إيه؟ ترد على الخليج. ها، هي القصة من أول يوم بتلوش مع الخليج. تعمل إيه؟ بدأت تعلن كل الناس اللي شغالة في حقول الغاز الطبيعي والنفط بضرورة مغادرة هذه الحقول حالاً. الكلام ده من إمتى؟ الكلام ده من الساعات الأولى من مساء اليوم، اللي هو مع دخول المغرب كده بالتحديد. طب كانت النتائج إيه؟ وفق المعلومات الأولية، إحنا بنتكلم حتى وقتنا هذا من 22 لـ 28 موقع نفط وغاز طبيعي وبنية تحتية تخص بقى خطوط إنتاج أو تكرير أو القصة دي أو معامل التكرير فيما يخص النقطة دي، وحتى خطوط نقل الغاز الطبيعي.

أكثر الدول تلقياً للضربات حتى وقتنا هذا وأنا بكلمك هي المملكة العربية السعودية، اللي عليها كم كبير من الصواريخ اللي بيتم ضربها. بيتم ضرب الصواريخ دي على منشآت النفط، منشآت الغاز الطبيعي، منشآت الطاقة في المملكة العربية السعودية، البنية التحتية لنقل النفط والغاز الطبيعي، سواء يخص ميناء ينبع في الشرق، في غرب المملكة العربية السعودية، شرق مصر على الحدود الشرقية على البحر الأحمر. يعني بيتم ضرب المنطقة دي كمان هي الأخرى بكم كبير من الصواريخ والطائرات المسيرة والطائرات الاعتراضية. وأنت بتتكلم بقى الجيش السعودي بيقوم على أكمل وجه بصد كل هذه الضربات، لكن في بعض الضربات وقعت بالفعل في العاصمة الرياض. ضربت الرياض النهارده وأنا بكلمك بكم كبير وبوابل من الصواريخ، بالإضافة إلى كم كبير من القواعد العسكرية السعودية اللي تم ضربها خلال الساعات اللي فاتت. ليه بقى؟ لأنك لما تيجي تتكلم ورقة وقلم، السعودية تعتبر ضمنياً ما فيهاش قواعد عسكرية أمريكية. إزاي؟ أنا بقول لك كده. إنما القواعد العسكرية السعودية بتستضيف أمريكا. يعني القاعدة العسكرية الأمريكية هي منشأة داخل قاعدة عسكرية سعودية. وبالتالي الموضوع أسوأ، لأنه بيتم ضرب القاعدة دي، فمعناها تم ضرب قواعد تخص الجيش السعودي. تم ضرب مين بقى؟ قواعد تخص القوات الجوية، ولأول مرة بيتم ضرب قواعد تخص قوات قوات المشاة، القوات البرية بالتحديد، مدرعات بقى والمشاة والقصة دي كلها.

الاثنين بالتحديد دول. وبالتالي أنت النهارده في حالة اعتداء رسمي على المملكة العربية السعودية. في حالة عداء. زي ما جت الناحية الثانية قطر وأعلنت بشكل واضح قطع العلاقات الدبلوماسية مع الجانب الإيراني، وأمهلت المسؤولين الدبلوماسيين، السياسيين، والعسكريين، والدبلوماسيين يعني الدبلوماسي العسكري والسياسي لمغادرة الأراضي القطرية خلال 24 ساعة، إن لم يكن قبل ذلك، لم يعد مرغوباً به. وده عمل من أعمال الحرب، خد بال حضرتك، أو العداء، أو قتل العلاقات. فدي برضه نقطة ثانية. خد بالك بقى النهارده وأنا بكلمك دلوقتي بالتوقيت الحالي، الإمارات ردت. الإمارات أكتر الدول العربية اللي كانت بتستعد إنها تهاجم الجانب الإيراني، ويمكن هي والسعودية أرسلوا بالفعل صواريخ رداً، أو صواريخ يعني تقدر تقول رداً على منصات إيرانية كان بيتم ضبطها على الخليج، أو بمعنى أدق مدخل مضيق هرمز، وبيتم ضرب بها الأراضي الخليجية. فردت عليها في فترة فترة من الفترات، لكنها لم تنجر إلى حرب طويلة الأمد معه. اعتبرت إن هو يعتبر حاجة من أو عمل من أعمال حفظ ماء الوجه. لكن اللي حصل إن الإمارات طلعت بيان بتنتقد فيه إسرائيل وبتهاجم إسرائيل فيه، وبتوضح إن ما فعلته إسرائيل هو اعتداء على الخليج واعتداء على حقوق الشعب الإيراني فيما يخص عملية ضرب حقل بارس الجنوبي، اللي هو تقدر تقول مشترك مع حقل النفط، حقل الشمال اللي هو في قطر فيما يخص الغاز. فده برضه قلب الدنيا. يعني الإمارات واقفة معاه دبلوماسياً. في نفس التوقيت اللي الإمارات كانت بتطالب فيه بشكل واضح إن يتم فرض عقوبات على الجانب الإيراني.

لكن في النهاية، أنت النهارده بتتكلم كمصر بتقدم ببيان رسمي، أو تقدر تقول بخطة رسمية لإنهاء هذه الحرب. الجانب الإماراتي أبلغك النهارده، ودي معلومة، بموافقته على إنه يقعد مع الجانب الإيراني. الناحية الثانية، ودي نقطة مهمة لازم برضه تكون عارف كواليسها وتفاصيلها. طب دي قصة لطيفة جداً. طيب، إيه بقى الجهة، أو إيه اللي بيحصل فيما يخص الكواليس دي بالتحديد؟ هقول لك نقطة، أو تحركات القاهرة اللي بتخص، أو بتعلن القاهرة طبعاً النهارده انتقدت بشكل واضح وقالت إن الاعتداء على الخليج هو اعتداء على مصر، وإن أمن الخليج خط أحمر، لأن النهارده أصبح الجميع يعلم إن بشكل واضح جداً في حالة لا قدر الله لو سقطت الأمور في الخليج وتم استنزافه، فانت بتتكلم عن أزمة كبرى على سواحل مصر الشرقية. فدي نقطة مهمة. الخليج جزء من أمنك الاستراتيجي.

طيب، خلينا من القصة دي وتعالى قصة ثانية مهمة جداً تخص الأمور دي برضه، وهي قصة إن مصر بالفعل بدأت توجه دلوقتي. وأنا قلت لك في لايف النهارده الساعة 4 العصر، 4:30، حاجة مهمة أو انفراض صح. أنا هعيد عليك الانفراض وعشان أقول لك إن مصر لعبت لعبة حلوة قوي هتعجبك. مصر النهارده بتلاعب بشكل واضح الولايات المتحدة الأمريكية. آه، بتلاعب بشكل واضح الولايات المتحدة الأمريكية. بتعمل عظمة. وده مش إشادة بالجانب المصري قد ما هو نقل ما دار في الواقع. يعني برغم الظروف الاقتصادية اللي حضرتك فيها النهارده، مصر اتحركت تحرك غريب شوية. وقلت لك إن وزارة الخارجية المصرية، أو وزير الخارجية المصري المفروض إنه سافر دلوقتي إلى العاصمة السعودية الرياض، وعشان يحضر مؤتمر. المؤتمر ده يخص وزراء الخارجية العرب والدول الإسلامية. طب ليه؟ لأن مصر النهارده معاها ورقة، والورقة دي مهمة جداً، وعرضتها على الولايات المتحدة الأمريكية. الورقة دي كانت مفروض خطة أو مخطط. خد بالك، إسرائيل بتلاعبك في النقطة دي. عارفة إنك داخل عشان تمنع الحرب، فبتحاول تولع الدنيا على قد ما تقدر وتضرب كم كبير في الأطراف من بعدهم. فالنهاردة مصر تقدمت مع أول يوم للحرب لأمريكا بخطة. أمريكا رفضت. النهارده أمريكا هي اللي طالبة منك هذه الخطة، وأنت بتحط الخطة دي وبتفرضها عليهم. خد بالك، ما فيش حل غير كده عشان بس نكون واضحين.

من ضمن الخطة دي، أو بمعنى أدق، كان في مبعوث السلام ستيفن ويتكوب، ومساعد بولس، أفضل اثنين مستشارين في تاريخ الولايات المتحدة الأمريكية، ومعاهم 98% من كروت اللعب. معاهم ملف روسيا وأوكرانيا، معاهم ملف الشرق الأوسط، معاهم ملف إيران والخليج، معاهم ملف إيران فقط، معاهم ملف اليمن، معاهم ملف مصر وإسرائيل، معاهم ملف منطقة أو عملية النفوذ والخلافات الخاصة بتركيا، معاهم ما يحدث في ليبيا، معاهم ما يحدث في القرن الأفريقي. 98% من أوراق اللعبة. فدي نقطة مهمة. الناس دي جت مصر وقعدت الأيام اللي فاتت في زيارتين، واحدة سرية غير معلنة، والثانية كانت معلنة للإعلام. واتكلموا. مصر أبلغتهم بالشروط اللي هقول لك عليها دلوقتي. بس مصر لما أبلغتهم بالشروط كانت هي جهزت مع الخليج الشروط دي. عشان كده بعتت وزير خارجيتها، بدر عبد العاطي، خدها كعب داير على كل الدول العربية، ودعم بمكالمات من الرئيس السيسي. قال لك إيه؟ قال لك إن مصر بتطلب بشكل عاجل وقف كامل للأعمال العسكرية، سواء من إيران على إسرائيل، أو من إيران على الدول العربية. يعني إيران تبطل تطلع صواريخ خالص. ده رقم واحد. وقف كامل للأعمال العسكرية من جهة إسرائيل وأمريكا. يعني إسرائيل وأمريكا يبطلوا يضربوا في إيران. هدنة من 30 إلى 90 يوم، ممنوع فيها ضرب الداخل بأي حال من الأحوال فيما يخص الجانب الإيراني، أو الجانب الإسرائيلي، أو الجانب الأمريكي. يحصل مؤتمر إقليمي تاريخي يقام في العاصمة المصرية القاهرة، أو حتى مسقط عاصمة سلطنة عمان. أو المؤتمر ده يتم فيه الاتفاق على ما بين العرب وإيران. تحضره إيران وقوى إسلامية أخرى. خد بال حضرتك، على منظومة يتم الاتفاق على منظومة أمن إقليمي جديدة للخليج العربي. طرد القوات الأجنبية من الجزيرة العربية. تقليص تواجد القواعد الأمريكية وطردها من الجزيرة العربية. ودي لعبة مصرية مهمة. ده يحمي جيشك، خد بال حضرتك. ما هي السياسة كروت. خد بالك، قلت لك من شوية في أول اللايف، الكارت القطري. أخذت بالك منه؟ يبقى النهارده هتقول لي هو الخليج ملزم؟ آه ملزم. ملزم بعد كل اللي حصل ده. النهارده قطر ضربت مرتين، السعودية ضربت الرياض عاصمة السعودية، ضربت النهارده أبو ظبي، ضربت الكويت، ضربت البحرين، ضربت سلطنة عمان نفسها، وسيط النزيه الوحيد في المفاوضات دي والوافي بجد ضرب. فاليوم كل مصالح الدول دي استنزفت. النهارده بتخسر يومياً أكتر من 2 مليار دولار. دول الخليج، سواء مليار يخص في مبيعات والقصة دي المتوقفة، أو المليار الآخر الخاص بعملية استنزاف الصواريخ والمخزون بتاعهم، مخزون قوات الدفاع الجوي والقوات الصاروخية فيما يخص الجانب الخليجي. أنت قدام أزمة حقيقية. بتتكلم كمان هيكون في مطلب رسمي من القاهرة إن تتوقف إيران عن تهريب المخدرات للخليج والشام. ما ده برضه إيه؟ ده جزء من اقتصاد من اقتصاد الحرس الثوري. إن تتوقف كمان إيران عن دعم تام لدول في ميليشيات العراق واليمن وليبيا ومحاولة العودة سوريا. انسياها خالص. وإبداء، أو أخيراً، يبدأ تعاون عربي إيراني اقتصادي. يعني ده بند وقف إطلاق النار. بنتكلم كمان عن ضمان أمن الخليج وإيران. طرد القوات الأجنبية وتأسيس منظومة دفاع جماعي عربي خليجي. تحييد الممرات البحرية. مش كل شوية تمسك لي مضيق هرمز ومضيق باب المندب. بدء التطبيع الاقتصادي بين البلدين ومناقشة الاشتباك العربي الإيراني في العراق واليمن والقصة دي كلها. دي نقطة أمريكا عمرها ما هتوافق على الخطة دي. مش كده؟

القاهرة بقى رمت الخطة في ملعب مين؟ المملكة العربية السعودية، اللي عاملة اجتماع دلوقتي واللي هتضغط دبلوماسياً على أمريكا إنها خلاص منظومتك فشلت. ليه بقى؟ لأن أمريكا شايفة القواعد الأمريكية دي استثمار طويل الأجل. شقة وماجرها. مع العلم إن هي مفروض إن هي تدفع فلوس على القواعد دي، ما بتدفعش. ده بتاخد فلوس وبيتم تزويدها بالنفط والغاز والحاجات دي كلها مجاناً، والأكل والشرب في الآخر. فشلت المنظومة دي. يبقى النهارده مصلحتك كخليج. الموضوع بقى التحالف ده لا هيبقى قوة ولا صداقة ولا أنت معايا وأنا معاك اطلاقاً. ده مصلحتك ومصلحتك. وبالتالي دي نقطة مهمة. مصر بتلعب اللعبة دي. بتلعبها على الأمريكان. الناحية الثانية، السياسة ما فيهاش أي حاجة سهلة. وأنت عندك رجل كان بيدير مصر، الرئيس السيسي، ده رجل استخبارات عسكرية، فاهم بيعمل إيه وعارف إزاي بيلاعب الكل وبيلاعب الجميع وإزاي يورد غيره. يعني أنا بحب القراءة شوية، فكان الكتاب الأسطوري بتاع سون تزو اللي هو المفروض فن الحرب فيه جملة عجبتني، حتى أنا كاتبها لك على ظهره، اللي هو: "من الأمور المستحيلة إنك تتكهن مسبقاً بمصير أي معركة، أو تتوقع ما قد يتخللها من أحداث، أو ما قد يظهر فيها من مفاجآت". لكن أنت النهارده لازم تاخد بالك إنك تعتمد استراتيجيات. الاستراتيجيات دي تكون من شأنها بشكل واخد بالك إن الكتاب ده عقيدة أو دستور ورع عسكري. جميع القادة العسكريين بيرجعوا يشتروه، أو حتى الناس اللي شغالة في الشأن الدبلوماسي لازم يقرأ كتاب زي ده. فسون تزو هنا بيقول لك بشكل واضح جداً إنك مش هتقدر تتكهن بأمور اللي بتحصل.

النهاردة مصر ضغطت وسابت الولايات المتحدة الأمريكية تغرز وحصرتها بنتائج حربها. الخليج كان ممكن يتورط في هذه الحرب ومصر تدخلت ومنعت القصة دي. دي نقطة مهمة. ادي واحد. لو كان تدخل الخليج كانت أمريكا كسبت الحرب. هي في إيديها تولع الشرارة. أما بقى قطع الدومينو، إيه اللي هيقع واللي هيصطدم بالآخر؟ لا دي بتتساب بقى لقضاء ربنا وقدره ومجريات الفكرة عند الناس اللي موجودة. فالخليج مصر مسكت بيه بأيديها وأسنانها، ما تخشش الحرب، وإلا أمريكا تنسحب ويبقى موجود صدام عربي عربي فارسي، أو شيعي سني. وهو ده اللي عايزاه أمريكا. الأخ اللي اسمه إيدي كوهين ده صحفي كياني، أو صحفي إسرائيلي بيتكلم من وقت للتاني. أنا ما بستشهدش بكلامه، لكن هو قاعد مرمي معاهم هناك وبيطلع من اللي بيزور في الكواليس عندهم برضه. فقال لك والله ده النهارده بيتم ضرب حقول النفط في داخل الخليج، وده صراع إسلامي إسلامي، شيعي وسني، ما لناش علاقة بيه. هم عايزين دي. وأنا قلت لك قبل كده، شيعي سني، وخد بال حضرتك إن المملكة العربية السعودية تعلم إنها الجائزة الكبرى لإيران. إيران عايزة تسقط السعودية. لو سقطت السعودية، هيسقط باقي دول الخليج، وبعد كده هنيجي لك بقى على مصر، ومن مصر نطلع على المغرب. لأن النهارده في سيطرة إيران كقبلة شيعية على الجانب، أو على الكعبة، أو على الأراضي المقدسة. ده معناها إنك سيطرت على الإسلام في كل مكان. وهم شطار كبتوع كبتوع إيران، هيعرفوا ينشروا التشيع بسهولة ويسر.

أنت النهارده كمصر، وفق الكتاب ده، أنت اتعاملت مع نتائج الحرب نفسها. أنت اتعاملت مع نتائج الحرب نفسها. وبالتالي وبناء عليه، النهاردة عكست الآية والدفة. بعد ما كنت هيغرق الخليج والمط، النهاردة أنت أشركت إندونيسيا، أشركت باكستان، وهتشرك أفغانستان، أشركت الهند، أشركت الجانب الصيني، وعرفت الجميع كله بأن الولايات المتحدة لا تبقي على العزيز. وبالتالي هتسقط القصة دي عليك أنت. خد بالك، أنت بقيت النهارده بتعمل المؤتمر وعشان تلحق إيران. إيران بشكلها الحالي كويس جداً إنك تدعمها. أيوه، لازم كل الدول الخليجية والعربية تحتويها. خلاص مشروعها سقط وانهار. ارت وهزمت، وصف الصف الأول منها والصف الثاني داخلين عليه هم كمان. حتى تبرم إلى سق.

دلوقتي أنا بكلمك بقى في معلومة خطيرة جداً جداً، وهو إن قيل إن من خمس لـ 6000 جندي من مريس القوات الخاصة الأمريكية، المشاة البحرية الأمريكية، نزلوا إلى، أو بيتم تجهيزهم وعشان ينزلوا على جزيرة خرج، اللي هي فيها 90% من النفط الإيراني ومنشآت النفط، وبتقدر تقول هي الجزيرة اللي بتبيض ذهب اللي موجودة في الخارج العربي، على بعد 30 كيلو من الحدود، من 20 لـ 30 كيلو من الحدود الإيرانية في الخليج. دي لو تم السيطرة عليها، خلاص أنت بتتكلم عن إيران بره الخدمة. كمان في مخطط ده تقرير مسرب، واحد جزء منه عن على عن واشنطن بوست اللي قالت المعلومة دي. نيويورك تايمز كملت معاها بمعلومة، والاثنين طالعين من مصدر في البيت الأبيض، بأن الولايات المتحدة بتدرس احتلال الساحل الغربي لإيران. الساحل الغربي ده اللي هو المفروض الساحل على المضيق وعلى الخليج، عشان ما تبقاش إيران تعبس من وقت للتاني بالمنطقة دي. وده معناه إن ممكن تتواجد فعلاً قوات أمريكية. ممكن دي كلها تكهنات، توقعات، تسريبات. أنا مش في أمريكا عشان أطلع لك المعلومة، بس لو هناك هجيبها لك.

بغض النظر، أنت بتتكلم النهارده عن إن الأمور بتتغير. يعني معناها إن أمريكا حاسة إن اللعبة بتتقلب عليها من مصر، وإن بالفعل ممكن السعودية تضغط بجهدها الدبلوماسي تقول لها شكراً. هي وباقي دول الخليج النهارده بتتكلم عن إن قطر نفسها مطلعة بيان رسمي بتقول إن إحنا لابد يجب على دول الخليج تعزيز التعاون العسكري فيما بينها ومع أوروبا، وعدم الاعتماد كلياً على الولايات المتحدة الأمريكية. هتقول لي ده بيان؟ هقول لك آه بيان. بس النهارده أمريكا بتخسر على الأرض. هي السياسة كده، ومش هتقدر تحارب العالم كله. النهارده أوروبا بتقول لا، مش هدخل الحرب دي. فرنسا بترفض. بريطانيا قالت مش هرسل قوات. أنت ما بدأتش الحرب دي بالتفصيل والتعاون معايا. الصين قالت مش هبعد. هضرب مع العلم إن خسائر حتى وقتنا هذا، أنا بكلمك، خسائر دول جنوب شرق آسيا 70%، 70% بسبب ارتفاع أسعار النفط. أنا بكلمك وأنا داخل اللايف وسعر الخام برنت بيتكلم في 110 دولار للبرميل، ومرشحين حصل 150. ليه؟ بسبب اللي بيحصل ده. خد بالك، دي نقطة. وبمناسبة بما يخص أسعار النفط، كانت الحكومة المصرية عانت مجموعة قرارات، منها تشديد استهلاك النفط. النهارده ودي مهمة جداً. ما تحاولش تقارن بين مصر وبين الخليج في النقطة دي. الخليج عنده وفرة في إنتاج الطاقة، فالخليج ممكن ينزل أسعار كمان، لأن النهارده ما بيصدرش الكميات المعهودة بتاعته، وبالتالي عنده فائض معروض في السوق. دي نقطة مهمة. وبالتالي مع زيادة المعروض بينخفض السعر. أما أنت عندك في مصر، إنها قدام إدارة أزمة حقيقية. فما تحاولش تقارن دي بدي. لكن في النهاية، أنت بتطلق الآثار الاقتصادية للحرب، ودي كارثة.

رئيس مصر عبد الفتاح السيسي يرسل وزير خارجيته دلوقتي لعاصمة الرياض، وعشان يطبخ الموافقة أو الاتفاق أو الوثيقة المصرية. مصر مش عارفة تتصدر المشهد فيها، لكن معروف إنها وثيقة مصرية خرجت من مصر ومن سلطنة عمان، وعشان تدخل تدخل المملكة العربية السعودية وتضغط إن يتم تنفيذ هذه الوثيقة بأي حال من الأحوال في الساعات والأيام القليلة القادمة. هنضغط إحنا لو خدنا نص الشروط دي، إحنا الكسبانين. تركيا هتكون موجودة كمان معانا على مائدة المفاوضات. أنت النهارده جمعت كل دول مش حابة فيك، لا عشان المصلحة. عرفت تلعبها صح، وهي كده السياسة. هي دي النقطة اللي بكلمك فيها واللي حابب إني أخوض فيما يخصها بالتحديد، ودي نقطة لازم تاخد بالك فيها.

طيب، عندي تفصيلة مهمة قوي، أو تفصيلتين أهم من بعض. صفقة عظيمة بينفذها الجيش المصري. إيه هي؟ صفقة طائرات الرفال، نوعية جديدة، طراز جديد، جيل رابع معزز، يقترب من الجيل الخامس. تعديلات في الرادارات. النهارده مصر تتسلم حوالي 11 مقاتلة رافال. وده ما كانش رقم المفروض نتكلم فيه أصلاً. إحنا كنا بنتكلم من خمسة إلى ستة. فجأة بتتسلم 11 مقاتلة رافال الجديدة. لا مش كده وبس. خد بقى المعلومة دي. جاية لك من موقع الجيوش الفرنسية. إن هناك تسريبات. تخيل موقع الجيوش الفرنسية بيقول لك تسريبات، وهو أساساً ده مفروض موقع فرنسي اللي هو ينبع الجيش الفرنسي. بقول لك تسريبات بين القاهرة بتلجأ خلال الأيام القليلة القادمة لإبرام صفقة أخرى بمقتضاها يكمل عدد طائرات الرفال داخل صفوف الجيش المصري والقوات الجوية المصرية لنحو 100 مقاتلة. أيوه، ومقاتلة متطورة. طيب، بالنسبة للتحديثات اللي نزلت على الطائرة، أو الـ 11 طائرة، أو مجموعة الطائرات الجديدة اللي جت لك، هل موقعها من الإعراب فيما يخص الطائرات اللي إحنا حصلنا عليها في الأول، الدفعة الأولى؟ إيه وضعها؟ قال لك هيتم نقل نفس التحديثات دي لنفس القصة دي. الغريب بقى في الصفقة دي، وبقول حظيمة ليه؟ لأن في أجزاء كثيرة منها صنعت عندك. مش الديل والجناح الأيسر أو الأيمن والسمبوسة والحاجات دي. لا لا خالص خالص. وأنا بقول لك دي معلومة وقلتها قبل كده وناس كذبتني واتاكدت في معرض إيديكس اللي فات. النهارده أنت بتصنع أجزاء كثيرة جداً من البادي، الديل كامل، أجزاء في المحرك. وده اللي هيميز الصفقة، أو الجزء القادم. لقد نقل تكنولوجيا تصنيع الرفال إلى القاهرة، وأصبحت المصانع جاهزة بالفعل للعمل، ومشيها جاهزة إن ما كانتش اشتغلت للعمل ما بين وزارة الحرب الفرنسية ووزارة الدفاع المصرية، وفق مصانع الهال العربية التصنيع، وبدأوا بالفعل يشتغلوا على النقطة دي. واعتقد الطائرات القادمة هيكون جزء كبير منها صناعة مصرية. عملية الصيانة والحصول على أسلحة ومعدات وتفاصيل وقصص وكل ده برضه هتكون في إيدك. مصر كوكارب في صاروخين حصلت عليهم مهمين جداً. دول هنتكلم عنهم في ريلز كمان 48 ساعة. ريلز كده عامله لك أول يوم العيد، واحتمال بكرة تنزل بيه براحتك تشوف قصته فيها إيه. حلقة قصيرة، صغطة كده، ثمان دقائق أو أربع دقائق بتوري وتتكلم في الصفقة دي بالتحديد وتفاصيلها. دي نقطة.

النقطة الثانية، الصحافة الإثيوبية بتهاجم مصر بدراوة، بدراوة فوق ما تتخيل. ليه بقى؟ قال لك إن مصر تدخلت لمنع صفقات عسكرية تصل إلى إثيوبيا. يا راجل، هو أنتوا مش أقوياء ولا إيه؟ لا أقوياء. أمال إيه اللي حصل؟ ليه دي نقطة مهمة؟ قال لك والله إن مصر أبرمت صفقات عسكرية مع عدد كبير من الدول حواليه، وإن في بينها وبين بعض هذه الدول مشروعات. وهنا بقى يطلع لك الكلمة اللولبية اللي اخترعتها 50 اقتصاد وأبو عاصي قالها لك: دبلوماسية الجيش. أنا بيني وبينك مصالح. دي نقطة مهمة. المصالح اللي بيني وبين حضرتك دي بشكل واضح لازم ترعاها وتراعيها كويس قوي. من ضمنها إنك ما تكونش مشترك مع عدو ليا. أنا ما قلت لكش تصنع لحد أو تصدر لحد. قال لك إن إثيوبيا كل ما تتفق على اتفاقية معينة أو تصنيع سلاح معين، تفاجأ بشكل أو بتوقف في هذه الاتفاقية. وإن كل ما حصلت عليه إثيوبيا مؤخراً هو مجرد سيارات مدرعة، اللي هي العربات المدرعة دفع رباعي، وما فيش غير منظومة الدفاع الجوي اليتيمة اللي حصلت عليها من الجانب الروسي، والأخرى اللي هي بتحاول تحصل من الإمارات على منظومات، لكن في الآخر برضه ما أخدتش السلاح. وأنا نزلت لك فيديو النهارده قلت لك سر زيارة أبي أحمد للإمارات. يا ريت تشوف الفيديو ده، هيعجبك. ويا ريت زي ما أحطه في أول كومنت، فيديو كده ثمان دقائق هيعجبك برضه. فدي لقطة مهمة.

طيب، في بقى خبر أنا سايبه لك للآخر. واحد من أخبار العيار الثقيل بالفعل بيتكلم فيه عن تفاصيل وتحركات مهمة جداً تخص الوزارات في مصر، أو التعامل في مصر بالتحديد، وعدد من الدول اللي حواليه. مصر بتسعى إن يكون في عندك هنا تقدر تقول مجمعات صناعية تخص الجانب العسكري. واعتقد إن خلال الأيام الجاية هيكون في تحركات مهمة تخص النقطة. تفاصيل القصة دي كلها مش عندي لسه. أنا عندي كده عناوين زي ما بيقولوا. هنوصل لحد فين لسه مش عارفين. لكن إسرائيل راصدة النقطة دي، راصدها كويس قوي، ورافضة تحركاتك في المنطقة، ورافضة اللي أنت بتعمله، لأنك ضد أو عكس سياستها بشكل واضح. وهتستفز منها الفترة القادمة، خاصةً بقى إنها بتدير كم كبير من اللجان وشغل السوشيال ميديا. واعتقد إن إحنا بقينا عندنا من الوعي الكفاية إننا نقدر نقف قدام الناس دي بالتحديد. دي نقطة مهمة. خد بالك من اللي بيحصل واللي بيتحرك دلوقتي.

دونالد ترامب بيلقح على السعودية والإمارات وقطر بيقول: "هناك دول قمنا بحمايتها لسنوات وهي ليست متحمسة للمساعدة في حماية مضيق هرمز". بيلقح عليهم. لا ما ينفعش. ما رحت إن كانت أوروبا تخلت عنك، أنا اللي هجيك. دي نقطة مهمة. ستارمر، أو كير ستارمر، بريطانيا لن تنجر إلى حرب أوسع في الشرق الأوسط. حرب إيران تعمق الشرق بين واشنطن وأوروبا بسبب باب روسيا. طيب. لكن هنا بقى الروس عندهم نقطة وتحرك مهم. في كارثة بتحصل دلوقتي. الطيران الإسرائيلي بيتحرش بروسيا. خلال ساعات قد يتدخل الجيش الروسي في الحرب. كلمة قالها لك أبو عاصي. إزاي ده بيضرب في بحيرة قزوين، اللي هي من ضمن أطرافها بحيرة داخلية، من ضمن أطرافها الروس. طيب، لو حصل هتضطر روسيا تدخل تحتل القوقاز الجنوبي. خلاص، منطقة فيها المحافظات الإيرانية المتاخمة لهذه البحيرة. للأسف هتضطر تخش تحتلها، لأن الطيران الإسرائيلي وصل هناك وبيضرب هناك. يعني بيقطع الإمدادات ما بين روسيا وما بين الجانب الآخر الإيراني. ودي نقطة ومن أول السطر هنبدأ بيها لايف بكرة. أتمنى يكون اللايف عجب حضراتكم. لو عجب حضرتك ما تنساش بقى اللايك والتعليق وشاركنا برأيك وتقول إزاي نطور مع بعض. سعيد قوي باللايف مع حضراتكم. كل سنة وحضراتكم طيبين وعيد سعيد عليكم وعلى أسركم. شكراً لكم. السلام.