الجيش الروسي يقيم ميناء عسكري علي حدود قناة السويس المصرية و بوتين يرسل رسالة عسكرية للسيسي

السلام عليكم، ازيكم؟

حلقة دي كلها أسرار. ليه؟ من كام يوم كده جه سيرجي شوجو. سيرجي شوجو هو كان وزير الدفاع السابق، وهو حالياً سكرتير مجلس الأمن القومي الروسي. الراجل ده جه مصر والتقى بالرئيس عبد الفتاح السيسي. في الزيارة دي، كل الناس قاعدة تضرب كف على كف. خلاص، الراجل ده جاي يعمل إيه؟ هل مثلاً هو جاي عشان يرد على زيارة الرئيس السيسي للاتحاد الأوروبي؟ هل هو جاي عشان يعقد صفقات عسكرية؟ طب ما هو ما ينفعش صفقات عسكرية، وحتى الرد على زيارة الرئيس السيسي للاتحاد الأوروبي ده أمر مش مفهوم قوي. كل الناس ما كانتش فاهمة هو جاي ليه.

طيب، الراجل ده بعد كده تم إصدار بيان صحفي وقال لك والله ده جاي عشان يحرص على العلاقات الثنائية المصرية الروسية. ماشي، العلاقات حصل لها إيه؟ ما فهمتش يعني. بس إيه؟ قال لك والله ده العلاقات بين مصر وروسيا زي الفل، وإن الرئيس فلاديمير بوتين عرض على مصر كافة أنواع التسليح اللي هي عاوزاها من روسيا. يعني الروس فاتحين لك أبواب. ماشي.

وبعديها بكام يوم يا باشا، ده مفتاح مفاعل الضبعة. وتم وضع أول قلب للمفاعل. خلي بالك، هم أربع مفاعلات. يعني، فالمهم يعني تم وضع قلب أول مفاعل، وكان بيشهد الاجتماع ده الرئيس بوتين والرئيس المصري عبد الفتاح السيسي. وحتى شاوروا لبعض كده باي باي. ماشي، ده حاجة زي الفل. شوف قد إيه العلاقات زي الفل.

ولحد دلوقتي ما عرفتش الراجل سيرجي شوجو ده جاي يعمل إيه. حلو.

النهاردة اكتشفت صحيفة [موسيقى] اسمها وول ستريت جورنال. قالت لك على فكرة السودان عرضت على روسيا إنها تاخد ميناء بورتسودان لمدة قد إيه؟ 25 سنة. العرض ده صحيفة الجورنال فردت عنه تقرير. بس أنا ما وقفتش عند تقرير وول ستريت جورنال، أنا رحت المواقع الهندية [موسيقى]. شوف قد إيه هندية وصينية وأمريكية عشان أفهم الروس هيقبلوا العرض ده ولا لأ. كلام أول مرة تسمعه. وهتعرف ليه سيرجي شوجو جه، وإيه علاقته بميناء بورتسودان، وإيه علاقة الرئيس السيسي بفلاديمير بوتين، وبوتين عاوز يعمل إيه بالظبط في السودان. كلام خطير جداً.

بس طبعاً، شغلك واكشف لك الكلام ده كله. لازم أقول لك القصة من قبل ما أخش في الموضوع. قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً وهو باتر هاوس. لو قلت لك إنك ممكن تشتري وحدة سكنية في العاصمة الإدارية الجديدة، أميز كومباوند، وكومباوند مبني بالكامل وبسعر أقل من النص. يعني بدل ما سعر المتر يوصل لـ 57 ألف جنيه، إنت هنا هتاخد المتر بـ 27,900 جنيه فقط. العرض ده فعلاً ما يتفوتش. لأن الوقت اللي إحنا فيه ده الأسعار بتزيد كل يوم. فشركة باتر هاوس للتطوير العقاري قررت إنها تمشي عكس الاتجاه وتستجيب لمبادرة رئيس مجلس الوزراء لخفض الأسعار بعرض فعلاً غير مسبوق في كومباوند سكاي كابيتال فيو في قلب العاصمة الإدارية الجديدة، في حي الـ R8، على النهر الأخضر والممشى السياحي المباشر.

فدلوقتي تقدر تمتلك وحدتك في مكان مميز جداً بمقدم بسيط 5%، والباقي على أقساط مريحة جداً بتمتد لحد ثمان سنين. ونظام الحجز كمان احترافي جداً، أي أو أي بقيمة 25 ألف جنيه فقط. يعني ببساطة كده، خصم من 40 لـ 50% من السعر الأساسي. ده عرض استثنائي بجد في موقع استراتيجي وبسعر مش هيتكرر تاني. لأن العرض ده لمدة شهر واحد بس. وحابب أقول لك إن شركة باتر هاوس شركة مميزة جداً وليها مشروعات كتيرة في السوق العقاري المصري زي منتجع عبد الله في هضبة الجلالة، سكاي نيو هليوبوليس في مدينة هليوبوليس الجديدة. والشركة دي ليها مصداقية في مجال التطوير العقاري لأكثر من 18 سنة. وده اللي بيخلي الاستثمار معاها آمن ومضمون. امتلك وحداتك دلوقتي باتر هاوس واستثمر في مضمون عشان تلحق، لأن العرض ده لفترة محدودة جداً. هسيب لحضرتك أرقام باتر هاوس لو حضرتك حابب تتواصل معاهم أسفل الفيديو في الديسكربشن.

نخش في الموضوع على طول. نخش في الموضوع على طول. إيه الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص روسيا في السودان؟ إيه اللي حصل بالظبط؟

اللي حصل كالاتي إن والله صحيفة وول ستريت جورنال فجرت خبر من العيار الثقيل. وقالت لك السودان بتعرض على بوتين إنه ياخد ميناء بورتسودان على البحر الأحمر، وإنه يستخدم الميناء ده كميناء عسكرية. خليني أمشي معاك واحدة واحدة. لازم حضرتك تعرف إن ده عرض مش طبيعي. ليه؟ لأن بوتين كان بيحاول ياخد الميناء دي بقاله خمس سنين. أول مرة الروس اتكلموا إنهم يبقى لهم ميناء في السودان كانت في 2019 مع البشير. وكانوا بالفعل عقدوا الصفقة، بس تم الانقلاب على البشير وتم الإطاحة بيه. حلو. زي ما بيقولوا كده، البلاد حصل لها تشيك أب، اترجت جامد جداً. ماشي. هم مسمينها كده في الإعلان. ماشي. بعد كده لما جه عبد الفتاح البرهان، رئيس مجلس الانتقالي السوداني، عقد برضه صفقة مع الرئيس الروسي فلاديمير بوتين. بس بعد كده قال لك إيه؟ لا نقف إحنا شوية.

فمسودة اتفاق بورتسودان التي وقعها الرئيس الروسي بالفعل أصبحت بانتظار توقيع الجانب السوداني. قد أثارت جدلاً واسعاً. فهي تعني تعزيز الحضور الروسي البحري العسكري في البحر الأحمر، وهو ما لم يكن موجوداً سابقاً. هذا الاتفاق في حال إبرام سيعزز وجود الروس في أفريقيا ويوسع القدرات التشغيلية للأسطول الروسي، كما نقلت وكالة إنترفاكس الروسية عن مسؤولين عسكريين.

وكان وجهة نظر عبد الفتاح البرهان إنه يروح للغرب حبتين. فكان متمشي جداً مع الأمريكان. عمل اتفاقية إبراهيم مع إسرائيل، وبعد عن روسيا خالص. وشبه كده الميناء دي راحت على روسيا. فإنت بقى بقالك خمس سنين وأكتر كمان. [موسيقى] بتتكلم إن الروس عاوزين الميناء دي بالذات ويبقى لهم تواجد عسكري في السودان. دلوقتي إنت مش بتتكلم إن الروس هما اللي بيسعوا. بتتكلم إن السودان عبد الفتاح البرهان هو اللي بيعرض على بوتين إنه ياخد الميناء دي. فتحول خطير جداً.

طيب، هل صحيفة وول ستريت جورنال ذكرت إن بوتين هياخد ميناء بورتسودان؟ خلي بالك، ميناء بورتسودان ده هو الميناء الرئيسي. ودي المدينة أصلاً اللي فيها الحكومة السودانية حالياً. الحكومة السودانية مشيت من الخرطوم راحت بورتسودان. فمنطقة لوجستية مهمة جداً وميناء هو ده الميناء الأساسي. الحقيقة، وول ستريت جورنال ما قالتش بورتسودان. قالت لك هم عاوزين ميناء، والميناء دي هتستقبل أربع سفن [موسيقى] روسية في نفس الوقت. يعني في أربع سفن ممكن يرسوا فيها. والأربع سفن دول ممكن يكونوا سفن نووية كمان. بس الأقرب عشان الروس يقبلوا بالصفقة دي إنها هتبقى ميناء بورتسودان. مش ميناء هيتم إنشاؤها. لا. وقال لك والله إن السودان هتقبل بوجود 300 جندي موجود في الميناء دي. سواء بقى بورتسودان أو ميناء تاني. بس هم هيقبلوا بالتواجد الروسي والكلام ده كله. حلو.

تعالى بقى نبص قصة ليه السودان عرضت دلوقتي الصفقة دي على [موسيقى] بوتين برغم إنه كان بيسعى عليها من الأول؟ لسبب بسيط. أولاً، حضرتك لازم تعرف إن الحرب في السودان حالياً ما زالت. برغم إن تركيا تدخلت. ماشي؟ وبتعمل حالياً مراكز قيادة مسيرات. وعاوز أقول لك إنها بتدفع بكم من الأسلحة للجيش السوداني كبير جداً. مصر تدخلت وبتدفع [موسيقى] بعدد من الأسلحة وبتجرب أسلحة جديدة داخل حرب السودان. أنا أعتقد كده. قطر بترسل دعم. السعودية بترسل دعم. دول كتيرة جداً بتدعم الجيش السوداني. إيران نفسها بتدعم الجيش السوداني. ماشي. إلا إن الحرب في السودان حالياً ما زالت متكافئة. خلاص؟ ما فيش الانقلاب الكبير. بدليل إن النهاردة سقطت بابانوسا. بابانوسا دي المدينة الصغيرة اللي الدعم السريع كان محاصرها وفضلت صامدة بشكل كبير جداً. مقر الفرقة 22 اللي فضل صامد. دلوقتي سقط خلاص. وده الفيديو اللي قدام حضرتك إن مليشيات الدعم السريع بتحتفل إنها أسقطت بابانوسا. فإنت عندك حرب متكافئة. فالسودان دلوقتي أو عبد الفتاح البرهان شاف والله ده الوقت المناسب إننا نعرض الاتفاقية دي على الروس.

طيب، هم الروس بيدعموا مين في حرب السودان؟ ده والله بص، الروس في الحرب الأهلية في السودان بين الدعم السريع وبين الجيش السوداني، هم منقسمين. يعني إيه منقسمين؟ ما بين أه أو لأ. يعني الجيش الروسي، روسي المفروض إنه بيدعم الجيش السوداني. بس مليشيات فاجنر بتدعم مليشيات الدعم السريع. فالروس بيلعبوا على الطرفين. بس لما الجيش السوداني هيروح لبوتين ويقول له يا باشا اتفضل ميناء، عاوز الميناء، آخدها خلاص. ساعتها الكريملين هيوقف مليشيات فاجنر إنها تدعم مليشيات الدعم السريع ويسحبها. طيب ليه؟ لأن خد بالك، أصل عبد الفتاح البرهان مش عرض الميناء دي وخلاص. لا، ده عرض الميناء ومعاه حق في التنقيب عن الموارد الطبيعية في السودان. ودي السياسة أو الاستراتيجية الروسية خالص. روسيا على فكرة بتحب التوسع العسكري مع إنها تسيطر على المعادن النادرة أو المعادن الطبيعية. وبطبيعة الحال أبرز حاجة في السودان حالياً من المعادن النادرة بترول. وده عز الطلب. لو إنت اديتني الذهب ساعتها هبقى معاك وأشيل إيدي من الدعم السريع. وده بالضبط اللي عرضه عبد الفتاح البرهان.

فض >> في التفاصيل التي نشرتها الصحيفة الأمريكية سيكون لموسكو الحق في نشر ما يصل إلى 300 جندي وأن يرسو ما يصل إلى أربع سفن حربية، من ضمنها تلك التي تعمل بالطاقة النووية، في بورتسودان أو في منشأة أخرى على البحر الأحمر لم يحدد اسمها بعد. كما ستحصل موسكو على معلومات دقيقة حول امتيازات التعدين المربحة في السودان >>.

الأمر الثالث اللي دفع عبد الفتاح البرهان إنه يعمل الموضوع ده إن والله الوساطة الأمريكية الأخيرة ساوت بين الجيش السوداني والدعم السريع وطلبت من الطرفين مباشرة كده إن والله القتال. وكان مستشار الرئيس دونالد ترامب كان بيخاطب الطرفين سواء بسواء. يعني ما كانش بيقول والله دي مليشيات خارجة عن القانون وبيدعم الجيش السوداني. لا، كان بيخاطب الطرفين إنهم يوقفوا الحرب ويعملوا هدنة. فالكلام ده ضايق عبد الفتاح البرهان وشاف إن هو ده الوقت إنه يروح يكلم بوتين. تعالى بقى يا بوتين، إنت خلصني.

طيب، السودان هتدي الكلام ده كله للروس؟ طب هتاخد إيه؟ والله بص، في صحيفة اسمها أفريكا إنسايدر. ماشي؟ أفريكا إنسايدر قالت لك والله القصة اللي بتخلص إيه؟ القصة اللي بتخلص إن والله السودان هيدي الميناء دي للروس مقابل أسلحة. طب إيه أبرز الأسلحة اللي عاوزها الجيش السوداني؟ دعم سلاح الجو السوخوي 30 والسوخوي 35. اشمعنى المقاتلتين دول اللي ذكرتهم أفريكا إنسايدر؟ قالت لك والله السبب بسيط إن السوخوي 35 وصلت الجزائر وبتعمل في الجزائر. ماشي؟ والسوخوي 30 تم رصدها في إثيوبيا وأنجولا. والسوخوي 30 موجودة في أكتر من دولة. وما تنساش التقرير الاستخباراتي اللي أنا قلت لحضرتك عليه إن إثيوبيا احتمال يكون عندها ست مقاتلات سوخوي 35. فدلوقتي الجيش السوداني شايف إن روسيا يعني منفتحين إنهم يصدروا المقاتلات دي. وخاصة إن سلاح الجو الروسي غير نشط في حرب أوكرانيا. خد بالك بس في الحتة دي. سلاح الجو الروسي بيخش بمقاتلاته فوق سماء أوكرانيا. بالعكس، ده الدفاعات الجوية الأوكرانية جامدة جداً. فالمقاتلات الروسية بتكصف أوكرانيا من الخارج. فحتة الدوك فايت أو إن إنت تشوف قتال بالمقاتلات الروسية مع المقاتلات الأوكرانية ده أمر مش هتشوفه كتير. يعني الاثنين بيكصفوا بعض من خارج الحدود البلدية. فروسيا منفتحة إنها تصدر السوخوي. وده اللي عاوزاه السودان.

طيب، هل السودان عاوزة المقاتلات السوخوي والسوخوي فقط؟ لا، هم عاوزين برضه منظومات دفاع جوي، عاوزين دعم بالكلام ده كله. طيب، هل السودان ما بيجيلوش الأسلحة دي من تركيا ومصر وإيران وقطر والسعودية والكلام ده كله؟ الحقيقة بص، هو بيجيله. بس زي ما بقول لحضرتك كده، السودان عاوز يحسب معركة. المعركة مع الجيش السوداني طولت. والراجل عاوز يسحب دعم موسكو للدعم السريع وإنه يقلبه لدعم [موسيقى] الجيش السوداني ويسحبه مليشيات فاجنر من الموضوع. وبكده يبقى الجيش السوداني نجح في إضعاف مليشيات الدعم السريع. وبكده يبقى خد دعم لا نهائي من الأسلحة. حلو.

للروس مهتمين بقى بصفقة زي كده؟ >> قال مسؤولون سودانيون إن الخرطوم عرضت على موسكو إقامة أول قاعدة بحرية لها في أفريقيا، ما يمنح روسيا موطئ قدم غير مسبوق على أحد أهم الممرات التجارية في البحر الأحمر. وأضاف المسؤولون السودانيون أن بلادهم تتحفظ على إبرام الاتفاق حتى الآن، مشيرين إلى أن روسيا ستحصل بموجب الاتفاق على حق نشر ما يصل إلى 300 جندي وإرساء أربع سفن حربية في ميناء بورتسودان أو منشأة بحرية أخرى. >>

وليه مهتمين بقاعدة بحرية تكون في السودان؟ والله لكذا سبب. أول سبب، خلي بالك إن البحر الأحمر ده موجود فيه القوى الكبرى زي أمريكا وزي الصين. موجودين في جيبوتي عندهم قواعد وقواعد كبيرة بالمناسبة. يعني أكبر قاعدة خارج الصين موجودة في جيبوتي. فإزاي روسيا مش موجودة؟ أمر تاني. أمر خد بالك إن روسيا، روسيا أصلاً نشطة في أفريقيا، بس مش موجودة في البحر الأحمر. فعاوزين يبقى لهم ميناء بحري. وكانوا بيدوروا على حاجة زي كده. خاصة إن البحر الأحمر بيسمى المياه الدافئة. يعني المياه الدافئة تحس إن العمليات العسكرية ناشطة حبتين هناك. فما ينفعش الكلام ده كله يحصل بدون تواجد الروس.

ثالث حاجة وأهم حاجة لوجستياً، خلي بالك السوق الأساسي اللي موسكو وروسيا موجود في آسيا. وإنت عشان تصدر لآسيا لازم تعدي بقى من البحر الأسود، بعدين تنزل من مضيق البوسفور، بعدين تروح على البحر المتوسط وتنزل على البحر الأحمر، بعدين تقوم رايح للمحيط الهادي وتروح بالسفن [موسيقى] بتاعتك. طيب الكلام ده يقول لك إيه؟ يقول لك إن إنت محتاج قواعد تكون موجودة روسية عشان مثلاً لو في مراكب عسكرية روسية ما تبقاش كل شوية لو عاوزة تتصلح، عاوزة تعيد التزود بالذخائر والمؤن والكلام ده كله، تخبط مشوار تاني لحد روسيا عشان تتصلح. لا، هم عاوزين ميناء زي ما الصين عندها ميناء، هم عاوزين ميناء على البحر الأحمر بأي شكل كان. فالكلام ده كان السودان أهدت موسكو الحاجة اللي هي بتدور عليها بقالها خمس سنين. الحاجة [موسيقى] الثالثة إن خلي بالك الأمريكان واضح إنهم يعني ما عندهمش ملكة قوي على عبد الفتاح البرهان. ماشي؟ ودونالد ترامب منشغل بحاجات تانية وشايف الأمر ده تافه إن الروس يحصلوا على ميناء في بورتسودان. ده آخر همنا.

>> الأمريكي من أن المضي في إنشاء القاعدة البحرية أو أي شكل من التعاون الأمني مع روسيا سيؤدي إلى مزيد من عزلة السودان ويعمق الصراع القائم. >>

كل الظروف مواتية إن الروس ياخدوا الميناء ده. وخد بالك بالك الأمر كمان ممكن يكون رمزي. لأن كون إن روسيا يبقى عندها ميناء على البحر الأحمر ده يوريك إن روسيا قوة كبرى. وإن الروس ما بقوش ضعاف زي ما الغرب بيصور إنه والله إحنا خلينا روسيا ضعيفة، العقوبات قضت على الاقتصاد الروسي. الكلام ده لا، إنت كده بتتكلم على قوة كبرى بيبقى عندها قواعد في البحر الأحمر وعندها ميناء. وخد بالك إن الروس لو خدوا ميناء مش هيقبلوا بميناء فقط، هيتوسعوا في السودان عشان بس نبقى صريحين مع بعض. حلو.

كل الكلام ده ماله بينا إحنا إيه اللي دخل سيرجي شوجو سكرتير مجلس الأمن القومي الروسي إنه يزور الرئيس في مصر عبد الفتاح السيسي؟ لأن ببساطة القاعدة دي أهميتها القصوى إنها موجودة على طرف قناة السويس. دي بتراقب حركة الملاحة في قناة السويس بشكل مرعب. في ميناء بورتسودان بالذات. فإنت لو الروس نزلوا في القاعدة دي، إنت بتتكلم على أمر خطير. الروس هيبقوا مطلعين إيه اللي داخل في قناة السويس وإيه اللي خارج منه. وده تهديد للأمن القومي لمصر. فالروس عاوزين يطمنوا مصر ويطمنوا الرئيس المصري عبد الفتاح السيسي. إحنا مش جايين للعمل ضد المصريين، إحنا جايين للعمل لصالح روسيا. وخد بالك بقى إن إحنا الروس موجودين في ليبيا وعند خليفة حفتر وما أذيناش مصر بأي حاجة. ودعمنا خليفة حفتر وإحنا أصدقاء. والكلام الفارغ اللي إنت هتقعد تسمعه ده. بس في الآخر إنت بتتكلم على دولة أو قوة كبرى موجودة على بوابة قناة السويس. وده أمر خطير.

خلي بالك، لما تركيا حبت تاخد قاعدة عسكرية في ميناء سواكن ماشي؟ أو جزيرة سواكن. مصر قومت الدنيا. ما عدتهاش عشان بس جزيرة السواكن دي قريبة من قناة السويس. مصر قلبت الدنيا إن تركيا ما تبقاش موجودة. ما بالك إن الروس جايين هم كمان. وخد بالك إن عبد الفتاح البرهان أصبحت فواتيره كتيرة. عبد الفتاح البرهان كان في الأول متحفظ. ما بيبلش دعم من أي حد. دلوقتي الجيش السوداني منفتح. أي حد يساعدني عشان أقضي على ابن الذين اللي اسمه حمدتي ده. أي حد يساعدني وأنا معاه. فده أمر في منتهى الخطورة. لازم تعرف اللي بيدور حواليك.

طيب، هل لو روسيا تدخلت في الحرب هتخش ببلاش؟ الحقيقة لا. هي مش هتخش ببلاش. هي هتخش مقابل إنها تدي الأسلحة للجيش السوداني بأسعار رمزية أو مخفضة. ما معناه إن هيبقى دعم مطلق عسكري بالأسلحة اللي روسيا عندهم فيها وفرة ما بيتمش استخدامها بكثافة في حرب أوكرانيا. ولو مليشيات فاجنر انسحبت من دعم الدعم السريع ده برضه هيعمل خلل في قوة الدعم السريع. تبقى عارف كده كويس. لأن حالياً الدعم السريع محتاج كل واحد. لأن الجيش السوداني أصبح قوي. بالمناسبة، الجيش السوداني بقاله سنتين بيحارب خلاص وما سقطش. عكس ما تخيل الدعم السريع. والدعم السريع برضه ما سقطش. فالاثنين بيحاربوا بعض بشكل مرعب. الاثنين في حاجة لكل الدعم. بس لو خدت بالك هتلاقي إن العالم بيتعامل مع الجيش السوداني إنه أكتر شرعية أصلاً وبيقبل كل حاجة. وواضح جداً إن الجيش السوداني عاوز إنه ينهي المسألة. الجيش السوداني حالياً بيبحث عن دعم لإنهاء الحرب. عاوز يخلص على الدعم السريع. فده أمر محتاج دعم قوي جداً جداً وبشكل كثير. ودي أمور يجب النظر فيها.

طيب، هل الدعم السريع هيسكت؟ الحقيقة الدعم السريع حالياً بيقيم طريق عسكري وبيمهد الأرض عسكرياً بشكل كبير جداً إنه يقيم طريق مسافلة من تشاد لحد السودان. [موسيقى] ماشي؟ الطريق ده يبقى متسفل بشكل كويس جداً. الظاهر إن الدعم السريع عاوز يجيب أسلحة مختلفة. فإنا بقول لحضرتك هم بيسفلتوا الطرق دلوقتي عشان يعملوا [موسيقى] طريق سريع مش طريق عادي. طريق سريع عشان يحصلوا فيه على معدات لغرب السودان بحيث الدعم السريع عاوز إنه يقيم منصات دفاعية وبعد كده تصبح هجومية. ماشي؟ فده أمر أمر مهم جداً.

حرب السودان طولت والظاهر كده إنها أصبحت خطيرة على الأمن القومي المصري غير ما كانت قبل كده. يعني إيه؟ يعني حرب السودان كان اسمها الحرب المنسية. كانت بين جيش أو بين مليشيات الدعم السريع. دلوقتي إنت بتتكلم إن في قوة كبرى هتهتم بالحرب دي. الجيش السوداني هيلاقي دعم الجيش الروسي. وبطبيعة الحال أمريكا مش هتسكت خلاص. والأمريكان مش هيحبوا إنهم يشوفوا الروس موجودين في شرق السودان. فالحسابات هتتعقد. وبدل ما الحرب دي كانت حرب منسية، هي هتصبح حرب بالوكالة. بالعكس، دي ممكن تصبح حرب عالمية كمان. الروس في جهة والأمريكان في جهة.

طب سؤال، هو إيه دور مصر؟ يعني أه إحنا فاهمين إن سيرجي شوجو جاي مصر عشان يقول لها إنه هياخد ميناء. بس إيه دور مصر في الموضوع؟ خد بالك بس من أمر مهم جداً. الحتة التانية اللي إنت مش واخد بالك منها غير إن القاعدة دي موجودة على بوابة قناة السويس، إن مصر هي أقوى جيش على حدود السودان حالياً. ولازم تعرف إن الروس بيلعبوا على الطرفين برضه. راحوا لإثيوبيا وقالوا لهم يا باشا هات لنا ميناء. يعني إنت كأبي أحمد هات ميناء، خد بقى ميناء عصب، خد اللي إنت عاوزه وإحنا نعمل لك الأسطورة. هو جاي لمصر يكلمك يقول لك إيه؟ يقول لك ده مفاعل الضبعة، واللي إنت عاوزه من أسلحة وإحنا معاك والكلام ده كله. بس حالياً الجيش المصري لا يقارن بالجيش الإثيوبي خالص. وميناء بورتسودان ده ميناء أقرب للحدود المصرية. فهو حالياً عاوز رضاك بشكل أو بآخر إن إنت تكون قابل إن الروس يتواجدوا في قاعدة عسكرية وميناء عسكري قرب ميناء بورتسودان أو في ميناء بورتسودان [موسيقى] نفسه. وكون أصلاً إن ميناء بورتسودان يستقبل قطع بحرية بتعمل بالطاقة النووية وفيها أسلحة نووية، ده أمر خطير جداً. بالمناسبة يعني عشان بس تبقى فاهم يعني. الغرب هيحصل له حالة ذعر. ده الروس مش موجودين فقط في ليبيا، دول كمان موجودين في السودان. الروس بيتوسعوا في مناطق استراتيجية خطيرة جداً. موجودين بيطلوا على البحر المتوسط، موجودين بيطلوا على البحر الأحمر، وعندهم ميناء في سوريا. ماشي؟ فدي أمور خطيرة جداً ما ينفعش إن الغرب يقبل بيها.

فالسؤال [موسيقى] هل مصر قبلت بحاجة زي كده ولا ما قبلتش؟ هنشوف. يا رب أكون شرحت لحضرتك الموضوع بشكل مبسط. ويا رب انصر مصر، يا رب العرب، ويا رب فلسطين. يا رب تحيا مصر. سلام.

>> إنت مش عارف إحنا مين. إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب. >>

>> وكرم بيتضرب بيه المثل. >>

>> جدعنة وشهامة [موسيقى] مش موجودة في زنا. ورحمة بتطلع من عينينا قبل قلبنا. [موسيقى] >>

>> إحنا بسمة بتفتح ألف باب. [موسيقى] >>

>> أكله حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ادانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.