حصرياً .. خطة سرية لإنهاء حرب إيران تكشفها مصادر إسرائيلية .. هل أصبح ترامب عاجز عن الخروج؟

السلام عليكم، ازيكم؟ الفيديو اللي فات جيت قلت لحضرتك خلي بالك، وفقًا لصحيفة وول ستريت جورنال، إن مستشاري دونالد ترامب والناس المقربين منه في الإدارة الأمريكية قالوا له: "انت لازم تخلع من الحرب، خلينا نخلص الحرب بأي شكل، لأن آثارها قوية جدًا". وبتتكلم إن الحرب دي مدمرة وآثارها تجاوزت الشرق الأوسط وابتدت تضر العالم كله.

والأمر ده خلى إن دونالد ترامب فعلاً بيدور على نهاية، إزاي يخرج؟ بس صعب جداً إنه يخرج، لأن ببساطة كده دونالد ترامب حاطط شروط قوية جداً. بس ظاهر كده إن في حد جاي لترامب بخطة خروج. مين الحد ده؟ والله مسؤول إسرائيلي. طب مين اللي قال الكلام ده؟ صحفي اسمه ديفيد إغناطيوس، أقوى صحفي في صحيفة واشنطن بوست، كتب مقالة في واشنطن بوست وكتبها تاني في فورين بوليسي. أنا جبت النسخة بتاعة فورين بوليسي. بيقول لك: "على فكرة، في مسؤول إسرائيلي قال لترامب: أنا عندي المخرج". عاوز تعرف هو إيه؟ هقول لك.

عشان أقول لك، لازم أحكي لك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي قوي جداً ومحترم جداً، وهو بحكم شغلي في الأخبار بضطر إني أطلع على مواقع كتير وأستخدم برامج كتير، بس صدقني في معظم الأحيان بتكون مواقع كتيرة قوي مقفولة أو برامج محتاجة إني أكون في دول أخرى عشان أشترك فيها، مش في مصر فقط، في كذا دولة.

والحقيقة إن الأمر ده الحل الوحيد للتغلب عليه هو باستخدام برامج VPN. ولكن السؤال المهم، عمرك سألت مين اللي بيملك الشبكات المتاحة دي والسيرفرات بتاعتها بتبقى فين في أنهي دولة بالظبط؟ الحقيقة الصادمة هي نسبة كبيرة من أشهر تطبيقات الـ VPN في السوق حالياً هي من شركات إسرائيلية، زي مثلاً برايفيت إنترنت أكسس، وزي سايبر جوست، وزنت. أو ممكن يكون عندهم سيرفرات في إسرائيل، زي نورد في بي إن، وسيرف شارك، وبروتون، وآي بي فانش.

صدقني، الحل اللي برجعه لحضرتك هو زيو فري في بي إن. لأن زيو فري في بي إن هو في بي إن مصمم خصيصاً إنه ما يكونش له أي علاقة بإسرائيل، يعني من الآخر كده صهيوني فري. عاوز أقول لك إن نسبة الاشتراك فيه عالية جداً وبأسعار ممكن تفاجئك بشكل كبير جداً. وزيو فري في بي إن ما عندهمش أي نوع من أنواع الخوادم داخل إسرائيل أو السيرفرات داخل إسرائيل. زيو فري بيقدم عرض كبير جداً، خصم 20% لكل الناس اللي هتيجي عن طريق قناة سمري. واستغل فرصة دلوقتي عشان تتصفح الإنترنت براحتك وبشكل آمن تماماً. هسيب لحضراتكم اللينك بتاعهم أسفل الفيديو لو حابب تتواصل وتحصل على زيو فري في بي إن.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص بلا نهاية. إيه اللي حصل بالظبط؟ اللي حصل إن دونالد ترامب غرز في الحرب دي، وواضح جداً الحرب دي أصبحت بتتوسع مش يعني بتقل. يعني إيه؟ يعني واضح جداً إن ملف النهاية أو شرط النهاية اللي حطه دونالد ترامب إن يبقى في استسلام بدون شروط، وإن إيران تستسلم بدون شرط، ده أمر بعيد.

فالحقيقة دونالد ترامب حالياً تقريباً معظم الناس المقربين منه بيقولوا له: "ما ينفعش حرب تمشي كده". طيب إيه اللي حصل؟ ديفيد إغناطيوس الكاتب الصحفي قال لك: "على فكرة، في شخصية مقربة مطلعة على خطط إسرائيل وأمريكا في حرب إيران". واسمع الكلام ده عشان الكلام ده أول مرة يتقال. الشخص ده اتكلم مع مسؤولين أمريكان وقال لهم: "على فكرة، إحنا ممكن ننهي الحرب، أنا عندي مخرج للقصة".

طيب إزاي؟ قال لهم: "خلي بالكم، القصة كلها دلوقتي إن واضح جداً إن إيران مش هتستسلم". ماشي؟ ده خلي بالك الشخصية دي شخصية مطلعة على خطة الحرب، يعني شخصية بارزة في إسرائيل، شخصية مش عادية. ديفيد إغناطيوس ما قالش مين، بس الشخصية دي قالت للمسؤولين الأمريكان: "قال لهم خلي بالكم، إيران كده مش هتستسلم". ماشي؟ خاصة إن مع تولي مكتبه إن هو يبقى المرشد الجديد، ما معناها استعلاء. تتفاوض؟ إيران أصلاً مش تتفاوض.

وإن إيران واضح جداً مع وصول مكتب خامنئي، إن هو يبقى الحرس الثوري الإيراني عاوز يحارب لحد آخر راجل، حتى بعد تحقيقنا الأهداف العسكرية اللي إحنا عاوزينها. مع الحرب دي ماشي؟ فواضح جداً إن الحرب داخلة في مسار هيبقى مدمر بالنسبة لإسرائيل وبالنسبة لأمريكا وبالنسبة للشرق الأوسط والعالم كله. طيب ليه بالنسبة لإسرائيل وأمريكا؟ أولاً خد بالك بالنسبة لإسرائيل، لأن إسرائيل بتتلقى ضربات والصواريخ اللي بتضرب على إسرائيل غير الصواريخ اللي بتضرب على الخليج. يعني الخليج بيتضرب مسيرات أكتر من الصواريخ، إنما الصواريخ اللي بتتضرب على إسرائيل هي صواريخ انشطارية وصواريخ فرط صوتية، صواريخ زي خرمة شهر، صواريخ زي خيبر.

وواضح جداً إن خلال الكام يوم اللي فاتوا بالذات آخر 48 ساعة، إن الصواريخ دي ابتدت تحقق أهدافها أو بتسبب دمار أكبر في إسرائيل. عاوز أقول لك إن إسرائيل بتعمل تعتيم على كم الخسائر اللي عندها، إنما إسرائيل متبهدلة. ماشي؟ وأنا جيت قلت لحضرتك في الفيديو اللي فات إن تم ضرب مركز الاتصالات الخاص بالجيش الإسرائيلي بعد الأقمار الصناعية واللي ضربه حزب الله، فإسرائيل عندها خسائر. إسرائيل شايفة إن ما ينفعش تكمل الحرب. أنا على فكرة أنا مش بقول لك ده وجهة نظري، أنا بقول لحضرتك المسؤول ده بيقول إن إسرائيل ما ينفعش تكمل الحرب. ماشي؟

طب بالنسبة لأمريكا؟ والله هو واضح جداً إن الكلام اللي قاله المسؤول ده مع المحللين الأمريكان أو المسؤولين الأمريكان، لهم برضه: "الأمريكان ما ينفعش يكملوا". يعني إنت عندك برميل النفط وصل لرقم، عندك جنود أمريكان سقطوا قتلى ومصابين، عندك قواعد أمريكية اتدمرت بشكل كبير جداً، عندك حلفاء أمريكا في المنطقة أكيد أكيد بعد الحرب دي علاقتهم مع الأمريكان مش هتبقى كويسة، خاصة إنهم على حافة الحرب. في حرب هم أصلاً لا كانوا يعرفوا معادها ولا أهدافها. لحد دلوقتي ما حدش يعرف أهدافها إيه، ولا تم التنسيق معاهم قبل الحرب بشكل كافي، لأن الجيش الأمريكي نفسه تم يعني صربته بشكل كبير أو زقه بشكل كبير للحرب دي بحيث إنه خد قرارات عسكرية عاجلة قد إن الحرب تطول وما تمش جمع معلومات استخباراتية كافية. ماشي؟

فالمسؤول ده بيقول: "يا جماعة، أدام إسرائيل وأمريكا مش عاوزين يكملوا الحرب، أنا عندي حل". إيه بقى يا باشا؟ الحل قال لك: "بص يا باشا، إحنا دلوقتي واضح جداً إننا هنؤدي المهمة الأساسية في الحرب دي، وهي تدمير الأهداف العسكرية الخاصة اللي إحنا رصدناها قبل الحرب". ماشي؟ يعني خد بالك، قبل أي حرب بيتم وضع كده أهداف عسكرية ووضع أهداف سياسية واقتصادية وكلام ده كله. فبيقول لك في الشأن العسكري، إحنا واضح إننا حققنا نجاحات باهرة. أولاً إنت ضربت مخازن كبيرة جداً، ثانياً إنت دمرت مقرات الحرس الثوري الإيراني، اختلت خامنئي واختلت قادة عسكريين عندهم خبرة. أي قائد عسكري يجي مكان قائد قديم مش بيبقى بنفس الخبرة. الجيل القديم بتاع إيران ده خد خبرة كبيرة جداً في حرب العراق، خد خبرة كبيرة جداً في الحرب بتاعة داعش، غزوة أمريكا العراق، أمور عسكرية. القادة الجداد في إيران ماتعرضوش ليها، خاصة إن الجانب الإيراني مش متمرس على الحروب قوي، يعني ما خدش حروب كتير، بالذات نظام الخميني يعني أو الملالي ما خدش حروب كتير.

المصدر الإسرائيلي بيقول: "يا جماعة، إحنا شكلنا كده نفذنا أهدافنا العسكرية". وما تنساش إنك أبديت الأسطول الإيراني. يعني النهارده دونالد ترامب بيقول لك: "أنا قضيت على 47 سفينة". والله أنا دمرت مصانع صواريخ. Navy is gone. It's all lying at the bottom of the ocean. 46 ships. Can you believe it? Fact upset with our people. قلت لحضرتك الفيديو اللي فات إن التلفزيون الإسرائيلي نفسه بيقول لك: "كل ما تبقى لإيران من منصات إطلاق صواريخ هو 130 منصة، وإيران بتحاول تخبيهم في أي حتة". ماشي؟ 130 منصة فقط. فده أمر مهم جداً.

فالمسؤول الإسرائيلي ده قال إيه؟ قال: "إحنا كده ممكن نعمل حاجة ظريفة جداً، إحنا ممكن نرسل رسالة لمجتبى بحيث إنه يبتدي التفاوض أو إنه يقبل بوقف إطلاق النار". ماشي؟ يعني إسرائيل وأمريكا مش لازم دلوقتي إنهم يطلبوا عدم استسلام إيران، مش ده المهم دلوقتي. إنت عاوز تخرج، فإنت تبعت رسالة لمجتبى تقول له: "يا باشا، إحنا هنوقف الهجمات على إيران". والله أمريكا خلاص هتبادر بهدنة 24 ساعة، 48 ساعة، بحيث إن مجتبى خامنئي أولاً هيظهر في التلفزيون، يعني ده لقطة مهمة جداً، ثانياً هياخد قرار في الحرب، فإنت هتديله صلاحية، ثالثاً إنت هتعترف بيه. ماشي؟ ما هو ست بتكلمه، فإنت هتعترف بيه.

طيب هل الأمر ده يبقى بالنسبة لمجتبى شيء كبير؟ قال لك طبعاً شيء كبير. ليه؟ أولاً خد بالك الاستراتيجية الأمريكية حالياً في حرب إيران، هم إنهم يصفوا القيادات المتشددة في النظام الإيراني بحيث يطلع جيل جديد من الضباط يبقى أكثر انفتاحاً على التفاوض. يعني عندك الرئيس الإيراني مسعود بيشكيان، الراجل الغلبان ده اللي قاعد في ركن ما حدش يعرف هو فين، وكل ما يصرح تصريح يحصل عكسه. عندك مثلاً علي لارجاني، ممكن هم شايفينه ممكن يبقى راجل منفتح التفاوض. عباس عراقجي، وزير الخارجية الإيراني، ممكن برغم إنه صرح قال لك: "والله ما في تفاوض والتفاوض خلص وغدروا بينا مرتين"، بس راجل بيفهم يعني، مش راجل عسكري يعني.

فقال لك استراتيجية أمريكا دي، مجتبى خامنئي لما الأمريكان يكلموه أو يبعتوا له رسائل، هيفهم الاستراتيجية بتاعة تصفية القادة. ماشي؟ فقال لك ممكن تاني حاجة، النظام الإيراني متبهدل. أنا بأكد على المعلومة دي كل مرة، إيران يا جماعة في الداخل متبهدلة، مضروبة ضربات غير طبيعية. كم القنابل والقذائف اللي بترمي عليها غير طبيعي، غير طبيعي. إيران يا جماعة بتتهاجم بأكبر غارات جوية منذ الحرب العالمية الثانية. ما فيش دولة حديثة اتهاجمت بالكم ده من المقاتلات وقاذفات في يوم واحد أو في وقت قصير بالشكل ده أصلاً.

فقال لك مجتبى هيشوف إن ده نصر وممكن إنه يعني يوافق على حاجة زي كده ويقبل وقف إطلاق النار، خاصة إن وزير الخارجية الإيراني عباس عراقجي طلع قال لك: "إحنا مش هنوقف الهجمات غير لما الهجمات اللي عليه توقف". فهي إشارة خلاص. فترامب يبعت له الموضوع ده.

طيب ديفيد إغناطيوس بيقول لك إيه؟ بيقول لك: "أنا هديك إشارة كده، الراجل ده سياسي ولا عسكري؟" هو بيقول لك إن الراجل ده مطلع على الخطط العسكرية، فشبه كده إنه عسكري. تاني حاجة، لما تيجي تبص على اللغة، هتلاقي إن أهداف الراجل ده اللي قالها: "إحنا خلصنا الأهداف العسكرية بتاعتنا في إيران، فنخلع". ده رؤية القادة العسكريين في إسرائيل، ده مش رؤية نتنياهو. نتنياهو طلع قال إن هو خلال الفترة القادمة هيزعزع استقرار إيران عشان يهد النظام الإيراني. نتنياهو عمال يقول: "مش هنخرج من الحرب دي غير لما نعمل ونسوي والحرية للشعب الإيراني"، برغم إنه عمال يقتل في الشعب الإيراني. نتنياهو عنده حسابات أخرى سياسية ضخمة جداً.

إنما الراجل اللي بيتكلم ده شكله عسكري. >> هو بيتكلم في شؤون عسكرية. طيب إشارة تانية عشان يثبت لك إن الراجل ده عسكري. هو مش عاوز يقول هو مين، بس هو عشان يثبت لك الراجل ده عسكري. قال لك: "خد بالك، الراجل ده اللي أنا اتكلمت معاه بيقول إن إسرائيل أصلاً مش هتقوم بعملية غزو لجنوب لبنان". قال لك ده شيء متخلف. قال لك إحنا قمنا بالعملية دي 1982 في لبنان في حرب لبنان وكانت خسائر كبيرة بلا هدف. يعني آه إحنا خدنا أراضي، بس الأراضي ممكن تتاخد بكذا وسيلة. يعني ممكن تمشي بالوسيلة السورية مثلاً، كل مثلاً إيه كم يوم كده تطلع تزق الحدود بتاعتك أو تطلع تاخد قطعة من الأرض. إنما غزو بري خسائر بشعة.

وقال إن والله إسرائيل عاملة عملية إنزال في جنوب لبنان وبتحارب حزب الله، بس في الآخر هي عملية محدودة، مش هيكون في عملية غزوة. ده المصدر وهو ديفيد إغناطيوس بيقول لك إن الراجل ده شكله كده عسكري، عسكري يعني. ماشي؟ فده أمر مهم جداً. الأمر الآخر، المصدر ده اللي اتكلم ده، ديفيد إغناطيوس سأله: "على فكرة، إحنا ما عندناش مشكلة خالص نتكلم مع الحكومة اللبنانية، حتى مع الرئيس جوزيف عون، ممكن نتكلم معاه، ما فيش مشكلة خالص".

ديفيد إغناطيوس في التحليل بتاعه لما يطلع يقول الكلمتين دول، لازم تعرف إن ده يعني أمر مهم. ليه؟ تاني مقالة على التوالي بتتكلم إن عاوزين يلاقوا مخرج للحرب، وإن أصبحت في أصوات داخل إسرائيل: "إحنا عاوزين نخلص الحرب". وفي أصوات داخل الإدارة الأمريكية: "عايزين نخلص الحرب". فإنت هنا بتتكلم على قادة رفيعي المستوى في إسرائيل، قادة عسكريين عاوزين يخلعوا أو يخلصوا الحرب بأي شكل. ماشي؟ ومش عاوزين يكملوا أهداف نتنياهو اللي نتنياهو عاوز يجيب إيران الأرض أو عاوز يمهدها زي غزة بالظبط. الكاربت بومينج يعني اللي هو عاوز جزء يمهد الأرض، يخليها سجادة في إيران. ماشي؟ قادة العسكريين شايفين ده تخلف.

أما بالجانب الأمريكي، فالجانب الأمريكي شايف إن الخسائر أصبحت عالمية، أصبحت إنت بتستنزف الناتو، أصبحت إن إنت بتقوي روسيا، أصبحت إن الصين اتضح إن الصين يعني كانت ذكية جداً، خزنت كم كبير جداً من النفط بحيث إن الحرب بتاعة إيران دي لحد دلوقتي ما أثرتش في الاقتصاد الصيني. عندهم مخزون يوازي 200 يوم، ده الصين. ماشي؟ وقال لك الصين خلال الفترة الماضية كانت عمالة تشتري نفط بشراهة، الظاهر كانت عارفة إن في حرب جاية أو في توترات، فالصين متأمنة. إنما باقي دول العالم بتكحراء. يعني تعالى بص بريطانيا، بريطانيا هتلاقيها منين ولا منين. يعني أنا عاوز أقول لك بريطانيا مثلاً كانت هترسل حملتين طائرات، إتش إم إس كوين إليزابيث وإتش إم إس برنس أوف ويلز. >> قال لك والله إتش إم إس برنس أوف ويلز دي هتطلع تعمل مناورات في القطب الشمالي، فما فيش غير حمادة طائرات واحدة، وهم كمان لحد دلوقتي متشككين يبعتوها لأقبرص ولا الشرق الأوسط.

إيمانويل ماكرون ما عندوش مشكلة. إيمانويل ماكرون دفع فع بحملة الطائرات للشرق الأوسط وراح زارها على فكرة. وبي بي سي عرضت فيديو لزيارة إيمانويل ماكرون لحملة طائرات شارل ديغول وهي راحة للشرق الأوسط. بس العالم منبه، وآسيا، حلفاء أمريكا في آسيا بالذات كوريا واليابان والدول دي بتعاني بشدة واقتصادهم هيتضرر. بص على البورصات هناك عاملة إزاي. فالأمر مهم جداً. فده حل قال لك: "يا باشا، إحنا خلصنا وبلاش إنت تبص على حاجات سياسية واقتصادية، سيبك من الكلام ده، ولا نفط ولا تغيير نظام ولا الكلام في ده كله، قول كل مجتمع شكر والراجل عليه عقوبات مش هيعرف إنه يتدارك الكلام ده كله، فخلع". وادي حل من إسرائيل. قال لك: "يا باشا، إنت أنجزت وده قائد عسكري إسرائيلي قال لك: إنت أنجزت واخلع".

طب سؤال، هل ترامب يخلع فعلاً؟ استحالة. نعم، استحالة. مش هيخلع ليه؟ خلي بالك، ترامب الحرب دي أساساً بالنسبة له حرب سياسية مش عسكرية. ترامب مش راجل عسكري. ماشي؟ ترامب بيشيد بقدرة القوات المسلحة، يطلع يعمل عرض عسكري قدام البيت الأبيض، يطلع يقول لك: "إحنا هنبني مقاتلة هي الأغلى والأقوى في العالم". الكلام ده جميل، بس ترامب راجل صفقات وراجل سياسي. المفروض يعني إنه راجل سياسي من مقام رفيع، فهو داخل عشان يسقط النظام الإيراني أو إنه يطلع بمهمة إنه يسيطر على نفط إيران، ياخد جزيرة، خرج.

طب السؤال، هل ترامب ينفع ينهي الحرب وياخد بالاقتراح اللي قاله الجانرال العسكري الإسرائيلي ده؟ استحالة. نعم، استحالة. استحالة ترامب يعمل كده. طيب مين اللي قال الكلمتين دول؟ بص، هو مش تفسير شخصي، يعني مثلاً أنا شايف إن ترامب راجل صفقة، ات راجل يهتم بإنجاز الأهداف العسكرية ويمشي. يعني بس اللي اهتم بالأمر ده هو ستيفن كولنسون، اللي هو محرر في سي إن إن ونزل مقالها الأكثر من رائعة. قال لك: "هو ترامب ينفع يخلص الحرب؟" الحقيقة إجابة السؤال هو ترامب أصلاً ما فسرش هو ليه ابتدى الحرب عشان يفسر هو ليه هينهي الحرب. ماشي؟ والسؤال الأبرز هو أصلاً يعرف ينهي الحرب؟ ده سؤال مهم جداً.

طيب ليه هو بيسأل الثلاث أسئلة دول؟ الحقيقة الراجل بيسأل الثلاث أسئلة دول لسبب منطقي. أولاً هو بيقول لك إن ترامب أصلاً كل التصريحات اللي قالها، وإن قال لك: "والله أصل إيران كانت عاوز تضرب أمريكا مرة"، قال لك: "والله أصل إيران كانت عاوز تمتلك قنبلة نووية"، قال لك مرة: "أصل إيران كانت هتقوم بضربة استباقية". قال لك كل الكلام ده كلام فارغ. نعم، هو كلام فارغ. هو شايفه كلام فارغ ليه بقى؟ قال لك خلي بالك، السبب الأساسي إن الحرب دي ابتدت فيه هو إن ترامب كان بيراهن على ضعف إيران. ماشي؟ ده من الأساس. وترامب كان شايف إن إيران خصم يسهل التغلب عليه. طب إيه الدليل؟ قال لك والله لما تيجي تبص هتلاقي إنه حلفاء إيران خلال السنوات الماضية، إسرائيل أضعفهم بشكل كبير جداً وقطعت رقاب قادة قطار جداً. فعشان كده ترامب قال لك: "والله ده ميليشيا إيران ضعفتهم"، فقال لك والله لو دخلنا الحرب آثار الميليشيا دي مش هتبقى قوية. ماشي؟

تاني حاجة، قال لك والله ده إسرائيل حاربت حرب الـ 12 يوم وكان واضح جداً إن دي تجربة تقول لك إن إيران أضعف. يعني كان ممكن إيه؟ لو الحرب دي طولت كام يوم كمان، واضح جداً إن إيران كانت هتنتهي. ودخول أمريكا كمان الحرب هيساهم إن إيران تنخ جامد جداً أو إنها تضعف بشكل كبير. فقال لك إن رهان ترامب كان على ضعف النظام الإيراني. بس القصة هنا في إيه؟ إن هو ما صارش الشعب الأمريكي بالحقيقة. ده أمر تاني. حاجة تانية، الشعب الأمريكي قليل الصبر، شعب مش صبور، شعب مهتم بشؤون الداخلية، مش مهتم بالأمور الخارجية. ماشي؟ فالشؤون الداخلية الأمريكية، فجأة كده الشعب الأمريكي لقى ارتفاع أسعار الجازولين، لقى في مشاكل في الاقتصاد بتاعه، لقى والله في حروب عالمية وحاجات بتأثر في السياسة الخارجية الأمريكية.

الحرب قد تبدأ بصاروخ، لكنها غالباً تنتهي بفاتورة اقتصادية ضخمة. بعد أسبوع واحد فقط من الحرب بين الولايات المتحدة وإسرائيل ضد إيران، بدأ الاقتصاد الأمريكي يشعر بالضغط. ارتفاع في أسعار الوقود، تكاليف عسكرية هائلة، وتهديد حقيقي لواحد من أهم شرايين النفط في العالم. >> فعشان ترامب يرجع ويقول لهم: "والله أنا حققت أهدافي العسكرية"، يقول له: "إيه يا عم ده؟" فكأنه هيخرج بمور بلا حبص. ماشي؟

طيب حاجة تالتة، قال لك والله خلي بالك إن آثار تهديدات النظام الإيراني لترامب وصمود النظام الإيراني يخلي ترامب ما ينهيش الحرب. لأن ترامب راجل عينيته وهياخد الأمر النهائي، وإيران استفزته زي ما هو استفزها، وإيران اتحدته، وكل ما يطلع في تصريح يقول لك: "والله أي قائد جديد مش هيعجبني هقتله"، تقوم إيران تعين مكتب، وقال لك مكتب ده ما ينفعش، فيحاولوا يختلوه يفشل. فتحدي جامد جداً. ترامب ما ينفعش يمشي ويسيب الحرب دي بالسهولة اللي إنت متخيلها.

الحاجة الثانية، خلي بالك إن ترامب كان بيعتمد على حرب إيران إنها حرب هتبقى فارقة في مستقبله السياسي. هو لو قدر يقضي على فنزويلا، وخلي بالك يعني خطف نيكولاس مادورو ده أغرى ترامب إنه ياخد مخاطرة إيران. ماشي؟ فهو شايف إن والله أنا قضيت على فنزويلا وخليت فنزويلا نظام حليب. إيه المشكلة لما أخلي إيران كمان؟ فترامب معتمد في حرب إيران إنها تشكل مستقبله السياسي، فخلي بالك إن الرهان إنها تشكل مستقبله السياسي مش إنها تقضي على مستقبله السياسي. ماشي؟ فلازم يرجع بجايزة كبيرة، جايزة كبرى ترضي حلفاءه قبل ما ترضي ناخبيه.

فالكاتب هنا شايف إن ترامب لا يمكن أصلاً يمشي بره الحرب دي. وخلي بالك، هو الكاتب عاوز يقول لك إن ترامب غرز. يعني هو ده وجهة نظر الكاتب. على فكرة، بمناسبة إحقاق الحق، السي إن إن مش مع ترامب، والسي إن إن أي مذيع بيبقى في مؤتمر صحفي أو مذيعة بتسأل دونالد ترامب، ترامب بيهزقهم. ماشي؟ فهي أصلاً حرب إعلامية ضد ترامب، بس تحس إن الكلام منطقي. ماشي؟ يعني الكلام اللي الراجل بيقوله هو ما فيهوش تعامل ولا ما فيهوش دفاع، هو منطقي أصلاً.

فحالياً ترامب مش هيعرف يطلع، لازم يبقى فيه يعني جايزة ثمينة يعرف إنه يبيع بيها الانتصار. وما تنساش إن لما طلع الرئيس الإيراني واعتذر للدول الخارجية إنه بيهاجمهم وقال لك: "والله مش ههاجم تاني"، دونالد ترامب كان من أول الناس اللي قالت: "شفت ده انتصار أهو، خليت إيران تعتذر لجيرانها والكلام ده كله". قامت إيران قامت داخلة وضربة في جيرانها تاني. فترامب عاوز أصلاً نصر يعرف يبيعه. ماشي؟ هو مش لاقيه، وما ينفعش يلاقيه باقتراح إننا خلصنا أهدافنا العسكرية خالص. ببساطة، لأن في خبر نازل يقول لك: "والله ده إسرائيل اتضربت بـ 30 صاروخ من حزب الله وإيران". فمعنى كده إن إيران ما خلصتش، ولا حلفائها ضعفوا، ولا كل الأسباب اللي بنى عليها ترامب دخول الحرب أصبحت دقيقة.

وكل الطريقة اللي تريقها على جورج بوش، والتريقها على باراك أوباما، والتريقها على بايدن، سواء بقى في غزو العراق، سواء بقى في الانسحاب من أفغانستان، هو بيرتكب خطأ أكبر منهم. هو كلهم، خلي بالك، ترامب في حرب إيران ده خطأ لا يغتفر. ده إنت بهدلت العالم كله، ده إنت مش بهدلت منطقة، العالم كله بهدلته. فدي أمور غاية في الأهمية.

أما أخيراً وليس آخراً، خلي بالك أهم سبب إن الحرب دي ما ينفعش تنتهي فيه حاجة مهمة جداً. إن أعداء أمريكا أصبحوا أقوى بكثير من الحرب دي عن ما قبلها. الصين أقوى لأنها خزنت نفط. روسيا أصبحت أقوى من بعد الحرب لأنها دلوقتي قادرة إنها تبيع النفط بتاعها وقادرة إن يترفع عليها العقوبات، وأصبح عندها هامش استراتيجي وعندها ثقل في سوق النفط تحدد تبيع لمين وما تبيعش لمين. >> والخزانة الأمريكية تقول: "قد نرفع العقوبات عن النفط الروسي أيضاً". تحدثت الخزانة عن أن العالم لديه وفرة من النفط. وأقول: "قد نرفع العقوبات عن النفط".

كشف تقرير حديث لصحيفة واشنطن بوست عن أن الجانب الروسي قدم لإيران معلومات استخباراتية لاستهداف القوات الأمريكية في المنطقة، بما يشمل معلومات عن مواقع حاملات الطائرات والسفن الأمريكية. >> أصبح إنها بتقدم خدمات لإيران، سواء استخباراتية، سواء إنها بتقدم مكونات للمسيرات الإيرانية شاهد 136 في تحدي الأمريكان، اختالت جنود أمريكان. الكلام ده كله يقول لك إن ترامب لو طلع من الحرب دي بالشكل ده، ده هتكون هزيمة مش هتكون نصر، حتى لو حاول يبيعها. فترامب لا يمكن يخلص الحرب زي ما إنت شايف كده. ترامب لازم يكمل للنهاية، ونهاية دونالد ترامب ما حدش عارفها هتكون عاملة إزاي. دي القصة. يا رب أكون شرحت لك الموضوع بشكل مبسط. ويا رب مصر يا رب، منصور العرب، ويا رب منصور فلسطين. يا رب تحيا مصر. سلام. >> إنت مش عارف إحنا إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب وكرم بيتضرب به المثل. >> جدعنة وشهامة مش موجودة في زمننا ورحمة بتطلع من عينينا قبل قلبنا. >> إحنا بسمة بتفتح ألف أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية حكاية تعجب، خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.