الاختبار الصامت … من ينجح ومن يُكشف؟

ايه هو أبو الاختبارات عند الست؟ ايه هو أكبر اختبار ممكن تعمله معاك الست بشكل عام؟

طبعاً أنت فاهم إنه الستات عندهم حاجة اسمها الـ "شيت تست" أو اختبار القرف، أو إنها بتحاول إنها توصل معاك لأقصى حد عشان تعرف رد فعلك أو نوعك.

فإيه أقصى حاجة ممكن نسميها، إحنا مثلاً نصطلح عليها مثلاً "أبو الاختبارات"؟ هو الاختبار اللي بتقدر، أو الاختبار الفاصل بالنسبة لها، اللي بتقدر تحدد بيه نوعية شخصيتك، إذا كنت أنت "ألفا" أو "بيتا"، أو إذا كنت أنت هتصالح على الموضوع ده مثلاً "هاي فاليو مان" أو "لو فالو مان"، أو رجل ذو معدل تستوستيرون عالي أو معدل تستوستيرون منخفض.

الفكرة هنا إنها بتستخدم طريقة بعض الأحيان، ولكنها يعني فعالة جداً مع كَمّ كبير من الرجالة الحقيقة، وكثير من الرجالة بيقعوا في هذا الاختبار وما بينجحوا فيه.

وهو ألا وهو إنها تنسحب من حياتك. يعني إيه تنسحب من حياتك؟ الحكاية دي بتعملها الستات أكتر من مرة، ممكن كذا يعني مرة في حياتك تتعرض للموضوع ده، أو تعمله مرة وتلاقي رياكشن معين مثلاً، فبالتالي تقل إنها تكرره مرة تانية.

الفكرة ببساطة إنها بتسحب اهتمامها، وما بتحاولش إنها تكون سيئة معاك. هي عادي بتبقى عادية جداً معاك، لكن بمنتهى البرود، تتعامل فيه بطريقة جافة عادية، كأنها بتتعامل مع حد قابلته في الشارع ما تعرفوش. ما فيش غلطة معينة تقدر تمسكها عليها، ولكن بشكل عام ما فيش الدفق اللي كان موجود مثلاً ما بينكم، ما فيش الكلام الطيب، ما فيش الاهتمام اللي كان موجود قبل كده، ما فيش السؤال، ما فيش تلاقي في انسحاب وكلام بارد جداً وعادي جداً، وتحس منه إنه كأنها مثلاً بتقول لك إيه؟ خلاص أنت أمرك ما يهمنيش.

تقدر إن انت مثلاً يعني ما تسألش عادي براحتك، أنا عندي بقى حاجات تانية مشغولة بيها دلوقتي. النوع ده من الكلام، النوع ده من الكلام معناه ببساطة إن هي عايزة تعرف هل هذا الرجل ده، إن كان يعني هي عاملة كاختبار يعني.

لأن في ستات بتبقى فعلاً مش منجذبة لك وعايزة توضح لك إنها مش منجذبة لك، فبتعمل لك ده عشان تفهم إن هي مش منجذبة ليك ولا أنت في دماغها. ولكن أنا بتكلم على واحدة أصلاً أنت كنت على علاقة بيها، كان في ما بينكم كلام، كان في ما بينكم، وبدون سبب إطلاقاً حصل اللي أنا بقول لك عليه ده، بدون أي سبب منطقي.

فغالباً غالباً هيكون الانسحاب ده هو انسحاب لكي تدرك بيه إذا كنت أنت من نوعية الرجل اللي هيتهز زي بقية الرجالة. للأسف غالبية الرجالة زي ما قلت لك بيقعوا في هذا الاختبار. إذا كنت أنت هتتهز زيهم، وإذا كنت أنت هتيجي مثلاً تسألها تقول لها طيب أنا عملت إيه غلط؟ مثلاً طيب إيه المشكلة؟ إيه اللي حصل؟ آخر مرة طيب ضايقك مني إيه؟ اللي حصل زعلك مني؟ طيب تعالي نتقابل؟ طب ونتكلم ونشوف إيه اللي حصل؟ طيب فاهمني؟

اللقطة دي معناها على طول بالنسبة لها هي بتترجم كده إن أنت ما عندكش أوبشنز تانية، إن أنت شايف إن هي قيمة عالية جداً عليك ومش شايف قيمة في نفسك. بتسقط من نظرها.

ولكن الأسوأ منه إن في بعض الرجالة بتنهار، وبعض الرجالة يعني تعمل ما هو أسوأ من ذلك، وبالتالي هي بتتقفل تماماً منهم، ويعني بتعمل "إكس" عليهم، بينتهي موضوعهم تماماً في ذهنها.

فما الـ "ألفا" أو الـ "هاي فاليو مان" بيعمل إيه؟ الـ "هاي فاليو مان" لا يهتم إطلاقاً، لأن يعني موجودة في حياته أو مش موجودة في حياته. ليه؟ لأن هو أساساً "هاي فاليو مان". يعني أنت بيسموها إيه؟ لو اتقلبت تتقلبي كلك. تتقلبي تتقلبي تتقلبي تتقلبي. يعني أنت هتقلبي عليّ بالكامل من حياتي، هشيلك "هلا بيلا" من حياتي أصلاً. ليه؟ لأن في منك في كتير، في أحسن كمان. ده غير إن أنا مشغول، مش فاضي، عندي أمور كتير تهمني، عندي حاجات تانية بعملها، عندي حياتي، عندي يعني حاجات كتير جداً جداً تشغلني عن إني أقعد أدور هي زعلانة من إيه أو هي متضايقة من إيه أو إيه اللي حصل غلط، أو ما يشغلنيش يعني مش قصتي خالص يعني. أنت متضايقة؟ لو أنت مش عايزة تقولي لي أنت متضايقة من إيه وتلخصي، فأنا مش هطلع أجري وراكي أترجى فيكي وأتمنى لك الرضا، ترضى وأقول لك والله طيب يعني قول لي، طب أنت محتاجة إيه وأنا أعملهولك.

أو دي خطة إخضاع. بيبقى فاهم إن دي خطة إخضاع. هو بطبيعة الحال ما بيسألش، لأن هو عنده فعلاً حاجات تهمه أكتر من كده. ولكن اللي أنا عايز أوصله لك من هذا الفيديو إن دي عبارة عن خطة إخضاع. إما إن هي شافت في إطار، وإما إنك تخش في إطارها.

لو أنت اللي دخلت في إطارها وابتدت هي اللي تفرض الشروط عليك، وابتدت أنت اللي عمال تترجى وأنت اللي عمال تعرف عايز تعرف هي اتضايقت من إيه، عايز تراضي، عايز تعمل، فأنت كده اللي دخلت في إطارها. هنا أصبحت هي صاحب الكلمة وصاحب السلطة، والشخص اللي الذي يؤتى ويزار لكي يطلب الرضا.

أما الناحية التانية، الجنب التاني فاهم كويس جداً إن دي خطة إخضاع. وبالتالي هو بيقول لها: إما إنك تخشي في إطاري، وإما إنك تقولي فوراً إيه اللي مدايقك وإيه اللي مزعلك وتلخصي معايا، أو أنت مالكيش مكان أصلاً. أنا مش هقوم بهذا الدور الهلفوت، مش هقوم بهذا الدور اللي بيروجوا له مثلاً بتشوفه في الأفلام كتير، وأطلع أجري وراكي أشوفك أنت فين وأقعد أراضي فيكي. لا. مش عايزة تقعدي معايا؟ أنت خسرانة. هتطلعي بره وهيجي محلك واحدة تانية عادي.

فهنا هي بتكتشف قيمة هذا الرجل، وبتبتدي قيمته تعلى في عينيها أكتر، وتبتدي التصاقها بيه يزيد. بتبتدي التصاقها بيه يزيد. إذا كانت عاملة الموضوع ده كاختبار، خد بالك، عشان في بعض البنات بتبقى فعلاً عايزة تبين لك إنها مش منجذبة لك فعلاً، إن هي عايزة تكرف لك، عايزة توضح لك أنا مش عايزة يعني أنا ما تخشش معايا في كلام أكتر من كده.

فبالتالي لازم برضه في الحالة دي إنك تكون عندك دم، ولازم يكون في الحالة دي عندك أوبشنز تانية تعملها، أو عندك حاجات تانية أهم تبتدي إنك توجه اهتمامك بيها. ما تلزق لهاش برضه، لأنك في الحالة دي زي ما قلت لك إنه الـ "أترأكشن" لا يتم التفاوض عليه. مش هينفع إنك توضح لك إنها مش عايزة تتكلم معاك وأنت تلزق لها زيادة، أو تحاول تقنعها بأي طريقة من الطرق إن أنت مهتم. هيتم استغلالك وهيتم وضعك في الـ "فريند زون" ده في أحسن الأحوال. ده في أحسن الأحوال. لم ينتهي الأمر بمشكلة معاك، أو بإنك خسرت كرامتك بالكامل قدام الناس.

فالخلاصة بتاعة الفيديو ده عشان ما أطولش عليك، إنه في نوع معين من الاختبارات من الـ "شيت تست" هي بتعمله بوعي وإدراك، إن كان أسباب هي مش مدركها. والأسباب دي طبعاً عايز تتأكد إن الراجل ده عالي القيمة، عايز تتأكد إن الراجل ده "ليدر"، عايز تتأكد إن الراجل ده عنده ما يفعله إذا هي مش موجودة في حياته، وإن هي ملتحق برجل ذو قيمة عالية، مش هي هي القيمة الوحيدة في حياته، لا هو قيمته عالية. وبالتالي هي بتحب تلتحق بالرجل ذو القيمة العالية.

ومن هنا هتتأكد إزاي إذا كان الراجل ده قيمته عالية ولا لا، أو الراجل ده "ألفا" ولا لا، أو الراجل ده شايف نفسه قيمة ولا لا، إلا من خلال إنها تسحب نفسها وتسحب اهتمامها وتبين إنها ماشية أساساً من العلاقة.

صدقني والله لو عملت الموضوع ده وما اهتمتش فعلاً، أعتقد، واللي حصل معايا واللي حصل حتى مع كذا حد سألني، هو إنه بس لو هي كانت كانت عاملة كاختبار، خد بالك، إن أنت غالباً لو ما عملتش أكشن، لو ما اهتمتش، ولو شفت حياتك وبصيت قدامك، هتلاقيها راجعة وبتخبط على ضهرك وبتقول لك بعد كام يوم: أنت نسيتني ولا إيه؟ ده يعني ما سألتش فيا وبتاع ومش عارف، وتبتدي هي اللي تتكلم وتبتدي هي اللي تقول لك.

ولو كان هو فعلاً "شد تست"، هتلاقيها رجعت، بس رجعت المرة دي بانجذاب أعلى بكتير جداً يتجاوز الـ 70% عن النسبة السابقة.

أتمنى إن المعلومة تكون واضحة بالنسبة لك وتستفيد منها، ونتقابل إن شاء الله في بكست ريب. سلام.