Transcription
السلام عليكم. صيف 2026 غيدخل عهد جديد في بيع وشراء العقارات في المغرب. اي واحد غيشري دار ولا ارض ولا بارتما ولا اللي كان، قوانين جديده وقرارات جديده غتبدا تنفذ بدايه من هذا يونيو 2026. خصوصا ان فصل الصيف هو الموسم اللي كيصدار فيه البيع ديال العقار. ماغنطولش عليكم ولكن كونوا اكيدين ان هذا الفيديو ما خصكم تزكلوا منه حتى ثانيه، حتى شي معلومه من الاول ديالو حتى الاخر دياله عامر معلومات جديده ومفيده ضروري تعرفها.
وزير العدل عبد اللطيف فوابي في واحد الاجتماع ديال لجنه العدل والتشريع في البرلمان، على حساب ما نقلات جريده الصباح، كيتكلم على انه فوق 30 محامي وموظفين في كتابه الضبط متابعين على قبل عقود بيع اراضي سلاليه ممنوعه التباع. وقال عبد اللطيف وهبي ان اغلبيه ديال المحامين الناس اللي كيكتبوا عقود عرفيه ماكيتاكدوش من اصل التملك، ماكييعرفوا واش ممنوعه من البيع واش سلاليه واش محفظه واش ما محفظاش واش عندها شي ملكيه واش عندها شي عقل باش تشرات واش ورثتها واش شنو. فكيدوزوا هذ العقود. ووهبي بهذ الواقعه بغى ياك صواب القرار دياله انه حيد المحامين يكتبوا العقود ديال العقارات ولا ديال الحقوق العينيه كلها.
نبداو باول قرار، اول قانون اللي دخل حيز التنفيذ اليوم 22 يونيو. ما قلت من يونيو 2026 لفوق عهد جديد في بيع العقارات. هذا القرار اللي بدا يتنفذ اليوم 2 يونيو 2026 كيخص الوكاله باش تبيع ولا باش تشري ولا دير اي تصرف ولا تفويت في العقارات في الديور ولا في الاراضي ولا في البارتلا. القرار القانون الجديد ان هذ الوكاله ما بقاتش دايزه الا ما كانتش سجله في المحكمه الابتدائيه في كتابه الضبط في المحكمه الابتدائيه. دار واحد السجل فيما دار شي وكاله للتصرفات العقاريه ما قلت بيع ولا تصرف ما كان خصم لها يديها يسجلها في هذا السجل المحلي في كل محكمه ابتدائيه كاين سجل محلي كيغطي النفوذ ديال ديك المحكمه الابتدائيه. اي وكاله خصها تسجل فيه فيذاك السجل المحلي واي تغيير على الوكاله خصك تمشي تسجل فذاك السجل. بغيتي تلغيها خصك تمشي تسجل ذاك الالغاء.
وكذلك اليوم 1 يونيو 2026 غيبدا العمل بالسجل الالكتروني الوطني للوكالات. هذ الوكالات اللي كتسجل في المحكمه محليا غتسجل الكترونيا في واحد السجل الوطني الكتروني يقدروا يدخلوا له الموثقين العدول المحافظه العقاريه اي واحد عنده علاقه بهذ التعاملات العقاريه باش يتاكد. فمشيتي عند النوطير قلتي له الوكاله ها هي داره ل مول الملك باش نبيع له السيد كيدخل لذاك السجل الوطني كيشوف واش ديك الوكاله صحيحه وكيطلب لك واش مسجله ديك الوكاله سجل جي المحلي في المحكمه عادي يقبل لك يدوز لك بها.
المستجد الثاني، رد البال المعلومات اللي كاينه في هذا الفيديو ضروري تعرفها. المستجد الثاني تعليمات ذات طابع استعجالي عاجله من المديريات الترابيه لقيشوات لرؤساء الدوائر للناس ديال السلطه على الكاليزاسيون. يمنع منعا كليا تقاليزه شي ورقه ولا شي عقل ولا اي وثيقه كتهم التفويت ولا التصرف في العقل. ورد البال ماشي غير البيع عندك انك تقول اودي ايه البيع دابا ولا ممنوع ضروري دير عقد رسميه عند عدوني النوتيل. حنا عارفين هذ القضيه لا را ماشي غير البيع. رد البال ورد البال حتى انت ذاك الموظف اللي خدام في الكاليزاسيون كتحمل مسؤوليه كبيره الى جاليزيتي شي ورقه عرفيه كتخص العقار ورا هذ الايامات كاين متابعات كثيره في هذ القضايا ديال العقار ما ذكرت في الاول. اذا رد البال عقد البيع قلنا ممنوع عقد عرفي تقاليزيه مازال ممنوع. اي تنازل على شي حق عيني ما بغى يكون دار هواء ارض اللي كان ممنوع تنازل على حق عيني على شي عقار يتكاليزه مازال. حتى القسمه ديال العقار الوتى بعضياتهم تفقوا قالوا حنا متفقين غنقسموا هذا العقار بعضياتنا ندير غير شي ورقه بعضياتنا ونكاليزيوها. اي تصرف في العقار ممنوع مازال يدار بورقه عرفيه ولا بعقد عرفي. الوكاله اللي ذكرنا قبيله وكاله عرفيه ممنوع التكاليزها ما مقبولاش والا جاليزتيها انت كموظف كتحمل المسؤوليه. والا شي ورقه عرفيه دازتاليزات وقبلها شي نوطير ولا شي عدول ودوز بها العقد راه كيتحمل مسؤوليه وعد بين حتى هو حسب القانون.
شوف مدونه الحقوق العينيه الماده اربعه حددات التعاملات العقاريه تفويت ولا تصرف ولا تنازل ولا هبه ولا اللي كان حددات هذ الماده اربعه كيفاش تكون هذ الوثيقه عقد بيع تنازل هبه صداقه وكاله وعد بالبيع جميع الوثائق اللي كدخل في التعاملات العقاريه حدد ليها جوج حوايج ورد البال حتى هي غتغير ما قلت في هذا الصيف ديال 2026. هذا الصيف غيدخل عهد جديد في التعاملات العقاريه في البيع والشراء والتفويض ديال العقارات. اذا الماده اربعه كتقولك يا عقد رسمي عند عدول ولا نوطير يا عقد ثابت التاريخ عند محاميقول في النقد. وهذا را غيحيد جوج قوانين راه جايين غيحيدوا هذ القضيه هذه وغيحيدوا بزاف ديال الحوايج. اذا تعليمات استعجاليه ممنوع الدوز مازال ولا تقبل في الكالزاسيون في تصحيح الامضاء ولا المصادقه على شي وثيقه كتخص العقار ولا التفويت ولا التصرف في العقارات ممنوع مازالت كالزه الا كانت وثيقه عرفيه.
نجيو للمستجد الاخير والاهم. واحد التعديل على بزاف ديال القوانين كتخص العقل. مدونه الحقوق العينيه والماده المشهوره المعروفه المهمه جدا الماده اربعه قانون الالتزامات والعقود قانون المحاماه راه وافق عليه البرلمان وكيتناقش دابا في الغرفه الثانيه في مجلس المستشارين وقانون الملكيه المشتركه. هذ القوانين كامله كاين واحد المشروع د القانون الرقم ديالو 041 25 غادي يغيرهم كاملين. را دفعته الحكومه لمجلس النواب وقريب غادي يصوت عليه البرلمان ويخرج عيستن فيه.
نبداو بالمحامد قانون المحامد في تكلمنا عليه ناكدوها باش هذا الفيديو يكون مرجع. اي واحد بغى يشري ولا يبيع ولا يتصرف فيشي عقار في هذا الصيف 2026 خص تكون عنده هذ المعلومات. اذا القانون الجديد ديال المحاماه حيد لهم كتابه العقود ديال التصرفات العقاريه ما بغات تكون بيع شرا تفويت هبه صدقه اي تصرف عقاري في العقار ولا في الحقوق العينيه كلها تحيد من المحامين واخا اللي مقبولين في النقل. وهذاشي غيدوزنا القانون اللي قلت ولا مشروع القانون اللي قلت اللي كاين دابا في البرلمان 041.25 25 اللي غيغير ويتمم بزاف ديال القوانين مهمه جدا. اذا غادي تغير الماده اربعه من مداوله الحقوق العينيه وغادي تولي ان اي عقل ولا تصرب ولا وثيقه كتخص التصرب في العقار ولا الحقوق العينيه كامله غادي تكون باطله بالقانون الا مادارتش محرر رسمي. ماغيبقاش ثابت التاريخ هذاك ديال المحامي ماغيبقاش العرفي اصلا كان ملغي ما كانش. اذا اي تفويت اي تصرف اي تنازل اي صداقه اي هبه اي بيع اي وكال اي وعد بالبيع اي عقد ولا اي وثيقه كدخل في التصرفات العقاريه من هنا لقدامني يخرج هذا القانون اللي ما قلت را كاين في مجلس النواب وكيتناقش وغيصادق عليه غتولي ضروري ديرها عند عدول ولا عند النوطار.
وانا غنجي لهذ القضيه هذه لان وزاره العدل ولا وزير العدل ولا المشرع فكر انه يامن التعاملات العقاريه مزيان ولكن ما فكرش انه يامن المواطن الجيب دياله. التغيير الثاني في مدونه الحقوق العينيه ال كان شي عقار غيتقسم ضروري تقرير الخبره من المهندس الطوبوغرافي المهندس المسح الطوبوغرافي. هذا التقرير اللي غياكد ان ذاك العقار قابل للقسمه يمكن نقسمو هو براسه. التعديل الثالث كيخص نظام الملكيه المشتركه للعقارات. اي تصرف كيخص الملكيه المشتركه سواء نقل هذه الملكيه المشتركه ولا التعديل ديالها ولا انشاء حقوق عينيه على هذه الملكيه المشتركه ولا اسقاط شي حق في هذه الملكيه المشتركه ضروري حتى هو ما تغير مدونه الحقوق العينيه تغير في هذا القانون ديال نظام الملكيه المشتركه حتى هو ضروري يكون عقد رسمي يكتبوا عدول ولا نوطير.
هذه كلمه السحب قانون الالتزامات والعقول الفصل 618 تغير. ضروري دابا اي عقد وخا يكون عقد ابتدائي ردوا البال الناس اللي كيشريو في البلان كيشري بذاك الريزيرفاسيون اللي كتكتبها غير الشركه را ماداش داك الشي. ضروري دابا هذاك العقد الابتدائي اللي كدير في الاول مع هذاك المنعش العقاري ولا هذاك اللي غتشري من عنده ضروري يكون عقد ابتدائي ويكون محرر رسمي يكون عقد رسمي حتى هو يكتبوا شكون عدول ولا نوطير. اذا دوك الوثائق اللي كيكتبوا المحامين ديك الورقه د الريزيرفاسيون اللي كديرلك غير الشركه وكتسني فيها وتكاشي فيها ذاك العقد العرفي اللي كديروا بعضياتكم ما بقاش دايز منلي كتشري في البلان ولا كتشري عقار فيطور الانجاز ضروري ذاك العقل الابتدائي حتى هو يكون رسمي.
غتغير كذلك الماده اربعه من القانون ديال الايجار المفضل التملك الكره اللي كيسالي بالتملك الطريقه را كيديروها بعض المرات البنوك التشاركيه اللي كتسمى اسلاميه بين قوسين. حتى هذا الايجار ولا الكره اللي كيسالي بالتملك ضروري العقد دياله يكون عقد رسمي ما يدار عند المحامي ما يدار عرفي ما والو يكون عقد رسمي عند النوطير ولا عند الهدر. مزيان هذاشي كله زوين ولكن خص وزاره العدل وزير العدل وهبي والناس اللي كيشرعوا هذ القوانين يفكروا انكم درتوا واحد الاحتكار للعقود والوثائق اللي كدخل في التصرفات العقاريه. ولحد الساعه ماكينش شي نصوص كتنظم الاتعاب سواء ديال العدول وخصوصا ديال الموثقين. المثقين را في بعض الحالات كيفرضوا مبالغ خياليه. اذا خصكم ديروا واحد التعريفه محدده الوكاله بشحال تكتب وعد بالبيع بشحال تكتب عقد ابتدائي بشحال يتكتب العقد النهائي بشحال يتكتب عند العدول كذا وعند النوطير كذا. لان يمكن مواطن واحد يجي دابا يحتاج يدير وكاله ويحتاج يدير واحد بالبي ويحتاج يدير كذلك عقد ابتدائي في الاول الذا كان غيشري في البلان ويحتاج في الاخر عقد نهائي بشحال غيتقيام عليه هذاشي. اذا مزيان حميتوا التعاملات العقاريه وتمنعوا العقود العرفيه ودابا منعتوا حتى المحامين انهم يكتبوا ولكن في المقابل خصكم تحميوا المواطن وتحددوا تعريفات ولا اتعاب اللي تكون في متناول هذا المواطنين. الله يعونكم.