اثيوبيا في صدمة ! اقليم اوجادين الصومالي يعلن الحرب وقطع الطريق البري الى ارض الصومال

السلام عليكم ورحمه الله.

التورات مهمه جدا النهارده في اثيوبيا والصومال والقرن الافريقي وفي سوريا وفي اوروبا. وعنوانهم كلهم: من يستطيع فرض أمر واقع معقد في هذه المناطق؟ يعني يصعب على الولايات المتحده الامريكيه تجاوزه لو هي كانت عايزه تتدخل في مسرح من المسارح دول، أو يصعب على الطرف الآخر اللي هو يعني يعزز مثل هذا الأمر الواقع. وبالتالي خصومه يستفيدوا.

إيه اللي بيحصل؟ اللي بيحصل في الصومال وفي اثيوبيا إن يعني في محور إسرائيلي عايز يقسم الصومال. الصومال على مدخل مضيق باب المندب وخليج عدن، ومطلوب إسرائيلياً اللي هي تتفتت المنطقة دي تبقى ديلات والدويلات دي تبقى موطئ قدم لإسرائيل وللأمريكان للتحكم في خطوط التجارة اللي بتعدي منها البضائع الصينية إلى أوروبا. وحط ده في سياق كلام ماكرون النهارده حوالين إن أوروبا المفروض تتقارب مع الصين وتزود التجارة بتاعتها مع الصين والصين تستثمر في أوروبا، نتيجة الهجمة الشرسة بتاعة الولايات المتحده الامريكيه على الجناح الغربي لأوروبا ومحاولة الاستيلاء على جرينلاند. اربط كل الحاجات دي مع بعض، اربط كل التصريحات دي مع بعض.

ففي محاولة لتفكيك الصومال. وشوف كلام النهارده ترامب وهو قاعد يعني في دافوس وعمال يلقح على الصومال، وواخد إلهان عمر. هي إلهان عمر غبية؟ آه والله. هو أي واحد ديمقراطي يعني دماغهم دماغهم راحة خالص. يعني هو يعني عامل حفلة على الديمقراطيين بس واخد إلهان عمر مدخل لي يعني امتهان الصوماليين كعرقية وعدم الاعتراف بهم كدولة. الراجل بيقول ما فيش حاجة اسمها صومال، ما فيش دولة أصلاً اسمها صومال. دي برضه توطئة للي جاي بعد كده. هو عايز يعترف بأرض الصومال. ماشي. إسرائيل اعترفت بأرض الصومال. مين يفرض الأمر الواقع في جبهة الصومال وفي القرن الأفريقي هو اللي هيبقى ايه يعني بيعرف يتكلم. وكل ما الأمر الواقع ده يكون معقد، كل ما هيبقى انت ليك سلطة كبيرة. لأن في أمر واقع دلوقتي في أرض الصومال إن إسرائيل اعترفت بيها، بس ده اعتراف على الورق. ما فيش حاجة على الأرض. فيش شيء معقد نقدر نتجاوزه. التعقيد بيبقى موجود في التحالف الدفاعي اللي معمول لموجب مثل هذه المخططات، سواء مصر، تركيا، السعودية، باكستان لفرض أمر واقع معقد في مثل هذه الأمور.

أولاً بالله رئاسة رئيس صومال بيروح يزور لاس عنود جوه أرض صومال وبيفرض أمر واقع سياسي على الأرض وعسكري كمان، إنه دخل جنود هناك. زائد حتة الاتفاق الدفاعي اللي هيتعمل ما بين مصر والسعودية والصومال الفيدرالي والقوات البحرية اللي هتخش تفرض حظر بحري على ميناء بربره والحظر الجوي على إقليم أرض الصومال والقوات المصرية اللي موجودة في مقديشو. ولكن ده من الجانب البحري. اللي جوه بقى ناحية إثيوبيا بيحصل إيه؟ حصل النهارده مفاجأة كبيرة جداً في أوغادين. أوغادين هو الإقليم الصومالي اللي استولت عليه إثيوبيا، اللي استولى عليه ملك الثاني. ماشي. ده أصلاً كان تبع الصومال الموحد أو الصومال الكبير. فده تم الاستيلاء عليه من إثيوبيا وحصل حروب قبل كده كتير قوي في انفصال أوغادين. وبعد كده يعني حصل اتفاقيات ما بين أبي أحمد وحكومة أو حركة شعبية تحرير أوغادين 2018 برعاية سياسي أفورقي. وكالعادة طبعاً أبي أحمد ده يلتزم بشيء زي نتنياهو. فالنهارده، النهارده لقينا الحركة الشعبية لتحرير أوغادين بالتحالف مع ثلاث حركات أو حركتين تانيين من الحركات المسلحة في إقليم أوغادين. دي حركات كبيرة من الصغيرة بتعلن انتهاء التفاوض السلمي العبثي مع أبي أحمد. يعني إيه؟ يعني إحنا هنرجع جع لمسار الكفاح المسلح مرة أخرى. يعني إحنا عايزين حق تقرير مصير. يعني إحنا عايزين لا إما نبقى دولة لا إما ننضم للصومال الفيدرالي الكبير. والناس اللي في أوغادين معارضين بشدة لانفصال أرض الصومال أصلاً. فكرتهم وحدوية حوالين الصومال الموحد أو الصومال الكبير. مش قصة اللي هو يعترف باستقلال أرض الصومال.

طب إيه المشكلة في الناحية دي؟ المشكلة هنا اللي بقى جوه وبره. ليه؟ لأن انت مثلاً هتمسك ساحل، كمصر، كسعودية، كتركيا، هتمسك ساحل. ماشي. هتمسك مجال جوي. ماشي. طب والظهير الخلفي بقى؟ ما هو إثيوبيا عايزة تخش يعني ممر بربره دون النافذة البرية إلى إلى أرض الصومال. النافذة هتتقطع. هتتقطع بإيه؟ بإقليم أوغادين اللي هيبقى رافض أي تدخل إثيوبي استعماري داخل الأراضي الصومالية الفيدرالية. فانت كده في واقع معقد بيتعمل في القرن الأفريقي من داخل الأراضي اللي بتسيطر عليها إثيوبيا في أوغادين ومن الخارج من ناحية البحر والمجال الجوي. فده شيء مهم جداً، خاصة إن كمان انت النهارده موجود في الصومال يعني في مقديشو في الأماكن دي. وشوب متواجدة على الحدود مع الصومال في أوغادين وحدود شاسعة وطويلة وكبيرة وجرارة. وفي ناس جوه يعني عاملين عوق. انت لو رديت عليهم بضرب كابي أحمد أو عملت مشكلة معاهم، لا الناس دي سهل تتسلح جداً. وألف ملي طار أنا بقول لك اهو. فانت يبقى عندك جوه جبهة تحرير أورومو، جبهة تحرير أوغادين، فانو أمهرة، تجراي. الأربع جبهات دول مولعين فيك في الداخل. وانت يعني جايلك جسر، جايلك إمدادات عسكرية للتوسع الخارجي ناحية ميناء عصافريتريا. فانت وضعه الداخلي في إثيوبيا خطير جداً. بس اللي بيحصل في أوغادين النهارده يعقد أمر واقع لصالح مصر والسعودية وتركيا في القرن الأفريقي. وكل ما خطوات الأمر الواقع تتزايد على الأرض، كل ما تنحاز إليها الولايات المتحده الامريكيه حتى لو كان ده يعني مخالف لتطلعاتها في المنطقة.

واروح اسأل مظلوم عبدي. أنا يعني أنا كنت قاعد أنا عمال أقرأ الكلام أكتر من مرة بتاع السفارة الأمريكية في سوريا. يا نهار أسود، أسود بجد والله. ده دول ضربوه، ضربوه، ضربوه. اللي هو بص، إحنا كان لينا بينا وبين بعض مصلحة ومصلحة خلصت. أصل أنت مابقاش لك لازمة كده. لا إحنا نتكلم مع أحمد الشرع ونتكلم مع الجيش السوري خلاص. أنت وظيفتك أنت كده. عيني عينك اللي إحنا كنا متحالفين معاك يا عم عشان موضوع الدواعش والسجن اللي في الهول والشدادي وبتاع. وخلاص بقى. إحنا ما كانش في دولة في سوريا دلوقتي يبقى في دولة. ما كانش في نظام في سوريا دلوقتي بيبقى في نظام. ودول شركائنا ودول حبايبنا. أنت مالكش لازمة بقى. ما تخش بقى مع اسمع كام الناس. اسمع كم الناس وانخرط في الدولة الموحدة وخلاص بقى. ده كده ده عين عينك ده باعه ده باعه علني. تمام. آه. ما خلاص بقى. ما هو مش عارف يعني إيه يحتال على الاتفاق اللي اتمضى عليه. ماشي. فهيعمل إيه؟ هو جرب يحتال. الكواب بتاعته السور بتتقدم بقى على الأرض. خلاص بقى ما أنت انسحبت. أنت ساتك سودا. ما ده عدى الفرات خلاص. فالأمريكان لا خلاص. مظلوم عبدي انتهى. انتهى تماماً. وقصد انتهت تماماً. تخلوا عنهم. طب هل الواقع ده أو هل الوضع ده هو أصلاً اللي كانت أمريكا عايزاه؟ لا. أمريكا عايزة سوريا مقسمة. تمام. عايزة الأكراد ليهم دولة. عايزة الدروز ليهم دولة. عايزة ممر داوود. كل الكلام ده هيخدم الولايات المتحده الامريكيه. أوعى يخش عليك فكرة الكلام اللي إحنا عايزينها دولة مركزية ولا فيدرالية والكلام ده من باب اللي هم يعني شايفين لمصلحتهم في كده. لا هو شايفين الواقع الفيدرالي أو الواقع الانفصالي في واقع مضاد معقد مفروض عليهم مخليهم مش عارفين يعملوا الخطه دي إزاي. قوات سوريا الديمقراطية هتنفصل وتعمل دولة حبيسة مالهاش ساحل. والدولة دي غالب مكوناتها مش كردية. وغالب المساحات بتاعة القرايب بتاعتها مش كردية. ده وضع غير مستدام. صح ولا مش صح؟ ما هو ده أنت ما عندكش آليات فاهم أمر أمر واقع مش جاي معانا مش محكم ومش راسخ اللي إحنا نديك الحاجة دي ومش عارفين نغيره. في واقع مضاد آخر أكثر رسوخاً وأكثر تعقيداً بيتمثل إن الناس اللي أنت فارض سيطرتك عليهم العرب مش عايزينك. طردوك. وإن القوات المضادة ليك اللي هي المفروض على الورق معايا دخلت غاية طوي منك. فهنا أنا قدامي حاجة من حاجتين. لا إما أنحاز للأمر والواقع الجديد وأعمل كده المظلوم عبدي الوشه أطيّره. لا ما أخشش أحارب من أجل هذا. وده أصلاً مجرد كارت. أنا ما أحاربش الكروت. أنا أشوف أهدافها عاملة إزاي يعني وأحقها بأي طريقة. أتكلم بقى مع أحمد الشارع. أتكلم مع الجيش السوري بتاعي. مش مشكلة. أتخلى عن قوا سوريا الديمقراطية. وده اللي حصل. ده اللي حصل بفجاجة بفاجأة كبيرة. فهي أمريكا كده. الصومال مش دولة. أرض أرض الصومال نعترف بيها. تقسيم الصومال. تمكين الأمريكان. تمكين مش عارف إيه. كذا كذا. طب خش الواقع إيه؟ لا الواقع منال بـ 60 نيلة. ولو عملنا حاجة زي كده هنفجر المنطقة بالكامل بطريقة لن نستطيع من خلالها تحقيق أي مصلحة. فنصف العام ولا العام كله أو ربع العام ولا العام كله يعني يبتدي يلف معاك حوالين الواقع الراسخ اللي أنت عملته على الأرض المعقد الصعب تفكيكه.

ده بيحصل في القرن الأفريقي من ناحية التحالف البحري لقطع أي إمداد وعزل من بربره. تمام. والمجال الجوي والظهير أو العمق بتاعه في الأراضي الإثيوبية. أنت كده بتمنع التدخل البري. ما هو أنت النهارده جوياً خلاص أنت يعني معاك آليات. بحرياً معاك آليات. طب برياً أنت دخلت القوات الصومالية ناحية لاس عنود في الإقليم الشمالي الغربي الفيدرالي غير أوال كمان اللي هي المفروض هتبقى برضه ولا فيدرالية وفي كلام عنها. فما فيش إلا نافذة صغيرة برية لهذا الإقليم الانفصالي جاية من إثيوبيا. فانت فجرت له أوغادين. أي ممر بري هيبقى عرضه لهجوم. مش هيبقى مستدام. ده بتكلم على الصعيد العسكري. ما بالك بقى على الصعيد التجاري. فاهمني؟ فانت برضه ناحيتك مع أرض الصومال مقفولة كإثيوبيا. النافذة هنا برضه مقفولة. ماشي. طب أنا هخش بقى إيه؟ مادام الناحية دي مقفولة خش اضرب في سياسي أفورقي. سياسي أفورقي هيولع فيك. ما هو التحالف المصري السعودي برضه كله موجود ناحية إريتريا. مصر هتبقى موجودة في إريتريا. وفي عصب الواقع المعقد الراسخ اللي يخلي أمريكا بعد كده تيجي تتكلم معانا. إحنا ما تتكلمش مع الآخرين. ليه؟ الكلام مع الآخرين هيكون مستنزف وهيكون كبير وهيكون عايز مجهود أكتر. لا أنت سهل. تعال نقعد نتكلم معاك. فده اللي بيحصل في القرن الأفريقي. موضوع أوغادين ده موضوع خطير جداً بالنسبة للإثيوبيين. والإثيوبيين الكره في ملعبهم. عايز تصعب بقى خارجياً وأنت عندك كوارث كامنة في الداخل. يعني بتاخد مخاطرة كبيرة جداً إنك تضرب على قفاك وأنت بص قدامك. أه والله. تبقى كارثة كبيرة. فـ طبعاً أنا راهن على الغباء الإثيوبي. يعني هم ده زادت على فكرة.

شوف كل عمليات الشحن بتاعة الطيران اللي وقفت في كل حتة بقت تعدي دلوقتي ناحية جيبوتي وتخش ناحية إثيوبيا وتنزل في النهاية في مطار أسوصة بالقرب من السودان. أنت عايز تخلي مطار أسوصة هو القاعدة الجديدة للإمداد الميليشيا. وأنت برضه بتخاطر بجبهة خارجية كبيرة جداً وأنت جبهتك الداخلية على كفين عفريت. فوضعك هيكون صعب في الجانب الإثيوبي. لأن ده يعتبر حصار على الجانب الإثيوبي. أي ملف خارجياً أنت هتحاول تحط بوزك فيه، سواء السودان، سواء إريتريا، هتضرب من الداخل ومن الخارج وهتتقسم وهتبقى حالتك صعبة. ده واقع بيتم فرضه في القرن الأفريقي وعلى الإثيوبيين. بس نجم الأمر الواقع دلوقتي في عمقه الاستراتيجي ترامب. سواء في فنزويلا أو في أوروبا. يا جماعة الراجل بص يعني هزق أوروبا تهزيق كبير جداً. ده خلاص كده وبقى أي حد بعتله مسج ولا حاجة سرية ينشر. كله هزق ماكرون بقى. هزق بقى بتاع النرويج. هزق بتوع الدنمارك. اعمل كل حاجة. الضعف يغري القوة. ماشي. طول ما أنت ضعيف ومش عارف تحبب حاجة. طول ما هو يدوس عليك. هو يبقى مغفل لو ما أخدش جرينلاند. جرينلاند كل العقبات اللي واقفة قدام ترامب فيه داخلية في الولايات المتحدة الامريكيه. كونجرس بقى. استطلاعات رأي بتاع مش عارف إيه. لا في مشاكل عسكرية ولا في مشاكل اقتصادية ولا في مشاكل عند الأوروبي. بص ضعف ضعف شديد جداً عند أوروبا. شايفين يتخذوا أي إجراء؟ ولا إجراء. أصل أنا أوروبا دي بتمتلك 20 مش عارف من 8 لـ 10 تريليون دولار في الأسهم والسندات الأمريكية بس ما تعرفش تبيعهم. تروح في داهية أوروبا لو بعتهم كلهم مرة. تروح في 60 داهية. عايز تبيعهم؟ بيعهم تاتا تاتا على مدار 10 سنين كده ولا حاجة تخرج. وبرضه هيبقى عندك مشكلة. ماشي. هيبقى كارثة عند أمريكا طبعاً. ماشي. بس مش بالغشم. وحبة حبة. طب أنت وانت عارف تاخد إجراءات فورية؟ لما تاخد إجراءات طويلة المدى يعني متراقية عايزة استدامة. وضعك صعب. وحتة برضه خطاب الهيمنة. خطاب الهيمنة. خطاب مين الكبير؟ هو خطاب مين الكبير ده بيودي أي منطقة في داهية. ماشي. في أوروبا عندهم برضه المشكلة دي. ما بين ألمانيا وما بين فرنسا. فرنسا أنا القوة المستقلة التنويرية العسكرية النوويه الجديرة بالقيادة الأوروبية. ألمانيا أنا القوة الصناعية الاقتصادية. وفرنسا دول عالم مهزقة وماحدش يديهم قيادة. أه والله. ففي اختلاف كبير قوي بين القوتين الكبار اللي موجودين في أوروبا. مين مهيمن؟ مين الريادة؟ مين اللي يقود؟ مين؟ أهو أعط ده إيه ده غير باقي العطالة؟ ما الباقي ده كله إيه؟ في البلالة. بلجيكا بقى والنرويج والس كل دول في البلالة. كل دول في البلالة. سواء بقى في الاتحاد الأوروبي أو مش في الاتحاد الأوروبي. كلهم في البرارة. حالتهم صعبة. مش عارفين يتخذوا أي إجراء. أي إجراء. ما فيش. طيب ما أنت ده ده كويس اللي ترامب خد جرينلاند. بس يعني هو بيلقح على بتوع بريطانيا. انتوا بتدوا الجزيرة بتاعة ديجو جارسيا في عز ما أنا بحط أصول لضرب إيران. عايزين تدوها لموريشيوس؟ انتوا ما جايين انتوا أغبياء. بيطلع كده يتكلموا كده. طب ممكن ترامب يروح ياخد ديجو جارسيا؟ إقليم أمريكي نائي زي بقية الجزء اللي حطيناه في الثلاجة في المحيط دي. يلا امشي ياض من هنا كده. هو أصلاً كده كده مش موجودين. فـ الضعف يغرق قوة. أه والله. كل ما يطلع يتكلم بأي حد من من الدول الأوروبية المعشقة دي. ترامب بيقعد إيه يهزق فيهم. ولما ترامب يحضر هم يتكلموا بحرام. لدرجة هو قال كده. هو معاهم بيقول لك والله ماكرون ده بيقعد يلق علي كده وأنا بعيد. بس أول ما بيشوفني بيدي تمام. بيلم نفسه. طب كويس اللي هو ماخدش منك حتة أنت من أراضيك أصلاً. فقارة كبيرة غنية جداً معاها إمكانيات ضخمة تستطيع اللي هي تضايق الولايات المتحده الامريكيه. بس لا تستطيع أن تفعل أي شيء من أي خيار تمتلكه نظرياً. كلهم متربصين. كلهم منقسمين. كلهم مش عارفين ياخدوا قرار واحد. أرقيات مختلفة. حدود متنازع عليها. كل واحد باص للتاني. أنا القيادة. أنا الكبير. طب يلا نتجمع كم واحد سيجا كده في النص يبوظهم كهراتهم زي فيكتور أوربان. أه والله. فطبعاً بوتين سعيد جداً باللي بيحصل ده. ما هو يعني بيتكلموا الروس يقول لك هو أصلاً كده كده لو هنتكلم في موضوع جرينلاندي هي جرينلاندي دي مش بتاعة الدنمارك. الدنمارك دي أمة استعمارية سيطرت على شعب أصلي وأرض أصلية. كده كده مش بتاع الدنمارك. بس بالنسبة لأمريكا هنشوف هيحصل إيه. طب ما أنت شلت الشرعية بتاعتهم اللي بيقولوا عليها لصالح ترامب. فانت برضه إيه بتساوي احترام اللي هو إيه خش خد جرينلاند. والنزاع حوالين الشرعية بقى مين اللي بعت مركب الأول. أصل دول بعتوا مركب من 500 سنة. أنا بعتت مركبين من 3000 سنة. كده يعني وخلاص. ما فيش شرعية بقى في موضوع أوكرانيا خالص. ولا بالمد السلافي اللي روسيا عايزة تعمله. مش هيقتصر على أوكرانيا. أنت أوكرانيا. روسيا. دول البلطيق الثلاثة. الإسبان. ماشي. رومانيا ومولدوفا. ماشي. أنت حاجات كتير قوي بقى. أنت بتديله شرعية. بتديله شرعية. وهو نفس طويل وعمال يضرب. فبرضه على الصعيد السياسي يعني إيه روسيا معجبة باللي ترامب بيعملوه في جرينلاند. بس على الصعيد العسكري أعتقد أن روسيا تشعر بالقلق.

الخريطة دي تبين لك يعني أهمية جرينلاند الاستراتيجية. قلت حضرتك قبل كده أي إطلاق لصاروخ أي بي إم عابر للقارات. النقل الجوي الطبيعي ليه هو القطب الشمالي. سواء ضرب من الصين أو اتضرب من روسيا. هم بيعدوا الصواريخ دي يعني نهائية. يعني بتعدي من القطب الشمالي مش بتلف كده حواليه. لا بتعدي صواريخ بالستية بقى. فمنطقة الرصد الأولى ليها هي جرينلاند والاسكا وكندا. دي منطقة الدفاع الأولى عن واشنطن. ماشي. وعن نيويورك. فانت بتعمل بقى مشروع اسمه القبة الذهبية. عايز تحط بقى يعني صواريخ اعتراضية في منتصف المسار أو يعني في نهاية. أي مكان بقى. أنت جرينلاند مهمة. إنذار مبكر ورا. طب ما أنت عندك قوات هناك. وإيه يعني ما يبقى عندك قوات وعندك قاعدين وبعد ثلاثة وتبقى بتاعتي بقى. مدام مهمة قوي كده. ماشي. مش عايز العيال مع الشيكة دي تقعد تغلوش عليها بتوع أوروبا. فبرضه يعني على الصعيد الاستراتيجي والعسكري لا ترامب يعني هيزعل الروس جامد. ده غير الثغرة برضه. أنت برضه الممرات بتاعة العبور من مورمانسك في الأسطول الشمالي الروسي والبحر والبحر الأبيض. يعني هتعدي من المنطقة بتاعة جرينلاند، أيسلندا، الجزر الموجودة ناحية بريطانيا. دي ثغرة مهمة جداً للنفاذية إلى الأطلسي وقاطع أي إمداد ما بين الولايات المتحدة الامريكيه وما بين أوروبا القارية وبريطانيا. فده مهم جداً بالنسبة للولايات المتحدة الامريكيه وهيكون خطير بالنسبة لروسيا. لولايات المتحدة الامريكيه بقت موجودة في المنطقة دي بطريقة ضخمة. من باب الملكية. الأرض دي بتاعتي. ده جزء من الولايات المتحدة الامريكيه. فده هيبقى مهم جداً بالنسبة لأمريكا وهيبقى تحدي بالنسبة لروس. يعني برضه الموضوع معقد شوية. لأن أنت المسارات اللي تحت البحر في المنطقة دي في أخاديد وفي حاجات. يعني برضه المنطقة دي منطقة عوق قوي. بس على الصعيد السياسي روسيا تستفيد من أمريكا تعمله في جرينلاند. وعلى الصعيد الاستراتيجي والعسكري لا مش هتستفيد على الإطلاق. الولايات المتحدة الامريكيه هي اللي تستفيد في مثل هذا الأمر.

ومن اللي هيفرض الأمر الواقع؟ هل ترامب هيخش ياخد جرينلاند ويتكلم مع الدول الأوروبية؟ ولا أظبط يالا بدل ما أديك تعريفات جمركية أعمل لك ركود وأعمل لك تضخم وأعمل لك جنين رسمي وأنت مش عارف تعمل أي خيار من خياراتك. ولا تعال تفاوض معايا وأنا يا عم هظبطك. يعني الاتحاد الأوروبي ده بدل ما يعني بفرض عليه تعريفات 15% وفقاً للاتفاق اللي فات. اعترفوا انتوا بجرينلاند. وأي دولة هتعترف بجرينلاند يا عم هنزل التعريفات الجمهورية اللي عليها من 15 لـ 12.5. ما يبقى أنت كسبت 2.5. مين اللي هيعمل أمر الواقع ده؟ ده ترامب بيعمل كده. هل أوروبا عندها أوراق اللي هي تغير أمر واقع أو تخلق أمر واقع معقد صعب تغييره؟ يروحوا يستخبوا. أه والله. حالتهم صعبة جداً. أوروبا قارة بائسة. عندها موارد كتير وعندها مؤهلات كتير وعندها فلوس كتير. وما عندهاش يعني أي وسيلة للدفاع عن نفسها. هنتابع كل هذه التطورات لحظة بلحظة. وربنا يحفظ مصر وينصر على مين يعاديها. وشكراً جزيلاً لكم.