بتنسى كل حاجة؟ السبب مش في ذاكرتك !!

لو حاسس انك دايما مشغول بس مش بتنجز، بتحاول تفتكر كل حاجه، وفي الاخر بتلاقيك بتنسى اهم حاجه. المشكله مش فيك، المشكله انك بتستخدم عقلك غلط.

اكتر من 70% من الناس بيشتكوا من الارهاق العقلي المزمن، رغم انهم مش بيعملوا مجهود بدني. بحسب دراسه في جامعه ستانفورد. احفظ الفيديو ده عندك وارجع له كل ما تحس انك تايه او متلخبط.

لانه بحسب منحنى النسيان لهيرمان بينج هاوس، انت هتنسى نص اللي شفته من الفيديو ده بعد يومين. وعلشان تفتكر ان العقل مش معمول علشان يشيل، معمول علشان يفهم ويحلل. زي ما قال ابن سينا: "العقل جوهر فاعل لا وعاء حافل".

وفي اخر الفيديو ده في سؤال بسيط ممكن يغير طريقتك في التعامل مع دماغك بالكامل. هتفهم ليه عقلك مش مصمم انه يخزن معلومات، بل انه يبتكر حلول. وليه كل ما تحاول انك تخزن كل حاجه جواك، بتقفل على قدراتك الحقيقيه.

العقل البشري ببساطه مش فلاشه، هو اداه للتحليل، مش اداه حفظ. دانيال ليفتن، استاذ علم الاعصاب بجامعه ام سي جي، بيقول ان محاوله الاحتفاظ بالمعلومات جوه الدماغ بتستهلك طاقه ذهنيه ضخمه وبتخلينا اقل كفاءه في التفكير. وده بيفسر ليه بنحس بالارهاق حتى لو ما فيش شغل بشكل كبير، لانه دماغنا شغال في الخلفيه على انه يتذكر مش على الابداع.

وفي كتاب "العقل الغير منظم" للكاتبه كارولين ليف، بتاكد ان التكدس الذهني بيقلل من جوده التركيز والانتاجيه. طب نعمل ايه؟

اول خطوه: فضي دماغك. اكتبي كل حاجه: افكار، مواعيد، حتى مشاعر.

ثاني خطوه: استخدمي ادوات للتنظيم، زي نوت بوك مثلا، او تطبيقات، او حتى سبوره صغيره في البيت.

ثالث خطوه: انك تراجعي اللي كتبته يوميا علشان تحافظي على تركيزك وتفصلي بين المهم والمشتت.

رابع واخر خطوه: انه كل يوم في 10 دقائق لازم تعملي ما يسمى بالتفريغ الذهني. ودي عاده بيستخدمها كثير من رواد الاعمال، ومنهم ديفيد الن، صاحب كتاب "جي تيتين ز دون".

خليني اسالك سؤال هيوضح لك انت بتستخدم عقلك دلوقتي بالطريقه الصح ولا لا؟ ايه اكتر ثلاث حاجات شغاله في دماغك طول اليوم؟ هل هي خطط ولا تذكيرات او منبهات؟ هل عقلك مهندس ولا سكرتير مجتهد؟

واخيرا، لازم تعرف ان العقل مش معمول على انه يكون دولاب للتخزين. العقل مساحه ابتكار، وكل ما فضيته، كل ما سمعت في صوت افكارك الحقيقيه. Yeah.