زلزال يهز تل أبيب بعد قرار السيسي بتعيين وزير دفاع جديد وتحرك الجيش المصري للصومال يشعل باب المندب

السلام عليكم، ازيكم؟ امبارح جيت قلت لحضرتك خبر كان نزل في موقع اسمه "أفريكان نيوز". ماشي؟ قلت لحضرتك إن الموقع بيتكلم إن الرئيس المصري عبد الفتاح السيسي غير وزير الدفاع المصري قبل لحظات من إعلان الحكومة الجديدة، واستبدل الفريق عبد المجيد صقر بالفريق أشرف سالم زاهر منصور.

والحقيقة، ده خبر ممكن يكون يفرق مع المصريين. مثلاً، ممكن حتى ناس كتيرة ما تقفش عنده أو تركز معاه. الخبر عدى عادي. إيه يعني لما يتم تغيير وزير الدفاع قبل اللحظات من إعلان الحكومة؟ هل أنت شايف إن ده أمر جلل؟ أنا مش شايفه في حاجة خلاص.

بس الأمر الأخطر، ومن كتر ما الموضوع مش فارق مع المصريين خالص، خد بالك إن تم ترقية قائد القوات الجوية وقائد القوات البحرية، تم ترقيتهم لمرتبة فريق أول. ماشي؟ فده أمر مهم جداً. أنت مش بس بتغير وزير الدفاع، ده أنت كمان رقيت قائد القوات الجوية والبحرية عشان تديهم ثقة إن الناس دي موجودة في مكانها، الناس بتطور كويس، والكلام ده كله. ماشي؟

كل اللي أنا قلته لك ده يفرق مع المصريين، بس صدقني، يعني في مصريين كتير ما وقفوش عند الخبر. يعني هو الخبر عدى علينا عادي. يعني صح؟ إيه المشكلة بالمناسبة يعني؟ ده رابع وزير دفاع يجي في عهد الرئيس المصري عبد الفتاح السيسي. هل أي تغيير حكومي أو تغيير وزير دفاع يعمل لغط؟

أنا عاوز أقول لك، أنا شايف إن اللغط اللي عمله والضجة اللي عملها تغيير وزير الدفاع المصري الجديد، هو تقريباً أكبر ضجة إعلامية تيجي على وزير دفاع في العصر الحديث، بعد الضجة الإعلامية على عزل الفريق الشاذلي في أيام حرب أكتوبر. منذ عزل الفريق الشاذلي، أنا ما شفتش وزير دفاع بيتم التغطية الإعلامية عنه كده والكلام بالشكل الكبير ده.

طب مين اللي اتكلم عن وزير الدفاع الجديد؟ الإعلام الإسرائيلي. أنا عاوز أقول لك، الإعلام الإسرائيلي امبارح قام وما قعدش على إن في وزير دفاع جديد جه. وإن وزير الدفاع ده بيهدد دفاعية السلام، وإن وزير الدفاع ده بيهدد الحرب مع إسرائيل. ده أنا عاوز أقول لك إن في مقالة اتكتبت في صحيفة "يديعوت أحرونوت" قالت لك إن تعيين وزير الدفاع المصري ده، أشرف سالم زاهر، بيهدد اتفاقية إبراهيم. أنت متخافش يقول لك بيهدد اتفاقية إبراهيم؟ فده أمر غريب جداً. والمقالة بتاعة "يديعوت أحرونوت" دي لو ما وقفتش عندها وما شفتش اللي فيها، لازم تعرف إن هيفوتك كتير قوي وتعرف مدى الضجة الإعلامية اللي عملها تغيير وزير دفاع مصري قد إيه عامل قلبان في إسرائيل.

ده على الجانب الآخر، مقالة تانية نزلت في "مودرن دبلوماسي". "مودرن دبلوماسي" بتقول لك: "على فكرة، تعيين وزير الدفاع الجديد أشرف سالم زاهر منصور ده، والله فرصة لصالح الصين". فرصة لصالح الصين؟ قال لك: "آه والله، ده العلاقات بين الجيش المصري والجيش الصيني مع وجود وزير الدفاع الحالي ده، أنت هتشوف هتروح لعلاقات لفين".

إيه اللي بيحصل بالظبط؟ هو ليه في تغطية إعلانية كبيرة قوي كده على تعيين وزير الدفاع الجديد؟ معايا مقالات وأخبار أول مرة هتسمعها. بس طبعاً عشان أقولها لك وأكشف لك الكلام ده كله، قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو لو عاوز توسع شغلك في السعودية والإمارات وما عندكش وقت تدور كتير ولا تمشي ورا إجراءات وتضيع وقت، يبقى لازم أقول لك على حل من الآخر.

لأن ناس كتيرة قوي بتبقى عاوزة تتوسع في السعودية والإمارات، وهنا هم بيسألوا كتير. بس صدقني، يعني السؤال الكتير ده بيصدمك بآراء مختلفة، وكل واحد يقول لك رأي مختلف، وقليل جداً ممكن تعتمد عليه. عشان كده أنا برشح لك "أبشر بزنس". ناس محترفة وعارفين هم بيعملوا إيه، ولما بيساعدوك كأنهم بيساعدوا نفسهم بالظبط، مش مجرد عميل. أنت مش محتاج تسيب شغلك وتمشي ورا إجراءات وورق وأنطها وقت، ولا تدخل نفسك في متاهات. هم بيظبطوا لك كل حاجة من أول ما تفكر لحد ما شركتك تشتغل.

غير كده، الناس في "أبشر بزنس" محترفة للغاية، والشفافية عندهم مش مجرد كلام، ده سيستم ماشي بيه الفريق كله، وكل خطوة واضحة ومفهومة. "أبشر بزنس" بتخلص لك الرخص التجارية الخاصة بشركتك، مش بس كده، بيخلصوا لك تأشيرات الإقامة، برضه بيخلصوا لك الحسابات البنكية الخاصة بشركتك اللي بتدوخ ناس كتيرة جداً. كل ده بشفافية كاملة وأسعار واضحة من أول خطوة. مش بس كده، "أبشر بزنس" بتقدم لك استشارات في الضرائب والتسويق والمحاسبة وتسجيل العلامات التجارية. يعني بيخلوك تبدأ شغل على طول من غير ما تضيع وقت. صدقني، لو عاوز تتوسع في الخليج، يبقى "أبشر بزنس" هو المكان الصح. هسيب لحضراتكم الرابط بتاعهم في الوصف أسفل الفيديو لو حابب تتواصل مع "أبشر بزنس"، وبرشحهم ليك بشدة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص تعيين وزير الدفاع. إيه اللي حصل بالظبط؟ اللي حصل كالاتي: إن والله الإعلام الإسرائيلي امبارح قعدت أتابع المقالات النازلة فيه. مقالات ممكن تكون هامشية، مقالات ممكن تكون مش قوية قوي، بس أنا فوجئت بمقالة نازلة في صحيفة من أنبر الصحف في إسرائيل اسمها "يديعوت أحرونوت". فيها كاتب اسمه أمين أيوب. ماشي؟ أمين أيوب، هو شكله يهودي قاعد في المغرب، على فكرة، هم اللي كاتبين كده. يهودي قاعد في المغرب، وهو زميل في منتدى الشرق الأوسط أو "ميدل إيست فور".

الراجل ده كاتب مقالة. هو أقل ما فيها إنها أقذر مقالة تتكتب على الشأن الداخلي المصري في صحيفة إسرائيلية. دي مقالة تحمل سب وقص وتناول للشان الداخلي المصري في صحيفة إسرائيلية، فحاجة ما لهمش علاقة بيها. يعني أنا عاوز عاوز أقول لك حاجة، هو في كم وزير دفاع إسرائيلي اتغير والإعلام المصري ما علقش عليه؟ ماشي؟ كم واحد وكم وزير دفاع اتغير في إسرائيل وخارجين بفضائح والإعلام المصري ما جابش سيرتهم ليه؟ لما إحنا نغير وزير دفاع، الإعلام الإسرائيلي يكتب مقالة بالقذارة دي والهجوم البشع ده؟ إزاي؟

واسمع المقالة بتقول إيه. ومعلش استحملني في الكلام اللي هقوله لك، ممكن يكون كلام جريء شوية، بس لازم حضرتك تعرف هم الصهاينة بيتكلموا على إيه. بيقول لك: "خلي بالك، أنت دلوقتي بتتكلم إن الرئيس المصري عبد الفتاح السيسي يعني عمال يقول إن في وعود اقتصادية والاقتصاد ماشي كويس والكلام ده كله، بس أديك شايف إن الراجل ما غيرش الحكومة كلها، وغير 14 وزير فقط. وبص بقى على الوزراء اللي هو جابهم". ده على فكرة، هو ده الكلام اللي الراجل الكاتب بيقوله. يعني قال لك: "خد بالك، ده عين ضياء رشوان، اللي هو رئيس الهيئة العامة للاستعلامات، عينه وزير إعلام. والراجل ده كمل الكذب اللي قاله في المعلومات اللي طرحها في رئاسته لهيئة الاستعلامات، كان قد إيه؟ فيجيبه وزير إعلام". طيب، هو بس خليني أشرح الحتة دي عشان بس إيه الكلام يبقى واضح. هو شايف إن كل حاجة قالها ضياء رشوان أو أستاذ ضياء رشوان هو كده ليه؟ لأن الراجل ده كان كل تصريحاته تجاه إسرائيل. فـ أي حاجة بيقولها أستاذ ضياء رشوان هي بالنسبة له كده. فده أول حاجة الراجل ذكرها.

طيب، قال لك: "ثاني حاجة، قال لك تعالى بص على وزيرة الإسكان ووزيرة الثقافة، عليهم لغط قد كده. هو ليه يعني يجيب وزيرة إسكان ووزيرة ثقافة عليهم لغط؟ وليه يعينهم بالشكل ده؟ وأنا مش فاهم إزاي يعينوا المصريين وزيرة إسكان وزيرة ثقافة عليهم مشاكل؟" وانت مالها؟ بس ما علينا. المهم الراجل بيسترسل ويقول لك إيه؟ يقول لك: "خلي بالك بقى، سيبك من كل ده. تعيين وزير الدفاع المصري ده، أنا عديت ليه؟" قال لك: "أصل في الوقت اللي أنت عندك الرئيس دونالد ترامب بيعد العدة إن يوم 18 يعمل مجلس السلام العالمي اللي بيخص غزة، وإن دونالد ترامب يعد إن هيكون في مليارات تنفق على إعادة إعمار غزة، الرئيس المصري عبد الفتاح السيسي بياخد قرار بتغيير وزير الدفاع". وده أمر بيجي في وقت إن والله الجيش المصري بيرسل 1100 جندي. ومعلش إن أنا هعلق على حاجة زي كده، أنا ما أعرفش هو جاب الرقم ده منين، لأن كل السوشيال ميديا عمالة تتكلم على 10000، 5000، 7000. هو ده الوحيد اللي قال لك 1100 جندي. ماشي؟ والراجل قال لك: "هيرسل الجيش المصري 1100 جندي للصومال". وده تهديد لاتفاقية إبراهيم، مش اتفاقية سلام فقط. ليه؟ قال لك: "لأن خلي بالك، في الوقت اللي بتتكتب فيه المقالة دي، دونالد ترامب يجتمع مع نتنياهو عشان يشوفوا إزاي يحتووا التوسعات الإيرانية في المنطقة، وإن إيران بتدعم الحوثي وبتدعم حزب الله والكلام ده كله".

فـ إسرائيل يا جماعة، يعني حلمة سلام راحة تعترف بأرض الصومال عشان تقف عند باب المندب عشان تحارب الحوثيين. ماشي.

>> الإعلام الإسرائيلي الرسالة بشكل واضح، سواء كانت السياسية أو العسكرية، واعتبر أن خطوة نشر القوات المصرية هي أول رد فعلي على الأرض على مسألة الاعتراف بأرض الصومال من قبل إسرائيل. رأت صحيفة "إسرائيل هيوم" أن مصر توجه جيشها للرد على إسرائيل عبر الصومال.

>> فقال لك: "يعني إسرائيل تعمل كده ومصر تروح تروح تودي جيش عند أرض الصومال؟ طب ده ينفع يا جماعة؟ وفين بقى اتفاقية السلام والكلام ده كله؟" أنا عاوز أقول لك إن المقالة فيها كم من الهجوم على مصر، أنا أول مرة أشوفه في أي صحيفة إسرائيلية تتدخل في الشأن الداخلي المصري. ده أولاً. ثاني حاجة، إنها تقعد تسب وتلعن بالشكل ده. فوزير الدفاع ما أخدش أي قرار. خلي بالك، وزير الدفاع المصري الفريق أشرف سالم ده لسه ما أخدش أي قرار. هو ما عملش أي حاجة. وبالمناسبة، الفريق أشرف سالم ما كانش مثلاً قائد فرقة واقف على حدود إسرائيل عشان الصهاينة يبقوا متنفذين قوي كده إن وزير الدفاع جديد جه. جداً؟ ولا كان قائد فرقة عملت عمليات ضد إسرائيل؟ ولا أي حاجة خالص. ده عاوز أقول لك إن هو كان رئيس الأكاديمية العسكرية. فالراجل ملوش أي علاقة بالجبهة واللي حصل على الجبهة والكلام ده كله. بس الإعلام الإسرائيلي مستنفر عشان حتة إن الجيش المصري هيرسل قوات للصومال في ظل إن فيه وزير دفاعي.

طيب، خليني أشرح لك هو الراجل متنفذ ليه وعمال يشتم ويسب ويلعن في مصر بالشكل ده؟ وأنا أرجو إن وزارة الخارجية المصرية تعلق على مقالة زي كده، لأن دي مقالة ما تتكتبش في وقت فيه سلام بين الدولتين. وما أعتقدش إن الإعلام المصري مهتم بالشان الداخلي الإسرائيلي. بس ماشي. هو راجل متنرفز لسبب واحد، إن هو ابتدى يشعر إن مصر ما بقتش بتلعب على أرضها، وإن بقى فيه نفوذ مصري في حتت إسرائيل ما كانتش تتوقع إن مصر تروح لها.

خلي بالك، إسرائيل قبل كده كانت بتعمل حاجات كتيرة ومصر متعلقة، ومصر كانت رد فعل. دلوقتي إحنا مش رد فعل، إحنا فعل. وخد بالك إن رؤية إسرائيل لإنها تعترف بإقليم أرض الصومال هو الإعلام الإسرائيلي بيصورها لك إن هي احتواء التوسعات الإيرانية، بس ده مش حقيقي. إسرائيل عندها خطط صهيونية لإنها بتعمل إسرائيل جديدة على باب المندب. أنت تتخيل؟ إقليم أرض الصومال ده ما فيش ولا دولة في العالم اعترفت بيه. إسرائيل الوحيدة اللي اعترفت بإقليم أرض الصومال وعندها خطط توسعية للاقليم ده. إزاي؟

أولاً، خد بالك إن إسرائيل، أوعى تظن إنها بتعمل الاعتراف بإقليم أرض الصومال عشان تحارب الحوثي. خالص. ده هي عاوزة تتحكم في باب المندب. أول أمر. ثاني حاجة، هي ممكن تكون عاوزة تدي إثيوبيا نفوذ في القرن الأفريقي في ظل إن أنا شايف تركيا موجودة في الصومال، شايف إن والله السعودية مهتمية جداً بالشان الأفريقي، شايف إن مصر بترسل قوات للصومال، شايف إن السودان عمال يتقدم في السودان وفي الحرب السودانية. فـ إسرائيل عاوزة تقول: "ما ينفعش إن أنتم تنفردوا بالقرار عند القرن الأفريقي، ويجب إن حليفتها الأولى إثيوبيا يجب إن يكون ليها مينا". فـ مينا دي يا إما هتكون في إقليم أرض الصومال، يا إما تكون في دولة أخرى. لأن إسرائيل، أوعى تعتقد إنها هتقف عند إقليم أرض الصومال. دي هتحاول تتوسع. بالمناسبة، هو مش توسع عسكري بس، توسع استخباراتي. إسرائيل هتحاول تروح لجيبوتي، هتحاول تروح لإريتريا. تتكلم معاهم: "إحنا موجودين على حدودكم يا جماعة، ما تدونا حاجة".

فـ إسرائيل شايفه إن تواجدها في الحتة دي مش هيقف عند إقليم أرض الصومال. ده هيتوسع في البحر الأحمر. ليه؟ والله لأن أول مرة إسرائيل تنظر إن والله باب المندب وإن الحوثيين وقفوا عند باب المندب أفلس مناقلات وخلى التجارة تجاه ميناء إيلات تقريباً. ماشي؟ فـ ده أمر خطر جداً على الاقتصاد لإسرائيل. ثاني حاجة، إسرائيل عاوزة تقف قرب الحدود السعودية. ماشي؟ على الناحية الثانية، ويبقى ليها موطئ قدم. خد بالك، إحنا هنا مش بنتكلم على قاعدة، لأن إسرائيل على فكرة عندها قاعدة سرية في جيبوتي. ماشي؟ عسكرية. بس أنا بتكلم على كيان. ماشي؟ كيان بجيش، اللي هو جيش إقليم أرض الصومال ده، مستعد إن هو ينفذ كل الأوامر الإسرائيلية. فـ أنت بتتكلم على إن إسرائيل مش محتاجة تودي قوات. ده في قوات إسرائيل تقول لها: "اعملي كذا"، هتعملي كذا. أنت عاوز إيه أكتر من كده؟

فـ إسرائيل مش هتمشي. بس هم الصهاينة متنفذين إن أنت ابتديت تاخد قرارات هم مش مصدقينها. أنت إزاي بتعمل كده؟ أنت فعلاً هتودي قوات؟ لا، ده أنت وديت قوات كمان. هي تركيا مودية طيارات إف 16. أنت فعلاً هتحاصر إثيوبيا؟

>> نشرت تركيا طائرات مقاتلة من طراز إف 16 في الصومال في إطار سعي أنقرة لتوزيع أو توسيع وجودها العسكري في القرن الأفريقي. وقال مسؤول حكومي إن الوحدة التركية المتمركزة في الصومال ستقوم بتشغيل الطائرات، مشدداً على أن الطيارين لن يكونوا صوماليين. ويأتي نشر الطائرات عقب إدانة تركيا اعتراف إسرائيل بإقليم أرض الصومال.

>> ما حصلش في نقطة أنت مش واخد بالك منها. كون إن مصر ودت قوات في إثيوبيا، حلم إثيوبيا بالوصول لمينا في الصومال انتهى. ده اتمسح. يعني إثيوبيا لما تيجي تتكلم من هنا لبكرة مع الصومال: "ادونا مينا"، انسى. ده مش بس كده، ده أصبح القوات المصرية ممكن تشجع الصومال من وجهة نظر إثيوبيا، ممكن تشجع الصومال إنها تستعيد الإقليم الإثيوبي اللي هو إقليم صومالي داخل الأراضي الإثيوبية. ده أمر يجب إن أنت تبص له. إثيوبيا مرعوبة. أنت بتوجه رسالة لإثيوبيا إن أنت ما بقتش بعيد عني، ده أنا واقف على حدودك. وإن وإن وإن أنت ما بقتش اللاعب الوحيد في القرن الأفريقي، وعملت بلطجة على جيرانك. ده إحنا موجودين جنبك. إحنا لو عايزين نجيبك هنجيبك. في ظل إن أنت مشتت أصلاً. أنت مش عارف تحارب فوق عند السودان، ولا عارف تحارب إريتريا، ولا عارف تحارب في الجنوب عند الصومال. هتحارب فين؟

وبالمناسبة، مصر بتحريك قوات ما بقتش فقط بتدي وعود للدول إن والله إحنا حلفاء. لا يا باشا، ده أنت ولدت قوات. ده الصومال دلوقتي بتنظر إن مصر حليف استراتيجي بيودي قوات عسكرية على الأرض. جيش. وأنت ما تعرفش عدته كام.

>> مشاركة مصر مرتقبة في بعثة الاتحاد الأفريقي للدعم والاستقرار في الصومال. مصر ماضية في استكمال نشر قواتها ضمن البعثة في إطار التزامها تجاه القارة الأفريقية في ظل حرصها على تحقيق الأمن والاستقرار في كافة ربوع الصومال الشقيق.

ثاني حاجة، إريتريا لما تبص على المنظر إن مصر ودت قوات للصومال في ظل الأزمة دي، طب ما إريتريا تثق أكتر في مصر. ده والله المصريين بيعملوا بكلامهم فعلاً. ده المصريين كل شوية لما بيقولوا حاجة بينفذوها. جيبوتي تقول لك: "يا عم، ده المصريين واقفين على حدود. ده مش بعيد عننا في الصومال". فاهمني إزاي؟ فـ أنت بقيت لاعب وأرغمت إثيوبيا إن هي تعيد حساباتها بشكل كبير جداً في كل تحركاتها، لأن أنت واقف على حدود إثيوبيا. بالمناسبة، أنت مش واقف في الصومال، أنت واقف على حدود إثيوبيا خلاص.

فـ دي أمور مهمة جداً. طيب، في ظل الكلام ده كله، يجي مقالة مكتوبة من دكتورة اسمها دكتورة نادية حلمي. على فكرة، دكتورة نادية حلمي هي دكتورة في جامعة بني سويف للعلاقات الخارجية والسياسية، وهي كبيرة في الشؤون الصينية. هي تقريباً المقالة بتاعتها كده. هي بتتوقع ليه الصين هتنظر لتعيين وزير الدفاع الجديد، اللي اسمه الفريق أشرف سالم، إن دي فرصة كويسة جداً للتعاون المصري الصيني. ليه؟ لأن هي بتقول لك: "خد بالك، إن وزير الدفاع الجديد جاي ولازم ياخد قرارات صعبة". يعني أنت عندك صفقات واقفة مع الجانب الفرنسي، واقفة مع الجانب الإسباني، صفقات غواصات السكوربيون والـ S8، صفقات الرافال اللي لسه لحد دلوقتي ما وصلتش، برغم إن المصريين وقعوا الاتفاقية في وقت كبير جداً من زمان، يعني بقى لنا كتير موقعين على الاتفاقية بتاعة 30 مقاتلة الجداد دول وما وصلوش. ماشي؟ بتتكلم على الغواصات مع الجانب الصيني اللي هي التايب 39 A. هتعمل إيه؟ الجي 20 تعمل إيه مع الصين؟

فـ الست شايفة إن خلي بالك، اللي هيقرب الجيش الصيني من الجيش المصري هو وزير الدفاع الحالي. أشمعنى؟ بسبب بسيط قوي، إن الراجل ده أصلاً كان رئيس الأكاديمية العسكرية. والرئيس السيسي اختار الفريق أشرف سالم زهران بسبب بسيط إن الراجل ده طور في المناهج وطور في تدريب الطلبة، واهتم جداً بتغيير ورفع كفاءة الطلبة بشكل كبير جداً.

>> أدى الفريق أشرف سالم زاهر اليمين الدستورية أمام الرئيس عبد الفتاح السيسي وزيراً للدفاع والإنتاج الحربي، وذلك بالتزامن مع أداء الحكومة الجديدة برئاسة مصطفى مدبولي اليمين الدستورية. ويعد الفريق أشرف سالم أحد أبرز القادة العسكريين في القوات المسلحة المصرية في الوقت الراهن، حيث ارتبط اسمه بتطوير المنظومة التعليمية العسكرية وتحويلها إلى صرح أكاديمي عالمي. هذا ولا يشترط الدستور المصري موافقة البرلمان على وزير الدفاع، إنما يشترط فقط موافقة المجلس الأعلى للقوات المسلحة.

فـ الدكتورة نادية شايفة إن والله الغرب مش هو اللي هيطور لك المناهج بشكل أكبر ويرفع قدرة الجندي المصري بشكل أكبر. الغرب تقريباً قدم لك كل ما يمكن تقديمه لرفع كفاءة الجندي بمصر. الحتة الفجوة اللي باقية دي هتبقى من عند الصين. الصين مستعدة إنها تمرن القادة المصريين. هي قالت لك إن الصين موقعة اتفاقية لتدريب من رتبة عقيد وانت طالع يتدربوا في الصين. ماشي؟ على كيفية اتخاذ القرارات، رفع كفاءة القوات، إدارة المعارك، والكلام ده كله. يتدربوا في الصين. ثاني حاجة، بتقول لك إن والله في أكتر من 2000 مهني، هي قصدها ممكن يكونوا مهندسين مصريين، هيتدربوا في الصين في الفترة اللي بين 25 لـ 27.

فقالت لك إن رؤية وزير الدفاع القادم في تطوير قدرة الجندي المصري هو مش هيلاقيها عند الغرب، هيلاقيها عند الصين، في ظل إن أصلاً الجيش المصري لسه عامل صفقة قوية جداً في معرض "إيديكس" إن هو هينتج مسيرة اسمها "حمزة 3"، وحمزة 3 دي هتخش الخدمة في 2027، وتم عرضها على فكرة في معرض الدفاعي في السعودية. وقال لك إن والله المسيرة دي مكون بتاعها المحلي 85%. فـ ده يوريك التعاون بين الجيش المصري والجيش الصيني. وخد بالك إن رؤية الفريق أشرف سالم إن والله ممكن يكون كمان عاوز يطور التصنيع المصري. ودي حاجة برضه مش هيلاقيها عند الغرب، هيلاقيها عند الصين اللي مستعدة إنها تخش في الحتة دي.

أما الجانب الآخر، فالست بتقول: "خد بالك إن كمان الفريق أشرف سالم هيكون مهتم بتطوير الذكاء الصناعي". ما تنساش، عشان طلعت تقارير إن الجيش المصري عاوز يقتني الذكاء الصناعي ويعممه داخل الجيش المصري. صح؟ فقال لك الغرب مش هيديك التكنولوجيا، أو ممكن لو أداها لك هيديها لك ناقصة. الصينيين هيخشوا معاك. خد بالك إن كل اللي هي بتتكلم فيه ده، الغرب ما ينفعش يعترض عليه. هي بتتكلم في حتة اسمها "جري زون" أو المنطقة الرمادية. أمريكا ما ينفعش تقول لك: "أنت بتعمل إيه خالص؟" إحنا بندرب قوات، وبنعزز قوات ذكاء صناعي، إحنا بندرب برضه ذكاء صناعي. حتت ما ينفعش أمريكا أو الدول الغربية تعترض عليها. ماشي؟

فـ دكتورة نادية جاية تقول إن والله يا جماعة، دي فرصة، أو الصين بتنظر إن تعيين وزير الدفاع الجديد فرصة. ودي بالمناسبة مش وجهة نظرها هي. جايباها من صحف صينية ابتدت تتكلم وتحلل وزير الدفاع المصري الجديد لما جه، فرص التعاون المصري الصيني هتكون عاملة إزاي. واستندت بصحيفة اسمها "الديلي تشاينا". "الديلي تشاينا" هي اللي كتبت عن وزير الدفاع المصري الحالي. فـ دكتورة نادية من وجهة نظرها إن تعيين وزير الدفاع المصري الجديد هي صفحة جديدة في العلاقات المصرية الصينية. وبتقول إن انتظروا منورة جديدة من نسور الحضارة هتعقد في الأشهر القادمة بين الجيش المصري والجيش الصيني.

الحقيقة، المقالة بتاعتها دي، هي مقالة ممكن تكون منطقية. أنا ما بقولكش إن هي بتدي معلومات. ماشي؟ أنا ما شفتش معلومات اللي هي كبيرة، لأن هي بتحلل. هي مش جاية تقول مقالة خبرية على قد ما هي مقالة تحليلية من المقام الكويس جداً. يعني. خلي بالك، في الأول والآخر، هي دكتورة. وبالمناسبة، أنا قرأت لها أكتر من مقالة، والست دي محترمة جداً. يعني وأنا بحترم رأيها.

بس كده أو كده، أنا مش واقف عند اللي كتبه الكاتب الصهيوني المجرم اللي اسمه أمين أيوب. ماشي؟ ولا واقف عند المقالة اللي كاتباها دكتورة نادية. أنا واقف قدام حاجة مهمة جداً. أنت عمرك شفت وزير دفاع مصري ما بياخدش قرار، ولا بيلحق ياخد قرار، يعمل اللغط ده كله؟ تنزل فيه المقالات دي كلها؟ وإيه مقالات شتايم؟ شتايم يعني وتدخل في الشأن الداخلي والتحريض على وزراء وكلام بشع بشع يعني.

بس أنا أقدر أستشف الكلام ده كله إن القرار كان صح، والسيسي حطه صح. يا رب أكون شرحت لحضرتك الموضوع بشكل مبسط. ويا رب نصير نصر مصر. يا رب ينصر العرب. يا رب ينصر فلسطين. يا رب تحيا مصر. سلام.

>> أنت مش عارف إحنا مين؟ إحنا اللي الناس بتيجي لنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب وكرم بيتضرب به المثل.

>> جدعنة وشهامة مش موجودة في زماننا ورحمة بتطلع من عينينا قبل قلبنا. لا إله إلا الله.

>> إحنا بسمة تفتح ألف باب.

>> أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر يا محروسة بسيف شاطر وسيف حارس عليك يا مين. ومن فوق السماء السابع حاميك رب العالمين.