Transcription
Hi, 我係陳老C. 記得 subscribe, like, 同埋 share 呢片. 唔該曬你啊.
"一騎紅塵妃子笑，無人知是荔枝來。" 楊貴妃食荔枝呢個故事呢，我諗大家應該都聽過. 但呢件事嘅背後，係展現出點樣嘅時代背景呢？我諗冇乜人呢會好深入噉去思考.
但係有一個人，佢幫我哋呢做咗呢一件事. 呢個人呢，就係小說家馬伯庸啊. 佢近年最新嘅力作《長安的荔枝》，就以一個低階官員嘅視角，去講述呢一個不可能完成嘅任務，究竟係點樣完成. 仲透過呢個運送嘅過程，揭露咗官場入面嘅權力鬥爭，暗示喺當時嘅官僚制度之下，就算再偉大嘅努力，可能呢都會被忽視同埋抹殺. 身為基層嘅官員，嗰種個人嘅奮鬥同埋無力感，究竟係點嘅？
喺呢一部中篇嘅小說入便呢，我哋仲能夠呢，看到好多唐代內風俗習慣啊，官場文化，當時嘅交通網絡，驛站系統，官僚架構，民生百態呢啲噉樣嘅細節啦. 都令到成個故事好豐富.
喺講呢一本書之前呢，首先，我簡單介紹下呢本書嘅作者馬伯庸先. 馬伯庸係佢嘅筆名啦，佢嘅原名呢叫馬力. 1980年喺內蒙古出世，佢係中國呢當代嘅作家. 佢以多元嘅寫作風格，同埋對歷史主題嘅深入挖掘呢，而聞名噅. 佢嘅作品呢，通常都會涵蓋歷史，懸疑推理，同埋科幻喺元素喺度. 佢最擅長嘅就係呢，將一啲歷史事件啦，同現代嘅視覺結合，透過生動嘅人物，同埋好細膩嘅敘事方式呢，去再現一啲我哋耳熟能詳嘅歷史場景.
佢主要嘅作品呢，有以下幾部啦. 第一部，就係《顯微鏡下的大明》. 仲有《古董局中局》系列，《四海瓊劇》，《三國機密》，《風起陝西》，同埋《長安的荔枝》.
既然呢本書呢，係一本歷史類嘅小說啦，噉我當然今集呢，主要就係講故事畀大家聽啦. 喺節目嘅前半部啦，我首先啦，會將成個故事嘅大致嘅框架，同埋佢嘅一啲劇情啦，劇透畀大家聽. 如果大家介意嘅話呢，可以跳過呢個部分噉.
講述有啲核心嘅故事情節，同埋大致上嘅劇情走向. 之後啦噉，我會再同大家呢，詳細去分析下呢一本書入面，佢所揭露到嘅道理，同埋我哋能夠喺呢一部小說入便呢，學到啲乜嘢，對我哋有益嘅資訊.
OK，噉以下嘅內容呢，就係劇透嘅部分喇. 如果說大家想自己去看呢一本小說呢，噉你就可以呢，跳過呢部分.
呢個故事嘅主角呢，叫李善德. 係一個九品以下嘅芝麻綠豆官嚟㗎. 喺長安嘅上林署嗰度呢，做監事，專門負責為朝廷呢，提供蔬菜啊，同埋一啲生果嘅.
有一日，佢嘅上司呢，就同佢講：「善德，我有單嘢益你. 朝廷而家仲喺度招募緊荔枝市. 呢一個噉樣嘅職位，你喺我前上林署做咗咁長時間，我見你為人忠實老實，為官清廉，我覺得呢個好嘅機會，非你莫屬啊.」
阿李善德啊，心諗：「嘩，朝廷特使㖞，呢啲肥差嚟㗎㖞. 老細竟然咁看得起我.」但係阿李善德啊，心諗：「會唔會有伏㗎？一件好嘅到肥差，竟然會落喺自己嘅頭上？」
總之，喺佢上司一輪勸說之下呢，最終阿李善德呢，就應承咗呢，去擔任呢一個荔枝史嘅職位喇. 佢獲押作實後，哇，成個上林署啲人個個都話呢，要同你飲杯. 「我果然冇揀錯你啊，善德啊，先得啊，嚟，飲咗佢. 好酒好酒啊，一路好走啊！」哈哈，我嘅意思就係話一路順風噉解.
聽到呢一度，我諗大家都知道呢，應該要係伏嘅成件事. 但係阿李善德佢心諗：「成件事又冇乜嘢破綻㖞，又唔會話好危險，又唔係好難做. 究竟呢一件事有啲咩問題呢？」
佢飲完酒，喺返屋企嘅過程入便呢，一路喺度諗呢一件事. 朝廷嘅公文呢，係寫住皇上要十斤嶺南嘅荔枝煎，要喺6月1號，阿楊貴妃生日嘅時候呢，送到. 而家先2月啫嘛，四個月時間，行路都去啦.
嚟到呢度，呢要同大家呢解釋下乜嘢叫做荔枝煎. 所謂嘅荔枝煎呢，其實係荔枝肉，你要剝殼同埋呢去核，再用水同埋蜂蜜呢一齊去煮. 佢煮完之後呢，再用蜂蠟外封. 噉樣呢，呢啲荔枝呢，就能夠保存好長嘅時間㗎喇.
所以，如果阿皇上同阿貴妃，佢真係食荔枝煎嘅話，噉呢一件事呢，根本上就唔係一件好難做到嘅事. 等荔枝熟嘅時候，想去嶺南啲荔枝落嚟，馬上去做呢啲噉樣嘅處理，之後慢慢噉送嚟長安，乜嘢都做到啦.
所以啊，李善德佢拗爆頭，我都諗不明，點解呢肥差啲人唔係爭崩頭噉去做，而係會拱手相讓，送畀自己呢？佢一路諗一路諗，喺行返屋企嘅路上呢，突然間就仆親，手上面嘅公文呢，都跌咗落地下噉.
佢嗱嗱聲執返起張公文啊，拍咗一拍，噉就拍咗張紙仔落嚟㖞. 嗰張紙仔上面呢，寫住一個「煎」字，即係荔枝煎個煎. 噉呢張紙仔係乜嘢呢？就係古代嘅時候，大家喺寫啲文書，如果寫錯字嘅話呢，噉就會剪一張紙仔喺上面呢，寫返個正確嘅字之後呢，就會黐返上去嗰張公文喏度.
當然啦，為咗防止你亂咁噉樣去改公文嘅內容，一般呢，呢啲紙仔嘅旁邊都要有你嘅印鑑啊，或係做一啲處理嘅. 但係佢手上面揸住嘅呢張紙仔呢，並冇呢一個噉樣嘅處理.
佢心諗：「大鑊喇，可能畀人跣咗一鑊.」佢嗱嗱聲打開公文嚟睇，發現份公文上面所寫嘅其實係荔枝「鮮」，而唔係荔枝「煎」. 佢嘅上司為咗水佢入局，故意呢將個荔枝「鮮」嘅「鮮」字，偷偷前黐咗「煎」字上去. 然後嗰個睇公文嘅時候呢，就係噉催佢啊，不停噉樣叫佢做嘢嘅. 「快啲簽咗佢啦！」所以佢自己當時根本就冇發現，呢一個荔枝「鮮」上面呢，黐咗張紙仔.
大鑊喇，呢個「鮮」字並冇任何嘅官印，亦都冇任何嘅記錄. 所以李善德，嗱嗱聲跑咗佢上司屋企，問佢究竟發生咩事，問佢究竟朝廷要嘅係荔枝「鮮」定係荔枝「煎」.
佢上司呢時候呢，就反轉豬肚喇. 佢話：「梗係荔枝『鮮』啦！一路都係寫荔枝『鮮』，你自己簽公文嘅時候，你唔認真啲睇下來嘅咩？你嗱嗱聲返去準備呢，唔好阻住本官就寢啊！」
李善德呢個moment呢，先知道自己呢舐咗嘢. 因為佢本身呢，就係負責呢，供應啲蔬果啊，畀朝廷嘅. 所以佢好清楚先，荔枝佢嘅保質期頂籠得四日. 而當時嶺南離長安嘅路途呢，足足有五千幾里路. 根本冇可能用四日嘅時間，由嶺南到長安噉.
去到第二日啦，唉，橫死掂死，你點都要去試試. 於是乎，李善德呢，就一改佢以前喺上司面前呢，乜嘢都係「係係係」嘅作風. 一返上林寺呢，就拍台同我準備30貫路費，我而家就去嶺南. 你冇諗住唔畀啊. 到時我送唔到荔枝去，聖人怪罪落嚟嘅時候，我一定拉埋你落水. 你求神拜佛，保佑我，可以順利完成到呢一次噉.
佢嘅上司呢，就畀佢嚇嚇，唔夠膽再廿蚊廿武喇. 馬上畀咗30貫錢佢. 噉李善德呢，就正式開始咗，佢運送荔枝嘅呢一件苦差喇.
時間不等人嘅，所以李善德呢，就開始日夜狂奔喇. 由長安到嶺南呢，一共有5,400英里. 佢早上呢，就騎馬賓士. 晚黑呢，就去研究究竟邊條路呢，會快啲. 就算做到噉啊，佢一日最多呢，都只係能夠呢行到60里路. 足足用咗一個月嘅時間，李善德呢，先至嚟到嶺南，即係當時嘅廣州喇.
喺呢個月入面，佢研究咗各種各樣嘅運輸荔枝嘅線路. 水路又好，陸路又好，點樣不同嘅組合，要諗嘅該諗嘅，佢冚唪唥都諗曬. 但係快極都根本冇可能喺四日之內，可以將啲荔枝喺嶺南送去長安喏度.
噉啊，當佢嚟到廣州之後喇噉啊，李善德呢，就要去嶺南嘅五府經略史喏度呢，去報道喇. 當地嘅官員一聽到李善德佢，原來呢，要佢哋呢協助送荔枝去長安，心諗：「係咪老千嚟啊呢個人？」
但當我哋見到阿李善德拎出嚟嘅公民嘅時候，佢就知道死火喇. 呢一個根本係一個不可能完成嘅任務. 如果最後完成唔到，出露龍顏，噉成嶺南呢，都唔掂. 所以若驚歷史呢，就心諗不如「𢫏」冧條友佢啦，當收唔到份公民啦噉樣.
朝廷有公民嚟，門面嘢仲係要做下嘅噉. 於是乎呢，就寢接待阿李善德啦，亦都同阿李善德講話：「嗯嗱，送禮之呢一單嘢呢，我喲當然會盡力配合啦. 不過呢，我前又能力有限㖞，嶺南邊又公務繁忙，所以呢，我剋又真係愛莫能助喇. 嗱不如噉啦，我簽一啲通關文牒畀你嚇，你鍾意點做就點做嚇，我勳就不過問喇.」
總之，喺嶺南送荔枝去長安呢一單嘢，喺長安呢已經係不同嘅 department 啦，喺度踢嚟踢去㗎喇. 點知嚟到嶺南呢，都係畀人踢嚟踢去. 阿李善德啊，成個人覺得好絕望噉.
但係絕望都要食嘢㗎噉. 於是乎呢，就去咗一間酒館度食飯啦噉. 喺食飯嘅過程入便呢，就遇到一個呢，做香料生意噉嘅商人，叫做蘇亮. 我就問：「阿李善德兄台，係唔係唔使錢使啊？如果係錢嘅問題，我可以幫你噃.」
阿李善德心諗：「哎呀，又係嗰啲借錢梗要還嗰啲 friend 嚟㗎㖞.」但呢傾咗幾句先發現呢，原來對方呢，係一個做香料生意嘅商人. 對方係想跟佢呢做單交易. 因為李善祥嘅手上，便有一大堆嶺南經略史發出嚟嘅通關文牒. 有啲通關文牒呢，其實你做生意啊，去不同嘅地方啊噉啊，好簡單，好多唔讓畀人前check嚟check去㗎嘛，唔讓畀人問到一隻狗噉樣㗎嘛.
所以阿蘇亮呢，就提出：「嗱我可以呢，提供資金畀你，贊助你沿途嘅路費送荔枝畀皇上. 但係你要畀啲通關文牒我.」雖然呢，賣通關文牒呢，本身就係殺頭大罪. 但係李善德呢個moment呢，根本冇得揀. 反正送唔到荔枝都係要殺頭㗎喇.
唉噉啊，乾脆呢，搏一搏啦. 好喇噉啊，揾到 sponsor 之後喇，李善德呢，就要去睇下呢啲荔枝嘅質素喇噉. 佢就去咗廣州嘅市郊啦，即係增城喏度，揾咗一個荔枝女噉啊，請教對方究竟呢，有咩辦法可以令到啲荔枝呢，佢唔變質噉話.
荔枝女同佢講話：「唔摘佢落嚟，佢咪唔會變質咯.」阿李善德一聽完，覺得唉，對方hea 自己. 根本上就冇辦法可以呢，長時間噉保存到啲荔枝. 所以呢，靠人不如靠自己喇.
於是乎呢，佢就開始呢，做實驗喇. 佢用香料商人蘇亮借畀佢嘅錢，去租借咗一啲馬匹，又請咗幾十個練馬師，跟埋咗好多嘅船隻，分成四隊. 將啲新鮮摘落嚟嘅荔枝，放喺呢個香料箱人佢平時呢，攞嚟裝香料嘅一啲雙層嘅啲罌入面. 分別經由4條不同嘅路同時出發. 每日都會有飛鴿傳書呢，傳送啲白鴿返嚟，話畀佢知呢，啊今日去咗邊度，今日去咗邊度噉樣.
但係要做到呢件事所花費嘅金錢呢，實在超出咗佢嘅意料. 啲馬又要食草啦，啲騎手又要休息啦，跟住又要車輪轉噉樣換不同嘅騎手，又要搭船去驛站呢又要住又要去打點下，又要賄賂下啲途徑不同嘅地方嘅官員㗎嘛. 幾日時間呢，已經用曬阿蘇亮買佢嗰啲通關文牒要用嘅錢.
所以冇辦法，佢又再一次呢，去一個香料商人蘇亮，諗住問佢再借啲錢去做呢一個實驗噉. 啊蘇亮呢，就借咗2,500貫畀佢. 條件就係，李善德要再畀一啲通關文牒佢.
於是乎李善德呢，就去返嶺南經略史嗰度，問佢再攞啲通關文牒啦. 啊點知對方就話：「餵，我上次畀咗咁多你，你用曬㗎喇. 不得㗎，唔可以亂發公民㗎. 你自己諗辦法啦.」
跟住冇計喇，李善德呢，又只能用拍台嗰一招啊. 我話畀你知，如果啲荔枝無法準時送到朝廷，我保證你成嶺南同我一齊攬炒. 皇上怪罪落嚟嘅時候，我一定會拉埋你落水. 你記住我話嘅噉.
之後呢，嶺南經略士呢，就嚇到舐屎嘅嗱嗱聲，畀咗一大沓嘅呢個通關文牒佢. 仲將自己嘅家奴呢，借埋畀阿李善德，叫佢呢幫佢執頭執尾.
噉幾日之後喇，嗰啲信鴿呢，就陸陸續續呢返嚟喇. 大部分嘅隊伍呢，佢哋嘅荔枝都喺第四日嘅晚黑，最遲呢，亦都係去到第五日嘅早上呢，就開始變味喇. 呢啲隊伍入面，跑得最遠嘅隊伍呢，都只不過係完成咗由嶺南到長安呢，唔夠一半嘅路程噉.
第一次嘅測試呢，宣告失敗噉. 啊，李善德又諗啊，如果啲荔枝未熟嘅呢，青嗶嗶嘅荔枝得唔得呢？於是乎呢，就摘咗啲生嘅荔枝又去做測試噉.
呢度呢，有啲細節啦噉，就係誣喺同經略史借畀佢嘅呢個家奴嘅相處嘅過程入面，阿李善德呢，並唔將佢當成係奴隸噉樣看待. 有一次飲酒嘅時候呢，仲叫佢一齊嚟飲噉. 阿家奴就話：「哦，你係主人嚟㗎，我點能夠同你一齊飲酒呢？我不能夠飲酒㗎.」阿李善德話：「唉，大家都係苦命之人，飲咗佢啦.」
睇得出呢，李善德呢個人呢，其實係好好嘅噉. 啊又過咗幾日之後呢，嗰啲信鴿呢，又返嚟喇. 用嗰啲未熟嘅荔枝呢，保質期呢，的確咗嘅，長咗呢，大概係半日呢，至一日嘅時間. 跑得再快，就算唔計成本同埋人命，得嗰五日時間，根本就冇可能去長安.
所以李善德又諗啊，唉，要再諗辦法. 好喇，話咁快呢，已經去到4月，啲荔枝開始成熟喇. 好多嘅荔枝農呢，開始去摘荔枝. 李善德呢，發現啊，啲人摘荔枝嘅時候呢，佢並唔係一粒噉樣掹落嚟嘅㖞，而係連埋嗰啲樹枝呢，一束一束噉樣呢，斬嘅㖞.
於是乎佢就好疑惑噉問個荔枝女：「餵，你之前噉樣去斬嗰啲荔枝樹，你唔驚斬到佢死嘅咩？」噉個荔枝女同佢講話：「係要噉樣斬㗎. 你噉樣去斬嘅時候呢，啲樹下一年先至會更加粗壯，佢結嘅果實呢，亦都會更加多. 唔止係噉啊，啲荔枝如果呢，係連埋成條樹枝嘅話，佢存放嘅時間會更加之耐. 我之前唔係同你講咗嘅咩？你話想啲荔枝新鮮啲，咪唔摘佢落嚟咯.」
阿李善德心諗：「哎呀，佢之前仲以為對方hea 自己. 點知原來呢，人哋係真係話畀佢知，唔好一粒粒摘落嚟，成枝愣住，佢一抽，抽噉樣係可以保存得更長嘅時間嘅噉.」
但係呢，佢已經用曬所有嘅錢喇. 於是乎唉，佢又死死地氣噉樣去求啊啲商人啦蘇亮，再借啲錢畀佢噉. 阿蘇亮就話：「嗱算啦，一係噉啦，錢呢我就借唔到畀你㗎喇. 今次呢，我就當投資你. 如果你真係成功噉，將啲荔枝送到去長安，到時皇上高興嘅話，你記得去帶挈下我.」李善德呢，就一口應承啦噉啊，又攞咗一筆嘅資金，再次呢，做測試.
見到哇，真係成事有望㖞. 你之前係咪覺得就嚟大結局呢？當然唔係啦. 嶺南嘅經略史佢之前一聽餵，條友可能會成功㖞，舐嘢啦. 如果佢真係能夠成功噉，將呢只荔枝由嶺南送去長安噉，以後咪玩死我哋囉. 我哋咪要年年辛辛苦苦噉樣送荔枝去. 哇，送唔到嘅，死罪嚟㗎㖞. 呢啲咁on9嘅事梗係唔做啦.
於是乎嶺南經略史嗰班官呢，就起咗殺心喇. 諗住「𢫏」冧呢個李善德. 而之前呢，經略士嗰邊借畀佢嘅個家奴，為咗想報答阿李善德，因為佢曾經叫佢一齊飲酒，佢覺得佢自己嘅一輩子，終於被人睇得起過. 所以呢，諗住過嚟通風報信.
但係喺嚟通知佢嘅過程入便呢，咁啱就畀老虎咬傷. 但係佢仍然呢，趕到過嚟呢，話畀阿李善德知有件噉嘅事. 李善德嗱嗱聲呢，就離開咗佢住嘅地方，避過咗一劫. 經略史派嘅殺手嚟到之後呢，發現冇人噉，最後呢，就冇事嘅.
避過咗一劫，又攞到阿蘇亮嘅贊助. 之後呢，佢又開始呢，做實驗喇噉. 佢再次呢，去揾到嗰個荔枝女，又揾咗五支馬隊過嚟. 然後將啲荔枝樹嘅枝分，成樖鋸咗佢，好似我之前平時誒，即係農曆新年嘅時候鋸嗰啲桃花噉樣. 所以五個馬隊嚟去送荔枝噉. 即係話呢，有五樖荔枝樹呢，要切咗佢.
哇噉啊，荔枝女就好心痛啦. 哇，真係成樖樹就玩完咯㖞. 但係呢，李善德話：「唉，你別擔心啦，如果呢測試成功，第日呢，你就係專攻皇上嘅王樁嚟㗎喇.」
噉啊，李善德呢，就將嗰啲鋸出嚟嘅荔枝樹呢，插喺一個堆滿曬又鬆軟又肥沃嘅泥壟坑入面. 之後呢，就要啲馬隊呢，出發喇. 呢五個馬隊入面，堅持喺最耐嗰樖荔枝呢，係第七日呢，就開始謝喇. 喺佢謝之前，馬隊嘅人呢，就會將啲荔枝摘落嚟，然後就用返呢之前嘅隔水之法，放落個雙層嘅罌粟入便呢，去保存噉.
呢兩種方法結合埋一齊呢，一共呢，係爭取到臨十一日左右嘅時間. 即係話去第十一日，啲荔枝呢，勉強仲係新鮮嘅. 但係十一日呢，都依然係未有辦法呢，抵達長安.
但係李善德就喺度諗餵，如果由朝廷出面，動用曬沿途嘅人力物力，再加埋日夜兼程，呢件事呢，未必做唔到嘅. 因為就係差幾日時間嘅啫. 因為沿途仲有一啲冰窖啊. 但係佢實在呢，已經再冇噉樣嘅資金啦，去做呢一件事喇.
李善德將沿途所需嘅花費，要考慮嘅路程，所有嘅天氣因素，要交畀官府打點嘅錢，要疏通嘅關係，所有嘅細節全部呢，記錄低落嚟. 然後呢，打算就返去長安喏度，說服官場上面嘅人呢，支持佢嘅呢個方案.
但返到長安之後，一聽到話要送荔枝，所有嘅 department 呢，就當你瘟神噉樣. 後來呢，有一個公事副使，主動呢，去接觸呢一個李善德㖞. 「呢位同僚，你因乜嘢而喊啊？」
噉啊，聽完阿李善德嘅啊一番哭訴之後，呢一個人呢，就話：「唔緊要，等我嚟幫你呢. 我真係畀你嘅努力所感動啊. 無論結果係點，我都一定會撐你嘅. 你介唔介意，將你手上面嘅呢一份報告，畀咗我，等我去朝廷入面，遊說更加多嘅官員去支持你呢噉？」
啊李善德真係唔知呢個世間險惡，官場險惡喇. 真係呢，就啊，覺得人終於有知音喇噉樣，就將佢自己辛苦做嘅呢啲報告，畀咗呢一個人. 但後來佢先知道，呢一條友呢，出名呢係奸險狡詐之人嚟㗎. 佢個名呢，叫做餘朝欣. 出名係貪功嘅.
呢一個咁周密嘅方法，交咗去佢手上面噉啊，乜嘢功勞都畀佢擸曬啦. 李善德呢，覺得好絕望喇.
就喺呢個moment，有一個小太監呢，行咗過嚟，畀咗一封密函佢. 有一個叫做馮元一嘅人，想見佢. 於是乎李善德呢，就去誒，約定嘅地點度啦，諗住去見下呢個人啦. 但去到呢約定嘅地點邵福子嘅時候，李善德見到嘅人呢，並唔係呢個馮元一㖞. 而係上見到楊國忠.
哇，楊國忠係邊個啊？係著名嘅衛國公㖞，係楊貴妃嘅阿哥嚟㗎㖞. 楊國忠見到佢之後，就問佢：「你因什麼而求見本宮啊？」李善德覺得好奇怪喇，明明係唔係你約我嚟嘅咩？點解又變咗我求見你呢？
但係都唔重要喇，就一五一十噉樣啦，將自己嘅來意講畀阿衛國公聽. 因為對方位高權重啊，你根本都塚可以隱瞞佢啦，係咪噉. 聽完佢呢一個咁周密嘅計策之後，哇，楊國忠又覺得哇，呢條友得前㖞.
噉我就開門見山問佢喇，噉有啲咩人阻礙你做到事呢？噉樣噉啊. 李善德就話呢，有一個叫做餘兆欣嘅人，偷咗佢條橋噉. 啊楊國忠啊，拍曬心口話：「唔緊要，啲人蝦蟹嚟㗎啫，我可以搞掂佢.」
楊國忠之所以諗住去幫下李善德啦，係諗住哇，如果佢真係做成咗呢件事噉，佢自己，當然可以喺朝廷度立曬啲功勞啦，係咪. 於是乎就交咗個令牌呢，畀阿李善德喇. 哇，有呢令牌，你去邊度呢，都會暢通無阻. 嗰啲咩通關文牒嗰啲撕爛佢啦，冇用㗎喇噉.
但係同一時間呢，阿楊國忠又唔想上身㖞呢件事. 因為如果最後你送唔到啲荔枝去，或是係啲荔枝啲味道唔好，龍顏大怒噉，咪自己咪舐嘢？所以呢，當冇任何嘅文書留低嘅. 最多最後事敗嘅時候，咪揾人冧咗呢個李善德攞返個令牌噉，咪咩事都冇發生咯噉.
但係當然啦，阿阿李善德就唔知道對方噉樣諗嘅. 其實呢個moment呢，李善德呢，亦都冇忘本啦. 佢話誒，我想引薦一個商人啊，因為呢，佢一路呢，都幫我去做呢一個測試嘅噉. 啊做呢個實驗嘅.
阿楊國忠呢，憇心機聽啊. 佢話：「唔緊要嗰啲人，你唔需要再用到佢嘅錢. 你要幾多錢，我會幫你安排.」就噉啦. 但係李善德呢，就覺得，好像好對唔住嗰個商人噉樣. 但係人冇辦法喇，都係搞掂荔枝單嘢緊要啲噉.
於是乎呢，佢又返返去嶺南喇. 今次有楊國忠侍領牌，全世界都要為佢面色做人喇. 嶺南嗰班官呢，冚唪唥都跪低曬，任憑佢猜遣. 長安嗰啲官呢，都一樣. 成件事呢，開始上軌道喇噉.
但係嗰個香料商人呢，有一日呢，就過嚟揾阿李善德噉啊，跟佢講話：「餵，點啊？我你應承我單嘢點啊？有冇將佢引薦畀朝廷啊？」因為你善德呢，又不方便透露咁多嘢啦，噉就話：「唔使再用佢嘅錢喇.」
噉個商人啊蘇亮呢，就嬲到爆曬. 覺得佢哇，真係過橋抽板. 呢啲噉噉官，真係一氣之下呢，就走咗喇噉. 而過咗冇幾耐之後呢，嶺南嘅官衙呢，就將呢誒商人蘇亮呢，捉q咗. 罪名就係話呢，佢偷咗呢啲通關文牒，話要治佢罪.
哇，李善德覺得，哇，個良心真係好過意唔去. 阿蘇亮呢，並不係佢叫人去拉嘅，而係嶺南嘅經略史呢，去揾人拉佢嘅. 因為之前呢，佢未畀咗一大堆嘅通關文牒佢嘅. 噉而家佢見到呢個蘇亮呢，喺度唱衰啊李善德㖞. 噉咪乘機拉q咗佢，然後將自己呢濫發通關文牒呢一件事，呢，喺佢頭上，治埋佢罪噉啊. 殺人滅口，冇人再知道. 呢件事太黑暗喇.
李善德覺得呢個世界，呢個官場實在太過黑暗噉. 呢個數量畀人拉咗之後，弊傢伙出現咗一個變數. 就係呢，去運荔枝嘅時候，佢用嘅嗰種罌粟係特製嘅. 呢一種罌粟係得呢商人先有嘅，因為佢係雙層結構. 如果你而家再揾人重新去整呢，根本就唔夠時間去燒製呢啲噉樣嘅罌粟. 噉但係個商人呢，已經著草走咗人喇.
跟住已經冇罌粟喇噉. 啊所以呢，唉啊李嬋呢，又要諗一個替代嘅方案. 就係攞個牛胃，再加個普通嘅罌粟，去代替佢之前嘅雙層罌粟. 呢一種密封性. 噉呢箱，呢個牛胃呢，一個呢，就係史實嚟嘅. 的確係噉樣運送嘅. 即係歷史記載入面噉.
啊解決咗第一個問題後，又有好多嘅林林嬸嬸嬸嬸出現喇. 下一個單眼，要阿李善德去救火嘅，就係荔枝莊喏度喇. 去荔枝莊噉時候噉啊，見到個荔枝女同埋啲農民呢，喊到收唔聲. 點解呢？因為經略府嗰啲士兵呢，斬q曬啲荔枝樹.
李善德喺度質問點解要斬曬啲荔枝樹. 原來因為成件事呢，已經由阿楊國忠呢in charge啊，係咪. 所以呢，各地嘅官員呢，好緊張，就出現咗呢，層加碼嘅現象. 我舉個簡單嘅例子啊，即係嗱例如話楊國忠佢話嗱我要呢，你之前就送嗰3樖荔枝過嚟噉樣噉. 啊楊國忠嘅下級官員呢，就話：「餵，3樖邊度得啊？等陣謝q咗噉我咪要斬頭. 唔好喇，攪夠佢6樖喇.」跟住呢，呢個官員嘅下級就話：「6樖點夠啊？梗係攪夠佢十樖啦.」跟住嗱，一層一層壓落嚟啦，壓到去嶺南呢，噉就要斬三十樖荔枝樹喇噉.
三十樖荔枝樹呢，基本上就斬曬啲荔枝樁入便啊，荔枝女成荔枝果園都冇曬. 唉噉啊李善德見到呢一件事呢，都好心噏. 但係唉，都不知道點解釋. 畀人鬧到爆炸，即係覺得就係佢，就係佢嘅意思. 冇人會覺得係上頭嘅意思，都只會覺得係你做嘅就係你做嘅. 覺得李善德呢個人偽善. 呃佢又話誒，第日要畀我做，皇上又話呢，斬一兩樖，而家斬曬佢成果園. 李善德呢，覺得唉，佢從來都冇咁憎過自己嘅真係. 佢覺得佢自己已經成為咗一個呢，佢最憎嘅人喇.
唉哇辦法，佢依然呢，要解決咗佢要做嘅事先. 所以佢就硬住頭皮啦. 唉斬啦，斬斬斬斬，諗曬佢三十樖. 三十樖就三十樖喇.
終於呢，一番擾讓之後喇，去到六月一日，阿楊貴妃生日嘅時候，一騎快馬呢，終於喺長安城出現喇. 楊貴妃食咗荔枝之後呢，好高興. 跟住皇上呢，也覺得好高興噉. 李善德心諗：「唉，終於吐氣揚眉啦. 睇嚟今次呢，都有返個官做下㗎啩.」
楊國忠召見咗佢啦，諗住多謝佢噉啊. 同阿李善德見面嘅時候，無意之中呢，就講到話：「今次呢，一單噉樣嘅嘢呢，李善德真係做得好好啊.」李善德就話：「唉噉肯定使咗好多，為國公你唔少錢啦，係咪啊？噉辛苦啊.」
楊國忠就話：「我一文錢都冇用過喎.」噉話李善德就好好奇喇，點解大陣仗竟然唔讓動用到一文錢？唔通係國庫畀嘅？楊國忠話：「國庫都懇出到錢啫.」李善德就更好奇喇，覺得噉就問下楊國忠啦，究竟係啲錢係點嚟嘅.
楊國忠話：「哈哈，我只係發咗一道公文，要求沿途嘅驛站佢哋自己諗辦法噉. 當地嘅官府，好自然就會識得通知當地嘅農民諗個名目，要佢哋按人頭增加搖役. 如果唔想參加搖役，噉咪繳稅禮前咪得咯.」即係簡單啲嚟講啦，成筆費用呢，其實就喺啲老百姓嘅身上呢，掠奪返嚟嘅.
不單止係噉啊，李善德仲知道，最後呢，收返嚟嘅嗰啲荔枝錢，遠遠比真正需要嘅錢呢，係要多嘅. 多出嚟嘅錢，楊國忠話呢，已經交入國庫喇. 但係傻仔都知道啊，肯定冇入到國庫啦，肯定袋咗入佢個袋度啦. 即係話攪到咁大壇嘢，不單止佢一毫紙都冇使，仲能喺啲老百姓嘅身上面，搜刮咗一大堆嘅財物去自己袋中噉.
啊李善德呢，就篇幅合上身啦，就講咗一啲呢，出乎咗楊國忠意料嘅說話. 佢話：「你為咗食一啖荔枝，你知唔知道有幾多嘅農民，佢哋不堪負荷啊？你知唔知道有幾多嘅果園被毀啊？你知唔知道死咗幾多嘅人啊？有幾隻馬死咗，有幾多位騎士死咗啊？呢啲不顧百姓死活，只係為皇帝食一啖荔枝嘅做法，真係值得咩？國家百姓同埋荔枝之間，究竟邊個先至最重要啊？」
啊李善德呢，又開始拍台喇，越嚟越大聲噉樣. 餵大佬，今次你嘅你嘅你嘅訓事對象不再係啲低級官吏啊，唔係你嘅上司啊，係衛國公啊，楊國忠啊.
楊國忠聽完之後呢，就嬲到爆炸. 以不敬之罪呢，就打咗佢幾下之後，跟住就馬上呢，喺朝廷度呢，話要彈劾佢，話佢喺轉運荔枝嘅過程入面呢，侵吞公款噉.
聽到呢個消息之後，李善德覺得自己呢，今次應該大難臨頭喇. 因為衛國公要對付自己，係咪？但係嚟到呢個moment呢，又有一個小太監出現，又畀咗封密函佢. 又係嗰個叫做馮元一嘅人，邀約叫佢呢，去一個地方度見面噉.
呢個馮元一究竟係邊個呢？今次呢，終於見到佢真身喇. 馮元一呢，係高力士嘅原名. 高力士，就係唐元宗身邊最得寵嘅太監. 佢本身呢，就係嶺南人. 想話楊貴妃食荔枝呢件事，係點樣攪出嚟嘅呢？其實就係阿高力士呢，同阿楊貴妃講：「哎呀，我以前呢，喺鄉下嗰度啊，啲荔枝呢，正㗎，你要唔食啫.」跟住呢，阿貴妃好啊呀，皇上啊，我真係要食嗰啲荔枝啊，可唔可以叫人整啲新鮮嘅荔枝嚟食下啫噉. 呢壇嘢呢，其實係噉樣攪出嚟嘅.
高力士第一次出手幹預呢一件事呢，係因為佢知道餘朝欣呢，想去搶功，想去爭功. 但佢知道呢，餘朝欣呢，係冇辦法做到呢件事嘅. 所以佢就約咗楊國忠，去同阿李善德見面噉啊，幫阿李善德呢，排除咗前面嘅困難.
而今次佢之所以出手幫阿李善德，並唔係因為呢，想救佢. 而係因為哇，我運荔枝呢單嘢其實係我提議個㗎，成單嘢都係我安排個㗎. 你楊國忠家想搶我功勞，唔得你要煮死佢㗎嘛. 我要救返佢，我要話畀皇上知，所有嘅嘢都係我高力士一人所為，係我做嘅. 你哋食到荔枝都係我安排嘅，你楊國忠二打六嚟㗎噉.
總之呢，一番擾讓之後啦，嚇，噉啊李善德呢，終於唔使死喇. 但係唉，都冇辦法喇，被逼要全家流放嶺南噉. 李善德呢，終於就要離開長安啦. 唉，冇得再喺度當官喇噉啊.
到咗嶺南度住，就好似當年阿陶淵明嗰啲噉樣，「採菊東籬下，悠然見南山」噉樣噉. 啊哇，為咗彌補返對阿荔枝女誒，同埋當地嘅農民曾經犯下噉罪惡噉，佢就決定啦：「我不如幫你種返啲荔枝樹啦，唔收錢，我係返嚟贖罪嘅噉.」
噉就係噉啦，終於喺當地住咗一段時間. 但係按道理，朝廷嗰啲人都係食過返尋味㗎啦. 點解今年阿楊貴妃生日，冇人嚟攞荔枝嘅呢？咋回事？
噉後來李善德呢，先喺嗰啲官員嘅口中得知，原來安祿山巒叛變，長安家已經淪陷喇. 皇上呢，已經棄城逃走咗喇. 楊貴妃都已經死埋，長安而家立立亂啊. 唉，你啊好啦，可以避世退隱山林. 唉而家我哋班官啊，你以前嗰啲同僚啊，死嘅死走嘅走，而家都唔知道點啊.
李善德聽到呢個消息之後呢，就百感交集. 一口氣呢，食咗三十幾粒荔枝之後呢，就暈咗喇噉. 大夫問佢：「哎呀，係咪有咩心事啊？」阿李善德就話：「唔係，荔枝食太多啫.」
以上呢，就係大致上啦，成個故事嘅走向啦. 呢本小說啦，寫得好好啦. 你會係不斷噉想去睇佢嘅劇情，好想知道佢後面會發生咩事噉.
接住落嚟呢，我就講下啦，呢一本書入面嘅一啲寓意，啊，同埋我哋能夠喺呢本書入便呢，去了解啲乜嘢，學到啲乜嘢，有啲乜嘢道理，對我哋現實之中係有意義嘅，同埋值得我哋去反思嘅.
首先，我們來對李善德呢一個人物呢，要有一個簡單嘅定位先. 李善德係一個老實人啦，係咪？我哋喺成個故事入便呢，你會發現，佢其實係一個唔係太識得人情世故嘅低級官員嚟嘅. 但係佢係一個好出色嘅專業人士. 係咪？佢做咗一大堆嘅實驗啊，測算咗誒，我要點樣行啲邊啲路線啊，唔記得路程用咩保存方法，佢解決問題嘅能力呢，係好強嘅.
所以其實李善德呢，佢係一個技術官僚. 不過，你由佢最後夠膽食言啊楊國忠嘅不是，你就知道呢一個人呢，其實佢係唔擅長官場上面嘅運作嘅. 所以佢會得罪好多權貴. 呢個人物設定呢，就揭示咗其實誒，喺古代又好，喺現代都好啦，技術型嘅官員其實係十分之無奈嘅，亦都有佢嘅局限性喺度. 就算你嘅能力再出色，你嘅能力再耀眼，喺呢啲噉樣嘅環境入面，喺呢官場入面，你根本上就冇發圍嘅空間. 你永遠都會喺權力鬥爭之中呢，嘴.
所以呢一本書呢，其實係揭示咗啦，大唐盛世背後，所隱藏住嗰啲權力鬥爭，同埋人性嘅種複雜. 頭先我之前講述嘅過程入便呢，你都留意到一啲細節，就係呢一個官場上面呢，係有很多嘅潛規則. 而當你面對呢啲潛規則嘅時候呢，有時你係真係會有一種無力感喺度嘅.
我哋透過李善德嘅呢個普通嘅，小嘅官理嘅視覺，佢不單止幫我哋重溫咗大唐嘅呢一段光鮮亮麗背後嘅歷史，亦都令到我哋呢，更了解人性啊，權力啊，同埋自己，喺面對噉樣嘅情況之後嘅責任，同埋機會. 就算呢個官場咁黑暗，李善德佢有冇放棄呢？佢冇放棄. 佢仍然好努力噉喺度掙扎，一次又一次噉，去尋找新嘅機會同埋生機. 係咪？
所以通過呢個故事，作者其實想與我哋表達嘞，我哋點樣能夠，喺一啲咁複雜嘅環境之中呢，仍然可以生存落去. 我哋點樣能夠喺看似無望嘅情況之下，尋找到希望. 我哋點樣喺呢一個咁複雜嘅環境入面，仍然可以保持個人嘅操守同埋責任感. 呢一樣嘢，係值得我哋呢個時代每一個人，無論你而家所身處嘅環境係點樣，都應該深刻噉去反省同埋學習㗎.
官場黑暗，你係，係不係就係你同流合污嘅理由呢？社會黑暗，係不係你躺平嘅理由呢？職場黑暗，係不係你不上進嘅理由呢？好多人面對啲壓力啊，潛規則啊，或者係困境嘅時候，會選擇隨波逐流，一係就選擇逃避. 但係李善德所展現出嚟嘅，係佢盡力而為. 係咪每次都盡力而為？我覺得呢一點，係作者想喺文字入便，傳遞畀我哋嘅一個價值觀嚟噉.
講完李善德呢個人之後啦，我哋又講一下荔枝啦. 荔枝呢，其實佢係有好多層嘅含義喺度嘅. 因為呢書入便呢，有大量描寫荔枝，呢一粒荔枝究竟係幾咁靚啦，好多細節嘅嘢. 所以呢，荔枝呢，佢唔係只係講荔枝呢一件事，佢係有更深層嘅象徵喺度嘅. 例如話係權力嘅象徵啦，係奢華嘅象徵，佢係帝王對呢一個妃子嘅愛意嘅象徵，佢亦都係呢個官僚體係入面，大家去攞嚟博弈嘅工具，同一時間，亦都係啲權貴用嚟追逐名利嘅工具.
但同一時間，你又會知道，喺呢一粒荔枝嘅背後，有幾多人痛失家園，有幾多人冇咗條命，有幾多人付出咗好多嘅血汗. 但係喺呢啲權貴喺呢啲官員嘅面前，一文不值. 呢一粒荔枝，喺嶺南本來就係普通到不得了嘅嘢. 但係只要呢啲權貴鍾意佢，話佢係寶，噉佢就會變成寶物. 你能夠喺呢粒荔枝身上面見到，原來呢啲權貴係能，係真係有點石成金嘅能力嘅. 呢粒荔枝，實在包含咗太多太多嘅意思喺度喇.
我看到嘅就係以上嘅呢一啲噉樣嘅含義. 阿貴妃話想食粒荔枝甘蔗，成個朝廷都需要為此而服務. 皇上啊，貴妃一人嘅喜好，就可以令到無限無數咁多嘅人，面臨巨大嘅壓力，甚至乎可能要付出生命代價. 你作為一個芝麻綠豆低級嘅官利，你知道你完成咗呢個任務，你以為你會得到好豐厚嘅回報嘅，你認為你係能夠飛黃騰達嘅. 但係其實佢嘅本質，只不過係呢一個皇帝，佢嘅私人情感嚟嘅啫. 你咁大壓力，就係源自於皇帝佢對呢個妃子嘅愛慕. 皇帝根本不知道有你呢個人存在，佢成腦諗嘅只係阿楊貴妃啫.
但係你要揀，你明知呢啲嘢係勞民傷財㗎，係會死好多人㗎，會死好多嘅馬. 但係你係不可以say no嘅. 你拒絕唔到呢一個任務.
喺小說入便，阿馬伯庸呢，大量噉樣去描繪咗李善德，佢嘅心理嘅狀況. 喺呢個過程入便，我哋真係好似變成咗係佢噉樣，我哋用佢嘅角度去思考，呢一件事係幾咁無謂，同埋又令到自己有幾次焦慮. 我哋回望返同我哋而家嘅職場，為咗氹阿老細開心去學打歌，其實係不係一樣呢？呢件事投其所好，做一啲根本上就唔小心做嘅嘢，做一啲無謂嘢去氹阿姐開心，去氹老細開心. 究竟係為咗啲乜嘢呢？究竟你係做緊啲乜嘢呢？
但係就算畀你諗透咗，睇透世情噉啊點啊，你為咗呢份工，你都仲係要去死死地氣噉去做. 呢一種無奈，其實係能夠穿越古代到而家現代嘅. 你明知道自己你份糧入面係唔包括啦，幫老細洗車，或者幫老細揸部車去洗，揸部車去整，幫佢去攞件衫去乾洗. 你明知道唔包括呢啲嘢㗎，但係你要做. 你明知道自己連關心你嘅時間都冇，但係你就要去關心埋你老細個仔. 呢一種無奈，其實係能夠令到你睇呢本書嘅人呢，係好有共鳴㗎.
李善德佢係一個基層嘅官員，喺大堂嘅呢種官僚體係之下呢，似佢噉樣嘅普通官員，其實呢，生活喺夾縫之中. 方面佢好勤力啦，佢係希望能夠升職嘅，因為噉樣啦，係能夠為佢嘅家人呢，提供更加好嘅生活啦. 所以喺接到朝廷嘅命令嘅時候，佢係好興奮嘅，覺得哇，終於有機會發圍喇.
但係後來佢先知道，原來呢個所謂嘅荔枝史係一個伏嚟嘅. 官場係好殘酷㗎，自己實在太過理想主義喇，嚴重噉低估咗呢一個任務嘅複雜性. 而且喺呢個過程入便，你會發現，雖然呢一件，事係咁重要係皇上嘅意思，但係你會發現，朝廷嘅啲官員呢，佢前係唔想幫皇上分憂㗎㖞，佢哋係會踢波㗎㖞. 而且喺呢個過程入面，佢哋都係打算為你提供任何嘅協助.
我哋細心分析下，同官場或係同職場有咩分別啊？啲精甩辮嘅人呢，但凡遇到啲豬頭骨，一定會pass畀其他人做. 喺不同嘅 department 入便呢，踢嚟踢去，踢嚟踢去. 「我今次真係愛莫能助，呢件事唔係我跟開係咪啊？」而喺成個過程入面，朝廷呢係唔會畀任何嘅資源你嘅，要你自己搞掂嘅. 所以你仲要哦，自己揾個商人去籌錢去 sponsor. 跟我哋好多人家要貼錢打工，有咩分別啊？餵，你自己揾人搞掂佢啦，你份工包埋㗎嘛. 噉你做唔到當你冇能力啦，係咪啊？你問人哋攞錢碼冇錢㖞. 我之前呢度冇錢㗎㖞. 唔夠錢你自己搞掂啦. 咩話，你要啲通關文牒啊？我淨係畀到一張你嘅啫㖞. 其他你自己諗辦法啦.
喺呢件事入便，哇，你真係睇清楚曬所有人嘅真面目. 原來大家都係如此冷漠，人情冷暖個㖞. 其實呢一個特質呢，亦都導致到呢一定程度嘅國民性. 點解有時中國人呢，好容易喺遇到一啲自己做唔到嘅事情嘅時候，就會發爛渣，就會拍曬台，就會表現出自己巨嬰嘅一面呢，都係噉嘅原因. 因為你唔係發爛渣，你唔搞大件事，你唔威脅對方，對方係真係唔理你㗎㖞. 呢樣嘢其實係真係一個困局嚟㗎. 佢甚至乎係一個死局嚟㗎. 點解個社會係會令人咁窒息㗎呢？你唔喊你係真係冇奶食㗎㖞. 佢呢樣嘢係恐怖到噉樣.
喺成篇小說入便，你見到李善得佢嘅個能力，工作上面嘅技能，佢佢嘅智慧其實係好出眾嘅. 你諗唔到嘅嘢佢都諗到，你計算唔到嘅嘢佢都計埋. 但係喺官場入面，佢始終都係處於被動嘅地位. 佢嘅上級同埋佢嘅同僚睇唔起佢啦，唔信任佢啦，反而利用佢嘅能力，去幫佢自己去謀取私利. 佢原先嘅上司，包括後來佢遇上嘅人，大家見到哇，你條友猛料㖞，叻㖞. 但係唔係諗住提拔佢，唔係諗住賞識佢㗎，而係諗住點樣去利用佢，去幫自己扶搖直上噉事，搶佢嘅功勞.
而就算你嘅出眾都好啦，你嘅同僚都係覺得你係個傻仔嚟嘅啫. 豬頭骨誒，肯定交返畀個傻仔做啦. 你咁叻咪做多啲咯，做死佢最好係塚人幫你嘅㖞.
我哋都會發現，其實李善德佢個人，佢對屋企好好啦. 佢係一個好有責任感嘅人. 成日呢，都想為佢嘅妻妻子啊同埋兒女啊，提供一個更加之好嘅物質條件畀佢剋. 但同一時間，自己嘅鬱鬱不得志，佢亦都覺得啊，好無奈同埋好愧疚. 呢種感受，又冇辦法真正噉話到畀屋企聽. 內心嘅呢種掙扎，其實同我哋好多嘅到現代人係一樣嘅. 我想陪屋企，跟住呢我又冇錢養家. 但係我想有錢養家，又冇時間陪屋企. 一種噉樣嘅感受，其實係內心入便嘅，一種好煎熬嘅感覺嚟嘅.
印象好深刻嘅有一段啦，佢返屋企嘅度探佢嘅老婆，同埋佢嘅女啦噉. 佢嘅妻子呢，其實係誒，覺得佢老公好勁㗎，即係對佢餵，你肯定就嚟可以升職喇. 係對佢嘅未來係充滿住期待，覺得呢一鋪呢，真係風水輪到佢哋屋企喇噉樣. 但係其實呢件事有幾如此複雜，佢嘅太太並不清楚，亦都不知道. 而阿李善德，佢為咗唔令到屋商擔心啦，佢一直都係強顏歡笑㗎，並唔跟佢自己屋企講，呢件事究竟有幾咁危險，同埋幾咁幾咁大壓力，幾如此艱難.
後來越嚟越大壓力啦，攪到又開始失眠啊，精神又開始崩潰啊. 成日將自己困喺驛站入面，一個人喺度吽喺度啊，好無助噉望住個窗啊. 好多呢啲細節嘅描寫，同埋內心嘅一啲獨白呢，都可以令到我哋見李善德，佢內心入面嘅呢一種掙扎同埋無力.
呢一個噉樣嘅矛盾呢，其實係好多技術型嘅僱員啦，或係官員，佢哋最常呢，喺職場上上面遇到嘅問題. 呢矛盾就係呢，你嘅技能同埋你所獲得嘅資源呢，唔匹配. 你明明有能力做，但係你唔會有資源support到你做. 而最終係因為噉樣嘅原因，導致成個 project 失敗. 而喺另一方面，權力同埋責任呢，其實係脫節嘅. 例如話你會喺呢個過程入便，見到好多嘅上級嘅官員啦，佢會畀好多壓力佢，會將自己嘅責任下卸，畀佢嘅下屬去承擔呢啲責任. 但係喺呢個過程入便呢，身為上司又不係足夠噉信任佢嘅㖞. 你又唔係全力噉support佢嘅㖞. 一個噉樣嘅狀況就會令到真正幫你做嘢嘅人啊，會陷入無盡嘅壓力之中，完全冇辦法實現到自己真正嘅職業嘅理想.
我覺得好多喺管理上嘅失敗呢，都係源自於噉樣嘅原因. 當你作為一個上司，冇將你嘅下屬，當成係人噉樣看待嘅時候，噉嗰件事呢，係唔會造成嘅.
喺你善德嘅呢個故事入面呢，我會發現，唐代嘅官場技術型嘅人才呢，往往係冇辦法呢掌握到實權嘅. 佢哋依賴嘅係專業知識，同埋佢哋嘅工作能力，而不係複雜嘅官場關係. 噉就導致咗一個好嚴重嘅問題出現. 就算你具備解決問題嘅能力，但係如果你唔識官場入面嘅人，或係唔懂呢一種權力運作嘅關係，噉你有再多嘅能力都無法施展. 即係啲牛鬼蛇神做曬上司，真正做到嘢嘅人呢，就全部喺基層. 幾諷刺啊呢件事. 係咪啊？但係我哋淨係落嚟睇下，喺我哋嘅現實生活之中，呢個現象，係唔係一直都係噉樣存在緊呢？往往都係擦鞋仔扶搖直上㗎㖞.
當然啦，呢一part亦都令到我哋反思嘅，就係你嘅技能係一part，但係如果你想升職嘅話呢，你係要學另外一樣嘢.
好喇，仲有一個好有趣嘅細節就係呢，當阿誒李善德呢，佢揾到一個方式哦，原來呢，我將啲荔枝呢，誒連樹枝噉樣斬落嚟，跟住放喺個罌粟度，攞啲泥去養樹，係能夠補長更長嘅時間內，係能夠呢跑到十一日嘅. 啊即係誒七日，再加之前嗰種方法，五日係可以誒跑夠1112日嘅. 按道理你嘅同僚應該係為你高興，撥你高興先啱啊. 就算你高興，都唔該去阻住你去做呢件事先. 係㗎.
唔係官場嘅人，佢會考慮更加多嘅嘢. 你嘅成功係可能會為我哋製造麻煩嘅. 哇，你如果呢噉樣嘅橋行得通嘅話，噉以後年年我哋都要送荔枝過去噉，咪攪死我哋囉. 基於噉樣嘅原因，你嘅同僚就不想你成功喇. 哇呢一個細節嘅刻畫真係到位.
佢唔想你成功到咩程度啦，係要揾人冧你嘅，冧你嘅噉. 係一件幾得人驚嘅事情啊，係咪啊？你可能會瀋人害，唔係因為人妒忌你嘅才能啊，係因為你成功，可能影響佢哋嘅利益，令到佢哋不可以hea噉. 都係你嘅過錯. 所以你會發現，有啲呢誒，啱啱啲新人啦，去到一啲公司度會畀人杯蓋. 餵，你做咩咁勤力啫？你勤力咪攪到好像我好懶噉樣. 其實係一樣嘅.
成件事係咪？呢一個細節亦都揭示咗，點解喺一個高度官僚嘅體系之下，工作呢一間公司呢，係會越做越差嘅. 因為創新係基本上冇可能發生嘅. 任何嘅創新都可能影響而家嘅人，佢哋嘅現狀，佢哋嘅利益. 所以佢哋出於噉樣嘅理由，就會壓制呢一種噉樣嘅創新，壓制任何嘅改變.
仲有幾個細節係好精彩嘅，都係喺度講緊啲潛規則㖞. 就係誒阿李善德，佢同個商人蘇亮啊，本來要講好咗話以後呢，我哋一齊拍住上，我掂你都掂. 但係你應承佢又唔用. 因為個權力根本就不掌握喺你手上面. 楊國忠話事. 楊國忠話唔使佢嘅努力，佢嘅投資，佢畀你嘅所有嘅錢，都會付諸東流. 而且當有人需要去揾你祭旗嘅時候，佢就會安插啲罪名喺你身上，順水推舟送你一程. 而你明知道呢個人係無辜㗎，你明知道呢個人以前係幫你嘅，但係你幫唔到佢啊.
仲有就係荔枝園斬樹嗰件事. 楊國忠話要3樖荔枝，下層嘅官員就話要6樖，再下層嘅官員話要12. 去到最後呢，就要斬30樖. 呢一啲層層加碼嘅現象，喺官僚體系入面常都會發生㗎啦. 係咪老細追一個數字追一個number，但係下面噉樣，喺老細面前present一分鐘嘅Powerpoint，可能真正做Powerpoint嘅嗰個人，或係嗰個team，可能係做咗一個月㗎. 佢哋準備咗一個月嘅時間，就係為咗喺阿老細面前講一分鐘. 甚至乎可能去到嗰日，老細話：「我唔得閒啊，我一分鐘都唔聽.」呢一啲努力，付出咗咁多嘅心血，你如此認真噉去執每一個字，噉認真噉去做每一個版面，但喺老細眼中，佢可能一文不值. 或者話呢啲嘢，只不過係你嘅上司，以為你老細鐘意，但係你就要做嘅嘢. 哇真係十分之入骨啊.
講得呢一呢，呢一幕真係令到我可以體會到好多嘢. 而最諷刺嘅位置就係哇，你經歷咗咁多嘅艱辛，死咗咁多人，死咁多馬，攪咁大壇嘢，最最後你發現，原來呢一個咁荒謬嘅idea啊，竟然係因為阿高力士，隨口噏咗一句說話，撩起咗阿貴妃同埋阿皇上癮. 而更加諷刺嘅係，嗰個好似救咗你兩次嘅恩人，根本上就唔係為咗救你. 你嘅死活同佢無關. 佢只係想利用你，扶搖直上.
而喺呢個過程入面，仲會有不同嘅人，差隻腳埋嚟諗住呢，分一杯羹. 楊國忠如是，餘朝恩如是，高力士如是，仲有各級嘅官員，嶺南嘅官員如是. 所有人都係噉. 係咪？而喺呢個過程入面，佢哋其實係零成本㗎㖞. 楊國忠一個崩都冇攞過出嚟，造成咗呢件事. 除咗得到明星之後，仲有百姓上繳上嚟嘅荔枝錢，墮入自己嘅袋度.
你會看到大魚食細魚，喺官場上嘅權力遊戲. 例如好似餘朝欣呢個名呢，其實係有更深層嘅意義嚟嘅. 佢本身呢，都係楊國忠嘅人嚟㗎. 餘朝欣想食咗李善得呢條魚仔，但楊國忠覺得關自己嘅利益，餘朝欣想攬公，冇你份食埋佢. 你係我嘅人又點啊？關係密切又點啊？照食可也. 而高力士喺開始嘅時候，又用阿楊國忠嚟去製衡呢個餘朝恩. 楊國忠雖然係自己嘅死敵，但係為求利益，大家咪暫時合作下咯. 利用完餘朝恩，利用完楊國忠，利用完李善德之後，高力士都反轉豬肚㗎，都將你放逐到嶺南㗎.
但去到最後，大家爭崩頭，爭嚟爭去榮華富貴，個結局又點呢？個結局就係安祿山叛變咯. 楊貴妃被逼上吊. 高力士，楊國忠冚唪唥都斬曬. 最後歷史上面留低一筆，「女人誤國」，唐元宗依然係千古名君之一啊.
所以你真係好難怪當時嘅人啊，點解這麼多人會退隱山林呢，會辭官歸故. 你笑唔出來呢一個朝廷㗎. 你除咗退隱山林，你係唔夠佢玩㗎你. 唔想做一個噉樣嘅人，噉你咪唯有退隱山林咯.
喺偏遠嘅嶺南，喺鄉下度做荔枝籠，其實有時呢，都係一種福分. 好過同呢一個先前呢，仲榮華富貴嘅盛世大唐一齊攬炒啊. 係咪啊？打到入京師啊，皇帝都著草走人啊，樣唔樣衰啊. 你話一出事就係女人誤國，奸臣誤甚. 不出事嘅時候就勞民傷財，縱容你嘅官僚為非作歹. 此乃皇帝之實也.
不知道聽完呢個故事之後，大家又有何感想呢？你又喺呢本書入面學到啲乜嘢處世嘅道理呢？我哋作為一個渺小嘅個體，又應不應該堅持追求自己嘅價值，同埋成就呢？歡迎你喺討論區嗰度呢，跟我分享你嘅睇法噉.
今天的時間呢，就嚟到呢度，差不多喇. 如果你覺得本週嘅資訊幫到你嘅話呢，記得關呢channel拉你同埋share呢片. 㩒咗中使佢加入會員頻道或使用超級感謝贊助下我嘅製作. 我係陳老師，話不定我前聽日會再見. 拜拜.