ليه الطموح بيجي معاه ضغط وتسويف، وايه الحل؟

لو انت شخص طموح لكن بتتكاسل كتير اسمعني كويس. كل نقطه قوه موجودة عند أي حد فينا بيكون ليها دارك سايد أو جانب مظلم. لو ما عرفتش تتعامل مع الجوانب المظلمة لنقاط القوة اللي موجودة عندك مش هتعرف تستغلها ولا تستفيد منها كما ينبغي.

فإيه هو الجانب المظلم للطموح؟ الجانب المظلم للطموح هو كثرة الأفكار والأهداف والرغبات. الشخص الطموح في الوقت للثاني كده هو بيكون شغال على حاجة بشكل كويس جداً ومركز وقادر يتحرك فيها كويس. بعديها على طول بتلاقيه وقف، عطل، دماغه بقت مليانة حاجات بيفكر في كتير حاجات وما بيتحركش. فزحمة الأفكار دي اسمها كوجنتيف لود أو عبء الإدراك. ده هيحصل لك كتير جداً لو أنت شخص طموح. هيحصل لك كتير جداً، ما فيش مجال إنه ما يحصلش كده.

فهيَّزاي تتعامل معاها؟ ده السؤال. إزاي تخفف عبء الإدراك؟ هتجيب ورقة وقلم وهتمشي على الخمس خطوات دول بالضبط زي ما هقول لك عليهم.

أول حاجة: اكتب عن شعورك. قول أنا حاسس بكذا. غالباً هتكون حاسس بضغط. قول أنا حاسس بضغط، حاسس إن أنا تايق، مش عارف أبدأ منين.

ثاني خطوة: اكتب كل الأفكار اللي في دماغك. كل الحاجات اللي أنت عايز تعملها ومجلها، وكل الحاجات اللي أنت بتفكر تعملها. اكتب كل ده في الخطوة الثانية. اكتب 10، 20، براحتك يعني اللي يطلع في دماغك حطه على الورقة.

ثالث خطوة: اعمل فلترة. فلتر الأفكار دي ورتبها من حيث الأولوية وحط خط زمني لكل فكرة. يعني بتقول مثلاً الفكرة دي ممكن أعملها، ها مش مهمة قوي إني أعملها دلوقتي. طب ودي؟ آه دي محتاجة إني أشتغل عليها. مثلاً ممكن أشتغل عليها الأسبوع ده. طب ودي؟ دي ممكن أشتغل عليها بعد أسبوعين من دلوقتي وهكذا. يعني حط تايم لاين للأفكار دي وطلع الأفكار. هتلاقي في أفكار مالهاش أي 30 لازمة، شطب عليها. بس المهم إنك تكون إيه كتبتها على ورقة.

رابع خطوة: خد أهم فكرة أو أهم حاجة محتاج تشتغل عليها اللي هي الأولوية الأولى. خدها وحط فيها خطة. هتعملها إزاي؟ طبعاً الفكرة الأولى دي هي الفكرة اللي المفروض تبدأ في تنفيذها من اليوم. ممكن تقعد فيها أسبوع، يومين، ثلاثة، مش مهم هي الفكرة. أنت هتنفذها خلال وقت زمني معين، فانت عرفت هتعمل إيه.

خامس خطوة: قول أنا حاسس بإيه. شوف إحساسك. على الأغلب فوراً بمجرد ما تعمل الخطوات دي هتشعر إن الضغط اللي جواك قل والوضوح الفكري اللي عندك زاد.

طيب لو ده ما حصلش؟ عيد التمرين كمان مرة. وبأكد لك لو عملت التمرين صح وفضلت بتعمل الخطوات دي لحد ما تشوف إنه بقى عندك فعلاً كلاريتي على الحاجات اللي أنت عايز تعملها والحاجات اللي ما ينفعش أصلاً تفكر فيها دلوقتي، هتلاقي شعورك بالضغط تقريباً اختفى وهتلاقي الرغبة جواك ظهرت وبقى عندك استعداد إنك تبدأ تنفذ الخطوة الأولى اللي أنت أو الموضوع الأول أو الهدف الأول اللي أنت حددته كأولوية. جرب التمرين وشوف بنفسك. Ok.