إنذار النهاية | إسرائيل تحشد عسكريًا وترفض طلب مصر في مفاوضات شرم الشيخ – صفقة ترامب تُكشف

السلام عليكم، ازيكم؟ الإعلام الأمريكي النهارده بيركز على الصفقة اللي عقدها دونالد ترامب بين إسرائيل وحماس. والإعلام الأمريكي عنده سؤال مهم جداً: ليه دلوقتي؟ ثانية واحدة بس. إحنا المرة اللي فاتت جبنا مقالة لداني بيمن بنقول فيها ليه إسرائيل وحماس وافقوا على الصفقة دي دلوقتي. إنما السؤال دلوقتي: ليه دونالد ترامب عمل الصفقة دي حالياً؟ ده أمر. والإعلام هنا، الإعلام الأمريكي بيقول لك: على فكرة، إحنا قدام صفقة غريبة جداً. ليه الصفقة دي كل ما بتتقدم كل ما بتزداد غموض؟ ما بتتحلّش. يعني بطبيعة الحال، لو أنت قدام أي صفقة، المفروض الصفقة دي كل ما يحصل فيها تقدمات، كل ما تجاوب على أسئلة كتير. ده بالعكس، ده كل ما يحصل تقدم في الصفقة بين إسرائيل وحماس، الأسئلة بتزيد. زي إيه مثلاً؟ زي مثلاً عصابة ياسر أبو شباب اللي واقفة على الحدود المصرية. إيه دورها بقى في المستقبل؟ هل إسرائيل هتسحب العصابة دي من الحدود بين مصر وقطاع غزة؟ لأن خلي بالك، العصابة دي تمركزاتها الأساسية في رفح. فهل إسرائيل هتسحبها ولا هتظل؟ لأن عصابة ياسر أبو شباب فيها مقاتلين من داعش اللي هم كانوا بيحاربوا الجيش المصري في سينا. الناس دي، عصابة ياسر أبو شباب كانت بتمول داعش وبتشرف وبتساهم في تمويل داعش اللي كان بيحارب الجيش المصري. فالعصابة دي إسرائيل هتعمل فيها إيه؟ ده أمر مهم. هل المصريين تفاوضوا حوالين العصابة ولا ما جابوش سيرتها؟ ده أمر تاني.

على الجانب الآخر، كل الناس عمالة تقول لك: يا عم، أنت عمال تطبل لمصر وعمال تقول والله ده مصر انتصرت والرابح الأكبر والكلام ده كله. مين قال الكلام ده؟ على فكرة، مصر مالهاش دور. ده مصر في الآخر جت بس في النهاية كده يعقدوا مفاوضات على الجانب المصري. الحقيقة الأمر ده مردود عليه في مقالة نازلة في شاتم هاوس. والحقيقة المقالة دي عجبتني جداً. قال لك: على فكرة، بدون مصر ما كانش فيه صفقة. بالمناسبة، بس عشان بس تبقى فاهم، بدون مصر في التفاوض بين إسرائيل وحماس، ما فيش صفقة أصلاً. ماشي؟ بس المقالة حذرت من فخ بيتم الإعداد ليه لمصر. شوف قد إيه يعني برغم إن دور مصر قوي جداً والكلام ده كله، قال لك: خد بالك المصريين ابتدوا يدركوا إن مع تقدم المفاوضات في فخ بيتناسب لهم. شوف بقى الكلام خطير جداً. أقول لك: على فكرة، المسؤولين المصريين في ظل جولة المفاوضات ابتدوا يعوا الفخ ده. شكلهم كده داخلين عليه. فلازم إن هم يعيدوا احتياطاتهم ويعيدوا التفكير هيتفاوضوا إزاي خلال الأيام القادمة. ده أمر أنا حابب جداً إن أنا أكشفه لحضرتك، لأن ده مش طالع في الإعلام. ده أمر مهم جداً.

أما السؤال الأبرز، فالحقيقة كل الناس متفهمة جداً إن دونالد ترامب هيبعت ستيف ويتكوف، مبعوث الإدارة الأمريكية لشؤون الشرق الأوسط. ماشي. الراجل ده تمام. ومن بداية على فكرة وصول دونالد ترامب للبيت الأبيض، وهو مسؤول عن التفاوض بين إسرائيل وحماس. صح؟ إنما جاريد كوشنر جاي يعمل إيه؟ يعني جوز بنته اللي مش موجود أصلاً في السلطة واللي مالوش أي منصب، جاي يقعد بين إسرائيل وحماس يعمل إيه؟ دوره. الحقيقة دي مقالة كشفتها نيويورك تايمز وكشفت مفاجآت من العيار الثقيل. على فكرة، اتضح إن دور جاريد كوشنر أكبر كمان من دور ستيف ويتكوف. أنت متخيل؟ والراجل ده كان دوره في المفاوضات أكبر وأثقل من ستيف ويتكوف نفسه. مفاجآت من العيار الثقيل وأسئلة وأجوبتها هتفرق معاك بشكل كبير قوي. هتقرا المشهد بشكل مختلف غير ما أنت بتقعد تسمعه في نشرات الأخبار خالص. ده في قصة كبيرة وعميقة خلف الأبواب المغلقة أو في الكواليس. بس طبعاً عشان أقولها لك وهشوفها لك كلها. [موسيقى]

قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو تشنج مي. هو واحد من أقوى وأفضل المراكز الطبية في مصر والشرق الأوسط. والحقيقة ده مش إعلان فقط، ده عن تجربة شخصية. أنا جربت مركز تشنج مي بنفسي. والغريب في الموضوع إن أنا لما سافرت أكتر من دولة، شفت نفس الأنظمة اللي بيتم استخدامها في مركز تشنج مي هي اللي بيتم استخدامها في تركيا وفي الدول الخارجية كتيرة جداً، حتى في أمريكا. بس خليني أقول لك حاجة مهمة جداً، إن ما فيش مركز تشنج مي تلاقي فيه أسعار أقل بكتير، تلاقي فيه خدمات أعلى بكتير جداً من أي مركز طبي لزراعة الشعر داخل مصر، وحتى في تجميل الأسنان وعمليات التجميل الأخرى. هتلاقي مركز تشنج مي متطور بشكل هيبهرك. اتصل بمركز تشنج مي دلوقتي، لأن الموضوع مش محتاج تجربة. الموضوع لازم تبقى واثق إن أنت رايح في مركز كبير وفي أطباء عندهم خبرة بشكل كبير جداً عشان إن شاء الله تبقى واثق من النتيجة. ودلوقتي مركز تشنج مي بقى موجود في الشيخ زايد. وما تنساش تسأل على باكدج السياحة العلاجية عشان تجمع بين العلاج والاستمتاع بتجربة فريدة في مصر. وده رأي أحد العملاء في تجربته في تشنج مي في زراعة الأسنان وزراعة الشعر. أحمد القرني من السعودية. تركيبات أسنان وزراعة يعني فك. والله أنا لي تجربة سابقة مع العيادة تمام في مجال زراعة الشعر والحمد لله كانت موفقة. حضرتك نورتنا والله. الله يكرمك. الله يكرمك. سيب لحضرتك الرابط بتاع تشنج مي أسفل الفيديو لو حابب تتواصل معاهم.

نخش في الموضوع على طول. نخش في الموضوع على طول. الجديد اللي معانا النهارده ممكن يكون مختلف بالنسبة لحضرتك وأول مرة هتسمعه فيما يخص فخ التفاوض. إيه اللي حصل بالظبط؟ إيه اللي حصل؟ إن والله الجانب الإسرائيلي والجانب الأمريكي عاملين يتكلموا عن الصفقة. ليه دونالد ترامب عملها دلوقتي؟ بس أنا وقفت قدام مقالة نازلة في شاتن هاوس. هاوس شاتن هاوس هو ينك تانك يعني ده على فكرة أول ينك تانك أو أول مركز بحثي. وعريقهم تقريباً كمان. بس المقالة اللي فيها عجبتني قوي. بيقول لك: خلي بالك المصريين، المصريين عاملين يتفاوضوا بين إسرائيل وحماس وبيحرزوا تقدمات كبيرة ومهمة. بس ابتدى المسؤولين المصريين يدركوا إن هم داخلين فخ. إيه الفخ ده؟ إن كل حاجة على عاتقهم. كل حاجة في الصفقة اللي بتحصل بين إسرائيل وحماس، كل حاجة على عاتق الجانب المصري. والأمريكان بيرموا حاجات كتيرة على الجانب المصري. طب وإيه المشكلة؟ ده حاجة كويسة جداً. خد يا باشا نفوذ وخد يا باشا قدرة في التفاوض والكلام ده كله. قال لك: لا، ثانية واحدة بس. أصل أنت لما ترمي كل حاجة على الجانب المصري، بانتهاء الصفقة، هتبقى شبه مصر مسؤولة عن قطاع غزة. هيبقى المسؤولين عن قطاع غزة قدام العالم كله هم مصريين. فأي حاجة تحصل في القطاع، أمريكا هتلوم مصر. وده مش صحيح. إحنا مش مسؤولين عن كل حاجة بتاع غزة. فالجانب المصري والمفاوضين المصريين ابتدوا يهتموا جداً إن يكون فيه دور لدول أخرى في قطاع غزة عشان المصريين ما يشيلوش كل حاجة. ماشي. سيبك من النفوذ. الأمر مالوش علاقة بالنفوذ. إن إسرائيل هتتلكك وتيجي بعد كده لو حصلت أي خروقات تقول لك مصر. فهتبقى إسرائيل وصلت اللي هي عاوزاه. فالجانب المصري بيقول لك: لا، إحنا في كل حاجة عاوزين قوات دولية. والله عاوزين في إعادة الإعمار، إحنا عاوزين الأتراك معانا، عاوزين دول أخرى معانا وهكذا. في تدريب الشرطة الفلسطينية، عاوزين والله جزء يتضرب في الأردن. ما تبقاش كل حاجة مرمية على عاتق مصر فقط. أنت ليك نفوذ والصفقة دي ما كانش هتحصل من غيرك. بس خد بالك في خطواتك وأنت بتتفاوض إن أنت تلعبها بذكاء. وده اللي بيحصل. المخابرات المصرية، خد بالك، أبرع حاجة حصلت في التفاوض ده كله إن المخابرات هي اللي بتدير الأزمة. ليه؟ لأن المخابرات هي اللي أكتر اطلاعاً على الجانب الإسرائيلي وأهدافه وعلى الجانب الحمساوي وأهدافه. ماشي؟ فهم دول لما يديروا الأزمة، هم بيعرفوا يخرجوا بأبرز حاجة لصالح الدولة المصرية. فده أمر.

بس الأمر الأخطر إيه هو؟ إن والله وفقاً لصحيفة جيروزلم بوست، قالت لك: على فكرة، عصابة ياسر أبو شباب مش ماشية. خد بالك إن مسؤولين مصريين بطبيعة الحال، المفاوضات بتجري على أراضيهم. إحنا المفاوضات دي بتحصل عندنا في شرم الشيخ. صح؟ فبطبيعة الحال، إحنا لنا طلبات. إحنا مش كل حاجة نقعد نتفاوض على رغبات حماس إيه ورغبات إسرائيل إيه. إحنا عاوزين طلبات مهمة جداً. الجيش الإسرائيلي ينسحب من محور فيلادلفيا. الجيش الإسرائيلي يفتح معبر رفح والكلام ده كله. صح؟ فبطبيعة الحال، المصريين، المصريين أكيد تفاوضوا على عصابة ياسر أبو شباب. بس صحيفة جيروزلم بوست راحت لشخص داخل عصابة ياسر أبو شباب، رفضوا ذكر اسمه. يعني قال لهم: إحنا قاعدين مش ماشيين. وعلى فكرة، إحنا هيكون لنا دور بعد الصفقة دي ما يتم إنجازها. وده أخطر شيء وأخطر تصريح ممكن تسمعه. ليه؟ لأن خد بالك، ما معناه إن المسؤولين المصريين ما عرفوش يحلوا الأمر ده مع الصهاينة. وإن الصهاينة صحيح هينسحبوا من قطاع غزة، بس هيظلوا في محور فيلادلفيا. ولو حتى مشوا من محور فيلادلفيا، هيسيبوا لك عصابة ياسر أبو شباب. طب وإيه المشكلة؟ لا، ده قصة غريبة جداً. أنا من كم حلقة كده حذرت وقلت لحضرتك إن الصفقة دي وفقاً للكاتب الصحفي الإسرائيلي المجرم اللي اسمه ذا في بار، قال لك: والله خد بالك إن وجود عصابة ياسر أبو شباب وبدء عملية إعادة الإعمار، أبرز المستفيد هي عصابة ياسر أبو شباب. لأن العصابة دي كونتها إسرائيل وبتسند ليها مهام وبتسند ليها أخطر المهام وأقذرها. أخطر المهام وأقذرها، خطف نساء، خطف أطفال، خطف عناصر من حماس والكلام ده كله. فانت أولاً بتتكلم إن إسرائيل لو عاوزة الحرب الأهلية تبتدي في قطاع غزة، أبرز وصفة إن أنت تخلي عصابة ياسر أبو شباب. ده أمر. الأمر الثاني، طول ما عملية إعادة الإعمار بتبتدي، هتبقى القوة الشرعية اللي موجودة والأقوى، أقوى كمان من السلطة الفلسطينية، هي عصابة ياسر أبو شباب. لأن كل شحنة هتخش، عصابة ياسر أبو شباب تقول لك: إحنا اللي هنأمنها، فإحنا هناخد فلوس. فعصابة ياسر أبو شباب هتبقى أقوى وهتزداد نفوذ وقوة وهيبقى عندها سلاح أكتر. لأن الجيش الإسرائيلي هيفتح المخازن للعصابة دي، لأن دي ميليشيا تابعة بشكل غير مباشر للجيش الإسرائيلي. فالعصابة دي كل ما تكبر كل ما يكون فيه خطر على الأمن القومي المصري. أنا قلت لحضرتك أعضائها هم محاربين سابقين في داعش اللي كان بيحارب الجيش المصري. دول كانوا بيساهموا في تمويل داعش اللي كانت بتحارب الجيش المصري. القرار الذي اتخذ في النقاش يعبر عن جهل أمني. لسنوات عزز نتنياهو حماس وقادنا إلى كارثة السابع من أكتوبر. الآن هو يرتكب نفس الخطأ تماماً. كاننا لم نتعلم شيئاً. هو ينمي من هم ذوي صلة بداعش في غزة ويوفر لهم السلاح ولا يعرف أنه في نهاية المطاف سيصوب هذا السلاح ضدنا. علينا تغيير الحكومة بأسرع وقت ممكن. فما بالك الناس دي لو جالها فلوس هيحصل إيه في الأمن القومي في سينا؟ أمر، خاصة إن إسرائيل بتقول لك: والله إحنا عاوزين نسحب القوات المصرية اللي موجودة في سينا. فانت هنا بتكبر العصابة دي، خليها أكتر قوة وبتخليها تهدد الاستقرار في قطاع غزة. ده أمر مهم جداً. العصابة دي ممكن تشتبك مع القوات الفلسطينية اللي أنت بتدربهم عندك في الكلية الشرطة المصرية. ولما تيجي تنتشر في قطاع غزة، عصابة ياسر أبو شباب دي هتفرض عليها أمر واقع. لأن خلي بالك، العناصر اللي داخلة اللي مصر بتدربهم عناصر الأمن دول، لما يجوا يخشوا قطاع غزة، دول مسلحين بتسليح خفيف. عصابة ياسر أبو شباب مش معاها تسليح خفيف، دي معاها تسليح إسرائيلي. كان مصر تقوم بتدريب المئات من العناصر الفلسطينية ليتم نشرهم على أرض الواقع في قطاع غزة لفرض الأمن والنظام. وبالتوازي، كما ذكرت، هناك اللجنة الإدارية وبعدها يتم تولي السلطة الفلسطينية إدارة الأمور هناك. والجيش الإسرائيلي لو انسحب، هيسند لها مهام تأمين المناطق اللي انسحبت منها القوات الإسرائيلية. فده أمر مهم جداً.

وأخطر نقطة طفيت قدامها إيه؟ إن أصلاً أمريكا فككت الـ GHF خلاص، أو غزة هيومانتي فورس أو فاونديشن خلاص، اللي هي مؤسسة غزة الإنسانية دي. ما معناه إن والله الأمم المتحدة هتشرف على توزيع مساعدات، وإن الأمم المتحدة هتدخل بقى كل المساعدات اللي هي عاوزاها. بيتكلموا في 400 شاحنة، بعد كده هتزيد الـ 600. بس كون إن أمريكا فككت الـ GHF وإسرائيل أبقت على ياسر أبو شباب، هنا أنت بتتكلم على أهداف غير سوية لإسرائيل. وبتتكلم على أهداف خبيثة وشديدة الخبث من الجانب الإسرائيلي داخل قطاع غزة. وحتى لو وافقوا على كل بنود الصفقة، هم سايبين خازوق داخل قطاع غزة اسمه ياسر أبو شباب وبيكبروه خلاص. وده هيبقى العميل بتاعهم وعلى عينك يا تاجر. وده بقى ممكن يكون له دور في معبر رفح وهكذا. فاهمني إزاي؟ فده أمر خطير جداً. الأمر الثاني، شاتم هاوس قال والله: خلي بالك، بدون مصر ما فيش مفاوضات. ليه؟ لأن خلي بالك، أنت بتتكلم على الأرض اللي ينفع يجتمع فيها الصهاينة وحماس. وأنت بتتكلم إن مصريين هم القادرين على القيام بدور كبير جداً. قطاع غزة. ماشي؟ بس خد بالك من أمر مهم. المصريين زي ما بيرعوا مفاوضات، زي ما ليهم طلبات مهمة جداً ما اتحلتش. زي إيه مثلاً؟ والله إحنا المصريين مش عاوزين نسحب القوات غير لما إسرائيل تنسحب من فيلادلفيا. والله المصريين لهم طموح كبير جداً إن عملية إعادة الإعمار دي تسير وفقاً لمخططات مصرية مش وفقاً لمخططات أمريكية. يعني خد بالك، صحيح إحنا عاوزين معانا أطراف أخرى تكون داخلة في عملية إعادة الإعمار في قطاع غزة، بس في الأول والآخر النصيب الأكبر من التورتة دي يجب أن يذهب للشركات المصرية. بطبيعة الحال، دي حاجة هتحصل يعني. الأسمنت والحديد والكلام ده كله هيجي من المصانع المصرية. وده مكسب كبير جداً. بتتكلم على تورتة بـ 53 مليار دولار. والكتاب الصيني قال لك: ضيف كمان 10 مليار على 53. يعني أنت بتتكلم على 65 مليار دولار تكلفة إعادة إعمار قطاع غزة. دونالد ترامب بنفسه طلع قال لك: يا باشا، يا باشا، في دول هتتكفل بالموضوع ده وعندها استعداد تتبع. هو قصده طبعاً على دول الخليج يعني. ماشي؟ لأن بدون إعادة الإعمار ما فيش سلام. وخلي بالك إن الفلسطينيين هيكونوا بيركعوا بيوتهم اللي مش موجودة دي، هتبقى عملية تهجيرهم أسهل. لو ما فيش إعادة إعمار، يعني زي ما إسرائيل مشيتهم وفلسطين رجعوا تاني، لو ما فيش منازل، إسرائيل بسهل جداً تهجرهم. فعادة الإعمار دي عملية مهمة جداً وخطيرة جداً. تركيا عاوزة تخش معاك ليه؟ لأن هي عاوزة تاخد جزء من التورتة. ماشي؟ بس هي مش حاطة في دماغها الأهداف الأمنية. ماشي؟ مصر حاطة في دماغها الأهداف الأمنية. عاوز تخش، تعالى خش، بس إحنا هنلعب سوا. فاهمني إزاي؟ فده أمر مهم جداً. على فكرة، أنا مش بقول لك إن تركيا فقط. شركات كتيرة جداً هتخش في الليلة دي ودول كتير. بس أنا بقول لك على الجانب الأمني مصر بتفكر إزاي. فده أمر غاية في الأهمية.

طيب، الجانب الآخر، ليه دونالد ترامب نجح إن هو يعمل الصفقة دي دلوقتي؟ وإزاي عملها أصلاً؟ في الحقيقة، هم مقالتين. أول مقالة نازلة من الكاتب الصحفي اللي اسمه ذا في بارل، المجرم اللي أنا بستشهد بيه على طول بسماه حلوة. والمقالة الثانية نازلة في صحيفة وول ستريت جورنال. الاثنين متفقين على إن دونالد ترامب كان بارع في حاجة مهمة جداً. إيه هي؟ إن الراجل أعلن عن نجاح الصفقة قبل ما يتم أصلاً عن إنجاز أي حاجة في الصفقة. يعني قال لك إيه؟ دونالد ترامب لما كان في البيت الأبيض، قال لك: على فكرة، إحنا أنجزنا أهم صفقة للسلام بعد ما حماس وافق. صح؟ طب أصلاً ما تمش توقيع المرحلة الأولى. دونالد ترامب قال لك: ده إحنا أنجزنا الصفقة. طب أنت أنجزت إزاي والمرحلة الأولى ما تمتش أصلاً؟ قال لك: هو ده البراعة. ليه؟ لأن دونالد ترامب أعلن الخطوط العريضة وساب التفاصيل على المفاوضين ورمى حمل الخلافات وحلها على المفاوضين المصريين والقطريين. وده اللي نجح المفاوضات. جو بايدن ما كانش عارف يعمل كده. جو بايدن كان بيخش في أدق التفاصيل. إنما دونالد ترامب اهتم فقط بالخطوط العريضة وسوّق لنجاحها قبل حتى ما يتم إنجازها. كنوع من أنواع الضغط على الطرفين. الطرف الإسرائيلي والطرف الحمساوي. وده على فكرة أسلوب في العقارات. هم كاتبين كده. يعني مش أنا اللي كاتب. هي صحيفة وول ستريت جورنال بتقول لك: دي صفقة عقارات. العقارات والناس اللي في العقارات بيعملوا كده. بيحط لك صفقة أخيرة ويقول لك: يا دي يا الانسحاب. يعني يا تم الصفقة دي يا مش هشتري. ده طريقة التفاوض في العقارات. أنا معرفش الأسلوب ده، بس هم بيقول لك كده. بيقول لك: أي حد بيتفاوض في العقارات يقول لك: دي صفقة الانسحاب. يا تقبلها يا أنسحب. ماشي؟ فدونالد ترامب بيعمل كده بالظبط. حط لك صفقة. حط لك فيها الخطوط العريضة وقال لك: أنت اقعد أنجز التفاصيل. أنا مش هقعد أدخل نفسي أنا في التفاصيل. ماشي؟ أنجز أنت التفاصيل واقنع حماس. مسؤولية إقناع حماس على الجانب المصري والجانب القطري. أنا مش هقنع حد. والحاجة اللي هتأكد لك أو اللي هتنجح لك التفاوض ده إن أنا هديك الثقة في الضغط. فك. خد بالك، طريقة إعلان الصفقة كان فيها نوع من أنواع الضغط وإلقاء المسؤولية على الجانب المصري والقطري إن هم يقنعوا حماس. وفيها نوع من أنواع الضغط الشديد جداً على إسرائيل إنها، إسرائيل ما ينفعش ترجع في الصفقة دي بأي شكل. ما تعرفش يعني ما تعرفش ترجع في الصفقة بعد ما دونالد ترامب طلع قال لك: أنجزت وخلاص. إحنا نجحنا والكلام ده كله. نتنياهو لو عمل أي حاجة، ده إحراج لدونالد ترامب. ودونالد ترامب على فكرة لما سألوه قالوا له: أنت إزاي أقنعت نتنياهو؟ قال لهم: أنا كلمته بعنف في بعض المواقف كده. يجب إن أنت تتكلم فيها بعنف. ونتنياهو راجل ذكي والصهاينة أذكياء إن هم يعرفوا إيه الفرق بين العنف والطريقة العادية. زي ما حضرتك هتشوف كده بالظبط.

It's am I've never seen anything so good for Israel. I spoke to Boo just a little while ago. He called. He said I can't believe it. He said everybody's liking me now. Meaning him. He said and I said more importantly they loving Israel again. And they really are. Said Israel cannot fight the world. They can't fight the world. And he understands that very well.

فده أمر مهم جداً. على الجانب الآخر، إيه دور جاريد كوشنر؟ جوز بنت دونالد ترامب اللي مالوش أي منصب ده وج المفاوض. الحقيقة صحيفة نيويورك تايمز تقول لك: خد بالك، دور جاريد كوشنر أهم من ستيف ويتكوف. ليه؟ ستيف ويتكوف راح كذا مرة قبل كده وما أنجزش حاجة. بالرغم إن هو على فكرة مفاوض ذكي جداً وراجل بارع والكلام ده كله وكان له دور مهم جداً في التفاوض، بس الراجل ده ما كانش له تأثيره زي جاريد كوشنر. ليه بقى؟ هل كود بالك إن جاريد كوشنر ده مهندس صفقة إبراهيم اللي تم توقيعها بين الإمارات وإسرائيل وبين المغرب وإسرائيل وبين البحرين وإسرائيل وهكذا؟ حصل. فهو راجل مهندس صايع. وأبرز ثقل لعبه في المفاوضات دي إن جاريد كوشنر له أصول يهودية. فله دلال عند الصهاينة. لأنه خلي بالك، هو حضر اجتماع الحكومة في التصويت على صفقة الرهائن. وفي نفس الوقت هو راجل سلام بالنسبة للعرب وله علاقات بالسعودية والإمارات وحتى مصر. فدور جاريد كوشنر ثقيل في التفاوض. إن هو قدر يضغط على حماس وقدر يضغط على إسرائيل. ده أمر. الأمر الثاني، إعادة الإعمار. عند الراجل ده لو عاوز تعرف إيه اللي هيحصل بعد الصفقة دي ومين اللي هيعمر قطاع غزة ومين اللي هيبقى مسؤول ظاهرياً، توني بلير في الحكم. إنما إعادة الإعمار جاريد كوشنر. والراجل ده هيدخل شركات أمريكية بالمناسبة يعني. ماشي؟ لأن ده راجل عقارات فهيبقى عاوز يدخل شركات أمريكية. الـ 53 مليار ما تضيعش من الراجل ده. ماشي؟ فانا بس عاوز أطمنك إن أنت الجانب الأكبر من التورتة، أم 53 أو 65 مليار دولار وفقاً لتحليل ليلى الصهاينة، أنت هيبقى لك فيها نصيب الأسد. بس في الآخر في ناس عاوزة تقسم معاك. وده مصلحة ليك. ما فيش مشكلة خالص. بس أنا عاوز أقول لك إن دونالد ترامب باصص على الحتة دي وبعت لك جوز بنته.

الأمر الثاني، سؤال مهم: هو دونالد ترامب هيجي مصر الأول ولا هيجي إسرائيل الأول؟ أصل أنا اتسألت الكلام ده وأنا قاعد امبارح مع أصحابي. فالحقيقة أنا رجعت لموقع اسمه إكسس. إكسس قال لك: خلي بالك، دونالد ترامب عمل فحوصات طبية والراجل ده صحته زي الفل. بومب يا باشا. ده قلبه أصغر من سنه بكتير قوي. مش عاوز أحسده، بس يعني الراجل يجي يجي يوقع اتفاقية سلام وبعد كده يعمل اللي هو عاوزه. بس إيه؟ ربنا يديله الصحة لحد ما يجي يوقع اتفاقية سلام. فدونالد ترامب عمل فحوصات طبية وعاوز أقول لك بس جدوله عامل إزاي. هو هيزور إسرائيل يوم الاثنين الظهر. هيلقي خطاب في الكنيست. وبعد كده هيجي مصر بعد الظهر وهيجي شرم الشيخ بعد الظهر. والراجل قال إن هو عاوز يدعو قادة دوليين. قادة. وقال لك في زعماء كتير هيجوا يقعدوا في شرم الشيخ لحظة توقيع الاتفاق ده. لأن اللي وقع على المرحلة الأولى حد أناب عن دونالد ترامب حصل. إنما ترامب عاوز يوقع الاتفاقية دي بنفسه وعلى المرحلة الأولى دي بنفسه. طيب، هو مين اللي ممكن يجي الاجتماع ده؟ توقع شخص يعني؟ ولا العد السعودي أبرز الحاضرين. الشيخ محمد بن زايد أبرز الحاضرين. أمير تميم. ملك الأردن. رئيس السلطة الفلسطينية هيكون موجود. وده غصباً عن الكل. مصر هتجيبه. من الجانب الأوروبي، أنا أعتقد برضه إن والله إيمانويل ماكرون أبرز الحاضرين. توني بلير. جاريد كوشنر. رئيس وزراء بريطانيا هيكون موجود. المستشار الألماني هيكون موجود. دول اللي ليهم علاقات مباشرة بالصفقة. أي حد تاني هيحضر هو تكريم ليه. يعني مثلاً مثلاً لو حاكم البحرين حضر، ماشي. هو تكريم ليه. بس ما كانش له دور متدخل بشكل مباشر. مع الاحترام طبعاً. أنا مش بحاول أغلط ولا بحاول أسئ. أنا بس بحاول أوضح لحضرتك الصورة. ماشي؟ فأي حد زيادة عن الدايرة اللي أنا كشفتها لحضرتك دي، هيكون نوع من أنواع التكريم أو نوع من أنواع الفك ليه. يعني لو دولة مالهاش أي علاقة بالتفاوض ومالهاش أي علاقة بالصفقة دي، هتبقى دولة عليها العين عشان تطبع مع إسرائيل. فانت هتحضر يا باشا، بس هتخرج من الاجتماع ده مطبوعة. بس جاريد كوشنر وستيف ويتكوف هيكونوا قاعدين. يقعدوا يقول لك بقى إيه: وقعت إبراهيم يا باشا. وادي لنا بس التوقيع المهم ده. ودونالد ترامب يخرج مبسوط. توقيع اتفاق بين إسرائيل وحماس وتنفيذ اتفاقية إبراهيم وتوسعتها. ماشي؟ فخلي بالك إن زي ما فيه فخ في مصر إن ممكن يلقوا جميع المسؤوليات على الجانب المصري، زي ما فيه فخ للدول. وقد الدول اللي هيحضروا الاجتماع ده، لأن وجودهم في الاجتماع هيبقى نوع من أنواع الفرصة للضغط عليهم للتوقيع على اتفاقية إبراهيم. في الآخر، يا رب أكون شرحت لحضرتك الموضوع بشكل مبسط. ويا رب انصر. يا رب انصر العرب. ويا رب انصر فلسطين. يا رب. تحيا مصر. سلام.

[موسيقى]

الله أكبر، إنه كبر. الله أكبر. سلاحي صاحي، نجاحي فلاحي. من أسواني لحد عريشي. أنا مع جيش ولقومه عيشي. باكلها وأغمس لحمة مدمس. ما بتفرقشي. فرق إني ما حد يهني ولا أكسر عيني. وأعطك بيني دخيل. أنا مع جيش. جيش أبويا وابني وأخويا. قبل وقت حياتي وموتي. فداك يا بلدي. فداك يا بلدي. جيش أبويا وابني وأخويا. من موت حياتي وموتي. فداك يا بلدي. فداك يا بلدي.

[موسيقى]

الله أكبر. أمة كبر. الله أكبر. سلاحي صاحي، نجاحي فلاحي. من شلاتيني لحد عريشي. جنودك سيل سيل بيعمر فوق أراضيكي. سيل بيدمر قعديكي. وقت الشدة نشد الشدة. نعد العدة نهار وليل. جنودك سلزل سلبي عمر سلبي دمر. عدي وقت الشدة نشد الشدة. نعد العد نهار وليل. جيش أبويا وابني وأخويا. قام وقوتي حياتي وموتي. فداك يا بلدي. فداك يا بلدي.

[موسيقى]

الله أكبر. كبر. الله أكبر. سلاحي نجاحي فلاحي. سيدي براني لحد عريشي. يا محروسة بسيف شاطر وسيف حارس. عليك يا مين. ومن فوق السماء السابع. حميك رب العالمين.

[موسيقى]