هجوم مرتقب من الجن على الأرض الأربعاء القادم

بسم الله والحمد لله والصلاه والسلام على رسول الله.

من الظواهر الفلكيه اللافته اللي بتظهر في سماء الدنيا اواخر شهر ابريل من كل سنه، خاصه المساء بتاع يوم 22 ابريل، ظاهره وابل شهب القيثاريات. دي شهب عاده متوسطه الكثافه، يعني بتنزل بمعدل 18 شهاب في الساعه. طبعا ده رقم يعني 18 شهاب في الساعه، بس ممكن توصل لحد 100 شهاب في الساعه، ده نادر بس بيحصل.

ظاهر من الظواهر الطبيعيه اللي امرنا ربنا سبحانه وتعالى ان نتابعها بشكل عام، آيات الكون نتدبر فيها. قال ربنا سبحانه وتعالى: "إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ لَآيَاتٍ لِّأُولِي الْأَلْبَابِ الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ وَيَتَفَكَّرُونَ فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَٰذَا بَاطِلًا سُبْحَانَكَ فَقِنَا عَذَابَ النَّارِ".

الشهب تحديدا ذكرت في القران الكريم اكثر من مره، وذكرها النبي صلى الله عليه وسلم في احاديثه الشريفه. قال ربنا: "وَلَقَدْ جَعَلْنَا فِي السَّمَاءِ بُرُوجًا وَزَيَّنَّاهَا لِلنَّاظِرِينَ وَحَفِظْنَاهَا مِن كُلِّ شَيْطَانٍ رَّجِيمٍ إِلَّا مَنِ اسْتَرَقَ السَّمْعَ فَأَتْبَعَهُ شِهَابٌ مُّبِينٌ". يبقى الشهب اللي بنشوفها في السماوات ديت ذكرت في القران الكريم، وهي مجال من مجالات التدبر التي امر المسلم ان يتدبر فيها.

ايه هو الشهاب اللي بنشوفه ده؟ وما هي شهب القثريات تحديدا اللي بتظهر في اخر شهر ابريل من كل سنه؟ الشهب ديت عباره عن حجاره، حجاره صغيره طايره في الفضاء خارج الارض، خارج الغلاف الجوي. اما ان هي تكون حجاره كتيره الارض دخلت جواها، او ان هي حجاره سقطت على الارض. جايه منين الحجاره ديت؟ منفصله عن المذنبات.

ايه هي المذنبات؟ المذنبات دي اجسام ثلجيه طايره في الفضاء برض، بعيد جدا عن الشمس عشان كده بتتجمد ويبقى ثلج. لما تقرب في دورتها حوالين الشمس من الشمس شويه، يبتدي الديل بتاعها او ظهرها يدوب، يدوب يعني من حراره الشمس. ف الديل ده عشان كده سماها مذنب، يبقى هي جسم له ذيل، اللي هو المذنب. الديل ده بيبقى هي الحجاره اللي بنتكلم عليها. الحجاره ديت بتطير في الفضاء لحد ما يشاء ربنا سبحانه وتعالى ان تدخل الى الارض او تدخل الى الغلاف الجوي.

لما بتنزل الحجاره دي في داخل الغلاف الجوي، بتخترق الغلاف الجوي الطبقه الاولى والثانيه، وتيجي عند الثالثه اللي هي الميزوسفير، وتخبط خبطه كبيره تخليها تحترق. لو احترقت عند هذه الطبقه الثالثه، بتعمل الضوء اللي احنا بنشوفه، اللي هو بنسميها ساعتها شهاب. طب افرض اخترقت الطبقه الثالثه من غير ما تحترق، بتنزل بقى للارض، بسموها بتاعتها نيزك. يبقى النيزك هو نفسه هو الشهاب، لكن الشهاب احترق، والنايزك اخترق ما احترقش في الطبقه الثالثه، لكن كمل للارض.

الشهاب ده بيسموه بال بالعلماء يعني بشكل عام النجم الساقط، وديت مش اسم علمي، ده اسمه اشتهر بيه النجم الساقط او فولينج ستار، وده اسم مش صحيح للنجم. النجم حاجه تانيه، النجم بيبقى يبقى جسم غازي، بلازما غازيه غالبا هيدروجين وهيليوم، لكن الشهاب او النيزك بيبقى حجر، وبالتالي هم مختلفين، لكن بيسموه النجم عشان هو بيولع، بيبقى فيه اضاءه وفي نار زي بالظبط النجم ما بيكون كده.

الشهب اللي بتيجي في اخر شهر ابريل ديت، اللي هي شهب القثريات، ناتجه عن مذنب معين اسمه مذنب تاتشر. اتسمى تاتشر ده على اسم الراجل الامريكي اللي شافه، شافه في القرن ال 18، فاتسمى على اسمه اول واحد شاف هذا المذنب. مذنب تاتشر ده مذنب بيزور المجالات بتاعتنا، بنقدر نشوفه من الارض كل 422 سنه. ظهر اخر مره سنه 1861. 1861 ده اليوم اللي تاتشر الامريكي ده شافه فيه. هيظهر تاني بعد كده لاحقا سنه 2283، يعني بعد 257 سنه من 2026، يعني طبعا لو الارض لسه موجوده يعني. فهو ايه ده الوقت اللي هيرجع فيه تاني للزوريه. دوره بيعمل دوره كامله بيلف حوالين الشمس كل 422 سنه.

العلماء في سنه 1928، كانوا قسموا الكواكب والنجوم الموجوده في الدنيا كلها لمجموعات. سوا كده قالوا كل قسم من السما له اسم معين. عملوها 88 مجموعه. كل مجموعه بيشوفوا شكلها ايه، شكل المجموعه دي من النجوم شكله ايه، ويدوها اسم حيوان تخيلي او اسم حيوان حقيقي او اسم شكل انسان معين حسب شكل المجموعه يعني. ففي مجموعه اسمها مجموعه القثاريات. ديت عباره عن على شكل يعني زي ما بيقولوا يعني نسر ماسك كثاره في ايديه بيضرب موسيقى على كثاره. ده شكل المجموعه.

تركيبه المجموعه عشان كده بيسموها مجموعه القثريات. الشهب دي بتبقى جايه من الناحيه دي. هي مش جايه منها يعني، هي مش جايه من هذه المجموعه. هي جايه من جوه المجموعه الشمسيه بتاعتنا. مجموعه الكثريات ديت نفسها كنجوم هي بره المجموعه الشمسيه اصلا، لكن هي جايه من ناحيتها. فعشان الناس اللي بترصد هذه الظاهره ونقول لها ان هي من ناحيه الكيثريات، تبص في السماء على المكان اللي فيها هذه المجموعه. طبعا الفلكين عارفين ال 88 مجموعه اسمهم ايه واماكنهم ايه في السماء. فيبص ناحيتها ويبقى كل سنه في شهر ابريل، اواخر ابريل، النص الثاني من ابريل، يرصد هذا الموضوع، وخاصه زي ما قلنا في الليل 22 بالليل يعني بين 22 وبين 23 ابريل.

الشهب في القران الكريم والسنه المطهره لها هدف معين وهو رجم الشياطين. طب ليه ترجم الشياطين؟ عشان الشياطين بتحاول تسترق السمع، تحاول تسمع للاخبار اللي نازله من السماء الى الارض. فاذا حاول الشيطان ان يستمع الى هذه الاخبار، ياتيه الشهاب فيضربه قبل ان يصل الى العراف او بعد ان يصل الى العراف حسب يعني الموقف. قال ربنا سبحانه وتعالى: "وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِّلشَّيَاطِينِ وَأَعْتَدْنَا لَهُمْ عَذَابَ السَّعِيرِ".

من المهم ان نعرف بعض الامور الخاصه بالشهاب لو حصل، وخاصه في الاوقات اللي بيكون فيها الشهب كتيره عشان ده بيكون امر لافت للنظر وناس كتير بتبقى مستنيه هذا الحدث. اولا، احنا امرنا الا ننظر الى الشهب. مع ان منظر بيبقى مثير، كرات ملتهبه بتنزل من السماء في وقت معين من الليله، بتلاقي كتير نازلين، بنتكلم على 18 شهاب في الساعه او جايز بنقول لما نوصل لحد 100 شهاب في الساعه، فشكل بيبقى لافت جدا للنظر. المفروض ما ننظرش الى هذا الموضوع. ليه؟

روى احمد والحاكم وابن ابي شيبه عن محمد بن سيرين، محمد بن سيرين رحمه الله من كبار التابعين زي ما انتم عارفين، قال: "كنا مع ابي قتاده رضي الله عنه من الصحابه الكرام على ظهر بيتنا، فراى كوكبا انقضى، فنظروا اليه الناس زي المعتاد لما بتشوف شهب بتبص اليه. قلنا منظر فريد ومنظر لافت للنظر، فالناس كلها بصت الى الشهاب، فنهاهم ابو قتاده وقال: انا قد نهينا ان نتبعه ابصارنا". والنهي طبعا ده من النبي صلى الله عليه وسلم، نهينا ان نتبعه ابصارنا.

طبعا ممكن يستثنى من ذلك العلماء في مجال الفلك لانهم بياخدوا معلومات كثيره من هذا الموضوع، لكن بنتكلم على عموم الناس. عموم الناس لا ينبغي ان تفعل هذا. ليه؟ الله اعلم. ما نعرفش. يا ترى السبب صحي زي مثلا موضوع النظر الى كسوف الشمس في خطوره كبيره على العين؟ لكن العلماء بيقولوا ان ما فيش خطوره في النظر الى الشهب لحد دلوقتي. لكن جايز يكون في سبب يكتشف لاحقا، الله اعلم. او ان هو شرعي. يعني ايه شرعي؟ لان دولت الشوب احنا عندنا في عقيدتنا ان ديت بترجم بها الشياطين التي تحاول ان تسترق السمع. يعني ده نوع من العقاب، عذاب لشيطان مرق عن طاعه ربه سبحانه وتعالى، فعذب بهذا الشاب. زي ما في اقوام في السابق عذبت بالحجاره اللي هي اصلا الشهاب عباره عن حجاره جايه من الخارج، زي قوم لوط مثلا او اصحاب الفيل او كده، رجموا بالحجاره. فلا ننظر الى المعذبين، سواء كان المعذبين من البشر او معذبين من الشياطين. فده ممكن يكون برده احد الاسباب، او يكون سبب ثاني غير كده. احنا سمعنا اطعنا. اذا الرسول صلى الله عليه وسلم نهانا ان ننظر الى الشهب مهما كانت شكلها مثير او جميل، فاحنا لا ننظر الى الشهب وقت نزولها.

وحمل ابن مفلح رحمه الله من كبار الفقهاء هذا النهي على الكراهه. يعني ده يعني فيما يعني يقوله الفقهاء. ده في بعض الناس حرموه تحريم كامل، وفي بعض الناس قالوا كراهه تحريم كراهه زي ما ابن مفلح قال. وعلى فكره برده لم يثبت اي قول معين ممكن يتقال اثناء نزول الشهاب. ولم يثبت ايضا ان الدعاء مستجاب ساعه الشهاب. ما عندناش دليل على هذا الموضوع. وبالتالي احنا ما بندعيش ادعيه معينه لما بيحصل شهاب في اي وقت من الاوقات.

ديت المعلومات اللي نعرفها عن هذا الموضوع. ونسال الله عز وجل ان يجعلنا من المتدبرين. جزاكم الله خيرا والسلام عليكم ورحمه الله وبركاته.