إزاي عرفت اتخلص من الارهاق الذهني في أسبوع واحد!

انت عارف انا مفره وانت كمان. بس انت عارف برده انا فاكر في يوم من الايام لما كنت بلقطها وهي طايره كنت بحفظ اسرع بفهم اسرع مركز اكت مش زي دلوقتي. كنت بلاقي الكلام اسرع من كده دلوقتي.

[موسيقى]

بقعد ساعات في الشغل او في المذاكره وفي القرايه وبلاقي نفسي ما استفدتش حاجه. في الاخر بقول هو وقتي راح فين. من الاخر حاسس ان مخي مهني. اكيد انت كمان عندك احيانا نفس الاحساس ده. بس الحقيقه ان ده مش عيب فيا ولا فيك. ده عباره عن فرهده ذهنيه اللي بقت وباء في جيلنا حاليا كله. طب ليه ده كله؟ في الفيديو ده مش هقول لك بس السبب. كمان هقول لك مخك ازاي يرجع احسن من الاول لو عايز. ولو بتدور على الحل بس ممكن تروح لهم الدقيقه دي على طول.

طب خلينا نبدا. النهارده مش هنتكلم عن ازاي تبقى ازكى. بس هنتكلم عن حاجه اهم. ان ازاي توقف مخك او خلايا مخك ان هي تكبر في السن. لان في ابحاث كتير بتقول ان عمر مخك مش نفس عمر جسمك. والمفاجاه انك انت قادر تتحكم في الموضوع ده.

طيب خليني اقول لك حاجه ممكن تصدمك في الاول. مخك الحقيقه هيوصل او وصل لاقوى نقطه ممكن يوصل لها وانت عندك 25 سنه. واللي بيحصل بعدها انك انت بتبتدي تفقد خلايا عصبيه كل يوم. طب هتسالني هتقول لي هو ده فرض يعني حاجه مفروضه عليا؟ الحقيقه لا. هي مش حاجه مفروضه عليك. بس هي طبيعه مخنا كده. او ده النظام الافتراضي اللي مخ اتخلق عليه. خصوصا في زمن معظمنا فيه قاعدين بنشتغل من مكاتب او بنذاكر من مكاتب. ده بالضبط عامل زي الموبايل او الكمبيوتر. لو انت قعدت فتره كبيره تستخدمه من غير ما تعمل ريستارت او عملت التحديث بتاعه هتلاقيه بقى بيبطا وبيهنج. فالمشكله مش في عمرك الحقيقي. المشكله في نمط حياتك اللي انت عايشها.

هتقول لي ايه يا عم النمط اللي انا عايشه اللي مسبب لي كل المشاكل دي؟ هقول لك بكل بساطة. قلة الحركة. النوم الغير منتظم او قلته. غياب التحدي الذهني اليومي. الاكل السريع والاكل الغير متوازن. كل ده بيخلي مخك بيتصرف زي ما تكون الخلايا بتاعته عجزت. بس زي ما دي مشكله برده ليها حلول. فانت لو غيرت حاجه واحده في حياتك ممكن الموضوع ده كله يرجع لاصله. والحاجه دي بتكمن في سلاح سري بيسموه النيروروجينسيس. حد هيسالني يعني ايه نيوروجينسيس؟ هقول لك النيوروجينسيس ده اسم العمليه اللي اثبتوا فيها ان مخ البالغ ممكن يعمل خلايا جديدة. لا لا لا مش بيصلح القديمة. لا ده بيعمل خلايا جديدة. ومعظم الابحاث على مركز الذاكرة والتعلم عندك اللي بيسموه الهيبوكامبس. بس هنرجع تاني للمشكله ان الموضوع ده بينكمش مع الوقت. يعني كل ما تكبر لو ما عملتش الحاجه اللازمه انك انت ما تخليهوش ينكمش ادها. والاكث كمان انك انت ممكن تحفز ده بزيادة. فيبقى الهيبوكامبلس عندك بيولد خلايا جديدة بقدرة اسرع من ناس تانية. يعني من الاخر مخ مخك عنده ابديتس بيعملها كل شوية.

لو عايز تعرف دلوقتي مخك بيتصرف بعمر كام ده مش اختبار طبي. بس فكر معايا. لو انت بتنام اقل من ست ساعات فمخك بيتصرف 10 سنين اكبر من عمره. لو ما بتتحركش كفاية بتفقد الذاكرة قصيره المدى اسرع. لو بتاكل اكل مصنع واكل مش موزون كتير بتسبب التهابات كتير في جسمك اللي اكيد بتضر الخلايا العصبية.

طب هتسالني ايه اللي ممكن تعمله دلوقتي؟ الاجابه في حاجتين. الحركة والغذاء او الاكل. طب الحركة والغذاء دول بيعملوا الموضوع ده ازاي؟ لما بتتحرك مخك بيفرز ماده اسمها بي دي ان اف. ودي بالضبط عامله زي سماد الخلية العصبية بتغذيها بتخليها تعيش وبتربطها ببعض. ثاني حاجه الاوميجا 3 اللي موجودة في السمك بتعمل حاجة مشابهة بس من ناحية تانية. الا وهي ان هي بتحمي الخلايا العصبية الجديدة. الحقيقة ان الموضوع ده يعتبر فايندينز جديدة شوية. فبالتالي لسه في ابحاث كتير لسه بتتعامل على الموضوع بتاع النيروجينس ده خصوصا في الهيبوكامب.

طب ازاي تطبق الموضوع ده في حياتك بطريقة عملية وخطوات بسيطة؟ اولا حاجة بيسموها ارابيك اكسرسايز. ودي ببساطة عبارة عن المشي او الجري بحركة بطيئة من ثلاث لاربع مرات في الاسبوع فحوالي من 60 70% من اقصى نبضات القلب بتاعتك. يعني من الاخر الجيم اللي انت مشترك فيه وما بتروحوش ممكن تروح بس علشان تمشي على التريد مال او تجري عليها.

ثاني حاجة في الغذاء لازم تضيف في اكلك او وجباتك الغذائية حاجات متوازنة وخصوصا السمك او التونة. خلينا نقول مرة ومرتين في الاسبوع. الحاجات دي مليانة اوميجا 3. هتحس بالفرق بعد فترة من انك انت تستمر وتواظب على النظام ده.

ثالث حاجة او الحياقة كانت المفروض تكون اول حاجة هي انك انت لازما تنظم نومك. لازما تنام في وقت معين. فضل بعد مثلا صلاة العشاء وتصحى في وقت معين. يفضل مثلا وقت صلاة الفجر. وتخلي جسمك يتعود على النظام المنتظم ده في النوم من ست لسبع ساعات علشان جسمك يبتدي ان هو يعرف يريكفر كويس من اليوم اللي انت قضيته.

رابع حاجة ودي مهمة جدا انك انت لازم دايما تشالنج مخك. يعني بمعنى ايه؟ انك انت تحط لنفسك تحدي انك انت تتعلم حاجة جديدة بانتظام. مهارة جديدة. لغة جديدة. حاجة جديدة في الشغل عندك. ممكن حتى توصل لدرجة انك انت تتعلم طبخة جديدة مثلا. التحدي الذهني ده بيخلي مخك دايما حاضر. يعني هو ماشي بمنطق يوزت ا لوزت.

خلاصة الكلام في جملة واحدة. عمر مخك مش رقم في البطاقة. الانسان اللي عنده 50 سنة وبيتحرك صح بياكل كويس وبينام كويس بيتصرف كانه بني ادم عنده لسه 35 سنة. بس الانسان اللي عنده 25 ولا 28 سنة وما فيش حاجة في حياته بتتحدى مخه ذهنيا او مبوظ روتين حياته في الاكل وفي الشرب وفي النوم بيتصرف كانه اكبر من عمره ب 15 سنة. فالحلو انك انت قادر حتى النهارده تعيد ضبط الساعة دي. مش بمعجزة. بالحاجات اللي احنا قلنا عليها قبل كده. ابدا بحاجة واحدة بس النهارده وشوف الفرق بعد شهر.

في الاخر لو الفيديو ده فادك ما تنساش تعمل لنا لايك علشان بيساعد في انتشار الفيديو. وشاركه مع حد مهتم يعرف اكث عن الموضوع ده. والاهم قول لي في الكومنتس كم واحدة من العادات اللي بتساعدك تكون اذكى دي انت بتعملها النهارده كروتين في حياتك. Так.