جالي إكتئاب و أنا في واحدة من أجمل المناطق في العالم ! سميح ساويرس رجل الأعمال المصري

بصل لي كده وقال لي ده مين ده؟ قلت له انا. ولفينا العالم وكنت سعيد جدا ان انا كده خلصت كل ما نويت عليه في حياتي.

اللي فوجئت بيه بقى ان انا جاللي حاله اكتئاب بجد. وكنت وع المركب وفين في تهيتي واحده من احلى المناطق اللي في العالم. ان كده يبقى كل اللي هيحصل من هنا ورايح اعاده يعني لاجديد ما فيش اي تشالنج ما فيش حاجه.

ففقعدت متضايق شويه كده قلت لا لازم تبتدي تعمل قائمه جديده كده باهداف جديده. فقعدت ادور يمين وشمال وكان اول حاجه فيهم اا يعني لاني فشلت افكر في حاجه جديده ان انا اشوف انا ندمان على ايه في حياتي واحاول اصلحه.

وانا يعني من غير ما اخش في تفاصيل انا ندمان على ثلاث حاجات فقط لا غير في حياتي. ال الموضوع الوحيد اللي كان ممكن يتصلح هو موضوع شغفي بالموسيقى الكلاسيكيه. ومع ذلك جهلي التام بلعب اي اله موسيقيه او حتى قراءه النوته نوته الموسيقى يعني. فقلت ده هدف ممكن الواحد يحققه ولا لا.

كلمت صديق ل دانييل بارين بويم ده من اكبر البيانس وقلت له انا هاجيعشى معاك في برلين عشان عايزك في موضوع كده. يعني بس بعد ما خلصنا عشاء وبتاع فتحت معاه الموضوع قلت له ينفع واحد عنده 59 سنه عمره ما قرى نوته وعمره ما لاعب على انسترومنت يتعلم وبست سنين يلعب مع اوركسترا ويبقى هو السولويست والاوركسترا معاه.

بصل لي كده وقال لي ده مين ده؟ قلت له انا. قال لي انت هتقدر تقعد كل يوم لمده الست سنين دولت من ساعه لساعتين على البيانو. قلت له اه ممكن. قال لي وكمان اخر شهرين ثلاثه هتقعد مع الاوركسترا تتمرن وكده. قلت له اه ممكن. قال لي خلاص يبقى ممكن. قلت له اكيد اه بس.

ومشيت من هناك وابتديت فعلا ولمده ست سنين كنت كل يوم بلعب ساعه او ساعتين بيانو لحد ما تمكنت من ان انا اعزف مع الاوركسترا. قبل ما اخلص بقى موضوع الموسيقى ده قلت ادور على الحقبه الجايه هعمل ليه؟ فمهرجان سينما ومش عارف ايه وبتاع قلت طب ما تعمل ا تبقى مخرج. فقررت ان انا ابقى مخرج سينمائي.

طبعا عشان تبقى مخرج محتاج منتج. طبعا ما فيش منتج عاقل هيديني انا فلوس عشان اعمل اعمل له فيلم كمخرج. فبقيت انا المنتج والمخرج بس. ودلوقتي بقىي سنتين بتعلم بس. وقبل ما يخلصوا الاربع سنين هدور على حاجه جديده.