Transcription
مؤشرات وعلامات لو شفتها على الانسانه اللي انت عاوز ترتبط بيها ما تترددش وارتبط بيها. معظم الفيديوهات بتتكلم عن علامات لو شفتها في البنت ابعد عنها وسيبها.
إنما يعتبر لحد دلوقتي انا ما شفتش فيديو اتكلم عن علامات لو شفتها في البنت اتمسك بيها. الكلام كله سلبي وده غلط. لازم يبقى في جزء إيجابي. وما ينفعش انت كشاب الاقيك بتقول الجواز ده فاشل، اللي بيتجوزوا دول ما بيفهموش حاجة. ولا في نفس الوقت تقعد تمدح في الجواز، لأن الجواز مالوش قاعدة ثابتة. بيبقى حلو مع ناس ووحش مع ناس. وفي ناس ما ينفعش معاها الجواز، هم مسستمين حياتهم إنهم يبقوا لوحدهم. وفي العكس، في واحد يقول لك ماعرفش أعيش لوحدي. وفي ناس ما تفرقش معاها موضوع القايمة والدهب وقوانين الأسرة دي، يقول لك عادي مش مشكلة. وفي ناس لا تحب تاخد احتياطاتها قوي ولو حاس بعدم الأمان يقول لك لا مش هتجوز.
فالجواز ملخصه في كلمة واحدة: كل واحد ينام على الجنب اللي يريحه. راحتك في الجواز اتجوز. راحتك في العزوبية خليك عازب. علشان كده بيقول لك ما تعممش. مالكش في التعليقات بتقول الجواز مشروع فاشل. اتكلم عن نفسك، قول أنا عن نفسي الجواز مش جاي معايا سكة. ولا تمدح في الجواز، الجواز ده حاجة حلوة. لأن في غيرك شايفه مش حلو. كل واحد يتكلم عن رأيه الشخصي ما يعممش.
ودلوقتي نتكلم عن علامات المرأة اللي تصلح أنها تكون زوجة. يعني المرأة صالحة، أي تصلح للزواج. مش زي ما الناس فاهمة، يعني متدينة بس. لا، الدين من ضمن المؤشرات ولكن في حاجات تانية زي الطبع زي الشكل زي التعليم زي الأهل. أهم علامة وأول علامة تخليك ما تترددش في الجوازة دي الراحة النفسية. ركز في الكلمة دي قوي. الراحة النفسية. يعني ما بتكلمهاش بتكلف. يعني لما تيجي تتكلم معاها ما تحسسكش إنك في امتحان ولازم تجاوب الإجابة المثالية. ولو اتكلمت كلام مش عاجبها تقول لك إيه اللي بتقوله ده؟ لا طبعاً كلامك مش صح. في الغالب دايماً ما فيش راحة نفسية معاها في الكلام. اللي تلاقيها بقى بتتكلم معاها باريحية. ما هو في واحد كده تيجي تتكلم معاه تلاقيه بيكمل كلامك مش بيعارضك وتبقوا أصحاب. وفي واحد دايماً يغلطك دايماً يقوحك تحس إن انت داخل معاه في معركة وعاوز تغلبه في الكلام. فاللي تحس معاها براحة في الكلام دي علامة مهمة إنك تمسك فيها. إنما ما تكونش دايماً مختلف معاها وتقول له اتجوزها. لأن الخلاف بيزيد بعد الجواز. أنا بقول دايماً إنما فين وفين لما بتختلفوا مع بعض مرة مش مشكلة. بس فين وفين لما تتفقوا مع بعض دي يسيبك منها.
تاني علامة تخليك تتمسك بالإنسانة دي إنها نادر لما بتتكلم معاك في الفلوس. في واحدة أول ما تقول لها الو تقول لك محتاجة الإيجار، نفسي في تليفون، نفسي في عباية، نفسي في دهب. 70% من كلامكم عن الاحتياج وإنها محتاجة وعن الفلوس والأسعار. والصفة دي دايماً بتبقى في المطلقات على فكرة. دايماً المطلقة بتبقى مادية، وخاصة لو معاها عيال. إنما اللي تلاقيها كلامها عبارة عن حياتها اليومية، بتحكي لك عن زميلتها عن موقف حصل لها وهي صغيرة، برنامج شافته، صار فضلها فبتتكلم معاك فيه دي تمام. إنما اللي مركزة في الفلوس بس ده مؤشر مش مريح من ناحيتها. وعموماً اللي تلاقيها دايماً مركزة في موضوع معين وانت مش حابه اعرف إنكم هتختلفوا مع بعض كتير بعد الجواز. مثلاً على طول هي بتتكلم في الجن والعفاريت أو في الأبراج أو في المشاكل حاجة انت مش حاببها وبتتكلم هي فيها كتير وانت عرفتها إنك ما بتحبش الموضوع ده دي سيبك منها. إنما لو اتكلمت مرة ولا مرتين بس في الموضوع مش مشكلة. فاللي تلاقيها ما بتتكلمش في الفلوس كتير أو مش قفشة في موضوع معين انت مش حابه دي يتمسك بيها.
تالت علامة تخليك تتمسك بالبنت أو الست دي عدم الشك فيها. ودي ميزة مهمة جداً في الزمن ده. أكتر حاجة مخوفه الشباب يكون البنت ليها ماضي. يقول لك تخني بعد كده ويبقى شاكك فيها ويبقى في شك. حتى لو ما شفتش بعينك ولا سمعت بونك بس في شك. وفي الغالب بيبقى الشك في محله على فكرة. إلا لو انت شخصية شكاكة بتشك في أي حد. أما لو انت إنسان سوي وشكيت بيبقى في الغالب الشك في محله. أصل الشك ما بيجيش كده من فراغ. أما بقى لو مش شاكك في اللي معاك ومطمن من ناحيتها اتمسك بيها.
رابع علامة اللي بتقدر عقلك. تلاقيها كده تقول لك آه تصدق عندك حق، آه كويس إن انت نبهتني، فعلاً كلامك مظبوط. بتسمع انت منها حاجات زي كده. شايفاك بتفكر كويس وطبعاً دي حاجة تبسطك. في واحدة بقى تتعمد تغلطك دايماً تقلل من تفكيرك. إيه اللي بتقوله ده؟ لا لا أنا ما صوتش كده خالص. لا لا انت مش فاهم. لا المفروض ما كنتش تعمل كده. منين ما تحكي لها على موقف، منين ما تقول لها رأيك على طول مغلطاك. دي واحدة عاوزة تسيطر عليك أو حاسة بالدونية وبتغير لما بتشوف حد تفكيره كويس بتبقى عاوزة تطلعه حمار. اللي على طول مغلطاك دي سيبك منها. أما اللي في الغالب بتحترم تفكيرك اتمسك بيها.
خامس علامة ودي مهمة جداً تخليك تتمسك بالإنسانة اللي معاك شكر عطاياك. لو جبت لها حاجة تفضل فاكراها وتشكرك عليها دي بنت أصول. في واحدة بقى تنسى انت جبت لها إيه أو تستقل باللي انت بتجيبه لها. تقول لك يا عم هو انت جبت حاجة؟ يا دي كده حاجة؟ هو انت بتجيب حاجة؟ حطها قاعدة في دماغك اللي ما ترضاش بالجنيه ما ترضاش بالمليون جنيه. جبت لها دبدوب واستقلت بيه لو جبت لها عربية فراري هتستقل بيها برضه بعد فترة. آه في الأول ممكن تقول لك شكراً بس بعد كده إيه يا عم هي دي حاجة دي؟ مهما تبذل معاها مجهود مش هتلاقي تقدير. أما اللي بتقدر عطاياك وما بتستقلش بمجايبك دي تستاهل تجيب لها أكتر وتتمسك بيها.
سادس علامة تخليك تتمسك باللي معاك الصدق. صادقة ما بتكذبش. في إنسانة كذابة دايماً كلامها متناقض ومش مقنع. يا بنت انت مش قلتي لي كذا أول امبارح؟ لا لا ده أنا بقول لك كذا. انت شكلك بتنسى كتير يا محمد. طيب نسيت مرة ولا مرتين. إنما على طول بنسى معاكي واشمعنى معاك انت بس بنسى ومع الناس التانية ما بنساش. اللي في الغالب بتنكر ولا ما حصلش. لا انت بتنسى. دي إنسانة كذابة وبتعمل حاجات غلط وبتداري عليها بالكذب بتاعها. أما اللي كلامها واضح ومفهوم وبيكمل بعضه وما فيهوش تناقض دي إنسانة سوية اتمسك بيها.
سابع علامة تخليك تتمسك برضه الاهتمام بيك وقت الشدة. امبارح كنت انت متخانق مع أخوك مثلاً أو رحت باباك المستشفى أو أي حوار مهم وكنت حاكي لها عنه وتلاقيها هي إيه عملت إيه وصلت لفين وبتسأل دي يتمسك بيها. لأن في واحدة ما تهتمش. كان معاك مشكلة بالنهار ولسه ما خلصتش وتيجي تحكي لها عنها بالليل يجي تاني يوم ما تقولكش عملت إيه الأخبار؟ ما تتابعش معاك دي انت مش مهم عندها خالص. سيبك منها. بتبقى عارفاك بس الهدف مادي في حياتك مش مهمة بالنسبة لها. أما اللي تهتم وتسأل دي اتمسك بيها.
تامن علامة تخليك تتمسك الإحساس معاها بالأمان. مدياك إحساس بالأمان. مطيعة هادية مش بتاعة تهديد. مش حاسس إنك قلقان من ناحيتها بعد الجواز. في واحدة بقى مش مريحة تقلق منها بتهدد هسيبك هبعد عنك علشان عارفة إنك بتحبها وبتلعب على الحتة دي مش مدياك إحساس بالأمان دي سيبك منها. أما اللي مش مقلق من ناحيتها وفي أمان يتمسك بيها.
تاسع علامة حسن الاستماع. بتسمعك للآخر مش بتقطعك مش مستعجلة. في واحدة تقطعك على طول في الكلام ما بتخليكش تعرف توصل لها المعلومة. مستعجلة أصلية حاطة مش عارفة إيه على النار. أصلية فلانة بترن عليا. قول يا محمد يلا بسرعة مالك في إيه. وعلى طول انت معاها بعد كل مكالمة ومقابلة ما تحسش إنك خدت راحتك معاها في الكلام. في استعجال دايماً في مقاطعة دي سيبك منها. على طول هتروشك بعد الجواز. أما اللي تحس معاها براحة في الكلام وبتسمعك ونادر لما تقطعك اتمسك بيها.
عاشر علامة خليك تتمسك سهولة التواصل معاها. ترن عليها تفتح هي على طول. تبعت لها رسالة توصل لها بسرعة وترد. دي علامة تدل إن الإنسانة دي حياتها هادية. في واحدة بقى ترن عليها في الغالب تكنسل عليك. الهاتف الذي طلبته ربما يكون مغلقاً. تيت تيت تيت مشغول قيد الانتظار. ولما تفتح ياه أخيراً اتقابلنا يا حنفي. تكلمها واتس ماسنجر تليجرام تتاخر في الرد. بين كل رسالة ورسالة تقعد لها خمس دقايق على ما ترد. مش على طول الرسائل تظهر وتبقى معاك في المحادثة زي كده. ازيك؟ الحمد لله. انت أخبارك إيه؟ أنا تمام. إيه فينك؟ موجود أهو. انت إيه الدنيا معاك؟ تمام الحمد لله. كنت عاوز أحكي معاك كده في حوار. اتفضل احكي. تشيل لك بين كل رسالة ورسالة في صعوبة مستمرة في التواصل معاها سواء مكالمة سواء رسائل. وفكك من الحج الفارغة بتاعتها أصل واصل واصل. لا انت كده مش نافعة. أنا عاوز واحدة فاضية لي. أما اللي السهلة في التواصل معاها اتمسك بيها.
الصفة الـ 11 اللي تخليك تتمسك بالإنسانة دي إنها تبقى فاكرة تواريخك. فاكرة تاريخ ميلادك، فاكرة تاريخ السنة اللي اتعرفتوا فيها على بعض. لأن في واحدة تقول لها أنا مواليد 4/8/1994 مثلاً وكذا مرة تقول لها وتيجي تسألها أنا تاريخ ميلادي إمتى؟ مش فاكرة. إحنا اعرفنا على بعض إمتى؟ مش فاكرة. وتقول لها وتنسى هي تاني. انت مش في دماغها قوي. فاللي تلاقيها فاكرة تواريخك دي علامة مهمة إنك في دماغها. وبرضه حفظان الرقم بس مش هتكلم عنها لأن صعب شوية الأرقام تتحفظ. في واحدة تلاقيها حافظة رقمك وتسمعهولك غايبة دي انت في بالها قوي. بس مش هندق في الحتة دي قوي.
الصفات اللي أنا ذكرتها دي أساسيات وكل صفة مهمة. يعني لو واحدة فيها صفة واحدة من دول ما تنفعش معاك. لازم تكون الصفات دي كلها متوفرة فيها. لأن غياب صفة واحدة من دول مؤشر مش مريح. ومش معنى إني بقول لك إنها لو عملت صفة سيئة من دول مرة ولا مرتين بس تبقى وحشة. لا، الغلط شيء أساسي في الإنسان. المشكلة لما يكون الغلط أكتر من الصح. يعني مثلاً قليل لما بتقطعك في الكلام مش مشكلة. إنما الغالب إنها مش بتسمعك للآخر دي مشكلة. مثلاً قليل لما بتتاخر عليك في الرد مش مشكلة. إنما الغالب بتتاخر في الرد مشكلة. الفكرة إن يكون الوحش عندها أقل من الحلو. أما الوحش أكتر مشكلة.
طيب في شاب شايف إن الصفات اللي أنا ذكرتها دي متوفرة في الإنسانة اللي معاه وعارف إنها مش هتنفعه بعد الجواز ومع ذلك مستمر معاها ليه؟ لسببين. التعلق العاطفي والتعلق الجسدي. التعلق العاطفي بقى لهم مع بعض تلات سنين أربع سنين حصل تعلق عاطفي. من أول شهرين تعارف ابتدى يلاحظ إن فيها صفات مش كويسة بس كمل ما قطعش معاه وهنا الغلط. ساب نفسه معاها لحد أما تعلق بيها ويصعب عليه السنين دي كلها تروح على الفاضي. فلا منه عارف يتجوزها لأنه عارف إن طبعها مش مريح ولا منه عارف يشوف غيرها لأنه متعلق بيها ويفضلوا كده يلاعبوا بعض العمر كله. أو يا إما يتجوزها ويبقى كل يوم والتاني مشكلة معاها علشان طبعها وهو فاكر إنها بعد الجواز هتتغير للأحسن. بيحاول يضحك على نفسه. ده التعلق العاطفي. لو انت عاوز جواز ومتعلق بواحدة بس شايف إنها ما تنفعش زوجة ده خليها زي ما هي في حياتك بس من الناحية التانية دور على زوجة. والأولانية ما تكونش عارفة حاجة. ولا الثانية. برضه انت مع الوقت هتلاقي نفسك ابتديت تتعلق بالثانية وهتنسى الأولى بالتدريج. بعد كده أقول لها إحنا مش هننفع مع بعض وربنا يرزقك باللي أحسن مني وأبعد. لازم تدخل بديل. إنما طول ما هي بس اللي في حياتك هتفضل متعلق بيها.
التعلق الجسدي بقى إن البنت جسمها حلو طبعها وحش وما تنفعش زوجة بس اللي مخليه مكمل معاها جسمها عاجبه. تركيزه على الجنس معاها أكتر. السرير والأوضاع والصدر الكبير ده وشفايفها المنفوخة دي وطولها ول جسمها البت بطل بصراحة. فيتغاضى عن طبعها السيء علشان جسمها حلو. ودي مشكلة. لأن الجواز مش جنس وبس. لو جنس وبس في حريم أبطال. بس اللي رقاصة واللي بتاعة رجالة واللي كل كلمة تشخر وتسيب الدين دي تنفع للنوم بس. إنما كزوجة لا. زي واحد برضه أعرفه كان بيعمل علاقة مع واحدة يومياً وبيكلمني عنها. فبقول له تفتكر يعني إن هي دلوقتي وانت بتكلمني ما بتعملش كده مع غيرك دلوقتي انت فاكر انت وبس؟ قال لي ما تعمل هي مراتي. الزوجة من ضمن صفاتها المطلوبة إن يكون جسمها حلو بجانب طبع حلو. لأن الزواج حياة مستمرة مشاركة عرض وشرف. عايشين مع بعض كل يوم مش هتنام معاها وبعد كده هي هتروح وانت هتمشي. لا ده اللي يخصها يخصك. ولو فيها عيب انت اللي هتلبسه. فمش معنى إنك ماشي مع بنت بطل أو ست ما حدش يحلم بيها من ناحية الجسم إن يبقى ده بس هو اللي يخليك تتجوزها. وخد بالك من حاجة لو طبعها وحش جسمها الحلو ده هيبقى عذاب ليك. مش هتبقى سهلة معاك في العلاقة. ماليش مزاج تعبانة شوية النهارده. انجز معاك في الشقة. ومراتك إيه ورايحة جاية قدامك بصدرها الكبير ومش عارف تطولها غير بالتعب لأن طبعها وحش. شوق وقليل لما تدوق.
وهي دي علامات المرأة اللي تصلح زوجة ويجب عليك التمسك بها. الحلقة الجاية إن شاء الله هتكون عن علامات الراجل اللي ينفع كزوج وتتمسكي بيه لو العلامات دي اتوفرت فيه. والسلام عليكم ورحمة الله.