Transcription
[موسيقى]
السلام عليكم ورحمة الله تعالى وبركاته.
حياكم الله وأهلا وسهلا فيكم.
اليوم، طبعا راح نتكلم عن التسويق.
أنا ما بتكلم اليوم عن المبيعات، المبيعات شيء والتسويق شيء آخر.
راح نتكلم عن التسويق.
لأهمية التسويق، يا جماعة، خذها قاعدة.
هذه قاعدة قبل ما أتكلم لك عن الخطوات.
خذ هذه القاعدة اللي تبني عليها كل الخطوات اللي جايه.
يا جماعة، من دون تسويق ما في نجاح المشروع.
قد ينجح لبعض الوقت، قد يقاوم لبعض الوقت، ولكن لابد يجي يوم وينهار المشروع أو يتوقف المشروع.
لذلك، لازم ولا بد أن نؤمن بأن التسويق هو سر الاستمرار.
واحد من أهم الأسرار.
ما أقدر أقول لك هو كل شيء، ولكنه لا يمكن الاستغناء عنه.
التسويق هو أحد أهم أسرار نجاح الناجحين في أي مجال وعلى أي صعيد من الأصعدة.
لاحظنا في الفترة الأخيرة إقبال كبير جدا من الشباب والبنات ومن الجميع تقريبا في الدخول في عالم التجارة الإلكترونية.
وأسس كثير منهم متاجر إلكترونية.
ومن المؤسف والمؤلم أنه معظم هذه المتاجر، ما ودي أقولها، لكن فشلت.
طبعا في إحصائية عالمية تقول إن 90% من المتاجر تفشل في الفترة الأولى.
ليه تفشل؟
واحد من الأسباب الرئيسية هي العمليات التسويقية.
واحد من الأسباب، ممكن في أسباب أخرى، لكن واحد من أهم الأسباب هي عملية التسويق.
اليوم راح أتكلم عن هذا الموضوع.
أول شيء أقدر أقوله لك، أقول لك لا تبدأ في التسويق ولا في إطلاق ما الترك قبل ما يكون عندك خطة واضحة للعملية التسويقية.
خطة واضحة مكتوبة.
انتبه، لازم تكون مكتوبة ومفصلة ودقيقة.
ونصيحتي لك، لا تخليها مدتها طويلة، يعني مدة سنة، لا.
ثلاث أشهر إلى ستة أشهر، هذا الزمن.
اللي كانوا يقولوا لنا سنة، خمس سنوات، ست سنوات، كنا نسويه، بس كان قبل.
الآن ما عاد ينفع.
وأنت تكتب الخطة، اشترك معك العقول الجيدة.
اشترك معك الناس اللي فعلا يساعدونك على حبك الخطة والخروج بأفضل خطة ممكن أنها تنجح هذا المشروع.
الأمر الثاني، أثناء كتابتك الخطة، أنا متأكد أنك راح تختار شريحتك، لكن عندي توصية دقيقة في هذا الموضوع.
اختيار الشريحة المستهدفة تر غاية في الأهمية.
يلعب دور كبير جدا في نجاح الخطة.
في عوامل رئيسية من واقع تجارب كثيرة جدا، أنه تحدد الشريحة المستهدفة بناء على المنتجات اللي عندك.
تحديد الشريحة، شف، ترى نظريا سمعنا هذا الكلام كثير، لكن واقعيا هو غاية في الأهمية.
لازم أحدد الشريحة اللي بيدها القرار واللي يهمها المنتج.
إذا يهمه المنتج، ولكن أيضا بيد القرار.
أعطيك مثال، لو عندي منتجات ألعاب أطفال وعندي محل أطفال، ما راح أستهدف الأطفال فيه.
ليه؟ لأنه ما في يدهم قرار.
فأنا أستهدف صاحب القرار.
والرسالة والخطاب أوجهه لصاحب القرار، أنه كيف تسعد ابنك، مثلا، أو كيف حاب تغير جو ابنك.
فالخطاب يتغير للكبار، ولكن الهدف من عملية البيع ومنتجات خاصة بالأطفال.
فشفت الفرق؟
هذا مره يلعب دور في شيء آخر، أنه بعض المنتجات هي منتجات نسائية، فتستبدل الرجالية تماما.
إلا في حالة واحدة، لو كنت تقول، مثلا، حاب تهدي لزوجتك، حابب، مثلا، تهدي لأمك، مثلا، سجادة صلاة وما أدري إيش.
فأنا ممكن أستهدف الرجل بمنتج نسائي، ولكن طريقة الخطاب وطريقة مختلفة.
فوعي تفاصيل الشريحة المستهدفة مره مهم.
لا تمشي على نفس لونك، أنت على نفس طريقتك.
حاول تستشير، تغير بالصيغ، تغير بالطرق.
لأنه ترى الموضوع هذا طويل.
أصلا، هذا لو بفرد له حلقة، خمس، أربع دقائق، أو خمسين دقيقة، يمكن ما هو في حقه، لأن الموضوع مره كبير.
بس أنا بعطيك إشارة عليه.
أتمنى إن شاء الله أن تكون وصلت.
الآن نجي للميزانية التسويقية.
شوف، أنت إذا دخلت التجارة، لازم تشعر بأنك فعلا رجل أعمال أو سيدة أعمال.
طريقة تعاملك لازم تكون واعية جدا في هذا الموضوع.
يعني لازم تعرف أنه لازم تصرف.
طريقة الصرف، ترى مو كل ريال تصرفه لازم يجيب لك فلوس.
وفي ريال تصرفه لازم يجيب لك فلوس زين.
يعني هي طريقة توزيع المال وهذه الأمور التفصيلية.
إذا ما كان عندك خبرة فيها، طبعا ممكن تستعين بأي أحد.
ممكن تشوف مستشارين، ممكن تشوف ناس تف زعلك إذا أمورك.
بس أنت لازم يكون عندك قناعة داخلية أنه أنا لازم أصرف.
وهذا الصرف في بعضه منه يكون له مردود مالي على حالي، والبعض الآخر لا، هو براندين أو تجربة.
أنا مثال، أجيب مع فريق العمل، أحيانا ندفع فلوس شبه متأكدين أنه ما راح يجي من وراها شيء، لكن هي خوض تجربة لتحسين التجربة.
فهمت الفكرة؟
فلازم يكون عندنا نضج كبير في العملية التسويقية.
لازم ندرك أنه لازم ندفع.
وعلى فكرة، احفظ هذه قاعدة.
ما هي من ضمن البنود أو الخطوات، هذه قاعدة في التسويق.
قاعدة، معنى كلمة قاعدة يعني احفظها، ابني عليها.
ترى من دون تسويق ما في نجاح.
شلون ما في بدون دفع.
بالعربي، ما في.
تخيل عندك نار، إذا رشيت عليها بنزين أو جاز، ولعت، بعد شوي ترجع تطفي.
التسويق كذا.
لا تقول يا أخي، إذا أسوي إعلانات، إذا أنا أدفع، يجيني الفلوس.
طبيعي، هذا طبيعي.
دفعت، جاني مردود، طبيعي.
الأصل هذا الطبيعي.
إذا ما دفعت، قل طبيعي.
فأنت لازم تؤمن أنك لازم تبخ عشان تأخذ.
النقطة الرابعة، شوفوا، إحنا في المتاجر الواقعية، اللي في أرض الواقع، نركز على الموقع.
ولذلك يقولون لوكيشن، لوكيشن، لوكيشن.
يعني اختار الموقع اللي تحط فيه محلك، يعني رقم واحد.
ليه؟ لأنك تتوقع أن الناس اللي تشتري أو الشريحة المستهدفة هي راح تمر على محلك.
فيشوفون محلك من خلال الموقع حقه، موقع استراتيجي.
لكن في المتاجر الإلكترونية، إيش تسوي؟
في المتاجر الإلكترونية، أقدر أقول، زي ما قلت لك، موقع، موقع، موقع.
أقول لك جوجل، جوجل، جوجل، أو محرك البحث في جوجل.
ليه؟ لأجل الناس لما تبحث عنك، تلاقيك.
شوف، أنت ممكن تفتح متجرك، متجرك الأساسي وين ما كان في أي منصة.
بس هذا المتجر، كيف الناس توصل له؟
من خلال محركات البحث.
الناس لما تبحث، توصل لك.
طيب، أنت لازم تكون أسطوري واستثنائي في محركات البحث.
خلي أي أحد يبحث، أنت ما ترك يترشح له.
أتمنى أن الفكرة واضحة.
لأنه كيف توصل لك الناس، الطرق أزفلت.
يعني اللي موجود في المواقع الواقعية يوصل الناس حتى لو بالصدفة إلى الموقع الواقعي.
أنت شلون يوصل الناس لمتجرك؟
ترى المكر لا تفكر أنه طالع قدام الناس، لا.
هو مكان مخفي، عشان توصل له الناس من خلال محركات البحث.
فلذلك، اتعب عليها، اتعب عليها.
النصيحة الأخيرة، أقول يا أخي، لا تتوقف عن التسويق أبدا.
لا تتوقفون.
التوقف يعني الاختفاء، الانطفاء، الانكفاء، انتهاء.
التوقف ليه؟ لأنه أنت مو في محل واقعي، ممكن يمرك أحد بالصدفة.
ممكن أحد تعود عليك.
نادر جدا الناس اللي تتعود على مكرك.
لذلك، لازم تواصل عملية التسويق.
شوفوا، في عالم التسويق يشبهون، يشبهون، عارفين، شبه النار.
النار كل ما تحط حطب، تشتعل النار.
لو توقف ساعة، ساعتين، طفت النار.
فالتسويق نفس الفكرة.
هذه أفكار التجارة حول النار والتسويق يعني رابطين الموضوع مع بعض.
فأنت لازم تستمر، تستمر، تستمر.
لأنه بيطلع غيرك، بيلتقي زباينك، غيرك بتختفي أصلا من الوجود.
فأرجوك، ما تتوقف عن التسويق أبدا، إلا إذا كنت ناوي تغادر عالم التجارة.
في النهاية، بقول لك على شغلتين.
الشغلة الأولى أو الأمر الأول، لازم نفرق بين التسويق وزيادة المبيعات أو المبيعات.
في فرق بين هذا وهذا.
صحيح متداخلين، لكن في فرق.
لذلك، أنا فردت حلقة كيف تزيد مبيعاتك.
هذه حلقة ممكن تبحث عليها منفردة.
الأمر الثاني، الكلام اللي أنا قلته لك، بعض الناس يسمعوا على أنه مجرد كلام نظري.
لا، أنا كرجل أعمال، سنوات اشتغل في البزنس.
هذا الكلام كان يسمع وين، وكان يؤثر وين.
كنت أشوف نتائجه وين في حساباتي البنكية.
واقعيا، إذا سويت منه جزئيات، أشوف جزئيات.
إذا سويته بأمر مكتمل، أشوف نتائج مكتملة عندي في الحساب البنكي حقي.
ش أقصد من هذا الكلام؟
ترى هذا مو مجرد كلام.
ترى مش مجرد، إحنا فاضيين وجينا نقول لك هذا الكلام وكذا.
لا، أنا رجل مريت بتجربة طويلة، أكثر من حدود 30 سنة.
وكل شيء يمكن في مجال المال والأعمال جربته.
فأنا جاي أعطيك خلاصات حقيقية غيرت في حياتي المالية والمهنية.
لذلك، أرجو أنك تجرب.
وإذا لاحظت أنه، مثلا، بعض التجارب ما ضبطت، عيد بدل زيد.
يعني، لكن لازم تأخذها على محمل الجد.
أتمنى لك [موسيقى] التوفيق.