Transcription
Yours and know what into before you into itra out because do. دكتور دري واحد من أكثر الشخصيات تأثيراً في تاريخ الموسيقى، قدرته على تغيير قواعد اللعبة تماماً من خلال ألحانه الفريدة وإنتاجاته القوية أطلق ثورة في عالم الهيب هوب والراب. والموضوع ما توقف على تأثيره الموسيقي فقط، إنما استطاع اكتشاف وتقديم العديد من الفنانين الأقوياء اللي لاحقاً أصبحوا أساطير في عالم الهيب هوب. وفي مسيرته واجه العديد من العقبات، وفي إحدى هذه العقبات كاد أن يموت. فمن هو دكتور دري؟ وليه الكل جالس يتكلم عليه؟ لو حابب تعرف، كمل معاي الفيديو للنهاية، وصدقني راح تستمتع.
السلام عليكم، معكم ديزياك، وكالعادة حابب أن أشكر جميع المشتركين بالقناة فرداً فرداً، الله يعطيكم العافية جميعاً. وقبل ما تتفرج على قصة اليوم، أتمنى أنك تضغط على زر اللايك وتدعم الفيديو. اللايكات اللي أنتم تحطوها على الفيديو، الناس تحسبها شيء عادي، لا والله! هذه تفيد الفيديو بشكل غريب جداً. وما أخفيكم، الفيديو هذا بالذات تعبت عليه تعب لا يعلم فيه إلا الله، وأنتم تستاهلون أن أسوي لكم حتى أكثر من كده. فاللي أبغاه منكم اللايك، وإذا ما أنت مشترك بالقناة اشترك معنا بالقناة ونورنا. وما أطول عليكم كثير، القصة أصلاً طويلة. بس قبل ما نبدا نصلي على سيدنا محمد ونزيد النبي صلاة، وبسم الله نبدا.
بطل قصتنا اليوم اسمه أندري رومل يونج، ولد في 18 فبراير عام 1955، ولد في مدينة كابتن الواقعة في ولاية كاليفورنيا. قبل ما نتكلم أكثر عن نشأة أندري، خليني أكلمكم شوي عن مدينة كابتن. تقع كابتن في جنوب مقاطعة لوس أنجلوس بولاية كاليفورنيا. تأسست المدينة رسمياً عام 1888، وتعتبر واحدة من أقدم المدن في تلك المنطقة. واللي يميز مدينة كابتن موقعها الاستراتيجي، وأنها كانت قريبة جداً من لوس أنجلوس، فكانت المكان الأمثل لكل المهاجرين أنهم يروحوا ويسكنوا فيها عشان يشتغلوا في سكك الحديد أو المصانع اللي كانت هناك. وفي البداية كانت مدينة كابتن يغلب عليها الطابع الأبيض، يعني ذوي البشرة البيضاء هم اللي كانوا الأغلبية هناك، وهم اللي كانوا ساكنين في تلك المنطقة، ومسوين كنترول لكل حاجة هناك. ولكن مع تطور حركة الحقوق المدنية في الخمسينات والستينات، بدأت العائلات اللي من الأصول الأفريقية أمريكية أو الأفريكان أمريكان أنهم يتوجهوا إلى هذه المدينة ويستقروا فيها، وخاصة بعد إلغاء قانون الفصل العنصري. وبحلول السبعينات، أصبحت المنطقة أغلبها من المهاجرين من ذوي البشرة السمراء، وبذلك أصبحت مدينة كابتن مركز الثقافة لذوي البشرة السمراء. يعني الآن المنطقة صارت حقتهم، وصارت وجهة لأي شخص من ذوي البشرة السمراء أنه يروح ويستقر فيها.
بعد فترة، المنطقة واجهت مشاكل اقتصادية كبيرة، دمرت الاقتصاد في مدينة كابتن تماماً. أغلب المصانع بدأت تقفل، وبقية المشاريع كمان بدأت أنها تتوقف، وما صار في أشغال في مدينة كابتن نهائياً، بين ليلة وضحاها الكل ما صار عندهم وظائف يعملوا فيها، زادت البطالة بشكل جنوني. ومع زيادة البطالة، أكيد بيكون في فقر، ولما تزيد البطالة ويزيد معها الفقر، بيزيد على طول معدل الجريمة في تلك المنطقة، لأن أي واحد بيبحث عن لقمة عيشه، إذا ما قدر يجيبها بالطريقة الصحيحة والشرعية، بيضطر أنه يسوي أي شيء عشان يأكل العائلة اللي معه. وهذا حرفياً اللي كان صاير بكابتن. ومع زيادة الجريمة، زاد معدل العنف في المنطقة بشكل رهيب جداً، وتكونت أكبر عصابتين، واللي هم الكريبس والبلوز. هذول كانوا أسوأ عصابتين ممكن تمر عليك بحياتك. والمشكلة الكبيرة، أن كلهم من ذوي البشرة السمراء، ومعظم مشاكلهم كانت على المناطق اللي هم يستولوا عليها، لأن وقتها الطريقة الوحيدة اللي أنت تقدر تجيب فيها فلوس كان بيع المخدرات، فكان يتنافسوا مع بعض: مين يبيع مخدرات أكثر، ومين عنده منطقة أكبر يقدر يبيع فيها ويستولي عليها. فكلهم كانوا يتضاربوا على الأحياء الصغيرة اللي موجودة بكابتن، فزادت المشاحنات والمشاكل بينهم، وما توقفت أبداً، بالذات في فترة الثمانينات والتسعينات. صار للركب، وصار أي واحد في كابتن يمشي ومعاه سلاح، لدرجة أن حتى الشرطة ما تدخل كابتن في الليل، لأن الأسلحة اللي موجودة بكابتن، لو طلعوها الشباب ممكن يقتلوا الشرطة كلهم، ناس ما تفرق معاهم أي حاجة.
ورغم السمعة السيئة لمدينة كابتن، كانت كابتن أيضاً مركزاً للإبداع الموسيقي، ومهد الهيب هوب وثقافة الشارع. هذا بشكل مختصر المدينة اللي انولد فيها أندري. نرجع ونكمل مع أندري، ونشوف إيش قصة حياته. أم أندري كان اسمها فيرنا يونج، وأبوه كان اسمه تيودور يونج. أبوه كان مولع بأغاني الـ R&B، وكان يعمل كموسيقي في إحدى فرق الـ R&B القديمة. والوضع في بيتهم كان جميلاً جداً، ولكن بعد فترة بدأ يتدهور أكثر. أبو أندري، اللي هو تيودور يونج، كان يتعامل مع زوجته بأسلوب سيء جداً، ودائماً يمد يده عليها ويضربها لأتفه الأسباب. وفي ذاك الوقت كان أندري دوب عمره سنتين، فأمه كانت مستحمله الوضع، لأن ذاك الوقت أبوه هو اللي مسؤول من البيت، وهو اللي يجيب مصاريفهم وأكلهم، يعني بدونه ممكن يضيعوا في مدينة مثل كامبتن. ولكن لما وصل أندري عمره ثلاث سنوات، أبوه تخلى عنهم تماماً، ووقتِها أمه كانت على وشك ولادة، ولكن أبوه ما همه الموضوع أبداً، سحب عليهم وتركهم لحالهم. وفعلاً أمه ولدت وجابت له أخ، وكان اسمه تايري، يقولوا له تاي. وبعد ولادة أخوه بفترة بسيطة، شخص جديد دخل عليهم حياتهم، وكان اسمه وارن جريفن، اللي ارتبط بأمه وتزوجها مباشرةً، وأصبح هو الشخص المسؤول عن العائلة كلها. وكان في البداية شخص جيد، والمعاملة حقتة جميلة جداً، ولكن بعد مرور فترة بسيطة، بدأ كمان يتعامل بنفس الطريقة اللي كان يتعامل فيها طليقها من ناحية العنف والمعاملة القاسية لزوجته، لا وكمان لعياله أندري وأخوه تايري. كان يضربهم ويتعامل معهم معاملة سيئة، ووقتِها ما كان عندهم حل إلا أنهم يتعايشوا معه، بالذات أن هذا الرجل هو الشخص اللي كان يصرف عليهم، ومسؤول من مصاريف البيت كاملة. بدونه، بذاك الوقت وبتلك المنطقة، كان وضعهم راح يكون متدهوراً جداً. وكان عنده أخوه من أمه، اللي هم من زوج أمه، وكانوا ولدين وبنت. الولد الأول جيروم كرين، والولد الثاني وارن جي، والاخت كان اسمها شاميكا. وكانوا كلهم عايشين ببيت واحد ومتداخل مع بعض، ولكن أندري كان أكثر شيء متعلق في أخوه الصغير اللي هو شقيقه من أمه وأبوه، اللي اسمه تايري. وتاي، كمان بالجهة الأخرى، كان شايف أخوه أندري هو المثل الأعلى، واللي حابب يكون زيه بعد ما يكبر.
تمر الأيام، وأندري يكبر ويدخل المدرسة، والتحق بمدرسة فانوي ستريت الابتدائية في كابتن، والتحق لاحقاً بمدرسة روزفيلد المتوسطة. وكان وضعه في المدرسة سيئاً جداً، درجاته كلها متدنية، يعني كان طالب غير متفوق أبداً، وذلك بسبب المشاكل والأشياء اللي كانت تصير بالبيت، يعني ما هو قادر يركز حتى في دراسته. كل ما يرجع البيت، مشاكل بمشاكل مع زوج أمه، يعني وضعه كان سيئاً، فما كان يركز بدراسته كثير. الشيء اللي كان يركز عليه ذاك الوقت، اللي هو الرقص، وفي الرقص بالتحديد كان يحب البريك دانس، يعني يرقص مع أصحابه ويدخل في تحديات رقص من هذا الكلام. وأمه دائماً كانت تخاصمه، تقول له: "الرقص ما منه فائدة، وما راح يقدمك ولا يأخر في حياتك أبداً، شوف لك شيء ثاني يا ابني وتميز فيه، الرقص ما فيه أي مستقبل". ولكن هو كمراهق كان شايف أن هذا الشيء كويس وراح ينجح فيه، ويكون شيء آخر، بالذات أن في ذاك الوقت البريك دانس كان سيطرة عالية، وكثيرون كانوا منتمين لهذا النوع من الرقص.
ولكن بعد فترة تغير كل شيء بحيات أندري. وقتها كان في نادي ليلي عندهم بكابتن اسمه Eve After Dark، وهذا النادي الليلي كان مشهوراً جداً عندهم، الكل كان يتجمعوا فيه بمدينة كابتن. والبون سر، أو رجل الأمن اللي كان مسؤول عن النادي الليلي، كان ولد عم أندري. ووقتِها أندري عمره 15 سنة فقط. ولد عمه قال له: "يا ابن الحلال، تعال غير جو بالنادي الليلي، واتفرج على المغني اللي موجود عندنا". وأي واحد ذاك الوقت مراهق كان يتمنى أنه يدخل النادي الليلي، ولكن بسبب صغر سنهم، وأنهم ما وصلوا لـ 18 سنة، ما يقدروا يدخلوا النادي. ولكن أندري كان عنده واسطة، اللي هو ولد عمه. وفعلاً راح أندري النادي الليلي لأول مرة في حياته، وهناك اكتشف شغف جديد راح يحول حياته تماماً. ذاك الوقت بالنادي الليلي كان في مغني اسمه كرتس بلو، هذا كان مشهوراً جداً، كان لون الغناء تبعه الهيب هوب والراب، ولكن بطريقة الفنكي ميوزك. واللي لفت انتباه أندري مو كرتس بلو، لا يا صديقي، أخو كرتس بلو، كان الدي جي لنفس الفرقة حق كرتس. فجذب انتباهه أخو كرتس اللي هو الدي جي، وبدا يركز معاه بزيادة، كيف الطريقة اللي قاعد يلعب بالأغاني ويغير الألحان، ويدخل صوت بصوت، والسكراتشات شين اللي تعطي الأغنية انطباع قوي وتخلي الفنان اللي يغني معك يبرز عضلاته أكثر، ويقدر يغني بارتياح، والجمهور كله يتعلق فيه. أندري قال لك: "أنا أبغى أصر زي الشخص هذا، وأبدع في الدي جي". وطبعاً وقتها ما كان يفهم أي شيء عن الدي جي، ولا كيف الطريقة اللي ممكن يستخدم فيها ترن تيبل، وكيف أنه يسوي سويتش للأغاني والسكراتشات، وكل الكلام هذا. فرجع ذاك اليوم البيت وجلس مع أمه، وقال لها: "اسمعي، أنا وجدت شغف جديد، وأبغاك تساعديني وتكوني معي". قالت له: "تم، إيش الشيء اللي أنت تبغاه؟" وتم، قال لها: "يا أمي، أنا أبغى من اليوم أهتم بمهنة الدي جي، وأكون أفضل واحد بكابتن". قالت له: "أوكي، إيش اللي تحتاجه مني؟" قال لها: "أنا أحتاج منك تجيبي لي ترن تيبل عشان أبدأ أتدرب عليها، وأعرف كل الأساسيات اللي فيها". وما مر يوم على كلامه مع أمه، راحت جابت له جهاز دي جي جديد، وكان اسم الجهاز نيو مارك 1150، انبسط جداً طبعاً لما شاف الجهاز، أخذه على طول وراح على غرفته، ركب السماعة حقته وبدا يشتغل على الدي جي، ويتعلم كل حاجة فيه من الألف إلى الياء. ومع الممارسة الكثيرة، بدأ يبدع إبداع غريب، حتى أمه لاحظت هذا الشيء فيه، وعرفت أنه راح يبدع لا محالة.
نبعد شوي عن أندري وإبداعه مع جهازه الجديد في البيت. في نفس الحارة اللي ساكن فيها أندري، كان في واحد ساكن جنبه اسمه إيريك رايت، والكل يعرفه باسم إيزي إي. وكان له علاقة وطيدة جداً بأندري، كانوا أصحاب بالحارة، وعلى طول يمشوا مع بعض، ويسولفون مع بعض، ومن هذا الكلام. ولكن إيريك رايت كان ولد حارة قاحي، مو مثل أندري. أندري نقدر نقول عليه كان بيتوتي أكثر، ولكن إيريك كان الولد اللي عايش حياة الجينز، وحياة العصابات من وقت ما هو صغير، كان يتاجر بالمخدرات في الحارة ويبيعها للشباب، ودائماً يمشي مع المجرمين اللي هناك. ما في مجرم بالحارة ما يعرف إيريك رايت. وبيوم من الأيام، وبحكم صداقته مع أندري، إيزي إي راح لأندري البيت، وشافه شغال على جهاز الدي جي والأغاني، وقالب البيت حفلة، انبسط جداً إيزي إي من هذا الشيء، وقال له: "اسمع، بدل ما أنت قاعد تشغل أغاني بغرفتك، إيش رأيك اليوم تجي وتشغل أغاني عندي بالبيت؟ أبغى أسوي حفلة كبيرة، وأعزم عيال الحارة كلهم، وأنت تمسك الدي جي وتولع الحفلة كلها". قال له: "تم". وبالنسبة لأندري، هذه راح تكون أول مرة يشتغل قدام جمهور، هو عادةً شغال في البيت لوحده، ما حد دري عنه، يعني لو غلط بأغنية أو غلط بمكس ما حد يسأله ولا أحد يضحك عليه. وقال لك أندري: "ليش لا؟ خليني أروح وأجرب عند إيزي إي بالبيت، إذا الناس انعجبت من الأغاني كان بها، ما انعجب عادي، هذه تجربة بالنسبة لي، أروح أتدرب أكثر، ألين ما أصر الأفضل". وفعلاً جاء اليوم الثاني، أندري أخذ عُدته حقته وراح عند بيت إيزي إي، رتب الأغاني اللي راح يشغلها، ركب الدي جي وحط السماعات، جهز أموره كاملة، وبعد شوي كل الحارة تجمعت في بيت إيزي إي، من رجال عصابات، من بائعين مخدرات، كل عيال الحارة كانوا موجودين في بيت إيزي إي، وأندري وقتها أبدع إبداع غريب، وكأنه شغال له 20 سنة، يشغل الأغنية الأولى، الأغنية الثانية، والكل يرقص ومبسوطين من الأغاني اللي قاعد يشغلها، والطريقة السلسة والسهلة في انتقاله من أغنية إلى أغنية، وكيف أنه سوى مكسات لايف قدام الناس كلها، غير الأغاني اللي هو كان مكسها بالبيت. واللي ما يفهم كلمة مكس الحين، أقول لك: يعني تأخذ لحن من أغنية وتركبه على صوت من أغنية ثانية، يطلع معك أغنية جديدة قوية جداً، وهذا الشيء أبدع فيه أندري. وفي ذاك الوقت أي شيء كان يشتغل عليه أندري كان يطلع منه نسخة في كاسيت أو شريط، يعني تكون عنده مكسات جاهزة يقدر يعطيها لأي أحد.
وبعد الحفلة، كل الناس جو عند أندري، قالوا له: "نبغى المكس اللي أنت شغلته بالحفلة، نبغى نسمع في سياراتنا ونستمتع فيه ببيوتنا، الأغاني اللي أنت شغلتها قوية جداً". وهنا جت فكرة استثمارية قوية بالنسبة لأندري، قال لك: "بما أن الناس تحب الكاسيتات اللي أنا سويتها، ليش ما أسوي منها نسخ كثيرة وأغاني أكثر، وأبدأ أبيعها في الحارة؟" وفعلاً، وبمساعدة إيريك ومعارفه اللي يعرفهم بالحارة، وجه العيال كلهم عليه، كلهم صاروا يجوا عنده يشتروا الأشرطة اللي هي المكسات اللي كان يسويها، وطلع من وراها فلوس كثيرة. وهذه كانت أول مرة يكسب من ورا شغله كدي جي، وكسب سمعة قوية جداً بكابتن، لدرجة أنه في ناس كانت تجي من برة كابتن بس عشان تأخذ أشرطة المكسات من عند أندري. وأندري عرف في وقتها أنه لازم يشتغل بجدية أكثر، الموضوع تحول 180 درجة وراح لاتجاه آخر. بما أن الآن نقدر نقول عنده قاعدة جماهيرية كبيرة تحب الشغل اللي هو قاعد يشتغله، أندري بدأ يتعلم بالجهاز أكثر، ويمكس أغاني أكثر، ويعمل بجدية على الدي جي، ويحاول أنه يكون متميز عن غيره. وأندري وقتها جت براسه فكرة، قال لك: "بما إني أنا الآن عندي سمعة قوية، والكل يعرفني ويحبني، وكيف إني أنا ولعت الحفلة وقومت اللي كانت ببيت إيزي إي، ليش أنا ما أروح للنوادي الليلية المحلية اللي موجودة عندنا، وأحاول أعرض لهم أعمالي، وأقول لهم أنا أبغى أشتغل عندكم، ومن هذا الكلام؟" لأن النوادي الليلية ممكن تفتح له مسارات أخرى، بالذات في مجال البزنس، يعني الناس اللي تجي الكلوبات ذاك الوقت فنانين كبار وناس معروفة، ممكن واحد يعجب بشغله أو شيء، ويروح يسجله في شركة أكبر، ووقتِها يكون انطلق انطلاقة قوية. وفي نفس اليوم راح عند إيزي، وقال له: "اسمع، أبغاك تجي معاي للنادي الليلي اللي اسمه Eve After Dark، أبغى نروح هناك وأعرض خدماتي لهم، وأقول لهم أبغى أكون الدي جي عندكم". قال له إيزي إي: "ما عندك مشكلة". راح معاه إيزي إي فعلاً على النادي الليلي، ووقتِها إيزي إي وأندري لابسين اللبس حق الحارة، اللي هو السلاسل والملابس الواسعة، يعني تشوفهم تقول هذول رجال عصابة. راحوا عند النادي الليلي، وعن طريق ولد عم أندري قابله بمالك الكلوب، وصاحب النادي الليلي كان اسمه ألونزو ويليام، وكان لقبه لونزو. طلع له برا عند الباب وتكلم معه، وأندري قال لصاحب الكلوب: "أنا دي جي قوي، وعندي مكسات قوية، الناس تجيني من كل مكان عشان تشتريها من عندي، وحابب إني أعرض خدماتي، وأبغى أشتغل معكم بالكلوب كدي جي". صاحب الكلوب طالع في ملابس أندري وملابس إيزي إي، وقال له: "شوف، أنا فعلاً أحتاج لدي جي متمرس عشان يجيب لي ناس أكثر للمكان، وأستفيد مادياً، ولكن بلبس هذا وبالطو اللي أنتم جاييني فيه، هذه ما راح أخليك تشتغل عندي ولا دقيقة، لأن سمعة المحل عندي أهم حتى من دخل المحل. بطريقة لبسكم هذه، وأسلوب هذا، راح تجيبو لي رجال العصابات والمجرمين، وتجمعو عندي بالنادي الليلي، وهذا الشيء أنا ضده تماماً، أبغى الناس اللي تجي عندي يكونوا ناس هاي كلاس، وناس نظيفة، وشكلها مرتب. فلو تبغى تشتغل بالنادي الليلي، روح بدل ملابسك، والبس ملابس كذا فنكي وحلوة، وحياك، وما عندك أي مشكلة". إيزي إي طالع في صاحب الكلوب، قال له: "يا حبيبي، إيش اللي غير ملابسك؟ وما ملابسك يا حبيبي؟ ما راح نغير ملابسنا، تبغانا كذا كان بها ما تبغانا، بكيفك". أما أندري فقال له: "سمعاً وطاعة، أبى أروح أغير ملابسي وأجيك وأشتغل عندك". إيزي إي قال له: "يا حبيبي، روح اشتغل لحالك، أنا ما راح أغير ملابسي، هذه هويتي وهذا لبسي، تبغى أنت تغير ملابسك بكيفك". أندري قال له: "لا، أنا راح أبدل ملابسي، وراح أدخل بالاسلوب اللي هم يبغوه، أنا تطلعاتي وآمال أكبر من مجرد لبس، ما يفرق معاي إيش البس".
فعلاً راح البيت غير ملابسه، ولبس اللبس الفنكي حق الدي جيز، واللي هو بعيد كل البعد من رجال العصابات والجست وغيرهم، وراح فعلاً النادي الليلي، وقابله صاحب المكان، وقال له: "الآن بهويتك الجديدة هذه راح تدخل عندي وتشتغل". ومن أول يوم مسك فيه أندري الدي جي ولّع الدنيا كلها، الناس كلها انجنت على أسلوب أندري بجهاز الدي جي، مكسات كانت قوية جداً، الكل انبسط منها، وكسب سمعة أقوى. مو فقط الآن رجال العصابات والمجرمين اللي في الحارة هم اللي يعرفوه، لا يا صديقي، كل كابتن بكل طبقاتها صاروا يعرفوا أندري. وذاك الوقت كان لقبه دي جي دري، دري اللي هي ماخوذه من آخر ثلاثة أحرف باسمه أندري. وصارت النوادي الليلية المحلية اللي موجودة بكابتن يتضاربوا مع بعض عشان أندري يشتغل معهم. وفعلاً كل مرة كان يشتغل بنادي ويطلع فلوس أكثر، وضبط أموره كلها، وبنى لنفسه قاعدة جماهيرية جديدة في مختلف أنحاء كابتن. وفي عام 1984، أندري جتْه فرصة جديدة. إيش الحين؟ أقول لك، تذكروا ألونزو ويليامز اللي هو ملقب بلونزو، صاحب النادي الليلي اللي اسمه Eve After Dark، كان عنده جروب هو مؤسسه من عام 1980، اسم الجروب World Class Wreckin' Cru. الجروب هذا كان ينتج أغاني ومشهور جداً في ولاية كاليفورنيا كلها. طريقة الغناء حقتهم والكلمات كانت نظيفة، ما هي مثل الجينغ ستراب أو أغاني العصابات أو الهارد كور وغيره، لا يا صديقي، كانت أغاني مرتبة، الكل يقدر يسمعها. وأعضاء الجروب هم ألونزو ويليامز اللي هو مكتشف الجروب، وكان أيضاً يعمل كدي جي، وبنفس الوقت بروموتر، اللي هو ينشر الفريق ويسوق له، وايضاً دي جي يلا، اللي كان يعمل كدي جي ومنتج. وكان معهم واحد كمان اسمه كلي انتيل، هذا اللي كان الرابر حق الجروب، الدي جيز يضبطوا لها الأغاني والألحان، وهو يغني عليها. وكان جروب قوي وله سمعته وله جمهوره. وذاك الوقت دي جي دري أو أندري كان يعمل بنفس النادي الليلي هذا مثل ما قلنا كدي جي، وألونزو ويليامز اللي هو صاحب النادي كان مبسوط منه جداً. فراح ألونزو عند أندري، وقال له: "اسمع، إيش رأيك تنضم معنا في الجروب حقنا؟ أنا أشوف إن أنت إنسان عندك موهبة قوية، وحابين نستفيد منها بالجروب عندنا". وبالنسبة لأندري، هذه فرصة حلوة، هو أساساً يبغى سمعته توصل لكل أمريكا، ما يبغاها تتوقف على كابتن فقط. فعلى طول وافق، وقال لهم: "تم، وأنا معكم". وفعلاً بدأ الجروب انطلاقة قوية، بالذات بعد ما دي جي دري انضم للجروب، وذاك الوقت غير اسمه من دي جي دري لدكتور دري. ليش غير اسمه؟ لأن وقتها بدأ يشتغل كبروديوسر ومنتج أكثر من أنه دي جي، بدأ يلفّن بيتات أو ألحان قوية للمغني اللي معاهم، وأي لحن كان يسويه كان يكون قوياً جداً. وفي نفس الوقت دكتور دري ما كان فقط منتج ودي جي، كان كمان يغني معهم بالجروب، يعني كلمتين ثلاثه بأسلوب الفنك، يعني يقول كم بار كذا يضيفه على الأغنية، وكان يطلع كمان جامد. وهذه كانت الانطلاقة القوية لدكتور دري، بدأ يتعمق في الأغاني أكثر، وكثر الحفلات الكثيرة اللي كان يروح لها ويبدع فيها، والجمهور يبدا يمدح فيه أكثر. دكتور دري صار عنده ثقة بنفسه عالية جداً.
ولكن مع مرور الوقت، الجروب حق World Class Wreckin' Cru صار سيطرة نوعاً ما تتدنى يوم عن يوم، والشعبية حقتهم بدأت تقل أكثر. ودكتور دري أساساً من داخله ما كان جايبه لون الأغاني، وإنها كلها كلين وما فيها جينغ ستراب، بالذات أنه متربي بكابتن، فراح عند ألونزو، وقال له: "خلينا نغير شوي من لون الغناء حقنا، خلينا ندخل على الجينغ ستراب والهارد كور". قال له: "يا صديقي، هذا ممنوع منعا باتاً، مهما صار بالجروب، لو الجروب كله يتدمر ما راح أمشي على هذا اللون أبداً". والشخص اللي كان يدعم دكتور دري ويقول له فعلاً: "احنا المفروض نغير إلى الجينغ ستراب وغيره"، كان دي جي يلا، قال له: "يا حبيبي، فعلاً كلامك صح، المفروض احنا نمشي على هذا اللون، خلاص الناس ملت من هذا الأغاني، وهذه ما يسمعها إلا البيض". لا يا صديقي، احنا نبغى ندخل على الأغاني حقتنا، واللي تمثل طبعنا وحياتنا اللي احنا عايشينها بكابتن. وذاك الوقت دي جي يلا عنده ولد عمه اسمه آيس كيوب. آيس كيوب هذا كان رابر في فرقة اسمها C.I.A، اختصاراً لـ Crew in Action. آيس كيوب كان وقتها مولع مع الجروب، وكانت أغانيه قوية، أسلوبه مجنون، وكل أغانيه يكتبها بنفسه، يعني كان كاتب ورابر بنفس الوقت. [موسيقى] فدي جي يلا جاب آيس كيوب، وعرفه على دكتور دري. وآيس كيوب سمع الأغاني اللي سواها مع Crew in Action أو C.I.A، وانبسط منها دكتور دري جداً. وآيس كيوب طلب من دكتور دري أنه ينتج له أكثر من لحن عشان يغني عليه، ويكون هو البروديوسر حق الأغنية من الألف إلى الياء. وفعلاً دري زبط له كذا لحن، أول ما سمعها آيس كيوب انجن تماماً، قال له: "أنت معلم، لازم تطلع من الفرقة اللي أنت فيها، لون الغناء هذا ما يناسبك أبداً، أنت لازم تمسك لون الغناء حقنا، وصدقني راح تبدع فيه". وفعلاً دكتور دري ومعاه دي جي يلا راحوا عند ألونزو، وقالوا له: "يا ابن الحلال، احنا من اليوم بنطلع من الجروب، وما عاد مكملين معك، لون الغناء اللي أنت ماشي فيه هذا ما يناسبنا أبداً".
وفي عام 1986، دكتور دري ودي جي يلا طلعوا من الجروب حرفياً. وفي نفس السنة 1986، وقتها قرر إيريك رايت أو إيزي إي أنه يترك موضوع تجارة المخدرات وغيره، ويبغى يفتح له بزنس يكون شرعياً، وما وراه أي مشاكل. فجمع فلوس المخدرات اللي عنده كلها، وراح فتح شركة إنتاج موسيقي كان اسمها Ruthless Records، على أساس أنه بيجيب رابرز يغنوا عنده بالشركة، ووقتِها يطلع من وراهم فلوس كثيرة. لأن في نهاية الثمانينات وبداية التسعينات كان موضوع الراب منتشر جداً، وكان بالنسبة لهم مصدر دخل قوي. فايزي إي شاف إن الشركة هذه راح تدخل له فلوس، وتبعده عن تجارة المخدرات. وأول شخص راح له إيزي إي عشان يساعده أنه ينمي الشركة، دكتور دري. راح عند دكتور دري، وقال له: "اسمع، أنا الآن فتحت لي شركة اسمها Ruthless Records للإنتاج الموسيقي، وأبغى فزعتك معي عشان نضبط الشركة ونقدر ننميها ونطلع من وراها فلوس كثيرة. أنا اللي علي أجيب لك العدة اللي تحتاجها، وأضبط لك استديو قوي من الآخر، أنت اللي عليك تجيب الفنانين، تضبط الألحان، تهندس لهم الأغاني، خذ راحتك على الآخر". ودكتور دري في الجهة الأخرى انبسط جداً، أخيراً حصل على البيئة المناسبة اللي راح يبرز فيها إمكانياته بكل حرية. ذاك الوقت لما كان مع World Class Wreckin' Crew ما كان عنده الحرية، لأن ألونزو اللي هو صاحب الجروب كان يمشيهم على أسلوب محدد. الآن هو مع إيزي إي اللي هو ولد حارته، ونفس الشيء مجرم وجينغ ستر ورجل عصابة، يعني ما راح يقول له الأسلوب هذا ما أبغاه، ولا الكلمة هذه ما أبغاها، لا، بيكون حر طليق. فدكتور دري قال لإيزي إي: "تم، بس قبل ما أنا أنضم معاك، في واحد اسمه دي جي يلا، أبغاه ينضم كمان معاي بالشركة". قال له إيزي إي: "تم، ما عندي أي مشكلة، ضم اللي تبغى تضمه، أنا أهم شيء عندي إن الشركة تطلع فلوس". وذاك الوقت دكتور دري مضى عقد مع شركة Ruthless Records، اللي هي مالكها إيزي إي، خويه، مضى على عقد يعتبر احتكار، يعني شركة Ruthless Records هي محتكرة كل أعمال دكتور دري، أي شيء ينتجه دكتور دري سواء مع الشركة أو خارج الشركة في أي مكان آخر راح يكون تابع لإيزي إي. وقتها دكتور دري، بما أن هذا خويه، والآن هو راح ينطلق من هذه الشركة، وهو شايف أن هذا المكان راح يكون البيئة المناسبة بالنسبة له، وقع وهو مغمض. وإيزي إي في الجهة الأخرى طبعاً كان يحب دكتور دري جداً، هذا صديقه الصدوق، وهذا الشخص اللي راح ينمي الشركة حقته، فاستحال أنه يسوي معاه أي شيء غلط، يعني على قول أهل جدة، بيدق معاه دق نظيف. والآن دكتور دري عنده كل شيء يتمناه، ما عادَ الرابرز، يعني هو اللي بيسويه بيطلع ألحان قوية، بس مين الرابر اللي راح يغني بالاستديو، وراح ينشر الشركة أكثر؟ ووقتِها دكتور دري كان تجمع علاقة مع ولد عم دي جي يلا اللي هو آيس كيوب، اللي كان ساعده في البداية في بعض الألحان لأغانيه حقته مع فرقته اللي هي C.I.A. ودري كان يعرف أن آيس كيوب هو الأفضل في كتابة الأغاني. فدكتور دري كلم آيس كيوب، قال له: "تعال الاستديو عندنا، أبغاك تكتب لي أغنية". قال له: "تم". ووقتِها دكتور دري كان مسوي لحن قوياً جداً، آيس كيوب سمع اللحن وبدا يكتب، كتب أغنية قوية ماشية مع اللحن صح، وعلى حسب الأسلوب اللي يبغاه دكتور دري، اللي هو الجينغ ستراب أو راب العصابات، وشيء يمثل الحياة بكابتن. اسم الأغنية Boyz-n-the-Hood، أو العيال في الحارة. هذه الأغنية كانت قوية، ودكتور دري يبغى الشخص اللي يغنيها يكون قوياً جداً. فتواصل مع جروب اسمهم N.W.A، اللي هم Niggaz Wit Attitudes. راح وجابهم بالاستديو، وقال لهم: "أنا عندكم أغنية، أبغاكم تغنوا عليها، اسم الشركة حق Ruthless Records". ومعلومة، جروب N.W.A كانوا من نيويورك، يعني من الإيست سايد أو من الساحل الشرقي، مو من نفس المنطقة اللي هي كابتن اللي بلوس أنجلوس كاليفورنيا، اللي تعتبر في الويست سايد أو الساحل الغربي. فمن ضمن كلمات الأغنية كانت تتكلم عن كابتن والساحل الغربي، فوقت ما كانوا بالاستديو والكلمات قدامهم، كانوا جالسين يطقطقوا على الأغنية: "إيش اللي كابتن وما كابتن؟ احنا ما راح نغني بهذا الأسلوب"، يبغوا يغنوها بالأسلوب حقهم، ما يبغوا يمشوا على نفس الآلية اللي دكتور دري يبغاها، ولا وكمان يستهزئون. [موسيقى] هنا دكتور دري قفلَتْ معه، قال لهم: "تدروا شلون؟ توكلوا على الله، ما أبغى أتعامل معكم، ولا راح تغنوا الأغنية اللي احنا سويناها، روحوا شوفوا لكم استديو ثاني". وراح نادى آيس كيوب، وقاله: "تعال، بما أن أنت اللي كتبت أغنية، ادخل يا حبيبي البوث، وغنيها أنت". آيس كيوب قال له: "أنا ما أقدر أغنيها، لأن اوريدي أنا مسجل مع الجروب حقّي اللي هو Crew in Action أو C.I.A، فما أقدر أغني هذه الأغنية، أنا كتبتها عشانك، الجروب حقّي راح يزعل جداً لو عرفوا إني أنا غنيت الأغنية هذه عندكم بالاستديو وما جبتهم معاي، ومن هذا الكلام. فبليز لو أنك تسامحني". وذاك الوقت مين اللي كان موجود بالاستديو؟ دي جي يلا، دكتور دري، آيس كيوب، وإيزي إي حاط رجل على رجل ويطالع فيهم، ويشوف النقاشات الغريبة اللي جالسة تصير، وما يدخل بأي شيء، لأنه عارف هذا مو مجاله. ووقتِها دكتور دري طالع على إيزي إي، وقال له: "يا ابن الحلال، إيش رأيك أنت اللي تغني الأغنية هذه؟" قال له: "كيف يعني أنا اللي أغني هذه الأغنية؟ أنت تعرف أنا مالي في الراب ولا لي في المزيكة، ابعدني، روح شوف لك واحد ثاني". قال له: "لا
هو هذا كان تاجر ومورد مخدرات كبير، وكان ذاك الوقت في السجن. واصل شوق نايت وقال له: "ترى نبغى نفتح شركة، ومن هذا الكلام. فنبغى مبلغ، ومبلغ كبير جداً، تتكلم عن شركة كبيرة ولها وزنها. طبعاً، هاري، أو بالنسبة له، يبغى كمان ينظف فلوسه، فوافق وعطى الفلوس لشوق نايت وقال له: "يلا روح وافتح الشركة، وأنا راح آخذ منكم نسبة سنوياً". وفعلاً أخذ الفلوس من عنده، وفي عام 1991 تم افتتاح الشركة بشكل رسمي، ديث رو ريكوردز. ووقتها كل شيء تمام. الآن الشركة موجودة، الاستديو موجود، والفلوس عندهم، بس باقي الفنانين: مين اللي راح يغنوا معاهم بـ ديث رو؟
ولحسن حظ دكتور دري، أخوه من أمه اسمه كان وارن جي. وارن جي هذا كان عنده صديق مقرب جداً اسمه سنوب دوج. وارن جي جاء عند أخوه دكتور دري، قال له: "اسمع، عندي فنان قوي على كيف كيفك اسمه سنوب. الرجال هذا أسلوبه قوي وممتع، هذا الديمو حقّه، أباك تسمعه، ولو ناسبك، كلمه وخليته يجي عندك، وتشوفه، وتقعد معه، وتنسق مع بعض". ودري فعلاً أخذ الديمو من أخوه وسمعه. دري أول ما سمع الديمو حق سنوب انبهر فيه جداً، شاف أن هذا عنده خامة صوت غريبة وفريدة من نوعها، وفي نفس الوقت قوية جداً وممتعة. فعلى طول كلم وارن جي، قال له: "ابن الحلال، جيب لي الشخص هذا الآن للاستديو، أباك أشوفه قدامي الآن". وفعلاً وارن جي راح جاب سنوب وجاء عند دكتور دري، وقعد معه بالاستديو. ووقتها سنوب بدأ يسوي فري ستايلات لدكتور دري، لأنه كمان كان متمكن من الفري ستايل، ودكتور دري انعجب فيه أكثر. يعني الشخص هذا يكتب ويغني، لا وكمان قوي بالفري ستايل. هذا الشخص المناسب في الوقت المناسب. [موسيقى]
والآن بوجود سنوب دوج معه، الوضع صار تمام. قال سنوب دوج: "يا حبيبي، أباك تركز معي. صح، أنا الآن أباك أسوي ألبوم من أقوى الألبومات في أمريكا كلها". سنوب دوج وقتها عاد متحمس، قال له: "يا حبيبي، أنا مك انت دندن وأنا بغني". ودكتور دري على طول بدأ يشتغل على الألبوم الجديد اللي اسمه ذا كرونيك. في الألبوم هذا، دكتور دري حط كل طاقته وجهده وقوته في هذا الألبوم، يبغى بأي طريقة أن الألبوم هذا ينجح ويكون من أفضل الألبومات بأمريكا كلها، بالذات أنه الآن طالع من N.W.A وابتعد عن آيس كيوب ودي جي يلا وبقية الناس هذه. ما يبغى يحس أنه حالته ضعيفة، يبغى يثبت لنفسه أنه قوي بدون الناس هذه كلها. هو وسنوب راح يسوّوا اللي ما سُوّي من قبل، وما ننسى دي أو سي معاهم بالصف. والألبوم أخذ منه شغل سنة كاملة، سنة كاملة شغال على ألبوم واحد، صباح مساء عصر مغرب، طول الفترة بس شغال على الألبوم هذا اللي مكون من 16 أغنية.
وبعد ما خلص دكتور دري من الألبوم تماماً، جاء الوقت أنه يبيعه، فطلع مع سنوب دوج وبدا يروح على الشركات التسويقية وعلى محطات الراديو عشان يساعدوا في بيع الألبوم حقّه، الألبوم اللي تعب فيه سنة كاملة. والمفاجأة كانت أن كل الشركات وكل محطات الراديو كانت رافضة رفض كبير أنها تتعامل مع الألبوم حق دكتور دري، والسبب لأن دكتور دري يربطه عقد مع شركة Ruthless Records اللي صاحبها إيزي إي، خويه ومدير الشركة حقهم اللي هو وجيري هيلر. جيري هيلر كان يتواصل مع كل الشركات يقول لهم أن الشخص هذا تبعنا وما أباكم تتعاملوا معه نهائياً. كان له يت في كل الشركات هذه، حتى لو فصل نفسه من N.W.A وطلع خارج Ruthless Records، العائدات جزء كبير منها يروح لإيزي إي وجيري هيلر، لأن العقود في ذاك الوقت كانت عقود احتكار بشكل كامل، يحتكر أعمالك كلها مدة ست سنوات سبع سنوات. اللي هو أما دكتور دري فكان العقد حقّه مدة ست سنوات.
الحل الوحيد عند دكتور دري عشان الشركات تقبل تسوق الألبوم حقّه لازم يفسخ عقده مع Ruthless Records، وطبعاً الفسخ لازم يجي من طرف الشركة، لأن الشركة هي الآن اللي محتكرة دكتور دري. دكتور دري تواصل مع إيزي إي، بما أنه ولد حارته وولد جيرانه ومن هذا الكلام، قال له: "ابن الحلال، خلينا نتقابل ونتفاهم على موضوع فسخ العقد عشان أقدر كمان أنا أشتغل براحة". طبعاً بالنسبة لإيزي إي، لأن دكتور دري سحب عليه وآيس كيوب سحب عليه، حسب الإهانة القوية كيف أنهم سحبوا عليه وتركوه لحاله وما عنده أحد. وحرفياً، الشركة بعد خروج آيس كيوب، قبل ما يطلع حتى دكتور دري، بدأت تدمر تدريجياً، وبعد خروج دكتور دري، ادمرت بالكامل. فهذا الشيء غيّب إيزي إي جداً ومزعل لابعد درجة، مو قادر أنه يتقبل هذا الشيء. فطبعاً هو كان رافض موضوع الفسخ إلا في حالة واحدة: أن دكتور دري يتقابل معه ويترجاه ترجي، وقتها ممكن يفسخ له العقد. وجت الفرصة، إلين عنده دكتور دري، دق عليه وقال له: "تعال نتقابل عشان نتفاهم على موضوع العقد ونسّق". ودكتور دري أنه يجيه في الاستديو حقّه. ثرو إيزي إي ثقة في دكتور دري، راح على طول على الاستديو عشان يقابل دكتور دري ويقعد معه ويتكلم. بس لما راح الاستديو ما جاله دكتور دري، جاله شوق نايت. وعد شوق نايت، مثل ما قلنا رجل عصابات ما يمزح أبداً. أول ما شاف إيزي إي قال له: "اسمع، ما نبغى نطولها، وهي قصيرة. هذه الورقة حق فسخ العقد حق دكتور دري، بتوقع عليها وأنت طيب".
وإيزي إي بالجهة الأخرى كمان هو رجل عصابات قاح ومدقدق، يعني ما راح يجي مع شوق نايت بالساهل، حتى لو ايش ما كان شوق نايت. فبدأ أنه يتكلم مع شوق نايت بفوقانية: "ما راح أوقع ومو بكيفك". وشوق نايت ما عجبه أسلوب إيزي إي أبداً. "جايَك بالطيب وبالأس الحلو بتتكلم معي كذا؟ لا يا صديقي". ووقتها شوق نايت كان معه مجموعة من أعضاء العصابة حقّين البلوز اللي هم أخوية، وقاموا ودخلوا على إيزي إي وضربوه ضرب وخلوه يوقع غصباً عنه، وحتى بعد ما وقع، كملوا وضربوه زيادة لين ما أغمي عليه وتركوه هناك ومشوا. وبعد الضرب اللي ضربوه لإيزي إي وخلوه يوقع الورقة غصباً عنه، وحسبوا أنهم كذا أذكياء وقدروا أنهم يفسخوا العقد بالسهولة هذه، كان إيزي إي لاعب عليهم حتى وهم جالسين يضربوه. التوقيع اللي وقع على فسخ العقد كان توقيع مضروب، يعني لو راح دكتور دري يشتغل فيه بأي مكان يقدر يطعن فيه إيزي إي ويخرب له سمعته حتى من قبل ما تبدأ. وقتها عرف شوق نايت أن ما عنده مخرج مع إيزي إي أبداً، أن غبن منه غبن قوية، ولكن مو قادر أنه يسوي أي شيء. وكذا الألبوم حق دكتور دري اللي هو ذا كرونيك صار معلق، وما هو عارف ايش يسوي فيه أبداً، مو عارف يبيع منه ولا نسخة واحدة.
لين ما في ديسمبر عام 1992، جاء له واحد اسمه جيمي آيوفي، هذا كان صاحب شركة Interscope Records، هذه شركة إنتاج صوتي كبيرة جداً ومعروفة. هذا من ضمن الناس اللي دكتور دري راح عنده وعرض عليه الألبوم أنه يساعده في تسويقه ويضبط له أموره من هذا الكلام. جيمي آيوفي استمع للألبوم وعجبه جداً، قال له: "يا حبيبي، أنا راح أخاطر وآخذ الألبوم حقك وأسوقه، واللي يصير يصير. ومعلومة، أي شيء ينباع الآن من الألبوم حقك، كرانك إيزي إي له نسبة 20%، خلوا المعلومة هذه عندكم". المهم، جيمي آيوفي أخذ الألبوم وبدا فعلاً يسوق له، ووقتها كذا تم طرح الألبوم أخيراً. وجيمي آيوفي كان يدفع أحياناً من جيبه لمحطات الراديو عشان يحط الأغاني على الراديو، وكان متأكد أن هذا الألبوم راح يكون الأقوى في أمريكا. وبكذا جيمي آيوفي صار في ظهر دكتور دري وشوق نايت، وصار صديقهم المقرب، ساعدهم مساعدة ما ينسوها أبداً. أما عن الألبوم، الألبوم نجح نجاحاً تجارياً هائلاً، في الأسابيع الأولى فقط باع أكثر من 500,000 نسخة، ويعتبر هذا الألبوم من أقوى الألبومات في عالم الراب، بالذات في الجانجستا راب. واللي يميز الألبوم، الإيقاعات اللي كان مستخدمها دكتور دري، اللي هي أسلوب موسيقى الفانك اللي كان يستخدموها بالسبعينات، أخذها وحولها وخلاها جي فانك، ميز فيها الساحل الغربي عن جميع ألوان الراب بأمريكا، صار له لون مميز، يستخدم فيها البيس العميق، وفي نفس الوقت الإيقاع بطيء نوعاً ما، ولكن قوي بنفس الوقت، يعطيك شعور غريب جداً، فعلاً تحس أنك أنت رجل عصابات، ولكن بنفس الوقت أنت إنسان كول وهادي ووضعك في السليم. ومن قوة أن الألحان كانت قوية حق دكتور دري، وكانت مشهورة جداً ذاك الوقت، اللحن حق لعبة GTA San Andreas كان مستوحى من نفس طريقة الألحان حق دكتور دري بألبوم ذا كرونيك. [موسيقى] [تصفيق] [موسيقى] لهالدرجة كان التأثير حقها عالي جداً.
وألبوم ذا كرونيك كان بداية انطلاقة كثير من الفنانين في الويست كوست أو في الساحل الغربي، مثل سنوب دوج، داز دلنجر، كوربت، و نيت دو، وكمان وارن جي اللي هو الأخ الشقيق لدكتور دري. يعني فتح مجال لرابرز كثير أنهم كمان ينشهرون عن طريق هذا الألبوم. لو جينا نمسك أفضل الأغاني بالألبوم، كل الألبوم قوي، ولا أنا بعطيكم أفضل ثلاث أغاني، أو اللي نقدر نقول اللي كانت شائعة أكثر. أولها "Nuthin' but a 'G' Thang" اللي غناها مع سنوب دوج، هذه كانت قوية جداً، وإضافة سنوب دوج للأغنية مع أسلوبها الفريد والغريب، تحس أن الإيقاع واللحن إنعمل سنوب دوج نفسه، ضبط الأغنية ومش على الإيقاع مضبوط. [موسيقى] [موسيقى] والأغنية الثانية اسمها "Let Me Ride"، هذه كمان كان أسلوبها فخم جداً ذاك الوقت في كاليفورنيا، كانوا يحبوا يروز بالسيارات ومشوا فيها، ويروحوا من مكان لمكان، ويعلو صوت البيس ومن هذا الكلام. هذه الأغنية كانت للناس اللي تعشق هذا الشيء، وفعلاً انتشرت عند الناس [موسيقى] كلها. أما الأغنية اللي صيدها كان أقوى شيء هي كانت "Deez Nuts"، هذه كانت دس مباشر على إيزي إي وكمان معه جيري هيلر، طقطقوا عليه في الأغنية طقطقة ما خلى فيه شيء. تحس أن دكتور دري طلع كل اللي بخاطره على هذه الأغنية، وكأنه ينتظر الوقت المناسب عشان يسب إيزي إي ويطلع حرته في الأغنية، سبوه على الهادي جداً بنفس ستايلهم وأسلوبهم، ومو لحالها الأغنية اللي كانت تزعل وفيها طقطقة، لا يا صديقي، الفيديو كليب اللي سواه دكتور دري وسنوب دوج عن الأغنية هذا اللي كان الطقطقة نفسها. راحوا جابوا لهم واحد يشبه إيزي إي، ولبسوه نفس الطريقة اللي يلبس فيها إيزي إي، وكيف أنه قصير وأهبل، والناس كلها تطقطق عليه ومن هذا الكلام، يعني مسحوا بكرامته الأرض. [موسيقى]
وأول ما سمع إيزي إي الأغنية في البداية ما سوى شيء، بالعكس، كان يطلع في مقابلات ويطقطق على الموضوع أكثر ويقول لهم: "خلوه يطقطق بكيفه ويسوي اللي يبغاه، ترى ما همني ولا شيء. وكل ما يطلع أغنية سواء سبّني أو ما سبّني، كل المكاسب راح تجيني لعندي، لأنه ماضي عقد معي احتكار مدة ست سنوات، والورقة حق فسخ العقد اللي خلوني أمضيه بالغصب، ترى التوقيع مضروب. ودري دا ترى هي كلها عبارة عن إيزي باي داي". أنا أشوف دكتور دري عبارة عن فلوس قاعدة تمشي... "...begin I did the boys in the hood so I was cruising down the street in my 64, so it's 93 now and Dre is all of a sudden cruising down the street in a 4 now. I he 93 back. Cage patch, stu dancing and lipstick outfit and all tech he would never really from the streets and I fig like what talking about. He he got song called G thing I figur G G stuff come from the concrete the streets which he was never from the streets reason my people aff him let see first those studio gangsters out there somebody not they studio and all hard to do dance. I had no idea that you make money product sno how that work basic I sign exed..." [تصفيق] "...you me you want but I'm paid that's I eas and that's..." ودكتور دري وسنوب دوج فكروا الموضوع على كذا، راح يوقف؟ لا يا صديقي.
في بداية عام 1993، إيزي إي راح الاستديو حقّه وجمع اثنين من أخوياه اللي بالحارة، وسوّى لهم لحن قوي وغنى أقوى أغنية دس ممكن تسمعها بحياتك، اسمها "Real Muthaphuckkin' G's"، سبّ فيها دكتور دري وسنوب دوج وديث رو كلهم، يعني كمان ضاف عليهم شوق نايت. والمصيبة مو هنا، مو على قوة الأغنية ولا قوة الأداء ولا قوة الكلمات، لا يا صديقي، إيزي إي ما ينمزح معه. تذكر الشخص اللي مثل إنه إيزي إي في الفيديو حق "Deez Nuts"؟ راح جابه من تحت الأرض وخلاه يمثل من جديد في الفيديو كليب حقّه "Real Muthaphuckkin' G's"، وبدا يطقطق عليه وغسل بكرامته الأرض. يبغى يوصل رسالة لدكتور دري وسنوب دوج وشوق نايت وديث رو وكلّهم: "إن أنا ما يلعب معي، اللي جبتوه يطقطق علي الآن جبته واهنت في الفيديو كليب حقي، مو أنتم اللي تهينون". وبنفس الأغنية وصف دكتور دري وسنوب دوج بأنهم "استديو جانجستر"، بمعنى أنهم مسوين نفسهم رجال عصابات ويقولوا كلام كبير، "وإنه راح نسوي فيك ونفعل فيك" فقط بالاستديو. لو قابلت سنوب دوج ودكتور دري بالشارع ما راح يسوّوا ربع الكلام اللي يقولوه، يعني كلام على الفاضي. وكمان وصف دكتور دري بنفس الأغنية بأنه شخص مثلي أو "جاي"، يعني ما هو رجال، ليش؟ لأن دكتور دري زمان لما كان مع World Class Wreckin' Cru كـ دي جي كان يلبس اللبس اللي معطينه إياه، واللبس هذا بالنسبة للأشخاص اللي في الأحياء، بالذات في كاليفورنيا، يعتبر لبس "جيز" أو لبس مثليين. وبعيداً عن هذا كله، كمان استخدم صوت دكتور دري واللبس. [موسيقى]
وأول ما نزلت على العلن وسمعوها العالم كلهم وشافوا الشخص اللي جابه إيزي إي بالأغنية هو هو نفسه اللي كان في "Deez Nuts"، بدأت تطقطق على دري وسنوب، وعرفوا وقتها أن إيزي إي أقوى من ثرو كلها. أغنيته بلا منازع كانت الأقوى بالنسبة لأغنية دري وسنوب. وفي نفس السنة اللي نزل فيها إيزي إي الدس حقّه، دكتور دري وسنوب دوج كانوا يشتغلوا على مشروع قوي جداً، وهو أول ألبوم لسنوب دوج مع شركة ديث رو. وفي تاريخ 23 نوفمبر من نفس السنة 1993، سنوب دوج نزل أقوى ألبوم له، كان اسمه "Doggystyle". وهذا الألبوم كان قوي جداً، حتى أقوى من الألبوم حق "The Chronic" حق دكتور دري، لأن سنوب دوج كان عنده خامة صوت غريبة وفريدة من نوعها، وأسلوبه غريب جداً. إنسان يغني كأنه دوبه قايم من النوم، بطريقة تشل جداً، تخليك تسمع الأغنية وترقص غصب عنك. وطبعاً اللي ساعده في الألبوم دكتور دري، لأن بدون دكتور دري ما راح يحلم أنه يسمع ألحان مثل الألحان هذه. وأفضل ثلاث أغاني بالألبوم، الأولى كانت "Gin and Juice"، وهذه تُصنّف كأفضل أغنية لسنوب دوج إلى يومنا الحالي. سنوب دوج بأي حفلة يطلع فيها لازم يغني هذه. [تصفيق] الأغنية. أما الأغنية الثانية فكانت "Who Am I (What's My Name?)"، هذه أغنية تعريفية أكثر، يعني يبغى يوري الناس: "أنا سنوب دوج، والآن موجود بالساحة، ولازم تعطوني الاحترام اللي أستاهله". [موسيقى] أما الأغنية الثالثة فكانت "Murder Was the Case"، وهذه أغنية حب يبرز فيها قوة كتابة الأغاني حقته، وكيف أنه يقدر يحكي قصة فقط بالأغنية وتوصل المشاعر إلى عندك. وقدر أنه يبيع من الألبوم هذا أكثر من 11 مليون نسخة حول العالم، وحصل على المركز الأول في Billboard 200، يعني كان متسيد الساحة بشكل كامل، وقدر أنه يبرز اسمه بين كل الرابرز اللي موجودين انذاك. وحرفياً، هذه كانت الانطلاقة الحقيقية لسنوب دوج.
وبعد نجاح الألبوم بِشهور قليلة جداً، وبالتحديد في 10 يناير عام 1994، دكتور دري كان طالع من الاستديو حق ثرو، ووقتها كان سكران وما هو بوعي. دكتور دري ركب السيارة وتعرض لحادث قوي جداً، ما تعرض لإصابة قوية أو أي شيء، يعني كان حادث خفيف جداً، ولكن الشرطة وقفته، ولما شافوا حالته عرفوا أنه سكران وما هو بوعي ومن هذا الكلام، فمسكوه ووجهوا له تهمة قيادة السيارة في حالة سكر، وعلى اثرها حكموا عليه بثمانية شهور سجن، وعرضوا موضوعه في الأخبار، والكل سمع عنه كيف أن واحد من نجوم الراب سايق السيارة حقته وسكران و "فال أمّه" ويصدم بالعالم. الآن هو مرمي بالسجن. فبالنسبة لدكتور دري، هذه كانت سمعة سيئة جداً. أنت يا دوبك قاعدة تبني إمبراطورية، المفروض أنك تحسن من سمعتك عشان تقدر تبيع أكثر. ووقتها دكتور دري ما قضى محكوميته ثمانية شهور كلها، جلس بالسجن خمسة شهور فقط، والثلاثة شهور الباقية علقوا له سوار إلكتروني على رجله، عشان لو أنه سوى أي شيء غلط أو أنه من جديد راح يركب سيارة وهو سكران ومن ذا الكلام، يحطّوه في السجن، بس المرة هذه بتكون المدة أكبر. يعني دكتور دري حط نفسه في موقف سيء جداً. وفي الوقت اللي كان دكتور دري بالسجن، إيزي إي في الجهة الأخرى يتهاوش مع جيري هيلر اللي هو المدير حق N.W.A، وقرر أنه ما يشتغل معه مرة ثانية، ويبغى يرجع جروب N.W.A من جديد، وكلهم يتجمعوا ويشتغلوا مع بعض.
وأول ما دكتور دري طلع من السجن، تقابل مع إيزي إي، وصفّوا الأمور اللي بينهم كلها، وكل شيء بينهم رجع سمن على عسل، واتفقوا فعلاً أنهم ممكن يرجعوا N.W.A من جديد، ويرجع آيس كيوب، يرجع دكتور دري، ومثل ما كانوا زمان. ولكن بيصير شيء بيدمر الموضوع هذا كله. وقتها إيزي إي كان يشكو من السعال وبشدة، وعلى اثر هذا الموضوع راح على المستشفى عشان يفحص ويشوف ايش اللي فيه واِيش المشكلة اللي صايره عليه، الرجال حاسس أنه تعبان جداً. وبالمستشفى كانت الكارثة، الدكاترة جو عنده أخذوا دمه عشان يفحصه ويتأكد ايش الإشكالية اللي فيه ومن هذا الكلام، بينه وبين نفسه يفكر أن الموضوع كحة وشيء بسيط جداً، ولكن الدكاترة لما جو عنده أعطوه الخبر الصادم، قالوا له: "يا إيريك رايت، الفحص حقك نتيجته طلعت موجبة لـ HIV أو مرض نقص المناعة الايدز، وأنت الآن في المراحل الأخيرة في هذا المرض، فعدّاد حياتك الآن بدأ في النزول تدريجياً". وهنا إيزي إي انصدم صدمة عمره، ومو هو فقط، هو أصدقائه دكتور دري، آيس كيوب، كل الناس اللي كانت تعرف إيزي إي انصدمت وكلهم زعلوا جداً. واللي ما يعرف سبب هذا المرض، والعياذ بالله، السبب الرئيسي لهذا المرض اللي هو العلاقات الحميمية اللي غير آمنة، هذا المسبب الرئيسي لهذا النوع من المرض. فكل الناس تفكيرها جاء أنه ممكن إيزي إي سوى شيء مع إحدى الفتيات وجاله هذا المرض، ولكن الموضوع له روايتين: الرواية الأولى أنه فعلاً راح وسوى شيء غلط مع واحدة، والعياذ بالله، وبعدين جاله هذا المرض وهو ما كان يعرف، بعدين تطور ووصل للمرحلة اللي هو فيها. الرواية الثانية مبنية بطريقة مخالفة جداً، تذكر وقت ما شوق نايت راح وتضارب مع إيزي إي بالاستديو وخلاه يوقع غصباً عنه، وقتها إيزي إي من قوة الضرب أغمي عليه، وقتها شوق نايت أخذ حقنة فيها دم ملوث وفيه المرض وحقن فيها إيزي إي. بتقولوا لي يا ديزياك من وين جبت الكلام هذا؟ بقول: اسمع ايش يقول المبّ هذا. نقدر نقول أن شوق نايت كان يطقطق على الموضوع لأنه هو أساساً كاره إيزي إي وحب أنه يسوي شو لنفسه ومن هذا الكلام. آيس كيوب في الجهة الأخرى سوّوا كمان معه مقابلة وسألوه نفس السؤال، قال: "أكيد لو صار شيء يعني كان إيزي إي بيخبر وبيكلم ومن هذا الكلام". ولكن كيف بخبرهم وهو ممكن أساساً ما يعرف بعد ما أغمي عليه، انطعن وما يدري ايش السالفة. فالموضوع ما أحد يعرفه بتاتاً. "...conspiracy says could the thaty would never tell anybody you just somebody they don't even know you this happen easy somebody motherf pok me..." [موسيقى]
بعد فترة، بالتحديد في تاريخ 26 مارس عام 1995، يعني بعد شهر بالضبط مع معاناته مع المرض، توفي إيزي إي وكان عمره وقتها 30 سنة فقط، وانقلبت مدينة كاليفورنيا كلها لحزن. إيزي إي كان محبوب من الجميع هناك، الكل كان يحبه، كل عيال الحارة يعرفوه وجلسوا معه وسولفوا معه وتكلموا معه، ويحبوه ويقدّروه. وفي تاريخ 7 أبريل، سوّوا له جنازة كبيرة، حضر فيها أكثر من 3000 شخص، من ضمنهم آيس كيوب، إم سي رين، ودي جي يلا اللي كانوا معه في N.W.A، ولكن دكتور دري وسنوب دوج ما حضروا الجنازة، ممكن لأنهم لو حضروا ممكن يسببوا بمشكلة، والشباب اللي هناك ما زالوا متهاوشين معهم، ما هم عارفين أنهم صفّوا الموضوع كله مع إيزي إي قبل ما يموت. ومجموعة ثرو إيزي إي بعد ما مات كانت تقدر بحوالي 20 مليون دولار. وبعيداً عن وفاة إيزي إي السيئة، دكتور دري وسنوب دوج كانوا في شركة ديث رو، أمورهم ماشية زي العسل، هم وذا دوج باوند وكل اللي موجودين. وشوق نايت كان ماسك زمام الأمور صح وممشي الشركة بالرجالة. مثل ما قلنا شوق نايت كان رجل عصابات محنك، ويتعامل بالعنف في أي شيء قدامه، وحول شركة ثرو من مجرد شركة عادية تروح هناك تغني وتنبسط ومن هذا الكلام، لا يا صديقي، تحولت إلى مكان أشبه بالمعتقل، يعني خلى شركة ديث رو اسم على مسمّى، "الطريق إلى الإعدام"، الداخل فيها مفقود حرفياً، واللي يطلع من هناك سليم هذا أمه دعيت له. كان شوق نايت مسبب رعب لكل اللي موجودين، وكلهم كانوا يحترموه ويخافوا منه. وعلى لسان آيس كيوب اللي كان يتعامل معاهم من بعيد بسبب علاقته مع دكتور دري، قال لك: "شوق نايت فعلياً كان مخوف اللي موجودين". [موسيقى]
كلهم ذاك الوقت. شوق نايت حب أنه يضيف شخص جديد لشركة ثرو، الشخص هذا قوي جداً ومن أقوى الفنانين في ذاك الوقت، اسمه توباك آمارو شاكور. توباك كان مولّع الدنيا في أمريكا كلها، والكل كان يعرفه، ما في أحد في أي حي بأمريكا كلها ما يعرف توباك، معروف بأغانيه القوية وكتابته الأقوى، وكان له جانبان بحياته: الجانب السيء اللي الكل يخاف منه، والجانب الطيب اللي الكل يحبه ويشوفه كشخص طيب جداً. وكان توباك يتعامل مع الناس بكل حب، بس أنك تفكر تقلب عليه يصير معك وحش. فتو باك كان الشخص المثالي بالنسبة لشوق نايت عشان يجيبها ويسجّله معاه بالشركة، ولكن ذاك الوقت توباك كان في السجن، كان يواجه تهمة اعتداء جنسي لإحدى البنات في إحدى الفنادق، مع أنه بعدين هو طلع وأنكر الموضوع وأقر ببراءته. "...people all all in right now theam all and in the rep allg I dog with in concer why me angry angry the syem I don't want nobody else to..." كان الحكم حقّه من سنة ونصف إلى أربع سنوات ونصف. وقتها شوق نايت زار توباك في السجن وراح وقعد معه، وقال له: "اسمع، ابن الحلال، أنا أباك تسجل معي بـ ديث رو، وراح أدفع كفالتك، دولار ينطح دولار، كم ما كانت راح أدفعها، ولكن أباك تشد الهمة وتسجل معنا ألبومات قوية ونقدر نعوّض على الأقل المبلغ اللي بندفع". توباك في الجهة الأخرى ما عنده أي حل وما يقدر يرفض الفرصة هذه أبداً، هذه فرصة الحرية، ويطلع كمان ويكمل مسيرته بأسلوب قوي وكويس. فتو باك قال لشوق نايت: "تم، أنا معك". وفعلاً وقع العقود وهو داخل السجن، سوّى له طبعاً شوق نايت عقد احتكار على كيف كيفك، أي شيء بيسويه توباك بعد ما يطلع للسجن شوق نايت وشركة ديث رو عندهم نسبة كبيرة فيها. ولكن توباك عارف لو طلع راح يجي الملايين، حتى بعد النسبة اللي بياخذها شوق نايت أو ديث رو، هو عارف نفسه أنه عنده موهبة قوية، ولا ما كان شوق نايت جاء إلين عنده وتكلم معه وقال له: "أباك تسجل معي".
وبعد ما توباك وقع العقد حق ثرو، اليوم الثاني إلين، وبالتحديد في تاريخ 12 أكتوبر عام 1995، شوق نايت راح للمحكمة ودفع كفالة توباك كاملة، اللي كان وقتها تقدر بمليون و400 ألف دولار، دفعها وهو مبسوط وعارف أنه بيطلع دبلها. وفعلاً توباك طلع أخيراً من السجن، وعلى طول من باب السجن على باب الاستديو مباشرةً. توباك كان متحمس وفيه طاقة عالية، وأول ما راح ثرو لقى الجماعة هناك منتظرينه كلهم، دكتور دري، سنوب دوج، وذا دوج باوند، كل الشباب جاهزين وشغالين صح، ودق معهم صحبة على طول من أول ما جلس معهم، صار خوي دكتور دري، وخوي سنوب، وخوي ذا دوج باوند، كلهم كلهم صاروا يحبوه، هو أساساً كانوا يحبوه من قبل ما يجي ويتمنوا أنهم يشتغلوا معاه. لهالدرجة توباك كان عنده انطباع جميل من كل الناس، والطاقة حقته الإيجابية هذه نشرها بالاستديو كله، الكل صار متحمس أنه يغني ورفع الريتم حق ديث رو للأعلى، وبدا يشتغل على أقوى ألبوم له، ومين اللي بيشتغل له الألبوم؟ دكتور دري، وبيكون معاه فيتات مع سنوب دوج وذا دوج باوند، يعني أموره في السليم، الألبوم بيكون قوي، يعني راح يكون قوي. وفي تاريخ 13 فبراير عام 1996، وقتها توباك نزل أول ألبوم له مع ثرو، اسم الألبوم "All Eyez on Me"، أو كل العيون علي، وفعلاً كل العيون كانت عليه، والألبوم نجح نجاحاً قوياً جداً، قدر أنه يبيع 10 مليون نسخة بأمريكا، و20 مليون نسخة من الألبوم حول العالم، والألبوم كان رقم واحد في Billboard 200، ومو لمدة أسبوع، لا يا صديقي، أربعة أسابيع على التوالي الألبوم رقم واحد، ومشعل ومجنّن الكل. أي فنان يسمع الألبوم حق "All Eyez on Me" لتوباك كان يدق له احترام، يقول له: "هذا الألبوم ولا بلاش". وطبعاً كل الأغاني توب، ولكن أفضل ثلاث أغاني بالألبوم، أو أولها وأشهرها "California Love" اللي غناها مع دكتور دري، هذه من قوة ما إنها كانت قوية، صارت مثل النشيد الوطني بالنسبة لسكان كاليفورنيا، هذه الأغنية كانت رقم واحد بالنسبة [موسيقى] لهم. أما الأغنية الثانية فكانت "2 of Amerikaz Most Wanted" أو أكثر اثنين مطلوبين بأمريكا، ومين معه؟ سنوب دوج. وفي الأغنية نقدر نشوف الكيمياء اللي بينهم، صوت توباك الفخم القوي على صوت سنوب دوج اللي فيه لاي داون وتشل ومن هذا الكلام. وفي الفيديو كليب حق الأغنية هذه بالذات كان في شيء غريب جداً، ايش هو؟ الحين أقول لك، توباك بالفيديو كليب طقطق على بيجي وبوف دادي.
مين بيجي ومين بوف دادي؟ في الوقت اللي كانت شركة ثرو في القمة بقيادة شوق نايت، والنجم الساطع توباك في كاليفورنيا، في الساحل الغربي، في الساحل الشرقي اللي هو في نيويورك، كان في شركة قوية اسمها Bad Boy Records بقيادة بوف دادي أو شون كومز، والنجم الساطع في هذه الشركة كان بيجي سمولز. بقي كمان هذا بنفس أسلوب توباك، قوي وعنده شخصية قوية، والكل في نيويورك كانوا يحبوه نفس الحب اللي يحبوه لتوباك في كاليفورنيا، لوس أنجلوس، كان الناس يحبوا بيجي بنفس الشيء، وعنده جمهور وشعبية كبيرة جداً، نفس شعبية توباك في الجهة الأخرى. وتوباك وبيجي كانوا أصدقاء، ولما أقول لك أصدقاء، أصدقاء مقربين جداً، يعزّوا بعض ويحبوا بعض جداً، لدرجة أن أم بيجي تعرف أم توباك، وهم الاثنين كمان صديقات. ولكن قبل ما توباك ينسجن في عام 1994 حصل شيء دمر الصداقة هذه بالكامل. وقتها توباك كان بنيويورك وكان رايح استديو اسمه "Magic Studio" عشان يقابل جيمي آيوفي اللي هو مدير شركة Interscope، في نفس الوقت اللي هو رايح يقابل فيه جيمي آيوفي بالاستديو حق Interscope، في نفس المكان كان موجود بيجي وبوف دادي ومعهم الجروب حقهم كامل، كانوا جالسين هناك كمان يسجلوا أغنية وأمورهم في السليم. وتوباك كان عارف أنه بيجي موجود هناك وبوف دادي موجود، والعلاقة بينهم أوريدي كانت حلوة. ووصل فعلاً توباك للاستديو، وأول ما بغى يدخل المصعد عشان يطلع يروح يقابل جيمي آيوفي، جاؤه أشخاص ملثمين وبداوا يقولوا له: "يا ابن الحلال، طلع اللي معاك، عطنا اللي معاك"، يبغوا يسرقوا توباك. عاد توباك قاحي وما يفرق معه أحد، على طول بدا يقاومهم: "ما راح تسرقون بالساهل". ووقتها توباك لحاله، الشباب هذول لما شافوا توباك جالس يقاومهم، طلعوا الأسلحة حقتهم وبداوا يطلقوا على توباك، طلقوا عليه خمس طلقات في أماكن مختلفة بجسمه، وعلى اثر الطلق الناري وبدا أنه ينزف ودم من كل مكان، بدا توباك جسمه يضعف وما قدر أنه يقاومهم، وقتها سرقوا كل شيء معاه وتركوه بالمص
الطريقه اللي يغني فيها دكتور دري بالاغنيه هذه بالذات كان ماشي على نفس اسلوب إمنيم، الاسلوب السريع والكلمات الغريبه واللي كلها متداخله مع [موسيقى] بعض. أما الاغنيه الثالثه، كان اغنيه "next episode" هذه، غنى معه فيها سنوب دوج، كوربت، ون دو. والاغنيه كالعاده كانت قويه واسلوبها جديد، والكل انعجب فيها وحبها [تصفيق] [موسيقى].
وبالامر هذا، كذا دكتور دري اعلن رجوعه للساحه وبقوه، والشركه حقتها، افتر ماث، صارت مسمعه في امريكا كلها. وفي شهر يونيو من عام 2000، وقتها قرر دكتور دري انه يسوي رحله موسيقيه كبيره، وسماها "Up in Smoke". جاب فيها المغنيين اخوياء كلهم، كل اللي موجودين في الويست كوست، او في الساحل الغربي، كلهم جابهم بالحفله: سنوب دوج، ني دوج، كوربت، داز، ايس كيوب. كل الناس جت الحفله، واهم عنصر كان إمنيم. وقتها دكتور دري غنى الاغاني حقته المشهوره بالالبوم بالحفله. وهذا يعتبر شطاره وذكاء من دكتور دري، انه بعد الالبوم على طول يروح يسوي حفله، ويخلي الناس تحب الالبوم اكثر، ويتعلق فيه اكثر. ومنها كمان يشهر إمنيم، ويدخله في عالم الهيب هوب مع الشباب اللي في الويست كوست. ومن ضمن الحفله نفسها كمان غنى أغانيه هو وسنوب دوج اللي كان سووها مع توباك، اللي هي "California Love" و"2 of Amerikaz Most Wanted"، يعني أغانيهم مع توباك.
وبعد انتهاء الحفل، فعلا اشتهرت الشركه اكثر، والكل صار يعرف دكتور دري، وسنوب دوج، وبقيه الشباب، وبالذات إمنيم. فعلى طول دكتور دري لعبها صح، وراح طرح البوم ثاني لإمنيم، عشان كمان ينشهر زياده. والالبوم طبعا حقق ضربه قويه، وانتشر اكثر من اللي قبله. ومن بعدها مشيت الامور مع دكتور دري وإمنيم، وبدا انه يرتاح، ونقدر نقول انه تنفس الصعداء. وبيجي فنان جديد راح يبسطه اكثر، وبالتحديد في مايو عام 2002. إمنيم جا عن دكتور دري، قال له: "اسمع، في فنان ابغاك تقابله، صدقني راح يعجبك". وضعه قال له: "مين هذا؟ وايش وضعه؟ وايش اسلوبه في الغناء؟ وهل تتوقع فعلا انه راح يكون قوي؟". قال له: "يا ابن الحلال، صدقني انا ما راح اجيب لك واحد سيء". وفعلا الشخص هذا كان 50 سنت. ومن اول ما جلس دكتور دري معه، عرف ان هذا الشخص راح يكون فنان قوي. وفعلا وقع 50 سنت عقد مشترك مع شركه Shady Records، تعاونا مع شركه افتر ماث، وانتر سكوب ريكوردز، يعني ثلاثه من اقوى الشركات في ذاك الوقت. واساسا 50 سنت كان هو قوي وجامح ومتحمس، ودكتور دري جلس له جلسه واحده، وبدا يسجله في الالبوم الجديد حقه. وفي بدايه عام 2003، 50 سنت طرح الالبوم حقه اللي كان اسمه "Get Rich or Die Tryin'". وهذا كان من اقوى الالبومات في ذاك الوقت، كل اغنيه بالالبوم افضل من الاغنيه اللي قبلها. واللي يبغى القصه كامله حق 50 سنت كمان، هذه تكلمنا عنها في قصه لوحدها، تقدر تشوفها وتسمعها وتستمتع عليها. وعلى فكره، دام وصلت الى هنا، سوي لايك، لا تنسى، الله يعطيك العافيه.
وبعد نجاح 50 سنت المبهر، سو له جروب وسماه G-Unit. وكان جروب قوي جدا. وفي ذاك الوقت دكتور دري اكتشف فنان ثاني من سكان كومبتون، نفس الحاره اللي هو انولد فيها، وكان اسمه The Game. يغني بنفس الطريقه اللي يحبها دكتور دري، اللي هي الجانجستا راب، اسلوبه قريب نوعا ما من اسلوب 50 سنت. ودكتور دري شاف في ذا جيم هذا الفنان اللي برضه بيكون قوي ويفيد الشركه، فعلى طول وقع معاه في شركه افتر ماث انترتينمنت اللي هي تابعه لدكتور دري. وكلم 50 سنت قال له: "يا ابن الحلال، ابغاك تضبط الرجال هذا كمان معك". وفعلا 50 سنت ضمه لـ G-Unit، وضبط له اموره. ودكتور دري سوى البوم قوي لـ ذا جيم، اللي برضه حقق مبيعات عاليه. امور دكتور دري في شركه افتر ماث انترتينمنت كانت ماشيه زي العسل. وفي نفس الوقت دكتور دري كان شغال على البومه "Detox"، ولكن في اثناء عمله بالالبوم كان شايف انه لازم يشتغل عليه اكثر عشان يكون اقوى من اللي قبله، اللي هو "Chronic 2001". وتروح السنين ونوصل لعام 2006. ووقتها دكتور دري تعاون مع جيمي ايوفين، اللي هو مدير شركه انتر سكوب ريكوردز. قرروا انهم يشتغلوا على منتج جديد ويطرحه بالسوق، المنتج كان اسمه "Beats by Dre"، سماعات لاسلكيه جديده ونوعيتها قويه جدا. وبما ان دكتور دري تجمعه علاقه قويه بكل الفنانين والرياضيين والمؤثرين في الوسط الفني بشكل عام، فكان التسويق للمنتج حقه سهل جدا. وزع نسخه من السماعه على كل الناس اللي يعرفهم وساعدوه في التسويق حقها، اللي فعلا انتشرت انتشار واسع، وباع منها كميات كبيره جدا. بدا دكتور دري يفكر باشياء خارج الصندوق، يعني مو كل تركيزه يكون فقط على الاغاني والانتاج وغيره. ومع نجاح دكتور دري في الشركه حقته، والمنتج الجديد مع جيمي ايوفين، اللي هو "Beats by Dre"، وقتها كان في قمه السعاده، ولكن راح يصير شيء اللي راح يدمره تماما. وبالتحديد في يوم 23 اغسطس عام 2008، وقتها جاه خبر صادم لدكتور دري، والخبر كان ان زوجته حصلت على ولده فاقد الوعي بغرفته تماما. ولما جوا الاسعاف عشان يسعفه ويشوفوا ايش حالته، وجدوا انه مات، والسبب كان تعاطيه جرعه زائده من المخدرات اللي ادت الى وفاته على طول، وكان وقتها عمرها 20 سنه.
فق الخبر هذا كان صادم جدا لدكتور دري، اللي دوبه كان مبسوط بنجاحاته، واموره اللي جالسه تصير معاه، وحياته اللي جالسه تصير احسن واحسن. ولكن هذا الخبر كان مدمر لنفسيه دكتور دري تماما. وبعدها دكتور دري تحطم، وبعد عن كل شيء، صارت نفسيته سيئه جدا، مو قادر حتى يركز بعمله مثل اول، وجلس يعاني على الموضوع هذا لفتره من الزمن. وبعدها نطلع لعام 2011، وقتها دكتور دري ومعاه إمنيم وسكايلر جري سووا اغنيه، وكان اسمها "I Need a Doctor". والاغنيه حرفيا كانت عباره عن ان دكتور دري داخل بغيبوبه، وجالس يشوف حياته والاشياء اللي مر عليها كلها، وإمنيم يحاول انه يصحيه من الغيبوبه ويقول له ان لسه الهيب هوب يحتاجك، وانا كمان احتاجك، وانت سبب نجاحي. الاغنيه هذه تركت انطباع قوي جدا على إمنيم، ان عنده وفاء كبير جدا لدكتور دري، الاغنيه كانت من كل قلبه. وبنفس الاغنيه بالفيديو كليب، نقدر نشوف ان دكتور دري راح وزار القبر حق ايريك رايت، او اللي هو إيزي اي، كمان جالس يتذكر ايامه اللي كانت حلوه، وكيف ان بدايته في الراب، وبدايته في كل شيء كانت مع إيزي اي.
وبعدها بسنه، يعني في عام 2012، دكتور دري رجع للعمل، وروحه وشغفه رجعت من جديد. وقتها بدا يتعامل مع فنان جديد، وكان اسمه كندريك لامار. كندريك هذا فنان قوي من الدرجه الاولى، اسلوبه في الغناء والكتابه قدر انه يجذب دكتور دري له. وقتها كندريك لامار وقع كمان في شركه افتر ماث انترتينمنت، ودكتور دري سوى البوم لكندريك قوي جدا، كان اسمه "good kid, m.A.A.d city". وقدر يبيع من الالبوم 3.5 مليون نسخه بامريكا فقط، اما حول العالم قدر انه يبيع اكثر من 5 مليون نسخه. افضل أغاني بالالبوم كانت "Swimming Pools (Drank)," "Dont Kill My Vibe," والاخيره "m.A.A.d city". واسلوب كندريك لامار كان مختلف عن جميع الرابرز، عنده اسلوب خاص فيه وممتع جدا.
وبعد نجاح كندريك لامار، واموره مشيت تمام مع الشركه، كمان دكتور دري عنده حاجه راح تبسطه جدا. في عام 2014، شركه ابل قررت انها تشتري المنتج اللي سواه دكتور دري، اللي هو Beats by Dre مع جيمي ايوفين، بـ 3 مليار دولار. ووقتها طبعا دكتور دري وافق بدون حتى ما يفكر. وبصفقه هذه، دري صار اول بليونير في مجال الموسيقى، وبالتحديد في الهيب هوب. فكانت صفقه ناجحه جدا، طبعا هي 3 مليار، ولكن بعد ما ياخذوا منها التاكس والشير وغيره، يطلع له من 500 الى 700 مليون صافي ارباح. يعني دكتور دري صار بليونير، والنجاحات ما توقفت على كذا. بعدها في عام 2015، قرر دكتور دري انه يسوي فيلم كامل عن حياته بكاليفورنيا، هو وإيزي اي، وايس كيوب، وسنوب دوج، كل اللي صار من اول ما بدا الى وقت ذاك، وسمى الفيلم "Straight Outta Compton"، على نفس اسم الالبوم حقهم الاول. والفيلم حقق نجاح قوي جدا، الكل صار يعرفوا المعاناه اللي مشي عليها دكتور دري، وكيف ان كانت حياتهم صعبه جدا بكاليفورنيا، وكيف حياه إيزي اي، والاشياء اللي مر عليها، وايضا ايس كيوب، وكل الكلام اللي حكيناه بهذه القصه. الفيلم قوي جدا، اللي ما شافه يروح ويشوفه، اذا كنت من محبي الاولد سكول راح يعجبك الفيلم هذا لا محاله.
ولكن في اثناء عملهم لهذا الفيلم، اللي هو "Straight Outta Compton"، صار شيء غريب جدا. تذكروا شوج نايت؟ مو كان مسجون بعد وفاه توباك؟ طبعا هو خرج من السجن في 2001. وطبعا الكره مالي قلبه هو ودكتور دري. وثروته هذه ما صارت منها اي فايده بدون دكتور دري. في الوقت اللي هم شغالين على الفيلم حق "Straight Outta Compton"، كان في لقطه المفروض ياخذوها في مطعم اسمه Tam's Burger اللي موجود في مدينه كومبتون. في ذاك اللوكيشن، في ذاك الوقت، كان موجود واحد اسمه تيري كارتر، وواحد اسمه كلي سلون، يقولوا له "Bone". هذول الاثنين كانوا موجودين في ذاك المكان. شوج نايت جاب سيارته، وطبعا كان وقتها يدور على دكتور دري. نزل من الترك حقه، وراح عند كلي سلون، وبدا يتخاصم مع كلي سلون، ويتكلم وينافخ عليه. ومن هذا الكلام، كلي سلون في الجهه الثانيه بدا يتهاوش معاه ويتعامل معه بنفس الاسلوب حقه. ايش سوى وقتها شوج نايت؟ راح لسيارته، شغل الموتر، وبدا يصدم في اللي قدامه. صدم كلي سلون، وصدم كمان تيري كارتر. كلي سلون جته جروح بسيطه من اثر الصدمه، وقدر انه يطلع منها، ولكن تيري كارتر مات من اثر صدمه السياره. وبعدها شوج نايت على طول شغل سيارته وانحاش من المكان ورجع بيته. وطبعا شوج نايت توقع ان الحادث اللي سواه في الاثنين هذول، اللي هم تيري وكلي، يادوب بس جتهم جروح وصدمات خفيفه، واشياء يعني ماهي خطيره جدا. هو سوى الحركه هذه عشان يخوفهم، ويثبت لهم اني انا ساطي وقوي، وما حد يقدر يكسر كلمتي. فايش سوى؟ راح وسلم نفسه للشرطه. بتقول لي ليه سوى الحركه هذه؟ بقول لك: لان وقتها فكر نفسه ذكي، هو عارف ان هناك في كاميرات سي سي تي في، فاكيد صورت الحادث كله وراح يستخدم ضده كدليل، فقال لك: "خليني اسبقهم بخطوه واروح واسلم نفسي، لعل وعسى ان الشرطه ترافق بحالي، والقاضي ما يعطيني حكم كبير، يعني اني انا جيت بنفسي وماتنحشت، وما كان عندي النيه اني اذي اي شخص". ولكن مثل ما نعرف تيري كارتر اوريدي مات، يعني الان هذه صارت قضيه قتل، قتل متعمد من الدرجه الاولى. فعلى طول طبعا حطوه في السجن، وجلسو هناك بانتظار المحاكمه. ووقتها القاضي حدد الكفاله حق شوج نايت بـ 2 مليون دولار، في حال انه يبغى يطلع الى ما يجي وقت المحاكمه. وطبعا 2 مليون دولار بالنسبه لشوج نايت ولا شيء. نسق مع المحامين اللي معاه عشان يدفعها ويطلع، ولكن المحامين اللي ضده طعنوا بقرار القاضي، والسبب حقهم ان شوج نايت بمجرد ما يطلع ممكن انه ينحاش برا امريكا، بالذات بعد ما انه عرف ان اللي صدمه مات. واضف على ذلك التاريخ الاجرامي حق شوج نايت، فالمحامي اللي ضده شايفين هذه اسباب كافيه انه ما يكون عنده كفاله ابدا، لانه شخص خطر على المجتمع، وممكن يسوي مصايب اكثر. وبناء على هذا الكلام القاضي وافق، ورفع مبلغ الكفاله من 2 مليون دولار الى 25 مليون دولار. طبعا اول ما سمع الحكم شوج نايت انهار تماما، وطاح على طول في غيبوبه سكر، ما قدر يستحمل الموضوع نهائيا، وجلس شوج نايت ثلاث سنوات بالسجن بس عشان ينتظر المحاكمه حقته. وفي عام 2018، وقتها القاضي وصل لحكمه النهائي، وكان الحكم ان شوج نايت مذنب في جريمه قتل من الدرجه الاولى، وعلى اثرها حكم القاضي عليه بـ 28 سنه سجن. وايدي ذاك الوقت عمره 50 سنه، يعني تتكلم انه ما راح يطلع من السجن الا وعمره 78 سنه. هو توقع خمس سنوات، ست سنوات بالكثير، 10، ولكن 28 هي هي حكم المؤبد. وفي ذاك الوقت دكتور دري، وسنوب دوج، وبقيه الشباب كلهم اللي كانوا يكرهوا شوج نايت انبسطوا جدا، الان ما في لا تهديد يجيهم ولا مشاكل ولا غيره.
وفي عام 2020، بدات حياه دكتور دري الشخصيه في النزول تدريجيا، وتعرض لاشياء سيئه جدا، اولها زوجته نيكول يونج، اللي صار له متزوجها اكثر من 24 سنه، صار في خلافات بينهم اللي ادت الى ان زوجته نيكول يونج تطلب الطلاق من دكتور دري. وسبب ان زوجته تطلب منه الطلاق كانت تدعي ان دكتور دري يسيء معاملتها، ويتعامل معها بعنف شديد، يوصل احيانا لانه يمد يده عليها. وبناء على كذا ما قدرت تستحمل وطلبت الطلاق. ومن ضمن الطلبات اللي كانت طالبتها في ورقه الطلاق، ان دكتور دري يحسب لها نفقه بما يعادل 2 مليون دولار شهريا، وفوقها تاخذ نص ممتلكاته اللي عنده، يعني دمار شامل. وقتها دكتور دري ما اهتم بالموضوع كثير، وحط المحامين حقّه عشان يتابعوا الموضوع، ولكن هو كرها تماما، وبدات نفسيته تزداد في السوء، ويدخل في عصبيه مفرطه، اللي ادت الى ان دكتور دري في بدايه عام 2021 يتعرض لمشكله صحيه كبيره. وقتها كان عنده تمدد في الاوعيه الدمويه بالمخ، اللي تسببت في نزيف حاد جدا بالراس، وخضع وقتها للعلاج في العنايه المركزه بسبب خطوره الحاله. وتمكن الاطباء اخيرا من السيطره على النزيف، وبعدها تعافى دكتور دري تماما، وبعد ايام طلع من المستشفى. واول ما طلع وتعافى تماما، اول شيء سواه راح وطلق زوجته. وفي ديسمبر من نفس السنه، عام 2021، وصل معاها لتسويه ماليه، ووافق انها راح تاخذ 100 مليون دولار، بالاضافه لاربع سيارات روز رايز رينج روفر، وسياره اسكيت بس نظام الليموزين، واخرها دباب سبايدر. يعني نتفت اشياء دكتور دري، تنتيف، اخذت معها كل شيء. ولكن بالنسبه لدكتور دري، الاشياء كلها اللي اخذتها زوجته ما تعتبر بالنسبه له ولا شيء، يقدر يجيبها في صفقه او صفقتين بالراحه، ولسه ما زال وضعه المالي كويس واموره في السليم. ودكتور دري وقتها اساسا كان مبسوط، يقول لك: "هذه غبيه لو انها طلقتني بدري، يعني بعد مثلا الصفقه حق ابل، كان طلع لها مبلغ اكبر، ولكن الطمع شين". وبعدها بفتره، دكتور دري راح وسوى اغنيه وسب فيها زوجته، ومضمون الاغنيه يتكلم انها انسانه طماعه ومصلحجيه، واول ما شافتني نجحت تبغى الطلاق عشان تاخذ فلوس، وحتى وانا بالمستشفى ما رحمتني، كانت طالبه بالطلاق كأنه ولا شيء، وما قدرت الحياه اللي عشناها مع بعض اللي هي فوق الـ 24 [موسيقى] سنه.
خلنا نطلع من الجو السيء هذا، ونروح نشوف الاشياء الحلوه. دكتور دري في 13 فبراير عام 2022، قدم عرض السوبر بول، اللي هو الهاف تايم شو، اللي قدمه كندريك قبل كم يوم، وسب فيه دريك. نفس الشو هذا كل سنه في نفس التاريخ. في عام 2022، دكتور دري سوى عرض من اقوى العروض اللي ممكن تشوفها، وجاب فيها سنوب دوج، وإمنيم، و50 سنت، وماري جاي بلايج، وكندريك لامار. وكان عرض قوي جدا، غنى فيها افضل الاغاني اللي سواها دكتور دري، كل واحد في الفنانين اللي جابهم غنى افضل اغنيه عنده، وكان عرض مبهر وجميل، وبنفس الوقت لحظه كبيره لثقافه الهيب هوب، ويعلم الناس ان هذا هو الهيب هوب الحقيقي. حاز هذا العرض على ثلاث جوائز ايمي. ومؤخرا دكتور دري بدا يشتغل في البومات مع الفنانين مثل إمنيم، او سنوب دوج، او كندريك لامار، بدا يركز على شغله اكثر. دكتور دري كان دائما من نجاح الى نجاح، اي شيء يحط يده فيه دكتور دري ينجحه باي طريقه، لانه يحب انه يعمل من قلبه ويركز بشغله بكل ما اوتي من قوه. وبكذا نختم قصتنا، اتمنى انها اعجبتكم، واعذروني ان القصه طويله، ولكن احداثها مثل ما شفتوا. اتمنى انكم لا تنسوا زر اللايك عشان يحفزني اني اشتغل على فيديوهات اكثر بنفس الطريقه ان شاء الله وافضل. والعبره اللي نقدر ناخذها من القصه ككل، شفنا دكتور دري عانى في بدايه حياته بالمعامله السيئه، والعنف، والاسلوب اللي كان حاد جدا عليه، ولكن قدر انه يطلع نفسه من القوقعه هذه، ويروح يبحث عن شغفه والشيء اللي يحبه اكثر، ووجد نفسه بالموسيقى، وتعمق فيها اكثر، ومارسها وتعب بنفسه الين ما وصل للشخص اللي نعرفه كلنا الان، دكتور دري. وكيف انه في مسيرته طلع فنانين كلهم نقدر نقول اقوياء، ولهم اسمهم ووزنهم بالهيب هوب. ورغم الاشياء السيئه اللي صارت له من موت اخوه، او من موت ولده، او حتى من طلاق زوجته، ولكن كان مستمر على نفس المسار، وما ترك الاشياء هذه تدمره وتحبطه وتخليه يوقف بمكانه. "What doesn't kill you makes you stronger." وقاكم الله. ونختم سبحان الله وبحمده، سبحان الله العظيم، ونصلي على سيدنا محمد. ولا تنسوا اللايك والشير والاشتراك. اللايك شدوا الهمه عليه شوي، والسلام عليكم.