إزَّاي تكون باشا في نفسك | رد بشكل يصغَّر اللي بيحاول يتطاول عليك

ثلاث حركات هيخلوا أي حد يشوفك باش هدومه.

أولًا، لما حد يقول لك: "أنت فاكر نفسك مين؟" قول له: "يظهر إن الشخص اللي خلاك تسأل السؤال ده مركز معايا، ليه؟" أنت كده قلبت الترابيزة عليه. بدل ما هو يبروزك إن أنت شخص مغرور، كده أنت اللي بروزته على إنه عنده هوس بيك.

ثانيًا، لما حد يقول لك: "أنت رغاي وبتتكلم كتير." هو برضه بيحاول يحرجك. احفظ الرد ده وقوله على طول بضحكة: "حقيقي، بس بتكلم في المفيد وكلامي بيتسمع يا باشا، عقبالك!" (قصف جبهة). أنت كده سلطت الضوء على غيرته منك علشان أنت مسموع وهو لأ.

ثالثًا، لما حد يقول لك: "أنت مستحيل هتنجح." أوعى تصدقه. هو خايف إنك تنجح وتبقى أحسن منه، غير كده كان علّق ليه؟ لازم تحرجه بالرد ده: "أخيرًا حد قالها! يلا كويس قوي. هبقى أفتكر إن شاء الله لما أوصل إن أنت أول واحد في الهيترز بتوعي." كده أنت بقيت نجم وبروزته على إنه واحد من الفانز بتوعك. هيتمنى فشلك لأنه هيبقى متأكد إنك هتنجح، واليوم ده خلاص هو بقى عايش مرعوب.