اسرائيل تعلن الحرب علي الحدود مع مصر و المخابرات المصرية توجه ضربة النهاية

السلام عليكم، ازيكم؟ فجأة كده إسرائيل جت أعلنت إنها هتخلي الحدود المصرية منطقة عسكرية مغلقة. بطبيعة الحال، معظم الناس اللي طلعت حللت قالوا لك: "والله خلي بالك، ده إسرائيل بتعلن الحرب على مصر، ده والله إسرائيل هتضرب مصر، خلي بالك الأمور العسكرية هتتطور والكلام ده كله".

بس ادعني، هو في تحليل تاني خالص غير اللي اتقال لك في كل قنوات السوشيال ميديا، ماشي؟ وكل القنوات الإخبارية، وأي حد أنت بتسمعه. في تحليل طالع من إسرائيل. ليه إسرائيل عملت كده دلوقتي؟ دلوقتي بالظبط. ماشي؟ فده أمر.

الأمر الثاني، النهاردة نازلة مقالة في واشنطن بوست رائعة بتتكلم عن تزايد النفوذ المصري. وقالت لك: "خلي بالك، مصر قادمة وبقوة". والظاهر كده إن اللي بيحصل في الكواليس أكبر بكتير جداً ما أنت شايفه في الأخبار. لأن خلي بالك، واشنطن بوست بتتكلم إن التحركات المصرية دي، التحركات مش عادية. مصر راجعة لقيادة المنطقة بشكل قوي جداً. ده واشنطن بوست، مش رأي شخصي. فده أمر.

الأمر الثالث، هو مقالة كاتباها أنشل فهر. والحقيقة الست دي ست قوية جداً في مقالاتها. بس الست كانت بتتكلم بتكلم في إيه؟ الست بتتكلم في مصير القوات الدولية. إيه اللي هيحصل في مصير القوات الدولية؟ دونالد ترامب بيقول لك: "إحنا هنشكلها الإنترناشنال ستابلايزيشن فورس أو قوات الاستقرار". الحقيقة المقالة دي ما ينفعش إنها تفوتك، لأن تحليل قوي جداً. إيه اللي هيحصل بالظبط؟ كذا كلام كتير ما يفوتكش طالع في الإعلام الإسرائيلي والإعلام الأمريكي. حضرتك لازم تعرفه عشان تبقى شايف الرؤية بشكل مختلف. مش كل ما إسرائيل تعمل حاجة تقول لك: "إعلان حرب". لا لا، ده في قصة تانية ولعب على كبير. بس طبعاً أشرح لك وأكشف لك الكلام ده كله.

[موسيقى]

قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو تشنج مي. هو واحد من أقوى وأفضل المراكز الطبية في مصر والشرق الأوسط. والحقيقة ده مش إعلان فقط، ده عن تجربة شخصية. أنا جربت مركز تشنج مي بنفسي. والغريب في الموضوع إن أنا لما سافرت أكتر من دولة، شفت نفس الأنظمة اللي بيتم استخدامها في مركز تشنج مي هي اللي بيتم استخدامها في تركيا وفي الدول الخارجية كتيرة جداً، حتى في أمريكا. بس خليني أقول لك حاجة مهمة جداً، إن مافكس تشنج مي تلاقي فيه أسعار أقل بكتير، تلاقي فيه خدمات أعلى بكتير جداً من أي مركز طبي لزراعة الشعر داخل مصر، وحتى في تجميل الأسنان وعمليات التجميل الأخرى. هتلاقي مركز تشنج مي متطور بشكل هيبهرك. اتصل بمركز تشنج مي دلوقتي، لأن الموضوع مش محتاج تجربة. الموضوع لازم تبقى واثق إن أنت رايح في مركز كبير، وفي أطباء عندهم خبرة بشكل كبير جداً، عشان إن شاء الله تبقى واثق من النتيجة. ودلوقتي مركز تشنج مي بقى موجود في الشيخ زايد. وما تنساش تسأل على باكدج السياحة العلاجية عشان تجمع بين العلاج والاستمتاع بتجربة فريدة في مصر. وده رأي أحد العملاء في تجربته في تشنج مي في زراعة الأسنان وزراعة الشعر.

>> أحمد القرني من السعودية: تركيبات أسنان وزراعة يعني.

>> فكم؟

>> والله أنا لي تجربة سابقة مع العيادة.

>> تمام.

>> في مجال زراعة الشعر والحمد لله كانت موفقة.

>> حضرتك نورتنا والله.

>> الله يكرمك، الله يكرمك.

>> سيب لحضرتك الرابط بتاع تشنج مي أسفل الفيديو لو حابب تتواصل معاهم.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك، وأول مرة هتسمعه فيما يخص اللعب بالنار. إيه اللي حصل بالظبط؟ اللي حصل إن إسرائيل كاتس، اللي هو وزير الدفاع الإسرائيلي، عمل اجتماع عسكري مع كل القادة الصهاينة، خاصة القادة العسكريين المسؤولين عن المنطقة الجنوبية أو الحدود مع مصر. يعني وزي ما حضرتك شايف في الاجتماع ده، ووقت الاجتماع كده، إسرائيل كاتس فاجئ القادة دي. على فكرة، حيلة تتفاجأ القادة دي. تنازل في صحيفة هآرتس قال لك: "إسرائيل كاتس فاجئ القادة العسكريين قال لهم: بصوا بقى، حتة الحدود المصرية دي هتبقى منطقة عسكرية مغلقة، وهنعلن الحرب على المسيرات". والحقيقة بعد الاجتماع ده، إسرائيل كاتس نزل تغريدة على تويتر وقال فيها اللي حصل في الاجتماع وقال لك: "إحنا هنعلن الحرب على مسيرات على الحدود المصرية".

>> الجيش بإعلان المنطقة الحدودية مع مصر منطقة عسكرية مغلقة. كاتس قال إنه هذا القرار جاء بعدما أصبح الوضع على الحدود خطيراً على الأمن ولا يمكن أن يستمر، مضيفاً أن تل أبيب تواجه موجة تهريب من الجانب المصري تشمل أسلحة وطائرات مسيرة وذخائر متجهة إلى غزة، وفق تصريحاته. كما تعهد كاتس بإنشاء ردع ضد التهريب وشن حرب على المسيرات التي تعبر من الجانب المصري. حتى إذاعة الجيش الإسرائيلي وهي تعلن الخبر اعتبرت أن استخدام كاتس عبارة "نعلن الحرب" بشأن الحدود مع مصر مؤسف للغاية.

والحقيقة إن أول ما ضحى حصل، لازم حضرتك تعرف إن موقع اسمه "ندزيك"، ده موقع مفروض عسكري مش كبير يعني، بس هو موقع عسكري شوية مهتم جداً بالأخبار العسكرية المصرية. طلع قال لك إن مصر وصفت القرار ده إنه "لعب بالنار". خد بالك، بس مصر وصفت قرار إسرائيل كاتس، وزير الدفاع الإسرائيلي، إنه يخلي الحدود مع مصر منطقة عسكرية مغلقة، إنه "لعب بالنار". ده بالعنوان على فكرة، أنا مش حتى بحاول أقول لك اللي جوه المقالة، ده في العنوان. ماشي؟

طب ليه؟ والله وفقاً لموقع إسرائيل كاس بيقول: "والله إن كده اتفاقية كامب ديفيد انهارت". لأن خلي بالك، اتفاقية السلام بينا وبين إسرائيل بتنص على إيه؟ بتنص والله إن سينا مقسمة أ وب وج. جول مناطق، ولازم تعرف إن أ فيها أكبر تواجد عسكري مصري. منطقة ب بيبقى فيها تواجد عسكري أقل. منطقة ج بيبقى فيها تواجد شرطي. ده على الجانب المصري. الجانب الإسرائيلي في منطقة اسمها الدال. منطقة دال دي بيبقى فيها تواجد عسكري أقل بكتير. طيب، إسرائيل لما تخلي المنطقة العسكرية مع الحدود مع مصر منطقة مغلقة، ماشي؟ أنت هنا بتتكلم إن الوصف في حد ذاته ده انهيار لاتفاقية كامب ديفيد. لأن لما إسرائيل تكلم المنطقة دي منطقة مغلقة، هتتحرك بحرية أكتر عسكرياً، وهتدفع بالعدد اللازم للجنود، وممكن تدفع بالأسلحة الثقيلة اللي هي أصلاً مش موجودة في اتفاقية كامب ديفيد أو كامب ديفيد بتحصر ده. ده الأسلحة الثقيلة على الحدود المصرية، ويبقى في نشاط استخباراتي ونشاط عسكري. أنا عاوز أقول لحضرتك إن وزير الدفاع الإسرائيلي هيستدعي سلاح الجو. ماشي؟

والحقيقة موقع نزيف استند لمحلل عسكري مصري طلع يتكلم لقناة العربية. أنا ما أعرفش ليه بيصدقوا تقاريرهم من قناة العربية. والراجل بيقول: "يا جماعة، كلمة إعلان حرب عن مسيرات ده هيدي أريحية كبيرة جداً للجيش الإسرائيلي. ممكن يقلل التواجد العسكري ويزوده زي ما هو شايف. بس الخطير في الأمر إن أنت بتتكلم إن هيتم استخدام أسلحة خطيرة، ودور المخابرات العسكرية الإسرائيلية في الحرب دي، ده أمر في منتهى الخطورة. ده ممكن إسرائيل ممكن تعمل عمليات توغل، شوف قد إيه عمليات توغل لمطاردة مشغلي المسيرات. ده أمر ممكن الطيران الإسرائيلي يخترق الحدود المصرية المصرية ويقصف داخل الحدود المصرية مطاردة لمطلق المسيرات. شوف قد إيه. ثالث حاجة، ده المخابرات الإسرائيلية عشان ترصد مطلق المسيرات، أنت هنا مش هتستنى المسيرة لما تجيلك وتشوف هي جايلك منين. لا، ده أنت هنا هتطارد مطلق المسيرات في أي حتة وأي حتة دي يعني سينا". فالراجل بيحذر من التحركات دي.

بس الجانب الخافي اللي أنت مش شايفه، إن إسرائيل مش هتعمل كل ده عشان بس تبقى فاهم. إسرائيل لا هتخسرك الحدود المصرية، ولا طياراتها هتخش الحدود المصرية، ولا المخابرات الإسرائيلية ممكن المخابرات الإسرائيلية تنشط في سينا. بس اللي أنت مش واخد بالك منه، إن قرار إسرائيل ده بيجي إمتى؟ بيجي قبل بداية المرحلة الثانية من اتفاقية شرم الشيخ، اللي هي نزع سلاح حماس وانسحاب إسرائيل. طب ليه؟ لأن مع دخول قوات متعددة الجنسيات لغزة، مصر كانت حاطة شرط وحاطة طلب يعني، إن والله قوات متعددة الجنسيات هي اللي تنتشر في محور فيلادلفيا. مع قيام إسرائيل إنها بتعلن منطقة عسكرية عند محور فيلادلفيا، شكراً. الحتة دي مصر ما تطلبش بيها أبداً. ده أمر.

الأمر الثاني، خد بالك من التوقيت. إسرائيل بتقول لك: "والله أصل بس المسيرات كترت جداً على الحدود المصرية اللي بتهرب السلاح". وكل شوية الجيش الإسرائيلي ينزل لك صور الأسلحة المهربة من المسيرات دي اللي جاية عن طريق الحدود المصرية، صح؟ طب المسيرات دي، على فكرة، ما بتزيدش ولا حاجة. بالعكس، عددها أنت ما تعرفش تقول هو زاد ولا قل، لأن الوحيد اللي بيقول لك أعداد المسيرات دي هو الجيش الإسرائيلي. فبيألفها بقى. أنت عاوز تضخم الخبر أو تقلله، ده فقط إسرائيل هي عندها الحقيقة، لأن دي عملية تهريب. فالوحيد اللي يقدر يقول لك إيه، يرد جيش إسرائيل. ماشي؟

فالحقيقة إن إسرائيل بتتكلم على عملية المسيرات دي من بداية الحرب، يعني بقى لها سنتين بتتكلم على عمليات المسيرات دي. دلوقتي حالا اتحركت في موضوع الحرب ده. والله عشان تضرب على محور فيلادلفيا يخرج بره النقاش تماماً. ده أمر. الأمر الثاني، إن خلي بالك الراجل المحلل العسكري زي ما هو قال، إن الطيارات الإسرائيلية ممكن تضرب في سينا أو تخش تعمل عمليات توغل بري أو الكلام ده كله. ممكن يكون قصده كمان إن الطيارات دي ممكن تضرب في الحدود الإسرائيلية. لأن خلي بالك، إحنا بنتكلم على 200 كيلو حدود فاصلة بين مصر وإسرائيل. ماشي؟ الـ 200 كيلو دول كلهم سحر. وعلى فكرة، التقرير بتاع نزيف نفسه بيقول. بيقول لك الشكوى جاية من البدو الإسرائيلي. البدو الإسرائيلي ابتدى يتعاون مع مهربي مخدرات مصريين. هم بيتكلموا في كده. هو ده التقرير النازل. فبيقول لك الطيران هيضرب البدو الصهاينة اللي بيشاركوا في عملية التهريب ده. فالطيران مش هيخترق سينا بس.

اللي أنا عاوز أقول لك عليه، ما تنصدش ليه إن والله ده إعلان حرب، ولا الكلام ده كله. إسرائيل عاوزة تضرب على محور فيلادلفيا. ده أمر. الأمر الثاني، اللي أنت لازم تاخد بالك منه، إن إسرائيل بترد على الحشد العسكري المصري اللي موجود في سينا. وكون إسرائيل بتعلن الحدود المصرية هي منطقة عمليات عسكرية، هو كسر لاتفاقية كامب ديفيد. وده هيخلي انسحاب الجيش الإسرائيلي من سينا أمر مرفوض. يعني هنا أنت حتى مش هتفاوض مع الجانب المصري إن الجيش المصري ينسحب من سينا. الأمر هيبقى مرفوض تماماً. خلاص يا باشا، أنت قطعت الملحق الأمني بإعلانك الحدود مع مصر منطقة عسكرية. ده أمر مهم جداً.

أنا بس أهم حاجة عندي إن حضرتك تبقى عارف، إن إسرائيل لا يمكن تخترق الحدود المصرية. ده أمر. بس عاوز أكد لك الحتة دي. عاوز أكد لك إن الطيران الإسرائيلي لا يمكن ولا يجرؤ يخترق الحدود المصرية. ماشي؟ لأن خلي بالك، الوضع العسكري المصري في سينا صعب إن الجيش الإسرائيلي يقوم بهذه المهام. استحالة. خلاص. ده اللي عاوز أنفيه لك. وحتة إن في حرب بكرة مع إسرائيل، برضه ما تسمعش الكلام ده. خلاص. ما فيش حرب بكرة مع إسرائيل. طب ليه؟ والله لأن الصهاينة عندهم مشاكل كتيرة جداً قبل الحرب معاك.

>> أنا مقتنع إن الحرب مع إسرائيل مش دلوقتي. دي حاجة أنا على قناعة جداً بيها. إن الحرب مع إسرائيل مش حالياً خالص. إسرائيل عندها حزب الله، بتستعد عد لضرب الجنوب اللبناني. إسرائيل عندها الحوثيين، عندها إيران. أهداف أولية بالنسبة لها. بس في نفس الوقت لازم تعرف إن الصهاينة مش هيسيبوك. عشان تبقى فاهم. الصهاينة مش هيسيبوا مصر في ظل إنها بتحاول تقوم. وحتة "بتحاول تقوم" دي اللي قالتها واشنطن بوست. ماشي؟ الصهاينة ما ينفعش يشوفوا إن في جيش بتتعاظم قوته. زي ما قال وزير إسرائيلي. وزير إسرائيلي طلع قال لك كده. قال لك: "الجيش المصري بيتعاظم، والجيش الإسرائيلي فاكر إنه هيبقى في نزهة لو دخل حرب مع مصر". وده أمر مش صح. لدرجة إن الراجل طلب جلسة عاجلة. وزير إسرائيلي يوجه رسالة تحذيرية لنتنياهو ومسؤولين آخرين تجاه مصر. إسحاق فسرلاوف، وهو أحد أعضاء المجلس الوزاري الأمني المصغر، يعبر عن قلقه من تعاظم القوة العسكرية للجيش المصري ويدعو لاجتماع طارئ. بحسب وسائل إعلام إسرائيلية، الوزير أشار إلى استثمارات مصرية ضخمة في البنية التحتية ووسائل القتال وقدرات القيادة والسيطرة. يستدعي فحصاً عاجلاً لجاهزية الجيش الإسرائيلي.

فحرب مش دلوقتي. مش دلوقتي. بس يجب أن تنظر لأفعال إسرائيل إنها أفعال خطرة. وإن المنطقة بتاعة سينا بدل ما هي منطقة سلام واستقرار والكلام ده كله، أصبحت منطقة متوترة. والحدود المصرية الإسرائيلية أصبحت حدود متوترة. وده أمر خطير. ماشي؟ بس ما فيش حرب دلوقتي. عشان بس تفهم كلامي كويس. وما فيش اختراق لحدودك. وما فيش حد هيخش يضرب مهربين داخل حدودك. ده أمر مصر مش هتسمح بيه أصلاً. ماشي؟ بس إسرائيل ما ينفعش تسكت بأي شكل من الأشكال إنها تشوف مصر بتحاول تنتفض اقتصادياً. تشوف مصر أصبحت بتحل كل مشاكلها الاقتصادية. زي والله عند قناة السويس رجعت تاني زيادة 14% في معدل العبور. مصر والله بتتكلم شركة ميرسك عشان ترجع عبور شركة ميرسك من قناة السويس. مصر معدلات السياحة فيها بتحقق أرقام قياسية. وأديك شايف الفيديوهات بتاعة الأهرامات، الناس ماشية في الهرم إزاي عاملة إزاي. يعني أعداد قياسية. المتحف المصري والله وقف قطع التذاكر من كتر الزيارات غير المسبوقة. التصدير الصناعي عندك انتفاضة اقتصادية. دي تخوف إسرائيل أكتر من الانتفاضة العسكرية على فكرة. إسرائيل أهم عنصر لأمانها إن أنت تبقى دولة فاشلة. طول ما أنت بتحاول... أنا بس أحاول أنتقد كلام عشان بس في ناس بتترصد. لازم تعرف، طول ما أنت بتحاول تقوم على رجلك، دي حاجة إسرائيل بتعتبرها تهديد لأمنها القومي أكتر من التهديد العسكري. ما ينفعش يشوفوك ناجح أصلاً. فهيحاولوا إن هم يستفزوك. هيحاولوا إن هم يصعدوا معاك. يعملوا مناوشات معاك. ماشي؟ فده أمر يجب إن أنت تاخد بالك منه.

خاصة إن النهاردة نزلت مقالة في واشنطن بوست. مقالة واشنطن بوست رائعة أو أكتر من رائعة. المقالة بتقول لك إيه؟ بتقول لك: "على فكرة، مصر من الخمسينات للسبعينات كانت قائدة المنطقة. ماشي؟ بس بعد كده ابتدأ دور مصر يخفت نتيجة الأولويات الاقتصادية. وخد بالك، أصبح إن في دول عربية عندها المال بتتحكم في النفوذ. أصبح إن في مشاكل كتيرة جداً أو قضايا كتيرة جداً مصر مش عارفة تدخل فيها بشكل كبير. بس لما تيجي تبص على مؤتمر شرم الشيخ، هتحس إن مصر استعادت جزء كبير من نفوذها الإقليمي في ظل إن أوضاعها الاقتصادية لسه ما تحسنتش". وده أمر يجب إن أنت تبص عليه كويس جداً. وقال لك: "خلي بالك إن المصريين بكل فروعهم، عسكرياً وسياسياً ورئاسياً واقتصادياً وكل حاجة، تحس كده إن هم بينتفضوا بشكل كبير جداً".

بص على المخابرات المصرية. دورها في غزة هيرعبك. ده واشنطن بوست اللي بتقول لك. خلي بالك، دور المخابرات المصرية إنها أقنعت حماس إنها توقف عمليات الإعدامات. حماس لو خدت بالك بعد توقيعها في شرم الشيخ راحت حرب العصابات اللي موجودة في غزة وأصبحت تعدم العناصر بتاعتها. صح؟ المخابرات المصرية دخلت عند حماس وقالت لها: "وقفي الإعدامات دي". ودي حاجة عكس المنطق بتاع حماس. حماس عشان تستعيد هيبتها يجب إنها تعدم أعضاء العصابات دول. خلاص؟ وكانت بتصور الإعدامات وبتطلع الإعدامات. فكانت إسرائيل بتستغل المشهد ده. فاللي أقنع حماس المخابرات المصرية. وما تنساش إن أنا قلت لحضرتك المخابرات المصرية بتمسك المشهد ده في غزة بطريقة مرعبة. عاوزة تقود القوات الدولية. بتتكلم مع حماس عشان ينتخبوا حكومة موازية لحكومة توني بلير لو جه. بتتكلم مع الصهاينة عشان والله تحد من الخروقات الإسرائيلية والكلام ده كله. فالتوغل الاستخباراتي داخل غزة يقول لك إن مصر مش دولة صغيرة. ويقول لك إن مصر كمان عرفت تتعامل مع أبرز أعدائها اللي هو تركيا وقطر، وتتعاون معاهم وتنسق معاهم وتبني حلف معاهم بشكل كبير جداً. تحس إن مصر بتقود المشهد في التحالف الثلاثي، تركيا وقطر ومصر. فمصر هي الدولة الرائدة اللي بتنافس.

طيب، تعالى بص على السعودية. السعودية، الكلام كله اللي طالع على السوشيال ميديا الدولتين بيشتموا بعض. ده في تنسيق عسكري مع مصري سعودي. وهقول لك الكلام ده كله الحلقة الجاية. مصري سعودي في السودان. بلاش في السودان، قصاد أفريقيا بالمناسبة. أنت بتتكلم عن رئيس أركان الجيش المصري زار رئيس أركان الجيش السعودي ووقعوا اتفاقيات ثنائية. طب تعالى بص على التحالف مع الإمارات. آه، في تحالف مع الإمارات كبير جداً. ماشي؟ فانت بتتكلم على دولة مش دولة صغيرة. مش دولة عندها مشاكل اقتصادية ببص عليها. دي دولة بتتحرك في ظل مشاكلها الاقتصادية وبتحاول تحل مشاكلها الاقتصادية، وهي بتقود في قضية كبيرة جداً وكارثية، وهي حرب غزة. حرب غزة، أوعى تفتكر إنها حرب زي ما كل العرب كلهم، بما فيهم إحنا كمصريين، اعتقدنا إنها حرب على الحدود المصرية. ضرب الدوحة هو ما أثبت إن الحرب دي حرب كارثية وهتجر المنطقة كلها لحرب خطيرة جداً. فأن كمصر عارف تطبق اتفاقية شرم الشيخ وعارف إن تخلي الاتفاقية دي تصمد لحد دلوقتي، ده أمر خطير جداً.

طيب، أنا هقول لك تقرير أنت مش هتصدقه. في دلوقتي إسرائيل مسيطرة على 53% من قطاع غزة. وماشيين عاملين حاجة اسمها الخط الأصفر اللي رسمه دونالد ترامب. ماشي؟ الحقيقة الـ 53% دول فيهم أعضاء حماس داخل الأنفاق دلوقتي. أمريكا بتقول لإسرائيل: "طلعي أعضاء حماس اللي داخل الأنفاق". الكاتب الصحفي اللي اسمه عموس هر طلع قال لك إيه؟ قال لك: "على فكرة، إسرائيل لو قبلت حاجة زي كده، إن عناصر حماس يطلعوا من داخل الأنفاق ويروحوا للمناطق اللي مسيطرة عليها حماس اللي هي قبل الخط الأصفر، اللي هم 47% دول، ده هيبقى إعلان هزيمة لإسرائيل". أنت بتتكلم ده إن نتنياهو أهم بند عنده في الحرب على قطاع غزة إن هو هيفكك حماس. هيفككهم إزاي وهو هيسيب أعضاء حماس يطلعوا من الأنفاق ويروحوا للمناطق اللي بتسيطر عليها حماس؟ ده هتبقى هزيمة. خاصة إن حماس ممكن تصور أعضائها وهم داخلين بيخطوا الخط الأصفر وإسرائيل ما بتعملهمش أي حاجة. وإسرائيل قبل ما تجاولهم داخل قطاع غزة وفي المناطق اللي هم بيسيطروا عليها لحد ما يوصلوا للمناطق اللي بتسيطر عليها حماس. فالكاتب الصحفي بيقول لك دي إهانة كبيرة جداً، وإن نتنياهو ما ينفعش يقبلها. لو قبلها هتبقى مصيبة واليمين المتطرف مش هيسيبه. أنت تركت أعضاء حماس اللي قاعدين في الأنفاق في المناطق اللي بتسيطر عليها إسرائيل، تركتهم يذهبوا لحماس. ده أمر خطير جداً. صح؟

>> الولايات المتحدة الأمريكية أكثر ذكاء في التعاطي مع هؤلاء المسلحين. الولايات المتحدة الأمريكية تريد أن يكون هؤلاء المسلحون هم بروفت ما سيحدث لاحقاً. بمعنى 200 مسلح يسلمون أسلحتهم لطرف ثالث ويخرجون في نوع من الاستسلام. تريد أن تهيئ حركة حماس للاستسلام. هذا صعب على حركة حماس، صعب جداً. ثم حين نصل إلى المرحلة الثانية يبدأ نقاش ما يشبه الاستسلام لدى حركة حماس وتسليم السلاح. تكون الحركة قد كسرت حاجز تسليم السلاح. سيقال لها: سلمت السلاح، فما المشكلة بعد ذلك؟ بمعنى أن الإدارة الأمريكية تريد أن تهيئ، أن تستغل أزمة المحاصرين، 200 محاصرين في رفح، لتهيئ مناخات تسهل على المرحلة الثانية نجاحها.

طيب، الحقيقة إن صحيفة اسمها "جروزاليم بوست" الصهيونية. ماشي؟ صحيفة جروزاليم بوست بتقول لك: "هم الأمريكان بيضغطوا على الصهاينة عشان يخلوا أعضاء حماس يطلعوا من الأنفاق ويروحوا لحماس المناطق اللي بتسيطر عليها حماس". صح؟ بس في دولة تدخلت في الأمر. مين؟ مصر. يقول لك إن مصر ضغطت على حماس وضغطت على إسرائيل وضغطت على أمريكا. إزاي؟ قال لك والله إحنا عندنا مقترح كمصر يعني، إن أعضاء حماس اللي داخل الأنفاق في المنطقة اللي بتسيطر عليها الجيش الإسرائيلي يسلموا سلاحهم لينا، لمصر. ماشي؟ مقابل إطلاق سراح. وخلي بالك إن المصريين وصلوا معلومة للصهاينة إن فيه جثة لإسرائيلي رفيع المستوى، مسمينها كده "جولدن بادي"، يعني هو مسمينها كده "الجولدن بادي" أو الجثة الذهبية، مع أعضاء حماس في الأنفاق اللي بعد الخط الأصفر أو في المنطقة اللي بيسيطر عليها الجيش الإسرائيلي. ده على فكرة، الكلمة دي مكتوبة في مقالة عموس هارل بالنص. قال لك إن خلي بالك، في معلومة وصلت للجانب الإسرائيلي إن أعضاء حماس اللي في الأنفاق معاهم جثة مهمة جداً بالنسبة لإسرائيل. فعشان كده إسرائيل ما ينفعش تقتلهم، وما ينفعش تخليهم يموتوا. ولا مش تعرف الجثة دي فين. فإسرائيل دلوقتي في حاجة ماسة إن أعضاء حماس يكشفوا عن أنفسهم، وإن أعضاء حماس يطلعوا من الأنفاق عشان يسلموا الجثة دي اللي هي مهمة جداً بالنسبة لهم.

>> معضلة رفح هكذا باتت تعرف في إسرائيل. كيف تتعامل إسرائيل مع عناصر حماس المتحصنين داخل شبكة أنفاق في حي الجنيني بمدينة رفح جنوبي القطاع، في داخل مناطق تسيطر عليها القوات الإسرائيلية؟ هذا السؤال يطرح منذ أيام وتتداوله الدوائر الأمنية والسياسية. وتكمن المعضلة في التقديرات الإسرائيلية التي تفيد بأن تلك العناصر تملك معلومات عن مكان جثة جندي محتجزة منذ 11 عاماً في القطاع. فهل تقدم إسرائيل على اغتيال عناصر من حماس رغم أن ذلك قد يؤدي إلى انهيار أي اتفاق قائم في غزة؟

بالك، لعب مصريين أذكياء جداً في إدارة المشهد. والمصريين عارفين كل طرف عاوز إيه. ده أمر مهم جداً. الأمر الثاني، النهاردة في مقالة منزلاها أنشل فورمر. ودي يعني محللة سياسية محنكة يعني. بص، عجبتني جداً المقالة بتاعتها. أكتر من رائعة. بتتكلم في إيه بقى؟ تقول لك: "خلي بالك، دلوقتي دونالد ترامب طالع يقول إن في قوات دولية متعددة الجنسيات هيبقى اسمهم إنترناشنال ستابلايزيشن فورس أو الـ ISF". القوات دي هتخش لقطاع غزة عشان تنزع سلاح حماس. بس في مشكلة كبيرة جداً. إيه هي؟ إن برغم إن دونالد ترامب لسه طالع من ساعة تقريباً قبل ما أسجل الفيديو ده، طالع يقول لك: "على فكرة، القوات الدولية دي خلاص هتتشكل وهيخشوا قطاع غزة والكلام ده كله". الست بتقول: "لا، الواقع إن ما فيش حد عاوز يشارك في القوات الدولية دي". ليه؟ ما حدش عاوز يحارب حماس. ما حدش عاوز يحارب حماس. وهي فسرت لك المشكلة. قالت لك: "طب تعالى بص، ملك الأردن، الملك عبد الله، طلع قال لك: أنا لو دخلت قوات أردنية أو عربية مثلاً لقطاع غزة، ماشي؟ المشهد إن في جندي أردني بيطلق النار على جندي من حماس أو عنصر من عناصر حماس، ده مشهد هيكون قاتل في الأردن". خلي بالك، في فلسطين كتير جداً في الأردن. المشهد ده لو طلع في التلفزيون إن الجيش الأردني أو قوات أردنية بتشارك في الـ ISF أو قوات الاستقرار دي اللي دونالد ترامب بيكونها داخل قطاع غزة، المشهد ده هيكون قاتل بالنسبة للأردن. فـ الأردن تعملها إزاي؟ فده أمر. طب بالنسبة لمصر؟ أعتقد نفس الشيء. ما أنت مش هتشوف جندي مصري بيطلق النار على جندي من حماس داخل غزة. أنا مش بقول لك في حتة بره، داخل غزة. ماشي؟ وده أمر أنت مش هتقبله كواجب مصري. فده أمر. وامر ده يثبت لك إن والله إن القوات العربية عندها مشكلة إنها تخش داخل القوات دي.

طيب، تعالى بص على الإمارات. الإمارات بتقول لك: "إحنا مش هنشارك في قوات غير لما حماس تمشي". حتة نزع سلاح حماس ده، إحنا مش هندخل جنود إماراتيين في الموضوع. فالعرب عندهم مشكلة إن هم يشاركوا في القوات دي في ظل إن المهمة الأساسية للقوات نزع سلاح حماس. ونزع سلاح حماس دي مهمة إسرائيل فشلت فيها على مدار سنتين. فالقوات العربية عندها مشكلة. طيب، تركيا مثلاً. تركيا أبرز نقطة عندها إنها عندها نفوذ على قادة حماس. فما بالك إن تركيا دي اللي هي شاركت في الوساطة وقدرت إنها تقنع قادة حماس أو جزء منهم بالسلام واتفاقية السلام والكلام ده كله، تيجي تخلي قواتها تقتل حماس؟ مش منطقي. ولا القطريين يعرفوا يعملوا كده. فالعرب كلهم والأتراك ما يعرفوش يعملوا كده.

طيب، تعالى بص على قوات أخرى. قوات أخرى زي مثلاً مين؟ زي مثلاً كازاخستان. أصل دونالد ترامب قال لك: "كازاخستان هتمضي على إبراهام أكورد أو اتفاقية إبراهيم يعني، وتعترف بإسرائيل والكلام ده، ومستعدة تشارك في الـ ISF أو قوات وتدخل قوات في غزة". صح؟ القوات اللي هتخش دي لازم تعرف إنها ما عندهاش أي خبرة في غزة. وهتخش هي هتتقتل؟ هي هتتقتل مع السكواد دي؟ هتحصل فيها إيه؟ واحد داخل ما عندوش خبرة بالميدان اللي هو هيحارب فيه وفاكر إنه جاي نزهة، هيكتشف إنه داخل يحارب حماس. لأنها تلقي سلاحها، هيحارب حماس وهيعمل مهمة الجيش الإسرائيلي بالترسانة الأمريكية ما عرفش ينجزها في سنتين. إيه؟ هتبقى مقذر.

طيب، تعال بص على إسرائيل. ما هي المشكلة الثانية بقى من إسرائيل. تعال بص على إسرائيل. إسرائيل بتقول لك إيه؟ لا، أنا ليا شروط. مين اللي يشارك ومين اللي ما يشاركش. وعلى فكرة، في ناس في أعضاء صهاينة ومسؤولين صهاينة اتكلموا مع أنشل فورمر قالوا لها إيه؟ قالوا لها: "بص، الصهاينة مش عاوزين يشوفوا جنود بريطانيين ولا فرنسيين". ده بسم الله الرحمن الرحيم كده، مش عاوزين نشوف لا قوات فرنسية ولا قوات إنجليزية قطاع غزة. ماشي؟ وبتقول لك والله هم بيتهموا إن الدولتين دول يعني خدوا إجراءات ضد إسرائيل في وقت الحرب والكلام ده كله. فمش عاوزين يكافؤوهم إن هم يبقى لهم قوات داخل قطاع غزة أو يبقى لهم دور. برغم إن إيمانويل ماكرون نفسه طلع قال لك: "أنا مش عاوز أشارك". بس إسرائيل ومسؤولين صهاينة قال لك: "مش عاوزين نشوف قوات فرنسية أو بريطانية". ده أمر.

طيب، تعال تاني. إسرائيل بتقول لك إيه؟ مش عاوزين نشوف قوات قوات تركية ولا قطرية. أنت عاوز مين يشارك؟ قال لك والله القوات الأقرب بالنسبة لإسرائيل إنها ممكن تقبل بمشاركتها هي قوات من أوروبا الوسطى. هو قصده إيه أوروبا الوسطى؟ قال لك والله زي دول زي بولندا، زي جورجيا، زي أوكرانيا، زي الكلام ده كله. الصهاينة ممكن يقبلوا بالحاجات دي كلها. ليه؟ لأن خلي بالك، أبرز المهاجرين الأشكيناز الصهاينة جايين من الدول دي. يعني لازم تعرف إن نتنياهو أصله أوكراني. نتنياهو أصله أوكراني. ماشي؟ مش بقول لك أنا بشبه إن في علاقة بين زيلينسكي ونتنياهو. ها؟ فانت بتتكلم إن الدول دي اللي زي أوكرانيا وبولندا والحته دي، الصهاينة رحبوا بيهم. منهم فيهم. ده بالعكس، ده اللي يخدموا الصهاينة. ماشي؟ فقال لك الصهاينة ما عندهمش مشكلة في الحاجات دي كلها.

فـ التعقيدات اللي طالعة من إسرائيل ورفض القوات العربية، والتعقيدات اللي في الدول الأوروبية اللي مش عاوزين يبعتوا قوات، الكلام ده كله يقول لك إن تكوين قوة مستقرة أو قوة الاستقرار الدولي، إنترناشنال ستابلايزيشن فورس، أمر ممكن يبقى حلو. مش منطقي إلا بحالة واحدة بس. إيه هي بقى الحالة الواحدة بس اللي تقبل القوات دي كلها تخش؟ حاجة واحدة. إن القوات دي ما تخشش داخل قطاع غزة. تبقى المهمة نزع سلاح حماس. بس مش في المنطقة اللي هي 47% اللي هي فيها أعضاء حماس. إزاي؟ قال لك إن القوات اللي تيجي يتم إرسالها تقف على الخط الأصفر. تقف على الخط الأصفر وعلى حدود قطاع غزة. ما تخشش في الداخل. وبعد كده بعد سنة من تشكيل القوات دي، إسرائيل تنسحب من الـ 53% اللي مسيطرة عليهم من قطاع غزة. وبعد كده القوات اللي هي الدولية دي تاخد مكان إسرائيل. فتصبح حماس في المنطقة اللي هي فيها دي بسلاحها. لأن خلي بالك، حتة إن هم ينزعوا سلاح حماس ده أي كلام. على رأي الست. فما تتعشمش قوي إن حماس ممكن تلقي سلاحها. ويوم ما تلقي هتلقي بقى الصواريخ أو الهاون والكلام ده كله. إنما سلاح الرشاش والسلاح الشخصي مش هتلقيه. خلاص.

فقال لك القوات دي تاخد مكان القوات الإسرائيلية لما القوات الإسرائيلية تنسحب من الـ 53%. طب وإيه المشكلة؟ المشكلة إن غزة هتتقسم نصين. والمنطقة اللي بتسيطر عليها القوات الإسرائيلية اللي هي الـ 53% دي، لما القوات القوات الدولية تمسك مكانها، هتصبح فيها استثمارات خارجية وأمريكية وأوروبية وكل حاجة. لأن المنطقة دي ما فيهاش حماس. ما فيهاش حماس تاني. حاجة، المنطقة دي هيبقى فلسطينيين حابين إن هم يعيشوا فيها. فهيتركوا حماس وحيدة. وساعتها حماس مش هتعرف تجند الفلسطينيين. لأن معظم الفلسطينيين هيحبوا يروحوا فلسطين اللي هي معمورة مش فلسطين المدمرة. وتصبح حماس أضعف وسهل القضاء عليها في المستقبل. خدت بالك الفكر؟ فهم إيه؟ سلم واستلم. الصهاينة هيدوا المهمة دي للقوات الدولية وينسحبوا من الـ 53%. إنما حتة القوات الدولية تخش تقتل عناصر حماس والكلام ده كله، ما الكلام ده ما أكلش. ماشي؟ كده.

فالخطورة كلها في الفترة اللي هي السنة الأولانية. إزاي القوات اللي هتخش دي هتندمج أو حماس هتسمح لها بالسيطرة على حدود قطاع؟ هي دي القصة كلها. بعد السنة، القوات دي هتنتقل وتسيب حتى الـ 47% تسيبهم لحماس. بس تروح تاخد مكان القوات الإسرائيلية. وتصبح غزة مقسمة لعملية ريفييرا اللي كان دونالد ترامب بيقول عليها. في الآخر، يا رب أكون شرحت لك الموضوع بشكل مبسط. حرب مع إسرائيل قادمة، بس مش دلوقتي. وأوعى تشوف في لحظة إن جيشك ضعيف أو ممكن يقبل بأي حاجة. خلاص. جيش قوي جداً. جيشك عارف هو بيعمل إيه. الصحف العالمية بتشيد بقدرات مصر السياسية والاستخباراتية والعسكرية. فما يجيش واحد زي إسرائيل كاتس يقول لك: "والله ده إحنا هنعمل ونسوي". سيبك يا باشا. الراجل راسم على محور فيلادلفيا وعاوز وأنت صاحي وشايف الكلام ده كله. ويا رب انصر مصر. إن شاء الله هينصرنا. يا رب ينصر العرب. ويا رب انصر فلسطين. يا رب تحيا مصر.

تاريخ ساحر مليء بالأسرار. نقوش عابرة للأزمنة والحدود. حضارة ملء السمع والأبصار. سيرة ملوك وملكات عظام شغلتهم الأبدية فامتلكوا مفتاح الحياة. لنقف أمامهم مبهورين بما عرفوه منذ آلاف السنين. ونحاول اليوم فك رموز في كل حجر بنوه. في كل حرف دونوه على الجدران والبرديات والتوابيت. علوم قديمة قدم التاريخ. وسر من أسرار الخلود. والآن أصبح للعظمة عنوان في مصر. 100,000 حكاية عن العقيدة، العلم، الحب، الفن، عن الإنسانية. آثار تعرض لأول مرة منذ اكتشافها. تكشف المزيد من الأسرار لتحكي قصتهم كاملة. المتحف المصري الكبير. أكبر متحف في العالم لعرض آثار الحضارة المصرية القديمة. تعود فيه أعظم حضارة. في 1 نوفمبر 2025.

[موسيقى]

>> يا محروسة بسيف شاطر وسيف حارس عليك. يا مين ومن فوق السماء السابعة حميك رب العالمين.

[موسيقى]