٥ عادات غريبة بتخلي الكل يحترمك رغمًا عنهم!

لما تقول لك مثلا شكلك بتاع بنات، هتقول لها: "هو انت عايزاني أبقى بتاع ولاد ولا إيه؟"

هوبا، لما تقول لها كلام حلو وتقول لك: "طبعًا، أنت بتقول كده لكل البنات"، هتقول لها بكل تناحة: "هو أنا فاضي أقول لكل مرة ولا إيه؟"

مش لازم تكون محبوب، بس لازم الناس تحترمك. وعادات النهارده دي لو مشيت عليها بالحرف، هتخلي كل اللي حواليك يعيدوا حساباتهم معاك. العادات اللي أنا هقول لك عليها النهارده دي مش للجميع، دي بس عادات للرجالة.

مبدئيًا كده، عايزك تعمل لايك، لايك للفيديو وتشترك في القناة لسه ما اشتركتش. كل أسبوع برجع عليك بنصائح لبس، ثقة بالنفس، علاقات، وبيزنس. طول ما أنت مع الكاوي مش هتحتاج حاجة أبدًا، أنا وعدتك من زمان هخليك على وضعك حتى لو غصب عنك.

في الفيديو ده هشارك معاك عادات الناس هتقول لك عليها مؤذية أو سلبية مكروهة، بس في الحقيقة العادات دي سر من أكبر الأسرار اللي بتخليك مؤثر جدًا وجذاب جدًا والناس محترماك. تعالوا نبتدي.

أول عادة ودي مهمة جدًا، دايما حافظ على الـ eye contact من غير ابتسامة. الناس دايما هتقول لك: "ابتسم للناس"، بس في الحقيقة لما بتعمل كده كتير بتبقى أراجوز مش محترم، هيبتك بتروح. لما تبقى 24 سنة، الناس ما بتاخدكش بجد لما تتعامل مع أي حد.

لما تبص في عينه من غير ابتسامة، تحافظ على الـ eye contact بوش محايد زي ده دلوقتي كده، ولا منك مكشر ولا منك بتضحك. لما تعمل eye contact من غير ابتسامة، أنت كده بتبعت رسالة واضحة إن أنا مش مضطر أعاملك كويس، أنت لازم تثبت لي نفسك الأول.

طب ده بيخلي الناس يحترمك إزاي؟ ببساطة عشان الناس بتخاف من اللي مش باين عليه أي مشاعر، مش باين عليه هو بيفكر في إيه. بيخليهم يتهزوا ويفكروا 1000 مرة قبل ما يقللوا منك أو يستهينوا بيك.

لما مثلا تتعامل مع راجل أو شاب، لما بيقول لك: "إيه يا عم مالك بتبص لي كده ليه؟ مش مبسوط ولا إيه؟" أنت بصوت هادي وبنظرة ثابتة تقول له: "أنا مش مضطر أضحك على الفاضي"، وتسكت. وش محايد من غير ابتسامة، الـ eye contact.

طيب مثال مع بنت بتقول لك: "مالك في إيه؟ أنت واخد الموضوع بجد كده ليه؟ ما بتضحكش ولا إيه؟" تاخد بكل بساطة سب من المشروب بتاعك وتقول لها: "أنا مش مضطر أضحك عشان يعجبك شكلي." الحوار ده هيخليها تفكر فيك طول الليل.

تاني عادة ودي مهمة جدًا، ما تتكلمش عن إنجازاتك بابلكلي أبدًا من غير ما تتسأل عليها. الناس كلها بتحب تتكلم عن نفسها جدًا، بس الغريب إن اللي ساكت دايما بيبان غامض. الناس بتخاف منه، بيبان أخطر. الهدوء بيدي انطباع إن عندك أكتر بكتير من اللي باين عليك أو من اللي ظاهر.

طب إزاي الموضوع ده بيخلي الناس تحترمك أكتر؟ ببساطة عشان الناس هتحاول تكتشفك أكتر. الفضول لوحده هيخليهم ينجذبوا ليك أكتر وبيخلي كلامك لما تقوله ليه وزن أكتر.

مثال مثلا مع شاب أو راجل أو ولد، لما يلاقيك داخل بعربية حلوة ولابس كويس، لابس ساعة رايقة، لابس طقم حلو، يقول لك: "هو أنت بتشتغل إيه بقى؟" أنت بكل بساطة كده هتقول له: "شويه حاجات بسيطة كده، بس الحمد لله الدنيا ماشية كويس"، وتسكت. سيبه يحاول ينخرط وراك، سيبه يبقى عنده فضول بالأسابيع. ما تقعدش تقول كل اللي أنت بتعمله بحماس وشغف، لا سيبهم لما يدوروا وراك، يكتشفوا أكتر وينجذبوا أكتر، ينبهروا أكتر.

مثال مثلا مع بنت، وده حصل معايا شخصيًا، أنت مشهور بقى على الإنستا وما بتردش على حد، أنت مغرور؟ أو ببساطة أنا قلت: "أنا ما بفتحش أصلًا إنستغرام إلا كل فين وفين"، واسكت. سبتها تفكر أنا بعمل إيه، تدور عليا كده تشوفني أنا بعمل إيه، من غير طبعًا ما تلاقيني. ما بتكلمش عن أنا بعمل إيه إلا نادر جدًا جدًا. ما بحكيش إنجازاتي أبدًا.

وبخصوص الموضوع، نادر فـ "ميك لينك" خاصم العيد ميلاد بتاعه بمناسبة إنه بقى عنده سنة واحدة. البيبي بتاعي قرب يخلص، فاضل أسبوع واحد. لو أنت لسه ما اشتريتش حزام الـ "ميك لينك"، ادخل دلوقتي على الستور أو خش على اللينك اللي قدامك على الشاشة، اشتري لك حزام واستعمل الكوبون كود "بيرث داي 15" هتاخد خصم 15% بمناسبة العيد ميلاد وشحن مجاني بمناسبة العيد. كل سنة وأنتم طيبين.

وفوق كل ده، لو أنت في الإمارات، متاح بعد الخصم وبعد الشحن المجاني تستعمل خدمة "تابي" للتقسيط الحلال على أربع دفعات من غير فوايد. كده أنت خطت خصم وشحن مجاني وعلى أربع دفعات كمان من غير فوايد. مروع عليك جامد.

زي ما أنت عارف، حزام الـ "ميك لينك" ثلاث توكات مع ثلاث حزم. كل التوكات بتمشي على كل ألوان الحزمة. معاك اللون الجولد في بني، اسمع معايا، ملوش حل. ومعاك اللون السيلفر في أزرق، المفضل شخصيًا عندي. ومعاك طبعًا اللون البلاك أون بلاك، الأسود في أسود، المفضل للجميع.

هتسألني طبعًا: "مكاوي، هو بيعمل الصوت ده إزاي؟" هقول لك عشان التراك ده ورا، بص التفاصيل. لوجو "ميك لينك" على وضعه، والتراك ده بيقفل عليك بالملي زي ما أنت شايف كده، اهو. ملوش حل. وطبعًا لوجو "ميك لينك" زي ما أنت شايف قدامك اهو، أسطوري. الشغل كله في التفاصيل. ادخل اشتري لك حزام أو اتنين. الأوفر ده هيخلص كمان أسبوع، ما تضيعش وقت. ما بينزلش اللي قلت لك نادر جدًا في العيد ميلاد وفي بلاك فرايدي في ديسمبر إن شاء الله. روق على نفسك.

عايزك تحس إن أنا حاسس بيك. هنخش هنا على تالت عادة جبّارة جدًا بتخلي الناس تحترمك، دايما وهو إنك أنت اللي تنهي كل محادثة أو كل خروجة. الناس بتحب اللي وقته غالي جدًا، مش اللي قاعد معاهم للصبح ومش عايز يمشي.

لما تسيب المكان أو تقفل المحادثة وأنت في البيك بتاع المحادثة، وأنت في أحسن حالاتها، قمة الاهتمام، الناس بتموت وتفضل مستنياك ترجع. هتموت على الوقت اللي هتشوفك فيه تاني. ببساطة عشان أنت كده بتعلمهم إنك مش متاح دايما، وده بيخلي وجودك ليه قيمة عالية جدًا عندهم.

مثال مثلا لو أنت واقف مع راجل أو واقف مع صاحبك أو واقف مع أي حد، دايما بعد ما تخلص الكونفرزيشن، تعتبرها مشن. تاخد المعلومة اللي أنت عايز تاخدها أو توصل المعلومة اللي أنت عايز توصلها وتقفل اليوم على طول. تقول: "لازم أمشي، ورايا حاجة مهمة أعملها"، حتى لو أنت رايح تقعد على السرير عادي.

لو أنت مثلا واقف مع بنت في الجامعة أو في الجيم، بعد ما تكلمها تاخد الإنستغرام بتاعها، تاخد نمرتها، تظبط معاها خروجها أو أو تخلص المشن، تقول لها: "انبسطت جدًا إن أنا شفتك، بس لازم أمشي دلوقتي، ورايا شوية حاجات كده." وهي لسه حابة حابة تتكلم في قمة الاهتمام، في قمة الكونفرزيشن. هتموت لما أنت تبعت لها قدام، أو هي اللي كمان هتبعت لك. مش هتستنى. ركز في الحوار ده جدًا. دايما أنت اللي اقفل الكونفرزيشن أو اقفل الليلة أو اقفل الخروجة، حتى مع الناس اللي أنت بتحبهم.

هنخش هنا على العادة اللي بعديها ودي أسطورية، بس لما تحترفها، وهي إن أنا عايزك تتجاهل الرسائل وتتجاهل الكلام حتى لما تشوفه. مش كل رسالة تجيلك مستاهلة الرد فورًا. لا بالعكس، كل الرسائل لازم تستنى عليها يومين على الأقل. أولوياتك اللي أنت بتعمله دلوقتي، شغلك، شغلك وتسكاتك أهم بكتير.

لما تتجاهل الرسائل، الناس بتبقى عارفة وقتك مش للكل. ببساطة بيفهموا إنك مش عبد للموبايل، مش متاح دايما، عندك نظام حياة وسيستم ماشي عليه ما ينفعش تكسره.

مثال مثلا لو واحد صاحبك أو راجل يقول لك: "أنت شفت المسج بتاعتي ولا لأ؟" أنت هتقول له: "آه شفتها، بس مركز في شغلي شوية، ما فضيتش أرد." أنت كده بتخليه يراجع نفسه إنه بيلح بزيادة.

مثال مثلا مع بنت، لما تبعت لك رسالة وما تردش، لما تقول لك مثلا: "على فكرة أنت ما ردتش على رسالتي، أو أنت ما ردتش على المسج بتاعتي ليه؟" هتقول لها: "كنت قاعد في ميتنج، ما فضيتش." ترد. هي دلوقتي هتبقى هتموت وتركز معاها زي ما أنت مركز في الشغل والميتنج. أنت بتبقى فاكر إنك ممكن تزعلهم، بس في الواقع أنت كده بتخليهم يحبوك أكتر ويتشدوا لك أكتر.

خامس عادة ودي جبّارة جدًا لو احترفتها، وهي إنك أوعى تتجاوب مع البنات اللي بتختبرك. من قديم الأزل ودايما هيحصل إن البنت هتعمل لك "شات تست". أياً كانت البنت مين، البنت لما تجرب تلعب معاك لعبة اختبار، "شات تست"، أو تقول لك كومنت يهزك شوية أو يضايقك أو ينكشك، دورك هنا مش إنك ترد بجدية وتدافع عن نفسك. لا، لازم تبين لها إنك بتلعب في مستوى تاني خالص.

طب إزاي الكلام ده بيخليهم يحترموك أكتر؟ بيفهموا إنك ما بتتاثرش بسهولة، إنك مش تحت السيطرة، مش سهلة.

مثال مثلا لو أنت خرجت مع بنت وقلت لها مثلا كلام حلو أو خدتها مكان حلو، هتقول لك الجملة الشهيرة: "طبعًا، أنت بتقول كده للبنات كلها." أو "طبعًا، أنت أكيد بتجيب البنات كلها هنا."

أوعى تقول: "لأ، أنت أكيد مميزة عندي، أنت سبيشال، ما عملتش كده قبل كده." أوعى تعمل كده. ما تدافعش عن نفسك.

لما تقول لك مثلا: "أنت أكيد طبعًا بتجيب البنات اللي أنت بتخرج معاهم كلهم هنا؟" هتقول لها بكل تناحة: "ما أقدرش كد أو أوان في الكلام ده، أنا قربت أبقى صاحب المكان."

لما تقول لها كلام حلو وتقول لك: "طبعًا، أنت بتقول كده كل البنات"، هتقول لها بكل تناحة: "هو أنا فاضي أقول لكل مرة ولا إيه؟"

لما تقول لك مثلا: "شكلك بتاع بنات"، هتقول لها: "هو أنت عايزاني أبقى بتاع ولاد ولا إيه؟"

دايما دايما، اقلب الترابيزة ورجع الامتحان عندهم تاني. تعرفهم إنك ما بتجيبش ورا. عايزك تفهم إنك لما بتدافع عن نفسك، موقفك بيبقى أضعف وبتبان مهزوز. لما تقلب الترابيزة وتدوس بنزين، بتحطها هي في مكانها، هي اللي بترجع وتتحرج من سؤالها وبتكتشف إنك مش تحت السيطرة، مش سهل التلاعب بيه. وبالتبعية ده بيشدها أكتر من غير ما تحس.

الكلام ده بينكشها جدًا وبيعصبها لدرجة إنها بتتشد من غير ما تحس. الاحترام بيجي لما الناس تحترم شخصيتك وشكلك ويعجبهم لبسك. والكلام ده بيبتدي من أول روتين المساء بتاعك. ادخل شوف الفيديو ده، هقول لك إزاي تعمل روتين العناتيل اللي يلقيك مستوى تاني خالص. ادخل شوفه، مستنيك.

[موسيقى]