المعجزات واللاكوارث في نظام الطيبات للدكتور ضياء العوضي رحمه الله | مراجعة منصفة والإنصاف عزيز

السلام عليكم ورحمه الله وبركاته. الحمد لله، والصلاة والسلام على رسول الله وعلى آله وصحبه ومن والاه.

وبعد، مرحبا بكم جميعا في بث مباشر عن نظام الطيبات والدكتور ضياء العوضي رحمه الله، والعركة اللي شغالة. وهل نظام الطيبات معجزة فتح على الدكتور، ولا بيحمل كوارث؟ طبعًا عركة ماركة شغالة كبيرة جدًا.

الطرف اللي بيحارب نظام الطيبات يقول لك: "دكتور ضياء العوضي قال لنا رشفات من الماء كل يوم، شوية ميه قد كده". طبعًا ده كلام كارثي، بتجفف الجسم من الميه، تدخله في ديهايدريشن. وده طبعًا بيساهم في تكوين جلطات. على فكرة، الكلام ده فيزياء، دي فيزياء أصلًا مش جايد لاينز أو ما إلى ذلك. دي كمان فيزياء. لما أجفف الجسم من الميه، تتراكم كرات الدم الحمراء، تساهم في تكوين جلطات.

الطرف الثاني يرد يقول لك: "لا، دكتور ضياء العوضي قال لك كل ما تعطش اشرب. اتقوا الله في الرجل، بلاش هذا الأسلوب. الراجل قال لنا لما نعطش نشرب، ولو 20 مرة في اليوم".

الطرف اللي بيحارب نظام الطيبات يقول لك: "دكتور ضياء العوضي قال لنا نوقف إنسولين لتايب 1. الناس اللي عندها سكر تايب 1، هذا قتل عمد. هذا حرفيًا قتل عمد. ومن يقتل مؤمنًا متعمدًا فجزاؤه جهنم خالدًا فيها وغضب الله عليه ولعنه وأعد له عذابًا عظيمًا".

والله موضوع خطير. لما أوقف إنسولين لمريض سكر تايب 1، ده برضه فيزياء. أنا هتكلم النهارده فيزياء عشان ما حدش يقول لي بروتوكول، وسيبك من البروتوكول والجايد لاينز. فيزياء. لما أوقف إنسولين، بيحصل قبل ما نخش في كوارث السكر، قبل ما نخش فيها، هتكلم عن أول أيام بعد إيقاف الإنسولين. بيحصل إن البوتاسيوم بيطلع من الخلية للدم. [تنحنح] والجسم يتخلص منه. البوتاسيوم لو قل، وده أبجدية، أبجدية. بوتاسيوم قل، القلب يدخل في رجفان قاتل، ريزمية قاتلة، ريزمية فيتال، قاتلة حرفيًا. قد يوقف القلب.

فإحنا لسه بنتكلم عن إيقاف الإنسولين في أول يومين ثلاثة. بعدها طبعًا الجسم فيه سكر، الخلية مش عارفة تستفيد منه، وعاوزة غذاء، فبتضطر تكسر أحماض دهنية. بتكسر أحماض دهنية، عمال تكسر. فالدم بيتملي [تنحنح] بنواتج أو مخلفات الأحماض الدهنية. فبندخل في حاجة اسمها DKA. وأي حد عارف DKA معناها حموضة في الدم. أطباء القلب والعناية عارفين دي حالة قد تكون أيضًا فيتال، قاتلة.

فكيف تقول لي: "أوقف إنسولين"؟ يجي الراجل اللي بيرد عليك من نظام الطيبات يقول لك: "اتقي الله في الرجل، اتقوا الله في الرجل. الراجل مات وبلاش تفتروا عليه ظلمًا. ضياء العوضي قال لنا لو إحنا مشينا على نظام غذائي صح، هنوصل لمرحلة". شوف الكلمة. "هنوصل لمرحلة إننا نوقف الدواء". مش أول ما أبدأ أوقف الدواء. إذا أنا هوقف الدواء لما تتحسن الفحوصات بتاعتي، التحاليل والسكر هينزل، فطبيعي هيقف الإنسولين مع الوقت. فإذا السكر تايب تو ممكن ما يحتاجش فعلًا إنسولين بعد ما يمشي نفسه بنظام غذائي معين. فلا تفتروا على الرجل.

طبعًا في قاعدة جوهرية لازم نتفق عليها. ليس هناك حمية غذائية في العالم، ليس هناك نظام غذائي في العالم يغني عن إنسولين لمريض سكر تايب 1. دي قاعدة. تايب 2 ممكن فعلًا لو إحنا عملنا نظام غذائي كويس، ممكن السكر يبدأ ينزل سنة سنة، فنقلل الجرعة طبقا للتحاليل.

الصراع شغال. يجي واحد من محاربي نظام الطيبات يقول لك: "يعني بالله عليك، بالله عليك، ينفع أدي سجاير وأقول لك دي في نظام الطيبات؟ سجاير ونوتيلا والبيض؟ يعني ابني أديله سيجارة وقطعة نوتيلا، ولا أديله بيضة ياكلها؟ أيهما أخطر؟" طبعًا السجاير معروف فيها 70 مركب مسرطن، كارسينوجين. 70 مركب، يعني مش مركب أو اثنين. طبعًا القطران أو التار رقم واحد فيهم. ده بيكسر الشفرة الجينية، بيكسر الـ DNA نفسه، بيشوهه. فالخلية لما تبدأ تتكاثر، تتكاثر مشوهة. ده ربنا يعافينا جميعًا ويعافي كل من يسمعنا ويحفظنا جميعًا. هو ده السرطان. السرطان خلية انقسامها مش مضبوط، فعملت شكل مشوه بعد أن انقسمت نتيجة لتكسير في الشفرة الجينية بتاعتها. أحد الأسباب الرئيسية في تكسير الشفرة الجينية القطران بتاع الدخان، الطار. في 70 مركب في السيجارة بيعملوا كده.

فإزاي تبيح في نظام الطيبات السجاير؟ يرد عليك أحد المدافعين عن نظام الطيبات يقول لك: "اتقي الله، أين كنت والرجل حي؟ ليه الكلام ده بيطلع بعد ما مات؟ السجاير ما هياش في نظام الطيبات، دي حالة شخصية. الراجل غلط مع نفسه، ما لناش دعوة إحنا بيه. الكلام ده الراجل مدخن، لكن لم يوصي في نظام الطيبات بالسجاير. ما قالكش اشرب سجاير. دي حاجة خاصة بيه، حالة شخصية. ما تدخلهاش في نظام الطيبات".

بقول لك عركة كبيرة. والله يجي الشخص اللي بيحارب نظام الطيبات يقول لك: "نظام الطيبات بيتعامل مع الإنسان على إنه قولون. البني آدم في نظام الطيبات عبارة عن قولون بس، وكل عام وأنت بخير حضرتك. في قلب وفي كلى وفي رئه وفي جهاز تنفسي وفي أعضاء لا حصر لها. هو قولونه بس. فلو خدت نظام الطيبات، القولون بتاعك ما شاء الله حاجة روعة. ارتجاع بقى المريء والحموضة والقولون وتعب الأمعاء والآلام والإمساك، كل ده انساه. بس حضرتك أنت عملت لي مشاكل طبقا لهذا النظام في أماكن أخرى. الميه قلت، إنسولين وقفته لي، الدم جف، دخلت المريض في ديهايدريشن، نقصت عناصر غذائية نتيجة لأن نظام الطيبات بيفتقر مع الوقت وعلى المدى البعيد لعناصر غذائية معينة. أنت تقريبًا منعت الألياف، ودي جريمة في حق القولون نفسه على فكرة، لأنك قلت لي الألياف دي مش بتاعة البشر، دي بتاعة المواشي والأنعام. الألياف اللي في الخضروات الورقية الخضراء دي، دي بتكون حاجة اسمها مايكروبيوم، ودي حاجة معجزة. بكتيريا نافعة جوه السليلوز الذي لا يهضم. هذه البكتيريا أصلًا أعلى حاجة بتقي من سرطان القولون. فأنت حتى في تعاملك مع القولون ما اديتوش الأهمية الزايدة. على المدى البعيد هيتأثر. أيوه، أول شهرين في تحسن مدهش، بس عملت لي مشاكل في أجهزة أخرى، وأيضًا عملت لي مشاكل في القولون على المدى البعيد".

وخير مثال ده كلام الناس اللي بتحارب الطيبات أو بتحارب نظام الطيبات. يقول لك: "خير مثال على هذا الدكتور نفسه رحمه الله عليه، ودنه. أذنه كان فيها حاجة اسمها فرانك ساين. ودي أي طبيب كارديولوجي، أي دكتور قلب عارف الكلمة دي معناها إيه؟ فرانك ساين علامة إن الجسم داخل في ديهايدريشن. جسمك يا أستاذ بدأ يجفف. ظهرت في ودنك الفرانكساين. لازم بسرعة نشرب مياه بقدر كافي. اشرب ميه كويس. لو عندك ضغط أو سكر، تابع العلاج بتاعهم بسرعة وظبط نفسك، لأن الموضوع مش سهل. لا قدر الله مع الفرانكساين مع عوامل أخرى قد يؤدي إلى حدوث جلطة في القلب. جسمك عاوز ميه".

فدي عركة. المدافع عن نظام الطيبات يقول لك: "لا تفتروا على الرجل كذبًا. الراجل ما قالكش منع كل الألياف. ما أنت بتاخد الحبة الكاملة فيها بعض الألياف. ما هو منعك من دقيق أبيض وقال لك خد حبة كاملة فيها سليلوز". عركة طويلة طبعًا. والحبة اللي فيها سليلوز بتاعة اللي هي الحبة الكاملة ما هواش قدر كافي أصلًا من العناصر اللي هتكون بكتيريا نافعة.

المهم، العركة دي بتبين إيه؟ بتبين إننا نفتقد. نحن والآخرون، من ينتقد نظام الطيبات ومن يدافع عن نظام الطيبات. الاثنين بيفتقدوا إلى نص قياسي، دستور الطيبات، المبادئ اللي إحنا وأنتم متفقين عليها، وبنختلف هل قالها دكتور ضياء ولا ما قالهاش. طيب، الرجل أفضى إلى ما قدم، رحمه الله عليه. أنت ليه تشغل نفسك بالرجل؟ خليك الآن في النظام اللي سابه. عاوزين نص قياسي، دستور نتفق عليه. نحن وأنتم. وأنا على فكرة، هذا الصراع أنا فرحان بيه. يعني أنا فرحان بهذا الصراع بين من يؤيد النظام ومن يحاربه، لأن الاثنين متفقين على القواعد العامة، بس بيختلفوا دكتور ضياء قالها ولا ما قالهاش. الناس اللي بتحارب النظام ظنًا قال لك: "لا، لم يقولها وأوصى بعكسها". الناس اللي بتدافع عن النظام قال لك: "لا، ده الراجل قالها". بس حضرتك بتعتمد على مقاطع شورتس، مقاطع قصيرة. اسمع المقطع كامل هتجده بيقول لك: "اشرب 20 مرة ميه في اليوم، كل ما تعطش اشرب". قال لك العلاجات نفسها هتوقفها مع الوقت، مش أمنع. "أمنع" دي ده قتل عمد. الدكتور ضياء قال وقال وما قالش إن الدخان ده في نظام الطيبات.

فالعركة دي مفيدة جدًا، وأنا فرحان بيها، لأنها تبين إن الجميع يتفق على أن هناك قواعد عامة. طب ما إحنا نجلس مع بعض ونكتب هذه القواعد؟ ومن خالف هذه القواعد، فوالله هو عندي وعند كل إنسان حر صادق منصف يعلم معنى "قل هاتوا برهانكم". والله عندنا جميعًا مجرم.

وأنا سأقول كلمات وتحسب علي هذه الكلمات لو لم أكن فيها صادقًا. والله بحثت بنفسي، بحثت بنفسي. والله في بعض التعليقات التي تدافع عن نظام الطيبات باستماة، فوجدت حسابات لا، دي حسابات فيك. في لجان دخلت في لجان دخلت في الخط يا فندم، وأنا مسؤول عن هذا الكلام. راجعوا بعض الحسابات اللي بتدافع بشراسة عن نظام الطيبات، وبتدافع عن إيقاف الإنسولين، بتدافع عن إيقاف دواء الضغط، بتدافع عن إننا لازم نجفف الجسم من الميه. هتجد إن بعض هذه الحسابات فيك. في لجان دخلت يا فندم. الوحدة 8200 يبدو إن هي دخلت على الخط. أكبر وحدة في تنظيم الموساد. اكتب الوحدة 8200 وابحث خلف كل كلمة بقولها. على فكرة، الوحدة 8200 أكبر وحدة في تنظيم الموساد. الوحدة دي مهمتها إن الراجل يجي لك باسم عربي ولهجة صعيدية، واللهجة بحراوية، واللهجة مغربية، ولهجة أمازيغية، ولهجة تونسية، لهجة خليجية. اتربى معاه، لا تشك لحظة إن الراجل ده مش ويكتب لك بقى ويدافع عشان يمرض الشعوب المسلمة عشان يشعل فيهم الفتنة. وهي أصلًا دي وظيفتها أصلًا. الدخول في نطاقات النزاعات الشعبية لتاجيج الصراعات أو القوميات أو الأفكار الفاسدة أو غير ذلك. يدخل معاك على الخط "أم محمد من اليمن" و"أبو خالد من المنيا" و"الأستاذ سيف الإسلام أيمن من الجزائر". ويطلع في الآخر ديفيد كوهين.

فوالله والله الموضوع لاحظوه بأنفسكم. في حد داخل معاك على الخط في هذا الصراع. فلماذا؟ وإحنا قدمنا فرصة. نحن بفضل الله عقلاء بقدر كافٍ. الفرصة على المجرمين. فوت الفرصة عليهم. اسحب البساط من تحت أقدامهم. نتفق على دستور، نص قياسي نجتمع عليه. وأنا أعلن كهيثم طلعت، الدستور ده إن شاء الله هخليه عندي وأحطه عندي على حساباتي الرسمية. دستور الطيبات. اللي هيقول لي: "هو أنت بقيت مؤيد للنظام؟" والله من سلم لنا بهذا النظام، براحتك بعد كده في أكلك وشربك. بس في حاجات لا يجادل عليها اثنان. يا إخوانا، أنا النهارده مش بتكلم بتكلم بجايد لاينز، أنا بتكلم بفيزياء. اللي هي معادلة. اللي هي "إن أي سي إل". إن أي سي إل. أبجدية. صوديوم وكلور. ملح طعام. ما فيهاش نزاع. حاجات يتفق عليها جميع البشر. واحد زائد واحد يساوي اثنين. كلام واضح جدًا. أجفف الميه، بعمل لزوجة في الدم. كرات دم حمراء تتكدس، بتعمل جلطة. لو في طبعًا مسبب إضافي. وهنيجي لبعض هذه المسببات. واحد هياخد من جسم جسمك الإنسولين عند مريض السكر. لازم يطلع بوتاسيوم من الخلية للدم نفسه. فتفقد الخلايا البوتاسيوم بتاعها. فلما يفقد البوتاسيوم، أبجدية في التخطيط بتاع القلب، رسم القلب نفسه. البوتاسيوم يقل، يدخل المريض مع الوقت في أريزمية، اللي هي قد تكون فيتال، قاتلة. قد توقف القلب. وأي حد يعني فاهم القصة عارف القصة كويس.

فأنا طبيب بشري، بكالوريوس طب وجراحة 2004. بيني وبين دكتور ضياء دفعتين. دكتور ضياء رحمه الله عليه 2002، أنا 2004. مارست المهنة والله ولا أبالغ على مئات الآلاف من البشر بفضل الله عز وجل. فأنا متمكن بكل كلمة. الاستقراء الطبي، استقراء كاد أن يكون سموليا. أنت عارف في المنطق في حاجة اسمها استقراء ناقص واستقراء تام. في حاجة اسمها قياس تمثيل وقياس شمول. حاجة في المنطق يعني. استقراء ناقص أو قياس تمثيل على حالات معينة من العينة. مثلا اخترعت فكرة في ذهني، أجربها على 4، 5. ده استقراء ناقص. لما نعيد التجربة قد تخطئ، قد تصيب. أنت يعني قياسك مش مضبوط. لكن لما توصل لاستقراء شامل على مئات الآلاف عند ده ومئات الآلاف ودول عندها مراكز اختبارات وأبحاث على حالات بالملايين. فهنا تكاد تصل إلى استقراء شامل أو قياس تام. فيطمئن القلب. يطمئن القلب إن فعلًا نتائجك تكاد تكون قطعية. ومع ذلك اعتمدت في هذا البث على الفيزياء عشان ما حدش حتى يقول لي مؤامرات كوكبية. نبتعد عن كل هذه الصراعات. نضع سويًا نص قياسي نتحاكم إليه جميعًا. يتفق معنا فيه المعارض لنظام الطيبات والمؤيد لنظام الطيبات. لو في واحد قال بند، أيا كان من هو، أيا كان من هو، بند عكس هذا النص القياسي اللي هقوله دلوقتي من خمس بنود، خمس بنود. أي حد قال حاجة عكس بند منها من هذه الخمس بنود، أدخل فورًا على حسابه وشوف الراجل ده جاي منين. من دفع له؟ هو جاي يسمم شعوب؟ لأن دي بنود لا يختلف عليها اثنان.

في أول بند هقول البنود واحدة واحدة، وبعد كده هنعمل الصورة إن شاء الله بتاع دستور الطيبات. أتمنى كل حد ياخدها سكرين شوت ويضعها عنده على حسابه. وده المتفق عليه. عشان لو حد خالف، لا، ده حضرتك عندك مشكلة. حضرتك في مشكلة في دماغك. أنت إنسان مش طبيعي في موضوعك. في حاجة مش طبيعية عندك.

أول بند نتفق عليه نحن وكل من يعارضنا، سواء مع نظام الطيبات أو ضدها. هنتفق على خمس بنود تكون دستور الطيبات. بعد هذه الخمس بنود، لك أن تخالفني كما شئت. يعني الخمسة دول توافقنا عليهم، بعد ذلك يسعنا الخلاف. خلاص. ده خلاف بقى بيسموه خلاف إيه؟ خلاف مقبول، خلاف مستساغ. يعني بعد هذه البنود الخمسة، خلافنا مستساغ، مقبول، لا حرج فيه أبدًا.

أول بند من هذه البنود الخمسة: تجفيف الجسم من الماء جريمة. تجفيف الجسم من الماء جريمة. بين قوسين: يجب أن يحصل الجسم على القدر الكافي من الماء يوميًا. هل يعارضني في هذا البند أحد؟ ثاني: تجفيف الجسم من الماء جريمة. هتسحب لي ميه من الجسم، تدخلني في لزوجة عالية، تدخلني في احتمالية تكوين جلطات، وخاصة خصوصًا إحنا فصل الصيف دخل. ناس شغالة في الأرض محتاجة ميه كل شوية. ناس في الطرقات في الشوارع. كان الله في عون الناس. فأنا لازم أقول للناس إن تجفيف الجسم من الماء بأي نظام غذائي جريمة. الجسم لازم يحصل على قدر كافي من الماء يوميًا. في حد يعترض على هذا البند؟ ده فيزياء. اسحب ميه، هتخلي كرات الدم الحمراء تزداد داد كثافتها وتركيزها، تتكدسوا على بعض بأي مسبب إضافي والجلطة. كل عام وسلام الله وإياكم.

البند الثاني في دستور الطيبات: البند الثاني في دستور الطيبات: إيقاف الدواء. إيقاف الدواء الضروري للجسم بدون مشورة طبية. مشورة طبية ومتابعة فحوصات جريمة قد تصل للقتل العمد. ثاني: إيقاف الدواء الضروري بتاع جسمي من غير مشورة طبية. وقفته مع نفسي عشان هاخد نظام غذائي. هوقف الإنسولين، هوقف دواء الضغط، هوقف مثبت المناعة، ربنا يسلمنا وإياكم. حد زارع كلى أو حاجة. هوقف علاج السرطان بدون مشورة طبية. هوقف العلاجات عشان هتبع نظام غذائي. هوقفه مع نفسي من غير غطاء متابعة الفحوصات. والله جريمة قد تصل لقتل عمد. وليس هناك ذنب بعد الكفر أعظم من قتل نفس بلا جدال. فما أوقفش دوا ضروري إلا لو عملت نظام غذائي ومع النظام الغذائي بدأ يحصل تحسن، فبناء على التحسن، آه، طبيعي هبدأ أوقف الدواء. شكراً. هل نختلف في هذا؟ يعني هل ده كلام نختلف فيه؟ هل ده كلام محتاج اختلاف؟ إن واحد عنده مشكلة لازم ليها حاجات معينة. أنا لو سحبت منك مثلًا إنسولين زي ما قلنا، هلبسك في حاجتين وأنت واقف بعد شوية. DKA اللي هي الدم يبقى فيه حموضة، وده بيدخل في غيبوبة قاتلة. والنقطة اللي قبلها البوتاسيوم هيقل، يقل ويحصل مشكلة خطيرة جدًا طبعًا في الجسم. ده البند الثاني في دستور الطيبات.

البند الثالث: البند الثالث والذي لا نختلف عليه أيضًا. النصيحة بسكريات زائدة. سكريات زائدة عن حاجة الجسم. هقول لك خد سكر فوق اللي أنت عاوزه. يحق لي أي إنسان في العالم. سكريات جسمه محتاجها. لا نختلف في هذا. خدها بأي طريقة. مش هختلف معاك في حاجة. سكر أبيض، سكر مش براحتك. لا خلاف عندي في طريقة أخذها. يحق لي أن أنصح واحد أن يأخذ سكريات زائدة عن حاجة الجسم. تعرض الجسم لأمراض مزمنة، السكر والأمراض القلب، أمراض الكلى. في كل سنة 2.2، اثنين من مليون إنسان بيصاب بالسكر كل سنة عالميًا. 2 مليون وربع إنسان بيصاب بالسكر نتيجة لهذه الأمور. خدت فائض عن حاجاتك الجسدية وكل يوم فائض ومش بعمل المعجزة اللي هيقولها الدكتور ضياء وهنقولها بعد شوية إن شاء الله في معجزة مهمة جدًا طبعًا لا ينكرها إلا جاحد. هنقولها بعد شوية. فالنصيحة بسكريات زائدة عن حاجة الجسم تعرض الجسم لأمراض مزمنة زي السمنة والسكر وأمراض القلب والكلى. ده خطأ تمامًا. ده خطأ تمامًا. دي ليست نصيحة، هذا خطأ. هيدخل الجسم في مشاكل. دي القاعدة الثالثة أو البيان الثالث أو المادة الثالثة في دستور الطيبات الذي نتمنى أن نجتمع عليه جميعًا ويكون دستورًا لنا جميعًا ونمشي عليه.

البند الرابع في دستور الطيبات: التدخين. التدخين. الدخان بكل أنواعه. كل أنواع الدخان والتدخين ليسوا من ضمن نظام الطيبات. ما حدش ينسب لنظام الطيبات السيجارة والجوزة وغير ذلك. أظن لا نختلف في هذا. كل البنود والله بنود المفروض يعني نلم الدنيا نتفق عليها. ننشر هذا الدستور وأي حد يخالف منه بند نشوف تبع مين. نشوف مين اللي بيمول. فورا. أنت عاوز تؤذي الأمة الإسلامية ليه؟ إيه هدفك؟

البند الخامس: إياك إياك أن تحرم ما أحل الله عز وجل من الطعام والشراب. إياك أن تحرم البيض، الفراخ، اللبن، البقوليات. عاوز ترفضها براحتك. مش هاكلها. براحتك. هذا حق لك. يحق لك أن تأكل ما شئت وتدع ما شئت. وهذا حق كفله لك الشرع. لكن لا تحرم على أحد. مش حرام لو حد كال فراخ. مش حرام لو حد كال بيض. مش حرام لو حد شرب اللبن. مش حرام. براحته طالما أحله الله عز وجل للناس. فلا تحرمه أنت. مش عاوز تدخل هذه الأكلات في النظام بتاعك الغذائي. حق مكفول لك تمامًا. النبي صلى الله عليه وسلم كان يعاف بعض الأطعمة زي الضب مثلًا. كان يعافه، ما يقدر على أكله. لأنه ليس من أكل أهل مكة. خلاص. فيجوز أن أنا أسيب بعض الأكلات عادي جدًا. ليس هناك أي حرج. لكن لا أحرمها. اللي عاوز ياكل الضب ياكله. يجوز أكله في الشرع. اللي عاوز يشرب لبن يشرب. يجوز شربه في الشرع. ياكل فراخ، ياكل بيض، ياكل أوراق خضراء. براحته. فدي بنود خمسة. هنقرأهم بسرعة ورا بعض الآن. هيظهروا على الشاشة. ناخد إذا أذنتوا لنا. الموضوع سكرين شوت. إذا أذنتم وننشره ويبقى قاعدة عندنا.

أول بند: تجفيف الجسم من الماء جريمة. يجب أن يحصل الجسم على القدر الكافي من الماء يوميًا.

البند الثاني: إيقاف الدواء الضروري للجسم بدون مشورة طبية ومتابعة فحوصات جريمة قد تصل للقتل العمد.

البند الثالث: لا يجوز النصيحة بسكريات زائدة عن حاجة الجسم، لأن هذا يعرض الجسم لأمراض مزمنة كالسمنة والسكري وأمراض القلب والكلى. فالنصيحة بسكريات زائدة بتعرض الجسم لأمراض مزمنة.

البند الرابع: التدخين ليس من ضمن نظام الطيبات.

البند الخامس: إياك أن تحرم ما أحل الله عز وجل من الطعام والشراب.

وصلت؟ وصلت؟ أتمنى أتمنى الدستور ده نتوافق عليه. نسير به. فاللي ماشي مع نظام الطيبات وفق هذه الخمس بنود، والله براحتك. ربنا يعافيك ويهبك العافية ويعافي كل إنسان يا رب. اللهم اللهم إنا نسألك العافية في الدنيا والآخرة. ليس هناك أعظم بعد الإيمان من العافية في البدن. والله.

فدي البنود الخامسة. تمام. في معجزة الدكتور ضياء نشرها وتحدث عنها كثيرًا. وأنا والله فعلًا جزاه الله خيرًا أن هو عرف الناس بها. معجزة الصيام. الصوم. الصوم ده كان في ملحد مجرم مصري، دكتور جلدية، قفل عيادته. قال: "قفلتها والله عشان أتفرغ لحرب الإسلام". المجرم ده ليه مقالات كان بيحارب فيها الصيام ويقول لك: "الصيام مش صحي، ومين قال الصيام صحي؟" مجرم. مش هقول اسمه طبعًا. أول حرف من اسمه خالد. يعني ربنا ينتقم منه يا رب. فلا يعرف هذا المجرم أن هناك نوبل. نوبل أعلى أعلى جائزة علمية في العالم. نوبل في الطب عام 2016. أخذه دكتور ياباني، مش شيخ مسلم ولا إمام جامع ولا حد بيكتب في مجلة مجلة إسلامية. أستاذ دكتور عالم من اليابان أخذ نوبل في الطب عام 2016. اسمه يوسينوري أوزومي. يوسينوري أوزومي. عمل أو خد الجائزة على حاجة اسمها أوتوفاجي. أوتوفاجي دي، اللي هي التهام ذاتي. أوتوفاجي. التهام ذاتي. ما معنى هذا الكلام؟ قال لك لو حضرتك صمت، بعد ما تصوم بساعات معينة، الخلية جاعت. الخلية فعلًا بدأت تجوع. عاوزة مأكل، عاوزة تأكل. هتعمل إيه؟ فتبدأ. بدأ هي عندها على جنب، عندها في الخلفية كده، سلة زبالة. سلة مخلفات في كل خلية. في سلة حرفيًا. يعني السلة دي عمال حضرتك تحط لها أكل وكربوهيدرات وعمال بقى بروتينات ونشويات وكمية كتيرة جدًا من الحاجات اللي زايدة عن حاجتها. حطها في هذه السلة. هذه السلة يومًا ما قد تعمل مشكلة في الشفرة الجينية بتاع الخلية، فتكون بابًا لأحداث سرطان لا قدر الله. قد تسبب التهابات، حساسية، أمراض مناعية، مشاكل صحية لا حصر لها. لأن كل خلية جواها سلة قرفانة منها، مخنوقة. فالسلة قد تضغط على الخلية نفسها، فتسهل العدوى، تسهل أمراض مناعية، تعمل مشكلة للشفرة الجينية نفسها. فاكتشفوا، وهذا الدكتور طبعًا هي قصة قديمة شوية، بس الدكتور الياباني ده بقى أثبتها تجريبيًا وسريريًا ومعمليًا وكل حاجة. اكتشفوا إن أنت بعد الصيام بساعات معينة والخلية بدأت تجوع، بتروح لافة على السلة اللي معاها وتبدأ تتغذى منها. تبدأ تنظف نفسها. تبدأ تلمع من جديد. ترجع بقى للي بيسموه إيه بقى؟ الـ Standard Model بتاعها. ترجع على الشكل الأصلي بتاعها. تلمع، تبرق. كل خلايا الجسم تعمل كده مع الوقت. فالصيام طلع، طلع معجزة مدهشة فعلًا. الصيام علاج لخلايا سرطانية ناشئة، صح؟ الصيام علاج لأمراض مناعية لا حصر لها، صح؟ الصيام بيرفع المناعة، صح؟ الصيام بيخلص الجسم من مشكلة هتحصل بعد كم سنة في القلب، صح؟ الصيام بينظف الجسم من كوليسترول وما إلى ذلك، صح؟ معجزة حرفيًا. معجزة. الصيام. الدكتور حصل على نوبل في الطب بهذا الأمر. يا إخوانا، صوموا تصحوا. الصيام مدهش. وأنا أقول لحضرتك النبي صلى الله عليه وسلم كان يديم الصيام. نعم. لكنه كان يصوم أيامًا طويلة، أو بمعنى أدق، لا يأكل إلا الأسودين: التمر والماء. وأنا أقول لك هذا الكلام. إن هذا أيضًا طبيًا معجزة. لأن أنت كده كأنك صايم الجسم. أو التمر نفسه ده كله حاجة اسمها مضادات أكسدة. التمر ده حاجة عجيبة. في حاجة اسمها مضاد أكسدة. يعني إيه مضاد أكسدة؟ أنا أكلت أكلة، ففي حاجة اسمها أكسجين أحادي أو شوارد أكسجين أو أيًا كانت الكلمة يعني. فهذه الأكسجين هذا الأحادي بيبدأ يكون مستفز في الخلية، فبينكس في الصفراء الوراثية وبيكون أحد مصادر الأمراض الخبيثة. فمضاد الأكسدة يعني إيه؟ مضاد أكسدة بيلتحم هذه الذرة من الأكسجين ويخليها جزيء أكسجين مستقر، فيختفي أثره. فلذلك الثورة اللي طالعة في الصيدليات مضاد أكسدة ومضاد أكسدة. عندك التمر كفاية. والله التمر يكفي تمامًا. فلو الواحد فعلًا ظل أيامًا كل شهر على تمر وماء، دي حاجة مدهشة. لو بيصوم اثنين وخميس والأيام القمرية، والله بينظف جسمه أول بأول. بينظف في جسمه حرفيًا. بيغسل الخلايا من سلة الزبالة اللي فيها واللي بتقرفها وخنقها وهتعمل بكرة وبعده مشاكل إن ما كانتش أصلًا عملت. ففعلًا الصيام معجزة. نظام غذائي قائم على تمر وماء عدة أيام كل مدة، والله معجزة حرفيًا. هذا معجزة.

فدي معجزة الدكتور ضياء رحمه الله عليه. كان دائمًا بيأكد عليها. وإحنا لازم نؤكد عليها ونحض الناس عليها ونقول للناس: الناس فعلًا نظف جسمك بهذه المعجزة. واحرص على الصيام. الصوم بركة. الصوم فعلًا والله معجزة.

وفي حديث أبي هريرة رضي الله عنه قال: "أوصاني خليلي صلى الله عليه وسلم بثلاث: صوم ثلاثة أيام من كل شهر، كل شهر عربي أصوم ثلاث أيام، وكما قال صلى الله عليه وسلم: صوم ثلاثة أيام من كل شهر صوم الدهر". يعني يعدل صيام السنة كلها، لأن الحسنة بعشر أمثالها. ده دينيا. وقد يكون أيضًا طبيًا. صوم ثلاث أيام بيغسل كل فضلات الشهر إن شاء الله. أيضًا لما عائشة سُئلت رضي الله عنها من أيام الشهر كان صلى الله عليه وسلم يصوم؟ قالت: "لم يكن يبالي صلى الله عليه وسلم من أيام الشهر يصوم". يصوم في أول الشهر، في وسطه، في آخره، الثالث عشر، الرابع عشر. المهم كل شهر عربي أصوم ثلاث أيام. هذه معجزة. لو حب لو حد حب يشتغل بنظام تمر وماء كم يوم كل شهر، والله خير وبركة وعافية.

طبعًا الحديث والله عجيب. أنا عايز أدخل في الموضوع الثاني بس حابب أكمله لجمال هذا الحديث. "أوصاني خليلي صلى الله عليه وسلم بثلاث: صوم ثلاثة أيام من كل شهر، وركعتي الضحى، ونوم على وتر". ركعتي الضحى اللي إحنا للأسف بنهمل فيهم. وكما قال صلى الله عليه وسلم: "يصبح على كل سلامى من أحدكم صدقة". كل مفصل صباحًا فيه صدقة. فكل تسبيحة صدقة، وكل تحميدة صدقة، وكل تكبيرة صدقة، وكل تهليلة صدقة. "لا إله إلا الله" صدقة، "الحمد لله" صدقة، "الله أكبر" صدقة، وأمر بالمعروف صدقة، ونهي عن المنكر صدقة. "ويجزئ من ذلك ركعتان يركعهما من الضحى". يعني ركعتين الضحى بزكاة كل مفاصل جسدك. ركعتا الضحى أجرها عظيم عند الله عز وجل. ونوم على وتر. أصلي الوتر وأنام. ما أضيعش ركعة الوتر.

يعني إحنا كده قلنا خمس بنود. نتمنى أن نتوافق عليهم. نتمنى يكون كل حد بيتابع نظام الطيبات أو ضد هذا النظام يشوف أي حد بيخالف بند من هذه البنود يقول له: "لا، والله ارتكبت جريمة. من يمولك؟ أنت عاوز إيه من الأمة الإسلامية؟ تريد أن تمرضها أو تقتلها؟" فلازم يكون البنود قدامنا. نحاول أن نساهم في نشرها علشان ما حدش بكرة وبعده يجي يقول لك: "إحنا هناخد رشافات ميه كل كام يوم، ولو عطشنا خالص ممكن بلعة ميه بس". يا راجل. طبعًا جريمة الدي هايدريشن دي أصلًا من أخطر ما يكون. من أخطر ما يكون. ده النبي صلى الله عليه وسلم في الصيام قال لك: "الإفطار تعجل به ولو على ماء". ما فيش تمر قدامك، اشرب ميه. ابدأ بالليل، لأن لازم جسمك يرتوي بالماء.

طيب، إحنا خلصنا الخمس بنود. في خمس بنود ثاني هقولهم. وهذه البنود بقى هي مصدر الخلاف اللي بينا. يسعك أن تنقض الخمس بنود اللي هقولها دلوقتي. يسعك أن تقول لي: "كل كلامك اللي جاي غلط". الخلاف في هذا يسعنا. وأنا جدًا بحب الخلاف. ولذلك خلقهم. طالما خلاف يسعنا، والله على الرحب والسعة. تختلف معي في القادم. هذا الخمس بنود اللي جاية وتقول لي فيهم غلط، أقول لك على راسي. وانقضني فيهم واعترض علي فيهم ومش هنزعج. ماشي؟ خلاص. ده منهجك. بس توافقنا على دستور الطيبات. توافقنا عليه. اللي جاي بقى كل واحد براحته. هقول الكلام اللي أنا واثق منه بتجارب وصلت إلى شبه استقراء شامل، استقراء تام. تجارب اتعملت بعضها على ملايين البشر حرفيًا والله. وبعضها قبل كل هذا مدعوم بكتاب الله وسنة نبيه صلى الله عليه وسلم.

أول بند في البنود الخمسة الخلافية، والتي يسعنا فيها الخلاف. مش هنتخانق فيها. براحتنا. نختلف، نتفق. كلنا يشملنا دائرة الحب والمودة والتراحم بيننا. وربنا يبارك فيكم يا رب. أول بند في البنود الخلافية وهو اللبن. هل طبعًا إحنا قلنا البند الخامس في اللي فاته: "أوعى تحرم حاجة". لكن بعض الناس أنا مش هحرمها، لكن مش هشربها. حقك كاملًا. لكن من حقي أقول لك بقى اللبن. إيه هو اللبن ده؟ معجزة. اللبن هذا معجزة. أعجب كوليسترول حيواني على الإطلاق. يعني أي دهون حيوانية ثقيلة وثقيلة في الدم. لكن الدهون بتاع اللبن دي معجزة. دي بتعالج الدهون نفسها المرتفعة. يعني الناس اللي عندها دهون مرتفعة وبتاخد قدر مناسب من اللبن، والله ما شاء الله بينزل الدهون مع الوقت. طبعًا اللبن بيعالج سرطان القولون، اللي هو ثالث أشهر سرطان في العالم. سلمنا الله وإياكم جميعًا. اللبن كمان علاج للسكر تايب 2. الناس اللي عندها السكر، اللبن بينزل السكر شوية. علاج لأمراض القلب. اللبن ده مدهش. وقبل كل هذا، قال الله عز وجل: [تنحنح] "لبنًا خالصًا سائغًا للشاربين". بعض الناس يطلع يقول لك: "اللبن ده بتاع المواشي مش بتاعنا". والله أنت مجرم يا أستاذ. سامحني. أنت بهذا تكذب رب العالمين لما قال الله عز وجل للبشر: "لبنًا خالصًا سائغًا للشاربين". يمتن علينا بهذه النعمة. تقول لي مش بتاعنا؟ لا، ده بتاعنا. يحرم اللبن. واللبن فيه فوائد كثيرة. حد عنده عدم تحمل لاكتوز؟ ماشي. أنا مش بقول كده إن أنت لازم تشرب. في حد بيتعبه؟ ماشي. لكن يقبل أن أي حد يشربه عادي، وأنه فيه فوائد فعلًا كثير. في فئة من الناس فعلًا بيتعبها. خلاص عنده مشكلة في تحمل لاكتوز. لكن هنا أنا ليه ذكرت هذا البند؟ أولًا في فلسفة في شرق آسيا. وأنا أعترف هذا الاعتراف. أنا ظننت دكتور ضياء رحمه الله عليه اقتبس منها اسمها المايكروبيوتيك. ودي فلسفة شرق آسيوية مجرمة بتقوم على حاجة اسمها اليين واليانج. عارفين أنتوا الرسمة بتاع اليين واليانج اللي هي أسود وأبيض دي بالتعاكس؟ ين ويانج. دي عقيدة عند الهندوس. إن الذات العليا الطاو (تعالى الله يعني) اللي هو الإله عندهم يعني. الطاو انبثق عنه بغير قيومية انبثق عنه ين ويانج. ومنها جت عناصر خمسة ومنهم جالكون. عقيدة يعني وثنية عندهم. لكن ما زالوا يعتقدون بهذه العقيدة حتى اليوم من وحي الشياطين. والشيطان عاوز الوعي بتاعي يقل. دي قاعدة على فكرة. أي فلسفات شرق آسيوية زي اليوجا، ميديتيشن، يتا هيلين، اكسس بارز. كل فلسفات شرق آسيا بتقوم على إن الوعي بتاعك يقل. ركز في شمعة وسكن عقلك واطرد أي فكرة. فلما الوعي يقل، تتحول خواطر الشيطان إلى وقائع. هيبدأ الخاطر اللي بيعدي عليا ده ولا أنشغل به، يبدأ يؤثر جوايا لأن وعي. وده بيحصل طبيعي في أي إنسان عند النوم وعند الموت. لما أجي أنام وعي بيقل طبيعي. وعشان كده أمرنا بالتحصن قبل النوم. آية الكرسي. وأن أنفث في يدي بالإخلاص والفلق والناس وأمسح بهما ما يلي من جسدي ثلاثًا. وكما قال صلى الله عليه وسلم عن آية الكرسي: "من قرأها لا يزال عليه من الله حافظًا ولا يقربك الشيطان حتى تصبح". فإنا بنتحصن عشان وعي هيقل والشيطان هيبدأ يشتغل. وعند الموت كل صلاة وأعوذ بك من فتنة المحيا والممات. وكان من دعائه صلى الله عليه وسلم: "وأعوذ بك أن يتخبطني الشيطان عند الموت". ليه؟ لأن الشيطان عند الموت بيبدأ يلقي بالخواطر. ومع قلة الوعي ببدأ أصدق هذه الخواطر. تعرض عليه الأديان. ده أنت جدك كان يهودي واليهودية طلعت صح. ويبدأ يشك الإنسان. فربنا يسلمنا في هذه اللحظات يا رب.

إذا الفلسفة بتاع الشيطان بتقوم على إن وعيك يقل. فبدأ شرق آسيا ينشروا في العالم أفكار وتطبيقات تخلي الوعي يقل. منها اليوجا والميديتيشن وسيتا هيلين واكسس بارز وما إلى ذلك. ومن ضمن هذه الأشياء قال لك: "إحنا هنعمل نظام غذائي صحي جدًا". هذا النظام لما تقرأ فلسفته تجد إن كله بيشتغل على إن وعيك يقل. ألف باء. فقال لك اللبن في هذه الفلسفات اللبن بيزود اليين السالب. اللبن بيزود الي السالب. فاوعى تشربه عشان اللبن بيغذي المخ. إحنا عاوزينك متوه. والشعير المخمر. الخمور بتزود اليانج الموجب. ولذلك في الكمبات بتوع المجرمين اللي بيعالجوا بالطاقة تجد عندهم عقارات أيواسكا والماجيك مشروم. حاجات بتخلي المخ يضعف. وإوعى تقرب من اللبن. خليك فيجان. خليك نباتي. وبلاش اللحوم. أي حاجة تغذي المخ بعد عنها. فإنا ظننت وربي يعفو عني أن الدكتور ضياء لما حرم الألبان اقتبس من هذه الثقافة. لكن اكتشفت مش محرمها. هو قال لك مش عايز تشرب، عايز تشرب براحتك. فلذلك أي حد بيمنع الألبان هتلاقيه في الغالب ملمس مع شرق آسيا. يقول لك: "أصل ناس عندها تحسس من الألبان". يا إخوانا، أي طعام في العالم، أي أكل في العالم، في ناس عندها تحسس منه. فعندك يعني مشكلة مع اللاكتوز؟ ماشي. تجنب اللبن. لكن لا تجعلها قاعدة. لا تحرم شرب الألبان. أنت عاوزني أتوه عشان لما نروح الكامب مع بعض صاحبنا يشتغل. فلذلك اللبن دائمًا أي فلسفة أو أي نظام غذائي بيمنع اللبن، ركز جدًا معاه وهتلاقيه في الغالب ملمس مع شرق آسيا. بالمناسبة، المايكروبيوتيك هي اللي قتلت ستيف جوبز على فكرة. بتاع آبل. شركة آبل. طبعًا العملاق ستيف جوبز كان عنده سرطان في البنكرياس وقال: "مش هاخد أي علاج وهلتزم بحمية المايكروبيوتيك". والرجل مات. يعني حتى مجلة الفوربس العالمية ساعتها قالت إن المايكروبيوتيك قتلت ستيف جوبز. حمية المايكروبيوتيك. إذا اللبن أنا بقول لك صحي جدًا، مهم جدًا، مفيد جدًا، مليان فيتامين، مينرال، عناصر غذائية لا حصر لها. لكن لو أنت مش عاوز تشرب براحتك. يسعنا الخلاف.

البند الثاني في النقاط التي يسعنا فيها الخلاف: وهي الخضروات الورقية الخضراء اللي زي البلاستيك. هل نمنعها؟ مش عاوز تاكلها براحتك. لكن الله عز وجل أحالها. إحنا كل صلاة جمعة، كل صلاة فجر يوم الجمعة، كل صلاة فجر يوم الجمعة بنقرأ في الركعة الأولى سورة السجدة. والركعة الثانية سورة الإنسان. كل فجر جمعة بنقرأ قول الله عز وجل: "زرعًا تأكل منه أنعامهم وأنفسهم". زرعًا. الورقة الخضراء دي تأكل منه أنعامهم، المواشي، وأنفسهم. فأنا آه، باكل الأكل اللي بتاكله المواشي. باكل أوراق خضراء. إيه المشكلة في كده؟ ربنا أباح ذلك لي. لا تمنعه أو تحرمه علي. لو أنت عندك مشكلة في القولون، ممكن تعمله شوتيه. بس اسلق شوية، هيتكسر الألياف اللي فيه وتاكله بالشفا. مش مشكلة. لو أنت رافض بالكلية، برضه على راسي. ما عنديش مشكلة. بس لا تحرم ولا تمنع على أحد. لو حد عاوز ياكل أوراق خضراء براحته. وعلى فكرة، الأوراق الخضراء والله معجزة. معجزة حرفيًا. بيسموها بعض الناس يقول لك فيها سليلوز لا يهضم. المادة اللي بتكسره عند الحيوان مش عندنا إحنا. ما من نعمة ربنا أنه لا يهضم أصلًا. من نعمة ربنا أن هذه الألياف لا تهضم. فأصبحت مكنسة للقولون حرفيًا. أنت بتاكل أكل فيه بقايا في القولون. اللي بيكنسها هو الألياف أصلًا. فالألياف فيها معجزات ثلاثة. الورقة الخضراء دي أول معجزة فيها إن هي بتكنس القولون. وهي رقم واحد عالميًا. رقم واحد عالميًا في الوقاية من سرطان القولون. الأوراق الخضراء رقم واحد. إنها بتكنس القولون من أي خلايا سرطانية ناشئة. رقم اثنين: بينشأ في ما بين هذه الألياف بكتيريا نافعة. بكتيريا نافعة. مايكروبيوم. دي حاجة معجزة والله معجزة. كان من فترة في أمريكا وأنا كنت لسه متخرج جديد. كان في ظاهرة غريبة في أمريكا. خلال سنة أو سنتين نسبة السكر تايب 1 لرضع نسبة عالية جدًا. قعدوا يروحوا ويجوا بفحوصات وتحاليل. طلع إن هؤلاء الرضع ما عندهمش بكتيريا نافعة في الأمعاء بقدر كافي. طلع إن هي رقم واحد في الوقاية من السكر. هذه البكتيريا النافعة. فأضافوا هذه البكتيريا على اللبن الصناعي. وقصة معروفة جدًا في ذاك الوقت. أي حد يبحث عنها يعني. ولذلك لازم لبن الأم علشان فيه بكتيريا نافعة طبيعية. مش محتاج أضيف وأعمل. فالنقطة الثانية في الورق الأخضر إنه يتكون جواه بكتيريا نافعة. بتقي من السكر. وبتكون فيتامينات الجسم ما يعرفش يعملها. فيتامين كي مثلًا بتاع إيقاف النزيف. ده الجسم مش بيعمله أصلًا. إيه اللي بيعمله؟ بكتيريا نافعة جوه القولون بتاعك. معك تتكون هذه البكتيريا جوه الألياف. تنشأ جواها. تترعرع جواها. والنقطة الثالثة في هذه البكتيريا النافعة إن هي بتقي من العدوى. بترفع الجهاز المناعي. بتحسن أداء القلب وأداء الكبد والكلى. لا دي حاجة معجزة بصراحة يعني. فالألياف يتكون بداخلها بكتيريا.

نافعه بتكنس القولون ده حرفيا. تكنس القولون ده حرفيا. وايضا طلع ان الالياف. وعلى فكره النبي صلى الله عليه وسلم كان يحب الدباء. القرع ده [تنحنُح]. والقرع كله الياف. القرع ده اصلا كله الياف اصلا. طلع ان ايضا هذه الالياف بتساهم في امداد الجسم بعناصر ما تطلعش الا منها. فلازم يدخل في نظامك الغذائي قدر من الياف. لازم لازم. وبعض الناس يقول لك نظام الطيبات في القشره بتاعه الحبه. لكن ما فيهاش كل العناصر. محتاجين برده الياف اضافيه. اختلف معايا في ده براحتك. يسعون الخلاف في هذا. لكن بقول لك حاجات قواعد تم عليها استقراء شبه تام.

النقطه الثالثه بقى مصدر. انا عارف اللي هيحصل فيها الدوشه بقى. اللي هي الفراخ. والفراخ مش اكل بني ادمين. واللي بياكلها بيجي له بانك اتاكس. نوابات هلع. والسي تشيست بتاعها. وودن شيست صدر خشبي. والفرخه من 100 سنه كان حجمها اقل من كيلو. دلوقتي 4 خ كيلو في 40 يوم. طبعا اي طبيب بيطري بيسمعني. اي حد عارف علم حيوان بيسمعني. عارف ان في خرافه اثارها بعض الجهله. ان الفراخ بتا بتاخد هرمونات. والهرمونات خلتها انتفخت. او اتعمل لها تعديل راسي. طبعا كل هذا كذب محض. كذب محض. والله لولا قول الله عز وجل ان الله اخذ علينا الميثاق لتبيننه للناس ولا تكتمونه. لما ادخلنا انفسنا في هذه الصراعات. لكن لا. اي حاجه متيقن منها وفيها الحق ابينها للناس. رافض تاكل فراخ براحتك. ويحق لك ذلك تماما. هتقول لي لا ده انا تاكدت. ماشي براحتك. بس انا بقول لحضرتك الفاء علم البيطره. الفاء علم الحيوان. مافيش حاجه اسمها فرخه واخده هرمونات. الحقنه نفسها دي اغلى اصلا من ثمن الفرخه اساسا. ومافيش مزرعه فيما اعلم في العالم بتدي حقن هرمونات. ما فيش الكلام ده اصلا.

فالفرخه اللي حصل لها حاجه اسمها انتخاب صناعي. انتخاب صناعي في سبعينيات القرن الماضي. كان في جوائز بتتعمل مين منكم يخلي الفرخه تكبر باكبر قدر في وقت قصير. فبدا المزارع تختار ار اكبر فرخه تكون لحوم. عزلوها جيلاني. عزلوا اكبر فرخه تكون لحوم. وعملوا تزاوج بينهم. ما بين الفراخ التي تكسى باللحم سريعا. عبر اجيال بدا ينشا فعلا اجيال من الفراخ. حاجه اسمها ده انتخاب صناعي. الف ب يعني في علم ال الانتخاب الصناعي. اللي بيتعمل في اي مزرعه في العالم مختصه بهذا الباب. يعني بتاخد الحاجه تنحيها جانبا اللي فيها صفات مميزه. وتعمل لها تزاوج بينها وبين بعضها. بتكون الجيل القادم افضل. تاخد من الجيل القادم برده نفس القصه. لغايه ما ينشع عندك فراخ فعلا لحمها اكثر. لحمها كتير جدا فعلا. فنشا الحجم الكبير ده نتيجه لهذه الفكره. هل فيها اي ا لعب في الجينات لا طبعا. هل فيها موضوع هرمونات لا طبعا.

لكن طبعا انصافا بنقول في مشكله في الفراخ. ان بعض المزارع بتديها مضاد حيوي. وقال لك لازم الدبح يكون بعد فتره الدوره بتاعه مضاد حيوي تمام. فلو ادبحت الفرخه اثناء الكورس نفسه. اثناء الجرعه بتاع المد الحيوي مش صح. استنى لما الفرخه تتخلص من هذا القدر من المواد الحيه. وبقيت بقى حاكلها بلف وشفا. وده يعود طبعا الى اشراف. ولازم الناس يبقى عندها لها يعني صدق وامانه. ونبتعد اصلا عن هذا الموضوع بالكليه. ليه اصلا مضد حيه واساسا ما تخليها تعيش في بيئه نقيه ونضيفه. تشوف الشمس اكل صحي نظيف. وبعدها عن هذا الكلام. فدي طبعا يعني فعلا انا معك فيها. ان بعض المزارع يعني لا تتقي الله عز وجل. لكن ما تقوليش ان ده يخلي الفرخه ممنوعه لا. ليه ايه اللي يمنعها اصلا. ما فيهاش اي مشكله في الجينات. ما فيهاش اي مشكله الا الفراخ اللي واخده مضاد حيوي. واتذبحت اثناء الفتره بتاع المضاد الحيوي. ادي كل القصه.

فكره بقى الصدر الخشبي او الودن شيست دي اصلا معجزه. ان صدر الفرخه نفسه. الفراخ ال عباره عن كتله ليفيه بتغذي الجسم ببروتين حيواني يكاد يكون خالي من الدهون. بروتين حيواني كامل خالي من الدهون. وعشان كده الناس اللي بيعمل عضلات. واللي في الجيم كمان الاجسام اساس النظام بتاعه الغذائي الفراخ دي. لان الفراخ دي بتخلي عندهم في عرفهم يعني العضله تنشف وتكبر بسرعه. لان ما فيهاش دهون. ما فيهاش دهون. فده غذاء طيب. والنبي صلى الله عليه وسلم كما في حديث ابي موسى الاشعري قال رايت النبي صلى الله عليه وسلم ياكل الدجاج. ياكل الدجاج. فالنبي صلى الله عليه وسلم اكله ولا حرج في اكل اكله. لو انت خايف عشان مضاد حيوي يحن اشتري منه. لو انت مش مش عاوز الموضوع اصلا يحق لك ذلك. مش عاوز تاكل اي فرخه براحتك. ما عنديش مشكله. لكن لا تحرم او تنشر معلومات مغلوطه. الموضوع سهل جدا في هذا الباب.

طبعا وكان في فكره بصراحه انا اتوقعها والله. هي كان في فكره في الغرب. وهي يعني هايبوثيز يعني فرديه مش نظريه حتى. ان في حاجه اسمها ليكي جات. ليكي جات يعني في اكلات معينه بتخلي الامعاء تسرب سموم في الدم. بتخلي الجسم يتعرض بعد كده لمشاكل والتهابات وامراض مناعيه. فقالوا بعض الاكلات بتعمل كده. وانا اظن اظن اتعمل نظام الطيبات بناء على هذه النقطه. لكن دي هايبوثيز دي فرديه يه. والعالم باستقرائه بين ان لا دي الفرضيه نفسها فيها مشاكل. لان احنا بناكل مقادير متقاربه من الاكلات. ومع ذلك فئه واحده بس من الناس بتصاب باشكالات معينه. مرض مناعي مشكله معينه. يبقى اذا مش نتيجه الاكل نفسه. لان مثلا اهل مصر في المطلق في الغالب ما فيش اسره لا تاكل الفراخ. لكن اللي بيصاب بامراض مناعيه فئه معينه. يبقى القصه مش يعني ليكي جات. انا برده بقول ان لا دي فيها اوفر شويه. لكن اظن يعني نظام الطيبات كان انبنى على هذه النظريه. انا ظننت اولا انه مبني على المايكروبيوتيك. لكن تبين لي ان قد يكون مبني على الليكي جاتس. ودي نظريه يعني لا تكاد تعدوا ان تكون فرديه. وانا بقول لكم هي تطبيقيا لا لا تصح اطلاقا.

طبعا ال يعني النقطه بقى اللي جايه [تنحنُح] الخاصه والبند الرابع الخاص بالبقوليات. وهل الفول والعدس وغيرها هل هو ادنى الطعام. الذي هو ادنى هو ادنى مقارنه بما امتن الله عز وجل به على بني اسرائيل من المن والسلوى. وده لا يجادل فيه احد. لكن هذا لا يعني ان هو لا يؤكل او انه سيء او ان في مشكله. فبرده انا بشوف تحميل لبعض النصوص ما لا تحتمل. شرح لبعض الايات شرح غريب. مين قال هذا الكلام؟ هذه البقوليات فيها كميه بروتين وكميه الياف وكميه فيتامين حاجه والله مدهشه. حرفيا مدهشه. طبق الفول ده فيه كنوز والله كنوز. لما احنا بنحللها بس ا فيتامين مينرال بروتين نباتي لا حاجه غير طبيعيه. فالناس اللي تاكل البقوليات لا ده اكل صحي تماما واكل مفيد تماما. وللاسف فرديه الليكي جات دخلت البكوليات في الموضوع. قالت البكوليات والفراخ والبيض بتساهم في تسريب بعض المواد من الامعاء للدم. لكن كما قلت يعني دي فرديه ساقطه. ما فيش حد في مصر مش بياكل الفول يعني. ومع ذلك بعض الناس بيجي لها بعض المشاكل. لو الموضوع قاعده كان اصيب كل الناس بنفس المشكله. ف بالعكس يعني اهل القرى اللي هم اعتمادهم على هذه البقوليات اكث. هم اقل الناس اشكالات في بعض الامراض. بينما اهل المدن والاقرب للمصانع وال وده معروف طبعا في في في علوم الاجتماع علوم المجتمع طب المجتمع. ان الناس الاقرب للمصانع هم اكثر عرضه لامراض مناعيه من غيرهم. يبقى الموضوع مرتبط بسموم في الهواء مش في الاكل. لكن ا البقوليات يعني فعلا مفيده جدا وفيها فوايد لا حصره لها. مليانه بروتين نباتي مدهش.

والخلاف ممكن الذي اوافق عليه مع اي حد هو دقيق ابيض. دقيق ابيض طبعا ا كتير جدا بيحاربه. وقد نتفق عليه. لان هم شالوا منه القشره بتاعته الياف طبيعيه ربنا خلقه بيها. فبتكون مكنسه للقولون. وبتكون حاجات بكتيريا نافعه. وان كانت مش بقدر كافي زي الورقه الخضراء. لكن بقدر كويس برده. ايضا جوه الحبايه نفسها جنين القمح. هذا الجنين بتاع القمح اتشال. برده ده كله عناصر حلوه وفيتامين مينرال برض اتشال. فاصبح النشا اللي هو الجلوتن. الجلوتن ده من جلو صمغ. اللي بيعمل الماده الصمغيه بتاعه الدقيق. هل القمح الذي بيعمل دك ابيض هل هذا القمح عدل الوراثيا لا طبعا. نفس القصه اللي مع الفرخه البيضاء. اتعامل مع القمح اثناء الثوره الخضراء في ستينيات القرن الماضي. جابوا برده القمح وعزلوا القمح معين وتكاثر بقدر معين. وعبر اجيال كون قمح بيكون جلوتن بنسبه اكبر. وظهر بهذا الشكل. هل في لعب في الجينات لا اطلاقا. طبعا هو نون نون جي ام او نون جي ام او. ما تلعبش فيه جينيا اطلاقا. دي برده من القواعد المعروفه في علم الهندسه الوراثيه. لم يعبث في هذا الباب. وانما كان ايضا انتخاب صناعي. فدي حاجات يعني انا بقول بديهيه. انا بقول حاجات بديهيه ومعروفه. لكن بعض الناس فعلا لما بياكل هذا يعني بعد ما شلنا منه القشره والجنين بيتعب. ماشي اجتنبه. لكن لا تمنعه من غيرك. هو غذى مجتمعات كامله. وكان بعد فضل الله عونا للناس الناس ان هم يتجاوزوا مواضيع الفقر وما الى ذلك. لكن لا تحرم فيه غيرك. الناس لو حابه تاكلهم متحملاه مش مشكله. ناس عمل لها مشاكل وحابه تجتنب وماشي. ناس عندها مشاكل صحيه وقال لك هجرب ابعد عنه يمكن اتعافى. اقول لك جدا والله برافو عليك اعمل كده وجرب ابتعد عن هذا الامر. وهتجد ان شاء الله تحسن باذن الله. لان فعلا انا اظن ان ليه دور في بعض المشاكل. لكن مامنعوش بالكليه ولا ارفضه بالكليه ولا احرمه. طبعا لو حد بياكله مش مشكله. بس هو فعلا يعني قد يساهم في بعض الحاجات نتيجه لان انت فعلا بتشيل منه الفوايد اللي فيه. فخليته بس الجلوتين الماده النشويه دي. هي طبعا مفيده وغذاء طبعا للانسان. بس كان معاها حاجات شلتها ليه. فده يزعلك شويه. لكن لا يعني نحرمه على احد يعني. [أصوات شخير]

اخر حاجه بقى اللي هي البيض. والبيض انا يعني انا بتعجب ممن يحرم البيض. والله ممكن تمنعه او ما تاكلوش ماشي. لكن البيض فيه تسع احماض امينيه رئيسيه الجسم لا يكونها اصلا.