Transcription
البنت ممكن تنجحك قوي، يعني ممكن تبقى السبب في نجاحك، وإن انت تطور وتبقى دافع شديد وكبير ليك إن انت تكبر في حياتك. ممكن تكون سبب في تدمير حياتك، والموضوع ده أنا شفته بعيني على مدار سنين عليا أنا شخصياً وعلى ناس صحابي اتجوزوا وخطبوا.
الاختيار نفسه للبنت واختيار وقت الارتباط لازم يكون في الوقت الصحيح. لو انت فكرت من منطلق اللي هو ما فيش حاجة في إيدينا بقى وكده خلاص يبقى نتواكل ونقعد ما نشتغلش، وإن شاء الله رزق هيبقى جنب. فطبعاً ربنا أصلاً ما أمرناش بكده، فانت المفروض بتاخد بالأسباب وتعمل اللي عليك. فانت بتحاول تجتهد إنك تجذب البنت المناسبة، والأهم من ده كله في الوقت المناسب.
فالوقت المناسب ده إمتى؟ لما تبقى أنت قادر أصلاً على تحمل تكاليف هذا الارتباط وتكاليف هذا الشخص كمعيشة والكلام ده كله. أنا في الفيديو ده مش عايز أرغي كتير في الوقت المناسب وإزاي تختار البنت ومواصفات البنت والكلام ده كله. أنا عايز أكلمك في الفيديو ده في نقطة واحدة، وهي فكرة تركيزك على شخص واحد من عدمها، وفكرة إن أنت تركز على كذا حد وتفضل تكلم كذا بنت، سواء كنت متجوز أو لا.
يعني فكرة إن أنت أصلاً تبقى شخص متعدد العلاقات ده حرام أساساً، وأنا مش مؤهل قوي في حتة الحرمانية إن أنا أقول لك تفاصيل بقى في الدين والكلام من ده كله. بس أنا هقول لك من تجربة شخصية وإزاي ده بيأثر على حالتك النفسية وإزاي ممكن يدمرها.
لو اتجوزت الشخص المناسب في الوقت المناسب وكان تركيزك قائم على الشخص ده فقط، يعني أنت مركز معاه، مع البنت اللي أنت مرتبط بيها، مديها كل تركيزك، كل طاقتك، في نفس الوقت مركز على شغلك أو البزنس بتاعك، هتروح في حتة تانية. يعني أنا أدعي إن أنت هتروح لحتة حلوة قوي في حياتك.
الفكرة لما أنت بتبقى مشتت، وده بشوفه في ناس كتيرة جداً، وبتلاقي نفسك عمال تفكر كل شوية في بنت تانية، بتقعد تدور على بروفايلات بتاعة ناس بنات تانية، بتقعد بتكلم بنات تانية، طاقتك بتبقى مشتتة جداً، وقتك بيبقى مشتت جداً. الموضوع ده لا محالة هيأثر على حياتك وعلى حياة أولادك. فانت مش بس بتضر نفسك كطاقة نفسها بتتشتت والـ career بتاعك بيبوظ وكل حاجة، فانت كمان بتأثر على أولادك.
دي كلها طاقة البني آدم نفسه، طاقة أنت كإنسان قادر على استيعاب قدر معين من المعلومات، مش هتقدر تستوعب أكتر من كده. ففكرة إن أنت تدخل حاجات تانية تقعد تركز فيها دي بتدمر لك حياتك، وزي ما قلت بتدمر حياة البنت اللي معاك.
فلو أنت شخص طموح، لو أنت بقى شخص طموح فعلاً وعايز توصل لحاجة، فانت حلك هو التركيز على شخص واحد وعدم التركيز على أشخاص عديدة. طب افرض أنت مش جاهز تتجوز الشخص المناسب في الوقت المناسب، بتعمل إيه؟ الحل هو إن أنت تقرب من ربنا، إن أنت تصوم، والأهم من ده كله إن أنت يبقى عندك شغف معين.
في مقولة كده قالها فيكتور فرانكل، قال لك إن الشخص اللي ما بيبقاش عنده هدف أو عنده معنى ليومه وحياته بيبدأ يدور على مشتتات، حاجات ترفع له الدوبامين. فانت طالما أنت ما عندكش هدف، ما عندكش حاجة بتسعى إليها، تلاقي نفسك عمال كل شوية تطارد بنت ورا الثانية ورا الثالثة. أو حتى لو ما كانش الهدف ده قوي بالشكل الكافي، أو أنت مش مصدق أو ما عندكش ثقة في نفسك إنك هتوصل لهدف ده، بتقعد تحاول تهرب من الحاجات اللي أنت المفروض تعملها.
فما تتجوزش إلا لما تكون جاهز، ما تتجوزش إلا لما تلاقي الشخص المناسب، ولما تتجوز ركز في شخص واحد فقط. ولحد ما يحصل الموضوع ده، حاول إن أنت تركز في اللي أنت بتحاول توصل له، لأن التشتت ما بين البنات حرفياً بيقتل طاقتك.
لذلك أنا دايماً عارف اللي هو اللي هو الناس اللي بتبقى مرتبطة متجوزة وكده وبتقعد تتكلم مع كذا بنت وماعرفش إيه، أنا ماعرفش بيجيبوا الطاقة دي منين. الموضوع بيستدعي طاقة مش طبيعية علشان تقدر إن أنت تمانج الناس دي كلها، وإن أنت تكلمهم وتلاقي وقت إن أنت بره لدي، ما ردتش ليه، ودي كنت فين، ودي رحت مع صاحبك ولا لأ. يعني الموضوع صداع بجد.
فتخيل لو الصداع والمجهود ده كله وفرته ووجهته في إن أنت توصل لهدفك. مش عايز أطول في الفيديو ده أكتر من كده. لو في أي حد عايز يتكلم معايا بشكل شخصي بخصوص المسار المهني أو الهجرة لكندا، فهتلاقي لينك استشارة تحت في الديسكربشن. وأشوفكم في الفيديو الجاي.