Transcription
عمرك فكرت هي ليه الناس من حواليك مع شخص معين في دوائر علاقاتك بيبقوا حذرين جدا وبيخافوا يزعلوه؟ وقال لهم لا على حاجه مش بتناسبه عادي جدا بيتقبلوها. ولو هو شارب في مساله احترام الوقت بيحترموا الوقت وبيخافوا يتاخروا عليه حسن يزعل. ولو مش عايز يتكلم مع الناس في حاجه تخصه او عايز يحافظ على خصوصيته بيتقبله ده بمنتهى اللزاذه والابتسامه اللطيفه مش بيتقمصوا مش بيزعلوا.
وليه نفس الناس معاك انت تحديدا حاسين انك انت وكاله من غير بواب بيستبيحوك بيدخلوا حياتك بلا اي ضابط ولا رابط. لو فكرت تقول لا بيزعلوا بيقلبوا عليك. شايفين ان انت مش من حقك ادنى درجات الخصوصيه او الملكيه لحاجه تخصك. هل انك من الاول عودتهم على انك ما ينفعش تقول لا؟ هل انك من البدايه كنت بتسعى فقط خلف رضاهم وقبولهم ليك؟ هل لانك شخص بتخاف تقول لا للناس وبتحس بالذنب فهم اعتمدوا على ان ده ق ليهم يديهم الحق انهم يعملوا في حياتك ما يشاؤوا بالطريقه اللي هم عايزينها؟
لو فكرت شويه هتلاقي ان المشكله مش في الحدود. وان الحدود عادي بتتقبل مع غيرك اهي. وان هم عادي جدا مع اي حد ممكن بيعرف يحط حدود بيلتزموا. هي المشكله فيك. المشكله فيك انك انت عودت الناس على انك ما ينفعش تحط حدود. فبالتالي انت خايف ومشغول جدا بالخطوه الاولى. والخطوه الاولى من عندك مش من عندهم. هي طول ما هي الوكاله من غير بواب ومافيش ما فيش بوابات تفتيش وما فيش كالون وما فيش مفتاح هيدخلوا ويخرجوا زي ما هم عايزين ويعملوا اللي هم عايزينه بالطريقه اللي هم عايزينها. واللي انت كنت بتقبله النهارده وقادر تعمله بكره مش هتقدر تعمله. طاقتك امكانياتك صحتك عمرك مش هيسمح بيه. بس ساعتها هم مش هيقدروا لانهم اتعودوا انك دايما متاح ومستباح. ومش قصتنا مشكلتنا وجاي دلوقتي تقول ليه اتصرف. حل مشاكلك سواء كان حد من عيالك حد من اهلك مديرك زميلك شريك حياه. في النهايه انت اديته انطباع طول الوقت انا مش هقول لك لا على حاجه. انا بقول لك اتفضل اعمل اللي انت عايزه. مع ان الحدود هنا هي منظمه للعلاقات. هي اللي بتطول امد العلاقات. هي اللي بتخلي الناس تحافظ عليك وتحافظ على على طاقتك من من الاستهلاك وانك تنضب سريعا. فبالتالي العيب مش عيب حدود. الحدود ما بتبعدش الناس عننا زي ما زي ما الناس بتطلع عليها.
هي القضيه قضيتك انت وخوفك وانك بتظن انك لما تيجي ترسم حدود مع الناس من اول مره الناس هتلتزم. ما طبيعي ان الناس هتتقمص وهتزعل وهتلومك وهياخدوا جنب شويه لما يلاقوك متغير. هم هيفسروها على انها تغيير هم مش هيفسروها على انها حدود. فبالتالي عليك ان تلتزم بحدودك تعرف ازاي تحميها طالما بتقولها بادب وبهدوء وباحترام وما بتتجاوزش. يقبل من يقبل ويرفض من يرفض. هي حدودي هي بواباتي. باب شقتي مش المفروض يبقى مفتوح للكل عشان خاطر ما يزعلوش مني صح ولا ايه؟ فبالتالي صدق. لان الخطوه الاولى هي انك تصدق. التزم واتدرب على على ممارسه الحدود. حدودك الجسديه حدودك حدود الممتلكات حدود البشاعر حدود وقت ايا كان نوع حدودك الشخصيه هي حدودك على الاخرين انهم يحترموها زي ما انت كمان بتحترمها وملزم تحترمها. الحدود تفرض بغرض تفعيل الاحترام المتبادل. طب هم بيزعلوا براحتهم. طب انا والله اديتهم اوبشن وهم مش عايزين غير دي وبالطريقه دي براحتهم. اذا عليك انك تجمد قلبك. انت ما بتزعلش. حدودك مش لازم طول الوقت تكون حنينه ولطيفه وعليها كريمه وعليها سكر سنترافيش. حدودك يجب ان تكون محترمه واضحه ملزمه حازمه قويه لا تقبل الهدم مع اول مره. لانهم هيجربوا وهيختبروا الحدود دي. فبالتالي ضعفت خلاص ما ترجعش تلوم الحدود وقعت تراجعت. القضيه قضيتك. وبفكرك اني نفس الناس اهي بتعرف تلتزم وتعرف تحترم الاخرين وبتعمل لهم الف حساب. اشمعنى انت ومعاك انت. يبقى لو هي مشكله حدود كان كان زعلوا من الاخرين. انما مش مشكله حدود هي مشكلتك. انما الحدود عادي جدا بيقبلوها وعادي جدا بيحترموها وعادي جدا بيلتزموا بيها.
ولو عندك مشكله الحدود موجوده في كتب كتير في ممكن تقرا كتب علي موسى اكتف فيت الزم حدودك تعافيت خروج امن لفت نظر كتاب عن بيئات العمل والعلاقات المهنيه. طيب محتاج مساعده متخصصه ابعت لي ممكن نعمل جلسات او جلسه مع بعض نعرف المشكله فين على رقم الواتساب بتاعنا نقدر نساعد حضرتك ازاي من خلال جلسات الكوتشينج. اتفرج على فيديوهات احضر كورسات. انما ما تقعدش تهاجم الفكره قبل ما تطبقها. ولما تطبقها غلط العيب مش عيب الفكره العيب عيب التطبيق الخاطئ. اتمنى المقطع يكون عجبك قول لنا رايك في التعليقات شارك المقطع لا تشاهد صامتا عزيزي المتابع. شكرا لكم واشوفكم دايما على احسن حال. تحياتي C