عاجل | السيسي يرفض لقاء نتنياهو بعد تقارير اقتصادية عاجلة و ارتفاع الاحتياطي النقدي

السلام عليكم، ازيكم؟ الحقيقه دي حلقة اقتصادية، بس أنسب طريقة أبتدي بيها الحلقة دي هو خبر نازل في موقع اسمه "إكسيس". موقع "إكسيس" حضرتك عارف إن هو موقع ممكن يكون استخباراتي شوية، تبع الصحفي اللي اسمه براك رافيد. حاجة ظريفة قوي، قال لك إيه؟ قال لك على فكرة البيت الأبيض حالياً بيشتغل على وساطة لعقد قمة تاريخية بين نتنياهو والرئيس السيسي. اتنين يقابلوا بعض، ماشي؟

طب ليه البيت الأبيض بيعمل كده؟ قال لك والله يعني عاوزين نهدي الأمور، وأنسب حال إننا نقرب بين مصر والكيان الصهيوني حاجة واحدة بس، إن يبقى في بينهم صفقات اقتصادية، ماشي؟ وشغل بينهم وبين بعض. والحقيقة إن البيت الأبيض حالياً بعت جاريد كوشنر. جاريد كوشنر هو جوز بنت دونالد ترامب. بعته لنتنياهو وقال له: "يا نتنياهو، بص يعني أنت عملت كل حاجة في الشرق الأوسط حالياً، ضربت لبنان، ضربت سوريا، ضربت إيران، أنت بهدلت الدنيا كلها، ماشي؟ فحان الوقت إن المنطقة تسمع منك لهجة مختلفة، ما تبقاش كلها لهجة سلبية". والحقيقة القصة دي تقول لك إيه؟ تقول لك إن البيت الأبيض زهق من نتنياهو، عاوز يحجمه، ماشي؟

طيب، قال إيه جاريد كوشنر لنتنياهو؟ قال له: "بص بقى عشان نبتدي الليلة دي كلها، لازم إننا نعمل صفقات اقتصادية، عشان الصفقات الاقتصادية دي هي اللي هتقرب بينك وبين الدول كلها، وأنسب دولة تبتدي معاها هي مصر، لأن خلي بالك بطبيعة الحال هي دولة ممكن تكون جاهزة اقتصادياً كمان إن أنت تعقد معاها صفقة، لأن في صفقة غاز بـ 35 مليار دولار دي لو حصلت هتزيل خلافات كتيرة جدا، ماشي؟"

ثانياً، أنا بحب أكد على حضرتك، دي حلقة اقتصادية، بس أنا عاوز أوضح لك قصة في منتهى الخطورة لسه حاصلة حالياً أو تم الكشف عنها حالياً. فالحقيقة إن جاريد كوشنر قال له إيه؟ قال له: "أنت هتوافق على الصفقة دي وبعد كده إيه؟ تروح تقابل الرئيس السيسي". نتنياهو ده الكلام، وقال إن هو ما عملش حاجة. يعني الموقع بيقول إن نتنياهو قال: "أنا عندي استعداد أقابل الرئيس السيسي"، بس ما عملش حاجة على الأرض. يعني على الجانب الآخر، لما البيت الأبيض طرح الفكرة دي على الرئيس السيسي، الرئيس السيسي كان كول، كول، يعني إيه؟ يعني متحفظ حبتين، أو مش متلهف يعني على الأمر. اللي هو قالوا له: "طب قابل نتنياهو؟ يلا ما نتكلم نتنياهو ونقابل؟" لا، طيب، ماشي، حاضر، نشوف كده. عارف الطريقة دي؟

فالقصة دي اللي همني منها حاجة واحدة بس. ليه الرئيس المصري مش متلهف قوي للقاء نتنياهو، مع إن بالمناسبة يعني صفقة الغاز الإسرائيلي دي مهمة جدا لمصر، عشان بس تبقى فاهم وعشان نبقى بنتكلم بمنتهى الصراحة. ليه الرئيس المصري متحفظ أو مش مهتم بلقاء نتنياهو برغم دي وساطة أمريكية؟ ماشي، ترامب. ليه أنت مش متحمس؟ مش متحمس ليه؟ هقول لك.

بس عشان أقول لك، لازم أحكيلك القصة قبل ما أخش في الموضوع، قبل ما أكشف لك التفاصيل. خليني أقول لك إن إحنا معانا راعي قوي جدا ومحترم جدا، وهو لو عاوز توسع شغلك في السعودية والإمارات وما عندكش وقت تدور كتير ولا تمشي ورا إجراءات وتضيع وقت، يبقى لازم أقول لك على حل من الآخر. لأن ناس كتيرة قوي بتبقى عاوزة تتوسع في السعودية والإمارات، وهنا بيسألوا كتير كتير، بس صدقني السؤال الكتير ده بيصدمك بآراء مختلفة، وكل واحد يقول لك رأي مختلف، وقليل جدا ممكن تعتمد عليه. عشان كده أنا برشح لك "أبشر بزنس". ناس محترفة وعارفين هم بيعملوا إيه، ولما بيساعدوك كأنهم بيساعدوا نفسهم بالظبط، مش مجرد عميل. أنت مش محتاج تسيب شغلك وتمشي ورا إجراءات وورق وتضيع وقت ولا تدخل نفسك في متاهات. هم بيظبطوا لك كل حاجة من أول ما تفكر لحد ما شركتك تشتغل. غير كده، الناس في "أبشر بزنس" محترفة للغاية، والشفافية عندهم مش مجرد كلام، ده سيستم ماشي بيه الفريق كله، وكل خطوة واضحة ومفهومة. "أبشر بزنس" بتخلص لك الرخص التجارية الخاصة بشركتك، مش بس كده، بيخلصوا لك تأشيرات الإقامة، برضه بيخلصوا لك الحسابات البنكية الخاصة بشركتك اللي بتدوخ ناس كتيرة جدا. كل ده بشفافية كاملة وأسعار واضحة من أول خطوة. مش بس كده، "أبشر بزنس" بتقدم لك استشارات في الضرائب والتسويق والمحاسبة وتسجيل العلامات التجارية، يعني بيخلوك تبدأ شغل على طول من غير ما تضيع وقت. صدقني، لو عاوز تتوسع في الخليج، يبقى "أبشر بزنس" هو المكان الصح. هسيب لحضراتكم الرابط بتاعهم في الوصف أسفل الفيديو لو حابب تتواصل مع "أبشر بزنس"، وبرشحهم ليك بشدة.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص مصر. إيه اللي حصل بالظبط؟ اللي حصل زي ما بقول لحضرتك كده، الرئيس السيسي مش متلهف قوي قوي، مش متحمس للقاء نتنياهو. وبيتعامل بتحفظ. مصر اتغيرت، وتغير مصر تجاه الأجندات الخارجية اللي بتفرض علينا واضح جدا بسبب حاجة واحدة بس، قوة الاقتصاد اللي لسه بتتقوى. خد بالك، أنت كل ما اقتصادك يقوى، أنت نفسياً بتبقى مش متلهف إن حد يجي يقول لك أنت هتعمل كذا وتعمل كذا. قبل كده كان ممكن ماشي، كانت لنا فترة من فترات، مش الرئيس السيسي بس، كانت لنا فترة كده في حكم مصر، كان اللي بتقول عليه أمريكا بيحصل، أياً كان هو إيه. دلوقتي يعني، إحنا محتاجين حد يقنعنا والله أصلاً الموضوع ده مش متلهفين ليه قوي.

طب هل الاقتصاد المصري قوي؟ الحقيقة لما تيجي تبص على أول 10 شهور من 2025، هتلاحظ فرق كبير جدا. أنت عارف كم تدفقات الدولارية اللي جت لك ما شاء الله قد إيه؟ أنا عاوزك بقى تيجي تبص معايا واحدة واحدة. أنت عندك قناة السويس أرباحها ارتفعت 17%. ماشي؟ عندك الصادرات غير البترولية ارتفعت 19% هي كمان وسجلت 41 مليار دولار في 10 شهور. ماشي؟

طيب، عندك السياحة زادت 21%، وأنت لحد دلوقتي مسجل 15 مليون و 600 ألف سائح. يعني أنت بتتكلم قرب 14 مليار دولار و 800. ماشي؟ عشان إيه، أجيبها بالضبط: خلال عام 2025، 15 مليون سائح استقبلتهم البلاد خلال أول تسعة أشهر بزيادة بلغت 21% مقارنة بالفترة نفسها من عام 2024، ما عزز الإيرادات الاقتصادية وعزز صورة مصر عالمياً.

عندك الأموال الساخنة، هنا التدفق بتاعها ارتفع ووصل لحد دلوقتي 10 مليار و 200 مليون دولار أموال ساخنة. فانت ابتدى يجيلك دخل كبير جدا غير تحويلات المصريين في الخارج اللي بتسجل ارتفاع كل شوية. يعني أنت لما تيجي تبص شهرياً تحويلات المصريين كانت عاملة إزاي، هتتفاجئ إن ولاد مصر بيحققوا المليارات دي. أنا متفائل جدا إن مصر ممكن تاخد مرتبة كبيرة جدا بعد الهند. أنا مقتنع كده. بعد الهند إن أنت تبقى جاي في مرتبة عالية جدا في تحويلات العاملين في الخارج. ماشي؟ لأن أنا على يقين إن الأزمة الاقتصادية دي خلقت فرص لمصر غير طبيعية. عدد الناس اللي طلعت بره وكفاءات اللي طلعت بره مهم جدا.

شهدت تحويلات المصريين العاملين بالخارج خلال الشهور الثمانية الأولى من العام الحالي طفرة كبيرة، وارتفعت تحويلات المصريين العاملين بالخارج بمعدل 47.2% لتسجل تدفقات قياسية بلغت نحو 26.6 مليار دولار مقابل نحو 18.1 مليار دولار خلال ذات الفترة من العام السابق. وعلى المستوى الشهري، ارتفعت التحويلات خلال أغسطس 2025 بمعدل 32.6% لتسجل نحو 3.5 مليار دولار مقابل نحو 2.6 مليار دولار خلال شهر أغسطس 2024.

وخليني أعلق على نقطة غاية في الأهمية بمناسبة الكفاءات اللي طلعت بره. فلازم تعرف إن مش كلها حاجة جيدة، في حاجات سيئة. خد بس بالك من الحتة دي. قسم الدكاترة اللي في مصر. أنا مش جاي أقول لك إن الدكاترة في مصر وحشين، بس أنا بقول لك في جزء كبير من الدكاترة الممتازين ابتدوا يخرجوا بره مصر. ماشي؟ حاجة بالنسبة للاقتصاد المصري جيدة، بس بالنسبة للسوق المصري أصبح فيه ضعف شوية، أو ما بقاش فيه دكاترة كويسين كتير كتير داخل مصر زي الأول. كان فيه وفرة كبيرة جدا من الدكاترة الممتازين، دلوقتي عدد الدكاترة الممتازين قل شوية. ده أمر. والأمر ده ممكن تطبقه على كل المجالات. ماشي؟ طبقه على اللي أنت عاوزه. ماشي؟ في الكفاءات الكبيرة الضخمة ما بقاش عددها كبير زي الأول. بس دي نقطة بس حبيت أشير ليها. هي بتفيد الاقتصاد، لأن أي دكتور كبير أو مهندس كبير له صنعته أو الكلام ده كله، لما بيطلع بره بيحول فلوس للاقتصاد المصري. بس في نفس الوقت بيأثر على سوق العمل في مصر. أصحاب الخبرات ابتدوا ما يبقوش متواجدين بأعداد كبيرة زي ما كان قبل كده. فده أمر يجب إن أنت تقف عنده. بس اللي أنا عاوز أركز عليه إن أنت عندك طفرة اقتصادية في التدفقات الدولارية اللي جايلك من العاملين في الخارج. فده أمر مهم جدا.

أنت عندك الاقتصاد بتاعك ابتدى يرتفع، والدليل على كده إيه؟ احتياطي النقد بتاعك ارتفع. بدل ما هو مسجل 50 مليار و 70 مليون دولار، أصبح 50 مليار و 215 مليون دولار. هتيجي تقول لي: "وإيه المشكلة يعني؟ ما تكبرش الموضوع، ما تضخمش في العناوين دي، حبة أخبار كده ودي حبة أرقام، فرقت إيه 70 مليون من 215؟ يعني ما تعملش فيلم يعني؟" حاجة أقول لحضرتك، ده خبر كبير جدا.

ارتفاع جديد في صافي احتياطي النقد الأجنبي في مصر لمستوى تاريخي، علشان يوصل لـ 50.215 مليار دولار في شهر نوفمبر الماضي، مقارنة بـ 50.071 مليار دولار بنهاية شهر أكتوبر، وبارتفاع وصل لـ 144 مليون دولار تقريباً، وفقاً لبيانات صادرة عن البنك المركزي. الارتفاع في صافي الاحتياطات الدولية لمصر بيجي مدعوم بتحسن مصادر إيرادات البلاد من العملة الأجنبية، وبعد ما شهدت الصادرات ارتفاع متصاعد منذ بداية العام، بالتزامن مع ارتفاع تدفقات الدخل من السياحة وتحويلات المصريين العاملين بالخارج.

ثانياً، لازم تعرف الحكومة لما تلاقي الدولار ابتدى ينزل وطاد الجنيه، هيقوموا على طول رايحين يشتروا دولار. يشتروا دولار ليه؟ عشان الدولار يرتفع تاني قصاد الجنيه. اشمعنى؟ لأن أنت أبرز ميزة اقتصادية عندك اللي دول العالم كلها اكتشفتها، إن أنت معدل المرتبات عندك 160 دولار للعامل. ماشي؟ أقل من الصين، ومتهيال لي يعني وجهة نظر شخصية، إن ده من أقل معدلات الرواتب في العالم كلها. زائد إن أنت عندك موقع جغرافي والكلام ده كله. الـ 160 دولار ده لو الدولار نزل أسفل 45 جنيه للدولار الواحد هيبقى غير مجزي للعامل المصري. ماشي؟ فالحكومة بتخش تشتري دولارات عشان الدولار يرتفع تاني قصاد الجنيه وتاخد الدولارات اللي اشتريتها دي تحطها في الاحتياطي النقدي بتاعك. ماشي؟ كده أنا فهمتك الليلة ماشية إزاي.

بس أنا اللي عاوز أقوله لك إن أنت اقتصادياً ابتدى يدخل لك أموال من حاجات مختلفة. أنت ما بقاش يدخل لك من قناة السويس فقط، وتحويلات عمليك في الخارج، أو السياحة. قول لحضرتك صادرات غير بترولية ارتفعت. بتتكلم على صادرات كمان السلاح. بص على صادرات السلاح المصري وشوف إن مصر بتتغير إزاي يا جماعة. أنت حصل عندك اختراق في صناعة السلاح. يجب إن أنت تقف عنده. صناعة الصلب المدرع. أنت عارف كم دولة في العالم بتنتج الصلب المدرع؟ ست. ست دول في العالم فقط. أنت أصبحت بتنتج الصلب المدرع. تيجي تقول لي: "إيه المشكلة يعني؟ ما تكبرش الموضوع يعني إيه الصلب مدرع؟ يعني ما هيعمل معانا إيه يا باشا؟" ده اللي بتعمل منه المدرعات بتاعتك. ماشي؟

طب إحنا ما كناش عارفين نصنعه ليه؟ وصنعناه إزاي؟ والله صنعناه بالخلطة السحرية اللي ابتدى الجيش المصري يمارسها، إن هو يستعين بالشركات القطاع الخاص. ابتدى الجيش المصري، خاصة الهيئة العربية للتصنيع والكلام ده كله، تعتمد على شركات خاصة وتشتركها معاها في مجالات كتيرة. أصبح أصبحت الشراكة بين الشركات الخاصة والهيئة العربية للتصنيع أنتجت إن أنت بقيت تعرف تصنع الصلب المدرع. الصلب المدرع ده اللي بتحطه على المدرعات وتعرف إن أنت تعمل تدريع، سواء بقى لأي سلاح عندك. ماشي؟ بس أنت بتعمل الصلب المدرع. طيب، أنت واصل لدرجة سماكة قد إيه؟ والله في الصلب بتاعك، أنت قبل كده كنت واصل 15 سم سماكة. ماشي؟ دلوقتي كام؟ 30 سم. الضيق خلال سنة. طيب، العرض قد إيه؟ العرض والله أنت كنت بتعمل 150 سم. طيب، دلوقتي بقيت تنتج 250 سم. طب وإيه المشكلة؟ المشكلة حاجة بسيطة جدا. كل ما العرض يزيد هيبقى فيه لحامات أقل، ولما يوجد لحامات أقل، لازم تعرف إن ده يعطي أمان أكتر. خلاص. التدريع في الأسلحة الحربية حاجة مهمة جدا. أنت هنا مش هتروح تشتري مدرعات من روسيا وتشتري مدرعات من أمريكا ولا من الصين. يا باشا، أنت بتصنع عندك. إسرائيل بحد ذاتها ما بتعرفش تنتج مدرعات. إيه رأيك؟ إسرائيل بتروح تستورد المدرعات بتاعتها من ألمانيا ومن أمريكا. أنت يا باشا بتجيب حاجتك بنفسك. حتى الصلب المدرع إسرائيل بتستورده. إيه رأيك في الكلام ده؟ أنت بتصنع حاجة إسرائيل ما تعرفش تصنعها. والكم...

المدرع ده بينتج على مستوى العالم في شركات تعد على صوابع اليد الواحدة أو عليهم صباعين من اليد الثانية، يعني من خمسة لسبعة شركة على مساحة.

أه.

وقت ما يبقى فيه مشكلة عندك في مشكلتين، يا معكش عملة، يا إما لو معاك حتى يقول لك مش هتديكوه.

أه.

وهي دي المشكلة.

هتحطه على إيه؟

فلما ننجح فده في 23 بتخانة لحد 15 ملي وعرض ألواح الصلب لحد متر ونص، ده كان إنجاز لا مثيل له. كل المدرعات اللي سيادتك شايفها كده هنا، إذا كان في المركبات أو في الهيئة العربية للتصنيع أو عندي، كانت بنستورد الحاجة دي.

يعني دي كان...

وهقول لك حاجة ثانية، ده ممكن دول تبعت لك عربيات عندها عشان تدرعها، وأنت هنا دولة شرق أوسطية وعربية، يعني أنت بديل لدول أوروبية وأمريكا. يعني لو في دول عندها مشاكل مع أمريكا ودول أوروبية هتجيله زي مين مثلا؟ الجزائر. أنا هقعد أقول وأعيد نفس القصة. الجزائر، العراق، دول شرق أوسطية ممكن ما تحبش أو ما تفضلش مثلا إنها على طول تتعامل مع دول أوروبية، عاوزة تنوع سلاحها، ممكن تيجي. فده أمر يجب إن أنت تبص له. أنت أصبحت بديل مهم جدا. والدليل على كده إن أنت ابتدأت تصنع قنابل حافظ الخارقة للتحصينات. اللي زي ما حضرتك شايفها كده، القنابل دي بتعرف تخترق التحصينات وتصيب ما خلف التحصينات. وأول ما مصر أعلنت عنها في معرض إيديكس اتصدرت على طول. طب اتصدرت فين؟ اقترح ممكن أقترح حاجة زي كده للجزائر، العراق، وأكثر من دولة عربية اشترت القنابل دي.

لأول مرة مصر تعلن تصدير قنابل خارقة للتحصينات، حيث كشف مسؤول مصري بالصناعات العسكرية عن تصدير قنابل حافظ الجوية الخارقة للدروع لبعض الدول بعد دخولها الخدمة الفعلية لدى القوات الجوية المصرية. قنبلة حافظ تخدم حالياً بكفاءة في القوات الجوية المصرية وصدرتها مصر لعدد من الدول بعد أن أثبتت كفاءتها.

أنا على قناعة، بص الدول الأفريقية تملي بيعزوا مدرعات جدا، مدرعات، دبابات، مجنزرات، مدافع. ماشي؟ دول أفريقية بيحبوا كده. القنابل العراق بيعزها جدا، الجزائر بتعزها جدا. وخلي بالك من الشراكة اللي بتحصل دي. أنت كل ما تخترع سلاح جديد أو تصنع سلاح جديد هتلاقي الجزائر على طول مركزة معاك. على فكرة، الجزائر عندهم شراهة في اقتناء الأسلحة زي الجيش المصري بالظبط. ماشي؟ فده أمر يجب إن أنت تبص له كويس جدا. أنت ابتدأت تصدر تسليح أو أسلحة. وده بيخف من عبء إن أنت تبقى الشركات بقى الهيئة العربية للتصنيع بدل ما تعتمد على ميزانية الدولة وتصبح شركة خاسرة، يا باشا الهيئة العربية للتصنيع هتدخل فلوس للدولة، هتدخل عملة صعبة. شوف الموارد اللي بتدخل لك. فانت عملت معرض سلاح، شوف جالك منه قد إيه. صدرت عربيات مدرعة، صدرت مسيرات، صدرت قنابل خارقة للتحصينات. أنت صدرت حاجات كتيرة جدا أنت بتصنعها في مصر. وبرغم كده أنت ما اكتفيتش، ده أنت رحت تعمل شراكة في الخبراء. شوف قد إيه في الخبراء. ودي أخطر حاجة. بتعمل شراكة في الخبراء مع فرنسا ومع الصين. يعني إيه؟ يعني والله لو أنت عاوز تطور سلاح عندك، هتروح تستعين إن الصين تبعت لك خبراء إزاي يطوروه؟ وإيه المشكلة في حاجة زي كده؟ أنت خرجت من العقوبات الأمريكية. أنت كده ما ينفعش أمريكا تفرض عليك عقوبات. أنت ما بتشتريش سلاح من الصين أو من روسيا. أنت رايح تجيب خبير، قول له إزاي أطور السلاح ده. هيرسم لك الخطط واتحلت. لأن أنت لو خدت بالك هتلاقي إن أنت عندك مصانع كل شوية بتطلع زي إيه مثلاً؟ زي العربيات. أنا هديك مثل. يعني العربيات عندنا. أنت عارف إن مصر عاوزة تصنع عدد عربيات غير طبيعي في 2030. فدلوقتي لما تيجي تبص على صناعة العربيات بيجي يقول لك إيه؟ بيقول لك أصل 50% مكون محلي. يعني إيه مكون محلي؟ يعني القطع اللي تتحط جوه أصل العربية. فمثلاً لو جينا على العربية مثلا نيسان. مثلا لو هم عاوزين يخلوا النسبة بتاعة 50% توصل 80% مش هيعرف. يعني لازم يبقى فيه شركات ثانية بتصنع مكونات العربية. أصل مكون محلي ده أقعد افتكر مواد محلية. لا، مكون محلي يعني مثلاً ضفيرة الكهرباء بتاعة العربية، الصاج بتاع العربية، إزاز العربية. مثلاً ممكن الحاجات دي ما تكونش مصنعة في مصر. دلوقتي بقى فيه مصانع كتيرة ابتدت تفتح في مصر في المجالات دي كلها. المجالات اللي أنا قلت لك عليها دي. فده بيعزز المكون المحلي بتاع العربيات. وبالتالي لما تيجي تبص على صناعة عربية، نفس بالضبط صناعة السلاح. لو أنت بتعرف تعمل مكون محلي زي مثلاً العجل. على فكرة، أنت هيفتح عندك مصنع عجل ضخم جدا. الصين هتعمله. ماشي؟ في المنطقة الاقتصادية. ده هيفرق معاك جدا. ماشي؟ لأن مصنع العجل ده أنت هتوفر من استيراد العجل عندك. أنا بقول لحضرتك اقتصادياً مصر بتتحول بشكل كبير. واقتصادياً ده بيعزز من ثقة الدولة في التعامل مع ملفاتها الخارجية. مش بفضل إن أنت تتجنب عقوبات. أنا ما بتكلمش في كده. بس أنت ما بقتش في حاجة لحد قوي. يعني. ولو خدت بالك أنت صفقاتك العسكرية ابتدت تبقى محدودة حبتين في مجال فقط إن أنت عاوز تصنع أي سلاح مش عاوز تشتريه وخلاص. ماشي؟ وفي دول كتير ماشية على نفس المنوال ده بالمناسبة. يعني أنت عاوز نقل تكنولوجيا. قولوا لنا السلاح ده بيتصنع إزاي وإحنا نصنعه. وأديك شفت إمبارح الفيديو اللي جبته لحضرتك. الروس بيعرضوا عليك نقل تكنولوجيا. ما بيعرضش عليك أسلحة. ماشي؟ مصر بتقوم ومصر جاية. وأبرز ملف أنا شايفه إن هو هيدخلك استثمارات جامدة جدا السياحة. أنا لسه قارئ تقرير. أنا فوجئت. أنت عندك حالياً أكتر من 500 ألف سائح أمريكي جالك. الرقم ده ماتشافش. ماتشافش. ما جالناش الرقم ده من أمريكا قبل كده. 500 ألف سائح أمريكي. طب وإيه المشكلة؟ أنت ده أثر على أسعار الليالي الفندقية عندك. أنت عارف الليلة في ريتز كارلتون في جناح في الريتز كارلتون ممكن توصل كام؟ 12 ألف دولار. الريتز كارلتون اللي على النيل. ماشي؟ في تغير في الفنادق. الفنادق دي لما تكسب هتجلب فنادق أخرى. في براندات في أسماء فنادق لسه ما دخلتش مصر لحد دلوقتي هتبقى مهتمة جدا إنها تخش عندك. مصر بتتحول ومصر أقوى وكل شوية هتبقى أقوى. ولو خدت بالك إحنا يومياً في أخبار إيجابية عن مصر. بدل ما كنا بنتكلم على أخبار سلبية وبنغطي حاجات زي الزفت عن مصر وانفجار هنا وحدث إرهابي هنا. ما شاء الله مصر اتغيرت بشكل كبير. ولو خدت بالك أكتر إن الدولة ما بقتش واقفة عند ملف اللاجئين. أصل اللاجئين دول عاملين لنا مشكلة، مش قادرين نستوعبهم. إحنا بقينا نستوعب اللاجئين. شوف قد إيه بقينا نستوعب اللاجئين وبقينا نتكلم ما بعد اللاجئين. أنا ما بذكرش جنسيات، بس أنا بقول لك إن الدولة اتغيرت بشكل كبير جدا وأصبحت أقوى، أكبر، كل شوية. وهتشوف. شوف إن بعد المراجعة الخامسة والسادسة بتاعة صندوق النقد، هتشوف بعد المراجعة دي ما يتم الموافقة عليها من صندوق النقد مصر هتتغير إزاي. على فكرة، كل الناس اللي قعدوا ينتقدوا صندوق النقد ويقول لك ده دمر البلاد، هيجيب البلد الأرض والكلام ده كله. صندوق النقد ده أكت جهة عدلت الاقتصاد المصري. أنا صريح جدا معاك. ما كانش حد يجرؤ إن هو يقول لمصر أنت ماشية صح ولا غلط. لولا إن إحنا اتزنقنا. إحنا عدلنا حاجات كتيرة جدا. ماشي؟ فصندوق النقد ده أنا شايف إن هو ده كان نعمة كبيرة جدا وعدل كتير جدا في الاقتصاد المصري. شيل الدعم، اعمل كذا، اعمل كذا، اعمل كذا. أنت عملت حاجات ممكن ما كنتش عاوز تعملها، أو ممكن تكون خايف سياسياً إن أنت تعملها. إنما خلاص، الإجراءات اللي اتخذت بناءً على توصية صندوق النقد خلت مصر أقوى. ولسه. ولسه يعني خد بالك صندوق النقد مش راضي عنك قوي. يعني مش بيقول لك ده أنت أروع بلد في العالم. ده لسه بيقول لك ده أنت عندك إجراءات ما عملتهاش. ماشي؟ فدي أمور كبيرة جدا. تفاءل خيرا. أنت مصري وكل يوم بتقوى وبلدك بتقوى. وزي ما قال رئيس الوزراء قال لك: "خلي بالك ده أنت في خلال ثلاث سنين هتبتدي تشوف النتائج اللي بيحصل ده كله". ويا رب إنصور مصر رب العرب ورب فلسطين. يا رب. تحيا مصر. سلام.

أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

وكرم بيتضرب بيه المثل.

جدعنة وشهامة مش موجودة في زنا. ورحمة بتطلع من عينينا قبل قلبنا.

إحنا بسمة بتفتح ألف باب.

أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية. حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر.