كارثة | كيف دمرت أمريكا منظومات الدفاع الجوي التي يمتلكها الجيش المصري في فنزويلا

السلام عليكم، ازيكم؟

بعد عملية فنزويلا، خرج وزير الدفاع الأمريكي بات هاكسس وقال: "على فكرة الدفاعات الجوية الروسية في فنزويلا ما اشتغلتش كويس". والحقيقة، الراجل كان بيسخر، يعني زي ما حضرتك هتشوف كده بالظبط.

طيب، ممكن يكون بيتق على فنزويلا، بيتق على روسيا، بس هو قصده أنهي دفاعات جوية بالضبط؟ هو إيه الدفاعات الجوية اللي كانت عند فنزويلا والأمريكان ضربوها؟ خليني أفجر لك مفاجأة من العيار الثقيل.

أول دفاع جوي، أو أول منظومة دفاع جوي، كانت موجودة عند فنزويلا هي الـ S-300 اللي موجودة عند الجيش المصري. ثاني منظومة دفاع جوي كانت موجودة عند فنزويلا الـ Buk M2، ودي برضه موجودة عند الجيش المصري. أما ثالث منظومة كانت موجودة عند فنزويلا الـ Pantsir S-1، وهي كلها منظومات روسية موجودة لدى الجيش الروسي والجيش المصري.

بس المفاجئ بالنسبة لي هي كمان الرادارات الصينية الحديثة جداً اللي فنزويلا كانت جايباها من الصين. برضه الرادارات دي اتضربت. فأنت هنا قدام كارثة. هي الحاجات دي كلها اتضربت إزاي؟ ولازم تعرف اتضربت إزاي، لأن ببساطة أنت عندك نفس المنظومات دي وبتشغلها داخل الجيش المصري. فلو ما عرفتش الدرس المستفاد إزاي الدفاعات الجوية دي أمريكا أخمدتها لدرجة الفيديو اللي حضرتك شايفه ده، إن طيارات هليكوبتر أمريكية بتتجول في سماء العاصمة كراكاس، لدرجة إنهم خطفوا الرئيس. يعني أنت متخيل، نزلوا قاعدة وخطفوا الرئيس.

طيب، هنا بقى هتلاقي أصوات تقول لك إيه؟ تقول لك: "يا عم لا، منظومات اللي عند فنزويلا حاجة وعندنا حاجة تانية". هي، وبالمناسبة، السنة اللي وصلت فيها منظومات الدفاع الجوي لفنزويلا هي هي نفس السنة اللي وصلت منظومات الدفاع الجوي دي للجيش المصري، 2014-2015. فأنت هنا بتتكلم إن يجب إننا نعرف الدفاعات الجوية دي اتضربت إزاي، وهل إحنا ممكن نتعرض لنفس الأمر ولا لأ.

كلام أول مرة هتسمعه، لسبب بسيط إن الأمر بالنسبة لفنزويلا ده اتنسى وناس كتيرة جداً مش مهتمية تعرف إيه اللي حصل، لأن خلاص مادورو بيتحاكم هو ومراته في المحاكم الأمريكية، فالقصة اتنست. بس أهم حاجة في الليلة دي كلها تعرف الدفاعات الجوية دي اتضربت إزاي، لأنها قصة مثيرة جداً. عاوز تعرف إزاي؟ هوريلك.

عشان أقول لك، لازم أحكيلك القصة من الأول. قبل ما أخش في الموضوع، قبل ما أكشف لك التفاصيل، خليني أقول لك إن إحنا معانا راعي قوي جداً ومحترم جداً، وهو بعد الإنجاز الكبير اللي حققته شركة باتر هاوس في العاصمة الإدارية الجديدة والعرض اللي كسر الدنيا، أنا جايلك النهارده بعرض جديد ورهيب جداً في كومباوند سكاي نيو هليوبوليس بمدينة هليوبوليس الجديدة. وده عرض السنة الجديدة، وفعلاً هو عرض ما يتفوتش.

وعشان كده أنا جاي النهارده أقول لكم إن باتر هاوس عامله لكم عرض الثلاث ثمانيات في كومباوند سكاي نيو هليوبوليس. طب إيه هو عرض الثلاث ثمانيات؟ عرض الثلاث ثمانيات من باتر هاوس بيديلك خصم 8% لما تحجز وتتعاقد على وحدتك في كومباوند سكاي نيو هليوبوليس، وكمان هتدفع مقدم بسيط جداً وهو 8% فقط. وعشان العرض يكمل، باتر هاوس خلت الأقساط على ثمان سنين بدون فوائد. يعني دلوقتي تقدر تمتلك وحدتك بسهولة واستثمارك مضمون من أول يوم، وكمان بخصم خاص جداً 8%. الحق احجز وحدتك باستمارة حجز قيمتها 25,000 جنيه فقط، وده في كومباوند سكاي نيو هليوبوليس، وهو كومباوند متكامل في كل خدمات، على الحزام الأخضر مباشرة، وأمام بوابة مدينتي 4 على الطريق السويس، وبالقرب من محطة مترو نيو هليوبوليس.

ولأن شعرهم هو قوتهم، فباتر هاوس قدرت تنفذ كمية كبيرة من الإنشاءات في كومباوند سكاي نيو هليوبوليس وفي وقت قصير جداً، زي ما هو واضح كده قدام حضراتكم في الفيديو. يعني باختصار، باتر هاوس، أنت مش بس بتشتري وحدة، أنت بتبدأ استثمار حقيقي، ومش سهل تلاقي فرص الاستثمار وسهولة السداد دي في شركة تانية زي باتر هاوس. امتلك وحدتك دلوقتي مع باتر هاوس واستثمر في المضمون، عشان تلحق العرض، لأن العرض ده لفترة محدودة جداً. هسيب لحضراتكم أرقامهم ولينك الويب سايت الخاص بباتر هاوس عشان تعرفوا تتواصلوا معاهم.

نخش في الموضوع على طول. نخش في الموضوع على الجديد اللي معايا النهارده، ممكن يكون مختلف بالنسبة لحضرتك وأول مرة هتسمعه فيما يخص ثغرة الدفاعات الجوية. إيه اللي حصل بالظبط؟

اللي حصل إن إحنا قدام عملية عسكرية خطيرة جداً. الجيش الأمريكي دخل دولة وخطف الرئيس بتاعها بدون حرب. يعني خلي بالك، كل اللي أنت شفته ده هي مجرد عملية عسكرية مصغرة، كمان مش كبيرة. ماشي، فدي حاجة يجب أن تدرس ويجب إنك تعرف الدروس المستفادة. بس أنا لما جيت أقرأ على الحادثة دي، أنا كنت فاكر إن فنزويلا عندها منظومات دفاع جوي ضعيفة، عندها والله منظومات زي Strela مثلاً، زي Igla، حاجات محمولة على الكتف، أو منظومات دفاع جوي زي الرشاشات الـ M16 للطيارات والكلام ده كله.

إذ أفاجأ إن فنزويلا عندها منظومات دفاع جوي حديثة جداً، الـ S-300 والـ Buk M2. والحاجات دي كان هوجو تشافيز كان حريص جداً إن هو يشتريها من فلاديمير بوتين. مش بس كده، حضرتك لازم تعرف من كتر قوة العلاقات الروسية الفنزويلية، يوم 7 مايو 2025، يعني مش بقول لك 24، 23، 25، كان نيكولاس مادورو بيزور فلاديمير بوتين، وتم توقيع اتفاقية شراكة استراتيجية بين روسيا وبين فنزويلا. فلازم تعرف إن فنزويلا عندها الـ S-300 اللي موجودة لدى الجيش الروسي، موجودة في فنزويلا.

طيب، أمريكا إزاي أخمدت منظومات الدفاع الجوي ده؟ الحقيقة، أنت هنا قدام تقرير لسه نازل. يعني ده مش حاجة قديمة، ده يا باشا لسه نازل من صحيفة نيويورك تايمز بتقول لك إزاي أمريكا أخمدت الدفاعات الجوية. أنا عاوز أقول إن أمريكا كانت شبه في فنزويلا. ليه؟ قال لك خلي بالك، أهم جزء في عدم عمل منظومات الدفاع الجوي الفنزويلية بشكل قوي جداً، حاجة مهمة جداً: عدم كفاءة الجيش الفنزويلي. إزاي؟

قال لك خلي بالك، الجيش الفنزويلي مليان فساد، ولازم تعرف إن هو مش كفء زي الأول. بدليل إن لما تيجي تبص هتلاقي إن في عملية خطف نيكولاس مادورو، مات 39 جندي من كوبا. ما معناه إن كوبا بتمد فنزويلا بقوات من القوات، قوات خاصة. يعني الجيش الفنزويلي ليه مش أحسن حاجة. فده أول بند، أنت عندك عدم الكفاءة ده دور مهم جداً في عدم عمل منظومات الدفاع الجوي الروسية لدى فنزويلا بشكل كفء.

طيب، تاني حاجة، قال لك خلي بالك، تاني حاجة إن والله فنزويلا ما عرفتش تعمل الصيانة المطلوبة لمنظومات الدفاع الجوي اللي اشتريتها من روسيا. يعني إيه؟ يعني إحنا بنتكلم إن فنزويلا اشترت الـ S-300 والـ Buk M2 في 2014-2015، صح؟ طيب، من ساعتها فنزويلا ما بتعملش صيانة للمنظومات دي. الروس ما بيبعتوش الناس بتوعهم. تاني حاجة، قطع غيار متوفرة، بيلاقوا معاناة جامدة جداً عشان يوفروا قطع غيار للمنظومات دي. تالت حاجة، الجنود الفنزويليين مش مدربين بشكل كافي على استخدام منظومات الدفاع الجوي دي. خلاص، فانت عندك مشاكل لوجستية، مشاكل في التدريب، ومشاكل في توفير قطع الغيار والكلام ده كله. ماشي.

ده أمر. الأمر الثاني، قال لك خلي بالك، غياب الضباط الروس المسؤولين عن الصيانة وفنيين الروس. قال لك خد بالك إن الموضوع ده مبني على حرب روسيا وأوكرانيا. حرب روسيا وأوكرانيا في 2022 خلت روسيا غير قادرة على توفير فنيين وخبراء إن هم يروحوا دول أخرى يعملوا صيانة لمنظومات دفاع جوي، خاصة في فنزويلا، خاصة فنزويلا حتة في أمريكا الجنوبية بعيدة قوي قوي. يعني، فقال لك دي كانت مشكلة ثانية.

قال لك الحاجة اللي بعد كده، إن أصلاً لما القوات الأمريكية هاجمت على جيش فنزويلا، وفقاً لنيويورك تايمز، على فكرة أنا هنقل لك بالسطر، أنا مش بجيب لك حاجة من دماغي خالص. وفقاً لنيويورك تايمز، إن الجيش الأمريكي فوجئ إن القوات الفنزويلية مش مستعدة لعملية غزو أو عملية عسكرية أمريكية، برغم إن الجيش الأمريكي فضل واقف خمس شهور قصاد سواحل فنزويلا، إلا إن الجيش الفنزويلي تحس إن هو اتفاجئ بالعملية دي. لدرجة إيه؟ لدرجة إن هو بيقول لك إن في رادارات ما كانتش شغالة في فنزويلا، منظومات دفاع جوي اتضربت في مخازن. أنت متخيل؟ الـ Buk M2، أمريكا فضلت ترفض، هو فين؟

والأمريكان فوجئوا، وفقاً للصحيفة برضه، مش أنا اللي بقول، الأمريكان فوجئوا إن منظومات الدفاع الجوي دي موجودة داخل المخازن، ما تمش نشرها في مختلف الأجواء الفنزويلية. وكل اللي تم نشره كم قطعة كده خارج بس. أغلب المكات، معظم منظومات الدفاع الجوي الخاصة بـ Buk M2 والـ S-300 كانوا موجودين في المخازن. فالأمريكان بيضربوا كف على كف. هي إيه يا عم دي؟ الدولة اللي مش ناشرة الدفاعات الجوية بتاعتها؟

ده أمر مهم جداً. بس نيويورك تايمز، وهجيب لك الحتة دي بالسطر عشان إيه، يعني ما تشككش فيها. نيويورك تايمز بتقول لك: "كل الكلام ده لا يوازي حاجة واحدة بس: خيانة الروس". إيه خيانة الروس؟ قال لك خلي بالك، لازم تعرف إن وفقاً لمسؤولة روسية كانت مسؤولة عن العلاقات الروسية الأوروبية، طلعت قالت إن روسيا أدت المجال للأمريكان إن هم يشتغلوا في فنزويلا زي ما هم عاوزين، مقابل إن الأمريكان مش هيتدخلوا في عمل الروس في أوكرانيا، أو إن هم هيبقوا متبنيين وجهة نظر روسيا في أوكرانيا بشكل أو بآخر. يعني شبه كده المسؤولة دي طالعة تقول لك: "خلي بالك، ده في اتفاق روسي أمريكي على إن أمريكا تضرب فنزويلا". فغياب العنصر الروسي، لازم تعرف إن ده عن قصد.

والحقيقة، نيويورك تايمز هنا استشهدت بحاجة مهمة جداً، استشهدت بكلمة ألقاها وزير الخارجية الروسي سيرجي لافروف، لما الصحفيين سألوه عن إزاي روسيا تبيع فنزويلا، قال لهم: "إنتوا هتقارنوا العلاقات بين روسيا وفنزويلا بالعلاقات بين روسيا وبين روسيا؟" ما معناه إن في فرق كبير جداً، وإن فنزويلا دي دولة مهمة بشكل أو بآخر لروسيا. فهل الصحيفة عاوزة تقول لك دي خيانة من روسيا؟ الروس كانوا متعمدين إن هم ما يتدخلوش ويساعدوا في عمل منظومات الدفاع الجوي؟ حلو كده؟

هل معنى كده إن أمريكا ما عندهاش أسلحة لتعطيل منظومات الدفاع الجوي؟ أمريكا عندها أهم سلاح وهو الـ EA-18G Growler. خلاص؟ إيه الطيارة دي؟ بص، الطيارة دي هي طيارة مسؤولة عن ضرب منظومات الدفاع الجوي والحرب الإلكترونية. على فكرة، دي مش زي الـ F/A-18 Super Hornet اللي هي الـ F/A-18 العادية، لا، دي طيارة مسؤولة عن الحرب الإلكترونية. اسمها الـ EA-18G Growler. بس، فدي نسخة أخرى من الـ F/A-18. ماشي؟ ودي نسخة متخصصة في الحرب الإلكترونية للتشويش على الرادارات واستهداف الرادارات.

طيب، إزاي بتستهدف الرادارات؟ قال لك والله الطيارة دي أكبر وأقوى من الـ F-35 في القيام بالمهام. يعني أمريكا لو عاوزة تصطاد الرادارات، ما بتطيرش الـ F-35 في الأول، لا، دي بتطلع الـ EA-18G. الـ EA-18G بتقدر ترصد الموجات الرادارية بتاعة الرادارات وتقدر تضربها بصواريخ معينة، منهم الصاروخ الـ AIM-120C، وده المدى بتاعه بعيد جداً. بس الصاروخ الأخطر منه هو الـ AGM-88 HARM، وده صاروخ بيقدر يتتبع الموجات الرادارية لمنظومات الدفاع الجوي.

طيب، هل الطيارة دي موجودة عند إسرائيل؟ لا، مش موجودة عند إسرائيل. يعني الـ EA-18G Growler دي مش موجودة عند إسرائيل، دي موجودة عند أمريكا فقط. ماشي؟ فدي طيارة مسؤولة عن الحرب الإلكترونية. طيب، هل الرادارات بتقدر ترصد الـ EA-18G Growler؟ قال لك آه، ترصدها، بس لما تيجي تضرب عليها صاروخ، الصاروخ بيضل طريقه. يعني الطيارة دي تقدر تشوش على الصاروخ بحيث إنها تظهر له أهداف مش هي الأهداف اللي طايرة عليها الطيارات، أو في المستوى، أو في المدى، والكلام ده كله. ماشي؟ فدي طيارات طارت في حرب فنزويلا وقدرت إنها تشوش على الرادارات.

بس الأمريكان فوجئوا إن الرادارات مش شغالة، وإن منظومات الدفاع الجوي مش مربوطة بالرادارات. إيه اللي حصل في فنزويلا؟ يقارن بأي بلد؟ أولاً، أنت بتتكلم على خيانة من روسيا، جيش فيه كم من الفساد، عنده مشاكل لوجستية، مش عارف يجيب قطع غيار من روسيا، عنده مشاكل في التدريب، عنده مشاكل في حاجات كتيرة جداً. فانت ما ينفعش تقارن بين منظومات الدفاع الجوي الخاصة بالجيش المصري والخاصة بجيش فنزويلا بأي شكل كان، لسبب مهم جداً هو حطه لك في الأول: كفاءة الجيش كانت عامل مهم جداً في كل ده. سيبك من أي أمر تاني، الكفاءة بتاعة القوات المسلحة عامل مهم في استخدام الأسلحة اللي معاها. ده أمر.

الأمر الثاني، فيما يخص منظومات الدفاع الجوي المصري، لازم تعرف إن مصر حالياً بتشتغل على منظومات دفاع جوي مختلفة أصلاً ما طلعتش في العالم كتير عنها. أنت دلوقتي ما بقتش تسمع كتير عن منظومات الدفاع الجوي اللي مصر عاوزت تشتريه.

>> وادى هذا التطوير إلى قفزة نوعية كبيرة ليشمل جميع عناصر الدفاع الجوي من عناصر الاستطلاع والإنذار المبكر إلى الصواريخ ومراكز القيادة والسيطرة، لتعلن تلك المنظومات عن امتلاك مصر واحدة من أقوى شبكات الدفاع الجوي وأكثرها تعقيداً في العالم، حيث تمتاز منظومة الدفاع الجوي المصرية بقدرتها الفائقة على التصدي لجميع العدائيات وأحدثها.

ثاني حاجة، منظومات الرصد والرادارات بتاعتك بقت الأحدث، أحدث في العالم. مش S-300 والكلام ده كله. S-300 ممكن في الأول كان عصب الجيش المصري، بس دلوقتي مع دخول منظومات الدفاع الجوي الألمانية الـ ERLS أو منظومات الدفاع الجوي الصينية الـ HQ-9 أو منظومات دفاع جوي أخرى مصر بتشتغل عليها بشكل جيد جداً. فلازم تعرف إن مصر عندها أكثر شبكة في العالم، أو واحدة من أكثر الشبكات تعقيداً للدفاع الجوي في العالم.

>> به نظام والدفاع الجوي الصيني إلى النوع الصاروخي ثنائي المرحلة بعيد المدى أرض جو، والذي يستند إلى تكنولوجيا النظام الروسي ويتضمن عناصر من أنظمة أمريكية، ما يجعله قادرًا على تتبع 100 هدف والتعامل مع ستة إلى ثمانية أهداف في وقت واحد. مدى هذا النظام.

فدي نقطة لازم تعرفها. الـ S-300 للضرب في فنزويلا هو قصة من الخيانة الروسية، أو من صفقة بين روسيا وأمريكا. وده كان واضح جداً إن الروس ما كانش ليهم أي رد فعل بعد اختطاف نيكولاس مادورو. يعني أمر واضح جداً. بس الأمر هنا يقول لك إن أنت قدام قصة عن الخيانة، مش عن كفاءة جيش. ده أمر.

أمر ثاني، حضرتك لازم تعرف إن الجيش المصري حالياً بيشتغل على شراء منظومات دفاع جوي لمختلف، مختلف تماماً عما أنت بتظهر لك. زي إيه مثلاً؟ زي مثلاً إن والله مصر عاملة، وفقاً لموقع Tactical Report، تروح لاقتناء طائرات رصد مبكر زي الـ Global Hawk. واللي موقع Tactical Report فجر مفاجأة من العيار الثقيل وقال لك: "على فكرة، مصر مهتمة جداً بمنظومات الرصد المبكر دي". فانت متخيل؟ دولة بتعمل كوبي، أو بتعمل نسخة من طيارات Shahed 136، بتعمل نسخة مصرية وبتضيف عليها تقنية التخفي زي Jabar 250. هل تعتقد إن دي دولة معتمدة على منظومات دفاع جوي روسية فقط؟ لا.

بس أنت طول ما أنت بتصنع حاجتك بنفسك، أنت بتضمن حاجتين: عدم خيانة الدولة اللي هي بايعة لك السلاح، ثاني حاجة، عدم قدرة إسرائيل على عرقلة صفقاتك. وده اللي بيعمله الجيش المصري حالياً. أديك شايف لما Tactical Report أو أي موقع عسكري تاني يقول لك إن المصريين لما بيخشوا في صفقة، بيحبوا إن هم يصنعوها عندهم أو يجمعوها عندهم. ما بيحبوش إن هم يشتروا صفقات تسليح من الخارج زي الأول. هم عاوزين نقل تكنولوجيا، الـ Technology Transfer. ده أهم نقطة. وده يوريك قد إيه عامل الأمان ده بيلعب بشكل كبير جداً.

أهم الدروس المستفادة اللي مصر شغالة عليها. واضح إن كان في رؤية مستقبلية كبيرة، أو الرؤية بعيدة وجهة نظر صائبة إن أنت تصنع حاجتك بنفسك. بس دي أهم نقطة أصلاً. حتى بالمناسبة، لو كان تصنيع الحاجات اللي عندك دي نسخة أقل، بس أولاً هيديك خبرات مهمة جداً في التصنيع، وتقدر بعد كده تصنع نسختك أنت أو سلاحك أنت الخاص، زي ما بتعمل تركيا بالظبط.

لكن، يا رب أكون شرحت لحضرتك الموضوع بشكل مبسط. خليك واثق إن في ناس كتيرة شغالة على أمن البلد دي وشايفين كل التقارير دي. وعلى فكرة، اللي أنا بقوله لك ده، أوعى تفتكر إن هم مش راصدين الكلام ده. كلهم راصدين كل حاجة، ماشي؟ وعارفين الدنيا تمشي إزاي. بس حضرتك كمواطن، عشان بس ما تسمعش الكلام ده لما ينزل لك بقنوات أخرى يقول لك: "ادي منظومات الدفاع الجيش المصري اتضربت". ما حصلش الكلام ده كله. دي قصة خاصة عن خيانة روسيا وأمريكا لفنزويلا.

وربنا ينصر مصر، ربنا العرب، ويا رب فلسطين. يا رب. تحيا مصر. سلام.

>> أنت مش عارف إحنا مين؟ إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب.

>> وكرم بيضرب به المثل.

>> جدعنة وشهامة مش موجودة في زنا. ورحمة بتطلع من عينينا قبل قلبنا.

>> إحنا بسمة بتفتح ألف باب.

>> أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية، حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين؟ إحنا مصر.

>> يا محروسة بسيف شاطر وسيف حارس عليكِ. يا مين ومن فوق السما السابع حاميكِ رب العالمين.