كيف تجعل المرأة تدمن عليك ؟ ( سيكولوجية المرأة )

كتير من الرجاله ما بيبقاش عارف إيه هي الطريقه الصح اللي يتعامل بيها مع البنت، سواء كانت البنت دي زوجه ليه أو خطيبته أو البنت اللي ناوي يتجوزها أو البنت اللي مرتبط بيها بشكل عام وبيحبها. ما بيبقاش عارف إيه هي الطريقه الصح اللي يجذب بيها البنت ليه. ممكن تلاقي مثلا راجل متجوز وبعد مرور وقت على جوازه مراته انجذابها ليه بتبطل تبقى منجذبه ليه زي الأول. شاب خاطب بتلاقيه مش دايماً بيكون عارف إيه هي الطريقه الصح اللي يتعامل بيها مع خطيبته عشان ينجح العلاقه. شاب معجب ببنت ما بيبقاش عارف حتى يبدأ منين أو يعمل إيه عشان يتقرب من البنت دي ويدخل حياتها بالطريقه الصح. وأنا هنا النهارده عشان أساعدك في كل ده. بعد ما تتفرج على فيديو النهارده وتركز فيه كويس، تأكد إنك هتعرف بعدها بالضبط إزاي تتكلم مع البنت، إزاي حتى تدخل لعقلها وتخليها تستناك بفارغ الصبر. فيديو النهارده هو عباره عن دليل شامل ليك كراجل في كيفيه التعامل مع البنت سواء على أرض الواقع أو حتى عن بعد. وإذا أنتِ يا عزيزتي المرأه بتتفرجي على الفيديو ده دلوقتي فأنا متأكد إنك هتستفيدي منه برضه لأنه هيعرفك إزاي الراجل بيفكر تجاه البنت، وهيعرفك إزاي أنتِ كبنت تفهمي نفسك كويس جداً.

في البدايه عايزك تتخيل معايا كده سريعاً إن أنت هتشتغل طيار. هل ممكن إن أنت تكون طيار محترف من غير ما تعرف خصائص الطياره دي وإزاي بتشتغل؟ أكيد لا. نفس الكلام، عمرك ما هتكون راجل محترف في التعامل مع المرأه لو كنت أنت ما تعرفش إزاي بيشتغل عقل المرأه. عشان كده في البدايه هعرفك أهم أسرار سيكولوجيه المرأه اللي هتفهم من خلالها كويس جداً إزاي عقل المرأه بيشتغل، إزاي المرأه بتفكر، إمتى المرأه بتاخد قرار. وبعدها هعلمك إزاي تبقى طيار محترف. عشان كده فيديو النهارده مقسوم لجزئين. الجزء الأول من الفيديو هعرفك إزاي عقل المرأه بيشتغل وإيه بالضبط اللي بيحصل جواها عشان تنجذب لك. والجزء الثاني من الفيديو هعرفك فيه أهم الأسرار النفسيه اللي لو استخدمتها مع البنت اللي معاك تأكد إنك مش هتغيب لحظه عن بالها ولا هتبطل تفكير فيك. يلا نبدأ.

وأول معلومه لازم تعرفها كويس عن البنت وهو إنك لما تكون بتتكلم مع البنت فلازم تعرف إن عقلها الباطن هو اللي بيكلمك. الغريزه المتحكمه في الحب عندها هي اللي بتدور على الراجل المناسب وبتقيمك عشان تشوف إذا كنت أنت الراجل المناسب ليها ولا لا. لازم تكون عارف كويس جداً إن البنات مخلوقات عاطفيه بتنجذب للي بتحس بيه. وخليني أعرفك سريعاً كده إيه هو الجذب في علم النفس بالنسبه لسيكولوجية [موسيقى] بدل المنطق.

ولذلك هتلاقي إنه من النادر جداً إن المرأه تحتل الوظائف الحساسه اللي بتعتمد بنسبه 100% على المنطق زي مهنه القضاء أو مهنه رئيس الدوله. غالباً البنت بتشوف شيء معين وتحس شعور معين فتلاقيها بتستجيب للشعور ده. وبما إن البنات بنسبه كبيره تصرفاتهم قايمه على العواطف فهتلاقي صعب جداً إن هم يتحكموا بنسبه 100% في الشيء اللي بينجذب له أو حتى اللي مش بينجذب له. لو كنت عايز تفهم بجد عقل مرأه لازم تعرف إن الجذب بالنسبه لعقلها هو عباره عن استجابه بشكل لاواعي منها ناحيه بعض التصرفات اللي بيبينها الراجل. عشان كده لو كنت عايز تحفز الجذب ده عندها أكتر ناحيتك لازم تدمج أنت التصرفات دي جوه شخصيتك. لكن الأول خليني أكمل لك إزاي بيشتغل عقل المرأه.

أولاً، الستات ما بيتحكموا في انجذابهم لراجل معين أو عدم انجذابهم لراجل معين. يعني ممكن بنت تشوف راجل معين تنجذب له جداً. انجذابها هنا أكد إن مش هي اللي بتتحكم فيه. انجذابها هنا بيحصل بشكل لا واعي منها. نفس الكلام، ممكن تلاقي بنت تشوف راجل معين ما تبقاش طايقاه، ما تنجذب لوش أبداً رغم إنه ممكن ما يكونش عمل لها أي حاجه وحشه. لكن الفكره هنا واللي لازم تكون فاهمه إنه انجذاب البنت أو عدم انجذابها بيحصل على مستوى عقلها اللا واعي وما تقدرش إن هي تتحكم فيه.

ودلوقتي عايزك تتخيل معايا كده إن الجزء اللا واعي ده من عقل المرأه هو عباره عن جهاز كشف المعادن اللي بيعدي من تحته الشنط في المطارات. عارفه الجهاز ده؟ استنى شوف كده، أهو هو الجهاز ده. فعايزك تتخيل معايا إن الجزء اللا واعي من عقل المرأه عامل بالضبط زي الجهاز ده. لما تبدأ إنك تتكلم مع البنت فالجهاز ده بيشتغل جوه عقلها بشكل لا واعي منها ويبدأ إنه يعمل لك مسح زي سكان كده عشان يشوف إذا كنت أنت مناسب ليها ولا لا. الجهاز ده منفصل تماماً عن عقلها الواعي، يعني مش هي اللي متحكمه فيه. هو بيشتغل جواها من نفسه كده بشكل تلقائي.

وده معناه إن الجهاز ده لو اختارك في عقلها الواعي مش هيقدر حتى إنه يقول لا أو يرفضك. وهو ده بالضبط السبب اللي بيخلي ستات كتير جداً ينتهي بيهم الأمر بإن هم يقعوا في حب نفس الراجل السيء اللي بيعاملهم بشكل سيء. وده لأن عقلهم للأسف بيخونهم. فحتى لما المنطق بيشتغل عند البنت وعقلها الواعي يبدأ يحذرها وينبهها باستمرار ويقول لها ما توقعيش في نفس الغلطه، لو وقعتي في نفس الغلطه فالراجل ده هيرجع يعاملك بشكل سيء جداً وهيخونك. للأسف لأن الستات مبرمجين بيولوجياً لأن هم يفكروا بالعواطف ولأن الجهاز اللي جوه عقلها ده منفصل عن عقلها الواعي أو عقلها المنطقي فمش ممكن عقلهم يقدر يتحكم في ده بنسبه 100%.

وأهم معلومه لازم تعرفها عن سيكولوجيه المرأه وهو إنه أي بنت في العالم من أول ما بتتولد فبشكل لا شعوري منها بيكون عندها هدف رئيسي في الحياه دي وهو إنها تلاقي الراجل المناسب ليها. شئتم أم أبيتم فدي غريزه بيولوجيه عند الست. حتى لو كانت الست دي هي وزيره أو رئيسه الدوله حتى، لكن في النهايه تأكد إن هدفها الغريزي هي إنها تلاقي الراجل المناسب ليها. والراجل ده مش شخص هي اللي بتختاره، لا ده الجهاز اللي جوه عقلها هو اللي بيدور عليه وبيختاره. عشان كده من هنا ورايح في كل مره تتكلم فيها مع البنت اعرف إن الجهاز اللي جوه عقلها ده بيفحصك عشان يشوف هل أنت مناسب ليها ولا لا. الجهاز اللي جواها ده هيدور فيك على حاجات كتير جداً من أهمها سؤال مهم: هل أنت اللي أفضل منها ولا هي اللي أفضل منك؟ وده بالنسبه لها بتحدده من خلال رؤيتها للطريقه اللي أنت بتتعامل بيها معاها سواء كنت أنت بتتعامل معاها بطريقه بتبين لها نفسك إنك أفضل منها أو إذا كنت شايف نفسك أو شايف إن هي اللي أفضل منك. لو كنت بتتعامل معاها بطريقه بتبين إنك شايف نفسك أفضل منها فالجهاز اللي جوه عقلها ده هيفهم إنك أفضل منها وساعتها البنت دي هتكون ليك. يمكن كلامي يبان لك صعب شويه لكن اطمن في نهايه الفيديو هفهمك كل حاجه وهعرفك إزاي تخلي أي بنت مهما كانت ما تبطلش أبداً تفكير فيك بعد كلامها معاك من غير حتى ما تعرف ليه هي بيحصل معاها كل ده. وده الجزء الثاني من الفيديو اللي هشرحه لك حالاً. يلا بينا.

إذاً إيه اللي المفروض أنت تعمله وإيه اللي المفروض أنت تقوله عشان تخلي الجهاز اللي جوه عقلها ده يفهم إنك بتشوف نفسك أفضل منها؟ خليني أقول لك إنه وأول غلطه ممكن أنت تكون بتعملها كراجل وأنت بتتعامل مع البنت وهو إنك قبل ما تتكلم معاها تكون بتفكر بشكل مبالغ فيه في الكلام اللي أنت هتقوله لها. اللي عايزه منك إنك ما تعملش كده، ما تفكرش كتير قبل ما تتكلم مع البنت في الكلام اللي أنت هتقوله أو الطريقه اللي أنت هتتكلم بيها. لازم تكون حاطط في دماغك فكره مهمه جداً وهو إنك وأنت بتتعامل مع البنت أياً كانت مين هي البنت دي لازم تفتكر دايماً إن البنت دي هي مجرد إنسانه مش أكتر. من دلوقتي ورايح لازم تحط في دماغك إن في كل مره هتتكلم فيها مع بنت جميله حتى عايزك تفتكر الجمله دي كويس: إنها مجرد إنسانه.

عشان كده خلينا هنا نتعلم مع بعض شيء بسيط يمكن كتير من الناس مش فاهمينه وهو لغه الجسد. لو كنت قبل كده حاولت تدور أو تبحث عن لغه الجسد وتحاول تتعلمها هتلاقي إن بعض الناس اللي بتتكلم عن لغه الجسد بيقولوا إنه ضروري جداً راسك تبقى مرفوعه لفوق وأنت بتتكلم، وناس ثانيه تقول لك ما تحطش إيدك في جيوبك وأنت بتتكلم، وناس ثانيه تقول ضروري تكون قاعد ضهرك مستقيم. كل ده كلام جميل بس من مصلحتك إنك تنساه أو ما تركزش فيه كتير لأنه غالباً مش هيفيدك بأي حاجه في تعاملك مع البنت. في ثلاث نقط عايزك تركز جداً عليهم بخصوص لغه الجسد.

رقم واحد: إن الخطأ الشائع اللي بيرتكبه الراجل هو إنه بينحني ناحيه البنت أثناء كلامه معاها أو بيتقرب منها بزياده أثناء كلامه معاها. وده اللي بيخليها تفقد اهتمامها بيك لأن الحركه دي بتخليها هي بشكل لا واعي منها تبدأ تحس إن أنت مهتم بيها جداً. فما تعملش كده. اتكلم من غير ما تنحني تجاهها ودي النقطه الأولى.

رقم اثنين: هو إنك من وقت للثاني تمشي من قدامها لما تقول لها حاجه وهي ما توافقش عليها أو لما تحس إن هي ما بتقدرش كلامك في موقف معين. فامشي من قدامها بدون نقاش. لازم تعرف إنه البنات الجذابين مش متعودين أبداً على إن الراجل يبعد عنهم بالطريقه دي لأن هم عاده بيكونوا متعودين على إنه يتم ملاحقتهم. عشان كده بعدك في موقف زي ده هيبين إنك بتمتلك قيمه عاليه لنفسك وهيخليها تلقائياً تنجذب لك أكتر.

النقطه الثالثه والأهم في لغه الجسد اللي عايزك تكون فاهمها كويس جداً طول حياتك. بس قبل ما أقولها لك عايزك تتخيل معايا كده إن أنت دلوقتي حالاً قاعد جنب شخصيه مهمه، حد يعني مكانته عاليه جداً. يا ترى إزاي هتكون قاعد جنب الشخص ده؟ احتمال كبير جداً هنا إن أنت ما تقدرش تكون قاعد مرتاح وغالباً اللي هيحصل هنا إنك هتحاول إنك تبين احترامك ومش هتكون مرتاح. يمكن تكون مبتسم وبتضحك عشان تسايره وتحاول ترطب في الجو. لكن دلوقتي بقى عايزك تتخيل معايا كده إن أنت قاعد جنب صديقك اللي أنت بتعرفه من 10 سنين مثلاً أو قاعد حتى جنب أخوك. فيا ترى إزاي في اللحظه دي هتكون لغه جسدك؟ احتمال كبير جداً إن أنت ما تهتمش أصلاً بالطريقه اللي أنت قاعد بيها. ممكن تلاقي نفسك قاعد وفارد رجلك لقدام أو قاعد وأنت معوج وبتتكلم معاه بكل أريحيه ومش هتكون مهتم أصلاً إذا كان هو قاعد جنبك أو لا.

إذاً لما يكون في شخصين قاعدين قدام بعض وبيتكلموا فتأكد إن الشخص اللي قيمته عاليه فيهم هيكون هو الشخص اللي قاعد بمنتهى الأريحيه. الشخص اللي قيمته عاليه فيهم هيكون هو الشخص اللي مش مركز مع طريقه قعدته أو حركات جسمه. وهي دي بالضبط العقليه اللي أنا عايزك تتبناها من النهارده: إنك لما تكون بتتكلم مع البنت فأول حاجه عايزك تعملها هو إنك تكون قاعد قدامها براحتك في الوضعيه اللي على مزاجك واللي تحسسك بإنك مرتاح. وبلاش تركز أبداً في الطريقه اللي هي شايفاك بيها. ما تسألش نفسك أبداً هي شايفاك إزاي دلوقتي. فكره إنك تفكر في الطريقه اللي أنت المفروض تقعد بيها لازم تختفي من عقلك. يعني لو حسيت إنك عايز تحط إيدك في جيبك اعمل كده. لو حسيت إنك عايز تخرج إيدك من جيبك اعمل كده. لو حسيت إنك عايز تحط رجل على رجل وأنت قاعد اعمل كده. حسيت إنك عايز تميل لورا وأنت بتتكلم اعمل كده. المهم إنك تحس إنك مرتاح وتعمل اللي بيخليك مرتاح. البنت مش هتهتم أبداً بشكل وضعيه إيدك أو رجلك أثناء الكلام معاها. كل اللي هي هتاخد بالها منه هنا هو إنك قاعد على راحتك ومرتاح في قعدتك وأنت بتتكلم معاها ولا لا. واللي عايزه منك هنا هو إنك لو كنت عايز تكون راجل بيمتلك الكاريزما والثقه بالنفس هو إنك تطبق العقليه دي في حياتك كلها مش بس مع البنات. من فضلك بطل إنك تدي أهميه كبيره جداً للغه جسدك. بطل إنك تدي أهميه كبيره للي أنت لازم تعمله عشان تبهر الشخص اللي أنت بتتكلم معاه. اعمل بس اللي بيخليك تحس إنك مرتاح، ما حدش ليه عندك حاجه. اللحظه اللي هتبدأ تفكر فيها في لغه جسدك وإزاي لازم تكون وضعيه جسمك طول الوقت فاعرف إنك على الطريق الخطأ. من فضلك اتعلم إنك تكون مرتاح، متصالح مع نفسك، وبلاش تهتم بكل اللي عقلك بيفكر فيه أو كل اللي بيخطر على بالك. اقعد زي ما تحب، اعمل اللي أنت عايزه. لما تتصرف كده فتأكد في اللحظه دي إن البنت اللي معاك هتبدأ هنا تحس إنك شايف نفسك أفضل منها.

ودلوقتي خلينا نتكلم على طريقه كلامك مع البنت اللي المفروض تستخدمها معاها واللي هتخلي البنت دي تنجذب لك جداً مهما كانت هي مين. وهي إنك تكون حاطط في دماغك كويس جداً إنك لما تيجي تتكلم مع أي بنت فضروري هنا إنه 50% من كلامك معاها لازم يكون عن البنت اللي بتتكلم معاها وعن شخصيتها، و30% من كلامك معاها يكون عن البيئه اللي حواليها أو عن أي حاجه عامه، و20% بس من كلامك معاها لازم يكون عنك أنت. طب إزاي؟ هفهمك، ركز معايا.

ليه 50% من كلامك مع البنت لازم يكون عنها هي شخصياً و20% بس عن نفسك؟ لأنه لازم تعرف إنه في أي محادثه ما بين أي اثنين بيتكلموا مع بعض فالشخص اللي بيحتاج لموافقه الطرف الثاني بيكون هو الشخص اللي بيتكلم كتير عن نفسه. تخيل معايا كده إنك في مقابله شغل. فاللي بيحصل في مقابلات الشغل إن المحادثه بتكون عنك أنت وعن شخصيتك وعن قدراتك ومش بتكون عن الشخص اللي بيعمل معاك المقابله لأنك أنت اللي بتكون محتاج للوظيفه وهم اللي بيتحكموا في إنهم يقبلوك في الوظيفه أو لا. نفس الشيء بالضبط بينطبق على محادثاتك مع المرأه. بشكل لاواعي المرأه بيجي لها شعور إن الشخص اللي بيتكلم كتير عن نفسه هو اللي بيحتاج لأن الطرف الثاني هو اللي يوافق عليه. عشان كده لازم معظم كلامك مع البنت يكون عن البنت نفسها أكتر ما تتكلم عن نفسك أنت. طب إزاي؟ طب إزاي ممكن كلامك يكون عنها؟ حاجه بسيطه جداً، ركز معايا. عشان تخلي دايماً محور حديثك مع البنت يكون عنها هي لازم تستعمل تقنيه الاستبطان في كلامك معاها. ودي التقنيه اللي بيستخدمها عاده الطبيب النفسي بإنّه بيسأل أسئله معينه أثناء كلامه تخلي الشخص اللي قدامه يستمر طول الوقت في الكلام عن نفسه. زي إنك بتسألها: إيه أكتر حاجه بتحبيها من قلبك في الشيء الفلاني أو الموضوع الفلاني؟ طب إيه أكتر حاجه بتكرهيها في كذا؟ طب يا ترى طفولتك كانت عامله إزاي شكلها إيه؟ حاسه كنت طفله شقيه؟ طب إيه أكتر حاجه بتحلمي إنك تحققيها في المستقبل؟ إيه أكتر حاجه بتحبي تعمليها وقت فراغك؟ إيه أكتر صفه شايفاها إيجابيه في نفسك؟ طب إيه اللي أنتِ بتشوفيه سلبي فيكي؟ وبكده هيكون حوالي 50% من الكلام معاها بيدور حواليها هي.

أما 30% من المحادثه لازم يكون عن البيئه اللي حواليها أو حتى عن أي شيء عام. مهم إنك في المرحله دي عايزك تبقى فاهم ومستوعب شيء واحد وبس إنك ما تفكرش كتير في اللي أنت مفروض تقوله. أي حاجه تخطر على بالك قولها. تخيل نفسك كده قاعد جنب صديقك اللي أنت تعرفه من 10 سنين، اتكلم عن أي حاجه وكل حاجه. مش مهم أبداً إنك تقول حاجه سخيفه أثناء كلامك، المهم إنك ما تحاولش تبين إنك بتحاول ما تقولش شيء سخيف. استمر في الكلام بشكل عادي وبلاش تلتزم بموضوع واحد بس في كلامك معاها. وفي نفس الوقت ما تحاولش إن أنت تكون جد معظم الوقت وتناقش معاها مواضيع مهمه. اتكلم بشكل عادي جداً عن أي حاجه تخطر في بالك. ولو دخلت معاها في جدال بخصوص موضوع معين مثلاً فحاول إنك تحافظ على هدوءك وبلاش تنفعل وبلاش كمان تجادل بغرض إنك تثبت وجهه نظرك. وعايزك تحط في دماغك فكره معينه تتبناها وأنت بتتعامل معاها وهو إنك تفتكر دايماً إنك مش محتاج منها حاجه ولا محتاج موافقتها على حاجه ولا مطلوب منك إنك تكون متفق أنت وهي طول الوقت. فبلاش تعذب نفسك في إنك تحاول توصل لها فكره معينه أو تقنعها بحاجه معينه.

ودلوقتي خلينا نتكلم عن الـ 20% اللي أنت هتتكلم فيهم عن نفسك. اللي مطلوب منك هنا إنك ما تحاولش أبداً إنك تبين لها إن أنت رائع ما حصلتش. بلاش تتكلم عن إنجازاتك أو مغامراتك. وخليني أقول لك هنا على حيله نفسيه بسيطه جداً لكن تأثيرها قوي جداً وأنت بتتكلم عن نفسك: حاول من وقت للثاني إنك تسخر شويه من نفسك. حاول لما تحكي قصه عن نفسك حاول إن أنت تحكي قصه تبينك شويه سخيف أو شويه مجنون مش تحكي قصه تبينك رائع وبطل. بالطريقه دي البنت اللي قدامك بشكل لاواعي هتبدأ ما بينها وما بين نفسها تحس إنك مش محتاج موافقتها، مش محتاج إن هي تعجب بيك. وضيف على ده حاجه مهمه جداً وهو إنك تكون غامض. شخصيتك لازم يكون فيها شويه نوع من الغموض. وإنك تكون غامض معاها ده مش معناه هنا إنك تزيف كل شيء عن شخصيتك، يعني الموضوع ببساطه هو إنك تحاول ما تكشف كل حاجه عن نفسك بدري بدري. كتير من الرجاله تلاقيهم بيدوا إجابات مفصله لكل سؤال بيتسأل لهم من البنت اللي معاهم. يعني كمثال بسيط لو البنت اللي معاك سألتك: أنت بتشتغل فين؟ فمعظم الرجاله هيكون إجاباتهم: أنا بشتغل في الشركه الفلانيه في المنصب الفلاني من الساعه 3 للساعه 9. الخطأ هنا هو إنك لما بتدي للبنت اللي قدامك معلومات كتير جداً عنك بسرعه كبيره جداً فده هيخليها تحس بقله وعيك، هيخليها كمان تحس بقله قيمتك. وده اللي مش لازم يحصل. طب المفروض نعمل إيه؟ الطريقه الصحيحه هنا هو إنك لو سألتك مثلاً أنت بتشتغل فين ممكن تقول لها مثلاً بضحك: اصبري شويه، لسه متكلمين، ليه مستعجله على إنك تعرفي؟ شفت الفرق بين الإجابتين؟ واعرف دايماً إنك طالما ما بتكشف كتير عن نفسك بدري بدري ف هتلاقيها بعد كده دايماً حابه إنها تعرف عنك أكتر.