Transcription
الخوف ده احساس كذاب. تخيل اه والله العظيم. الخوف بيخليك تعظم وتضخم وتبالغ في قدره الشخص اللي انت خايف تواجهه ده. ولا مبالغه المخرجين في الافلام الهندي.
الخوف ده ساعات كده بيخليك تفتكر ان مديرك في الشغل او شخص بيتنمر عليك باستمرار او نرجسي مرتبط بيه سواء انت كنت راجل او ست. والله العظيم ثلاثه. الخوف ده بيخليك تشوفهم على انهم قوه خارقه مع انهم في الحقيقه مجرد شويه لحم على شويه دم زيه زيك بالظبط.
وعلشان كده في اي مواجهه او في اي خناقه او في اي موقف غير مريح الانسان عاده بيفكر في ازاي هيقدر يحمي نقاط ضعفه بسرعه وبشكل اوتوماتيكي بيحط نفسه في وضعيه الدفاع. وطبعا بيعمل كده بدل ما يشوف ازاي هو يقدر يكشف ويهجم على نقاط ضعف الشخص اللي هو بيواجهه.
ما تيجوا كده نلعب لعبه. تعالوا نسال ماذا لو. ماذا لو بدل ما تفكر في ازاي انت تقدر تحمي نفسك وظفت التفكير ده في انك تعريض ضعف اللي قدامك. ماذا لو بدل ما تحط نفسك في وضعيه الدفاع فكرت في ازاي تقدر تخلي اللي قدامك هو اللي يحس ان هو اللي مضطر يدافع عن نفسه بدل ما يهاجمك؟
قاعده عامه في الحرب وخصوصا بقى في الحرب النفسيه. لو اللي قدامك حاس ان انت خايف منه او عامل له حساب هيدوس عليك وهيفعصك. لان هو بيشحن ثقته بنفسه من ضعفك قدامه. لان وضعيه الدفاع اللي انت فيها بتطمن عقله الباطن وبتعرفه انك مش هتقدر عليه. فهو بياخد وضعيه الهجوم بالاريحيه لان عقله الباطن ما بيحسش بالخطر.
لكن لو اللي قدامك بقى حاس من مجرد رؤيته ليك انك مش خايف منه ومش عامل له حساب ومستعد كمان تواجهه. والله العظيم مهما كان وحش قدامك هيخاف وهيعيد تفكيره ثاني. حتى ولو انت لوحدك وهو فيه 10 في ضهره. الديب ما بيهجمش على الخروف غير لما الاول يتاكد ان الخروف خايف منه.
فالمره الجايه تتحط في موقف تحس فيه بالخوف زي مثلا انترفيو شغلانه نفسك فيها او مناظره مع اي حد له راي مختلف عن رايك او خناقه او نقاش مع حد انت خايف ان هو يزنقك في الكلام او مواجهه مع حد انت خايف اصلا تتكلم معاه او بنت نفسك ت يعني تعترف لها بحبك. اي حاجه بقى ها. اي موقف غير مريح.
فكر كده وقول لنفسك نفس. انا مش محتاج ادافع عن نفسي. انا لازم اقول الكلام واتصرف التصرف اللي يخليه هو اللي يحتاج يدافع عن نفسه. اهو السويتش البسيط ده في عقليتك ممكن يغير كل حاجه وممكن يغير اي نتيجه.
في الشغل مثلا بدل ما تبالغ في شرح انت ليه تستحق ترقيه وكانك بتشحت حقك من مديرك اللي عامل منك مرمطون. خلي مديرك ده يتزنق كده يومين ثلاثه في فتره يكون محتاجك فيها. خد لك اجازه مرضيه اكيد يعني. ما تتقمسش وتقعد بقى في البيت زعلان منه وبتاع وسيبه بقى يشوف وانت مش موجود هو هيحتاس قد ايه وقد ايه هو هيبقى نفسه ان انت ترجع ثاني. لما تتاكد ان هو احتاس في غيابك روح زي الباشا اطلب حقك وهو غصب عنه هيديهولك وبالزياده كمان.
او في المناقشات بدل ما تحاول تثبت انت ليه صح. شاور على الاخطاء في الكلام اللي هو بيقوله كده خلاص. هو اللي محتاج جي يثبت وجهه نظره مش انتهى.