Transcription
لما تقول لك مثلاً شكلك بتاع بنات، هتقول لها: هو أنتِ عايزة إني أبقى بتاع ولاد ولا إيه؟ هوبا! لما تقول لها كلام حلو وتقول لك: طبعًا أنت بتقول كده لكل البنات، هتقول لها بكل ثقة: هو أنا فاضي أقول كده في كل مرة ولا إيه؟ مش لازم تكون محبوب، بس لازم الناس تحترمك. وعادات النهاردة دي لو مشيت عليها بالحرف، هتخلي كل اللي حواليْك يعيدوا حساباتهم معاك.
العادات اللي أنا هقول لك عليها النهاردة دي مش للجميع، دي بس عادات للرجالة. مبدئيًا كده، عايزك تعمل لايك للفيديو وتشترك في القناة لو لسه ما اشتركتش. كل أسبوع بروعة عليك بنصائح لبس، ثقة بالنفس، علاقات، وبيزنس. طول ما أنت مع الكاوي مش هتحتاج حاجة أبدًا، أنا وعدك من زمان هخليك على وضعك، حتى لو غصب عنك. في الفيديو ده، هشارك معاك عادات الناس هتقول لك عليها مؤذية أو سلبية مكروهة، بس في الحقيقة العادات دي سر من أكبر الأسرار اللي بتخليك مؤثر جدًا وجذاب جدًا، والناس محترماك. تعالوا نبتدي.
أول عادة ودي مهمة جدًا: دايمًا حافظ على "الآي كونتاكت" من غير ابتسامة. الناس دايمًا هتقول لك: ابتسم للناس! بس في الحقيقة لما بتعمل كده كتير بتبقى أراجوز مش محترم. هيبة بتروح لما 24 سنة تبقى الناس ما بتأخذكش بجد. لما تتعامل مع أي حد، لما تبص في عينه من غير ابتسامة، حافظ على "الآي كونتاكت" بوجه محايد زي ده دلوقتي كده، لا منك مكشر ولا منك بتضحك. لما تعمل "آي كونتاكت" من غير ابتسامة، أنت كده بتبعت رسالة واضحة: "أنا مش مضطر أعاملك كويس، أنت لازم تثبت لي نفسك الأول". طب ده بيخلي الناس تحترمك إزاي؟ ببساطة، عشان الناس بتخاف من اللي مش باين عليه أي مشاعر، مش باين عليه هو بيفكر في إيه، بيخليهم يتهزوا ويفكروا ألف مرة قبل ما يقللوا منك أو يستهينوا بيك.
لما مثلاً تتعامل مع راجل أو شاب، لما يقول لك: "إيه يا عم مالك بتبص لي كده ليه؟ مش مبسوط ولا إيه؟" أنت بصوت هادي وبنظرة ثابتة تقول له: "أنا مش مضطر أضحك على الفاضي"، وتسكت، وجه محايد من غير ابتسامة، "الآي كونتاكت". طيب، مثال مع بنت، بتقول لك: "مالك في إيه؟ أنت واخد الموضوع بجد كده ليه؟ ما بتضحكش ولا إيه؟" تاخد بكل بساطة، رشفة من المشروب بتاعك وتقول لها: "أنا مش مضطر أضحك عشان يعجبك شكلي". الحوار ده هيخليها تفكر فيك طول الليل.
ثاني عادة ودي مهمة جدًا: ما تتكلمش عن إنجازاتك "بابلكلي" أبدًا من غير ما تتسأل عليها. الناس كلها بتحب تتكلم عن نفسها جدًا، بس الغريب إن اللي ساكت دايمًا بيبان غامض، الناس بتخاف منه، بيبان أخطر. الهدوء بيدي انطباع إن عندك أكتر بكثير من اللي باين عليك أو من اللي ظاهر. طب إزاي الموضوع ده بيخلي الناس تحترمك أكتر؟ ببساطة، عشان الناس هتحاول تكتشفك أكتر، الفضول لوحده هيخليهم ينجذبوا لك أكتر، وبيخلي كلامك لما تقوله ليه وزن أكتر.
مثال مثلاً مع شاب أو راجل أو ولد، لما يلاقيك داخل بعربية حلوة، ولابس كويس، لابس ساعة رايقة، لابس طقم حلو، يقول لك: "هو أنت بتشتغل إيه بقى؟" أنت بكل بساطة كده هتقول له شوية حاجات بسيطة كده، بس "الحمد لله الدنيا ماشية كويس"، وتسكت. سيبّه يحاول ينقبّ وراك، سيبّه يبقى عنده فضول بالأسابيع، ما تقعدش تقول كل اللي أنت بتعمله بحماس وشغف، لا سيبهم لما يدوروا وراك يكتشفوا، ينجذبوا، ينبهروا.
مثال مثلاً مع بنت، وده حصل معايا شخصيًا: "أنت مشهور بقى على الإنستغرام وما بتردش على حد، أنت مغرور ولا إيه؟" ببساطة: "أنا قلت أنا ما بفتحش أصلاً إنستغرام إلا كل فين وفين"، واسكت. سبتها تفكر أنا بعمل إيه، تدور عليا كده تشوفني أنا بعمل إيه، من غير طبعًا ما تلاقيني. ما بتكلمش عن أنا بعمل إيه إلا نادر جدًا جدًا، ما بحكيش إنجازاتي أبدًا. وبخصوص الموضوع نادر، ميك لينک خاصم عيد ميلاد بتاعه بمناسبة إنه بقى عنده سنة واحدة، البيبي بتاعي قرب يخلص، فاضل أسبوع واحد. لو أنت لسه ما اشتريتش حزام الميك لينک، ادخل دلوقتي على الستور أو خش على اللينك اللي قدامك على الشاشة، اشتري لك حزام واستعمل الكوبون كود بيرث داي 15، هتاخد خصم 15% بمناسبة عيد الميلاد، وشحن مجاني بمناسبة العيد. كل سنة وأنتم طيبين. وفوق كل ده لو أنت في الإمارات، متاح بعد الخصم وبعد الشحن المجاني تستعمل خدمة تابي للتقسيط الحلال على أربع دفعات من غير فوائد. كده أنت خطفت خصم وشحن مجاني وعلى أربع دفعات كمان من غير فوائد، مروع عليك جامد. زي ما أنت عارف حزام الميك لينک ثلاثة توكات مع ثلاث حزم، كل التوكات بتمشي على كل الألوان بتاعة الحزمة معاك اللون الجولد في بني، اسمع معايا مالوش حل، ومعاك اللون السيلفر في أزرق، المفضل شخصيًا عندي، ومعاك طبعًا اللون البلاك أون بلاك، الأسود في أسود، المفضل للجميع. هتسألني طبعًا: "مكاوي هو بيعمل الصوت ده إزاي؟" هقول لك عشان التراك ده، ورا بص التفاصيل، لوجو ميك لينک على وضعه، والتراك ده بيقفل عليك بالملي زي ما أنت شايف كده أهو، مالوش حل، وطبعًا لوجو ميك لينک زي ما أنت شايف قدامك أهو أسطوري، الشغل كله في التفاصيل. ادخل اشتري لك حزام أو اثنين، الأوفر ده هيخلص كمان أسبوع، ما تضيعش وقت، ما بينزلش اللي قلت لك نادر جدًا، في عيد الميلاد وفي بلاك فرايداي في ديسمبر إن شاء الله. روق على نفسك، عايزك تحس إن أنا حاسس بيك.
هنخش هنا على ثالث عادة جبارة جدًا بتخلي الناس تحترمك دايمًا، وهو إنك أنت اللي تنهي كل محادثة أو كل خروجاتك. الناس بتحب اللي وقته غالي جدًا، مش اللي قاعد معاهم للصبح ومش عايز يمشي. لما تسيب المكان أو تقفل المحادثة وأنت في البيك بتاع المحادثة، وأنت في أحسن حالاتها، قمة الاهتمام، الناس بتموت وتفضل مستنياك ترجع، هتموت على الوقت اللي هتشوفك فيه ثاني. ببساطة، عشان أنت كده بتعلمهم إنك مش متاح دايمًا، وده بيخلي وجودك ليه قيمة عالية جدًا عندهم. مثال مثلاً لو أنت واقف مع راجل أو واقف مع صاحبك أو واقف مع أي حد، دايمًا بعد ما تخلص الكونفرزيشن، اعتبرها "مشن"، تاخد المعلومة اللي أنت عايز تاخدها أو توصل المعلومة اللي أنت عايز توصلها، وتقفل اليوم على طول، تقول: "لازم أمشي، ورايا حاجة مهمة أعملها"، حتى لو أنت رايح تقعد على السرير عادي. لو أنت مثلاً واقف مع بنت في الجامعة أو في الجيم، بعد ما تكلمها تاخد الإنستغرام بتاعها، تاخد نمرتها، تظبط معاها خروجة أو أو تخلص المشن، تقول لها: "اتبسطت جدًا إني شفتك، بس لازم أمشي دلوقتي ورايا شوية حاجات كده". وهي لسه حابة حابة تتكلم، في قمة الاهتمام، في قمة الكونفرزيشن، هتموت لما أنت تبعت لها قدام أو هي اللي كمان هتبعت لك، مش هتستنى. ركز في الحوار ده جدًا، دايمًا أنت اللي اقفل الكونفرزيشن أو اقفل الليلة أو اقفل الخروجة، حتى مع الناس اللي أنت بتحبهم.
هنخش هنا على العادة اللي بعديها ودي أسطورية بس لما تحترفها، وهي إن أنا عايزك تتجاهل الرسائل وتتجاهل الكلام حتى لما تشوفه، مش كل رسالة تجي لك مستاهلة الرد فورًا، لا بالعكس، كل الرسائل لازم تستنى عليها يومين على الأقل. أولوياتك اللي أنت بتعمله دلوقتي، شغلك وشغلك وتسكاتك أهم بكثير. لما تتجاهل الرسائل، الناس بتبقى عارفة وقتك مش للكل، ببساطة بيفهموا إنك مش عبد للموبايل، مش متاح دايمًا، عندك نظام حياة وسيستم ماشي عليه ما ينفعش تكسره. مثال مثلاً لو واحد صاحبك أو راجل يقول لك: "أنت شفت المسج بتاعتي ولا لأ؟" أنت هتقول له: "اه شفتها، بس مركز في شغلي شوية ما فضيتش أرد". أنت كده بتخليه يراجع نفسه إنه بيلح بزيادة. مثال مثلاً مع بنت لما تبعت لك رسالة وما تردش، لما تقول لك مثلاً: "على فكرة أنت ما ردتش على رسالتي، أو أنت ما ردتش على المسج بتاعتي ليه؟" هتقول لها: "كنت قاعد في ميتنج ما فضيتش أرد". هي دلوقتي هتبقى هتموت وتركز معاها زي ما أنت مركز في الشغل والميتنج. أنت بتبقى فاكر إنك ممكن تزعلهم، بس في الواقع أنت كده بتخليهم يحبوك أكتر ويتشدوا لك أكتر.
خامس عادة ودي جبارة جدًا لو احترفتها، وهي إنك اوعى تتجاوب مع البنات اللي بتختبرك من قديم الأزل، ودايمًا هيحصل إن البنت هتعمل لك شت تست، أيًا كانت البنت مين. البنت لما تجرب تلعب معاك لعبة اختبار "شت تست" أو تقول لك كومنت يهزك شوية أو يضايقك أو ينكشك، دورك هنا مش إنك ترد بجدية وتدافع عن نفسك، لا لازم تبين لها إنك بتلعب في مستوى ثاني خالص. طب إزاي الكلام ده بيخليهم يحترموك أكتر؟ بيفهموا إنك ما بتتأثرش بسهولة، إنك مش تحت السيطرة، مش سهلة. مثال مثلاً لو أنت خرجت مع بنت وقلت لها مثلاً كلام حلو أو خدتها مكان حلو، هتقول لك الجمله الشهيرة طبعًا: "أنت بتقول كده لكل البنات"، أو "طبعًا أنت أكيد بتجيب البنات كلها". هنا اوعى تقول لا، "أنت أكيد مميزة عندي، أنت سبيشال، ما عملتش كده قبل كده"، اوعى تعمل كده، ما تدافعش عن نفسك. لما تقول لك مثلاً: "أنت أكيد طبعًا بتجيب البنات اللي أنت بتخرج معاهم كلهم"، هنا هتقول لها بكل ثقة: "ما أقدرش أقول كده، أنا قربت أبقى صاحب المكان". لما تقول لها كلام حلو وتقول لك: "طبعًا أنت بتقول كده لكل البنات"، هتقول لها بكل ثقة: "هو أنا فاضي أقول كده في كل مرة ولا إيه؟" لما تقول لك مثلاً: "شكلك بتاع بنات"، هتقول لها: "هو أنتِ عايزة إني أبقى بتاع ولاد ولا إيه؟" دايمًا دايمًا تقلب الترابيزة وترجع الامتحان عندهم ثاني، تعرفهم إنك ما بتجيبش ورا. عايزك تفهم إنك لما بتدافع عن نفسك موقفك بيبقى أضعف وبتبان مهزوز. لما تقلب الترابيزة وتدوس بنزين بتحطها هي في مكانها، هي اللي بترجع وتتحرج من سؤالها، وبتكتشف إنك مش تحت السيطرة، مش سهل التلاعب بيه، وبالتبعية ده بيشدها أكتر من غير ما تحس. الكلام ده بينكشها جدًا وبيعصبها لدرجة إنها بتتشد من غير ما تحس. الاحترام بيجي لما الناس تحترم شخصيتك وشكلك ويعجبهم لبسك، والكلام ده بيبتدي من أول روتين المساء بتاعك. ادخل شوف الفيديو ده، هقول لك إزاي تعمل روتين العناتيل إن يلقينك مستوى ثاني خالص. ادخل شوفه، مستنيك. [موسيقى]