ترامب يلغي الضربة العسكرية علي إيران في اللحظة الأخيرة بعد تحذير سعودي إماراتي

سلام عليكم ازيكم. خلاص ايران الدنيا مش هتضرب. ولازم تعرف ان رويترز النهارده كشفت ان والله مستوى التحذير الأمني انخفض. الطيارات اللي غدرت قاعدة العديد رجعت تاني والدنيا بتهدى بشكل تام، خاصة بعد ما السعودية وعمان وأكثر من دولة خليجية وجهت لأمريكا تحذير. يعني انت لو ضربت ايران الأمور هتنفجر بشكل كبير جدا.

ده كله بيجي بعد ما تصريحات دونالد ترامب امبارح طلع قال إن والله أنا شفت إن الإعدام إعدامات في إيران. وده خبر كويس ومعنى كده إن إيران مش هتعدم حد في الشوارع. وده خبر كويس جدا ويا ريت يستمر الموضوع ده. وخلاص التصريح اللي طلع من دونالد ترامب ده يؤشر إن الدنيا بتهدى صح؟ هل حضرتك شاري الرواية دي؟ يعني هل أنت شايف إن الرواية دي تبقى معقولة بالنسبة لك إن رئيس أمريكا يطلع يهدد ويقول له من المتظاهرين ينزلوا ومساعدة جاية في الطريق والكلام ده كله ويبقى في استعدادات عسكرية ضخمة جدا خليج وفجأة تقف عشان إيران والله قالت إنها مش هتعدم الناس؟ الموضوع ده مش داخل دماغي.

عارف إيه اللي داخل دماغي؟ مقالتين قريتهم في منتهى الخطورة. أول مقالة مكتوبة من كاتب كان بيقول لك على فكرة ما فيش أي تخفيض للعمل العسكري ضد إيران وما تشتريش الرواية دي. طيب ده أول مقالة. تاني مقالة كانت مكتوبة في فورن بولسي وبتسأل هم الروس فين من كل اللي بيحصل ضد إيران ده؟ المقالتين دول يفرقوا معاك في قراءة المشهد بشكل مختلف. كل اللي أنت بتشوف في نشرات الأخبار ده حاجة واللي هتسمعه الاثنين كتاب دول حاجة تانية خالص. على فكرة هم بيحللوا وفقاً لبيانات طالعة عندهم. دي معلومات عسكرية وبيانات طالعة وبتكشف لك تحركات مش ظاهرة لك في نشرات الأخبار.

عاوز تعرف هي إيه؟ حاول قبل ما أخش في الموضوع قبل ما أكشف لك التفاصيل خليني أقول لك إن إحنا معانا راعي قوي جدا ومحترم جدا وهو بعد الإنجاز الكبير اللي حققته شركة بتر هاوس في العاصمة الإدارية الجديدة والعرض اللي كسر الدنيا. أنا جايلك النهارده بعرض جديد ورهيب جدا في كومباوند سكاي نيو هيليوبلس بمدينة هيليوبلس الجديدة وده عرض السنة الجديدة وفعلاً هو عرض ما يتفوتش. وعشان كده أنا جاي النهارده أقول لكم إن بتر هاوس عاملة لكم عرض الثلاث ثمانيات في كومباوند سكاي نيو هيليوبلس. طب إيه هو عرض الثلاث ثمانيات؟ عرض الثلاث ثمانيات من بتر هاوس بيديلك خصم 8% لما تحجز وتتعاقد على وحدتك في كومباوند سكاي نيو هيليوبلس وكمان هتدفع مقدم بسيط جدا وهو 8% فقط. وعشان العرض يكمل بتر هاوس خلت الأقساط على ثمان سنين بدون فوائد. يعني دلوقتي تقدر تمتلك وحدتك بسهولة واستثمارك مضمون من أول يوم وكمان بخصم خاص جدا 8%. الحق احجز وحدتك باستمارة حجز قيمتها 25,000 جنيه فقط وده في كومباوند سكاي نيو هيليوبلس وهو كومباوند متكامل في كل خدمات على الحزام الأخضر مباشرة وأمام بوابة مدينتي 4 على الطريق السويس وبالقرب من محطة مترو نيو هيليوبلس. ولأن شعرهم هو قوتهم فبتر هاوس قدرت تنفذ كمية كبيرة من الإنشاءات في كومباوند سكاي نيو هيليوبلس وفي وقت قصير جدا زي ما هو واضح كده قدام حضراتكم في الفيديو. يعني باختصار بتر هاوس أنت مش بس بتشتري وحدة أنت بتبتدي استثمار حقيقي ومش سهل تلاقي فرص الاستثمار وسهولة السداد دي في شركة تانية زي بتر هاوس. امتلك وحدتك دلوقتي مع بتر هاوس واستثمر في المضمون عشان تلحق العرض لأن العرض ده لفترة محدودة جدا. هسيب لحضراتكم أرقامهم ولينك الويب سايت الخاص ببتر هاوس عشان تعرفوا تتواصلوا معاهم.

نخش في الموضوع على طول. نخش في الموضوع على طول. الجديد اللي معايا النهارده ممكن يكون مختلف بالنسبة لحضرتك وأول مرة هتسمعه فيما يخص نهاية حرب إيران. إيه اللي حصل بالظبط؟ ونمشي واحدة واحدة. الحقيقة خلاص إيران أعادت فتح الأجواء بتاعتها تاني. ما فيش أي عمل عسكري خايفة منه إيران. ولازم حضرتك تعرف إن مستوى التحذير الأمني زي ما قلت لحضرتك إن رويترز قالت إنخفض. بدأ أشخاص أمريكان إنهم يعودوا تاني لمواقعهم اللي كانت موجودة في الخليج. ما بتكلمش على المسؤولين اللي غادروا الخليج أنا بتكلم اللي هم كانوا انسحبوا من بعض المواقع بيرجعوا لها تاني. ما بتكلمش على اللي سافروا أنا بتكلم إنهم يبقوا في نفس البلد يرجعوا لها تاني. حلو. إن بي سي نيوز كان عندها تغطية بتقول لك هو ليه دونالد ترامب تراجع يعني في الضربة الأخيرة؟ قال لك والله أصل خلي بالك أول حاجة إن وزير الدفاع الأمريكي في الجيم مع وزير الدفاع الصيني وزي ما حضرتك شايف في الصورة دي الاثنين عاملين يلعبوا جيم. فاكيد مش وزير الدفاع الأمريكي بيستعد لضربة وهو موجود في الجيم صح؟ يعني منطقياً يعني. فده أمر أمر تاني. إن بي سي نيوز بتقول إن والله خلي بالك من أمر مهم إن دونالد ترامب لما جه يتكلم مع القادة العسكريين قال لهم أنا عاوز ضربة المرة دي تكون من الآخر يعني تنهي النظام الإيراني. خد بالك ده تحول خطير جدا. دونالد ترامب في حرب الـ 12 يوم كان بيقول يا جماعة ما حدش بيتكلم على تغيير النظام. كلمة تغيير النظام دي كلمة مش منطقية والكلام ده.

"Do you want to see regime change in Iran? If there was, there was but no, I don't want like to see everything down as quickly as possible. Regime change takes chaos and ideally we don't want to see so much chaos. See how it does."

المرة دي وهو قاعد مع المسؤولين العسكريين الأمريكان قال لهم أنا عاوز ضربة النهاية. أنا ما تجيش تقول لي أنا هضرب ضربة خفيفة والكلام ده كله. أنا عاوز ضربة النهاية. الحقيقة مسؤولين الأمريكان قالوا لدونالد ترامب قالوا له خلي بالك إحنا ما عندناش الموارد اللازمة في منطقة الخليج حالياً إننا نوجه ضربة عسكرية قوية وقاصمة لإيران. ما عندناش الحتة. وإنك توجه ضربة عسكرية عشان تنهي النظام ده معناه إنك لازم تضرب كل مخازن الصواريخ. ده معناه إنك لازم تضرب كل القواعد العسكرية ومراكز القيادة والسيطرة والكلام ده كله. وفي الآخر برضه أنت لازم يعني متهيال لي ده وجهة نظر شخصية يعني أنت في الآخر لازم تقطع راس المرشد يعني أو إنك تقتل المرشد بشكل أو بآخر يعني. إحنا بنتكلم على نهاية النظام. ماشي. فخد بالك من الكلام اللي طلع في إن بي سي نيوز ده. إن بي سي نيوز بتتكلم إن ترامب مع جنرالاته كان بياكد عاوز ضربة النهاية والجنرالات ما وفوش بالموضوع ده.

طيب سؤال مهم. هل معنى كده إن دونالد ترامب مش هيضرب إيران؟ والله اللي جاوب على الحتة دي كاتب في واشنطن بوست والكاتب اسمه مارك تيسن. ماشي. مارك تيسن هو كاتب عمود في واشنطن بوست ومحلل سياسي محلي أمريكي يعني. وبمناسبة مارك تيسن ده كان كاتب الخطابات الخاص بجورج دبليو بوش. فتقدر تقول كده إن مارك تيسن يعني حد في المطبخ. ماشي. كان داخل البيت الأبيض. هو الراجل بيقول لك إيه؟ بيقول لك خلي بالك هي القصة كلها إن دونالد ترامب مش عاوز يكرر غلطة باراك أوباما. إزاي؟ خلي بالك باراك أوباما أنا اديت المثل ده أكتر من مرة لأن هو اتعاد من أكتر من كاتب. باراك أوباما جه في 2017 ضرب نظام الأسد بس مارك تيسن المرة دي بيقول لك إيه؟ بيقول لك هي مش مشكلة في ضربة باراك أوباما للأسد. المشكلة إن بعد الضربة الأسد لما ما سقطش كسر الخطوط الحمراء اللي وضعها باراك أوباما أكتر من مرة. مش أكتر من مرة. أكتر من 24. نظام بشار الأسد كسر الخطوط الحمراء الأمريكية وبراك أوباما تجاهله. خلاص. هيعملوا إيه تاني يعني؟ ما هو وجه له ضربة محدودة وخلاص. ماشي. فقال لك دونالد ترامب مش عاوز يحط نفسه في الموقف ده إن هو يضرب ضربة خفيفة فالنظام الإيراني يصبح أقوى والنظام الإيراني يصبح أشرس كمان ضد أتباعه. وساعتها دونالد ترامب مش هيكون عنده خيار غير إن هو يا إما يوجه ضربة أخرى أو إن هو ما يوجهش أي ضربة ويتجاهل الأمر ويطلع يدي حلول دبلوماسية. ماشي. فده أمر مهم جدا وخد بالك من المثل اللي ترامب نفسه جربه قصاد الحوثيين. يعني دونالد ترامب ضرب الحوثيين وأعلن الحرب عليهم وفي الآخر انسحب بعد ما صرف مليار دولار. في الآخر انسحب. فكان إيه الوضع؟ الوضع سيء جدا بالنسبة لدونالد ترامب. وإن هو ما نهاش الحوثيين وما جابش راسهم ولا أي حاجة. فوضعه سيء. وقال لك الأمور اللي زي دي إنك تضرب ضربة محدودة وفي الآخر النظام يصبح أقوى ده بيدي إشارات سلبية لكل من الأنظمة المعادية لأمريكا زي نظام بيونج يانج اللي هو بتاع كوريا الشمالية. ده زي أنظمة كتيرة جدا المفروض تخاف من أمريكا. لو أنت ضربت ضربة محدودة لإيران مش هيخافوا من أمريكا. فأنت أصلاً عاوز إنك تستثمر نجاح خطف نيكولاس مادورو ومش عاوز تسقط تاني. مش عاوز تعمل حاجة فاشلة تاني إنك تضرب ضربة محدودة فالناس ما تخافش منك أو إنها تبني إن أمريكا خلاص هو ده آخرها مش هتعرف تعمل حاجة تانية قصاد إيران. ماشي. وده أمر سيء خاصة إن ترامب عنده جولة أخرى اللي هو نظام جرين لاند أو إنه عاوز يستولى على جرين لاند. فما ينفعش يطلع خسران في الموضوع ده. فـ يا يضرب ضربة قوية يا ما يضربش ضربة خالص. ماشي. هو ده اللي حصل من دونالد ترامب إن هو تراجع عن الضربة لحد دلوقتي. بس كاتب بيقول لك إيه؟ هو ما تراجعش خالص. هو لسه ما تراجعش. طب إيه دليله على كده؟ قال لك والله الدليل على كده إن خلي بالك لما جه باراك أوباما مشي من البيت الأبيض. جه بعديه دونالد ترامب. دونالد ترامب أول ما جه ضرب الأسد مرتين. خلاص. >> أداله خطين حمر فنظام الأسد في ولاية ترامب الأولى ما انصتش فوجه ضربتين لنظام الأسد. فساعتها الأسد إيه؟ لم الدنيا شوية. تاني حاجة لما تيجي تبص على ولاية دونالد ترامب الأولى وجه إنذار للنظام الإيراني قال لهم ما تقتلوش أمريكان. ماشي. بعد ما قصفوا مصافي النفط في السعودية بس بتاعة أرامكو. دونالد ترامب ما ردش على الضربة دي بس وجه تحذير لإيران قال لهم ما تقتلوش أمريكان. النظام الإيراني قتل الأمريكان فتخطى الخط الأحمر. فكان إيه رد فعل؟ رد الفعل إن دونالد ترامب اقتل قاسم سليماني. قتل قاسم سليماني. فقال لك دونالد ترامب ما بيحبش يحط خط أحمر وبعد كده يفشل في الموضوع أو يوجه ضربة عادية. وأخيراً وليس آخراً بص على المثل إن والله دونالد ترامب في ولايته الثانية أول ما جه قال لك إيه؟ قال لك على إيران إنها تتنازل أو إنها تنهي برنامجها النووي. ما أنهتش برنامجها النووي قام داخل ضرب برنامج النووي الإيراني. بس. فالراجل ما بيحبش إن هو كلامه ما يتسمعش أو ما بيحبش يطلع ضعيف بعد التهديدات. ماشي. فدي القصة. الراجل بيقول لك ما تشتريش حتة نهاية العملية العسكرية في الخليج دي. ما تشتريهاش. الجيش الأمريكي بيعد العدة لحاجة أكبر. خد بالك من رأي الراجل ده. قال لك بيعد العدة لحاجة أكبر. والدليل على كده إيه؟ والله الدليل على كده إن لوفتهانزا الألمانية دي شركة طيران قالت يا جماعة ما تروحوش الأجواء بتاعة إيران لحد 10 فبراير. شوف إحنا النهارده بنتكلم في كام. إحنا لسه نص يناير أو بعد النص بشوية. قال لك لا لوفتهانزا دي أو الخطوط الألمانية ما تروحش الأجواء إلايرانية لحد 10 فبراير. تأمين >> وألمانيا في هذه الأثناء تقول على الطائرة تجنب أجواء إيران حتى العاشر من فبراير. إذا ألمانيا على الطائرات تجنب أجواء إيران حتى العاشر من فبراير >> على فكرة أنا ما بقولكش إن ألمانيا عندها علم بس أنا بقول لك تحليل شركات الطيران إنهم عاوزين يأمنوا نفسهم لأقصى درجة. وظاهر إنهم خايفين إن دونالد ترامب فعلاً يواجه ضربة بعد كده لإيران بشكل أو بآخر. فده أمر مهم. الأمر الثاني إن دي مش عادة ترامب إن هو يدي تهديدات هو تراجع فيها. فده أمر غاية في الأهمية.

طيب الأمر الثاني حضرتك لازم تعرف إن كلام وزير الخارجية الإيراني امبارح كان غريب جدا. امبارح وزير الخارجية الإيراني طلع على فوكس نيوز. فمذيع بيقول له هين بيقول له أنت دلوقتي طالع كلام إن عدد المتظاهرين اللي اتقتلوا 12,000 وفي كلام إنهم 20,000. أنتوا إزاي قتلتوا متظاهرين دول؟ الحقيقة وزير الخارجية الإيراني عباس عراقجي وأول مرة أشوفه بيتكلم إنجليزي كويس قوي كده يعني. يعني على فكرة دي أفضل مرة شفت عباس عراقجي بيتكلم إنجليزي. الراجل قال له إيه؟ قال له على فكرة لازم تعرف النظام الإيراني يعني أو ده اللي كان عاوز يقوله يعني مش هو اللي قتل المتظاهرين. اللي قتل المتظاهرين واللي كثر في عمليات القتل هم عملاء الموساد. وقعد يرغي بتاع 10 دقائق عشان يوصل الفكرة دي إن عملاء الموساد هم اللي قتلوا المتظاهرين مش هو. وقال إن يا جماعة ما فيش إعدامات وإن إيران مش هتعدم حد والكلام ده. فلازم تعرف إن زي ما ترامب وده اللي أنا عاوز أقوله لك يعني زي ما ترامب بيستعد لحاجة كبيرة زي ما إيران نفسها اتغيرت. ماشي؟ ليه؟ لأن إيران نفسها المرة دي ما عدش إيران. أولاً تراجعت يعني خلصت المظاهرات أو قدرت إنها يعني تحد من المظاهرات بسرعة. وفي نفس الوقت ابتدت إنها توصل رسائل لترامب إنهم عاوزين يتفاوضوا عشان يتجنبوا الضربة. لأن النظام الإيراني كان على ثقة إن أمريكا هتضرب. هو ما زال على ثقة إن هو هيضرب.

>> أوضح عراقجي أن تصريحات ترامب حول الاحتجاجات تعد تدخلاً بالشؤون الداخلية الإيرانية. وأكد استعداد طهران لخياري الحرب والمفاوضات وأن العنف تصاعد خلال مطلع الأسبوع واتهم ما أسماهم بالارهابيين باستهداف قوات الأمن والمتظاهرين وتحدث عن دور للموساد الإسرائيلي بهذه الهجمات. >>

لأن لازم تعرف النظام الإيراني حالياً هو أضعف من نسخة حرب الـ 12 يوم. ماشي. هو أضعف من نسخة اغتيال قاسم سليماني. كانت إيران ساعتها أقوى بكتير. إنما ما نفذتش حاجة وضربت ضربة سورية على قاعدة عين الأسد. فالنظام الإيراني نفسه أضعف وتغير في خطابه تجاه دونالد ترامب. ماشي. فلا دونالد ترامب اشترى الرواية دي ولا الإيرانيين شايفين إن أمريكا مش هتضربهم. بالعكس. الاثنين عارفين إن في حاجة بتعد في المطبخ حالياً. ده اللي أقدر أقوله لك. والدليل على كده إيه؟ الدليل على كده إن أنت بص على حاملات الطيارات. امبارح قلت لحضرتك يو إس فيور روزفلت دي حاملة طيارات دخلت في البحر الأحمر. وماعرفش هتفضل في البحر الأحمر ولا تتجه للخليج العربي. أنا ماعرفش. فده أمر غاية في الأهمية. ماشي.

الحاجة الثانية إن لازم تعرف إن المظاهرات كده أو كده خلصت. فترامب لو كان داخل أو متسرع عشان ينقذ المظاهرات المفروض المظاهرات اللي طالع منها مش كتير أو إن هي هديت أو خلصت بشكل كبير. ليه بقول لك كده؟ لأن والله لازم تعرف إن آخر البيانات اللي طالعة من النظام الإيراني اللي قدرت إنها تتسرب بتقول إن والله مظاهرات قلت جدا في شوارع إيران. ماشي. ثاني حاجة من ضمن الحاجات اللي سببت إن المظاهرات تقل في شوارع إيران حاجة مهمة جدا. إيه هي؟ إن والله ابتدت الناس تشوف إنها داخلة في حرب أهلية. النظام الإيراني ابتدى يستهل استخدم السلاح بشكل موسع. ما بقاش إن هو يضرب خراطيم ميه وغاز والكلام ده كله. لا استخدم سلاح. ماشي. فانت هنا نازل مش قدام شرطة أمن مركزي. أنت نازل قصاد جيش معايا سلاح والمرشد نزل الحرس الثوري الإيراني في حرب أهلية. والحرب الأهلية دي الناس تشوف إطلاق النار. لأن في عملاء من الموساد فعلاً بيضربوا النار على حرس البسيج. ليه؟ أنت عارف كم واحد مات من حرس البسيج؟ 300 من حرس البسيج مات. وده رقم مش بيقول إن إحنا قدام مظاهرة عادية. إحنا فعلاً قدام إن في جيش من الموساد بيقتل في عناصر الأمن الإيرانية. فعناصر الأمن الإيرانية ما بتضربش غاز مسيل للدموع. بيضربوا قنابل وبيضربوا رصاص. فالمظاهرات قلت. ماشي. فده أمر مهم.

الحاجة الثالثة إن أنت لازم تعرف إن رضا بهلوي إن هو ابن شاه إيران طلع قال لك على فكرة إيران لو النظام سقط فيها أنا هروح أطبع مع إسرائيل. يعني لو أنا جيت ومسكت الحكم في إيران زي ما الأمريكان عاوزين أنا هروح أطبع مع إسرائيل على طول. خلاص. زي ما حضع منه كده بالظبط.

"In diplomacy, relations with the United States will be normalized and our friendship with America and her people will be restored. The state of Israel will be immediately."

فالشعب الإيراني أكيد مش عاوز يتخلص من مرشد عشان يروح يطبع مع إسرائيل. ماشي. وخلي بالك الشاه بتاع إيران وفقاً للكاتب محمد حسنين هيكل كان أكتر العملاء المخلصين لإسرائيل. وكان النفط اللي كان بيستخدم في حرب 67 والعدوان الثلاثي والكلام ده كله من قبل الكيان الصهيوني كان بيستخدم من إيران. فده أمر مهم جدا.

طيب في سؤال غاية في الأهمية. هي الروس فين؟ يعني الروس بيعملوا إيه؟ يعني ما بيسندوش النظام الإيراني ليه؟ سايبينه ليه؟ ما بيخشوش ضده؟ ما بيعملوش أي حاجة ليه؟ الحقيقة هي السؤال ده سؤال منطقي صح؟ بس اللي جاوبت عليه كاتبة في فورن بولسي والمقالة بتاعتها أكتر من رائعة. الكاتبة دي اسمها نيكول جراويسكي. المقالة بتقول لك إيه؟ بتقول لك على فكرة أوعى تفتكر إن الروس مش بيساعدوا إيران. ماشي. الروس بيساعدوا إيران بس لازم تبقى واثق إنهم مش هيخشوا يدعموا إيران عسكرياً بالشكل اللي أنت فاهمه. ليه؟ قال لك خلي بالك أصل ظاهر كده في معاهدة بين ترامب وبوتين إن لا الروس يقفوا قصاد الأمريكان ولا الأمريكان يقفوا قصاد الروس. والدليل؟ الدليل إن ترامب أي حاجة روسيا بتقولها أو بوتين بيقولها ترامب يقول لك أيوه هو الراجل ده صح. ده لسه ترامب مهاجم. ده أمر. الأمر الثاني بص على رد فعل روسيا في فنزويلا. ما فيش. فاكيد إن بوتين دلوقتي مش يعني هيمسح اللي عمله في فنزويلا. وإن هو سكت على اختطاف نيكولاس مادورو اللي هو حليف مهم لروسيا والصين. وإن يجي دلوقتي يشعل الحرب ضد الأمريكان. لأن الروس مش عاوزين يشوفوا الأمريكان واقفين مع أوكرانيا. وراضيين جدا باللي بيعملوه الأمريكان في نزاعهم مع الناتو. ماشي. وخلافات داخلية والكلام ده كله. فالروس يعني مش عاوزين إنهم يضايقوا الأمريكان دلوقتي صح؟ ويكلوا معاه واحدة اللي هي واضحة دي إن لا الروس بيقفوا في قصاد الأمريكان ولا الأمريكان بيقفوا في قصاد الروس. ماشي. فاكيد مش هيقفوا مع إيران دلوقتي. صح؟ فده أمر. بس هل معنى كده إن الروس مش بيساعدوا إيران؟ الكاتبة بتقول لك لا. الروس بيساعدوا إيران بكل ما يمتلك من قوة في كل ما لا يخالف أو يغضب الأمريكان. زي إيه مثلاً؟ قال لك خد بالك إن الروس أدوا أسلحة للجانب الإيراني لقمع مظاهرات. أصل خلي بالك حرب أوكرانيا خلت في مظاهرات برضه في روسيا. ماشي؟ بس ما حدش بيتكلم عنها. بس في مظاهرات برضه في روسيا. بس الأمن الروسي قوي جدا في قمع المظاهرات. فالأسلحة اللي بيستخدمها الأمن الروسي أداها لإيران. وواضح جدا الأمريكان ما عندهمش مشكلة في نقل الأسلحة والمعدات دي للجانب الإيراني. لأنها معدات لقمع المظاهرات. فما عندهمش مشكلة. فالروس كملوا في الحتة دي. بص على معدات اللي بتستخدم في قمع المظاهرات هتلاقيها كلها روسية. خلاص. فالروس بيمدوا الجانب الإيراني بشكل كبير جدا. ثاني حاجة بص على تقنيات اللي أمدت بها روسيا النظام الإيراني في التشويش على ستارلينك اللي هي تابعة لأيلون ماسك. والحقيقة أنا هنا مش هكمل في المقالة بتاعة الكاتبة دي وعاوز أقول لك إن أنا هروح لفرانس 24. فرانس 24 كشفت تقنية غريبة جدا. قالت لك على فكرة اللي حصل إن إيران تقطع خدمة ستارلينك عن طهران ده أمر جلل. الروس نفسهم ما عرفوش يعملوه. ليه؟ قالت لك على فكرة أصل الروس لما جم يشوشوا وإنهم يبتكروا أنظمة للتشويش على ستارلينك في أوكرانيا كانوا بيستخدموا منظومتين مهمين جدا. منظومة اسمها مورمانست ومنظومة اسمها كراسوخا. المنظومتين دول عملوا يعني جهود كبيرة جدا في التشويش على ستارلينك في أوكرانيا وإنهم يقطعوا خدمة الإنترنت عن الجيش الأوكراني. بس الجيش الأوكراني كان بيعمل إيه؟ كان بيضرب المنظومتين دول عشان يفتح النت تاني. فالأمر واضح خلاص. إنما في طهران الأمر مختلف. لازم تعرف إن طهران وفقاً لفرانس 24 ما استخدمتش المنظومتين دول للتشويش على ستارلينك. استخدمت نظم أخرى. أولاً كانوا بيلجأوا لكذا أسلوب. أول أسلوب إنهم يتتبعوا الـ IP address بتاع المتظاهرين اللي بيستخدموا ستارلينك أو الرمز التعريفي الخاص بالمتظاهرين اللي شغال عندهم نت. ناقص نت مقطوع عن طهران. فبيعرفوا مين اللي شغال عنده النت ويروحوا يقبضوا عليه. فده أول طريقة. بس ثاني طريقة إنهم يشوشوا على الأقمار الصناعية الخاصة بستارلينك. تصل التشويش أو الانقطاع لـ 80%. ده أمر جلل. روسيا ما عندهاش التقنية دي. والغرب واقف مصدوم. بدليل أنا هقول خبر. دونالد ترامب نفسه قال لك أنا هتكلم مع إيلون ماسك فيما يخص النت في إيران. لأن هو عارف إن في مشكلة. ستارلينك تشوش عليها. الغرب كله مبهور. ستارلينك دي يا جماعة أقمار صناعية. أنت مش بتجيب نت عن طريق الكابل البحري أو كابل أرضي. وكده أقمار صناعية. فإزاي إنك تقطع الإنترنت عن طريق الأقمار الصناعية؟ ده أمر جديد تماماً بالنسبة لأوروبا وأمريكا. وإيلون ماسك خد الموضوع على نفسه. ماشي. وقدر إن هو يرجع الإنترنت تاني بنسبة معينة داخل إيران. لأن مثلاً أصبح بدل 80% أصبحت 70% فقط. لأن إيلون ماسك عمل تعديل أو عمل أبديت على ستارلينك ومار ستارلينك بحيث إنها ترجع تاني لإيران. بس فرانس 24 بتقول لك التقنية اللي استخدمتها روسيا لحد دلوقتي هي تقنية محلية صرف. وإن التقنية دي مش الروس اللي وردوها ولا أي حاجة. والظاهر كده الظاهر يعني إن الإيرانيين عملوا الريفيرس إنجينيرنج لمنظومات التشويش على ستارلينك وصانعوا نسخة محلية من عندهم. ماشي. عملوا ريفيرس إنجينيرنج يعني هندسة عكسية. فكوا المنظومات دي وركبوها تاني فعرفوا بتشتغل إزاي. ماشي. قطعوا النت أو عرفوا إنهم يقطعوا النت عن إيران بشكل كبير جدا. اللي أنا عاوز أقوله لك في النهاية إن روس بيساعدوا فعلاً إيران بكل ما يمتلكوا القوة. بس مش عاوزين إنهم يضايقوا الأمريكان في نفس الوقت. أمريكا ما تراجعتش عن ضرب إيران. أمريكا بتعد العدة لحاجة أكبر. شوف إيه اللي هيحصل خلال الأيام القادمة. ما تشتريش إن الدنيا هديت. ده مش من أسلوب ترامب ولا من طباعه ولا أي حاجة. وما تشتريش إن الإيرانيين خلاص إنهم عرفوا إنهم مش هيضربوا. الإيرانيين عارفين إنهم هيضربوا. فالمشهد اللي قدامك ده مشهد غير حقيقي. في الآخر يا رب أكون شرحت لحضرتك الموضوع بشكل مبسط. ويا رب انصر مصر رب العرب. ويا رب انصر فلسطين. يا رب تحيا مصر. سلام.

>> أنت مش عارف إحنا مين. إحنا اللي الناس بتجيلنا من كل مكان عشان تشوف بلدنا. إحنا اللي علينا العين. إحنا حضارة بقى لها سنين والعالم مش عارف سرها. إحنا خفة دم بتضحك القلب. >>

>> وكرم بيتضرب به المثل. >>

>> جدعنة وشهامة مش موجودة في زنا. ورحمة بتطلع من عينينا قبل قلبنا. >>

>> إحنا بسمة بتفتح ألف باب. >>

>> أكلة حلوة بتدي بلدنا طعم. إحنا الأمانة والذكرى الحلوة اللي ما بتتنسيش. إحنا حكاية حكاية تعجب. خلي أفعالنا تحكي عنا. ربنا أدانا نعمة لازم نحافظ عليها ونوريها للعالم كله. وري ضيوفنا إحنا مين. إحنا مصر. >>