أقوى طعام على وجه الأرض / هذه الأكلة وحدها أقوى غذاء عرفه الإنسان

انا ما بحبش المكملات. اي حاجه في كبسوله بالنسبه لي تبقى دوا. ما بحبش غير الحاجات الطبيعيه. انا مش عايز اخد مكملات. انا عايز اخد كل حاجه جسمي محتاجها من الاكل بس. اتصرفي.

ناس كتير جدا دي مدرستهم في الحياه. وان اغلب المكملات الغذائيه لو احنا اخترناها صح بتبقى عباره عن مستخلصات لاعشاب ونباتات. واحيانا بتبقى مستخلصه من الخضار والفاكهه كمان. الحاجات المصنعه في المكملات الغذائيه قليله قوي ومش دايما بنكون محتاجينها. لا والله لو مهما قلت مش هيقتنعوا. فانا جايه النهارده اكلم الناس الحلوه دي. وما تخافوش. انا مش جاي عشان احاول اقنعكم ان انتم تاخدوا مكملات. بالعكس. انا هكلمكم عن اكث الاكلات الغنيه بالعناصر الغذائيه الضروريه. وهقول لكم على الاكله التي ليس كمثلها اي اكله. ما فيش شيء على وجه الارض يضاهيها من حيث غناها الفاحش بالمغذيات. لدرجه ان احنا ممكن نسميها بالجولدن فول الطعام الذهبي. هقول لكم هي ايه؟ هقول لكم كمان كل حاجه عنها وليه هي مميزه قوي كده. وهقول لكم كمان على الحاجات اللي تيجي وراها بالترتيب من حيث الاهميه. بس قبل ما نبدا هفكركم سريعا ان حجز الاستشارات بيتم عن طريق الموقع الالكتروني او عن طريق ارقام الواتساب الموجوده في التعليق المثبت. ما تنسوش تعملوا لايك وشير للحلقه وسبسكرايب للقناه لو انتوا اول مره تشوفوني. ويلا بينا نبتدي. انا ندى حرفوش ودي قناه والفيينج.

لا طعام على ارض يضاهي الكبد. كبد هو الملك. كبد البقري. كبد الغنم. ايه اللي يخلي الكبد الحيواني هي افضل طعام على الاطلاق؟ لانها عباره عن حموله معتبره من الفيتامينات والمعادن. تقريبا كل انواع البي فيتامينز. فيتامين اي بصيغته النشطه اللي هو الريتينول. من اهم العناصر لصحه ونضاره البشره. انت لما بتاكلي اي مصدر نباتي لفيتامين اي زي الجذر مثلا. شفتي سلطه الريتينول اللي كانت طالعه ترند دي. تتاخدي منها فيتامين اي بصيغته الاوليه. جسمك بيقدر يحول جزء بسيط جدا جدا للريتينول. لكن فيتامين اي الموجود في الكبده كله بيجي في صيغه ريتينول. مليانه كمان معادن مهمه جدا. نحاس. زنك. سيلينيوم. ودول قنبله مناعه. غير كمان الحديد الهيمي اللي هو افضل شكل من اشكال الحديد جسمك يقدر يمتصه. بيمتصه افضل مليون مره من مكملات الحديد. غير ان الكبده كمان من افضل مصادر البروتين. الكبده غنيه بالمركبات المتقدمه جدا اللي هي موجوده في مكملات غذائيه ممكن تشتريها بفلوس كتير قوي. زي الكولين. ده من اهم العناصر لصحه الدماغ ولصحه الكبد والهرمونات وتجديد اغشيه الخلايا. غنيه كمان بالالكارنتين. وده حمض اميني اساسي. وهقول لك باختصار اهم وظيفه للالكارنتين. هو ناقل الدهون داخل الميتوكوندريا. من غيره الجسم ما يقدرش يحرق الدهون. مشاكل في الطاقه والتركيز والهرمونات والخصوبه وغيرهم. الكبده غنيه بالانزيم المساعد كيو 10. غني عن التعريف طبعا واتكلمنا عنه كتير قبل كده. كل خليه في جسمك فيها مايتوكوندريا علشان تقدر تعيش وتادي وظائفها. المايتوكوندريا من غير الكيوتن تعطل. بس خلاص مش هقول حاجه تاني.

طيب هل احنا كده خلصنا؟ لا. لسه. كبده غنيه جدا بالبيبتايدز والبلايكو بروتينز. مش هدخل في تفاصيل قوي في شرح دول عباره عن ايه. بس هقول لكم باختصار اهميتهم. جزيئات حيويه من البروتين جاهزه وسهله الاستخدام. مهمه جدا للمناعه والطاقه واصلاح الانسجه وتحسين الحاله العامه للخلايا. افتكر دي كلها اسباب كافيه جدا تخلي الكبده على راس اي نظام غذائي انا بنصح بيه اي حد بياخد مني اي استشاره. وبزعل قوي باخد على خاطري كده لما حد يقول لي انا ما قدرتش اكل الكبده اصل انا مش بحبها. انا اكيد مش ببقى حاطاها في الخطه بلا هدف يعني عشان اكدرك. اكيد لا. طيب انا محتاج كبده قد ايه؟ 80 جرام في الوجبه كفايه. مش محتاج اكث من كده. لو اخدت اكث من كده اكيد مش هيضرك تمام. بس اقصد علشان الناس اللي بتقول ان الكبده من الحاجات الغاليه. انت مش محتاج منها كميه كبيره. كميه بسيطه هتكفي. وبلاش بقى الله يخليكم موضوع ان الكبده هي مخزن السموم في الجسم والكلام الفاضي اللي احنا ردينا عليه 100000 مره ده. الكبد هو انظف مكان في جسم الكائن الحي. لان هو المسؤول عن عمليه التخلص من السموم. فازاي العضو المسؤول عن التنظيف هيكون هو نفسه مش نضيف. فلو عايز نوع اكل واحد يغنيك عن عدد كبير من كل المكملات. كل كبده بس.

طيب لو انا بقى ما بحبش طعم الكبده بس انا عاجباني فوايدها. وانا اساسا بقى يعني غير اللي انت اتكلمتي عليهم في الاول دول خالص. انا واحد بتاع مكملات بحب المكملات. مكملات الكبده واعضاء الحيوانات موجوده ومتوفره وما اثرتش معانا في اي حاجه. وهتلاقي افضل نوع منهم موجود في التعليق المثبت. وكبده الدواجن والطيور عموما مش بنفس فايده كبده الحيوانات. مفيده وكل حاجه بس مش زيها. كل الحاجات بقى اللي احنا هنتكلم عنها بعد كده تيجي في المرتبه الثانيه. يعني كلهم اللي هنتكلم عنهم كويسين ورائعين ومهمين وسوبر فودز. لكن ما فيش مقارنه يا جماعه مع الكبده.

يجي بعد الكبده صفار البيض. اللي هو في ناس كتير بترميه. علشان حضرتك مش عايز دهون. انت بترمي اهم جزء في البيضه. صفار البيض غني جدا بالكولين اللي احنا اتكلمنا عنه من شويه. غني بالدهون الفوسفوريه. اتكلمنا عنها كتير وقلنا قبل كده هي قد ايه مهمه للدماغ ولتجدد الخلايا. صفار البيض مليان احماض دهنيه عاليه الجوده. قنبله فيتامينات كمان. في فيتامين دي. فيتامين كي 2. ريتينول. فيتامين اي. بي فيتامينز. غير مضادات الاكسده اللي هي زي اليوتين والدنازانتين. وبرده غني جدا بالمعادن زي الزنك. السيلينيوم. الفوسفور.

بعد صفار البيض بتيجي الاسماك الدهنيه. كلنا عارفين عارفين ان الاسماك الدهنيه هي افضل مصدر للاوميجا 3. يعني مهمه لتقليل الالتهابات. حمايه القلب والاوعيه الدمويه. لصحه الجلد. الهرمونات. الاسماك الدهنيه كمان من افضل مصادر البروتين. وبروتين سهل الهضم وسهل الامتصاص. وكمان تعتبر مصدر للفيتامينات والمعادن زي فيتامين دي وفيتامين بي 12 والكولين والسيلينيوم.

بعد الاسماك الدهنيه بيجي مرق العظام. اقوى مصدر طبيعي للكولاجين. مهم جدا لبطانه الامعاء. مهم جدا بصحه الجلد والمفاصل. غني بالاحماض الامينيه زي الجلايسين والبرولاين والجلوتامين. ودول اساسيين للجهاز الهضمي والمناعه والجلد والعضلات والنوم وكل حاجه.

وبعدها يجي بقى بقيه اعضاء الحيوانات. هقول لكم على اهم حاجه كل حاجه فيهم بتعملها. يعني مثلا القلب هو افضل مصدر في العالم للكو انزايم كيو 10. اعلى حتى من محتواه في الكبده. الكلى هي افضل مصدر للدي اي او انزايم. اللي هو الانزيم المسؤول عن تكسير الهيستامين. فالناس اللي عندها حساسيه تاكل كلى او كلاوي. هنسميها في مصر كلاوي. الطحال هو افضل مصدر للحديد الهيني. الناس اللي عندها انيميا ياكلوا طحال.

اخر حاجه هتكلم عنها النهارده هي العسل. العسل الخام. العسل الطبيعي. ده عباره عن مركب علاجي. فيه اكث من 300 مركب نشط. كلهم عندهم خواص مفيده. مضادات بكتيريا. تلاقي مضادات فيروسات. فطريات. تلاقي انزيمات. معادن. احماض امينيه. بروبايوتكس. مضادات التهاب. كل اللي انت عايزه. العسل مفيد لكل حاجه. مفيد للمناعه. للطاقه. للخصوبه. للهضم. لدعم الكبد. فوايد العسل الخام الرو هاني لا تعد ولا تحصى. بس ما تروحش تجيب عسل من على الرف في السوبر ماركت بتاع شركه بتعمل ماس برودكشن وتقول لي ده عسل خامي. خلونا متفقين ان ده ما بيحصلش. وطبعا تناول العسل لازم يكون في حدود ويكون بحساب. معلقه واحده من نوع قوي كافيه جدا.

مش ملاحظين حاجه؟ مش ملاحظين ان كل الحاجات اللي احنا اتكلمنا عنها كلها منتجات حيوانيه؟ معلش انا عارفه ان الكلام ده هيزعل حبايبنا اللي بتقدس الخضار وطبق السلطه. وطبعا اخواتنا النباتيين. بس هو الحقيقه ان الاكل النباتي لا يقارن بالمنتجات الحيوانيه نهائيا. ودي حقيقه يعني هنعمل ايه مش بايدينا. صحيح النباتات بيكون فيها مركبات مفيده ومضادات اكسده كتير احيانا. لكن هو مش اهم حاجه من حيث القيمه الغذائيه. للسبب ده انا عمري ما نصحت حد ولا انصح بالانظمه النباتيه.

بس دي كانت اهم الاكلات الغنيه جدا بالمعادن والفيتامينات والعناصر الغذائيه المهمه. اهم الاكلات الطبيعيه لنظام الانسان. شاركوا المعلومه البسيطه جدا والمهمه جدا جدا دي مع كل اصحابكم وحبايبكم. عشان بجد ممكن تفرق معاهم كتير قوي. وما تنسوش ان انتم تعملوا لايك للحلقه وسبسكرايب للقناه لو انتوا اول مره تشوفوني. ما تنسوش كمان تبصوا على رابط وارقام حجز الاستشارات في التعليق المثبت. وتبصوا كمان على رابط قناه المراجعات. اشوفكم الحلقه الجايه. باي باي.