Transcription
قاعد في الصاله والبيت هادي تماما. العيال السته نايمين. أنا صاحي جدا. يا ترى الساعة كام؟ الساعة 10 ونص بالليل. الكل نايم. البيت ساكت. ده المفروض يكون أحلى وقت في اليوم، مش كده؟ الوقت اللي أريح فيه، أسترخي فيه، أنام. لكن أنا قاعد هنا صاحي زي الفل ودماغي شغالة بسرعة 180 في الساعة. مش عشان عندي مشروع مستعجل، مش عشان في أزمة. لا لا، عشان دماغي قررت الساعة 10 ونص بالليل إنه ده أحسن وقت افتكر فيه الإيميل اللي كتبته سنة 2018 وممكن يكون فيه غلطة إملائية.
[موسيقى]
الكلام اللي حصل الصبح مع واحد صاحبي كان فيه جملة كده غريبة لازم أعرف عنها إيه. خطة الخمس سنين الجاية لحياتي كلها. ودلوقتي في اللحظة دي دماغي عايزة تحل كل ده في الظلام. الساعة 10 و:30 بالليل. الكل بيقول لي لازم تنام بدري. النوم مهم. اتعود على الروتين بقى. والله من وأنا طفل صغير بيتقال لي الكلام ده. كنت أقعد جنب الباب بالليل يقفلوا عليا أبص تحت الباب مين صاحي مين نايم وعايز أقوم مش قادرة أنام. وأنا شاب اتقال عليا كسلان واتقال عليا مش منضبط واتقال واحد مش عارف يسيطر على نومه هيسيطر إزاي على مستقبله. في عز جوازي وعندي ولاد اتقال عليا كلام مؤذي جدا من الناس بيحبوني وأنا بحبهم كمان. قالوا لي أنت واحد عامل زي الـ حامل طول الليل صاحي مش قد المسؤولية. أنا جعلنا الليل لباسا وجعلنا النهار معاشا. الو انس موجود نايم طبعًا أكيد أكيد نايم. لسه كل مكالمة تقريبًا. آه انس نايم أكيد نايم عشان كسلان وبيحب النوم طبعًا عشان قاعد لي سهران طول الليل. طيب خلاص كفاية عشان أنا يكفي الصدمات النفسية اللي موجودة عندي بسبب موضوع النوم ده. فخلينا بس إيه أقول لكم حاجة. أنا والله نفسي أنام وعايز أنام بس دماغي دي بالذات بالليل عاملة زي جوجل كروم أو فاير فوكس فاتح فيه 47 تاب اللي هي الصفحات دي وكل تاب فيه فيديو يوتيوب شغال وفي موقع شغال وفي شغل شغال وفي مشروع مفتوح. والمشكلة بقى الحقيقية إن الوقت ده بالظبط اللي هو على الساعة 10:30 كده 11 بالليل لحد الفجر تقريبًا بيكون أفضل وقت أنا مركز فيه في اليوم كله. يبقى السؤال هنا ليه دماغ الـ ADHD بترفض النوم؟ وده اللي هنفهمه النهارده من الأول خالص.
السلام عليكم ورحمة الله وبركاته. 100,000 مرحبا بكم جميعًا في قناتي واللي طبعًا أكيد قناة حضراتكم أنتم كمان. قناة أخوكم أنس الجوع العصبي. فهم العدو. المشكلة يا أحبابي مش في الكسل. خليني بس أقول لكم حاجة مهمة جدًا ودي أول حاجة لازم نفهمها قبل ما ندخل في عمق الموضوع. دماغ الـ ADHD مش بتتكاسل لما الليل يجي. ده بالعكس تمامًا على فكرة. دماغ الـ ADHD بتكون فايقة وصاحية جدًا مستيقظة كده ونشيطة يعني شغالة بكامل قوتها وكامل طاقتها. فلو المشكلة مش في الكسل يبقى المشكلة في إيه؟ المشكلة إنه الكلام ده بيحصل في الوقت الغلط. طبعًا أنا قلت كلمة ADHD كتير في القناة عندي. فـ أنا بفكر إنه في كل فيديو كده ناخد بس إيه شرح مبسط جدًا للمعنى. ADHD ده إنجليزي Attention Deficit Hyperactivity Disorder. بالعربي اضطراب نقص الانتباه وفرط الحركة. لكن أكون صريح معاكم الاسم ده مضلل شوية. لأن المشكلة إنه إحنا مشكلتنا مش في إننا مش قادرين نركز خالص مثلًا. مشكلتنا أكتر إننا مش عارفين نتحكم في التركيز. لأنه ساعات بنركز لدرجة إننا بننسى ناكل ونشرب مثلًا. يعني وساعات مش قادرين نركز في حاجات مهمة جدًا. لأنه دماغنا ما بتسمعش الكلام لما نقول لها ركزي دلوقتي. دماغنا اللي بتقرر من الآخر كده يعني. مش أنا اللي بقرر. ماشي. نرجع لموضوع. قلنا إن الموضوع النوم ده ملوش علاقة بالكسل لأنه دماغنا أصلًا نشيطة بالذات بالليل.
ثاني حاجة مشكلة الدوبامين اللي هو الوقود البنزين المفقود اللي مش موجود عندنا تقريبًا خالص يعني أو قريب جدًا أو ما بيفرزش بالأسلوب الطبيعي. والمشكلة دي طبعًا موجودة عند الناس اللي عندها ADHD. لأن الدوبامين ده هو هرمون التحفيز والمكافأة والحاجات اللي بتخليك تحب تعمل حاجة يعني تكون عايز تعمل حاجة. فهو عامل بالظبط زي البنزين كده في العربية. لما يكون فيه بنزين كافي العربية بتمشي عادي. بس لما البنزين يقل العربية بتبدأ إيه تبطئ كده أو تمشي بالراحة يعني. وفي الآخر تقدر تتعطل تمامًا. دماغ الـ ADHD عايشة في حالة نقص بنزين شبه دائم. وعلى فكرة ده مش عشان الدوبامين نفسه مش موجود يعني. لا مش كده. عشان نظام توزيع البنزين في الدماغ مش شغال صح. أو نقدر نقول مش شغال بالكفاءة اللي إحنا محتاجينها. يعني الكلام ده معناه إيه بقى عمليًا؟ الكلام ده معناه إنه دماغنا جعانة دوبامين طول الوقت. وعشان كده بتدور باستمرار وبتبحث يعني عن أي جهة تديها دفعة دوبامين سريعة. زي إيه كده مثلًا؟ السوشيال ميديا أو التواصل الاجتماعي ده دوبامين فوري. ألعاب الجيمين دوبامين فوري. الأكل طبعًا دوبامين فوري. الشاتنج والمحادثات والكلام الكتير ده برضه دوبامين فوري. زي ما أنتم شايفين كده أنا بتكلم كتير يعني. لكن النوم بقى. النوم ده أقل حاجة في دوبامين ممكن تعملها في حياتك. عايزكم كده تتخيلوا معايا شوية. أنت رايح تنام. رايح تتمدد في الظلام. أيوه وهنعمل إيه بقى؟ ولا حاجة خالص. ما فيش مؤثرات بصرية. ما فيش محتوى هتستهلكه. ما فيش مشاكل هتحلها. ما فيش تحديات. ما فيش مكافأة. ما فيش حاجة خالص في نوم. بالنسبة بقى لدماغ الـ ADHD اللي جعانة دوبامين. الموضوع ده بقى النوم ده عامل كده إيه قريب جدًا من التعذيب النفسي بقى. لأنه دماغنا بتقول لنا إيه؟ أول ما نروح ننام. أنت عايزني أعمل إيه دلوقتي بالظبط؟ أقعد يعني ساكت كده؟ ما أقولش حاجة؟ ما أتكلمش؟ ما أفكرش؟ أفكر كده في الفراغ يعني؟ أتأمل يعني في السقف مثلًا يعني؟ دماغك تقول لك بقى يا حبيبي إحنا عندنا شغل لازم نعمله. عندنا أفكار كتير محتاجة معالجة ومحتاجة تحليل. تعال بقى كده نفكر في كل حاجة عملناها النهارده ونحللها ونعالجها. وفي القرآن الكريم ربنا بيقول لنا "وجعلنا الليل لباسا وجعلنا النهار معاشا". السبات دهه القطع يعني الراحة التامة. تقطع كده كل حاجة وترتاح. دماغ الـ ADHD بقى بترفض موضوع الثبات. مش عشان إحنا ناس يعني وحشين وبنعند. علشان نظامنا العصبي مش قادر يوصل لمرحلة أو حالة الثبات على الأقل مش بسهولة بصراحة يعني. زي ما قلت لحضراتكم الموضوع ده أنا عشته فعلًا وبعيشه كل يوم وما زلت بعيشه كل يوم. موضوع النوم ده من طفولتي لشبابي بعد جوازي وأنا دلوقتي الحمد لله بقيت واحد داخل في 43 سنة وعندي ولاد. عندي برضه نفس المشكلة. لأنه دي دماغي ودي ده علم أعصاب يعني حاجة كده أنا عشان أسيطر عليه مش موضوع سهل يعني. فـ أنا موضوع النوم ده مش بس عشان أنا مثلًا درسته وقرأت عنه وفهمته كويس جدًا. لا أنا بعيشه بصراحة كمان كل يوم أو كل ليلة. أنا المفروض حياتي مليئة بأمور بتخليني المفروض في آخر النهار أكون خلاص هلكت. الحمد لله ربنا رزقني بست ولاد. عندي مسؤوليات كتير. عندي مشاريع كتير أكتر من 63 مشروع بشتغل فيه في نفس الوقت تقريبًا وكلهم موجودين عندي يعني مترصين موجودين في الفوردز موجودين في الـ AI بتاعي موجودين في كل مكان. فعندي أشغال كتير جدًا. عندي طبعًا القناة الجميلة. عيلتي هنا في اليوتيوب. عندي ولادي. عيلتي أنا. عندي ست عيال. عندي من خمس سنوات لحد اللي داخل في 19 سنة. ويعني تحديات مختلفة. اللي عايز يلعب. اللي عايز أقعد معاه أعلمه حاجة. اللي عايز يخرج شوية. اللي عايز يقعد يحكي لي حاجة هو حصلت له وهي حصلت لها مش عارف كذا. عيال بقى ما شاء الله تبارك الله كل واحد يعني ليه حياته الشخصية كمان. وأنا أب كول قوي بصراحة. فهم العيال بصراحة مش عايزين يسيبوني في حالي يعني. في يعني المفروض بقى على الساعة كده بالليل مثلًا أكون أنا هلكت تمامًا يعني. أكون مش قادر أقف من التعب وجسمي فعلًا في أحايين كتير جدًا يعني جسمي يقول لي قول لي كده يقول لي حرفيًا أنا خلاص مش قادر. أنا يعني مش قادر أعمل حاجة تاني خلاص هلكت تعبت خلاص كفاية روح نام. بس أنا بقى اللي بيحصل إنه بيحصل موضوع كده غريب اسمه قائمة الأفكار اليومية والليلية والحياتية بتجي لي بالليل فجأة كده. نفسي بفكر في حاجات غريبة. إيه ده يا نهار أبيض ده كان في صورة أنا أخدتها في 2017 والصورة دي أنا كنت واقف في حتة في مدينة اسمها ليس بو في السويد لما كان عندي محاضرة هناك من زمان. وواحد قال لي الكلمة دي. الواد ده اسمه إيه؟ آه صح ده اسمه كذا. ده هو راح هو كويس دلوقتي ولا مش كويس؟ طب أنا هشوف طب رقمه يمكن أتصل بيه بكرة وأبعت له رسالة وأشوفه على الفيسبوك أو أشوفه على التيك توك والإنستغرام. يا ترى راح فين؟ وده مش هو ده كان عنده عم وعمو ده آه صح ده عمو ده مرة أنا عملت شغل معاه من زمان. يا نهار أبيض آه صح. وأفكر بقى كلمت مين إمتى وفين وإزاي وقلت إيه؟ العزة النهارده يمكن قلت كلام زعلها ما زعلهاش. لازم أشوف. لازم أكتب لها. هي نايمة بس أكتب لها رسالة تصحى الصبح تشوف الرسالة تكون مبسوطة على الأقل. والبودكاست صح أنا كنت هعمل بودكاست. بودكاست ده أنا كنت المفروض أسجله. آه لا ده أنا سجلته فعلًا بس أنا ما خلصتش المونتاج. يا نهار أبيض. طب البودكاست يمكن الناس ما يعجبهمش الموضوع ده. أعمله من أول وجديد أحسن. كده بقى أقعد أحلل. ومش بس أحلل وأفكر وأفتكر. المشكلة يا حبايبي إنه دماغي بتحاول تجد حلول للمواضيع دي كلها. مش بس إن هي مثلًا بتحلل المشاكل والتحديات في حياتي وعايزة تعمل خطة لحياتي كلها لمدة خمس سنين مثلًا. لا عايزة بقى إيه تحل الموضوع حالًا بالليل الساعة 11 أو بالليل. فجسمي كله كده بيقول نام نام الله يخليك. دماغي بقى بتقول لي انسى النوم. إحنا لسه بنقول يا هادي. ده إحنا دلوقتي في أحسن وقت اللي هو برايم تايم. أحسن وقت للتفكير والتذكر والتفكر والتخطيط والحلول. طبعًا [ضحك]. الأيروني في الموضوع يعني المفارقة هنا بقى يعني المضحكة المبكية. الساعة بقى 10 الصبح لما فعلًا أحتاج التركيز وأحتاج إن أنا أركز عشان عندي بقى شغل مهم واليوم بدأ. دماغي بقى نايمة خالص حرفيًا بقى أحس بقى إن دماغي قفلت متقفلة بقفل كده. مش قادر أكتب جملة مفيدة حتى. لكن الساعة 12 بالليل بقى لما يكونش في حاجة ملحة خالص ولا في يعني أمر مهم خالص. فجأة كده أبقى أينشتاين. عارفين أينشتاين البت أينشتاين أبو الشعر ده؟ أفكار بقى عميقة. تحليلات فلسفية. حلول إبداعية لمشاكل ما كنتش فاكرها أصلًا. فطبعًا السؤال إن ليه يا رب يعني يا رب عايز أفهم وأعيني فهمني علمني. ليه دماغي دي بتشتغل في الوقت الغلط؟
الإجابة بقى يا أحبابي في العلم. العلم وراء المشكلة. المشكلة الأولى يا حبايبي الميلاتونين المتأخر. عشان عايزين نفهم بقى اللي بيحصل فعلًا في دماغنا. إنه العلم ده نور كده والله العظيم. تدخل أوضة ضلمة تدخل في الحيطة تولع النور تشوف كل حاجة. هو كده بالظبط. فهنتكلم بس شوية عن موضوع الميلاتونين. ده هرمون بيسموه هرمون النوم. ده الهرمون اللي جسمنا بيفرزه لما يجي وقت النوم. بيعمل إيه بقى بالظبط الهرمون ده؟ بيقول لجسمنا كده يلا بقى يا جسم كده الدنيا ضلمت دلوقتي وقت الراحة. هدي بقى الأمور واخلص الدنيا بتاعتك عشان هننام. دي الوظيفة بتاعة هرمون الميلاتونين. فالناس بقى العادية اللي هم مش ADHD. الميلاتونين ده عند الناس دي بيبدأ يزيد في الدم عندهم تقريبًا من الساعة 9 أو 10 كده مساء. والميلاتونين بيوصل لأعلى يعني إفراز أو درجة في الجسم أو في الدم الساعة 12 بالليل كده لحد الفجر تقريبًا. فجسم الناس العادية بيحسوا بقى بالتعب تدريجيًا. لأنه دي حاجة جميلة جدًا على فكرة موجودة عندنا إحنا كبشر اسمها Circadian Rhythm. دي نظام الساعة البيولوجية في الجسم. اللي هو اللي بيسموه الإيقاع اليومي ولا حاجة زي كده يعني ليه اسم يعني بالعربي. لكن دي ساعة ساعة الجسم يعني. لكن بقى الناس اللي عندهم ADHD زي حالاتنا. النظام كله بقى ده ديلايد يعني متأخر. يعني الميلاتونين عندنا إحنا ما بيزيدش في الدم الساعة 11 أو 12 والكلام ده. وعلى فكرة الكلام بيقوله ده مش مبالغة مني. يعني دي دراسات علمية تقدروا تبحثوا براحتكم يعني وتشوفوا معناه إيه.
معناه يعني إن الميلاتونين عندنا إحنا كناس عندهم ADHD ما فيش يعني إفراز ليه في الدم بالأسلوب عند الناس العادية تدريجيًا كده يعني. وما فيش أصلًا على الساعة 11 ولا 12 يعني متأخر قوي كده. ده معناه يعني إن أنا الساعة 10 طبعًا مش هكون تعبان عايز أنام. طبعًا مش عشان أنا إنسان عنيد. لا عشان الهرمونات اللي في جسمي لسه ما ظهرتش ما طلعتش. تخيلوا بس معايا يا حبايبي الله يكرمكم يا رب. والكلام ده أنا نفسي الناس اللي ما عندهمش ADHD يسمعوه. بالذات الآباء والأمهات والأزواج. أي حد عنده كده في عيلته أو حد قريب منه عنده ADHD. علشان الوعي والفهم ده هيريحكم أنتم نفسيًا لما تشوفوا الناس دي بتتعامل مع النوم إزاي. وكمان أنت اللي عندك ADHD ترتاح قوي لما تسمع الكلام ده العلمي ده. فتخيلوا بس معايا حاجة واحدة. حد قال لك أبوك أمك زوجتك أي حد قريب منك بيقول لك أنت كواحد عندك ADHD أو كواحدة عندها ADHD يلا نام يلا ادخلي نامي يلا ننام. أنت بترد وتقول ماشي اوكي يس أوف كورس شور. لكن جسمك بيقول لك أنام إزاي بالظبط؟ لسه صاحي. الميلاتونين لسه ما جاش. دماغنا صاحية مستيقظة خالص يعني مش فاهم أنا على أساس إيه نام ده. جسمك بقى اللي يقول كده. ده بالظبط زي ما يعني حد يقول لك مثلًا كل وأنت مش جعان. جسمك مش هيقدر ياكل عشان كل الإشارات الداخلية في جسمك بتقول لك إحنا مش جعانين يعني ما فيش جوع دلوقتي. فهمتوا قصدي يا جماعة الخير؟ وطبعًا إحنا لما نسمع كلام مثلًا جميل زي كلام النبي عليه الصلاة والسلام أو كما قال النبي عليه الصلاة والسلام إنه البركة في بكور أمتي. وإنه البكور ده من الصحة وكلام طبعًا صح بلا شك طبيًا علميًا إيمانيًا. لكن لما جسمنا ما بيفرزش الميلاتونين إلا مثلًا بعد الساعة 12 بالليل. هيبقى النوم المبكر ده تحدي بالنسبة لنا. مش بس يعني نصيحة بسيطة إنه نام يلا ننام. هيبقى حاجة متعبة تشالنج تحدي. فهمتوا بقى الفرق؟ دي المشكلة الأولى مشكلة الميلاتونين المتأخر عندنا إحنا.
المشكلة الثانية بقى نظام الدوبامين الضعيف. ويمكن ده أهم. لأنه نظام الدوبامين اللي إحنا اتكلمنا عليه في البداية هو أصلًا في الأساس ضعيف جدًا أو شبه مش موجود عندنا كناس عندهم ADHD. وأنا هحاول أبسط الموضوع. في دماغ الإنسان العادي اللي ما عندوش ADHD في حاجة اسمها Reward System أو يعني نظام مكافآت أو مكافأة بيشتغل إزاي النظام ده عند الإنسان العادي. يعني لما الإنسان ده يعمل حاجة مفيدة يشتغل مثلًا يحل مشكلة يدرس حاجة دماغه بتفرز الدوبامين. يقوم هو الإنسان ده يحس بالرضا. الإحساس بالرضا ده بيخلي الإنسان ده يكمل الدراسة يكمل التعلم يكمل الشغل. أنتوا معايا؟ إحنا بقى بتوع ADHD. النظام ده الـ Reward System اللي هو نظام المكافأة ضعيف وضعيف جدًا عند بعض الناس يعني. إحنا لما نعمل حاجة مفيدة الدوبامين اللي بيفرز قليل جدًا قوي. فما تلاقيش الإحساس بالرضا ده اللي يخليك عايز تكمل. فدماغنا بتقول لنا إيه بقى في الحالة دي؟ بعد ما نعمل حاجة مفيدة. طيب ما دام الشغل ده أو الدراسة دي أو المهمة دي مش بتدينا يعني مكافأة يبقى نسيب الموضوع ده ونعمل حاجة تانية فيها مكافأة أكبر. إيه علاقة بقى الكلام ده بالنوم؟ النوم ما فيهوش مكافأة فورية خالص. يعني مش هتحس بإنجاز. مش هتشوف نتيجة. ما فيش إثارة. ما فيش حاجة مثيرة هتحصل يعني. وده بقى بالنسبة للدماغ بتاعة ADHD اللي جعانة دوبامين. النوم ده عامل كده بالظبط زي الاستثمار طويل الأمد والـ أبده والـ اسمه إيه ده طويل الأجل. الاستثمار طويل الأجل مفيد جدًا وجميل. لكن ما فيهوش ما فيهوش إثارة. ما فيهوش ريسك. ما فيهوش دوبامين. ما فيهوش Reward System مكافأة فورية مباشرة لدماغ الـ ADHD. لأن دماغنا إحنا عايزة مكافأة فورية اللي هم بيسموها Instant Gratification. حالًا فورا يعني دلوقتي. مش بكرة. أنا حاسس كده. أنا عايز أضرب لكم مثل ومش عارف ليه كل ما أجي أضرب مثل يطلعوا الكلاب في دماغي. مرة اللي فاكرين بفلوف. إحنا خلينا في المثل بتاع بفلوف. نبفلف نفسنا وكده يعني. عارفين لو عندك مثلًا كلب. كلب زي اللي هم الكلاب جولدن ريتريفر. عارف جولدن ريتريفر؟ أيوه جولدن ريتريفر. الكلب ده هيكون يعني يحتاج يلعب ويجري ويتحرك وكده. لو خدت الكلب ده ودخلت أوضة وقفلت عليه وقلت له بوضوح بـ أمر اقعد ساكت هنا وما تعملش أي حاجة خالص. والاوضة فاضية تمامًا والكلب لوحده في الاوضة قفلت عليه الباب. الكلب ده لو سبته كده هيقعد ساكت؟ هو هيقعد ما يلعبش؟ مش هيتحرك؟ هيفضل في مكانه؟ أول حاجة عملها يبدأ كده يعني يتمشى في الاوضة يدور على حاجة في الاوضة. يشم الحيطان كده ويشوف الحيطان دي فيه ريحة كده هتفكره بحاجة وحاجة يعني تثيره يعني. هيفتش على حاجة يعملها. من الآخر كده. ده طبعًا مش عشان الكلب ده ما بيسمعش الكلام. الأدب والكلب شقي. ده عشان الكلاب بيحتاجوا تحفيز. فهمتوا؟ فدماغنا إحنا [ضحك] بقى يعني نفس الفكرة بالظبط تقريبًا زي الجولدن ريتريفر كده. فلما إحنا بنحاول ننام وده طبعًا زي ما قلت قبل كده نشاط صفر تحفيز. اللي بيحصل بقى إن دماغنا بترفض النوم. مش إن هي مش عايزة. بترفضه. تفضل فضل بقى دماغنا في حاجة أنا يعني بسميها Search Mode. عارفين البتاع ده في الجوجل البحث ده؟ آه بتبقى كده Search Mode وضع يعني كده في البحث. بتبحث بتدور على دايما حاجة كده تحفز.
ففهمنا موضوع الدوبامين ده. نروح بقى للمشكلة الثالثة. المشكلة الثالثة يا حبايبي إنه إحنا دماغنا كناس عندهم ADHD. دماغنا بتتعامل مع النوم كان هو أصلًا مشكلة. الكلام ده يمكن هيبقى غريب شوية. لكن هتفهموني. دماغنا إحنا الـ ADHD يعني مبرمجة على حل مشاكل. فلما إحنا نقول لدماغنا يلا ننام. اللي دماغنا يعني بتسمعه. آه النوم. آه دي مشكلة محتاجة حل. فاهمين قصدي؟ لأنه يا حبايبي دماغنا طول النهار شغالة في موضوع الـ Search Mode اللي هو وضع البحث ده. البحث الدائم دوت عن التحفيز وعن الدوبامين. وأكتر حاجة بتجد تحفيز فيه اللي هو حل المشاكل. اللي هو Problem Solving يعني. في شغل يعني نحل الشغل إزاي؟ في تحدي معين لازم نشوف التحدي ده نتعامل معاه إزاي؟ في موقف غريب ومحرج حصل لازم نحلله ونشوف هنعمل فيه إيه. ده النمط الطبيعي للناس اللي عندها ADHD إن هي دايما كده في أكشن كده في إثارة. فلما يجي وقت النوم وأنت تقول لنفسك يلا بقى ننام كده ونهدي الوضع كده ونرتاح. دماغنا بقى بتسمع إيه؟ آه في حاجة محتاجة تتعمل. أها. آه يلا بقى نفكر في كل المشاكل اللي حصلت النهارده ونحلها. ده بالظبط زي كده محرك سيارة وعربية بتشتغل بسرعة مثلًا 100 كم في الساعة طول النهار وكده. وبعدين فجأة أنت بقى عايز توقفه تمامًا يعني من 100 لصفر في ثانية واحدة. المحرك مش هيقدر. محتاج تبطئ الموضوع يعني تهدي السرعة تدريجيًا. فدماغ الـ ADHD الفرامل بتاعتنا ضعيفة. وأحيانًا ضعيفة جدًا. صعب جدًا نوقفها من سرعة عالية قوي كده للصفر كده فجأة. فمحتاجة انتقال تدريجي اللي هو الـ Transition يعني. الموضوع من 100 لصفر ده فجأة ما ينفعش. ليه يا جماعة الخير؟ الفيديو ده مهم جدًا. وليه الفهم ده والوعي ده مهم جدًا. علشان نحرر أنفسنا من الإحساس بالذنب. لأنه اللي بيحصل بيحصل دائرة لوم ذاتي وجلد ذاتي لا نهاية لها عند ناس كتير جدًا عندهم ADHD. ودي أهم نقطة في الفيديو النهارده. لأنه أنا لما فهمت النقطة دي غيرت كل حاجة في حياتي. لما فهمت أنا الميكانيكية العصبية اللي بتحصل في دماغي. بطلت ألوم نفسي بدون فهم. ده طبعًا لازم ألوم نفسي وأحس إن أنا مش طبيعي. هنقعد بقى نقول لنفسنا أنت كسلان. أنت مش طبيعي. أنت مش منضبط. أنت بس لو حاولت أكتر هتعرف تضبط النوم. وغيري بيناموا عادي ليه أنا مش عارف أنام؟ وده يا كرام يا حبايبي اسمه ظلم. ظلم كبير لنفسك. ظلم كبير لنفسك. أنت مش بتحاول تنام وبتفشل. أنت بتحاول تنام ونظامك العصبي مش معاك. وده فرق كبير جدًا. الحاجة الأولى ده إحساس بالفشل الشخصي يعني حاجة شخصية كده أنا فاشل. الحاجة الثانية تحدي في جسمي بيولوجي. ده بالظبط زي ما يكون حد عنده مشكلة في النظر يعني مش شايف كويس زي حالاتي كده. قلعت النظارة ما بشوفش كويس. البسها بشوف كويس. فـ أنا لو قلعت النظارة وحد قال لي بس ركز ركز هتعرف تشوف. بس حاول تركز شوية بس هتعرف تشوف كويس لو ركزت يعني. الكلام ده كلام منطقي بالله عليكم لا. ده غباء بقى مع كل احترامي بصراحة. والناس كلها بتقول مع كل احترامي ما بيحترموش. لأنه يا حبايبي المشكلة مش في المجهود اللي أنا يعني مش ببذله والمفروض أبذله. المشكلة في بصري في نظري نفسه. مش في مجهودي أنا إن أنا يعني مش عايز أشوف أو نظري ده أنا مسيطر عليه مثلًا. نفس الكلام بالظبط في موضوع النوم للناس عندهم ADHD. المشكلة مش في المجهود إنه إحنا مثلًا ما بنحاولش. المشكلة في النظام العصبي. وأنت مش ضعيف عشان عندك المشكلة دي. ولا أنا ضعيف عشان عندي المشكلة دي. إحنا دماغنا بتشتغل بطريقة مختلفة وبس. فلما نتقبل الكلام ده ونفهم الكلام ده ساعتها وساعتها بس هنعرف نعالج التحدي أو المشكلة دي بطريقة كويسة وصحيحة وطريقة حقيقية هتساعد فعلًا. خلي بالكم بس من النقطة دي واسمعها كويس. أنت مش هتقدر تهدي دماغك من خلال إنك تحاول تهدي دماغك. فاهمين قصدي؟ ده بالظبط لما تروح لحد قلقان جدًا قلقان وتروح تقول له أنت قلقان يقول لك آه أنا قلقان. تقوم قايل له لا ما تقلقش. هينفع الكلام ده؟ لا طبعًا. لأنه القلق ده ماهوش قرار من نفسه. هو القرار دي بقى الآن. القلق ده إحساس بيحصل. فاهمين قصدي؟ فدماغنا إحنا دماغ الـ ADHD لما تكون صاحية كده الساعة 11 و1 وكده بالليل يعني. ده مش قرار اتخذناه. القرار ومش عايزين ننام. ده نظام عصبي طبيعي بيشتغل. فيبقى الحل مش إن أنت تحاول أكتر وأكتر وتجهد نفسك وتبذل مجهود أكتر وأكتر وتحاول تحاول نام نام. الحل إننا نفهم النظام ده ونشتغل معاه مش ضده. وربنا سبحانه وتعالى ما كلفناش أكتر من اللي نقدر نستحمله. اللي في وسعنا. لا يكلف الله نفسًا إلا وسعها. لا يكلف الله نفسًا إلا ما آتاها. والآيات كتير في الأمور دي ولله الحمد يعني. ربنا ما بيطلبش مننا المستحيل. بس الأول طبعًا لازم نعرف إيه هو الممكن وإيه هو المستحيل ونعرف نفرق بينهم. الممكن هو إن تعرف تفهم دماغك وتشتغل مع دماغك بذكاء. المستحيل إنك تجبر دماغك إن هي هتنام. ده مستحيل طبعًا. أنتم بتسمعوا الكلام ده وقلتوا الحمد لله. ده إيه ده إيه الوعي والفهم والعلم. والعلم نور فعلًا. طب قول لنا بقى استراتيجيات بقى كده و يعني مل لنا كده بلان كده للموضوع ده. ساعدنا بقى فعلًا. دماغ الـ ADHD بتحتاج استراتيجيات ومش نصائح. لأنه في فرق بين النصائح والاستراتيجيات. النصيحة مثلًا نام بدري دي نصيحة. الاستراتيجية تقول لك شوف جهز دماغك قبل النوم بساعتين تدريجيًا بواحد اتنين تلاتة. النصيحة تقول لك إيه مثلًا هدي بالك كده بس هدي بالك كده وروح نام. الاستراتيجية تقول لك استخدم تقنيات محددة لدماغك علشان تدخل في النوم تدريجيًا. النصيحة تقول لك مثلًا حاول تاني بس حاول يعني حاول أكتر. الاستراتيجية تقول لك افهم نظامك العصبي عشان تشتغل معاه وما تشتغلش ضده. الفرق بقى بين الاثنين إن النصيحة بتحسسك إن أنت فاشل والموضوع ذنبك أنت وانت المخطئ والمشكلة فيك. الاستراتيجية بتديك خطة وأدوات تقدر تنفذها. وزي ما قلنا في فيديوهات قبل كده من عرف نفسه عرف ربه. معرفة النفس معرفة الدماغ يعني إزاي بتشتغل. هي دي بقى أول خطوة. عشان لما تعرف هتقدر تتعامل مع الموضوع. والملخص واللي إن شاء الله يفضل معاك. دماغ الـ ADHD ماهيش كسلانة. دماغ الـ ADHD نشيطة جدًا يقظة جدًا جعانة دوبامين جدًا. ولما تحاول تنام والميلاتونين لسه ما جاش والدوبامين ناقص. فـ أنت أنت بتدور على البنزين والوقود التحفيز يعني. فالنوم اللي بالنسبة لناس كتير غيرك حاجة طبيعية جدًا بالنسبة لك أنت بيبقى تحدي قوي جدًا وصعب. وده يا حبايبي ماهوش عيب. طبيعة دماغنا اللي ربنا خلقنا بيها الحمد لله. والفهم أول خطوة للحل. السؤال بقى الحقيقي دلوقتي إحنا بقى هنعمل إيه في الموضوع ده؟ والفيديو خلاص خلص أهو. آه الفيديو ده كان عن الفهم والوعي والعلم. ونفهم نفسنا. لكن الفيديو اللي جاي الجزء الثاني هيكون عن الحل والحلول والاستراتيجيات. هنتكلم في الفيديو اللي جاي عن الانتقالات التدريجية اللي هي الـ Transitions في النوم. يعني إزاي ننزل السرعة من 100 لصفر تدريجيًا في دماغنا. هنتكلم عن الطقوس تكون واضحة جدًا ناس عندها ADHD. إزاي نعلم دماغنا يعني بإشارات خارجية اللي هي Cues اللي اتكلمنا عنها قبل كده فيديوهات تانية يعني إنه دلوقتي ده وقت نوم. وهنعرف كمان نتكلم ونفهم موضوع المنبه نفهمه صح للناس اللي عندها ADHD. يعني إزاي نستخدم المنبه صح. لأن فيه اللي بيستخدمه صح وفيه اللي بيستخدمه غلط. وهنتكلم كمان عن التوقيت اللي بيكون ذكي لموضوع النوم ده. لأنه إحنا عايزين نشغل الساعة البيولوجية بتاعتنا بأسلوب ذكي. وهنتكلم كمان عن الاستسلام الواعي. يعني نسيب دماغنا كده تهدى وتستسلم بأسلوب ما يزيدش النشاط فيها. هتفهموا الكلام ده كله في الفيديو اللي جاي عن الحلول والاستراتيجيات دي إن شاء الله. ورسالة أخيرة لكم كلكم يا حبايبي. أنت فهمت ليه دلوقتي إنك مش قادر تهدى. أنت فهمت دلوقتي إن المشكلة مش فيك. أنت فهمنا دلوقتي إن ده نظام عصبي محتاج معاملة خاصة. لو فهمنا ده الحمد لله يا رب دي خطوة كبيرة جدًا. عشان لما أنا فهمت قدرت والله أسامح نفسي وأقول معلش أنا أخطأت في حقي. ظلمت نفسي كتير. ولما أسامح نفسي وأنت كمان تسامحوا نفسكم. نقدر بقى نحل المشكلة من غير الإحساس بالذنب. قال تعالى "لا يكلف الله نفسًا إلا وسعها". ربنا مش بيطلب مني ولا منك إن نعمل أي حاجة فوق طاقتنا. وأنت اضرب طاقتك. لكن ربنا سبحانه وتعالى بيطلب مننا نفهم طاقتنا ونشتغل معاها وبيها بذكاء. يبقى استنوا الفيديو اللي جاي الحلول العملية. عشان الفهم لوحده طبعًا مش كفاية. الفهم ده أول الطريق. والحلول هي الاستراتيجيات اللي هنمشي عليها إن شاء الله. دماغك مش مكسورة. لكن دماغك ودماغي محتاجين بس مانيوال أو دليل استخدام مختلف شوية. بحبكم جدًا في الله. ما تنسوش تنشروا الفيديو المهم ده اللي فيه وعي وعلم كتير للناس اللي حواليكم اللي عندهم ADHD واللي ما عندهمش ADHD. وتعملوا لايك وسبسكرايب وشير. بحبكم في الله. أنا أخوكم أنس. أشوفكم إن شاء الله في الفيديو اللي جاي. السلام عليكم ورحمة الله وبركاته.