سلاح النرجسي ١ : استراتيجية التقليد العكسي #علم_النفس #تنمية_بشرية #تطوير_الذات #تحفيز

النرجسي عنده ثلاث تكتيكات بيتعمد ان هو يمارسهم علشان يخليك تبقى خاتم في صباعه. اولا بيمارس حاجه اسمها استراتيجيه الميررينج او التقليد العكسي. هنا هو بيتعمد ان هو يشوف انت بتحب ايه او شغوف بايه وبعدين هيقول لك ان هو كمان بيحب الحاجات دي مع ان هو اصلا ولا يعرف عنها اي حاجه هو بس عايزك تحس ان هو شبهك بيفكر زيك وبيدخل عليك بشويه محل كده يحسسك انكم انتوا الاثنين روح منفصله في جسمين. كل ده علشان تشبطوا فيه لما تحسوا انكم مستحيل تلاقوا حد فاهمكم زي هو ما فاهمكم مع ان كل ده مجرد تمثيل.

"ايه ده انت بتحبي الجيتار وانا كمان!" مع انه ما يعرفش غير الطبله. "ايه ده انت بتحبي الافلام الكلاسيكيه مش ممكن وانا كمان!" مع انه حمار اصلا ومش بيشوف غير الافلام الهندي. "ايه ده انت بتحب تشتغل انت يعني بتحب تشتغل كتير بسم الله ما شاء الله ربنا يوفقك انا زيك بالضبط على فكره." "على فكره بقى انا بكره الصداع مش هتلاقي غيري كده دي لك الراحه النفسيه دي انا لا بشتكي ولا بذن."

مع انها هتعيش على افاك. فمن الاخر احذر من الشخص اللي عمال يقول لك "وانا كمان وانا كمان وانا كمان" لان الشخص ده بينصب عليك هو مش شبهك اصلا ومش شبه اي حد ده عامل زي الميه بياخد شكل اي هيكل يتحط فيه مالوش وش هو لابس مرايه في وشه هتشوف نفسك فيها فتحس ان الشخص ده شبهك بالملي واتخلق علشانك مع ان ورا المرايه دي في ابتسامه خبيثه ومزيفه وقلب اسود قوي ناوي ان هو يدمرك.

عايز تشوف وشه الحقيقي تمام يبقى اول خطوه هي انك ما تصدقش كلامه كسر المرايه اللي هو لابسها قناع اختبر اللي قدامك وشوف اللي هو قالهول لك ده متناسق مع افعاله ولا لا لو لقيت اللي قدامك كلامه عكس افعاله يبقى اهرب بسرعه. يعني مثلا لو قال لك "انا عمري ما هسيبك" ولقيته كل شويه كده عمال بيهددك بالرحيل. ده شخص بيقول اي كلام لان كلامه متناقض مع افعاله بنسبه 100%. لو قالت لك "انا مش ماديه" بس عماله في الراحه والجايه بقى طلبات طلبات طلبات واستغلال استغلال استغلال وهي عارفه الظروف فبرده دي واحده بتقول قول اي كلام. لو قال لك "انا هعيش عشان ارضيكي" بس بيزعق وبيشتم وبيكسر وبيهدد وبيخون فده واحد قاصد ان هو يقول اي كلام.

احذر تماما من الشخص اللي بيقول لك كل الكلام اللي هو عارف ان انت نفسك تسمعه وما تفضفضش كتير لانه كده بيدرسك وبيشوف انت نفسك في ايه ومرعوب من ايه وبتحب ايه فيقدر هو يسالك مثلا بتحب القطار وعارف انك بتحبه فتقول له اه بحب القطار فهو يقول لك "وانا كمان". وطول ما انت عمال تفضفض له ما هو طبعا خلاص ما انت عمال تقول له انت نفسك في ايه وبتخاف من ايه لما يعرف انت نفسك في ايه هيواعدك بيه لما يعرف انت خايف من ايه هيوعدك ان هو العكس تماما من الحاجات اللي انت بتترعب منها دي.

طيب دي الحركه الاولى اللي هي الميرينج او التقليد العكسي. الحركه الثانيه اللي بيعملوها بقى.