أساسيات الكاريزما ✨

الشيء الوحيد اللي يميز الشخصية الكاريزمية هو شيء غير محسوس ولا ملموس، والدليل أنه في ناس تدخل المكان قدامك وتحسي بكاريزما عالية وانجذاب كبير، لكن مو عارفة تفسير هذه الظاهرة الغريبة. يكون الشخص شكله عادي، وتصرفاته عادية، ولبسه عادي، وكلامه عادي، ولكن جذاب ومؤثر بنسبة كبيرة. موطني موطني الجلال والجمال والسناء والبهاء. السلام عليكم ورحمة الله وبركاته، مرحباً بكم في بودكاست ذات، معكم فاطمة، واليوم حنتكلم عن الكاريزما. قبل ما نبدا، طمنوني عليكم في الكومنتس، واكتبو لي كيف حالكم وأيش أخباركم؟ الفيديو هذا حيكون مختلف تماماً، لأني مو بس حأستخدم أمثلة زي ما تعودنا، حأستخدم كمان فيديوهات توضح لكم أكثر أنا إيش قصدي.

الكاريزما كلمة سمعناها كثير، ولكن لو سألتكم إيش الشيء اللي يميز البنت اللي عندها كاريزما، أو الشخص اللي عنده كاريزما عالية، ما حتعرفوا تقولوا لي كلمة واحدة، لأنه مصطلح فضفاض جداً. الشخص اللي عنده كاريزما عالية هو الشخص اللي عنده جاذبية كبيرة، وحضور طاغي، وسحر شخصي لدرجة كبيرة تسمح له أنه يؤثر على الناس اللي حوله، بس بشكل إيجابي. الناس اللي تشوفه تقتنع فيه، وتحس بانجذاب له يخليهم يشعروا بالفضول عنه، ويبغون يعرفوا عنه أكثر، ويبغون يكونوا حوله أكثر، ويبدا يحبوه أكثر. فإيش اللي نلاحظه؟ أنهم يبداوا مثلاً يبتسموا معه، يبتسموا له، يساعدوه، يتقربوا منه، يضحكوا على نكته، يتفقوا مع آرائه، تلاقيهم مثلاً واقفين معه في المواقف، في الآراء. وهي الشخصية اللي محبوبة في أغلب الروايات، اللي يعرفها كده باختصار: شخص فيه قبول. والشخصية الكاريزمية ممكن بسحر شخصيتها توصل لمراحل متقدمة من السلطة، بس عشانها شخصية كاريزمية، مستوعبين؟ تخيلوا مثلاً تكوني مديرة عندك كاريزما عالية، فتلاقي كل موظفاتك يشتغلوا أكثر، ويبذلوا مجهود أكثر، عشانهم مو بس بيتبعوا كلامك لأنك مديرتهم، لا، إنهم معجبين فيك، ومعتبرين قدوة لهم، وحابين الشغل معاك.

وفي علم السياسة في شيء اسمه السياسة الكاريزمية، واللي تعتمد على شخصيات عندها كاريزما عالية تسيطر، وتؤثر، وتتحكم في الناس، ويسموه الكاريزما السياسية أو الدينية. وهذول بدل ما يستعملوا القوانين والأنظمة عشان يوجهوا الناس، ويتبعوا توجه معين، يستخدموا الشخصية الجذابة المقنعة اللي تقدر تؤثر على الناس، وتخليهم يتبعوا هذا التوجه ولكن برضاهم. ولا نروح بعيد، عندنا أحسن مثال على هذه الشخصية في ديننا وهو سيدنا محمد صلى الله عليه وسلم. سيدنا محمد من أكبر المؤثرين سواء للمسلمين ولغير المسلمين، أعطى أثر قوي جداً لمن حوله، وكان ولازال عنده قدرة تأثيرية كبيرة، وأثره ما زال في العالم، والدليل أنه من بين أربعة أشخاص، شخص واحد فيهم مؤمن برسالة سيدنا محمد. عارفين معنى إيش يعني معنى هذا الكلام؟ إيش أنه ربع الكرة الأرضية مؤمنة بهذه الرسالة، وهم تقريباً ملياري نسمة، وفي ازدياد.

طيب، للآن ما فهمنا إيش اللي يميز الشخصية الكاريزمية؟ هل هي شخصية اتولد فيها؟ هل هي صفات معينة زي إني أكون لطيفة أو اجتماعية؟ هل هي لغة جسد، إني أنا أمشي مثلاً وأنا رافعة رأسي، أو إني أنا مثلاً أتكلم بنبرة معينة؟ هل هو أسلوب حوار؟ هل هو اعتقاد معين؟ إيش اللي يميز الشخصية الكاريزمية؟ من أهم الأشياء اللي تميز الشخصية الكاريزمية هو شيء غير محسوس ولا ملموس، والدليل أنه في ناس تدخل المكان قدامك وتحس بكاريزما عالية وانجذاب كبير لهم، ولكن أنت مو عارف تفسير هذه الظاهرة الغريبة. يكون الشخص شكله عادي، وتصرفاته عادية، ولبسه عادي، وكلامه عادي، ولكن عنده جاذبية وتأثير بنسبة كبيرة. والسبب الأساسي لأنه داخلياً متزن، أفكاره ومشاعره وجسمه وروحه على صفحة واحدة، متفقين؟ عنده وعي عالٍ بذاته، عنده تقبل لنفسه، عنده قدرة عالية على تنظيم ذاته والسيطرة عليها، وآخر حاجة عنده أصالة، خليه يكون متصالح مع ذاته، وعايش بكل أصالة. وحأشرح لكم بعدين إيش يعني أصالة.

طيب، ثواني فاطمة، دقيقة، دحين إيش دخل إني أنا أكون متصالحة مع ذاتي بإني يكون عندي كاريزما عالية؟ الأفكار اللي نفكر فيها، والمشاعر اللي نحس فيها، عبارة عن موجات كهرومغناطيسية، وهذه هي الموجات اللي يقيسوها في المستشفى بتخطيط القلب وتخطيط المخ. وفي دراسات أثبتت أن كل شعور نحس فيه، وكل فكرة نفكر فيها لها نمط معين من الموجات. والدليل لما تكوني مرتاحة، نبض قلبك يكون منتظم، ولما تتوتري نبض قلبك يتسارع ويتلخبط. وفي المخ لما يعملوا له يعني هذا التخطيط اللي هو الـEEG، ويسألوا الشخص عن موقف حس فيه بتوتر، يبداوا يلاحظوا أنه في مناطق معينة في المخ بيزيد فيها التفاعل، وإنه لما الإنسان يرتاح بيخف التفاعل في هذه المناطق. طيب، ده منطقي، بس دقيقة، إيش دخله في الكاريزما؟ هذه الموجات مو بس بتأثر علينا إحنا، هي بتأثر على غيرنا كمان. في دراسة جابت أشخاص في نفس الغرفة، وقاست الموجات القلبية حقتهم، ولاحظت أن موجات قلبهم بتتأثر من موجات قلب الناس الثانيين اللي في الغرفة. ولمن كان في شخص فيه حالة من الحب والامتنان، كانت موجات قلبه بتأثر على اللي حوله بشكل ملحوظ وبشكل إيجابي، والعكس صحيح، لو كان في حالة غضب أو قلق، برضه كانت تأثر، بس بشكل سلبي. اللي حابب يعرف مصدر هذه الدراسة، حأحط لكم الرابط في صندوق الوصف أسفل الفيديو.

إيش هذا يا فاطمة؟ دقيقة، يعني قصدك لو أنا كنت مبسوطة وممتنة، حأحسس اللي قدامي برضه بالسعادة والامتنان؟ أيوه بالضبط، أبغى أوريكم فيديو بس عشان تفهموا أنا إيش قصدي، إنه الشخص اللي قدامك حاسس بالطاقة اللي أنت فيها، أو حاسس بالجاذبية اللي أنت فيها، من غير ما حتى يتكلم أو يسوي أي شيء. وأبغاكم في هذا الفيديو تركزوا بشكل عام على مشيتها، كلامها، نبرة صوتها، على كل حاجة. i just knew that i had stuff to work on. did you strug with no no i didn't strug needed to happen things could be affecting you like from your childhood that you have no idea you know i some things that i had up you know and work out so how you go about acent and we you you. شايفين هذا الفيديو؟ هو أحسن مثال على الكلام اللي أنا بقوله لكم، إنه هي مبسوطة، وهي ممتنة، وهي داخلياً متزنة، وهذا الشيء انعكس على مظهرها، كإنسانة تحب نفسها، وإنسانة واثقة من نفسها، لدرجة إنه واحد وقفها في شارع وقال لها: "أنت مرة واثقة من نفسك، إيش سر ثقتك بنفسك؟" وما انصدمت ولا قالت "أوه ثانك يو"، ولا مثلاً أدت ردة فعل مبالغ فيها، قالت له بكل ارتياح، كانت كده بكل راحة، قالت له: "عشان أنا زينة داخلياً من جو". وحأقول لكم أشياء كمان، بس في الفيديو، حأقول لكم أشياء بعدين.

طيب، خلونا نحط المشاعر في مقياس، من المشاعر اللي تردداتها منخفضة للمشاعر اللي تردداتها مرتفعة، زي ما شايفين في الصورة. جبنا المشاعر من الترددات الأدنى للترددات الأعلى، وكل شعور له فكرة وراه، وله تأثير واعتقاد معين. مثلاً أدنى شعور هو شعور العار والإذلال الذاتي، هنا الإنسان بيكون في حالة كره لنفسه، يحس أنه لا يستحق الأشياء الجميلة، بالتالي استحقاقه منخفض، وبما أن الطريقة اللي تشوفي بها نفسك تحدد الطريقة اللي تشوفي فيها الله، هنا اللي يميز الإنسان اللي حاسس بالعار أنه ينظر لله بنظرة المعاقب أو الغائب. وأكيد ماني قاعدة أتكلم عن الشعور بالعار العادي اللي كلنا نحس فيه من وقت للثاني، قاعدة أتكلم عن الناس اللي عايشين في حالة من العار فكرياً، مشاعرياً، جسدياً، وروحانياً، ولفترات طويلة من عمرهم. طيب، خلونا نشوف شعور الغضب، الغضب هو نابع من عدم قدرتك على السيطرة أو الشعور بالظلم، وهذول يعيشوا في حالة من الكراهية برضه، والهدف من حياته يصبح السعي وراء السلطة، سواء كان على مستوى العائلة أو على المستوى المادي. ونظرة الإنسان اللي عايش في هذا المستوى من الوعي لله هي نظرة أنه الله غاضب علي، أو ربنا يكرهني. طيب، خلونا نشوف مثلاً شعور الفرح، وهو اللي أعلى تردداً في هذا المقياس، هنا الإنسان بيحس بالراحة والتناغم مع نفسه ومع اللي حوله، يكون عنده حالة من السلام الداخلي العميق، ونظرة هذا الإنسان لربنا نظرة كمال، يحب الله، وعارف أنه ربنا يحبه، وعنده تسامح مع نفسه، وعارف أن ربنا بيرحمه، بيسامحه. وعشان كده الإنسان لما يتشافى، ويشتغل على نفسه، يلاحظ أنه أفكاره عن الله تغيرت، لأنه غير أفكاره عن نفسه وعن الحياة بشكل عام، وتتأثر نظرته له حسب الحالة اللي هو فيها. ولمن يتشافى تماماً، تكتمل علاقته بالله، وتصل لأعلى مستوياتها. وزي ما قلت لكم، التشافي أقصد به الوصول لمرحلة السلام الداخلي. لو حابين أتكلم على بقية المشاعر في هذا المقياس، حنتكلم عليها في حلقة أخرى، وهي اسمها "رسائل المشاعر"، بإذن الله.

طيب، إذن الشخص اللي عنده كاريزما عالية هو الشخص اللي في المراحل الإيجابية من هذا المقياس، وعشان كده هو إنسان بدأت موجاته ترسل للناس اللي حوله رسائل إيجابية بتأثر عليهم، وتجذبهم. طيب يلا، الدفتر والقلم، ويلا يا فاطمة، مستعدين نكتب وراك خطوة بخطوة كيف أصبح إنسان أو إنسانة عندي كاريزما عالية وفتّاكة؟ ركزوا لي على كلمة فتّاكة. رقم واحد، لازم يكون عندك وعي بذاتك، والذات هي أفكاري، مشاعري، جسمي، وروحي. الإنسان اللي ما عنده وعي بذاته إنسان لا يرتقي ذاتياً، والوعي ضروري عشان تعرفي تحددي أنا في أي مستوى حالياً، وكيف أعرف أرتقي في هذا المقياس لمستويات أعلى وأعلى، وما هي المشاكل اللي أنا قاعدة أعاني منها، وإيش مصدرها، وكيف أحلها؟ هذا كله اسمه وعي. غير الوعي، لازم يكون في معرفة بالذات: هل أعرف أنا مين؟ هل أعرف قيمتي؟ هل أعرف هدفي في الحياة؟ هل أعرف مبادئي؟ هل أعرف حدودي؟ هل أعرف أنا إيش أحب وإيش أكره؟ هل أعرف أنا ليش اخترت أعيش حياتي بهذه الطريقة؟ الإنسان اللي ما يعرف نفسه هو اللي عايش عشوائياً، لسه ما مات، إنسان عشوائي عايش بكل عشوائية وضياع. الناس اللي تكتب لي في الكومنتس "أنا تايهة"، هذا هو السبب: ما في وعي بالذات، أو معرفة بالذات. طيب، كيف أعرف نفسي؟ راقبي نفسك يوم وراء يوم، دوني، اكتبي، سجلي، أهم شيء تراقبي نفسك.

الشيء الثاني اللي أحتاجه هو التقبل. بعد ما وعيت على نفسي، وعرفتها، حبدا أشوف وألاحظ عيوب كثير وأخطاء كثير، هنا حييجي وقت التقبل أو الرفض. التقبل ياهل للمرحلة الأعلى وهي التغيير، أما عدم التقبل لذاتك هو اللي بيخليك في نفس الحالة ونفس المستوى، وهو اللي بيخلي عندك خوف من مواجهة نفسك، فتلاقي نفسك تعيشي حياتك تهربي من نفسك، وتهربي من مشاكلك، وتهربي من عيوبك. وحنسوي فيديو كامل بإذن الله عن تقبل الذات. الحاجة الثالثة وهي التنظيم والسيطرة على الذات: أفكاري، مشاعري، جسمي، لازم أتمكن من السيطرة عليهم، وما حأقدر أسيطر عليهم لو ما كنت واعية باحتياجاتهم، ومتقبلتهم، أو فرس يجب ترويضهم، لكن هذه الفرس لو أنا ما فهمت هي ليه مضطربة، أنا ما حأعرف أهديها ولا حأعرف أسيطر عليها. وحنتكلم في الفيديوهات الجاية بإذن الله عن السيطرة على المشاعر والأفكار والجسد بإذن الله. النقطة الرابعة وهي لازم تحمي ذاتك، ويكون عندك حدود، وتكوني قادرة على وضع الحدود. رحلة التشافي رحلة فيها تحديات، ولازم وأنت تبني نفسك تحمي نفسك من إنك ترجعي تنهدمي، والطريقة لحماية ذاتك هي وضع الحدود، ووضع الحدود يتطلب وعي بذاتك وبحدودك، وقوة داخلية تمكنك تحطي حدود بدون تانيب ضمير ولا تردد. سويت فيديو كامل متكامل عن وضع الحدود، حأحط لكم الرابط في صندوق الوصف. الشيء الخامس: الأصالة، وهذا هو الجزء الممتع من هذا الفيديو صراحة. الأصالة شيء أساسي في الشخصية الكاريزمية، لازم تكوني أصلية. غالباً لو اتبعتي الخطوات اللي قلت لك هي دي حتكوني شخص أصيل، والخطوات هذه هي نفسها خطوات نظرية فاطمة لتقدير الذات اللي في فيديو ثاني، حأحط لكم الرابط تحت هذه القناة.

إيش معنى شخص أصيل؟ معناها شخص يعرف نفسه كويس، ومتقبل نفسه، ما بيحاول يتظاهر أو يتصنع عشان يطلع للناس بصورة مختلفة، عنده أفكاره، وقناعاته، وقيمه، ومبادئه الخاصة في الحياة، عنده استقلال فكري يمكنه من اتخاذ القرارات اللي هو يبغاها في حياته. الإنسان الأصيل هو الإنسان اللي عنده هدف ورؤية واضحة، وإدراك واضح لهدفه من الحياة، وقاعد يسعى لهذا الهدف، حتى لو كان مختلف عن أهداف الناس. وترى عشان تتمكني أو تتمكن من إنك تسوي هذا الشيء، ضروري يكون عندك قوة داخلية أو تقدير ذاتي عالي. واللي يميز الإنسان الأصيل هو الشفافية العالية سواء مع نفسه أو مع الناس، إنسان واضح، ليش واضح؟ لأنه متمكن من نفسه، ومتقبل، ويعرف هو إيش يبغى وإيش ما يبغى، ما هو إنسان ضائع أبداً، ولا هو إنسان عشوائي. طيب فاطمة، كيف أنا أكون إنسانة أصلية؟ يلا افتحي معاي صفحة جديدة في الدفتر، واكتبي معاي الخطوات: خطوة رقم واحد: اعرفي نفسك زي ما قلت لك فوق. خطوة رقم اثنين: لا تتصنعي، خليك نفسك وبس. يعني مثلاً لو عندك ستايل لبس معين تحبيه، ويناسب ديننا، البسيه. لو عندك ستايل مظهر معين تحبيه، سويه. كثير منا لابسين ملابس ما تمثلنا. عيشي حياتك بالطريقة اللي تمثلك، طبعاً ضمن الإطار الشرعي. مثلاً أنا إنسانة ذوقي كلاسيكي، أحب اللبس الكلاسيك، وأحب الأسلوب الكلاسيك، والأماكن الكلاسيك، والهوايات الكلاسيك. أنا إنسانة أخرى لا، تحب الستايل الشعبي، تحب الستايل الشرقي. إنسانة أخرى لا، مختلفة، تكون مثلاً كيوت، تحب الأنمي، تحب الشعر البينك والملابس اللي كده فيها مثلاً يعني مستوحى من الأنمي مثلاً، وبنت رابعة لا، الصراحة أنا ما اهتم كثير للمظهر، وأحب لبسي يكون يومياً نفس اللون ونفس الطريقة. كل واحدة واختياراتها، كل شخص واختياراته. ولما تلبسي اللبس اللي يمثلك، حتعرفي تكوني الشخص اللي أنت تبغيه، وحترجعي تجذبي لنفسك الناس اللي يشبهوك. والشيء الحلو لما تلبسي وتبداي تلبسي الملابس اللي تمثلك هي إنك بتبداي تدي صورة صحيحة عن نفسك. مثلاً أنا أحب الأنمي، وقاعدة ألبس لبس عن الأنمي، وشعري لونه بينك، ومرة مهتمة في هذه الأشياء، فهعطي انطباع صحيح عن نفسي إني أنا فعلاً إنسانة تحب هذا الشيء، غير لما أكون أحب الأنمي، وألبس لبس كلاسيكي، وبعدين الناس تنصدم لما تعرف إني أنا أحب الأنمي، ويطلع إنه مو لايق علي. أحب الأنمي مو بس المظهر، حتى أسلوب الكلام، يعني لو أنت أسلوبك، طبيعة كلامك أنثوي ودلوع، لا تتغيري عشان أحد. ولو أسلوبك مو أنثوي مرة، لا تتصنعي ولا تسوي نفسك إنك دلوعة وأنثوية. لو كلامك كثير، لا تتصنعي وتسكتي وتمثلي نفسك أنا الإنسانة الغامضة والصامتة. ولو أنت إنسانة تميلين للصمت، لا تقعدي طول الوقت تثرثري فقط من باب الثرثرة، خليك إنسانة عندك مقصد، يعني كل شيء تسويه له هدف أنت مقتنعة فيه.

طيب، الشيء الثاني: المواضيع والحوارات. كثير شفت في الكومنتس "فاطمة، أنا إنسانة مو مقتنعة بالناس اللي حولي، كل كلامهم غيبة نميمة، وما يتكلموا في مواضيع عميقة، كيف أعرف أتكلم معاهم؟" غلط، أنت مو شرط تغيري نفسك عشان تعرفي تكوني مع الناس، أنت اكتشفي نفسك، واكتشفي المواضيع اللي أنت تحبيها، ولو اقتنعتي بها، غيري مجموعة البنات اللي تجلسي معاهم. مثال: لو أنت إنسانة دافورة، وتحبي الدراسة والعلوم، وجلستي في شلة كل كلامهم سطحي، وهذه شكلها ما أدري كيف، وهذه المشهورة ركبت ما أعرف إيش، وكل كلامهم سطحي، لا تتظاهري بأنك مهتمة للموضوع، وإنك وأنت في قلبك مو مهتمة، خصوصاً لو كان مثلاً ضد مبادئك وضد قيمك. حاجة كمان: ردات الفعل. طيب، ردات الفعل أكثر شيء يبين إذا أنت أصلية ولا مزيفة، ولا متصنعة، أو حتى متكلفة. أغلب الناس الكاريزما اللي عندهم كاريزما عالية ما يشغلوا نفسهم بردات فعلهم، يعني أحياناً إحنا نحس إننا نبغى نبتسم غصبًا عنا، أو نبغى نضحك على حاجة أحد قالها من باب المجاملة، ولكن هي حاجة ما تضحك، أو نبغى نعمل ردة متكلفة بس عشان اللي قدامنا ما يحس بعدم راحة، أو مثلاً ما يحس برفض. وأحياناً نلاقي نفسنا نجاري اللي قدامنا من غير ما نحس حتى، لو كان الحوار أو الموضوع عكس مبادئنا ورغباتنا وقيمنا، ولكن ردة الفعل هذه واضحة أنها طالعة بكلفة وتصنع، وترى الشخص اللي قدامك واضح قدام وضوح الشمس إنه ردة فعلك مو طالعة من قلبك. فاللي أبغاك تسويه هو تكون حتى ردات فعلك حقيقية ومقصودة. إذا أحد قال شيء ما يضحك، ما في داعي تضحكي، ممكن تبتسمي باختصار. deep down especially offensive you l little part of yourself you abandon yourself in that moment you are under no obligation to be theal lubricant to valid somebody hasad hum in eyes especially backed ‏hum sock own happ think. إذا أحد قال شيء ضد مبادئك، لا تجاريه، وقفلي الموضوع أو اسكتي ولا تتفاعلي. مثلاً الناس حوالين بداوا يغتابوا، بداوا يغتابوا الناس، وأنت ما يعجبك هذا الكلام، لا تجاريهم، لا تسمعي لهم، لا تضحكي على كلامهم، اسكتي، وغيري وضعيتك، أو سوي نفسك مثلاً بتروحي الحمام وترجعي، أو أظهري مثلاً إنك متململة كده من لغة جسدك، متفهة، العبي بشعرك، غيري جلستك كده، أعطيهم جنب، سوي نفسك ملهية بجوالك، بكل عدم اهتمام، وهم عشان يلفتوا انتباهك مرة ثانية، لازم يغيروا الموضوع، وإذا ما غيروه غيريه. حاجة كمان هو إنه أحياناً نستحي ونبتسم بكثرة، وتكون الابتسامة طول الوقت في وجهك، وهذا شيء جميل، ولكن لو كان بشكل مبالغ فيه، حيطلع إنسانة مو واثقة في نفسها. التبسم في وجه أخيك صدقة، ولكن تكفي ابتسامة واحدة جميلة من قلبك، وبعدها خلاص تعاملي بشكل عادي، ترى مرة مرة يبان لما تكوني مبتسمة بتكلف طول الوقت، وتحاولي تضحكي على كل نكتة، وتحسي اللي حولك إنه ترى أنا مهتمة، وأنت في الحقيقة ما أنت مهتمة أصلاً. هو شيء متعب جداً، يعني جداً متعب، حترجعي البيت طاقتك صفر، وتحسي إنك مو على طبيعتك مع الناس. فحتى الضحك اللي بزيادة وطول الوقت يقلل كاريزمتك، يعني ما لا تضحكي على كل حاجة إلا لما فعلاً من جد يعني يتقال شيء [موسيقى] يضحكك. البنت حرفياً ما أبدت أي ردة فعل، لا مثلاً زعقت من السعادة ولا انبسطت، وهذه طبيعتها، ماني قاعدة أقول لك صيري زي هذه البنت، لا، هذه هي طبيعتها، بس مرة غريب تشوفي إنسان ما يتفاعل زي كده، تحسيه جذاب جداً، لأنه هو اختار إنه أنا مرتاحة، وأنا ماني قاعدة أتفاعل بشكل مبالغ فيه. يعني إذا أنا Okay قلت لي شيء ما هو جديد علي، قلت لي إنه أنا إيش اللي يخليكِ واثقة من نفسك، جاوبت، فاهمين؟ من غير ردة فعلي اللي "الله شكراً، مرة الله يسعدك، والله أحرجتني". في بعض الناس ما يكونوا يبغوا يقولوا دي الأشياء، بس يقولوها، يحسوا بضغط من المجتمع، يحس إنه لازم أقول كده عشان أطلع إنسان كيوت، والناس تحبني، بس لو ما كنت كده عادي، عادي جداً، خليك مرتاحة.

حاجة كمان: انتبهي لنبرة صوتك لما تيجي تتكلمي مع الناس، نبرة صوتك تصير حادة أو عالية، وهذول الناس في العادة بينهم وبين نفسهم تكون نبرتهم منخفضة، لكن يضطروا يرفعوها عشان يكونوا مسموعين. الشخص الأصيل طيب ما يرفع صوته، وما يغير شخصيته. ولو تبغيهم يسمعوك، لازم هم يوطّوا صوتك، وتسرّعي، لإن المخ أصلاً بيكنسل الصوت الحاد المسارع، وخصوصاً لو كان طول الوقت. وبالنسبة للي يتكلموا بصوت منخفض طول الوقت، حتى هذه تتأخذ كقلة في ثقة بالنفس، وكان هدام في الشخصية. اتكلمي بصوت مسموع، لا هو عالي وحاد، ولا هو منخفض طول الوقت، فخليكِ يعني على طبيعتك، نبرة صوتك على طبيعتك. يعني مثلاً أنا الحين قاعدة أتكلم بطبيعتي، بس أحياناً ألاحظ إني أنا مع الناس صوتي فجأة يصير حاد بزيادة، وبعدين أحاول أرجع نفسي لليفل اللي أنا قاعدة أتكلم فيه حالياً. غير كده نبرة الصوت، حتى نغمة صوتك، خليها حسب شخصيتك. لاحظتوا أنا كيف قلت غير كده؟ طبعاً هذه مو شخصيتي، بس هذا مجرد مثال. بعض البنات بدل ما تقول "أهلًا"، تقول "يا مرحباً"، أو مثلاً "أهلًا كيف حالك؟" فاهمين كده؟ في نغمة مميزة للشخصية هذه، هذه لو كانت شخصيتك الأصلية، ما في داعي إنك أنت تغيريها أو تكبحيها أو تقمعها، يعني impress yourself. يعني شوفي الأشياء اللي أنت تسويها، وتميزي فيها، وسويها بكل أريحية. بالنسبه لسرعة الكلام، نفس الشيء، في ناس، وبالذات الناس اللي تربت في بيت ما حد يسمعها فيه، بتحاول إنها تتكلم بشكل سريع عشان تلحق تقول كل شيء، والناس يلحقوا يسمعوها قبل ما يقطعوها أو يتجاهلوها، وهذا شيء جداً مؤسف، ولكن كل ما تتكلمي أسرع، كل ما الناس تتجاهلك بشكل أكبر، وكل ما تتكلمي بسرعة متزنة، لا سريعة ولا بطيئة، كل ما كان صوتك ملاحظ، وخصوصاً لو ما كان بشكل مستمر. لاحظي، قلت لما تتكلمي كثير بشكل مبالغ فيه وطول الوقت، صوتك فاهمين؟ شوفوا الفرق. لاحظي، قلت لما تتكلمي كثير بشكل مبالغ فيه وطول الوقت، شوفوا الفرق بين الطريقة الأولى والطريقة الثانية. الطريقة الأولى تِكنسلت أوتوماتيكياً، الطريقة الثانية لا، المخ استوعبها. فالكلام بشكل سريع صوتك يعتبر متكنسل، وحضورك برضه بيتكنسل، فحاولي تتحين لحظة الكلام، واتكلمي لما فعلاً يكون عندك شيء تقوليه، مو على أي شيء تتكلمي. مثلاً في ناس اللي ما يلاحظوا شيء حلو حوالينهم، يقولوا: "الله شوفي هذا الشيء مرة حلو"، بس لو قلتي: "واو، الشجرة هذه حلوة، البيت هذا مرة حلو، السيارة هذه مرة حلوة"، وقعدت طول الوقت في كلام كده فاضي بيتقال، أنت في الحقيقة مع نفسك تقولي هذه الأشياء في عقلك، ما بتقوليها بصوت عالي، فأنت بتستمتعي فيها بصمت، بس مع الناس بتقوليها بصوت عالي، فهذا بيسبب زي كده إزعاج في الخلفية ما يترد عليه، فاهمة؟ ذاك كلام ما يترد عليه، فما في داعي تقعدي تعيدي وتزيدي في بعض الأشياء بشكل متكرر، خصوصاً لو ما كان لها رد مناسب. يعني اللي قدامك في البداية حيقول: "أمم، فعلاً، من جد مرة حلو"، المرات اللي بعدها حيبدا يسلك، وخلاص حيطفش منك. فاللي بقول لك هو خلي كلامك مقصود. في ناس ما ترتاح في لحظات الصمت، وتحاول تعبيها بأي كلام، لكن الشخص اللي عنده كاريزما، عادي عنده الصمت جداً مرتاح، يقدر يكون صامت وهو جداً مرتاح. طيب، بس فاطمة أنت قلتي خليكِ أصلية، دحين تقولي خلي كلامك مقصود، طيب أنا إنسانة ثرثارة؟ الثرثرة صفة سلبية ولازم نسيطر عليها، وحنتكلم عنها في فيديو منفصل بإذن الله، وكلمنا تكلمنا عن الغموض الأنثوي في القناة، اللينك حأحطه في صندوق الوصف تحت الفيديو.

طيب، حاجة كمان وهي يعني جداً مهمة وهي لغة الجسد. بعض الأحيان تحسي نفسك عند الناس جسمك مشدود، قاعدة بوضعيه معينة، وما أنت على طبيعتك، ظهرك مشدود، رقبتك واقفة، ما أنت مرتاحة، ولمن يروحوا تبداي تقعدي بارتياح. الإنسان اللي عنده كاريزما عالية يكون مرتاح، ولغة جسمه بتوضح إنه مو مهتم هو قاعد مع مين، هو مرتاح في جلسته. يعني لو كنت مثلاً تحبي تقعدي على الكنبة، وتتكيف، ناس تشدي جسمك، وتقعدي طول الوقت شادة، خفي شوية، واقعدي جلستك الطبيعية اللي مريحة لك. مثال: شوفوا هذه البنت وهي في البداية قاعدة بشكل واضح إنها ما هي مرتاحة في الجلسة، مقدمة كده على قدام، وباين إنها كده ما هي واثقة، أو شوية يعني شاكّة في نفسها، تحسوها كده ما هي مرتاحة، متوترة، قلقانة، أصلاً حتى الجلوس معاها تحسي يوتر، ما تحسي إنها يعني كده، فاهمين؟ أما دحين شوفوا الفرق، هي قاعدة مرتاحة، عادي بتتكلم باريحية، فجأة اتكت، هي مرتاحة في الجلسة، وهذا يعطيها انطباع إنها إنسانة جذابة. حاجة كمان وهي الحركات البسيطة اللي تبين إنك عندك كاريزما عالية، إنك أنت مهمة، مو الشخص اللي قدامك ولا الموقف اللي أنت فيه، وإنك منسجمة ومرتاحه في شخصيتك، حتى مع الناس اللي حولك. يعني مثلاً في وسط الكلام تكوني بتاخذي وقتك في التفكير، مو ناسية مواعيدك مثلاً، ومنسجمة مع اللي قدامك، عندك استيعاب بالوقت، عندك استيعاب باللي حولك، كل شوية بتشيكي على شكلك أو وجهك أو جسمك، مثال: تكوني بتكلمي واحدة في كافيه، بس أنت مو مركز معاها هي بس، أنت عايشة اللحظة بالكامل، بتتفرجي على الرايح والجاي، عندك إدراك بالوقت، أحياناً تلعبي بشعرك، أو تلعبي بحاجة في لبسك، وتنسي اللي قدامك، وتحاولي تضبطي لبسك وأنت تشوفي فيه، حتى لو اللي قدامك كان بيتكلم، بس أنت مرتاحة، فاهمة علي؟ وفجأة ممكن في وسط الكلام تلفتي النظر لحاجة حواليكم، مثلاً: "أوه، هذا المكان مرة نفسي أروحه، أوه، عجبني ديكور هذا المكان". أتمنى إني أكون يعني مفهومة. الناس اللي لما تكون مع الناس وتكون ناسية كل الأشياء إلا الشخص اللي قدامها، هي الناس اللي تخاف اللي قدامها يزعل أو يحس بعدم ارتياح، وعشان كده يكونوا منتبهين مرة معاهم، ومشدودين، وبيحاولوا يتفاعلوا مع كل حرف يقولوه، وما هم أصلاً سامعين لنفسهم ولا للي حولهم، وما هم حتى مدركين للوقت، وممكن عندهم مواعيد ثانية، بس مع الجلسة والانسجام ينسوها، فعشان كده تلاقي هذه الناس ترجع البيت مرهقة، كل خلية في مخها مصدعة.

نقطة أخرى وهي: شوفي في عين اللي يكلمك. أعرف إنها نقطة صعبة لبعض الناس، بفادي النظر لعيون الشخص اللي قدامك يترجمها بشكل لا واعي ضعف أو قلة ثقة بالنفس. هاي كيفكم اسمعوا دائماً بسمع نفس هذا الشيء، وخصوصاً على الماسكات. أوكي لما أنت بدك تشتري ماسك، ممكن تشتريه بشكل أو شكلين. بداية إحنا الماسك ببيعه بـ... شيكل. اللي بدي أحكي لكم إياه إنه أنا ما بتبع سياسة السعر، لكن مرات هو فعلاً الغالية بتكون جودته أحسن وبكثير. لما أنت تشتري ماسك بالكثير شكلين، تعالي نحكي بخرب لك وجهك، بيطلع لك حبوب. وأنا بعمل ايديتينج لقيت هذا الفيديو، قلت لازم أحط لكم إياه، هو على مثال للراحة، للبنت المرتاحة وهي بتتكلم، ما شاء الله.

الله تبارك الله، البنت تقريبا عمرها ١٢، ١٣ سنة، وبتتكلم، وأنها بنت يعني عندها تقدير ذاتي عالي، عندها ثقة بنفسها عالية، تحب نفسها بشكل كبير، مرتاحة في شخصيتها الطبيعية. ركزوا لي على لغة جسدها، هي مرة مرتاحة لدرجة أنها ما ما هي قاعدة متوترة قدام الكاميرا، أو بتبتسم بشكل مبالغ فيه، أو أنَّها كده عندها حركات غريبة. لا، مثلا قاعدة تطالع، شوفوا حركات عيونها بالذات، ارجعوا للفيديو شوفوا حركات عيونها كيف كده تكلم، ما أدري كيف، حركات كف كف. الشيء الثاني، ما شاء الله، شوفوا حركة، يعني حركات يدها، البنت فيها ما شاء الله كاريزما أكبر من عمرها، ما شاء الله تبارك الله، يعني نادر تشوفي بنت واثقة في نفسها في هذا العمر، وهذا الشيء اللي أنا قصدي عليه.

بالنسبة للمشي، الشخص الكاريزما لما يدخل مكان يكون رأسه مرفوع، ويسوي سكان لكل المكان قبل ما يدخل، حتى لو كنت داخلة قاعة محاضرة، أو الفصل المدرسي، أو قاعة مؤتمرات. ليانة بالناس، أول ما دخلتي كلهم شافوك، شوفي في عيونهم كلهم، وامشي بهدوء، دوري مكانك بهدوء بدون توتر، وامشي بثقة وابتسامة بسيطة، وحتى لو اضطريت إنك تعدي أمام الجمهور كامل عشان كامل عشان توصلي لمحلك، برضه امشي بهدوء وبابتسامة وبثقة، وأنت بتشوفي فيهم، مو وأنت بتحاولي توخر عيونك عنهم.

حاجة كمان مهمة، وهي لمَّ شخص يوقف يتكلم معاك، لو عندك مشوار ضروري، استمري في المشي، وروحي الوجهة اللي تبغيها. يعني مثلا أحيانا تقابلي واحدة في السوق، وتلاقيها ماشية في اتجاه معين وهي بتكلمك، وأنت تلاقي نفسك مشيتي معاها. طيب، أنت فين وجهتك؟ إذا أنت ما عندك حاجة، وتبغي تمشي معاها، ما هي مشكلة، لكن إذا مثلا طريقك في الاتجاه المختلف، قولي لها: أنا طريقي من هنا، من هنا يلا نشوفك، أو بلغة جسدك، أنت قودي الطريق، واتجهي للجهة اللي تبغيها، ليش تمشي في طريق ما هو طريقك؟ طيب، لو ما لاحظتوا البنت ما وقفت، هي عندها وجهة، هي راحتها. فبعدين قام قال، قالت له: يلا إنّه امشي معاي، إنّه أنا المهمة، أنا في هذا الموقف، أنا المهم، وحتى في هذا الموقف حرفيا ما حتى لفت رأسها عليه.

طيب، خلونا دحين نراجع مع بعض، أول شيء شوفوا المشي، ولما نوقفها إنسان غريب ما تعرفه، يعني بكل بكل هدوء، شوفوا تأخذ وقت في التفكير، ابتسامة هادئة، لغة جسدها واثقة، مرتاحة، بتتحرك، عندها وعي بأنها واقفة في الطريق، فغيرت وضعيتها عشان تناسب، عشان ما توقف في الطريق. طيب، بتطالع حوالينها، بتتكلم من قلبها، بتقول كلام صادق، بتكون شفافة. والنقطة اللي أنا حا أجيها بعد هذه الجزئية بعد شوية، مسكت شعرها، الحين لاحظوا وشفتوا الضحكة اللي دوبها، ضحكتها كده ضحكة ما هي مصطنعة، هو ما قال شيء يضحكها، ولكنها جاملته بالضحكة، ف فاهمين؟ حتى ما بانت وكانها مبالغ فيها أو متصنعة. ركزوا دحين على نفسكم، بتتفرجوا كيف أنتم شاعرين بهدوءها، وشاعرين بانجذاب لها.

حاجة كمان تميز الشخص اللي عنده كاريزما عالية هو أن هو يسوي سكان لكل اللي في الغرفة، ويقيم الوضع العام. أوكي، صاحبتي متغيرة اليوم، شكلها زعلانة، المدرسة شكلها مريضة اليوم، زميلتي في العمل شكلها متشيكة اليوم، أخت زوجي شكلها متوترة اليوم. هي بتكون بتسجل الوضع العام عشان تعرف تتصرف حسب الوضع، عندها ذكاء وتعاطف، وهذا اسمه ذكاء عاطفي، وتكلمت عنه بالتفصيل في فيديو اسمه الذكاء العاطفي. فدائما خليك متصلة بنفسك وباللي حولك، ودائما اعملي سكان للبيئة اللي أنت داخلتها، أو اللي أنت فيها. شيء كمان، الشخص الكاريزمي زي ما قلنا أول، شخص شفاف، يعني زي ما قلت بعيد عن التصنع، يعني هو شخص ما يخاف يظهر مشاعره قدام الناس، ما عنده كبرياء عالي أو إيغو عالي، شخص متواضع، لا تتوقعي شخص يحرص يظهر كإنسان قوي وواثق طول الوقت، أبدا، حتى لو مر بلحظات شك أو حزن، هو يعرف يعبر عن مشاعره بشكل صادق وما يخاف يظهرها.

وأخيرا، الشخص الأصيل فعلا عنده مبادئ وقيم، وطريقة تفكير خاصة، ولكنه مو شرط طول الوقت يظهر لي اللي قدامه هو في أي جانب من الحياة يوقف، مو كل شيء لازم يكون لك رأي فيه، مو كل قضية لازم تختاري فيها جانب، مثلا شخص قال: أنا أحب ثقافة الكي باب، مثلا، مو شرط تقولي رأيك عنهم أو ترفضي، تقدري تسأليه: ليش تحبهم؟ أو إيش اللي تحب فيه؟ مين أكثر شخصية تحبها؟ وتجاري، خلاص، مو شرط إن كل قضية يطلع لك رأي فيها. وهذه كانت نهاية الحلقة اليوم، أتمنى تكون عجبتكم، ودمتم سالمين.